احذرو يا اللي ناوين على السفر

[alsoq]

السلام عليكم

اخواني واخواتي

اول شي يجب ان يكون السفر بالذات الى اروبا وبعض الدول العربيه للضروره القصوى
الدول الاروبية مفتوحة على مصرعيها ولكن يوجد حل واحد اذا جد قصدك تصيف ان تذهب باهلك واولادك الى مناطق ريفيه لان اغلب الارياف محافظه قليلا و المناضر التي تشمئز منها النفس لان تراها ريف ومزرعه وجبال من حولك

اما تودي اهلك للعاصمة وكل الخراب فيها وكل انواع الفواحش والاشياء المعروضه بالمحلات التي الرجل يستحي ان ينظر اليها

البعض بيقول انا ابي اتمشى انا واهلي وعيالي

سؤالي لك اخي العزيز اختي العزيزه

لو انت واهلك واولادك تمشون بالشارع او متنزه وشافوا منظر مخل بالاداب ايش موقفك هذيك اللحظه

اللهم احفظ اولاد وبنات المسلمين

[موظف ((حكومي]

من يقول ان فيه امر مخل في اوربا


انا جالس بين مدن فرانكفورت وتمشى ولاشفت شي يخل باشرف بالعكس احترام

صح يوجد عنصريه لدا شيبان الانجليز بس والله حبوبيين

[همسه]

هذي مثاليه زايده عن اللزوم ولا شنو بالضبط اخوي

واجد مكبرين الامور ترى مسلمين و يعرفون الصح و الغلط يعني اللي بيشوفونه في دول اوروبا مايشوفونه عندنا في الاماكن العامه ولا يشوفونه في التلفزيون يعني خلاص اي شي بيشوفونه الناس بياثر فيهم و بيروحون يقلدونه ليش هالدرجه مايفهمون ولا يفكرون

اللي تربى من صغره في بيئه سليمه وعلى قيم و مبادئ ما ينخاف عليه اخوي

[R 7 A L]

الحين عندنا في امريكا مع بداية الصيف بدأ التفسخ
نساء عواري في الشوارع قطع صغيرة جداً يرتدونها

هل اوروبا مثل امريكا والا اهلها محافظين ؟

!!!

[ذيب ازغوى]

انا عندي مبدء

ماسافر دوله ماتبيني


بيجيني واحد وبيقول شلون دوله ماتبيك

دوله تقول تعال فيزا قبل ماتجيها ب 10 ايام وعووار راس ليش يبااا بمووت انا لو مارحت بلاادكم

وفي مليون دوله تستقبلك بفيزا في المطار في اقل من 5 دقاااااايق

ليش اعور راسي واروح سفاره وعووار راس وطابور على الفاضي

[فرهود]

[font="comic sans ms"

اللي تربى من صغره في بيئه سليمه وعلى قيم و مبادئ ما ينخاف عليه اخوي[/font]

من قال ماينخاف عليه والله ان تربيت سنين ممكن تنتهي اذا شاف الولد او البنت او خالط شعوب متفصخه وماعندها حرام . اذا رسولنا الكريم وهو اعظم الخلق يقول في دعائه(اللهم يامقلب القلوب ثبت قلبي على دينك) .ويقول سبحانه وتعالى ( فلا يأمن مكر الله الا القوم الخاسرون).

[لولو2022]

صارت معاي أعيالي سنين وانا اتابعهم واعلمهم الحلال من الحرام
ماسحه كل القنوات ماعدا الرسوم ، حفظتهم القران ، الموسيقى حرام
وبعدين رحنا فينا لصغير يصرخ في الشارع ماما شفت شي وصخ وانا اقول غمض عينك
حسيت ايام بسيطه تهدم تعب سنين
الله يغفر لنا

[بوخالد911]

الله يحفظ عيالنا

[سعادة الوزير]

واذا وديت عيالي سيف كتارا ولا سيف سيلين ولا سيف سميسمة وشافوا الشقر الي لابسين بكيني ، شنو باقول لهم؟ ،، واذا وديتهم فيلاجيو ولا لاند مارك وشافو لبنانية لابسة شورت ، شنو باقول لهم؟

حدث العاقل بما يعقل

[مستر راشد]

اذا كل شي ماله حل عندكم

عيل صكرو على عيالكم باب البيت وجلسو معاهم

[ابن البيطار]

واذا وديت عيالي سيف كتارا ولا سيف سيلين ولا سيف سميسمة وشافوا الشقر الي لابسين بكيني ، شنو باقول لهم؟ ،، واذا وديتهم فيلاجيو ولا لاند مارك وشافو لبنانية لابسة شورت ، شنو باقول لهم؟

حدث العاقل بما يعقل

الي عندنا مهما كان مايوصل 1% من الي عندهم كافي انك تشوف في الشارع غصب عنك المفاصيخ وتبادل القبلات الساخنه والخمور والمجلات الخلاعيه .الفرق كبيررر جدا مافي اي مجال للمقارنه


اذا كل شي ماله حل عندكم

عيل صكرو على عيالكم باب البيت وجلسو معاهم

يعني يانسافر بلاد الفساد يانسكر عليهم ليش ياخوي ترى ارض الله واسعه والخيارات متوفره ولله الحمد

[مستر راشد]

يعني يانسافر بلاد الفساد يانسكر عليهم ليش ياخوي ترى ارض الله واسعه والخيارات متوفره ولله الحمد


الشخص الي يعمل كنترول على عياله لو كانو بين مليون شخص فاسد ماثرو فيهم
الي دايم خايف هذا عدم ثقه في تربيته لـ عياله

لاكن انا معاك من ناحيه ارض الله واسعه في بلدان احسن من اوروبا بوايد
وبلدان محافظه اكثر من اوروبا او بالاحرى مدن اوروبا

قال تعالى ( ولا تلقوا بأيديكم إلى التهلكة )

[jaf111]

!!

شالسالفة ؟

اللي متربي على الدين ويعرف الله سبحانة وتعالى اذا سافر الى ذيك البلدان يزيد دينة لعلمك
ويعرف انه في نعمة يمشي ويشوف ناس واجد مايعرفون لاإله الا الله

ليش مانطلع ونسافر صحيح ان البلدان الأجنبية فيها منكرات لكن الواحد يتقى الأماكن المشبوهه

[alsoq]

السلام عليكم

الحمدلله ان احنا في قطر محافظين اكثر من غيرنا لله الحمد وعمان بعد للامانه على سفراتي لدول الخليج

القصد يا جماعة ان اروبا في الصيف غير اروبا في الشتاء العراه بكل مكان والدعايات العاريه بكل مكان

وقد ترتكب ذنب بحقك وبحق اولادك البدائل موجوده والله ان قضاء ايام في مكه انها افضل من سفره الى هذي الدول

منها كسبت الاجر وعودت عيالك على الخير

اللهم حفظ اولادنا

[jaf111]

السلام عليكم

الحمدلله ان احنا في قطر محافظين اكثر من غيرنا لله الحمد وعمان بعد للامانه على سفراتي لدول الخليج

القصد يا جماعة ان اروبا في الصيف غير اروبا في الشتاء العراه بكل مكان والدعايات العاريه بكل مكان

وقد ترتكب ذنب بحقك وبحق اولادك البدائل موجوده والله ان قضاء ايام في مكه انها افضل من سفره الى هذي الدول

منها كسبت الاجر وعودت عيالك على الخير

اللهم حفظ اولادنا

جزاك الله خير
مكة ولاغيرها