القطرية الكويتية للابواب والنوافذ وحماية المستهلك

[AL-ANSARI]

السلام عليكم هذا الموضوع ليس للتشهير بالشركة ولكن ابي اعرف اش الحل هل اشتكي عليهم في حماية المستهلك ؟ وهل حماية المستهلك تتخذ اجراءات اذا اشتكيت عليهم لانهم ماخذين فلوسهم كاملة حسب شروط العقد للاسف وماكملوا شغلهم مخلينه عالق ولما اكلمهم وبعد حرق اعصاب يجون يشتغلون يومين ومايكملون شغلهم ويروحون وهذي حالتي وياهم من شهور. الي عنده حل لحرق الاعصاب هذا ياليت يقوله وتركيبهم اي كلام ومش مرتب شغل سريع ماخذ عقود فوق طاقته والزبون هو الضحية

[ولد المنصور]

حسبس الله عليهم ,, اظاهر اشبعوا ,,
دش ع اكبر راس فيهم وعندك اياه ..

[عيون الدوحة]

اسم راعي الشركة فهد احمد الخلف
كلمة وتفاهم معاه

[مضارب دوسري]

للاسف ريحتهم وريحة شركات اليو بي في سي فاحت بسبب اخذ اعمال اكثر من الاستطاعه
وبالتالي التاخير
الحمدلله اني اتفقت مع رفيجي عنده شركة المنيوم وبيسوي لي دبل جلاس ووعدني خير
وان شاء الله خير

ملاحظه
ماراح اعطي رقمه لاحد ليس لشي والله ولكن اشوف شغله ف بيتي وبعدين انصح الناس فيه مب انصح وللحين ماشفت شي

[ضوى]

اخوي مضارب الصراحة انا اايدك على هالشي وفعلا الالمنيوم دبل جلاس اروع واقوى وبسعر اليوفي بي سي ، الاختصاصي عنده امكانيات حلوه ركبت عنده وايد مرتاحه معاهم الحمد لله والمنة

[QP Engineer]

لا حول ولا قوة إلا بالله ... الله يكون بعونك

حسبي الله ونعم الوكيل على كل ظالم ونصاب

[حياتي]

للاسف ريحتهم وريحة شركات اليو بي في سي فاحت بسبب اخذ اعمال اكثر من الاستطاعه
وبالتالي التاخير
الحمدلله اني اتفقت مع رفيجي عنده شركة المنيوم وبيسوي لي دبل جلاس ووعدني خير
وان شاء الله خير

ملاحظه
ماراح اعطي رقمه لاحد ليس لشي والله ولكن اشوف شغله ف بيتي وبعدين انصح الناس فيه مب انصح وللحين ماشفت شي

انا نفسك خذت من شركة للألمنيوم في الصناعية وخذ دفعته وخلص الشغل كله في شهر بالضبط وسويت دبل جلاس وبسعر ولا اروع لتقولي يوبي سي ولا بطيخ وبسعر ولا اروع بعد :nice:

[jassim69]

انا تعاملت مع الاختصاصي شغله ولا اروع ومواعيد زي الساعه

[سارونه]

المفروض التعامل مع هالشركات ( بالاقساط ) يعني ماتعطيه كل المبلغ ابدا
كل اسبوعين تعطيه ( مبلغ معين ) بس لين يخلص كل شغله ..

الله المستعان ..

[abdulla999]

اخوي لازم غرامة تاخير ليش ماحطيت الغرامة اي عقد لازم تحط فيه الغرامه
وشوف الشغل على اصوله

[PGR]

سؤال اخوي مافي مدة محددة للتركيب ؟ ومافي غرامة تاخير ؟ روح كلم مدير المحل اذا مافي فايدة اشتكي عليهم ودفعهم

[القيادي]

هذا التلكك واللعب بصحة ونفسيات الناس من قبل التجار الخبثاء هو بسبب قوانين الدولة مع الاسف ولو عرف التجار ان هناك قانون يحك خده بالقاع عرف شلون يتعامل مع الزبون بكل دقة وإحترام

[&بوشهد&]

ااخوي كلم حماية المستهلك باذن الله بينصفونك

[بوعليان]

شركة قمة بالفشل طلعو عيني لين افتكيت منهم وشغلهم اي كلام بس فالحين بالكلام احنا واحنا

[بوخالد911]

هلا

المفروض دفع المبلغ ع اقساط
وليس دفعة واحدة

رووح لحماية المستهلك
والله يعيينكم

[CH Engineer]

اتصل 8005000 حماية المستهلك وقدم شكوى
وبكره الصبح روح المحاكم وقدم طلب اثبات حاله مستعجل
ومر على النيابه وقدم بلاغ

[أبو ثائر]

أخوي دائما أقرا العقد قبل التعاقد وحط عليهم غرامة تأخير

[OTBD]

تحسفت اني تعاقدت مع الشركه الكلام من ذهب وعند التركيب شي ثااني وحتى الفنشنغ اي كلام واخيرا مانصح حد يركب عندهم كلشش

[وليف الشوق]

السلام عليكم هذا الموضوع ليس للتشهير بالشركة ولكن ابي اعرف اش الحل هل اشتكي عليهم في حماية المستهلك ؟ وهل حماية المستهلك تتخذ اجراءات اذا اشتكيت عليهم لانهم ماخذين فلوسهم كاملة حسب شروط العقد للاسف وماكملوا شغلهم مخلينه عالق ولما اكلمهم وبعد حرق اعصاب يجون يشتغلون يومين ومايكملون شغلهم ويروحون وهذي حالتي وياهم من شهور. الي عنده حل لحرق الاعصاب هذا ياليت يقوله وتركيبهم اي كلام ومش مرتب شغل سريع ماخذ عقود فوق طاقته والزبون هو الضحية

انا لو منك مااخليهم يشتغلون والزمهم برد الاتعاب لحرقة القلب في ظل وجود عقد مبرم بيني وبينهم مع تقديم شكوى رسميه للجهات المعنيه ،، واذا حماية المستهلك تتدخل في الموضوع يكون افضل او السؤال عن طريق اداره حماية المستهلك عن الجهه المعنيه لتقديم الشكوى ويرجى الاتصال بهم على هاتف رقم : 40122507

او الاعتماد على هذا النموذج :

http://www.investinqatar.com.qa/Arabic/Pages/ConsumerProtectionComplaints.aspx

[دوحة العرب]

بصراحة اشتغلت أنا وربعي مع هالشركة ....والجماعة شغلهم زين ومواعيدهم جيدة
والحين انا ساكن بالبيت من سنتين ومن اتصل فيهم للصيانة يجون على طول
وبالنسبة للأخ يلي عنده مشكلة يتصل بالمدير ..بصراحة يلبيك وما يقصر معك
وهاد رقمه 55852063 مهندس محمود

[N7eEeS]

بصراحة اشتغلت أنا وربعي مع هالشركة ....والجماعة شغلهم زين ومواعيدهم جيدة
والحين انا ساكن بالبيت من سنتين ومن اتصل فيهم للصيانة يجون على طول
وبالنسبة للأخ يلي عنده مشكلة يتصل بالمدير ..بصراحة يلبيك وما يقصر معك
وهاد رقمه 55852063 مهندس محمود


عيب عليك واستح على وجهك لك ثمان مشاركات وكلها تمدح الشركة فقط وتجي تقول اشتغلت انا وربعي،يعني الرجال جاي يتبلى هني احترموا الناس مثل مايحترمونكم وبسكم خيركم كله من هل قطر وفوق ذي بعد تكذبونهم

[almaf1a]

هذا شكله المهندس محمود بشحمه ولحمه

[AL-MAYSTRO]

حمايه المستهلك اتصلت لهم مره عشان ديوانيه البخاري البيسي ب 7 ريال
وقالولي مانقدر نسوي شي هاي اسعار سياحيه

ومكان المطعم فالصناعيه ههههههههههههههههه

اي سياحه فالصناعيه

الله يعين

[بو خليفه 123]

القطريه الكويتيه لا يسعفها الا ان جودة الشبابيك جيده

و لكن التعامل يحتاج الى تطوير
المهندسين ليس على علم في تطورات المشاريع الي يديرونها . ياخذون الكلام من الفني الي يركب و ينقلونه للزبون والفني كل المعلومات الي ينقلها خاطئه .. و كثرة التأخير والوعود الوهميه عيبهم الشرعي الاساسي .

لا انصح بالتعامل مع هذه الشركه

[q6ri_vip]

عيب عليك واستح على وجهك لك ثمان مشاركات وكلها تمدح الشركة فقط وتجي تقول اشتغلت انا وربعي،يعني الرجال جاي يتبلى هني احترموا الناس مثل مايحترمونكم وبسكم خيركم كله من هل قطر وفوق ذي بعد تكذبونهم

اشهد انك عطيته بنص الجابهه

[بومحمد 2009]

التعامل معاهم متعب للاسف .. انا نفس الحكايه متاخرين علي ويوميا هواش معاهم
وماعندهم الا كلمة اخر اللاسبوع ..اخر الاسبوع
حسبي يالله عليهم

[Qtrun]

عيب عليك واستح على وجهك لك ثمان مشاركات وكلها تمدح الشركة فقط وتجي تقول اشتغلت انا وربعي،يعني الرجال جاي يتبلى هني احترموا الناس مثل مايحترمونكم وبسكم خيركم كله من هل قطر وفوق ذي بعد تكذبونهم



صراحه رد ولا اروع :nice::nice::nice:

[هدوء العاصفة]

تعاملت معهم وكان تعاملهم جيد ومواعيدهم دقيقة .. هذا كان من حوالي سنتين تقريبا .. الأمانة تقتضي ان اقول الصدق ولربما تغيرت الادارة ..

واكثر من مرة يجون بعد اتصالي لهم لتصليح بعض الامور ..