بنوا الأبراج ونسوا المواقف

[سبورتيه]

السلام عليكم ورحمة الله وبركاته

لا اعرف كيف إبداء سأدخل الموضوع

شاب قطري في مقتبل العمر خسرته أسرته الله يرحمه والله يعلم كم حزنت على ماجرى لهم لماذا
لنتكلم عن الأسباب
ماذا حدث


ذهب لينهي معامله له في احدى الوزارات



لم يجد باركن لسيارته اضطر ركنها بعيد على الشارع المقابل للوزارة


بعد خروجه وهو يعبر الشارع متوجه لسيارته صدمه سائق مسرع على الخط مما أدى لوفاة هذا الشاب :weeping:

كم روحا نحتاج لخسارتها :anger1:ونعرضها للمخاطر والمخالفات من اجل عمل باركنأت للسيارات يستغلون جميع المساحة للبرج دون الاهتمام بالمواقف المفروض يحطون شروط للي يبني برج او جهه لها مراجعين. لازم يحجزله ارض كامله جنب برجه للباركنات فقط
وهم يختارون المساحة الي تناسبهم قانونيا ترى الشعب يزيد مشاءالله خلكم من الشعب السياح والاجانب اكثر منا لازم يلقون حل لازم أشذنب المراجع ما يرد لهله أشذنب المراجع يدفع مخالفه او يضيع وقته يدور موقف حتى المجمعات والمستشفيات هاذي موحاله انشاء الله بعد لا بغوا يبنون محطات القطار فالمستقبل مالها باركنات المفروض عند كل محطه طوابق باركنات تصف سيارتك وتنزل تركب المصعد وتمشي في جسر مظلل ومكيف وتتوجه لقطارك ونروح وين ما نروح في عصر السرعة والزحمه ونرد نلقى سيارتنا تنطرنا فالباركن ونروح بيوتنا سالمين غانمين وشكرا واسمحولي شي فخاطري وقلته واتمنى يفيد

[عيون الدوحة]

لا مانسو
الا تناسوى
لان ماتهمهم محصلحة العميل
ويقللون من تكلفة البناء

[شموخ دائم]

,

,


مرحبا

مع ان الحكومه جالسه تدفع مبالغ كبيره
وتحاول تتجاوز المشاكل الموجوده والاخطاء وتجتهد

لكن مشكلتنا احنا دول عربيه للاسف

ما نعرف نخطط ومانعرف نتعلم من اخطاء غيرنا

الامارات مرت بالضبط الي نمر فيه
جاتهم الزحمه وعملوا اشارات على الدوارات في الثمانينات
كنا نستغرب لين رحنا الامارات ونشوف الاشارات على الدوار ونضحك من الفكره

وعملوا الابراج وما خططوا للمواقف وصارت الزحمه في دبي

بشكل فضيع

ومافي اماكن لعبور المشاه

ودخلوا في مسئله توسعه الشوارع والانفاق والجسور
والاستملاك والهدم

وبعدها صاروا يبنون مباني عباره عن مواقف فقط لحل الازمه

والحين القطار

بعد اخطاء لقوا الحل بالانتقال الى منطقه جديده احسن
راحوا يبنون في اخر دبي ( بر دبي ) نقلوا المدينه الى منطقه جديده على طريق ابوظبي
وتركوا ديره ( على طمامها ) بزحمتها لان مالها حل
:)

نفس الطريق هذا بالضبط احنا ماشين فيه بكل مافيه من اخطاء

ابراج بدون مواقف كافيه ومكدسه في مكان واحد
شوارع ضيقه
عمل اشارات على الدور
استملاك وهدم
عمل انفاق وعمل جسور
لاتوجد اماكن لعبور المشاه

والان احنا شغالين في القطار !!

وفي الاخير راح ننتقل الى منطقه جديده
مثل ( الوسيل )
وبنترك وسط الدوحه
( على طمامه ) وبزحمتها مالها حل

كل التجربه نقلناها بمشاكلها خطوه خطوه

الان هم تقريبا وصولوا العالميه بعد اخطاء وتخبطات كثيره

واحنا نعيش الاخطاء والتخبطات وننتظر الوصول الى العالميه

!!

وين الاستفاده من اخطاء الاخرين !!
وين نبتدي حيث انتهاء الاخرين !!

وتذكروا بكره الكويت بتدخل بنفس المتاهه
فقط لان احنا ما نعرف نخطط ولا نعرف ناخذ الفائده من الاخرين
نبي نجرب كل شي بنفسنا
:)

مثل الي جالس يطبخ بالمطبخ مره يزيد الملح ومره يزيد البهارات
ويعيد الطبخه وبعد 4 او 5 محاولات تضبط معاه
مع ان ممكن يقدر يضبطها من اول محاوله لو استعان باهل الاختصاص

مثل العمي الي يمشي ويطيح بالحفر

مو عيب تشوف لك احد يمسك يدك
:)

,

,


اخوك

شموخ دائم

[لبيبة]

اتفق معاك شموخ دائم، ربعنا ما يبون يتعلمون من تجارب الغير، لازم نمشي في كل الخطوات اللي مروا بها حتى لو كلفت الكثير.

طيب لو تبون تقلدون قلدوا الناجح مب المتخبط :rolleyes2:

[سبورتيه]

فعلا اخوي شموخ قلت الي ابي أوصله بالضبط لازم نتعلم من أخطاء غيرنا ونطور لمية سنه قدام وتعامل مع المشاريع مثل الي يلي يبني بيته ويلف يتفرج على البيوت ويستفيد من تجارب غيره ويعدل فيها ويحط الشي بحيث ينفعه وينفع ذريته من بعده لازم نراعي التطور والكثافة السكان يه والسلامه ونضع جميع الاحتمالات والله يكون بالعون

[بوخالد911]

نعم

لا بد من انشاء وبناء الجسور للمشاة
وفرض ع ملاك المباني انشاء طوابق بيسمنت لمواقف السيارات

ويفترض عدم اعطاء رخصة بناء لأي خريطة لا تحتوي ع طوابق متعددة للمواقف

والله الموفق

[القيادي]

والشي الاهم هي الاصنصيرات الي المفترظ انها تستوعب سرير تحسب لأي طارئ لاقدر الله حد يطيح او تجيه سكته وهو في الطابق 30 شلون راح ينزلون ! مافيه الا يحطونه فوق كتف واحد وينزلونه للإسعاف

[تغلبية]

مادري .. اللي يرسم يصمم ويرسم خرايط المشروع .. ويدرس تدفق السير وحركتة .. ما لاحظ بالغط انه مافي مواقف ؟؟؟!!! او الناس وين بتوقف مواترها ؟!

مثل ماقال الاخ شموخ .. مصرين على تتبع الاخطاء بحذافيرها بدون استيعاب لتطورات العصر ولا حتى من المشاريع الناجحة في دول العالم اللي يزورونها .. النجاح ما وقف عن دبي بس !!

تطورنا مضحك جداً ..
تطور غير واعي .. هو عبارة عن نقل بس ..واذا كلش .. غيروا في الشكل الخارجي ؟!
كل هالاموال والخبرات والمناصب موب قادرين نحل مشكلة بسيطة .. عبارة عن مواقف وجسور وانفاق مشاة!

[نسيم الغربي]

خاطري اعرف شي واحد بس (( الخرجي قال : مافي مخالفات في منطقة الابراج بسبب عدم توفر مواقف للسيارات والدوريات تخالف ممكن نعرف من الي على غلط )) الخرجي ام الدوريات ومن يتحمل مخالفات الموظفين سنويا ؟؟

[الشلهوب]

خاطري اعرف شي واحد بس (( الخرجي قال : مافي مخالفات في منطقة الابراج بسبب عدم توفر مواقف للسيارات والدوريات تخالف ممكن نعرف من الي على غلط )) الخرجي ام الدوريات ومن يتحمل مخالفات الموظفين سنويا ؟؟

نعم يوميا مخالفات بمنطقة الابراج عند الادارات الحكومية لعدم وجود مواقف للمراجعين تجد سيارات المرور و ا لدوريات تتجول بالمنطقة وصك مخالفات بعباد الله والله حرام الي اصير لاانتو اموفرين مواقف ولا مخلين الناس في حالها لاحول ولا قوة الا بالله العلي العظيم

[R 7 A L]

من قال لكم أن الدولة
بنت الابراج على شان تكون فيها الوزارات ؟

كانت الفكرة ان تستأجر من قبل الشركات الصغيرة والافراد

ولكن بعد ان ( توهق ) ملاك هذة الابراج بعدم استأجارها ساعدتهم الدولة وأجرتها على الوزارات والهيئات الحكومية

[نسيم الغربي]

الحل مع مخالفات المرور في منطقة الابراج . الخرجي يقول لاتوجد مخالفات في منطقة الابراج لعدم وجود مواقف كافية . والدوريات تخالف ؟؟؟ من نصدق

[عاشق العديد]

والله لعوزونا ..

غير الزحمه الي من باب البيت لين باب الدوام زحمه واخرتها تروح تلاقي مافي باركن فا غصبن عنكك بتصصف برع .. وانت طالع من الدوام يجيك مسج 300 .. وانا كل يوم على هالحاله ..

[همر]

خاطري اعرف شي واحد بس (( الخرجي قال : مافي مخالفات في منطقة الابراج بسبب عدم توفر مواقف للسيارات والدوريات تخالف ممكن نعرف من الي على غلط )) الخرجي ام الدوريات ومن يتحمل مخالفات الموظفين سنويا ؟؟


وهو صادق الخرجي واعليه المرور مايخالفون احد :shy:







الو لخويا :telephone: .. مشغولين ؟!! تو الناس على الموكب.. مروا منطقة الابراج.. 1000 دفتر بس.. حاضرين... :shy:

[قطريه22]

للاسف الظاهر هم يببون ويسوون وياخذون الفلوس ويحطون نصها في المخبه

وعقب يشوفون اذا صارت وفيات وايد يردون يهدمون ويبنون مره ثانيه وياخذون فلوس زياده

مايصير يسوون كل شيء كامل من البدايه والا اشلون بيربحون؟؟

[شبح الصمت]

خلاص لي متى مفروض كل هالمباني فالكرونيش ترتبط في بعضها البعض مفروض انه يكون في جسور معلقه او بالاصح كل مبنى مشبوك في مبنى ثاني عبر انفاق مرتفعة تبي تدخل تطلع من برج لي برج .. وفي نفس الوقت يسوون مواقف ارض مساحتها ما تقل عن 5 آلاف متر تكون مواقف ويكون في باصات توصل الناس او نفس ما مسوين تحت الارض في أرض المعارض الي صوب المدينية التعليمية ..

الله يرحم موتى المسلمين ..

مفروض الدولة تمسك تخطيط الابراج وليس شركات عاديه

المكتب الهندسي مفروض يمسكهم كلهم تحت تصرفه ناس عندهم آراضي يرجعون للمكتب الهندسي وهو الي يصمم لهم ..

الله يجزاج خير اختي شموخ بس وين تأذنين قولي لي !!

[قطريه22]

خلاص لي متى مفروض كل هالمباني فالكرونيش ترتبط في بعضها البعض مفروض انه يكون في جسور معلقه او بالاصح كل مبنى مشبوك في مبنى ثاني عبر انفاق مرتفعة تبي تدخل تطلع من برج لي برج .. وفي نفس الوقت يسوون مواقف ارض مساحتها ما تقل عن 5 آلاف متر تكون مواقف ويكون في باصات توصل الناس او نفس ما مسوين تحت الارض في أرض المعارض الي صوب المدينية التعليمية ..

الله يرحم موتى المسلمين ..

مفروض الدولة تمسك تخطيط الابراج وليس شركات عاديه

المكتب الهندسي مفروض يمسكهم كلهم تحت تصرفه ناس عندهم آراضي يرجعون للمكتب الهندسي وهو الي يصمم لهم ..

الله يجزاج خير اختي شموخ بس وين تأذنين قولي لي !!


اذا سووها بتصير مصخره بين الموظفين والموظفات بتلاقي الحريم شايلين دلالهم وقدوعهم ورايحين البرج الثاني يتقهوون والرياييل يسيرون على ربعهم...

[راشد محمد]

الله المستعان

[شبح الصمت]

اذا سووها بتصير مصخره بين الموظفين والموظفات بتلاقي الحريم شايلين دلالهم وقدوعهم ورايحين البرج الثاني يتقهوون والرياييل يسيرون على ربعهم...



:eek5:

:eek5:

:eek5:

:eek5:

:eek5:

:eek5:


نظرة سلبية تعور البطن

[العنيده]

عادي ماعتقد يهم اتوقع يقولون صف بعيد وتعال لنا وين المشكله ..
مثال مبنى مستخدمينه فوق ال400 والمواقف ل 215 الباقي وين يروحون ..

يارب المقاولين يتعلمون في البنايات الثانيه والمستاجرين يركزون على هالنقطه بعد ..

[نوفة قطر]

تعبنا واحنا نتكلم فالموضوع والامور طبيعيه وعاديه

احنا مواجه برجنا مساحة ارض فاضيه قبل فتره بدوا يبنونها بيسوونها برج ! انزين بعد برج زياده وين بيوقفون الموظفين اللي بيجونه ؟ ليش الدوله مافكرت تشتري هالمساحه وتسويها مواقف

اذا تكلمنا قالوا روحوا صفوا في مواقف البريد .. مواقف البريد لا ظلال ولا حتى مرصفينهم

مساحة ارض فاضيه رمل وحصى نوقف ونمشي ونشقح الشارع وبعدين نرجع للسياره العصر وهي محترقه طول اليوم ... حرام عليهم !

وعادي عطوهم كم شهر وبتشوفون حتى هالمواقف اللي يم البريد بيقررون يسوون فيها برج :)




خاطري اعرف شي واحد بس (( الخرجي قال : مافي مخالفات في منطقة الابراج بسبب عدم توفر مواقف للسيارات والدوريات تخالف ممكن نعرف من الي على غلط )) الخرجي ام الدوريات ومن يتحمل مخالفات الموظفين سنويا ؟؟

كله كلام في كلام وعياره على الفاضي .. من تجي 8 يجون بدوريتهم ويوقفونها ع جنب وينزل هو بجهازه يسجل مخالفات وحتى ماصاروا يحطون اوراق .. يخالفون ويمشون

ويوم اتصلت المرور قلت ترى مافي مواقف وانتوا تقولون مافي مخالفات صوب الابراج ... قالوا احنا نخالف لان هاي شيء يشوه المنظر العام :nice:

المنظر العام تخافون عليه تبون الكل يشيل سيارته ع راسه ويدش الدوام

الله يعين

[نسيم الغربي]

اتمنى من اخوي عنزي قطر رفع الموظوع للي قال مافي مخالفات في منطقة الابراج ؟؟