حفلة خطوبة وحفلة للحنا وحفلة الهدية !!!!!

[انتر ميلان]

السلام عليكم ورحمه الله وبركاته


لفت نظري انتشار بعض الحفلات المتعلقة بالزواج مثل ( حفل للخطوبة - حفلة الحناء - حفلة تسمى الهدية وهي تكون بعد العرس بإسبوع أو اسبوعين )

ماهي آرائكم بمثل هذه الحفلات (( بصرااااااحة )) ؟

وهل هي ضرورية من وجهة نظر العروس وأهل العروس ؟

[وحيد-الشوق]

فسق ومهايط وزبو وخساير فلوس عالفاضي

والله الحريم ياحبهم حق المخاسير :telephone:

[عضوو]

تدل على جهل وعدم وعي ونقص خاصه من بعض النساء مع آحترامي لهم

اللي دائما قدواتهم ممثلات هليوود لكن ممثلات هليوود أقل سخافه بكثير منهم

[$الملياردير$]

سبحان الله كل مال الحفلات و تزيد و في دولة خليجية أخرى قريبة عشاء على المختصر و يأخذ زوجته و يسافر بدون تكليف ....وجهت نظري الاعتدال زين حفلة الزواج تكفي والخطبة لوعشاء في بيت مش مشكلة خلو العالم تستانس البلاء لو كل حفلة بقاعة هههههههههه دمت بود

[انتر ميلان]

فسق ومهايط وزبو وخساير فلوس عالفاضي

والله الحريم ياحبهم حق المخاسير :telephone:

إذا تسمح لي أخوي وحيد الشوق اسألك سؤال شخصي

نفرض لو زوجتك قالت لك: أبي مثل هذه الحفلات وحالي حال باقي البنات ...

هل ستذكر لها هذا الرد ...؟ أو بتقول تم ..؟


والقصد من السؤال معرفة إستجابة الشباب للبنات ... واسمح لي مرة ثانية

[انتر ميلان]

تدل على جهل وعدم وعي ونقص خاصه من بعض النساء مع آحترامي لهم

اللي دائما قدواتهم ممثلات هليوود لكن ممثلات هليوود أقل سخافه بكثير منهم

لا أتوقع بأن الأجانب هم قدوة بناتنا وخصوصا في مثل هذه الحفلات

لأن الأجانب يحرصون على الدولار عكس الوضع في دول الخليج !!!

[انتر ميلان]

سبحان الله كل مال الحفلات و تزيد و في دولة خليجية أخرى قريبة عشاء على المختصر و يأخذ زوجته و يسافر بدون تكليف ....وجهت نظري الاعتدال زين حفلة الزواج تكفي والخطبة لوعشاء في بيت مش مشكلة خلو العالم تستانس البلاء لو كل حفلة بقاعة هههههههههه دمت بود

اللي لاحظته بأن كل حفلة في قاعة

ويمكن السبب عدم رغبة العروس بتكرار القاعة نفسها في كل مناسبة !!!

مجرد احتمال ولا أعلم عن السبب الرئيسي .....

[لولو2022]

أول ماقريت العنوان قلت اكيد الي اسمه حمد ؟

[بصمة قطرية]

في حفلات تكون فيها الفرحة و الجمعة حلوة
مثل حفلة الحنة
و ما فيها شي لو سوو حفلة خطوبة بسيطة
و مب شرط في قاعة
كل حريم أخواني نسوي لهم حفلة خطوبة
و حفلة هدية بس في البيت الحمدلله البيت كبير و مب محتاجين
قاعة و مخاسير
الجمعة حلوة و الفرحة أحلى بس لما تكون بعقل و بدون تكليف ..

[عضوو]

لا أتوقع بأن الأجانب هم قدوة بناتنا وخصوصا في مثل هذه الحفلات

لأن الأجانب يحرصون على الدولار عكس الوضع في دول الخليج !!!

صدقت لذلك بعض بناتنا أكثر سخافه منهم

[عضوو]

اللي لاحظته بأن كل حفلة في قاعة

ويمكن السبب عدم رغبة العروس بتكرار القاعة نفسها في كل مناسبة !!!

مجرد احتمال ولا أعلم عن السبب الرئيسي .....



السبب هو فقدان التوازن الشخصي في القدره على اتخاذ القرار

والدليل انهم لايبحثون عن الأفضل بل الأغلى في كل شي

يعني لو تاخذ علب روب وتلونها وتبيع العلبه بألفين لحفلات الزواج

يمكن ماعاد تلحق من كثر الطلبات بتشوف طوابير عند المحل

بعدين بالله عليك في اكبر من قاعة المؤتمرات في الشيراتون

الحين صارت عيب الزواج فيها لأن في قاعات أغلى مع انها اصغر

طبعا هذا كله مب كلامي كلام شخص مسوي دراسه عن مشاكل

العزوف عن الزواج وذكر استنتاجات كثير عن آحوال بعض حريمنا

أسأل الله لنا ولهم الهدايه





*

[بوخالد911]

لا نقبله
وكللله مرفوووض

[Qatar Angel]

الي الله منعم عليهم اشوف الموضوع عادي حفلات تقليدية

[شميرام]

مكرر
اذا مافيه مبالغه كيفهم يسون اللي يسونه ،،،،، بعض الثقافات العرس عندهم 4ايام من حنا وعرس واحتفالات ،،،لكن مب معناه يحجزون قاعه وخساير عل كل حفله

[عضوو]

الموضوع تسبب في العزوف عن الزواج وتسبب في كثرة الطلاق

الشاب المتزوج يصل إلى أمرأته بعد دفع تكاليف مهايط كل من يحيط به وبها

الشاب المتزوج والشابه يفشلون لانهم مثقلين بديون مهايط الوالدين والأهل

تعداد سكان قطر شبه ثابت منذ سنوات وهذا مؤشر خطير

الحفلات المبتكره بعضنا اصبح يحتفل بها أكثر من أعياد المسلمين

سبب الحفلات السخيفه أولياء الأمور هم من يزرعون حب الزبو والفشخره من الصغر

كثرة الحفلات تنهك الأسر ومؤثره ومسبب للتضخم وأرتفاع الأسعار في مجالها *

[جاسم الدوحة]

أسمع كلامك يعجبني
أشوف أفعالك أتعجـب

هذا مختصر حالنــــــا

[qatara]

تخلف باسم التقدم والبذخ والاسراف للمهايط

ومصاريف وهدايا طول العمر ماصرف ربعهم على والديه
عاد وشهو المقابل الي بياخذه الزوج عقب هذا كله
وحتى ولو قلنا انجبت له اولا بعد
هو بعد الله وهبها سعاده الاولا

عسا يحصل خير وكلمه طيبه ولا لقمه طيبه ولا هدمه مغسوله ومكويه

لا اعتقد الا نادرات والذهب نادر

[شيخ الديرة]

هذي أفكار يسوقوها أصحاب القاعات

[ANONYMOUS]

الحرمه لو الود ودها سوت كل اسبوع حفله

يعني ماتنلام



اللوم يقع ع الشاب في حالة انه ماديا لايستطيع ويكلف على عمره

اما اللي عنده والله موسع عليه .. مش غلط يسوي بالمعقول على قد لحافه

اما المبذرين والمسرفين هذيلا حاله خاصه

[حسن]

أول ماقريت العنوان قلت اكيد الي اسمه حمد ؟

على فكره قلت حق حمد نفس الموضوع بالظبط بس يقول ماتم دقايق

فعلا النسوان ماعاد حد يقدر يوقف طلباتهم
واصبح الرجل امام قوي اكبر منه فيجب ان
يكون هناك دور لخطباء المساجد والاعلام وكبار الكتاب والمثقفين
ومناقشه هذه الظواهر اللي مانزل الله بها من سلطان

هل نرى دور في التوعيه وخصوصا رعايه الاسره

الله اعلم

والله يهدي النسوان

:)

[لاجل QT]

تبذير وبدع

المشكلة الحين لما تجي العروس قنوعة وتبي عرسها يكون على اصول شرعية فقط.. الاعلان والمهر لمن رافضة البدع والاسراف والتبذير

الزوج للاسف يسترخصها ومايكرمها بل يذلها ويعايرها

فاصرو بين نارين؟؟مالحل؟؟

[دانة الطواش]

قبل وأيام زمان كل هالحفلات ماتكلف قد ثمن حفلة وحدة اليوم والصراحة هالحفلات كلها تبذير وإسراف على الفاضي وصارت منافسات بين الناس من يحط ويوزع ويجيب أحسن من الثاني وحتى مكملات الحفلة من المغنية والمقهويين صاروا يتعاقدون معاهم من الدول الخليجية لا وبعد يتعاقدون مع مجموعة حريم من السعودية للترحيب بالضيوف وبمبلغ مبالغ فيه وصلنا لمرحلة البذخ والمبالغة في كل شي وغضب الله مب بعيد علينا / وانا عندي عيال وأقنعتهم ان زواجهم بإذن الله عبارة عن ملجة ويسافر ون وبعد ردتهم حفلة بسيطة للأهل وبس والله كريم .

[دااانة قطر]

الحين في شي اسمه حفلة عيدميلااد
في حفلة نجااح
في حفلة تخرج من مرحلة لمرحله واولها الروضه
في حفلة ملكة
في خطوبة
في حنه
في عر س
في هدية
في حفل استقبال بعد الولادة
في ترقيات
في طلاااق
والاغلبية فيها جمعة ورقص وتعري

وهذا كله صار بعد خروج البنت للعمل
ولا وين كنه نسمع بكل هالحفلااات
اللي عنده وربي موسع عليه عليه بالعااافيه
المشكله اللي ماعندهم ويطالعون فوق
ويقولون غيرنا مب أحسن منا


الله المستعاان
في حفلااات مالها معنى ولا لها دااعي

[حسن]

الحين في شي اسمه حفلة عيدميلااد
في حفلة نجااح
في حفلة تخرج من مرحلة لمرحله واولها الروضه
في حفلة ملكة
في خطوبة
في حنه
في عر س
في هدية
في حفل استقبال بعد الولادة
في ترقيات
في طلاااق
والاغلبية فيها جمعة ورقص وتعري

وهذا كله صار بعد خروج البنت للعمل
ولا وين كنه نسمع بكل هالحفلااات
اللي عنده وربي موسع عليه عليه بالعااافيه
المشكله اللي ماعندهم ويطالعون فوق
ويقولون غيرنا مب أحسن منا


الله المستعاان
في حفلااات مالها معنى ولا لها دااعي

زين ابي جواب صريح
من راعي هذه الافكار ولكن صريحن مع انفسنا النساء ولا الرجال؟؟؟

[الصغيره]

وازيدك من الشعر بيت

حفلة الدزه وتصويرها ونشرها وازيدك من الشعر بيت الصباحيه وعرض العروس وحفة غداء ورقص وهدية الصباحيه وتكون يا ساعه ذهب الماس سياره المهم صباحيه تمخر جيب العريس وراسه وتهد حيله

للاسف خرااااااااااااااااابيط في خرااااااااااااااااااابيط كلها من فعل ناقصات العقل لاااااااااااا وتكون للاسف امه وخواته هن من يفرض ذا زوج بالمهايط


سوالف بعض الحريم وخرابيطهن يبي لها وقفه من رجل يقول انثبرن واسمعن القول العد عقد زواج وحفل واحد والعروس كل ما كان عرسها بسيط كان العرس فيه بركه الاسبوع الفايت حضرت عرس وحده بالبيت عشاء وكوشه بسيطه وحفل بسيط كان من اجمل الاعراس اللي مرت علي الله يهنيها

يا رجال نبي وقفتكم معنا لكي ننهي هالتبذير والمفاخر والديون اللي ارهقت الشباب لا بعد مجهز الخدامه والسياره والدريول الله يعينكم ياشبابنا والله كله من تفكير النسوان المريض

شكرا لصاحب الموضوع

[الصغيره]

زين ابي جواب صريح
من راعي هذه الافكار ولكن صريحن مع انفسنا النساء ولا الرجال؟؟؟

انا واحده من النساااااااااااااااااء اقولك هذا من فعل النساااااااااااااااااااااااء للاسف والرجال مالهم موقف هنا بس ادفع تسلم هات ليه ؟ بذخ واسراف وديون وارهاق

انا ضد كل هذه المظاهر ولما ازوج ولدي او بنتي بيكون باذن الله وان شاء الله مختلف كليا وحسب ما كان بسيط اقرب وابشرك فيه عوايل ومن قبايل صاروا يتجهون للبساطه بالاعراس وتكون ببيت اهل العروس او المعرس

[الخيالة]

انا عن نفسي ماحب اسوي كل هالحفلات مع ان دوم يقولون لي عيب ولي مب شي بس ماعلي من كلام حد اهم شي انا ماحب ومب مقتنعه حفلة وحدة وكفايه

[القيادي]

اولا الرجال شذنبه ان البنت الي بيتزوجها تبي تسوي حفلة حنى وحفلة خطوبة وحفلت زفت علشااان بس تقهر بنت عمها او تكون احسن من صديقتها الي تزوجت قبل سنة وكل هذا وعلى حساب الرجال المسكين !!! ثانيا كل واحد بيخطب عند ناس وعرف ان مطالبهم وهمهم الزبو اكثر من انهم يبون الستر لبنتهم يسحب نفسه قبل لا يتملك على البنت ، وصدقني الي همهم ستر بنتهم مايفكرون بالشكليات ،

[NINA RICCI]

اللي الله منعم عليهم خل يستانسون ويسوون الحفلات اللي يبونها بحدود رضا الله , والغرض وناسه وجمعه .. لان العالم الحين ماقاموا يشوفون بعض الا فهالمناسبات .. والمعروف ان مب كل هالحفلات على الزوج .. لان حفله الخطوبه والهديه فقط عليه اما حفلة الحنه العروس تسويها من حسابها الخاص .. وين المشكله !!

[دااانة قطر]

زين ابي جواب صريح
من راعي هذه الافكار ولكن صريحن مع انفسنا النساء ولا الرجال؟؟؟


اكيد النسوة
وكله مفوشر
الله المستعاان

[فتى الجود]

السلام عليكم

لا مافي داعى

والسالفة امسخت

و ما طارت ولا قلت البركة الا من هالسوالف اللى ما انزل بها من سلطان

وورد عن االأثر عن الرسول الأكرم " صلى الله وعله وسلم "

((خَيْرُكُنَّ أَيْسَرُكُنَّ صَدَاقًا ))


والله يهدي الأمهات قبل البنات


رابط الحديث

http://darussalam-np.com/index.php?option=com_content&view=article&id=669:2009-03-17-11-55-24&catid=44:2008-10-08-02-43-39&Itemid=11

[قطريه22]

بالنسبه للحفلات الي ذكرتها فهي من العادات والتقاليد الي توارثت مع السنين

اذا كانت بالمعقول فمافيها شيء

اما الي الحين صاير كل حفله لازم في قاعه هذا الي فيه تبذير واسراف والي البعض يسوى هالشيء للتفاخر

[مشتاقة للجنة]

تـدل علـى الجهـل وضعـف الوازع الدينـي ..

وهي ليست ضروريـه أبداً ..

والله يهـدي الجميـع ..

[روح الاطلس]

الي لاحظته

الحضر عندهم هالحفلات

والبدو بس حفله وحده

[بصمة قطرية]

الي لاحظته

الحضر عندهم هالحفلات

والبدو بس حفله وحده

لا والله
أخواني ماخذين بدويات
و ماشاءالله يسوون حفلات لكل شي ..

[حمد 2002]

الي لاحظته

الحضر عندهم هالحفلات

والبدو بس حفله وحده

رأيك كله غلط في غلط مع احتارمي لك ،،

[روح الاطلس]

حمد اتكلم عن ملاحظتي لاني اعرف ناس من البدو وايد ماسمعت ولا شفت عندهم حفله هديه او حنا الا قليييييييل جدا
اكثرهم خطوبه (ملجه) وعرس
وثاني يوم العرس عشا عائلي
مافي حنه او هديه

[cavok]

يبا املچ عليها وسافر

[روح الاطلس]

لا والله
أخواني ماخذين بدويات
و ماشاءالله يسوون حفلات لكل شي ..

رايي الشخصي
انا ما أأيد الحفلات الوايد

اربع او خمس حفلات قبل وبعد العرس تووو ماتش

والحين بعد حفله فنتك وايد هابين فيها

(حفله توديع العزوبيه) ويحجزون لها قاعات بفنادق!

الاعتدال اشوفه حفلة عائليه صغيره وقت الملجة
وحفلة عائليه ملمومة للعرس
وكان الله غفورا رحيما

[أخت الكل]

حفلة الخطوبة مال امها داعي

وحفله الحنة فرحه للعروس وبالغالب تكون لصديقات وأقارب العروس وجيران العروس فتكون عائلية بحته

من كم شهر قريبتي تزوجت وكان زواج عائلي ذبيحتين للرجال وبوفيه صغير للنساء والمدعوات كانوا الخالات والعمات وكم جارة والحفله في البيت نفسه وكانت احلا زواجة مرت علي

علما بأن العريس مقتدر ماليا جدا لكن برغبه منه ومنها تم الاحتفال بالصورة هذي

[ام ناصر1]

الوضع عادي ..حفلة الملجة والخطوبة والحنة والهدية من صميم احتفالات الزواج عندنا ...بس المشكلة في تبذير البعض ..
وتكليف انفسهم فوق طاقتها ....وكل واحد ايسوي الي الله مقدره عليه

[وحيد-الشوق]

إذا تسمح لي أخوي وحيد الشوق اسألك سؤال شخصي

نفرض لو زوجتك قالت لك: أبي مثل هذه الحفلات وحالي حال باقي البنات ...

هل ستذكر لها هذا الرد ...؟ أو بتقول تم ..؟


والقصد من السؤال معرفة إستجابة الشباب للبنات ... واسمح لي مرة ثانية

ياخوي الملجه حفله عائلية والعرس تعزم فيه صديقاتها ومعارفها واذا مب عاجبها مشكلتها حد قالهم الرجال بنك متحرك :rolleyes2:

الزواج مب يوم ولا اسبوع الزواج مستقبل وحياة طويلة بمشيئة الله ليش هالفسق الي ماله داعي من البداية :anger1:

[طير حوران]

لعنة الله على من ابتدعها وادخالها لمجتمعنا كعادة

تعريف الزواج قال تعالى (( وخلق لكم من أنفسكم ازواجا لكي تسكنوا اليها ))

أين السكون مع كل تلك الخسائر والصخب التي ماانزل الله بها من سلطان

الا تكفي الخسائرالمبالغ فيها من مهر خيالي وغيره من التكاليف الكافره التي ليست من الدين في شيء


نعيش عصر ضعف الرجوله وسطوة النساء

[sweet qatar]

لعنة الله على من ابتدعها وادخالها لمجتمعنا كعادة



!!!!!!!!!!

استغفر الله العظيم.. انت تلعن منوووووو؟؟؟

الملجة و الحنة و الهدية هذي عاداتنا ما خذناها من أحد



انتر ميلان

المواضيع هذي ما تنفع معاها مناقشة وبحث اسباب وحلول

يبيلها تطبيق

[ريم الشمال]

حفلة الملجه مختصه بأهل العروس وهي بعد الملجه مباشره يقوم أهل العروس بذبح واعداد وليمه للترحيب بالمعرس وأهله وهذي اعتقد ليس من جيب المعرس ولا تكلف إلا شيء بسيط وهي ضرورية للطرفين لأظهار مدى التقدير .
حفلة الخطوبه تتم من قبل المعرس للعروس ويإتي لها بطقم ذهب الماس حسب طاقته ويمكن يشترط إعدادها في بيت العروس وتكون عائلية .
حفلة الحنه البعض وهم الاغلب تكون على العروس وتتم في البيت وتكون عائلية وبسيطة بس للآسف الفسق يغلب على البعض فظهر الغلو فيها وأما هي في الحقيقه بسيطه جداً
حفلة الهدية هي للعروس من أهل الزوج ويظهرون فيه مدى التقدير والترحيب للعروس وايضا بسيطة بس الناس بالغوا فيها .
هذا عاداتنا ياشباب انتم يارجال لا تدخلون في سنع الحريم صحيح تدفعون بس انتم المتحكمين خلوها بسيطة وحطوا كنترول على حريمكم بس لا تنتقدون عادات فيها تظهر الاسر المتقاربه المتزواجه التقدير والاحترام حق بعض ...

ريم الشمال

[طير حوران]

!!!!!!!!!!

استغفر الله العظيم.. انت تلعن منوووووو؟؟؟

الملجة و الحنة و الهدية هذي عاداتنا ما خذناها من أحد



انتر ميلان

المواضيع هذي ما تنفع معاها مناقشة وبحث اسباب وحلول

يبيلها تطبيق

لايااختي العزيزه أظن ماتتحدثين عنه لسنا بغرباء عنه كلنا أهل قطر ونعرفه جيدا وجميعنا تزوجنا وزوجنا ابناؤنا ولم يكن هذا موجودا قبل البطره وتراجع الرجوله وتسلط النساء

صحيح موجود بعضها ولكن لم يساء استغلالها بهذه الصوره الفجه

ولو سمحتي اعطينا مثال قصة زواج امك من ابوك من اول ماخطب لغاية ماتزوجوا ومابعد الدخله

[sweet qatar]

صحيح موجود بعضها ولكن لم يساء استغلالها بهذه الصوره الفجه

قلتها بنفسك أخوي بعضها موجود من قبل

فليش اللعن

"ليس المؤمن بالطعان، ولا اللعان، ولا الفاحش، ولا البذيء"




ريم الشمال

أوافقج الرأي :victory:

[مسك روز]

كل مازاد الاسراف قلة البركه في الحياة الزوجيه

وزيادة نسبة الطلاق تأكد هالشي

المشكله ان في ناس على قد حالهم ويبالغون في الحفلات، انزين مدوا ريولكم على قد الحافكم

ليش تعيشون نفسكم في دوامة الديون !!

[الحريّه]

لم تكن للخطوبة حفلات , بل كانت تتم بداية عن طريق النساء لأخذ الموافقة الضمنية , ثم يذهب الرجال لطلب يد الفتاة من وليّها. و يومها يقوم والد الفتاة بطهي العشاء للخطّاب .
ثم تكون " الملجة " و هي عقد القِران , و عادة تكون قبل الزفاف بليلة واحدة فقط . و لا يكون معها أي احتفال , بل يذهب الرجال إلى شخص مفوّض ومعتمد من الدولة لعقد قران العروسين .
و قبل ليلة الزفاف بليلة أو ليلتين , تتحنى العروس مع أخواتها ووالدتها , في بيتها و سترها .
أما الإحتفال الحقيقي فيكون في ليلة الزفاف , كلٌّ على طريقته.
و بعد اسبوع من المكوث في بيت أهلها , تؤخذ العروس إلى بيت زوجها في احتفالٍ هو الهدّية.
أما ما تَشْكون منه حالياً فهو مما ابتدعته النساء هذه الأيام.
و أعود للقول , لو أخذ الرجال دورهم الذي فطرهم الله عليه من قوامة و ولاية , لأخذ كلٌّ حجمه الطبيعي , و لما أصبحت المرأة هي الآمر الناهي , و لا رادَّ لما أرادت !!!!
إنما هي علامات الساعة !!! قد أتت أشراطها !:discuss:

[طير حوران]

قلتها بنفسك أخوي بعضها موجود من قبل

فليش اللعن

"ليس المؤمن بالطعان، ولا اللعان، ولا الفاحش، ولا البذيء"




ريم الشمال

أوافقج الرأي :victory:

اختي العزيزه

بعضها الموجود ليس كما ترينه او تتصورينه وليس بأكثر من فرحه باءستقال قادم جديد على العائله وليس فيه أي مظاهر خارجيه او أعمال بذخيه او تنم عن أكثر من اظهار البشاشه في وجهه واستقباله بالكلام الطيب واللباقه اللأزمه وليس بالتعبير المادي الفاسق المتداول اليوم من تقديم هدايا وافتعال الحفلات وكأن الزواج وافراحه التي تجاوزت الحدود لم تكن كافيه

مايحدث اليوم هو تجاوز لكل الاعراف التقليديه في مجتمعنا واصبحت من محموده الى مكروهه بسبب مايحدث فيها وبسببها من تكاليف ماانزل الله بها من سلطان سوى تعبير عن سطوة الفكر النسائي الغير محمود


اما اللعن فعلى مستحقيه محمود وليس محرما دائما وخاصة اذا وجد من يستحقه بجداره

[مسمس12]

حنا مانسوي حفلة حناء ولا هدية واهل الزوج براحتهم اذا بيسون حفلة عائلية بسيطة للخطوبة شي راجع لهم

[bos3eed]

تبذير وبدع

المشكلة الحين لما تجي العروس قنوعة وتبي عرسها يكون على اصول شرعية فقط.. الاعلان والمهر لمن رافضة البدع والاسراف والتبذير

الزوج للاسف يسترخصها ومايكرمها بل يذلها ويعايرها

فاصرو بين نارين؟؟مالحل؟؟

على حسب الشخص, اللي من ها النوعيه بيذل وبيعاير سواء دفع مليون ولا دفع نص ريال.

يا اخوان ابعدوا عن اللي يتطلبون واختاروا بنات الحلال اللي اهلهم مايدورون الا الرجال الدين المحترم , ترى الخير وايد والصبر مفتاح الفرج

[بو خليفه 123]

السلام عليكم ورحمه الله وبركاته


لفت نظري انتشار بعض الحفلات المتعلقة بالزواج مثل ( حفل للخطوبة - حفلة الحناء - حفلة تسمى الهدية وهي تكون بعد العرس بإسبوع أو اسبوعين )

ماهي آرائكم بمثل هذه الحفلات (( بصرااااااحة )) ؟

وهل هي ضرورية من وجهة نظر العروس وأهل العروس ؟



ياخوي لا تشره على المره دام الرجال مرخي جيبه و قال ان شاء الله سمعٍ و طاعه على كل طلب .

قمت اشك في واقعية استراتيجية "فلسي زوجك على الحديده و اكسري ظهره عشان ماياخذ وحده على راسك"

[ام السعف]

للحين ما سمعت شي يا اخوي ،،

الواحد كثر ما يقدر يحارب هالسوالف يلقى الناس يحربونه بكل قوة

[نوفة قطر]

بصراحه انت ماذكرت ولا حفله غريبه ولا مستحدثه توها !

انت قلت ( حفل للخطوبة - حفلة الحناء - حفلة تسمى الهدية وهي تكون بعد العرس بإسبوع أو اسبوعين )


حفلة الخطوبه عادي هاي شيء طبيعي عقب الملجه يكون في حفله لان العرس مايكون بعد الملجه ع طول

وحفلة الحناء هاي من ايام اجدادنا يسوون حفله قبل العرس يحنون فيها العروس ويحتفلون اهلها فيها

وحفلة الهديه هي بالاساس عقب العرس عزيمه تصير للأهل يتجمعون ويقعدون مع العروس .. وفي ناس يسوونها ليلة الصباحيه ع طول وناس يسوونها عقب شهر العسل

العيب والغلط مب فالحفلات لان هاي شيء عادي .. الشرهه على اللي يلعبون بالخير ويسوون كل هالحفلات في فنادق ويدفعون مبالغ خياليه " الا لو كان عندهم ملايين فعادي "

كل شيء لو صار بإعتدال بيكون واقعي .. اقدر اسوي 3000 حفله بمناسبة زواج بس فالبيت وجمعة اهل واخلي العرس بس في فندق وبيكون كل شيء معقول

وبالنسبه حق اخونا اللي يقول ان في دوله خليجيه عشا وبس ... يتراوالي الشاب القطري لو راح خذ من هالدوله الخليجيه بيسوي حق بنتهم كل شيء .. عرس وصباحيه وهديه وحتى بيسوي لها حفلة وداع العزوبيه :nice: بس لين جا هالشيء حق بنت البلد قلت بلللللللللل وااااااااااااايد

[قطري !]

باي باي للاسراف في الامارات


الرجال حفلتهم من الساعه 4 العصر الى صلاة المغرب وبس



الحريم من المغرب الى العشاء وترجع بيتها وبيت زوجها





بصراحه نبي قرارات تبرد القلب من حكومتنا الرشيده




الناس هذي ترفس النعمه برجولها , ان لم تحمدوا الله عليها سوف تزول




نبي صالات مدعومه للشباب ....... نبي تخفيض المهور


بصراحه فيه قلة وعي وهمجيه من بعض الناس اللي قاعد يبذر ويسرف ولا همه النعمه ....


90 % من الرجال اللي مخلين الحريم ناقصات العقل والدين يلعبون لعبتهم , تسلطوا حريم هالزمن وافسدوا الجيل الحالي .... جيل البلاده والعبط

[قطري !]

بصراحه انت ماذكرت ولا حفله غريبه ولا مستحدثه توها !

انت قلت ( حفل للخطوبة - حفلة الحناء - حفلة تسمى الهدية وهي تكون بعد العرس بإسبوع أو اسبوعين )


حفلة الخطوبه عادي هاي شيء طبيعي عقب الملجه يكون في حفله لان العرس مايكون بعد الملجه ع طول

وحفلة الحناء هاي من ايام اجدادنا يسوون حفله قبل العرس يحنون فيها العروس ويحتفلون اهلها فيها

وحفلة الهديه هي بالاساس عقب العرس عزيمه تصير للأهل يتجمعون ويقعدون مع العروس .. وفي ناس يسوونها ليلة الصباحيه ع طول وناس يسوونها عقب شهر العسل

العيب والغلط مب فالحفلات لان هاي شيء عادي .. الشرهه على اللي يلعبون بالخير ويسوون كل هالحفلات في فنادق ويدفعون مبالغ خياليه " الا لو كان عندهم ملايين فعادي "

كل شيء لو صار بإعتدال بيكون واقعي .. اقدر اسوي 3000 حفله بمناسبة زواج بس فالبيت وجمعة اهل واخلي العرس بس في فندق وبيكون كل شيء معقول

وبالنسبه حق اخونا اللي يقول ان في دوله خليجيه عشا وبس ... يتراوالي الشاب القطري لو راح خذ من هالدوله الخليجيه بيسوي حق بنتهم كل شيء .. عرس وصباحيه وهديه وحتى بيسوي لها حفلة وداع العزوبيه :nice: بس لين جا هالشيء حق بنت البلد قلت بلللللللللل وااااااااااااايد




سلامة عمرك .... اجدادنا ماعندهم خرابيطكم الحين




اللي نعرفه بعد مايتملك مافيه ولا حفله الا حفلة العرس ... وعرس بسيط ومبارك ....

[أم نواري1]

أستغرب من بعض الردود

اشفيها لو الوحدة سوت حفلة خطوبة وحناء وعقب هدية من أهل المعرس.؟!

ترى كل شي بالعقل ممكن

اللي يبي الخساير بسويها بليلة وحدة بس
والعقال بيسوي 10 حفلات ولا بيهز ميزانيته شي

الوحدة اللهم بتعرس مرّة وحدة ليش ماتفرح وتعزم أهلها وصديقاتها
وكل دولة ولها عاداتها وتقاليدها

وبعدين وايد بنات يسوون جزء من الخطوبة عليهم
والحناء على أهل العروس

فـ وين الخساير على الشاب .؟!

[دااانة قطر]

باي باي للاسراف في الامارات
الرجال حفلتهم من الساعه 4 العصر الى صلاة المغرب وبس
الحريم من المغرب الى العشاء وترجع بيتها وبيت زوجها

بصراحه نبي قرارات تبرد القلب من حكومتنا الرشيده
الناس هذي ترفس النعمه برجولها , ان لم تحمدوا الله عليها سوف تزول
نبي صالات مدعومه للشباب ....... نبي تخفيض المهور
بصراحه فيه قلة وعي وهمجيه من بعض الناس اللي قاعد يبذر ويسرف ولا همه النعمه ....
90 % من الرجال اللي مخلين الحريم ناقصات العقل والدين يلعبون لعبتهم , تسلطوا حريم هالزمن وافسدوا الجيل الحالي .... جيل البلاده والعبط



ان شاااء الله يتطبق عندنا

[قطري !]

أستغرب من بعض الردود

اشفيها لو الوحدة سوت حفلة خطوبة وحناء وعقب هدية من أهل المعرس.؟!

ترى كل شي بالعقل ممكن

اللي يبي الخساير بسويها بليلة وحدة بس
والعقال بيسوي 10 حفلات ولا بيهز ميزانيته شي

الوحدة اللهم بتعرس مرّة وحدة ليش ماتفرح وتعزم أهلها وصديقاتها
وكل دولة ولها عاداتها وتقاليدها

وبعدين وايد بنات يسوون جزء من الخطوبة عليهم
والحناء على أهل العروس

فـ وين الخساير على الشاب .؟!




والله لا عاد فيه فااااااااايده من الاعراس



لو يرتاحون ويفكونا من مشاكلهم احسن




لا الزوجه فيها خير ولا الزوج فيه خير





((ك غثاء السيل))

[أم نواري1]

لا فيهم خير وخير كثير
اللي بينفجرون ومعصبين ليش .؟!
إلا اللي حولهم هالشكل = )

لكن اللي يتكلم بعقلانية ماسوى هالشي ولا اللي حوله

العقل زين

واللي يبي يعرس يخلي وحده عاقل تخطب له
أما يخلي وحده من اللي عقلها طاير بالموضه والمفوشر والزبو يتحمّل مايجيه

واللي يجامل بنت الناس من البداية على حساب نفسه يستاهل

[eXpert*]

السلام عليكم

لا مافي داعى

والسالفة امسخت

و ما طارت ولا قلت البركة الا من هالسوالف اللى ما انزل بها من سلطان

وورد عن االأثر عن الرسول الأكرم " صلى الله وعله وسلم "

((خَيْرُكُنَّ أَيْسَرُكُنَّ صَدَاقًا ))


والله يهدي الأمهات قبل البنات


رابط الحديث

http://darussalam-np.com/index.php?option=com_content&view=article&id=669:2009-03-17-11-55-24&catid=44:2008-10-08-02-43-39&itemid=11

عليه أفضل الصلوات و التسليم ..

فعلاً أعرف ناس تزوجوا باليسير وفي أحسن حال عايشين ..

والغير دافع 700 ألف على عرسه لا يكاد يكمل 6 أشهر ..

[مساهمة]

تدل على جهل وعدم وعي ونقص خاصه من بعض النساء مع آحترامي لهم

اللي دائما قدواتهم ممثلات هليوود لكن ممثلات هليوود أقل سخافه بكثير منهم

نعم صحيح .. نجمات هوليود يسون حناا ويلبسون ثوب نشل وطاسة السعد بعد:nice:

مستحيل في هالمنتدى يمر اسبوع ماتكلمون بموضوع تكاليف العرس!!

يبــاا تبون تاخذون من برا الخليج .. عليكم بالعافيه بس لاتقعدون تعذربون في بنات ديرتكم !


:)

[جفى الجوارح]

الزوج مافي الا يتسلف ويدفع

[ضوى]

الوضع عادي ..حفلة الملجة والخطوبة والحنة والهدية من صميم احتفالات الزواج عندنا ...بس المشكلة في تبذير البعض ..
وتكليف انفسهم فوق طاقتها ....وكل واحد ايسوي الي الله مقدره عليه

صح كلامك

بس صج صار تبذير غير طبيعي

اخر عرس بمحيط الاهل عندنا لاعت جبدي من كثر العزايم ، ملجة خطوبة عشا زواج غدا صباحية هدية عشا يمكن شهرين بعد العرس عشا ورا عشا وعزومات وبوفيهات هذا كله تكلفة اضافية مالها اي داعي

الملجة بنطاق الاهل وناسة وفرحة بين اهل الزوجين ، الخطوبة حفلة للاهل واليجران والاصحاب ، الزواج يعزمون اللي يبي ، والهدية لللاهل ايضا يعرفون الزوجة على اهل الزوج وقرايبه ..الخ وبس انتهى اما هالعشوات والغدوات هالكثر هذي خساير مالها اول ولا اخر

[catqat]

صارت من العادات والتقاليد.... :)) لو قدرنا انغير نفسنا قدرنا انغيرها كحال بعض العادات والتقاليد المش مرغوبة :)

[بيبيب]

انا مع الحفلات هذي اذا كانت باتزان وعقل من دون بذخ ولا اسراف
اولا الحفلات هذي اغلبها عائلية وفي البيت تكون ومنها كسر حواجز كثيرة بين العوائل المنتناسبين و العروس واهل زوجها و فوق هذا ماتكلف اكثر من 5000ريال وخل النسوان يستانسون دام انه بالمعقول


افرحوا غنوا ارقصوا استانسوو ولاعليكم من احد :victory:

[تحداني]

صح كلامك

بس صج صار تبذير غير طبيعي

اخر عرس بمحيط الاهل عندنا لاعت جبدي من كثر العزايم ، ملجة خطوبة عشا زواج غدا صباحية هدية عشا يمكن شهرين بعد العرس عشا ورا عشا وعزومات وبوفيهات هذا كله تكلفة اضافية مالها اي داعي

الملجة بنطاق الاهل وناسة وفرحة بين اهل الزوجين ، الخطوبة حفلة للاهل واليجران والاصحاب ، الزواج يعزمون اللي يبي ، والهدية لللاهل ايضا يعرفون الزوجة على اهل الزوج وقرايبه ..الخ وبس انتهى اما هالعشوات والغدوات هالكثر هذي خساير مالها اول ولا اخر



صدقتي يصيرون حتى المعازيم منزعجين من هذا كله .. وليش هذا كله في الاساس
اخطب البنت واملجوا بينكم وبين بعض والاهل حولكم


وبعدها عرس ولا حنه بسيطه في البيت وانتهى


اهم شي ما بعد الزواج والزوج الصالح والحياه المبنيه على الحب والاحترام
كل شي بيروح والذكري الحلوه ممكن تصير بأقل الاشيا
ماله علاقه هذا زوج دخله بسيط ولا عالي
له علاقه بالقناعات

انا مستحيل مستحيل مستحيل مستحيل اسوي كل هذا
عندكم حوش البيت يا ضوى انتي وبنتج وخواتج وكل من يعز عليج
وبنسويه في عز الشتى عشان ما اتقولون مكياج وحر
واليهال مسموح دخولهم بجيب لهم نطاطيه


جملك الله برضاه

[العقل المدمر]

انا اتقبل حفله خطوبه وحنا وعرس وهديه
لكن حفله ملجه وحفله خطوبه ؟ هاي اللي مالها داعي
لا وتصير الملجه قبل الخطوبه .. انا اخبر الريال يخطب وعقب يملجون
بس مادري شلون جي سووها
وبعدين الغلط الاكبر عالريال
عيل بتقول له عطني وبيعطيها ؟ اكيد بتشفط دمه بعد
قوامه عالفاضي :shy:

[غزلان]

حفله وحفلة زواج وحفله عشا بعد الزواج مختصره للأهل وبس

[حبر وقرطاس]

السلام عليكم ورحمه الله وبركاته


لفت نظري انتشار بعض الحفلات المتعلقة بالزواج مثل ( حفل للخطوبة - حفلة الحناء - حفلة تسمى الهدية وهي تكون بعد العرس بإسبوع أو اسبوعين )

ماهي آرائكم بمثل هذه الحفلات (( بصرااااااحة )) ؟

وهل هي ضرورية من وجهة نظر العروس وأهل العروس ؟

لا وازيدك من الشعر بيت قاموا يسوونها في قاعات لين يكسرون ظهر المعرس ويشحت

ولازم بطاقات دعوه . والبعض الحين قاموا ينشرون الدعوه بالبلاك بيري والواتساب

تخيل حفل الخطوبه في قاعه ولازم كيك وورد وستيج وكوشه وموسيقى ودي جي هذا اذا ماجابوا فرقه
وحفل الحنه لازم في قاعه وسيرفس خاص وستيج فيه الديكور المخصص لليله الحنه والهدايا لازم توصل العروس والموسيقى والبوفيه والهيصه
وحفله الهديه بكل مايتبعها وحفله العرس نفسه
عليك العوض ومنك العوض هههههههههه

[حبر وقرطاس]

نعم صحيح .. نجمات هوليود يسون حناا ويلبسون ثوب نشل وطاسة السعد بعد:nice:

مستحيل في هالمنتدى يمر اسبوع ماتكلمون بموضوع تكاليف العرس!!

يبــاا تبون تاخذون من برا الخليج .. عليكم بالعافيه بس لاتقعدون تعذربون في بنات ديرتكم !


:)

(( كنتم خير امه اخرجت للناس تأمرون بالمعروف وتنهون عن المنكر ))

(( من راى منكم منكرا فليغيره بيده فأن لم يستطع فبلسانه فأن لم يستطع فبقلبه وذلك اضعف الايمان ))

بنات الدوحه والنعم فيهم بس وكلن يمد رجوله على قد لحافه مب يكسر ظهره ديون وكلام فاضي ومصاريف لو موفرها في جيبه لبعد العرس يستفيد هو والعروس منها كان ابرك لهم في حياتهم
بس مشكلتنا الكل يبي يتشيخ ؟!!!