وين افضل مستشفى للولاده

[مضارب دوسري]

السلام عليكم ورحمة الله وبركاته
بغيت استفسر وين افضل مستشفى للولاده
هل مستشفى النساء والولاده
ولا الاهلي
ولا الدوحه
وجزاكم الله خير

[النهار]

نصيحه لوجه الله
مستشفى النساء والولاده

[تغلبية]

نصيحة استشاري أمين :

اي مرض روح له دكتور حكومي أو خاص كيفك

إلا الولادة ..

خلك على الحكومي لأن الولادة احوالها أحوال ..

والمستشفيات الخاصة ما تتحمل كامل المسؤولية لا قدر الله لي صار شي

[ضوى]

مستشفى النساء والولادة من غير اي منافس

وللعلم اي حالة تنتكس في المستشفيات الخاصه ينقلونهم الولادة لانهم اقدر على التعامل مع الحالات الحرجة عكس الخاص مايتحملون مسولية ابدا

[مضارب دوسري]

جزاكم الله خير

[النهار]

اخوي مضارب ماعليك من شوية الديكور والعنايه الفائقه التي يدعون فيها
عندهم القيصريه ببيزيه مثل ماقالت ضوي اي انتكاسه للمريض على طول يحولنه على حمد
لان قدراتهم الطبيه والاختصاصيه محدوده

[بصمة قطرية]

اخوي مضارب ماعليك من شوية الديكور والعنايه الفائقه التي يدعون فيها
عندهم القيصريه ببيزيه مثل ماقالت ضوي اي انتكاسه للمريض على طول يحولنه على حمد
لان قدراتهم الطبيه والاختصاصيه محدوده

القيصرية ...!!!!
للأسف في الفترة الأخيرة صارت القيصرية من الأشياء اللي تخوف ..
ثنتين من قرايبي ولدوا قيصري في مستشفى الولادة
و الثنتين عانوا معاناة و ما زالوا يعانون و يتعالجون
من القيصرية دخلوا في متاهات و عمليات
ما أقول غير
( حسبي الله و نعم الوكيل على الأطباء الفاشلين اللي ما يخافون ربهم )
وحدة سوت من لحظة القيصرية ما يقارب الخمس عمليات
كلها بسبب أخطائهم لحظة العملية ...!!
و الثانية من لحظة القيصرية تعبت و قدامها مشوار للعلاج
و عملية ...!!!!

غير الحالات اللي يأخرونها لين ينزلونها غرفة الولادة
و تولد في الغرفة أو الطريق ..!!!

صحيح الولادة أضمن و أرحم من الخاص بألف مرة
بس في الفترة الأخيرة أخطائهم كثرت .. !!!

[لبيبة]

النساء والولادة فقط

حتى الخاص حاطين ارقام الطوارئ للنساء والولادة عندهم

لانهم ما يقدرون يتعاملون مع اي مشكلة في الولادة

[ام السعف]

امكانيات النساء والولادة اكبر طبعا ،،

الا لو تضمن ان روزفي في الاهلي هي اللي بتولد الحرمة
اقول لك روح الأهلي ،،

وفي الأخير بنا يسهل ان شاءالله

[مساهمة]

يعتمد على قناعة المره نفسها ..

عن نفسي اولد في الاهلي .. والاهم الاستخارة قبل ما الوحده تحدد وين بتولد والتساهيل من رب العالمين

نصيحة ثانية .. ابرة التخدير والله انها نعمة وماعليك من سوالف الحريم .. ياخذون الابره ويقولون تحملوووووا تاخذونها .. ويرجعون ياخذونها في الولادة الثانية :secret:

بس قبل أي قرار الاستخـــــــــــــــــااارة .. والله يسهل على الجميع :)

[catqat]

الرجل سأل سؤال... وكل رد اكأب من الثاني... شكل الولادة الجاية راح اتكون برة الديرة

[nono80]

مستشفي الولادة زين بس نفس ماقالت الاخت الفترة الاخيرة اخظاء بالجمل ومذله لادكتور ولا دكتورة علي النيرسات تعانين لين حد يمر عليج وابرة الظهر حظ ونصيب ممكن الاهلي ودكتور من برع اي مستسفس او عيادة مثلا فواز او عمر ابو زينب او اي دكتورة وكان الله غفورا رحيما لانه الولادة اصعب شي لزم الواحد يختار شي يرتاح له مش مساله ظمان لانه كل شي بيد رب العالمين في الولادة او خاص

[لبيبة]

امكانيات النساء والولادة اكبر طبعا ،،

الا لو تضمن ان روزفي في الاهلي هي اللي بتولد الحرمة
اقول لك روح الأهلي ،،

وفي الأخير بنا يسهل ان شاءالله
روزفي بنفسها تحول للولادة حالات لان المستشفى الاهلي مافيه امكانيات

[مضارب دوسري]

جزاكم الله خير

[مضارب دوسري]

الرجل سأل سؤال... وكل رد اكأب من الثاني... شكل الولادة الجاية راح اتكون برة الديرة

:nice:

[تحداني]

الرجل سأل سؤال... وكل رد اكأب من الثاني... شكل الولادة الجاية راح اتكون برة الديرة



:secret:
:shy::shy:

الله بيسهل لهم ان شاء الله
وعليه ينقلون تجاربهم :(

[مسمس12]

الاهلى اذا كان عندك التامين ويعتمد اذا الحمل فيه مشاكل مثل السكر وغيرة اتروح الولادة فحمد اريح

[ام السعف]

روزفي بنفسها تحول للولادة حالات لان المستشفى الاهلي مافيه امكانيات

بصراحة أكبر
روز ما خلت وحدة ما فتحت لها بطنها
وتسوي عمليات ازالة للاورام والأكياس وعمليات الخياطة تكون تجميلية
راائعة ،
فمب عارفة شنهو العجز اللي في المستشفى لو الجنين بخير
والمطلوب عملية توليد فقط ،،

[بصمة قطرية]

الرجل سأل سؤال... وكل رد اكأب من الثاني... شكل الولادة الجاية راح اتكون برة الديرة

ما فيها شي لو وضحنا شغلات ممكن الواحد يغفلها
و تكون ضرورية ..
يعني أنا ذكرت حالتين ولدوا قيصري في الولادة
و الثنتين تسببت لهم القيصرية ببلاوي
و إنضرت الكلى ..!!!!

[لبيبة]

بصراحة أكبر
روز ما خلت وحدة ما فتحت لها بطنها
وتسوي عمليات ازالة للاورام والأكياس وعمليات الخياطة تكون تجميلية
راائعة ،
فمب عارفة شنهو العجز اللي في المستشفى لو الجنين بخير
والمطلوب عملية توليد فقط ،،
احيانا يكون في مشاكل محتملة على الجنين وعلى الام من مضاعفات بعد الولادة. لا يملك المستشفى الاهلي القدرة على تداركها.

[غزلان]

النساء والولاده

ويمدحون روزفي في الأهلي

[قطري قديم]

نصيحه من واقع تجربه روح مستشفي النساء والولادة

[شرقاويه]

مستشفئ الولاده الخاص يستعجلون علئ المريضه ويسون لها قيصيري بس علشان زيادة الفلوس

[catqat]

ما فيها شي لو وضحنا شغلات ممكن الواحد يغفلها
و تكون ضرورية ..
يعني أنا ذكرت حالتين ولدوا قيصري في الولادة
و الثنتين تسببت لهم القيصرية ببلاوي
و إنضرت الكلى ..!!!!

يعطيكم العافية ع ردودكم ، لكن هذا اللي أشوفه... دام انها حالتين او عشر حالات فاشلة ، والباقي ناجحة ، مايعتبر(مستشفى فاشل) فليش نذكر السئ!! .... أكبر مستشفيات امريكا والمانيا تقع فيها الاخطاء :)

شكله اول مرة يكون بيبي (بالقيصري) ومتوتر شوي ع المدام والبيبي، خلونا نذكر الشئ الايجابي ، ونعطيه الاجابة دايركت لاحسن دكتور ... :)

[بونووف]

النساء والولاده

الاهلي عندهم نقص فالاجهزه واذا حالة البيبي تدهورت يطرشونه على النساء والولاده هالكلام صار لوحده من اهلنا

[sout qatar]

الأهلي صج ان مستشفى خاص ومادي بس عناية ولا اروع ويهتمون والدكاتره الي هناك يفحصون الحامل قبل ماتربي واذا لاقدر الله في اي مشاكل او ممكن تحصل اي مضاعفات يقونلك والمضاعفات والاخطاء واردة في كل المستشفيات وحمد ماشاء الله بعد مب مقصرين فالاخطاء وغير ان مشكلتهم يذلونك ولافي اهتمام حتى الغرف ماتحصلها الا بالواسطة وزحمة ولا يهتمون فعاد انصحك بالاهلي عند الدكتوره زولفي او مها اللحام
والله يقوم هلك بالسلامة ان شاء الله

[نوار قطر]

امس كنا نتكلم عن هالموضوع اي حاله او اي مرض المستشفيات الخاصه وااايد احسن الا الولاده من الاحسن انها تكون في مستشفى النساء والولاده ..

[kawkawii]

القيصرية ...!!!!
للأسف في الفترة الأخيرة صارت القيصرية من الأشياء اللي تخوف ..
ثنتين من قرايبي ولدوا قيصري في مستشفى الولادة
و الثنتين عانوا معاناة و ما زالوا يعانون و يتعالجون
من القيصرية دخلوا في متاهات و عمليات
ما أقول غير
( حسبي الله و نعم الوكيل على الأطباء الفاشلين اللي ما يخافون ربهم )
وحدة سوت من لحظة القيصرية ما يقارب الخمس عمليات
كلها بسبب أخطائهم لحظة العملية ...!!
و الثانية من لحظة القيصرية تعبت و قدامها مشوار للعلاج
و عملية ...!!!!

غير الحالات اللي يأخرونها لين ينزلونها غرفة الولادة
و تولد في الغرفة أو الطريق ..!!!

صحيح الولادة أضمن و أرحم من الخاص بألف مرة
بس في الفترة الأخيرة أخطائهم كثرت .. !!!
نص أهلنا قيصري وفي حمد محد قال جذيه
يمكن الي عاملوا ذيلا ما عرفوا يعتنون بنفسهم عدل بعد القيصريه
لان القيصريه مب جراحه عاديه وتتطلب عنايه خاصه بعد المستشفى مب بأوامر الدكتور !

بالعكس أنا أشوف شغلهم حلو وأغلبهم يطلعون كأنهم والدين طبيعي

لكن الي يشوف الشي شين طبيعي ما بيلقى منه الا شين :omen2::secret:

[قطرية مثقفة]

مستشفى الولادة @ حمد
أفضل شيء @@ قبل سنوات كنت حامل ومريت على مستشفيات الخاصة بس بصراحة مستشفى الولادة كان الأفضل في كل شي فولدت عندهم على الرغم انه زوجي عنده تأمين صحي

[قطرية مثقفة]

النساء والولاده

ويمدحون روزفي في الأهلي

روزفي ممتازة بس مادية

[مهرة]

اكيد مستشفى النساء والولادة .. مستشفى الدولة الأول بلا خاص وبلا فشخرة كذابة..

للأسف وحدة الله يستر عليها معانا بالدوام كانت تمدح لنا الأهلي ودكاترتهم الفاشلين وبعض البنات راحو اثنين منهم قيصري ووحدة منهم أثر على رجولها مادري بالضبط اشصار؟؟ بس هالوحدة عانت منهم وتسببو لها بمشاكل من جذية قالت خلهم يجربون الي جربته .. الله يهدي الجميع