عاجل مسافر لكليفلاند وابغي ارشادات فلا تبخلوا علي بها

[عضو نشيط]

إخواني أخواتي
السلام عليكم ورحمة الله وبركاته
عندي سفر علاج في امريكا في ولاية أوهايو مدينة كليفلاند ،،،
في مستشفى ( كليفلاند كلينيك ) ...
للعلم السفر لي انا وزوجتي وابنائي ،،،،
وياليت يكون فيه احد زار هالمدينه قبل يقدر يفيدني عن ،،،،
- الشقق الممتازه .
- الاماكن السياحيه
- المطاعم العربيه
- السوبرماركت والجمعيات .
- طريقة تعامل الشعب
- طبيعة المدينة هادئه امنه تحفظات في بعض الاوقات .
- سيارات الايجار .
- المستشفى وافضل البنايات المقاربه له للإيجار وياليت يكون فيها خليجيين
- افضل المقيمين للتعامل معهم كمندوب او كمرجع استفسار ،،

السفر ممكن يكون خلال هدا الشهر ان شاءالله

وياليت بسرعة الرد او الافاده سواء على العام او الخاص ،،،،

وأخوكم بسافر لبلد اول مره بحياته يزور امريكا بشكل عام

والسلام ختام

[عيون الدوحة]

اخوي انا زرت المدينة سنة 2011
وانت راح يتم نقلك من المطار عن طريق المكتب الطبي بس خبرهم بعدد الركاب الي معاك عشان يوفرون لك سيارة كبير وخل اللجنة الطبية تبعث لهم نسخة من تذاكركم عشان يستقبلونكم
واول ماتوصل مطار كليفلند بتشوف المندوب ماسك ايباد واسمك موجود علية

وحجز الفندق راح يكون عن طريق المكتب الطبي راح يعطونك بروشرات
في شقق استاجار طويل وكلها عرب من غير خدمة تنظيف الخ
وفي فندق تابع الماريوت انا قعدة فية واسعارة جدا مناسبة ويتم الدفع اسبوعيا
عندهم نظام غرفتين مع مطبخ وصالة وفي الفندق في التنظيف الذاتي للملابس
واسعارهم جدا مناسبة والتنظيف يكون يومي

وعند الفندق في شارع رقم 4 كله مطاعم بس في هذي المنطقة المطاعم العربية نادرة جدا
وفي الفندق نفسة في باب خارجي يدخلك على ممر فية مطاعم هندي وفلسطيني وبيتزا وسلط والخ

وفي مجمع قريب مشي تقدرون تروحونة
والملعب المغطي امشاهد الفندق اي فعالية تقدرون ترحونها مثل سرك ولا كرة سلة

والفندق يوفر توصيل مجاني من الفندق للمستشفى والعكس ماعليك الاتخبرهم متى موعدك ومتى يمر ياخذك من المستشفى

واذا تبي اي معلومة زيادة خبرني

واذا بتقعد في الفندق هذا اول ماتوصل كلم الاستقبال بركبون لك شطاف الماي ويوجد مطبخ مفتوح على الصالة
والريوق مجاني في الفندق
ومن الساعة 4 لين 6 يوميا في وجبة خفيفة وكوفي وشاي تقدر تسوي لك اي وقت

انا ارتحت كثير من هذا الفندق وانصحك فية بس بجيب لك اسمه بالضبط لان ناسيه

وفي منطقة قريبة اسمها لاغسي فيلج كلها محلات مفتوحة ماركات عالمية والجوء خيال اهناك

اهم شي خذ ملابس ثقيله لك والاهل لان الجواء وايد بارد وابتعد عن العرب اهناك قدر المستطاع
واي شي تستفسر من الاستقبال هي بتعطيك خريطة وادليك عليها
حتى سوق اللحم والدجاج والجبن قريب تقدر تروحة بالقطار او فان الفندق بس لازم تخبرهم قبلها بيوم


اذا تذكرت شي برجع اكتب

هم اول يوم بيسكنونك في فندق جنب المستشفى نصيحة بس يوم واحد اقعد فية لانه يعتبر كمصحة وكله عجايز الي فيه والفندق غالي والريوق تعبان

[عيون الدوحة]

اخوي هذا رابط الفندق وادخل عليه وشوف الخريطة والمناطقة الى حولة
وفي باص مجاني في المنطقة بس يبي لك تتعلم علية وخل عنك التكاسي لان اسعارهم غالية جدا

http://www.marriott.com/hotels/travel/cleri-residence-inn-cleveland-downtown/?stop_mobi=yes

اذا بتحجز عن طريق الموقع بس احجز ليوم واحد واذا رحت اهناك خبرهم انك بتقعد مدة طويله راح تعطيك اسعار الاسبوعية والشهرية
وفي الفندق الدور الارضي البارك في مكينة اي تي ام يفظل تسحب منها وماتسحب من الشارع

[بوحارب]

الله يستر عليكم وما تشوفون شر أن شاء الله

[حـ ن ـيـ ن]

أولا الله يشفي مريضكم ...

بالنسبة للأغراض كل شئ متوفر في كليفلاند من ملابس وأي شئ تحتاجونه

ماعدا اللبس الخليجي ،تحتاجون للقهوة والترامس ومكملاتها لأنها غير

متوفرة ،

الملابس مثل ما ذكرت متوفرة وبكثرة وأسعارها مناسبة ،

السكن : عندك الريزيرف سكوير الشقق لا بأس بها ويوجد فيها خليجين

وستتلر أرمز بجانب الريزيرف ..

الفرق بينهما ستتلر أنظف والغسالة في كل شقة ....

الريزيرف معظم القطريين فيها ومأجرين لهم شقة مجلس للرجال ...

أعتقد هذي المعلومات المهمة مبدئيا ، أما ماتبقى سيقومون بالواجب هل قطر

هناك من غير قصور في أخوانا الباقيين ...

[عيون الدوحة]

واذا انت من النوع الي يحب يسوق خارج الدوحة اجر لك سيارة مع نظام الملاحة عربي
موجود عندهم
تروح قبلها رجنسي تطلع لك رخصة دولية
او في موضوع لاحد الاخوء كيف تطلع رخصة دولية عن طريق الانتر نت

[بوحارب]

ود معاك سجاده للصلاة

[عيون الدوحة]

اانت لاتستعجل روح شوف ال ريزرف سكوير
والرسدين ان ماريوت
وشوف وش راح يصلح لك انت والاهل
وترى التوصيل المجاني وايد راح يوفر عليك الموجود بالفندق

والمكتب الطبي من اول يوم راح يودونكم فرع بنك موجود في المستشفى لفتح الحساب والبطاقة تجهز في نفس الوقت

والله يشفى مريضكم ان شاالله

[عيون الدوحة]

بالنسبة لشرائح الجوال لاتاخذها الا من الشركة
فيها عرض ويشغلون لك الخدمات على طول
احنا خذناها من شخص عربي عنده مطعم جنب المستشفى طلعت الكروت مستعملة
ويطرش ناس يتصلون علينا بعدين قطيناها
وخذنا جداد من الشركة

[عيون الدوحة]

هذا لنك الرزيرف سكوير
http://property.onesite.realpage.com/ol2m/(S(m2bkcw55z4gbmz453g2van55))/default.aspx?siteid=1001529

وهذا الاسعار
http://property.onesite.realpage.com/ol2m/(S(m2bkcw55z4gbmz453g2van55))/FloorPlans.aspx

[عضو نشيط]

بيض الله وجيهكم وجزاكم الله خير

اختي عيون الدوحه اشكرج جزيل الشكر على المعلومات القيمه والاكثر من مفيده ،،
الاخت حنين

تسلمين على المعلومه التي بصراحه لها وزنها ،،

الاخ حارب
بيض الله وجهك على هذا التذكير والله يحطه في ميزان حسناتك

[عضو نشيط]

انتظر باقي الردود من الاخوه والأخوات الكريمات

سؤال
كيف التواصل مع المكتب الطبي في كليفلاند ؟ وهل لهم فرع او مندوبين ؟!

وما هي سير الرحلة من مطار الدوحه الى اي مطار ؟ هل هناك رحله من الدوحه كليفلاند مباشره ؟

اغلب الظن بنصادف رمضان ان شاءالله ( ان كنا من الحيين ) كيف هي الحياه الرمضانيه هناك ؟!

ولا أراكم الله مكروها في عزيز لديكم ، وشفى الله جميع مرضى المسلمين

[عيون الدوحة]

وهذا شقق ستتلر ارمز
http://www.statlerarmsapartments.com/

الصور
http://www.statlerarmsapartments.com/statlerarms/PropertyTour.aspx

الاسعار

http://www.statlerarmsapartments.com/statlerarms/Floorplans.aspx

[عيون الدوحة]

معلومات عن المجمعات التجارية

http://cleveland.about.com/od/shopsandservices/tp/malls.htm

[عيون الدوحة]

انتظر باقي الردود من الاخوه والأخوات الكريمات

سؤال
كيف التواصل مع المكتب الطبي في كليفلاند ؟ وهل لهم فرع او مندوبين ؟!

وما هي سير الرحلة من مطار الدوحه الى اي مطار ؟ هل هناك رحله من الدوحه كليفلاند مباشره ؟

اغلب الظن بنصادف رمضان ان شاءالله ( ان كنا من الحيين ) كيف هي الحياه الرمضانيه هناك ؟!

ولا أراكم الله مكروها في عزيز لديكم ، وشفى الله جميع مرضى المسلمين

لاتوجد رحلة مباشرة

الدوحة واشنطن واشنطن كليفلند
وبيتم نقلكم من واشنطن لكليفند بطائرة صغيرة تحمل 14 شخص فقط

التواصل مع المكتب بيكون عن طريق اللجنة الطبية في قطر وراح ينطرك مندوب في مطار واشنطن بيعلمك شلون تشل الشنط وتحطهم في سير الرحلة الثانية
ووجهك لباب الرحلة
في كلفلند راح يستقبلك سائق ينقلك للفندق هم اول يوم يحجزون لك فندق من نفسهم بس عليك الدفع وبعدين تتفق مع المكتب الطبي على الشقق الى ناوي تنزلها
في صباح اليوم الثاني يجيك السايق ووديك المكتب عاد اهنية يسون لك البطاقات الطبيه وكل الاجراءات التسجيل في نفس اليوم

اهم شي الشنط لا تكون ثقيله وايد اذا فيها اكثر من 30 كيلو يخلونك تخفف منها وراح تكون ثقيله عليك عند حملها لان ماعندهم خدمة حمل الامتعة بالمطار

[عضو نشيط]

طيب
اختي
الأسعار اللي بعثتيها بالرابط يوميه ،،،؟؟!!!!!!!!

اذا السعر اليومي لأستديو في ستيتلر ارمز 800 $ ,, اشوفه غالي جداً ،،،!!؟؟؟


هل هذي الأسعار يوميه ؟؟!!!!!!!!!.

[عيون الدوحة]

طيب
اختي
الأسعار اللي بعثتيها بالرابط يوميه ،،،؟؟!!!!!!!!

اذا السعر اليومي لأستديو في ستيتلر ارمز 800 $ ,, اشوفه غالي جداً ،،،!!؟؟؟


هل هذي الأسعار يوميه ؟؟!!!!!!!!!.
في الغالب بتكون اسبوعية لانا احنا كنا كل مانخلص اسبوع يطرشون لنا رسالة الغرفة لدفع الحساب
لا اخوي هذي اسعار مش يومية

هم اسعاهم رخيصة عكس لندن و المانيا

[عضو نشيط]

طيب اسعار اسبوعيه ولا شهريه

يعني اذا مش يوميه وش بتكون ،،،؟؟!!.

[عيون الدوحة]

والله اتوقع اسبوعية
انا ناسية لان من ٢٠١١
بس عندي بروشور لهم اذا حصلته بنزلة لك في الموضوع

[عضو نشيط]

اشكر جهودكِ

وبارك الله فيكِ

[عيون الدوحة]

وبالنسبة للواير لس فري في الماريوت
عكس السكوير

[عضو نشيط]

المدينه امان
وهل هناك اوقات لا ينصح الخروج فيها
وهل هناك اماكن لا ينصح الذهاب لها ،،،

طبعاً أتكلم عن عائله مش شخص واحد ،،،

[عيون الدوحة]

المدينه امان
وهل هناك اوقات لا ينصح الخروج فيها
وهل هناك اماكن لا ينصح الذهاب لها ،،،

طبعاً أتكلم عن عائله مش شخص واحد ،،،

المدينة جدا جدا هادية
ومحد يتعرض لك فيها مادمت في حالك
يجي ايام ماتشوف ناس في الشارع الا نادر

[عضو نشيط]

اجابات وافيه ومفيده


اشكر تعاونكِ يا عيون الدوحه


وانتظر المزيد من المعلومات سواء من سيادتكِ ،،،،

او

من احد الاعضاء الكرام ،،،

ودمتي بود

[عضو نشيط]

لو سمحتوا
اي شئ معلومات مفيده عن كليفلاند

[عيون الدوحة]

اخوي هذي المدينة نادر يتعالجون فيها القطريين يفضلون لندن والمانيا لقرب المسافة
بس في حالات لازم يبعثونها لمستشفى كليفلند تعتبر من اشهر واقوى المستشفيات بالعالم

انت حط شنو تبغي تعرف زيادة وانا بحاول افيدك

[عضو نشيط]

المسافه بين واشنطن وكليفلاند كم ساعه بالطياره وكم ساعه بالسياره ،،،
وبعدين يسمحون لي السفاره أتم يوم او يومين بواشنطن كراحه ،،،
وهل هناك مرجع عن المكتب الطبي اقدر أتعامل معه في كليفلاند ،،،

واشكر جهودج

شكلي تعبتج وياي ،،

[عيون الدوحة]

ايه عادي اذا تبي تنزل تريح في واشنطن
واتوقع الطيران القطري هو يحجز لك الفندق على حسابة
انت لي قصيت التذاكر من الخطوط القطرية استفسر منهم
لان هم الي راح يحجزون الطيران الداخلي الرحلة تقريبا ساعة وربع

[عضو نشيط]

بارك الله فيج

اختي سمعت ان المواعيد في المستشفى طويله ( المده بين الموعدين ) ،،

يقولون توصل المده بين الموعدين ممكن شهر هل هذا صحيح ،،

وهل اقدر ارتب مواعيدي لتكون قريبه من بعض ،،

وشكراً

[عضو نشيط]

لا إله إلا الله محمدٌ رسول الله

[عيون الدوحة]

بارك الله فيج

اختي سمعت ان المواعيد في المستشفى طويله ( المده بين الموعدين ) ،،

يقولون توصل المده بين الموعدين ممكن شهر هل هذا صحيح ،،

وهل اقدر ارتب مواعيدي لتكون قريبه من بعض ،،

وشكراً

اخوي يعتمد على نوع العلاج والمرض
وكل تاخيره فيها خيرا
تقدري تقضي الوقت تتفرج على المدينة والمناطق المجاورة والوقت بيمشى بسرعة

[عضو نشيط]

طيب
اختي بارك الله فيج

اذا صارت المدة بين الموعدين شهر تقريباً ،،،

اقدر ارد الدوحه خلال هذي الفتره وارجع امريكا ،،،،

فيه حد صارت معه هالطريقه ،،،

ولا فبها مشاكل وقطع علاج ،،،

[عضو نشيط]

سؤال على السريع

سمعت انه في المطار في امريكا للقادمين ،،

يتم فحص الاجهزه التي مع المسافرين ،،،

مثل الاي فون ،،، و الاي باد ،،،، والكمبيوترات ،،

فإذا لقوا برامج في الاجهزه ،،، طبعاً برامج منزله غير الاصليه الموجوده اصلاً بالجهاز ،،، هناك اجراءات صارمه ،،،

هل هذا صحيح ،،؟!.



وشكراً ،،،،

[عضو نشيط]

إن الله في عون العبد مادام العبد في عون اخيه

[الماضــــي]

السلام عليكم اخوي حبيت انصحك وخاصة المريض
لايرد الدوحة في الفترة بين المواعيد لان فية ناس
واجد اعرفوا انهم ردو الدوحة وكنسلوا علاجهم
اما بلنسبة للفحص للاجهزة الي ذكرتها هذا غير
صحيح والله ايوفكم وترجعون سالمين انشا الله

[عضو نشيط]

إن الله في عون العبد مادام العبد في عون اخيه
*

*

[عضو نشيط]

الشكر لله ثم

لكل اللذين شاركوا في الرد وأفادوني بأغلب المعلومات ،،،،

والله يجزاهم الخير

ويخليهم لأهاليهم