اطفالنا والهواتف النقاله !!!!

[Qt.1]

تم كتابة الكثير من المواضيع في المنتدى عن الاطفال واعطائهم الهواتف النقاله واختلفت الااراء بين مؤيد ومعارض , هناك فئه ترى انه لايوجد اي مشكله باعطاء الطفل هاتف , وفئه اخرى ترى انه ليس من الضروري اعطاء الهاتف النقال للطفل وهو خطأ وانا عن نفسي ارى انه ليس من الضروره وه يعتبر خطأ وفي النهايه القرار يرجع لاباء هؤلاء الاطفال , ولكن مادفعني لكتابة الموضوع هو سؤال ابنتي لي وساقوم بكتابة محادثتي معها بالعاميه ,
قالت لي :

بابا ابي ايفون , قلت لها لا بابا مايصير اعطيج تلفون انتي توج اصغيره صف ثاني ابتدائي وتبين تلفون , لامايصير عيب بابا , لين كبرتي انا باعطيج التلفون الي تبينه بعد , ردت وقالت لي اذا عيب ليش صديقاتي عندهم !!!
هنا الطامه الكبرى , كيف تستطيع ان تشرح لطفله صغيره بان موضوع تملك الطفل للهاتف خطأ وليس من الضروره , وفي نفس الوقت ترى اطفال في نفس العمر يملكونه ! كل اب او ام لهم الحريه في اعطاء اطفالهم الهواتف ام عدم اعطائهم لهم , ولكن ماذا ستكون اجابتي لابنتي عندما قالت لماذا هم لديهم هذه الهواتف ؟؟

[عيون الدوحة]

خذ لها ايبود وتقدر تنزل العاب الخ
واستخدامة مثل الايفون

[Qt.1]

خذ لها ايبود وتقدر تنزل العاب الخ
واستخدامة مثل الايفون
عندها هي واخوانها كل واحد ايبود توتش وكل واحد ايباد , اختي هالجيل ماشاء الله عليهم ايعرفون ايفرقون بين الاايبود توتش والاايفون , المشكله اذا شافو غيرهم عنده وهو خطأ كيف تشرحه لهم ؟

[durra]

التساهل مع الاطفال دمار لهم
يجب ان تشد عليهم..
عندي قوانين اطبقها في البيت
الايباد فقط في نهاية الاسبوع بعد الانتهاء من الدراسة
لدرجة ان الاطفال بنفسهم يرجعون الاجهزة وانا اكون ناسية

[Qt.1]

التساهل مع الاطفال دمار لهم
يجب ان تشد عليهم..
عندي قوانين اطبقها في البيت
الايباد فقط في نهاية الاسبوع بعد الانتهاء من الدراسة
لدرجة ان الاطفال بنفسهم يرجعون الاجهزة وانا اكون ناسية

نفس نظامي بالضبط , ايخلصون واجباتهم ويدرسون عقب يقدرون يلعبون في الاجهزه , اذا كان في نظام كل شي بيكون مرتب.

[بوحارب]

انه ما يقهرني الا البزر اللي عنده بلاكبيري بورش

ياخي قدر مشاعري ولاتظهر التلفون قدامي :):( ههههههههههههههه

[مضارب دوسري]

انه ما يقهرني الا البزر اللي عنده بلاكبيري بورش

ياخي قدر مشاعري ولاتظهر التلفون قدامي :):( ههههههههههههههه

ههههههعههعهههههههههههههه

[مضارب دوسري]

بخصوص الموضوع انا ضد اعطاء الطفل جوال
مهما كانت الاسباب

[سما الوطن]

اضم صوتي لكم
ضد اعطاء الاطفال موبايل لاي سبب
هو ايضا غير صحي وخطر عليهم صحيا بهذا العمر

[لبيبة]

عني اتخذت قرار والله يعينني على الثبات عليه، مافي موبايل قبل الجامعة. الموبايل في يد الطفل والمراهق خطر حتى لو كنت مربي ابنك/ابنتك احسن تربية، من غير المعقول ان تجعل ابنك/ابنتك امام المفاسد وما تمنعه عنها بحجة انا واثق من تربيتي لهم، يا ما صار ضحايا من الغفلة وما ينفع بعدها الندم.

[شيخ الديرة]

صف ثاني من السهل تكذب مليون كذبة بيضاء ، الأطفال يصدقون أي شي ، الشرطة تقول ممنوع على سبيل المثال

[بوخالد911]

ايباد
وبسسسسسسسس

[ضوى]

بكل بساطة صار معاي هالموقف وقلت لبنتي لانه هم مب بناتي ولا انا امهم انهيت الموضوع مرة واحدة وقطعت اي مجال ممكن تطلب فيه هالطلب ، ولازالت ليومك عندها ايفون لكن ماتاخذه الا وقت الاجازات ووقت المدارس بظروف معينة وهذي هي في ثاني ثانوي ، بس مستحيل اخلي تلفون عندها ، مب قلة ثقة فيها لكن خوف وحرص عليها ، واخوها اللي بثالث اعدادي نفس النظام ويحن ويزن وانا ريال وخلافه لكن اعطيه السين من قلب
ابدا ماايد تلفون عن اطفال ولا مراهقين طول الوقت

[Qt.1]

عني اتخذت قرار والله يعينني على الثبات عليه، مافي موبايل قبل الجامعة. الموبايل في يد الطفل والمراهق خطر حتى لو كنت مربي ابنك/ابنتك احسن تربية، من غير المعقول ان تجعل ابنك/ابنتك امام المفاسد وما تمنعه عنها بحجة انا واثق من تربيتي لهم، يا ما صار ضحايا من الغفلة وما ينفع بعدها الندم.

هذا الي في بالي بالضبط

[Qt.1]

بكل بساطة صار معاي هالموقف وقلت لبنتي لانه هم مب بناتي ولا انا امهم انهيت الموضوع مرة واحدة وقطعت اي مجال ممكن تطلب فيه هالطلب ، ولازالت ليومك عندها ايفون لكن ماتاخذه الا وقت الاجازات ووقت المدارس بظروف معينة وهذي هي في ثاني ثانوي ، بس مستحيل اخلي تلفون عندها ، مب قلة ثقة فيها لكن خوف وحرص عليها ، واخوها اللي بثالث اعدادي نفس النظام ويحن ويزن وانا ريال وخلافه لكن اعطيه السين من قلب
ابدا ماايد تلفون عن اطفال ولا مراهقين طول الوقت

والله ردودكم اثلجت صدري , كنت متوقع ان الكثير ايقول مافيها شي عطهم الجوال عادي , لكن الكل قال لا غلط , هالشي ايدل على ان احنى ادري من غيرنا بمصلحة اعيالنا وايدل على الاهتمام , في ناس الله يهديهم مايدرون اعيالهم تعشو والا لا من كثر ماهم هاملينهم , الله ايعينا على تربية العيال تربيه صالحه وطيبه.

[ام السعف]

ممممم

كنت قبل ضد اعطاء الاطفال هواتف محمولة

اليوم اشوف ان وجود الجوال في يد الطفل صار مثله مثل اي جهاز
متصل بالانترنت ،،

اهنيه ما ادافع عن حق الطفل في الحصول على الجوال
ولكني ادافع عن الوضع اللي صاير اليوم ،،

فما في شي يفرق الجوال عن الايبود تاتش او الايباد تاتش
دام ان الطفل ماخذ راحته في استخدام هالاجهزة
اللهم الجوال لام كرت اتصال في حين الاجهزة الثانية توفر
طرق للاتصال لكل مكان من غير جوال ،،

ولدي عنده الجوال من يوم ثاني ابتدائي ما كان جوال واحد كانوا ثلاثة
كل من اخوانه او ابوه يعطيه الجوال بالاضافة الى ان جوالي سبيل في يده ،

لكن شنهي حدود استخداماته للجوال يا اخوي ؟
اليوم يدخل تويتر
يدخل الفيس بوك
يدخل انستغرام
عنده ايباد بوكرت
عنده برامج للتواصل في ايباده
عنده الجيم سنتر وعنده وعنده وعنده

فهل هناك ضرورة للجوال ؟

عني ايه كان هناك ضرورة لما يشارك في اي دورة او معسكر
او يكون عند مدرسة برع البيت كنت اخلي جوالي الثاني عنده
اذا استدعت الظروف يتصل لي ،، وعقب ما يرد لبيت يرد الجوال في الدرج
هذا يوم كان في الصف الأول ،،

لكن من الصف الثاني بحكم انه اصغر واحد اخوانه يهدونه اللي يطلبه
فكانت اقصى امنياته يكون عنده جوال خاص فيه فحققوا له اللي يبيه
لكــن
اليوم شنهو استخدامه للجوال ؟

يستخدمه للوتس اب مشارك في قروب العائلة يقرى سوالفهم ويضحك
ومرات يقط جواله بالايام ما يشحنه ويستخدم جوالي علشان يكلم
اخوانه في الوتس اب ،، وتخيل يا اخوي ما يستخدم جواله
الا لو بغى يشارك في قروب العائلة لأني مب مشاركة فيه
او رفضت اعطيه جوالي واقول له روح كلم اخوانك من جوالك !!

فحقيقة ان الطفل في هالعمر يبي جوال ما يطلبه الا للتقليد
وانت حسب نظامك في البيت تقدر تفرض رايك وتفهم بنيتك انك لك قناعة
تامة ان الجوال للي يكبر مب للصغير ، وانك ما عندك مانع تاخذ لها احسن
جوال بس انت ضد انك تعطعيها جوال في هالعمر،،

[المرحب]

نعمه الله لا يغير علينا
اللهم احفظها من الزوال يا رب
الجوالات مع الصغار شر لا بد منه

[qtr-woow]

في الف بديل وبديل
والعاب تنمي الفكر

[نور الحور]

أنا أقول لبنتي إن الجوال مضر فيه إشعاع خطر على المخ .. وأنا أحبج وأخاف عليج .. وبعدين حتى لو عندج .. ما بيفيدج .. لأنه هو للتواصل .. ولو تبين تتواصلين مع صديقتج عندج تلفون البيت ..

يعني باختصار أركز على الضرر منه وعدم منفعته لها في الظروف الحالية ..
وحرام أكذب عليها ..كذبة بيضا ولا سودا ..
الصدق وبساطة توصيل المعلومة والحزم في اتخاذ القرار مع بيان أن منعهم منه لأن احنا نحبهم ونخاف عليهم .. ولازم تقول لها إن أنتي غير عن صديقاتج .. مو كل شي يسوونه انتي تسوينه .. يمكن أهلهم ما يعرفون إنه مضر لكن أنا أعرف ولازم أحميج من هالمضرة لأني أحبج .. وخلها تعلم صديقاتها بعد ..
الطفل يحس بالأمان لما تكون له حدود معروفه .. وممكن تعطيها إياه في ظروف معينة مثل لو كانت في بيت جدها أو في الألعاب أو حفلة وخله جوال عادي بس للتواصل والاطمئنان .
ملحوظة : كلمة عيب لها ألف تفسير .. الأفضل نبين للطفل السبب الحقيقي من المنع .. والعيب نخليه لوصف الشيء المعيب بالفعل !
الله يعينا ويعينك على تربية أبنائنا ويرزقنا صلاحهم

[أم نواري1]

اقعد معاها وفهمها بأسلوب أو بشكل قصّة
أنه مب كل ماتشتهيه تشتريه
وإن أكيد عندها شغلات صديقاتها ماعندهم ياها
فهمها إن التميز بالقناعة شي جميل
مب لازم أقلد
وفكرة إنه دام صديقاتي عندهم أنا لازم يكون عندي
بتنبني عليها شغلات تقليد كثيره مستقبلا

وافهم منها ليش تبي الجوال الآيفون
عشان مكالمات خذلها جوال عادي
ألعاب وغيره عندهم الآيبود والآيباد
وأيضا يؤخذ الجوال قبل النوم ومايعطى إلا للضرورة وقت طلعه أو غيره
مثلا طلعت مع عمامها أو خوالها

هذا لو اضطريت تشتري

والله يعينا وإياكم على حسن تربيتهن

[Qt.1]

أنا أقول لبنتي إن الجوال مضر فيه إشعاع خطر على المخ .. وأنا أحبج وأخاف عليج .. وبعدين حتى لو عندج .. ما بيفيدج .. لأنه هو للتواصل .. ولو تبين تتواصلين مع صديقتج عندج تلفون البيت ..

يعني باختصار أركز على الضرر منه وعدم منفعته لها في الظروف الحالية ..
وحرام أكذب عليها ..كذبة بيضا ولا سودا ..
الصدق وبساطة توصيل المعلومة والحزم في اتخاذ القرار مع بيان أن منعهم منه لأن احنا نحبهم ونخاف عليهم .. ولازم تقول لها إن أنتي غير عن صديقاتج .. مو كل شي يسوونه انتي تسوينه .. يمكن أهلهم ما يعرفون إنه مضر لكن أنا أعرف ولازم أحميج من هالمضرة لأني أحبج .. وخلها تعلم صديقاتها بعد ..
الطفل يحس بالأمان لما تكون له حدود معروفه .. وممكن تعطيها إياه في ظروف معينة مثل لو كانت في بيت جدها أو في الألعاب أو حفلة وخله جوال عادي بس للتواصل والاطمئنان .
ملحوظة : كلمة عيب لها ألف تفسير .. الأفضل نبين للطفل السبب الحقيقي من المنع .. والعيب نخليه لوصف الشيء المعيب بالفعل !
الله يعينا ويعينك على تربية أبنائنا ويرزقنا صلاحهم

بيض الله وجهج

[Qt.1]

ممممم

كنت قبل ضد اعطاء الاطفال هواتف محمولة

اليوم اشوف ان وجود الجوال في يد الطفل صار مثله مثل اي جهاز
متصل بالانترنت ،،

اهنيه ما ادافع عن حق الطفل في الحصول على الجوال
ولكني ادافع عن الوضع اللي صاير اليوم ،،

فما في شي يفرق الجوال عن الايبود تاتش او الايباد تاتش
دام ان الطفل ماخذ راحته في استخدام هالاجهزة
اللهم الجوال لام كرت اتصال في حين الاجهزة الثانية توفر
طرق للاتصال لكل مكان من غير جوال ،،

ولدي عنده الجوال من يوم ثاني ابتدائي ما كان جوال واحد كانوا ثلاثة
كل من اخوانه او ابوه يعطيه الجوال بالاضافة الى ان جوالي سبيل في يده ،

لكن شنهي حدود استخداماته للجوال يا اخوي ؟
اليوم يدخل تويتر
يدخل الفيس بوك
يدخل انستغرام
عنده ايباد بوكرت
عنده برامج للتواصل في ايباده
عنده الجيم سنتر وعنده وعنده وعنده

فهل هناك ضرورة للجوال ؟

عني ايه كان هناك ضرورة لما يشارك في اي دورة او معسكر
او يكون عند مدرسة برع البيت كنت اخلي جوالي الثاني عنده
اذا استدعت الظروف يتصل لي ،، وعقب ما يرد لبيت يرد الجوال في الدرج
هذا يوم كان في الصف الأول ،،

لكن من الصف الثاني بحكم انه اصغر واحد اخوانه يهدونه اللي يطلبه
فكانت اقصى امنياته يكون عنده جوال خاص فيه فحققوا له اللي يبيه
لكــن
اليوم شنهو استخدامه للجوال ؟

يستخدمه للوتس اب مشارك في قروب العائلة يقرى سوالفهم ويضحك
ومرات يقط جواله بالايام ما يشحنه ويستخدم جوالي علشان يكلم
اخوانه في الوتس اب ،، وتخيل يا اخوي ما يستخدم جواله
الا لو بغى يشارك في قروب العائلة لأني مب مشاركة فيه
او رفضت اعطيه جوالي واقول له روح كلم اخوانك من جوالك !!

فحقيقة ان الطفل في هالعمر يبي جوال ما يطلبه الا للتقليد
وانت حسب نظامك في البيت تقدر تفرض رايك وتفهم بنيتك انك لك قناعة
تامة ان الجوال للي يكبر مب للصغير ، وانك ما عندك مانع تاخذ لها احسن
جوال بس انت ضد انك تعطعيها جوال في هالعمر،،

في النهايه اختي القرار قرارج , لكن اسمحي لي ابين لج ان في فرق بين الجوال والايباد , الايباد فيه برامج واللعاب تناسب سن الطفل بدون الدخول للنت ! اما الايفون فدخول النت سهل فيه والطفل فيه فضول وحب التطلع وانتي تدرين النت والبلاوي الي فيه , يوتيوب يكفي , فيه بلاوي ومصايب , فعشان هشكل النت مفصول في اجهزه اعيالي , يوجد فرق كبير بين الايباد والايفون وحبيت اوضحه , والله يعطيج العافيه .

[Qt.1]

اقعد معاها وفهمها بأسلوب أو بشكل قصّة
أنه مب كل ماتشتهيه تشتريه
وإن أكيد عندها شغلات صديقاتها ماعندهم ياها
فهمها إن التميز بالقناعة شي جميل
مب لازم أقلد
وفكرة إنه دام صديقاتي عندهم أنا لازم يكون عندي
بتنبني عليها شغلات تقليد كثيره مستقبلا

وافهم منها ليش تبي الجوال الآيفون
عشان مكالمات خذلها جوال عادي
ألعاب وغيره عندهم الآيبود والآيباد
وأيضا يؤخذ الجوال قبل النوم ومايعطى إلا للضرورة وقت طلعه أو غيره
مثلا طلعت مع عمامها أو خوالها

هذا لو اضطريت تشتري

والله يعينا وإياكم على حسن تربيتهن

الله يعطيج العافيه على ردج الطيب.

[ام السعف]

في النهايه اختي القرار قرارج , لكن اسمحي لي ابين لج ان في فرق بين الجوال والايباد , الايباد فيه برامج واللعاب تناسب سن الطفل بدون الدخول للنت ! اما الايفون فدخول النت سهل فيه والطفل فيه فضول وحب التطلع وانتي تدرين النت والبلاوي الي فيه , يوتيوب يكفي , فيه بلاوي ومصايب , فعشان هشكل النت مفصول في اجهزه اعيالي , يوجد فرق كبير بين الايباد والايفون وحبيت اوضحه , والله يعطيج العافيه .


انت فاصل النت عن اجهزة عيالك ،، فانت حر بقرارك
بالنسبة لي اليوم ما اقدر افصل النت عن اجهزة عيالي
لأسباب كثيرة لكني ممكن اكون قريبة منهم اكثر لأن النت صار في كل مكان
ممكن الطفل يروح اي حديقة عامة ويلقى نت فيها ،،
او ياخذ ايباده ويروح بيت جده ويلقى نت ،،

ما انتقد اسلوبك يا اخوي بس وضحت لك بالنسبة لي
ان الجوال مايختلف عن اي جهاز ثاني ،،
وتحية لك

[أم نواري1]

حتى الايباد يدشون ع النت فيه
وفي برامج يقوم بدور الجوال ايضا
فالحذر واجب

[لبيبة]

عني مب فاصلة النت، وموجودة برامج للتواصل مثل iMessage لكن لا يوجد اي شخص تتم اضافته بدون علمي، ولا يتم الدخول على النت الا بجواري، دون ان احسس ان هذه مراقبة، مثل ما انا اشاركهم الجلوس بجانبهم واتصفح النت بجوارهم فهم كذلك، اما الايفون مثلا فيوجد كل مافيه في ايبود تاتش ولا يوجد داعي لاقتناء الجوال والتواصل مع اشخاص لا اعلم مدى تأثيرهم على تربيتي وتعبي، ما تبنيه في سنة قد يتدمر في ساعة.

[ام السعف]

حتى الايباد يدشون ع النت فيه
وفي برامج يقوم بدور الجوال ايضا
فالحذر واجب

صح كلامج
كل شي اليوم فيه نت،، حتى بعض الساعات مع الايام بيكون فيها نت
ونظرات بيكون فيها نت ،،

من حق الاب يمنع النت عن عياله ،، لكنه بعد لازم يعرف
ان اغلب الاجهزة اليوم فيها امكانية الاتصال بالنت لو الطفل
عرف الباسوورد بيدخل من غير حد يحس فيه ،