الى اين سيصل جشع التجار حتى يشبعوا .......؟؟؟؟؟؟

[الكاسر99]

السلام عليكم ورحمة الله وبركاته

وش اللي قاعد يصير في قطر بخصوص الاراضي

الفوت في العزيزيه صار ب 400 ريال

يعني الارض مساحة 900 قبل عشر سنوات كانت بمبلغ 100 الف ريال

الان نفس الارض ونفس المساحه وفي نفس المنطقة صار سعرها اكثر من

ثلاث ملايين


ونفس الشي في مناطق الخريطيات وفي الثمانه


ليش ولماذا كل هذا الجشع ............ ؟؟؟؟؟

اتوقع بعد سنه او سنتين بيوصل سعر الفوت الى 1000 ريال قطري


في عوايل قطريه كثيره محتاجه تشتري بيوت ماتقدر

بسبب جشع التجار

الان صار سعر الارض اكثر بكثير من سعر البنى

الارض بمساحه 1200 فوت - بسعر الفوت 400 يصل سعرها الى 4 ملايين

واكثر


يعني لو تحسبها بنقول راتب القطري المتزوج بمعدل 25 الف

كم سنة بيي له يجمع 4 ملايين ليشتري ارض له ولاسرته فقط الارض

غير سعر البنيان

سمو الامير جزاه الله كل خير وأطال الله في عمره زاد من رواتب القطرين

ليضمن للمواطن القطري ولإسرته بعد الله سبحانه وتعالى بان يعيش حياة

سعيده في بلاده

لكن للاسف جشع بعض التجار وللاسف الاكثريه استغلوا ان راتب القطري

زاد فزادوا جشعهم


السؤال : الى اين سيصل جشع التجار حتى يشبعوا .........؟؟؟؟؟

[عيون الدوحة]

ارتفاع سعر الاراضي بسبب عدم اعطاء القطري الي بعد ١٩٣٠ ارض
اداء الى ارتفاع الاسعار وهم عددهم مب قليل

[الكاسر99]

ارتفاع سعر الاراضي بسبب عدم اعطاء القطري الي بعد 1930 ارض
اداء الى ارتفاع الاسعار وهم عددهم مب قليل

يعني اخوي عادي يصل الفوت الى 1000 ريال قطري

وفي ناس قصدي تجار يتلذذون في جشعهم والتضييق على خلق الله


ونسوا ان اخرتهم بعد موتهم قبر اذا كبر كان طوله مترين في نص متر

[بـن عدوان]

الله كريم ياخوي ......

[ذكي جدااا]

مافي شي يستمر بالطلوع والارتفاع لازم يصير تصحيح بأسعار الاراضي هذا رأيي الشخصي بس متى الله اعلم. اذا تذكر في ٢٠٠٦ طلع الفوت الى نفس الاسعار الحاليه ومن ثم في ٢٠٠٨ نزل الى اقل من نص سعره ورجع طلع في ٢٠١٠.

[بوعجيل]

بالتوفيق ان شاء الله

[tawareq]

اذا الاراضي التجارية في العزيزية من 700 ريال - 900 ريال الحين اسعارهم فوق 2500 ريال في الفوت

اسعار الاراضي في عين خالد من 370 ريال للفوت وانت طالع

قلة المعروض وكثرة الطلب

[دااانة قطر]

حسبي الله ونعم الوكيل

[الكاسر99]

وليش كل هذا يصير


هل التضيق على خلق الله في أجر وكسب حسنات

الأرتفاع كبير جداً من سعر الفوت بمبلغ 80 ريال قبل عشر سنوات في

العزيزية أو أقل من 80 للفوت صار سعر الفوت 400 ريال

مبلغ كبير جداً

يعني القطري اللي يبي يجمع أربع ملايين على راتبة أذا كان بنقول أن

راتبة 30 ألف ريال قطري يبي له عمره كله ماراح يجمعه لا هو ولا كل أسرته

مبلغ لشراء أرض فقط

هذا غير البنيان

[دااانة قطر]

والله بسببهم ماني طااايلة لا شراااء ولا ايجااار
و6/30 اخر يوم لي في السكن اللي انا فيه
واذا لقيت ايجاار مب نظيف ومزري









وين حقوق الموااطنه القطرية اعيش في الشاارع مثلا

[الكاسر99]

لا حول ولا قوه إلا بالله العلي العظيم

الله ييسر لك أمرك ويفك ضيقتك يارب

خل التجار اللي همهم أنفسهم فقط يسمعون ويسهلون على الناس


وينهم من هذا الحديث

عن أبي هريرة رضي الله عنه ، عن رسول الله صلى الله عليه وسلم ، قال : من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسر على معسر ، يسر الله عليه في الدنيا والآخرة ، ومن ستر مسلما ، ستره الله في الدنيا والآخرة ، والله في عون العبد ، ما كان العبد في عون أخيه ، ومن سلك طريقا يلتمس فيه علما ، سهل الله له به طريقا إلى الجنة ، وما جلس قوم في بيت من بيوت الله ، يتلون كتاب الله ، ويتدارسونه بينهم ، إلا نزلت عليهم السكينة ، وغشيتهم الرحمة ، وحفتهم الملائكة ، وذكرهم الله فيمن عنده ، ومن بطأ به عمله ، لم يسرع به نسبه رواه مسلم .

هل التضيق على خلق الله من تفريج الكرب ......؟؟؟

وربي كلنا بنموت واللي بنسوي في الدنيا بنتحاسب عليه في أخره

نجمع الاموال ونضيق على خلق الله

وأخرتها حفره في مقبره أبو هامور بالمجان جزاها الله خير الدولة بتوفرها لك مساحتها اذا كبيره

الطول متر ونص في عرض نص متر


وين فلوسك اللي كنت تضيق على الناس فيها

هل بتاخذها معك القبر ........؟؟؟

[عقار]

والله الحل بيد الدوله انها توزع اراضي على كل القطريين ،، وتفتح شوارع تجارية جديده في قطر ،، وتفتح مناطق عمارات جديده .
وبتشوفون اشلون الاسعار بتنزل للارض ،،، بس السؤال المهم
هل المسؤولين مب شايفين ؟؟؟؟؟ والحلول موجوده قدامهم ،، ليش ما يحلون ها المواضيع ؟؟ ومن اللي له مصلحه ان السوق يتم فووووووق ؟؟؟؟

[المهندس21]

والله الحل بيد الدوله انها توزع اراضي على كل القطريين ،، وتفتح شوارع تجارية جديده في قطر ،، وتفتح مناطق عمارات جديده .
وبتشوفون اشلون الاسعار بتنزل للارض ،،، بس السؤال المهم
هل المسؤولين مب شايفين ؟؟؟؟؟ والحلول موجوده قدامهم ،، ليش ما يحلون ها المواضيع ؟؟ ومن اللي له مصلحه ان السوق يتم فووووووق ؟؟؟؟


اتفق معاك اخوي .. هذا هو الحل المنطقي والواقعي ما أقول إلا الله يفرجها .

[الجوكر90]

السلام عليكم
الشيخ اسمح لي ﻻدخل التجار فالموضوع
ﻻن هم مالهم شغل
الدوله هي الي خلت الاسعار ترتفع بشكل مب طبيعي

يعني واحد من 1998 ناطر الارض والقرض ولين الحين ماطلعت له فمجبور يروح يشتري ارض ويبنيها
وشوف كم واحد ناطر ارضه والي عندهم واسطات محصلين بدون مايتزوجون
اعرف ناس طلعت لهم الاراضي بدون مايتزوجون وازيدك بعد انهم مايستحقون ﻻن الجد متجنس يعني اوراقهم تتحول لبنك التنميه

والسبب الثاني الدوله تعطي مليون و200 ومافي بيوت بهل السعر الا فالخور والشمال

لو الدوله تبي تصحح الاوضاع يقدرون يبنون بيوت ويوزعونها ع المواطنين بدال المليون و200

اما تقولي جشع فاقولك اذا عندك ارض ماراح تبيعها باقل من سعر السوق الا بشوي مب فرق 100 ريال

وبالتوفيق للجميع ان شاء الله

[BU_7MD]

ازيد عليك ان الفوت في ام عبيريه وصل 300 .. والفوت في الخور وصل 250

لا حول ولا قوة الا بالله


انا اشوف ان تسعير الفوت يكون من الدوله .. هي اللي تعطي تسعيره موحده للأراضي .. وكل فتره تحدث الاسعار بزياده منطقيه

[أسد قطري]

صح لسانك والله اهلكونا باسعارهم ماقدرنا نتملك حتى غرفة وحدة

[بـارود]

الله يصلح الحال ،،،

[رحال]

خل الدولة تفتح مناطق عمارات جديدة ..

أحياء شعبية وفرجان قديمة مضى عليها أكثر من 35 سنة مثل :

مدينة خليفة الجنوبية والشمالية والمرة الشرقية والغانم الجديد .. الخ

هذي المفروض يسمح فيها بناء عمارات أو على الأقل g+1،2

وشوف بعدها التوازن بالأسعار شلون بيصير

[كنترول]

في نشرة لقناة الcnbc يتملك الخليجيين في دولة قطر بنسبة 56% من الاراضي
والقانون عندنا يسمح بامتلاك الخليجي 4000متر بالله عليكم من كثر الاراضي في قطر
واعرف دلال قطري اكدلي ان اكثر زباينه خليجيين ,,,, واحد منهم يقوله في سنة 2004 والله
لنرفع سعر الفوت في الشمال ل200 ريال من وين يرقعها المواطن مدري الله يستر

[تهامي باشا]

الموضوع عرض وطلب، والمعروض في السوق شحيح مقارنة بأعداد السكان المتزايدة
لكن تأكد بعد اكتمال مشاريع بروة ولوسيل السكنية، إضافة إلى العديد من المشروعات السكنية الأصغر مثل مشاريع الوعب وإزدان وماكين وغيرها، سيكون هناك حركة تصحيح للأسعار، لن ترجع الأسعار إلى ما كانت عليه قبل 2004، ولكنها بحسب توقعاتي ستصل إلى ما كانت عليه في 2009

نقطة أخرى
مساحات الأراضي الحكومية أخذت تصغر شيئاً فشيئاً، ستصبح التوزيعات مستقبلاً 600 متر مربع، وذلك حتى تستوعب الأحياء السكنية أكبر عدد من السكان

[DR.Hamad]

الحل بيد الدوله



الاراضي ما ادري شنو شغلتهم... السالفه كلها توزيع اراضي ليش مصكرين ماتدري


والمشكله الطلبات مب كثيره بس هم ما يبون يخلصون هل قطر




حسد فيهم


اللهم ارنا في كل شخص قصر في اعطاء ارض لمواطن عجائب قدرتك

[بومحمد المطاوعه]

لاحول ولاقوه الا بالله

اعرف ناس متضررين بسبب هذا الامر

مساكين الدوله ماتعطيهم ارض فقط قرض

لان جدهم مب مولود ف قطر

انزين شذنبه اذا اهو مب مولود هني

ليش ماتسوون بيوت جاهزه وتسلمونها لهم

ليش اسعار الاراضي خياليه

حتى لو اروح رويس انا ماقدر اشتري ارض
هذا وانا اتكلم عن نفسي اشلون اخواننا الي مالهم منحه ارض وقرض

فقط قرض


الله المستعان


يعطيك العافيه يالغالي

[maree]

السلام عليكم
الشيخ اسمح لي ﻻدخل التجار فالموضوع
ﻻن هم مالهم شغل
الدوله هي الي خلت الاسعار ترتفع بشكل مب طبيعي

يعني واحد من 1998 ناطر الارض والقرض ولين الحين ماطلعت له فمجبور يروح يشتري ارض ويبنيها
وشوف كم واحد ناطر ارضه والي عندهم واسطات محصلين بدون مايتزوجون
اعرف ناس طلعت لهم الاراضي بدون مايتزوجون وازيدك بعد انهم مايستحقون ﻻن الجد متجنس يعني اوراقهم تتحول لبنك التنميه

والسبب الثاني الدوله تعطي مليون و200 ومافي بيوت بهل السعر الا فالخور والشمال

لو الدوله تبي تصحح الاوضاع يقدرون يبنون بيوت ويوزعونها ع المواطنين بدال المليون و200

اما تقولي جشع فاقولك اذا عندك ارض ماراح تبيعها باقل من سعر السوق الا بشوي مب فرق 100 ريال

وبالتوفيق للجميع ان شاء الله

اتفق معاك أنا اعرف شباب قطرين ومهاتهم فطريات وخادمين البلاد من صغرهم وفوق ذالك قالو ما يستحقون ارض ولا قرض مع أنهم معطين ناس أعرفهم زين أجانب متجنسين وبعد أطفال مواليد 2004 و2008 فهل هذا أنصاف شباب قطر متزوجين وعندهم عيال وهم وبهاتهم خادمين البلاد وينقال لهم ما يستحقون وراييس الاجنه اصله أجنبي متجنس ماشاف نفسه يطفش هل قطر ويضيق عليهم حسبي الله ونعم الوكيل وين الحكومه عنهم

[Qtrfalcon]

السلام عليكم

موضوع مهم بصراحه

ولازم يكون في حل لان لو مافي الواحد مايعرف لين وين بتروح الاسعار
بصراحه هالشي غلط ولازم يكون في حل للتصحيح


لان الارتفاع هذا قد يصل لمرحلة الجنون بصراحه
والله المستعان الكثير يريد ان يبني او يستثمر لاطفاله في المستقبل ولكن لايستطيع

ونتمنى حل في اسرع وقت

[الكاسر99]

جزاكم الله خير على مروركم وتعقيبكم على الموضوع

أتمنى تنزل الاسعار

ضاقت على بعض الأسر مصايب الدنيا

سهلوا على الناس ويسروا عليهم

ييسر بأذن الله عليكم أموركم

[ولد شرق]

مافي شي يستمر بالطلوع والارتفاع لازم يصير تصحيح بأسعار الاراضي هذا رأيي الشخصي بس متى الله اعلم. اذا تذكر في ٢٠٠٦ طلع الفوت الى نفس الاسعار الحاليه ومن ثم في ٢٠٠٨ نزل الى اقل من نص سعره ورجع طلع في ٢٠١٠.

اخوي الذكي
ماحس ان الاراضي راح تنزل
لأنها عملية متشربكة جدا المشكله مهب في جشع التجار بس لكنها دوامه وانا اخوك

اللي شاري الفوت ب 300 مستحيل يبيع بأقل من سعر الشراء

[atiq]

المشاريع الكبيرة والاحداث والمرافق هي الي ساعدت في ارتفاع الاراضي

المجمعات السكنية الي تنبني عن طريق ازدان وبروة ودلالة و...تساعد في ارتفاع وتيرة الاسعار

روحوا شوف المشاف والوكير والخيسة والغرافة والريان وام صلال والخور وغيرهم من المناطق و التجار يشتروون مساحات واسعة وياجرونها على الشركات لتسكين الموظفين وبالتالي الاسعار قاعدة تترتفع

لاننسى بعد موضوع الشوارع وتوسعتها واستملاك الدولة لبعض الاماكن الحيوية للمنفعة العامة كما هو حاصل في الناصرية والريان لتوسعة موسسة قطر ومنطقة وادي السيل والرميلة والبدع لمشروع قطر خضراء والوكرة لاحياء الوكرة القديمة هذا غير مناطق الدفنة والجسرة ومعيذر وغيرها من المناطق

مشاريع الريل وكاس العالم بتكون عامل مساعد وفعال في الارتفاع لكن ماقد يكبح الجماح هو توزيع الاراضي مع الخدمات للموطن كما حصل موخرا في الوكير/المشاف2 5000 قطعة لان اغلب الناس تبحث عن السكن والاستقرار وليس الاستثمار

فلاارى ان زيادة الراتب مجزية بل ستكون السيف المسلط على المواطن

والله المستعان

[السد العالمي]

يا اخوان السبب ليس الملاك ولا المكاتب العقاريه من قام برفع الاسعار بهذه الصورة الجنونيه هم بعض الوسطاء اللي يعملون بشكل غير قانوني في السوق العقاري لدينا ، ليس لديهم لا مكتب عقاري ولا خبرة في هذا المجال ، اعتقد بانه حان الاوان ان نشهد تدخل من الجهات المعنيه والقضاء على هذه الظاهره حتى يعود السوق لوضعه الطبيعي

[مخطط قطري]

يا اخوان السبب ليس الملاك ولا المكاتب العقاريه من قام برفع الاسعار بهذه الصورة الجنونيه هم بعض الوسطاء اللي يعملون بشكل غير قانوني في السوق العقاري لدينا ، ليس لديهم لا مكتب عقاري ولا خبرة في هذا المجال ، اعتقد بانه حان الاوان ان نشهد تدخل من الجهات المعنيه والقضاء على هذه الظاهره حتى يعود السوق لوضعه الطبيعي

:nice:

[الدبلوماسي]

يا اخوان السبب ليس الملاك ولا المكاتب العقاريه من قام برفع الاسعار بهذه الصورة الجنونيه هم بعض الوسطاء اللي يعملون بشكل غير قانوني في السوق العقاري لدينا ، ليس لديهم لا مكتب عقاري ولا خبرة في هذا المجال ، اعتقد بانه حان الاوان ان نشهد تدخل من الجهات المعنيه والقضاء على هذه الظاهره حتى يعود السوق لوضعه الطبيعي
:telephone:

[Just Smile]

رغم ان سمعنا بيكون في تصحيح و راح يكون هناك تسعيره للاراضي من الدولة بس ما شفنا شي لحد الحين

نتمنى يتم الالتفات لموضوع توزيع الاراضي و اسعار الاراضي بالسوق

[بوحمد1]

دوام الحال من المحال

[الارياف العقارية]

الله كريم وقادر علي التجار وعلي طمعهم وجشعهم