هل تدفع 235000 ريال في سيارة كورية؟

[جاسم الدوحة]

السلام عليكم
جربت قبل مدة سيارة كورية جديدة من (كيــا) اسمها (كوريس)
محركها 3800 سي سي (6 سلندر) وفيها جميع المواصفات والأنظمة
اللي تتخيلها واللي ما تتخيلها في أحسن السيارات اليابانية
وحتى الألمانية (بل تتفوق عليهم) ..
ولاحظت إن السيارة ثابتة وراسية وقوية ووسيعة
وفيها هايدروليك وسواقتها حلوة .. إلخ

السؤال : هل تدفع فيها 235 ألف ريال ؟
علمــًا بأن ضمانها 5 سنوات + صيانتها 5 سنوات

يا ريت الكل يشارك برأيه لا هنتـوا
ويا هـلا فيكم

[القيادي]

حطها لك في كروزر 8 سلندر ابركلك

[فرهود]

زمان كانت نظرة الناس للسيارات اليابانيه نفس نظرتنا اليوم للسياره الكوريه .

[لاجل QT]

حط صورة لنا

نشتريها على حسب السمعة والشكل والمواصفات

[Aaziz]

اجابتا على السؤال: لا ادفعها ابدا

[وطن]

اسعارهم في كوريا جذي وازيد
و تعتبر من السيارات الفخمة طبعا هناك

انا ما ادفع الا في المرسيدس
ما اقدر اجاوب على هالسؤال
:(

[الدوحة قطر]

بالنسبة لي مستحيل ادفع هالمبلغ في موتر كوري

من وجهة نضري ادفع هالمبلغ في ياباني احسن بكثير

[alnoida]

لا أدفع
هذا المبلغ ممكن دفعه في سيارة تحافظ على سعرها في السوق في حالة الرغبة في بيعها بعد خمس سنوات.


هذه الشركة ضمانها 10 سنوات على جميع موديلاتها في امريكا



علمــًا بأن ضمانها 5 سنوات + صيانتها 5 سنوات

[تمون]

والله صار لي فتره وانا اشاور عمري على هالسياره بالذات
ومحتار بين ٦ سلندر و ٨ سلندر
وللعلم شركة كيا الان جميع قطع غيارها متوفره و برخص التراب
انا الصراحه ناوي على السياره وانت شطيتني

[تمون]

هذي هي السياره للي يبي يشوفها

https://www.google.com/search?q=كيا+كوريس&client=safari&hl=ar&tbm=isch&tbo=u&source=univ&sa=X&ei=T-OzUfeTGsO3rAfpn4HgCg&ved=0CC0QsAQ&biw=568&bih=268

[ذكي جدااا]

نفس السعر تشتري مرسيدس اي كلاس

[00soma00]

هذي هي السياره للي يبي يشوفها

https://www.google.com/search?q=كيا+كوريس&client=safari&hl=ar&tbm=isch&tbo=u&source=univ&sa=X&ei=T-OzUfeTGsO3rAfpn4HgCg&ved=0CC0QsAQ&biw=568&bih=268
ماشاء الله شكلها اكثر من رائع

اما عن انها تستاهل او لا ماعندى فكرة لذلك بترك الميكروفون لغيرى :nice:

[mr.hamouda]

ما شاء الله السياره روعه
أي نعم ادفع !!!

[khaldoon]

لا طبعا ما ادفع.....اولا لانها كورية...و ثانيا لانها صالون

السيارات الكورية جميلة بالشكل بس مب هيفي ديوتي

[شيخ الديرة]

لأنها موديل جديد ما أشتريها, لأن دائما يجدون عيوب في المراحل الأولى

[qatara]

اي نعم مدام مكفوله لهذه المده
وبعد الخمس سنوات لكل حادث حديث

[ww1000000]

تخيل انك شريتها والحين حاط إعلان للبيع إذا جابت لك 90 ألف زين

[hamoor4ever]

حطها بكروزر ابرك لك مليون كيا ماشتريها لو برخص التراب

[alfaisaly]

والله اذا بدفع بدفع عليها كا سياره مب اكثر من 160 الف كحد اقصى

[Al-Kuwari]

لا

احطها في تويوتا ولا ازيدها شوي واشتري الماني

[بوعجيل]

حطها لك في كروزر 8 سلندر ابركلك

[ام السعف]

زمان كانت نظرة الناس للسيارات اليابانيه نفس نظرتنا اليوم للسياره الكوريه .

:nice:

ايه ادفع دام ان السيارة فيها مواصفات ومحترمة،،

[عاشق العديد]

والله مادفعت على كيا .. من اسم الوكاله اصلـن ..

ازيدها 200 واطلع لي بورش احسن لي .. على الاقل استخدام من الي مايحتاي وسبورت وسرعه وهاي المهم ..

[khalid.qtr]

حلوه ،،

[almaf1a]

لا طبعا

[Amigo]

مستحيل وابدا بكل اختصار لو كانت السياره زينه
بس صيانتهم من اسوأ مايكون مع احترامي لهم طبعا
طبعا عن تجربه

[asad100]

لا


طبعا لا يامان ........... كيا


صحيح ممكن تزيد في المواصفات بس

الجودة ، المتانة ، سعر ما بعد البيع ، الاسم بعد اشياء مهمة جدا وللاسف مما تتوفر الى الآن في الكيا

[حمد 2002]

السلام عليكم
جربت قبل مدة سيارة كورية جديدة من (كيــا) اسمها (كوريس)
محركها 3800 سي سي (6 سلندر) وفيها جميع المواصفات والأنظمة
اللي تتخيلها واللي ما تتخيلها في أحسن السيارات اليابانية
وحتى الألمانية (بل تتفوق عليهم) ..
ولاحظت إن السيارة ثابتة وراسية وقوية ووسيعة
وفيها هايدروليك وسواقتها حلوة .. إلخ

السؤال : هل تدفع فيها 235 ألف ريال ؟
علمــًا بأن ضمانها 5 سنوات + صيانتها 5 سنوات

يا ريت الكل يشارك برأيه لا هنتـوا
ويا هـلا فيكم


المشكله ياخوك اذا شريتها بهالقيمه ثاني يوم بينزل سعرها وبتصير 100 الف ، تدري ليش ؟ لان هالسيارات مب مرغوبه عندنا بالدوحه ، يعني اذا جيت اتبيعها بيطيح سعرها طيح ،،

الي ايحافض على سعره بالدوحه فقط التيويتا ،، التيوتا نفس العقار هههه يعتبر الابن البار لصاحبه ولراعيه ،،،

جووف طال عمرك التيوتا في بلدان ثانيه مايسوى شيء ، ويطيح سعره بشكل كبير ، بس في بلدان الخليج غيررر ،،،

تحياتي لك ،،

[العنيده]

بصراحه فخمه السياره .. بس سعرها بعد الشرا اتوقع ينزل:secret:

[الســـهم]

هلا وغلا الشيخ ..

سيارات الـكيا والـهيونداي صارت فخمة جدا في آخر ثلاث سنوات , وتصماميها أحلى من التويوتا والنيسان وحتى بعض السيارات الألمانية ..

بالنسبة لي يمكن لأني ما أفكر بسيارة صالون ، فما اقدر اعطيك رأيي بالموضوع ..

اللي مايخوفك ان سيارات كيا وهيونداي عليهم اقبال كبير وكبير جدا في السعودية , وسوق السيارات عندنا ماشاء الله مليان من اخوانا السعوديين , وصدقني هذي السيارات ماتوقف فالمعارض وعليهم اقبال حتى من المقيمين , واكبر دليل ان السيارات الكورية زادت شعبيتها في دول الخليج عامة , حتى شركات الإيجار صارت تستخدمها لأنها عملية ومافيها مشاكل كثيرة , اجرت هيونداي سوناتا من كذا شهر في دولة خليجية , وكانت عندي كامري فالبيت , الله يشهد ومالي فيها مصلحة ان الهيونداي اطلق واعبر بالسواقة مليون مرة من الكامري ..

القرار فالنهاية لك , السيارة ماراح تعطيك سعر مابعد البيع نفس سيارات تويوتا , فإذا انك مفكر انها تبقى عندك 5 سنوات أو اكثر والصيانة راح تكون من صدام لي صدام بدون تحمل تكاليف , فأتوقع انك راح تكون كسبان حتى لو بعتها بنص سعرها او اقل ..

[عيسى111]

أكتبوا في جوجل

تجربة قيادة كيا كوريس 2013 -حسن كتبي جدة

[boamir]

الصراحه اشوف الكيا الحين مالها حل كل مواترها حلوه
ومبين عليها قويه ومايحتاج

بس بالنسبه لي ادفع هالمبلغ وعلى هالسياره في قطر مافي امل
السبب بهالمبلغ اقدر اجيب لي موتر أفضل منه وهو الكروزر او النيسان الجديد
وثانيا دام إنه صالون مابينفعني كثر الفورويل بقطر وسمعتها بالشارع تعبانه
لكن لو انا بالسعوديه واضرب خطوط وخاطري بصالون بهالسعر كنت بفكر فيها

[ALHAJAJI]

لا والله ما ادفعها في كيا لو شنو

ممكن اخذ بهذا السعر جي اكسر ار

او نيسان فل ابشن
وانواع كثيره من السيارات بهذا السعر لو عقب خمس سنين ما يطيح نصف سعرها.

انصحك صل استخارة لله وشوف امورك على وين بتوصل , واسأل الله لك التوفيق

تحياتي

[مضارب دوسري]

لا طبعا بهالسعر مستحيل اشتريها
ليش اشتري سياره بهالسعر ولما ابيعها تطيح بجبدي ويطيح سعرها اكثر من النص

[محمد]

نعم ادفعها في حالة وحده ..
ان السيارة عاجبتني من كل الجوانب + مب ناوي ابيعها يعني ممكن بعد فترة اخليها او ابيعها بسعر خسران ماتفرق عندي ..

في هالحالة اخذها ..
ضمان 5 سنوات و سيرفس 5 سنوات شي مغري ..

[f111242]

والله ماادفع فيها نصف ريال
بهالمبلغ اخذي لكزس صالون ابركلي

[l0o0rd-qtr]

اذا الوكاله بتتكفل بكل شي خلال 5 سنوات توكل على الله ولا لاتاخذها وخذ لك تويوتا

[تحداني]

مستحيل وابدا بكل اختصار لو كانت السياره زينه
بس صيانتهم من اسوأ مايكون مع احترامي لهم طبعا
طبعا عن تجربه





ذكرتني بالي يشتري لك " نيسان " فور ويل ابــ 300 الف ما اعرف 400
وتالي هي نيسان وصيانتها مكلفه وشركه تعبانه مع احترامي لي راكبها وادري راح يدافع عنها
بس السوق السياراتي يشهد بذلك :)

....................................

مستحيل .. غير الألمانيه .. واليابانيه ما اشتري
واذا صرت اشوي غنيه بشتري هذيج البريطانيه :shy: ..
عاد حزر فزر


السياره مب شكل بس .. السياره يا شباب وانتوا ادرى قوه محرك .. وصناعه
واسم عريق .. وسعر ما بعد البيع .. اما عن الجمال .. بالله عليكم الجمس شنو فيها جميل
:anger1:


جملكم الله برضاه

[ضوى]

ذكرتني بالي يشتري لك " نيسان " فور ويل ابــ 300 الف ما اعرف 400
وتالي هي نيسان وصيانتها مكلفه وشركه تعبانه مع احترامي لي راكبها وادري راح يدافع عنها
بس السوق السياراتي يشهد بذلك :)

....................................

مستحيل .. غير الألمانيه .. واليابانيه ما اشتري
واذا صرت اشوي غنيه بشتري هذيج البريطانيه :shy: ..
عاد حزر فزر


السياره مب شكل بس .. السياره يا شباب وانتوا ادرى قوه محرك .. وصناعه
واسم عريق .. وسعر ما بعد البيع .. اما عن الجمال .. بالله عليكم الجمس شنو فيها جميل
:anger1:


جملكم الله برضاه


بنتلي :victory:

[تحداني]

بنتلي :victory:



لاءه
:shy:

[ضوى]

لاءه
:shy:

:telephone::telephone:

خبريني بسرعة عالواتس والا خاص ياللا اشوف :anger1:

[الســـهم]

:telephone::telephone:

خبريني بسرعة عالواتس والا خاص ياللا اشوف :anger1:

اكيد معشوق الجماهير range rover ..

[تحداني]

:telephone::telephone:

خبريني بسرعة عالواتس والا خاص ياللا اشوف :anger1:


:shy::shy:
آسفه


اكيد معشوق الجماهير range rover ..



لاءه :shy::shy:

[ولد العرب]

اسعارهم في كوريا جذي وازيد
و تعتبر من السيارات الفخمة طبعا هناك

انا ما ادفع الا في المرسيدس
ما اقدر اجاوب على هالسؤال
:(

من قدك ماشاء الله
الله يزيدك:)

[تاسيتوس]

خل حد معروف يأخذها بتشوفها عقب في كل بيت

[جينير]

حطها لك في كروزر 8 سلندر ابركلك


أو اذا تبي صالون عندك عرض (( أودي )) سيارة فخامة وعروضهم:
صيانة خمس سنوات بما فيها زيت المحرك وتبديل االإطارات كلها عليهم لمدة خمس سنوات
هذا العرض موجود في الصحف اليومية القطرية

وهذا رأينا القرار عندك

اتمنى لك التوفيق في قرارك

[كتكوت الوحش]

صراحه السياره رروعه بس الي يبيها يشتريها مستعمل

[بومحمد المطاوعه]

نعم ادفع اذا السياره دخلت خاطري

والحمدلله الضمان موجود واعتقد ان كوريا تطورت

واصبح الصنع منافس للياباني

والسياره هذي شفتها بنفسي فالوكاله

الصراحه ابداع ماصدقت انها كيا

[STAR]

الحل
اذا عاجبتك خذها مستعملة شهرين او 5.. اتوقع بتكون رخيصة عليك..

[bos3eed]

لأنها موديل جديد ما أشتريها, لأن دائما يجدون عيوب في المراحل الأولى

اي صدقت وماله داعي الواحد يقضيها رايح جاي على الوكاله كل شهر, حزتها بينطبق عليه المثل اللي يقول يامن شرى له من حلاله عله

[لبيبة]

:shy::shy:
آسفه




لاءه :shy::shy:
استون مارتن

[بومحمد المطاوعه]

http://cdn1.albayan.ae/polopoly_fs/1.1770100.1353361486!/image/1431399910.jpg

http://www.saudishift.com/wp-content/uploads/2012/11/102.png

http://1.bp.blogspot.com/-73OQTKv1bTE/UKimWv5WLNI/AAAAAAABKSs/wpwxq9-UZyo/s1600/%D9%83%D9%8A%D8%A7+%D9%83%D9%88%D8%B1%D9%8A%D8%B3+ 2013.jpg

http://i33.servimg.com/u/f33/13/63/94/86/kia_k910.jpg

http://www.saudishift.com/wp-content/uploads/2012/11/img-Technology03.jpg

http://www.assayyarat.com/myimages/Nov12/salehhd_2012-Kia-K9-reel.jpg

http://farm9.staticflickr.com/8425/7663093288_2c5bf1cba6_b.jpg

http://farm9.staticflickr.com/8072/8262414042_f7162a7a65_h.jpg

http://www.saudishift.com/wp-content/uploads/2012/11/kia-q-3.png

https://fbcdn-sphotos-e-a.akamaihd.net/hphotos-ak-ash3/544219_462130897192264_1748550024_n.jpg

https://fbcdn-sphotos-d-a.akamaihd.net/hphotos-ak-snc7/487818_462130457192308_1311574957_n.jpg

[لبيبة]

لا ما ادفع في سيارة كورية، الماني او ياباني بس

[fhd4]

السيارات الكورية اذا يبون ينافسون في الفخامة ... لازم يسوون لهم ماركات بأسماء ثانية ...


مثل ... لكزس من التويوتا ... انفينيتي من النيسان ... أكيورا من الهوندا ...


بهذي الطريقة الشركات اليابانية غيرت نظرة الناس في سياراتها بداية من أواخر الثمانينات ...

[Chambray]

تخيل انك شريتها والحين حاط إعلان للبيع إذا جابت لك 90 ألف زين

هالكلام الصح :nice:

[بصمة قطرية]

الواحد يدفع هالمبلغ في سيارة
يضمن بكرة إذا جا يبيعها تجيب له شي
و تكون محافظة على سعرها
مب يخسر اكثر من نص المبلغ ...!!!!

[بصمة قطرية]

الصور اللي منزلينها حجمها وايد كبير
شقت الصفحة :secret:

[بوجاسم566]

بالنسبة لي مافي امل ادفع فوق الـ140 الف في سيارة كورية
وانصحك تجوف لك لكزس فورويل مستعمل او صالون جديد ابرك لك بوايد من الكيا
باجر اذا احتجت لاقدر الله او تمللت وودك بسيارة جديده الكوري مابجيب لك 60 الف
عكس اللكزس الى يحافظ على سعرة و يعيش معاك 10 سنين قدام

تحياتي لك واتمنى تفكر في الموضوع لان الكيا سيارة تعبانة

[Taiki]

عقلية الناس للحين في التسعينات ...

[ام السعف]

عقلية الناس للحين في التسعينات ...

اميل لرايك ومنتظرة تغيير جذري مع انتشار العلم والتطور في قطر :shy:

[abdo222]

الكوري يبقى "كوري"

واحد من الشباب شرى كيا من فتره، سياره عجيبه، بس تحس فيها اشياء مصنعيه رخيصه شوي،
مثلا الليت الي داخل لما تخليه مفتوح تقريبا دقيقه تحسه بدآ يرمق ولو حسيته يكون حاار

الكراسي والاكسسوار حق طبلون السياره بعد كم شهر تحسهم يتخلخلون ويطلعون صوت عن اي هزه

بتتعب ويا الوكاله و وعودهم الي ما تخلص

فما انصح بالسيارات الكوريه عن تجربه

[khaldoon]

الكوري يبقى "كوري"

واحد من الشباب شرى كيا من فتره، سياره عجيبه، بس تحس فيها اشياء مصنعيه رخيصه شوي،
مثلا الليت الي داخل لما تخليه مفتوح تقريبا دقيقه تحسه بدآ يرمق ولو حسيته يكون حاار

الكراسي والاكسسوار حق طبلون السياره بعد كم شهر تحسهم يتخلخلون ويطلعون صوت عن اي هزه

بتتعب ويا الوكاله و وعودهم الي ما تخلص

فما انصح بالسيارات الكوريه عن تجربه

شوف يا اخوي يا راعي الموضوع....هذا الكلام اللي من الاخر مثل ما يقولون....السيارة قلت لك قبل انها جميلة جدا بس مب هيفي ديوتي و كلام اخونا العزيز abdo222 تفسير و توضيح لكلامي

اصلا اهم ميزة بالسيارة الكورية انها رخيصه و هذا السبب اللي بيخلي الناس تلجأ لشرائها فان انتفت الميزة فايش السبب لشرائها

تدري شي....احلى شي بالكيا انك تلاقي خرابات داخل كابينة السيارة تصير من غير سابق انذار و لهالسبب اقولك ما تسوى:secret:

[جاسم الدوحة]

هذي هي السياره للي يبي يشوفها

https://www.google.com/search?q=كيا+كوريس&client=safari&hl=ar&tbm=isch&tbo=u&source=univ&sa=X&ei=T-OzUfeTGsO3rAfpn4HgCg&ved=0CC0QsAQ&biw=568&bih=268

مشكور أخوي تمون
على الصور المليونيـة :victory:
وفرت عليّ الجهد
أثناء متابعتي للموضوع
ومبروك مقدمـــًا :nice:

[جاسم الدوحة]

الشكر من الأعماق لكل قلم شارك في هذا الموضوع .

الحقيقة أنني لست بصدد شراء هذه السيارة
فقد اتخذت قراري منذ (مبطي) بـ(لا)
بل طرحت الموضوع بهدف المناقشة
والوقوف على آراء الأعضاء ومعرفة مبرراتهم
تجاه قبول الأمر أو رفضه .

ما أراه هو أن شركة كيـا (وكذلك شقيقتها هيونداي
التي صنعت سيارة مماثلة اسمها سنتينـيال)
بحاجة إلى اسم جديد للفئة الفاخرة من سياراتها
مثل تويوتا (لكزس) / نيسان (إنفينيتي) / فورد (لنكولن)
/ فولكسفاجن (أودي) / هوندا (أكيورا) .. إلخ .

لكن وجهة نظر شركة (كيا) أن يبقى الاسم كما هو
بهدف إثبات جودة صناعتها ، وقدرتها على بناء سيارات
فاخرة جدًا ، ولمحـْو النظرة السلبية القديمة التي ربطت
اسم (كيـا) برداءة الصناعة وقلة الجودة .

وأود أن أضيف هنا أنني - عندما قمت بتجربة هذه السيارة
في وكالتها - لم أرتـحْ أبدًا أبدًا لطريقة تعامل موظف المبيعات
معي ، بسبب تحجـّره في شروط التجربة ، وعدم مرونة
قسم المبيعات نهائيــًا في التفاهم مع الزبائن المحتملين
(وكنت منهم) ، ولم تكن المرة الأولى التي ألمس فيها ذلك
فقد دخلت معرضهم قبل سنتين تقريبـًا ، ووجدت منهم
نفس العقلية الناشفة في التعامل .

وأذكر أنني قلت لهم - بعد تجربة السيارة وكانت رائعة :
(إذا كانت فلوسي في جيبي وهذه طريقتكم في التعامل
فمن سيقف معي مثــًلا عند أول مشكلة في سيارتي؟)
بس .. وشكرتهم وخرجت .

أعتقد الكتاب كان باين من عنوانه منذ البداية ..
منذ دخول المعرض .. فالانطباع الأول مهم جدًا .

ثم إن السيارة - رغم ما فيها من مواصفات
قلــّما تجتمع في سيارة واحدة - إلا أن سعرها المعلن
(وبالنظر للاسم وبلد الصنع ووكالتها) مبالغ فيه جدًا .

سألت عن سعر هذه السيارة في السعودية
(فل أوبشن) ، فوجدته لا يتجاوز 195 ألف ريال سعودي
وأرجو ممن يستطيع تصحيح هذه المعلومات
إذا كانت مجانبة للصواب أن يفعل ، كما أن هناك
درجات أدنى في المواصفات عندهم .

وما أعرفه كذلك أن (هيونداي) لديها مثل هذه السيارة
اسمها (سنتينيال)بـ 8 سلندر و5000CC
لكن وكيلها في قطر لا يوفرها في سوقنا
ويوجد منها فقط 6 سلندر 3800CC وبمواصفات قليلة جدًا
تصلح للدريولية :tease:

مرة أخرى شكرًا لكل الأعضاء على التفاعل
ويبقى النقاش مفتوحـًا .

[Rosso]

حطوا في بالكم سعر الصيانة حق الي يقول اشتر الماني او كروزر
بالنهاية لا جيت تبيعها صح بتجيبلك سعر بس بتكون دافع هالسعر من قبل في الصيانة
اما الكيا بتجيبلك ربح صافي :nice:

[MAZEN37]

انا حاب اقول تجربتي بالسيارات
اولا كيا جربتها والجديد يتخلخل لانه مستحيل يوازي الياباني
ثانيا انا كنت من عشاق النيسان وميزته انه قوي
لكن بعد تجربت التويوتا اقولك ما راح اغير بحياتي
اريف واريح سياره وقطعها تستحمل جو الخليج
وخصوصا الفي اكس ار
حتى لو قديم

[Qt.1]

سعرها 235 تعال بيعها بتم مغبره في المعرض واذا حد له خاطر بيقولك 70 تبي والاكيفك , لازم اتكون النظره لبكره مهب بس لليوم نصيحه اذا شريتها بتندم ,

[تمون]

الشكر من الأعماق لكل قلم شارك في هذا الموضوع .

الحقيقة أنني لست بصدد شراء هذه السيارة
فقد اتخذت قراري منذ (مبطي) بـ(لا)
بل طرحت الموضوع بهدف المناقشة
والوقوف على آراء الأعضاء ومعرفة مبرراتهم
تجاه قبول الأمر أو رفضه .

ما أراه هو أن شركة كيـا (وكذلك شقيقتها هيونداي
التي صنعت سيارة مماثلة اسمها سنتينـيال)
بحاجة إلى اسم جديد للفئة الفاخرة من سياراتها
مثل تويوتا (لكزس) / نيسان (إنفينيتي) / فورد (لنكولن)
/ فولكسفاجن (أودي) / هوندا (أكيورا) .. إلخ .

لكن وجهة نظر شركة (كيا) أن يبقى الاسم كما هو
بهدف إثبات جودة صناعتها ، وقدرتها على بناء سيارات
فاخرة جدًا ، ولمحـْو النظرة السلبية القديمة التي ربطت
اسم (كيـا) برداءة الصناعة وقلة الجودة .

وأود أن أضيف هنا أنني - عندما قمت بتجربة هذه السيارة
في وكالتها - لم أرتـحْ أبدًا أبدًا لطريقة تعامل موظف المبيعات
معي ، بسبب تحجـّره في شروط التجربة ، وعدم مرونة
قسم المبيعات نهائيــًا في التفاهم مع الزبائن المحتملين
(وكنت منهم) ، ولم تكن المرة الأولى التي ألمس فيها ذلك
فقد دخلت معرضهم قبل سنتين تقريبـًا ، ووجدت منهم
نفس العقلية الناشفة في التعامل .

وأذكر أنني قلت لهم - بعد تجربة السيارة وكانت رائعة :
(إذا كانت فلوسي في جيبي وهذه طريقتكم في التعامل
فمن سيقف معي مثــًلا عند أول مشكلة في سيارتي؟)
بس .. وشكرتهم وخرجت .

أعتقد الكتاب كان باين من عنوانه منذ البداية ..
منذ دخول المعرض .. فالانطباع الأول مهم جدًا .

ثم إن السيارة - رغم ما فيها من مواصفات
قلــّما تجتمع في سيارة واحدة - إلا أن سعرها المعلن
(وبالنظر للاسم وبلد الصنع ووكالتها) مبالغ فيه جدًا .

سألت عن سعر هذه السيارة في السعودية
(فل أوبشن) ، فوجدته لا يتجاوز 195 ألف ريال سعودي
وأرجو ممن يستطيع تصحيح هذه المعلومات
إذا كانت مجانبة للصواب أن يفعل ، كما أن هناك
درجات أدنى في المواصفات عندهم .

وما أعرفه كذلك أن (هيونداي) لديها مثل هذه السيارة
اسمها (سنتينيال)بـ 8 سلندر و5000cc
لكن وكيلها في قطر لا يوفرها في سوقنا
ويوجد منها فقط 6 سلندر 3800cc وبمواصفات قليلة جدًا
تصلح للدريولية :tease:

مرة أخرى شكرًا لكل الأعضاء على التفاعل
ويبقى النقاش مفتوحـًا .

بخصوص سعر السياره في قطر
6 سلندر 165 الف فول ابشن بصمه وشاشه و نفيجيشن و رادار و تبريد وتسخين كراسي و ستاير خلفيه و مانع انزلاق بدون هيدروليك 4 كيمرات وفتحه و تشغيل عن بعد و الاناره الذكيه و دفيدي خلفي وتحكم كامل بالتكايه الخلفيه بدون مناظر تجميل خلفيه عداد السرعه و البنزين يظهر في الزجاج الامامي للسايق رؤية ليليه اوتو بريك اوتو هاند بريك بيبان شفط و شنطه شفط ناقل حركة مرن مثبت سرعه اي بي اس ذكي حقن وقود ذكي حساس مطر و ضباب اوتوماتيك
فيها اشياء كثير نسيتها

و 8 سلندر سعرها 222 الف نفس المواصفات الي فوق وزياده الهيدروليك
اشوف ال 6 سلندر هي الاختيار الممتاز

[BuFaisal]

ما فيه امل ادفع فيها هالسعر

[Dana’1]

شكلها زين فية من البي ام شي بسيط .... هذا رائي اول ما شفتها من بعيد وعالطبيهة بفيلاجيو بس من تقرب سبحان الله تحس في شي..

وعني ما اخذها و لوخيروني بينها جديدة ... وبين ياباني أو الماني
مستعمل... لأخذت المستعمل بنفس المبلغ أو حولة
شكرا عالموضوع

[كلاسيك قطر]

هذي هي السياره للي يبي يشوفها

https://www.google.com/search?q=كيا+كوريس&client=safari&hl=ar&tbm=isch&tbo=u&source=univ&sa=x&ei=t-ozufetgso3rafpn4hgcg&ved=0cc0qsaq&biw=568&bih=268

ابصراحه تبيني اقولك شي تستاهل 235 الف ريال

شوفو السياره ضخمه وتستاهل

[أم هشام]

والله حلو كتير السيارة
ما توقعت
عموما موديلات وتصميمات كيا صايرة حلوة كتير وفخمة

[جاسم الدوحة]

بخصوص سعر السياره في قطر
6 سلندر 165 الف فول ابشن بصمه وشاشه و نفيجيشن و رادار و تبريد وتسخين كراسي و ستاير خلفيه و مانع انزلاق بدون هيدروليك 4 كيمرات وفتحه و تشغيل عن بعد و الاناره الذكيه و دفيدي خلفي وتحكم كامل بالتكايه الخلفيه بدون مناظر تجميل خلفيه عداد السرعه و البنزين يظهر في الزجاج الامامي للسايق رؤية ليليه اوتو بريك اوتو هاند بريك بيبان شفط و شنطه شفط ناقل حركة مرن مثبت سرعه اي بي اس ذكي حقن وقود ذكي حساس مطر و ضباب اوتوماتيك
فيها اشياء كثير نسيتها

و 8 سلندر سعرها 222 الف نفس المواصفات الي فوق وزياده الهيدروليك
اشوف ال 6 سلندر هي الاختيار الممتاز

أخي تمون
المواصفات اللي ذكرتها حضرتك كلها
صحيح .. وأكثر .

والسعر لـ 6 سلندر 235 ألف ريال
حسب كلام الموظف صاحب التعامل المتحجـّر
وما كان عندهم 8 سلندر ألبتــّة .

وأزيدك : سعر الموتر 6 سلندر في المملكة
يبدأ من 149 ألف حسب الإضافات حتى 195 ألف ريال
سعودي لفئـة 6 سلندر ، ويصل إلى 220 ألف لفئة 8 سلندر .

تبي أكثر؟ في الإمارات عرض خاص هاليومين
8 سلندر كاملة المواصفات بـ 199 ألف درهم إماراتي
+ 5 سنوات ضمان (مفتوح العداد)
+ 5 سنوات صيانة .