الفيزا الريطانية@@

[doha70999]

مرحبا

حبيت اسأل عن طريقة التقديم للفيزا البريطانية لاني اعرف انهم داما يغيرون نظامهم وانا ماقدمت عليها من فوق السنة...

ياليت اللي يعرف يفيدني وخلال كم يوم تطلع؟

مشكورين :nice:

[النهار]

ياخوي روح السوق الي في فريق كليب
في اكثر من محل هم يسون لك كل الاجراءت
مش اقل من شهر في الوقت الحاضر

[♫ احسـاسـ طفلـهـ ♫]

والله كنت توني بحط موضوع عن هالسالفه وشفت هالموضوع قلت ما يحتاج وان شاء الله نستفيد جميعا من الردود .. بتصل فيهم بعد وبشوف

[سارا البدر]

روح لاقرب مكتب سفريات وهو راح يعبى الابلكيشن الخاص بالسفاره ويحدد لك موعد

والفيزا تاخذ لها تقريبا اسبوعين على ماتطلع

[بـن عدوان]

ياجماعة هو يقصد في شي تغير في طريقة التقديم ؟؟


عموما ..


اللي اعرفه انه السعر اختلف بس كم مادري والله

واحد من الشباب طلعت له خلال 3 ايام من غير مايدفع اي رسوم زيادة

[قطرية مثقفة]

عبي الاستمارة على النت واحجز موعد على النت @@ لان المواعيد حجزها على النت صار واذا تبي موعد للمقابلة سريع تدفع 250 زيادة على سعر الفيزا والفيزا تاخذلها حول أسبوعين وفي ناس 3 اسابيع بس اذا تبي خلال ايام بعد بتدفع اكثر @@ هذي الكلام كان على شهر 12 بس الحين ماادري اذا تغير او لا @@@

[M5577]

الفيزه تاخذ لها اسبوع

ال6 شهور بـ 500
والسنتين بـ 1700
وال5 سنين بـ 3200

لين عبيت الابلكيشن الموعد بيتاخر بعد اسبوع او اسبوعين واذا بغيته مستعجل تدفع 800 ريال زياده على على اسعار الفيزه اللي فوق ^ وتخلص لك ف 3 او يومين * وعلى فكره هالنظام اذا كان موسم وزحمة يوقفونه !

250 اللي يقولون لك عنها هي للـ في اي بي فالسفاره ابدا مايحتاي انك تقعد ف كرسي بروحك اهناك هههه

عموما اذا ماعرفت اتعبي الابلكيشن كل السفريات تعبيهم ,, رجنسي او اي سفريات ثانيه بـ 150 ريال للشخص واذا ما خاب ظني تعطيهم افلوس الفيزه قبل عشان يدخل فالاحساب ويعطونك وصل عليه نسيت لاني اخر مره سويتها شهر 12 "-_-