بيع المثلجات في المدرسة

[دانة الطواش]

إخواني وأخواتي ابي نصيحتكم ومشورتكم / اليوم وبعد الاختبار مباشرة وبعلم من مديرة المدرسة قامت احدى العاملات ببيع المثلجات والحلويات الممنوع بيعها في مقصف المدرسة ولكن غير ممنوع عليهم وطبعا ريع هذا البيع غير معروف وانا متأكدة انه ليس لصالح سوريا او المحتاجين ، وهذه العملية تكررت اكثر من مرة وقد بلغنا انها نشاط للعاملة ؟؟؟؟؟؟؟ اين يمكن ان نشتكي ولمن نشتكي ؟؟؟؟

[حمد 2002]

خلو العالم يـترزقون الله :shy:

[khaldoon]

إخواني وأخواتي ابي نصيحتكم ومشورتكم / اليوم وبعد الاختبار مباشرة وبعلم من مديرة المدرسة قامت احدى العاملات ببيع المثلجات والحلويات الممنوع بيعها في مقصف المدرسة ولكن غير ممنوع عليهم وطبعا ريع هذا البيع غير معروف وانا متأكدة انه ليس لصالح سوريا او المحتاجين ، وهذه العملية تكررت اكثر من مرة وقد بلغنا انها نشاط للعاملة ؟؟؟؟؟؟؟ اين يمكن ان نشتكي ولمن نشتكي ؟؟؟؟

دعي الخلق للخالق يا اختي......هل في احد متضرر من هذا البيع و ليش تبين تشتكين؟!!

[حمد 2002]

أخوي حمد طريقة ردك تدل على عدم احترامك لصاحب الموضوع وهذا يناقض طريقة سياسة المنتدى اللي انت تطالب بتطبيقها في مواضيعك ...... دمت بود

:nice: صادق ولا يهمك بحذف ردي ،،

تحياتي لك على التنبيه

عذرا ياصاحبه الموضوع :nice:

[vip-30003]

اختي اتصلي حق المجلس الاعلى على اساس انج ام طالبه

وقولي لهم اللي بخاطرج

وللعلم اتصير وايد

[vip-30003]

حمد ال 500 طابوقه ب 1300 ريال

[$الملياردير$]

:nice: صادق ولا يهمك بحذف ردي ،،

تحياتي لك على التنبيه

عذرا ياصاحبه الموضوع :nice:

بارك الله فيك

[عيون الدوحة]

ياه الحين بتشتكون على الايس كريم
زين الطلاب اذا ماشرو من المدرسة
يروحون الدكان وياخذون في طلعتهم
لاتنسين الجوو حرر والواحد يبي شي بارد

[تغلبية]

حلّو الموضوع بينكم ودي ..

لاتستقوون على الفقيرة المسكينة .. يمكن هي تبيع بحسن نية .. افهموا منها واخذوا قراركم بعدها

[وحيد-الشوق]

الله يرحم ايام الابتدائية والاعدادية كان الناطور حارس المدرسة من يخلص دوام المدرسة يبيع الايس كريم بونص بريال عالطلاب ههههههههههه

ما اشوف فيها شيء الي مايبي لايشتري مب بالغصب

[h2004]

بل بل الناس صايرة ماترحم مادري شتبيع مثلجات وكلها من الدكاكين وكلنا ربينا على المثلجات ويازينها في الصيف وايام الاختبارات تبرررررررد.. وبعدين خلاص السنة انتهت لازم ننهيها بالشكاوي مب كفاية طول العام شكاوي في شكاوي

[khaldoon]

الله يرحم ايام الابتدائية والاعدادية كان الناطور حارس المدرسة من يخلص دوام المدرسة يبيع الايس كريم بونص بريال عالطلاب ههههههههههه

ما اشوف فيها شيء الي مايبي لايشتري مب بالغصب

كانوا يمنعون عنا ناكل حب شمسي
في الصف و اللي يبيعنا اياه الناطور...كان اسمه صاوي على ما أذكر في قطر الاعدادية

[قوت القلوب]

وين الغلط ؟!!
سبحان الله

يشتري من المدرسه وهو طالع على البيت ابرك من يروح الدكاكين وزحمة العماله وغيره

[النهار]

كانوا يمنعون عنا ناكل حب شمسي
في الصف و اللي يبيعنا اياه الناطور...كان اسمه صاوي على ما أذكر في قطر الاعدادية

:eek5::eek5::eek5:
ليش تقول اسمه خلدوووووووون زين الحين الريال بيروح فيها :nice:

[بصمة قطرية]

إختي وين المشكلة ..!!
عاملة وتسترزق
و أتوقع المديرة متساهلة معاها و ما تبي توقف باب رزق ..

[khaldoon]

:eek5::eek5::eek5:
ليش تقول اسمه خلدوووووووون زين الحين الريال بيروح فيها :nice:

:omg::omg:
الصراحه اشعرتني بتأنيب الضمير على صاوي....معقول يجيبونه و يحاسبونه او يسوون له شي خاصة انه السالفه مضى عليها فوق 25 سنة:weeping:

[همر]

كليتوا المره بقشورها واوراقها !!!

هي خايفه على صحة عيالها من حقها..

خصوصا ان العسكريم غير معروف المصدر

ولا ظروف التخزين ولا طريقة العرض ؟!!

يعني الفرّاشه هذي مب سيارة عسكريم

مجهزه ولا بتجيب العسكريم في براد

من بيتهم اكيد بتجيبه في كوارتين

في هالجو الزين عقب تحطه في ثلاجة

المقصف .. اذا فرضنا حسن النيه ان في

ثلاجه في المقصف.. الله يرحم ايام

بصطات الفرّاشات زمان..



كنت في مدرسه نموذجيه لاتسيؤون الظن :shy:

[ام السعف]

اشفيها لو باعت ايس كريم ؟

لا تكون بتييب ايس كريم من جزر الواق واق ؟

كل الموضوع انها تشتريهم من الجمعية وتبيعهم على اليهال ،،
واكيد عندها براد يحفظ الايسكريم من الذوبان
عني لو باعت ايس كريم افرح في مثل هالأيام واعطي فلوس ولدي
يشتري منها ،،

وسعوا خواطركم يا عرب

[ام السعف]

كليتوا المره بقشورها واوراقها !!!

هي خايفه على صحة عيالها من حقها..

خصوصا ان العسكريم غير معروف المصدر

ولا ظروف التخزين ولا طريقة العرض ؟!!

يعني الفرّاشه هذي مب سيارة عسكريم

مجهزه ولا بتجيب العسكريم في براد

من بيتهم اكيد بتجيبه في كوارتين

في هالجو الزين عقب تحطه في ثلاجة

المقصف .. اذا فرضنا حسن النيه ان في

ثلاجه في المقصف.. الله يرحم ايام

بصطات الفرّاشات زمان..



كنت في مدرسه نموذجيه لاتسيؤون الظن :shy:




اشلون يعني العسكريم غير معروف المصدر ؟

:eek2:

[همر]

اشلون يعني العسكريم غير معروف المصدر ؟

:eek2:



اي يعني دكان بو ثلاجه خربانه ولا جمعيه بو ثلاجات ابو ثلج :)

عسكريم جديد ولا طفت الثلاجه في دكان بابو وقام الصبح لقى

العسكريم ذايب وبدال مايتبهدل ويا البلديه صرف البضاعه حق

ميري عشان تبيعها في المدرسه بعد اعادة تجميدها في ثلاجات

المدرسه ابو ثلج :)

وهلم جرا يا ام السعف السيناريوهات وايد يعني عادي اكتب

لج فلم هندي الحين ... شربتي قهوتج ؟!!

[ام السعف]

اي يعني دكان بو ثلاجه خربانه ولا جمعيه بو ثلاجات ابو ثلج :)

عسكريم جديد ولا طفت الثلاجه في دكان بابو وقام الصبح لقى

العسكريم ذايب وبدال مايتبهدل ويا البلديه صرف البضاعه حق

ميري عشان تبيعها في المدرسه بعد اعادة تجميدها في ثلاجات

المدرسه ابو ثلج :)

وهلم جرا يا ام السعف السيناريوهات وايد يعني عادي اكتب

لج فلم هندي الحين ... شربتي قهوتج ؟!!



اذكر الله يا الهمر ،،
بذمتك يعني بتبيع عليهم ايس كريم منتهي ولا مقطوط في الكبت
وعقب حطته في الثلاجة ،،؟

لو الاي كريم فيه شي اكيد راعية الموضوع بتذكر هالشي ،،

الاخت ما تشتكي من نوع الايس كريم او سوء حفظه

هي تقول اصلا بيعهم ممنوع في المدارس فعلى اي اساس
المديرة سمحت للفراشة ببيع الايس كريم
وتبي تعرف ريع البيع هذا من له ؟



ما اشرب لا قهوة ولا شاي و نسكافيه ولا كابتشينو
بس ممكن اغطس البسكوت في الشاي الينه علشان اسناني طايحة :shy:

[همر]

اذكر الله يا الهمر ،،
بذمتك يعني بتبيع عليهم ايس كريم منتهي ولا مقطوط في الكبت
وعقب حطته في الثلاجة ،،؟

لو الاي كريم فيه شي اكيد راعية الموضوع بتذكر هالشي ،،

الاخت ما تشتكي من نوع الايس كريم او سوء حفظه

هي تقول اصلا بيعهم ممنوع في المدارس فعلى اي اساس
المديرة سمحت للفراشة ببيع الايس كريم
وتبي تعرف ريع البيع هذا من له ؟



ما اشرب لا قهوة ولا شاي و نسكافيه ولا كابتشينو
بس ممكن اغطس البسكوت في الشاي الينه علشان اسناني طايحة :shy:



لا اله الا الله...

في ذمتها هي ليش في ذمتي !!

وبعدين تشككين في نواياي الخيره

وحرصي الشديد على ابنائنا فلاشات

اكبادنا وتدافعين عن نوايا الفرّاشه ؟!!

افا والله يازا العلم.. ماهجيتها منش !!!

يعني اشدراج الفرّاشه ذمتها من اي نوع ؟!!

اي ماركه ؟!! صناعة وين ؟!!

وعلى هالاساس البيع ممنوع لانه لاتطوله

ايدي الرقابه .. يو فولو مي !


فاستنكار الاخت البيع الممنوع نابع من الخوف

من مصدر المبيعات المباعه من قبل البياعه ...



وسالفة الاسنان هذي وسوالف طايحه ما طايحه مب علينا.. ندري ان بو خوسيه مايقصر عليج ويقولون مسوي لج طقم اسنان الصف اللي فوق ذهب واللي تحت بلاتينيوم مرصع بالماس ڤي ڤي اس 1 ... :eek5:

[ام السعف]

وسالفة الاسنان هذي وسوالف طايحه ما طايحه مب علينا.. ندري ان بو خوسيه مايقصر عليج ويقولون مسوي لج طقم اسنان الصف اللي فوق ذهب واللي تحت بلاتينيوم مرصع بالماس ڤي ڤي اس 1 ... :eek5:



فوق ان كلامك في المشاركة ما اقنعني الا انك قمت اتطلع علي شائعات
كبيرة جدا خالص،،

بس تطمن مسامحتك كتير كتير،، مسامحتك :shy:

[دانة الطواش]

بل بل بل كلتوني بقشوري لا اله الا الله أنا ما قصدت شي لا قطع أرزاق ولا أني اخرب عليهم تجارتهم //// قصدي من الموضوع هو مصلحة الطالبات اولا وأخيرا ولا ننسى انه وقت اختبارات يعني لو مرضت لاسمح الله من بيقدم مكانها الاختبار بس هذا قصدي وبعدين الفكرة نفسها مرفوضة من المجلس وفي المقاصف لا يباع لاهو ولا الحلويات لانها تضر بصحتهم وخاصة ان هذه الحلويات مستوردة من ايران /// الله يسامحكم أنا ماتوقعت هذا الهجوم

[همر]

بل بل بل كلتوني بقشوري لا اله الا الله أنا ما قصدت شي لا قطع أرزاق ولا أني اخرب عليهم تجارتهم //// قصدي من الموضوع هو مصلحة الطالبات اولا وأخيرا ولا ننسى انه وقت اختبارات يعني لو مرضت لاسمح الله من بيقدم مكانها الاختبار بس هذا قصدي وبعدين الفكرة نفسها مرفوضة من المجلس وفي المقاصف لا يباع لاهو ولا الحلويات لانها تضر بصحتهم وخاصة ان هذه الحلويات مستوردة من ايران /// الله يسامحكم أنا ماتوقعت هذا الهجوم


بح صبعي وانا احاول اقنع قائد القوات الجويه للقصف ام السعف :shy:

وتقول مش مقتنعه بالمبربرات مالتي !!!


ام السعف :telephone:


ام السعف :telephone:


مالها حس اليوم .. ياعندها غاره جويه في مكان ما

ولا صكيناها بعين ورايحه عيادة الاسنان في الرميله :secret:

[مشاكل]

بح صبعي وانا احاول اقنع قائد القوات الجويه للقصف ام السعف :shy:

وتقول مش مقتنعه بالمبربرات مالتي !!!


ام السعف :telephone:


ام السعف :telephone:


مالها حس اليوم .. ياعندها غاره جويه في مكان ما

ولا صكيناها بعين ورايحه عيادة الاسنان في الرميله :secret:



ام السعف هالاسبوع زام ليل

[ام السعف]

بح صبعي وانا احاول اقنع قائد القوات الجويه للقصف ام السعف :shy:

وتقول مش مقتنعه بالمبربرات مالتي !!!


ام السعف :telephone:


ام السعف :telephone:


مالها حس اليوم .. ياعندها غاره جويه في مكان ما

ولا صكيناها بعين ورايحه عيادة الاسنان في الرميله :secret:



التغيير حلو على نفوس اليهال

اشوف مافيها شي لو ياكلون ايس كريم ،،

لو كنت مديرة مدرسة باطرش مسجات واخطارات
لأولياء الأمور انبههم فيها اني بفتح صندوق الثلاجة
للترويح عن الاطفال في هالوقت من العام واللي ولده تعبان
ينبهونه انه ما يشتري الايس كريم ،،

حتى انا العيوز قمت اطلب معاهم من باسكن :(


ام السعف هالاسبوع زام ليل

:shy:

[تحداني]

لو انا بوزع على كل اليهال خل ياكلون ويسرحون ويمرحون
ليتني في هالمدرسه كان فتحت لهم دكان متنقل .. الا ايش خايفين على صحتهم
احنه كلنه الين ما قلنا بس .. والله اتقول امي تاخذون الحلاوه من الارض ومليانه رمل وتاكلونها بعد
وصحتكم زي البومبه
بلا كلام ما ادري اشلون .. انتوا اهم شي ديروا بالكم من الفاست فود
بعدها الامور طيبه

انا ما اتكلم عن صاحبه الموضوع اتكلم بيني وبين نفسي لكن بصوت عالي
متعه اليهال ابهالخرابيط


فديتهم اليهال

[Riku3]

صحيح ان ما اشوف في مشكلة لو كلو ايسكريم في المدرسة بس حلويات من ايران قوية شوي !! ..

من شهور شريت حلويات وشبس من المعرض في محل ايراني وعطيت بنتي تاكل الشبس .. وبعد ما رجعت البيت قريت عليه انه مضر للي عمرهم اقل من سنتين !!! .. طبعاً مباشرة رميت كل الشبس لان ما يضر الصغار الا هو فيه شي ..

انا مب ضد مثل هالبيع بس لازم يكون من شركات موجوده بالسوق المحلي وموافق عليها .

[خفيف الروح]

ايذ كان مش اجباري تبيع على الطلاب عادي خلوه بلا شكوي وبلا خربيط

[khaldoon]

لو انا بوزع على كل اليهال خل ياكلون ويسرحون ويمرحون
ليتني في هالمدرسه كان فتحت لهم دكان متنقل .. الا ايش خايفين على صحتهم
احنه كلنه الين ما قلنا بس .. والله اتقول امي تاخذون الحلاوه من الارض ومليانه رمل وتاكلونها بعد
وصحتكم زي البومبه
بلا كلام ما ادري اشلون .. انتوا اهم شي ديروا بالكم من الفاست فود
بعدها الامور طيبه

انا ما اتكلم عن صاحبه الموضوع اتكلم بيني وبين نفسي لكن بصوت عالي
متعه اليهال ابهالخرابيط


فديتهم اليهال

اصلا افضل علشان تزيد المناعة عندهم انهم ياكلون اكل مب نظيف 100%....شوي مغص والا نزلة معوية و الا اسهال وسلامتكم.......على سبيل المثال لا الحصر......المية عندنا في بلدنا مب نظيفة في كل الامكان و المحافظات......مرة زارني قريب و شرب من عندنا ماي و حس بشي غريب ....انه المية عندنا مالها طعم ولا لون و لا ريحة...تخيلوا....ايش هالماي هذه .....على طول رجع بيته و شرب من الماي الوسخة علشان خاف على نفسه يمرض بسبب الماي عندنا :secret:

[ام السعف]

اصلا افضل علشان تزيد المناعة عندهم انهم ياكلون اكل مب نظيف 100%....شوي مغص والا نزلة معوية و الا اسهال وسلامتكم.......على سبيل المثال لا الحصر......المية عندنا في بلدنا مب نظيفة في كل الامكان و المحافظات......مرة زارني قريب و شرب من عندنا ماي و حس بشي غريب ....انه المية عندنا مالها طعم ولا لون و لا ريحة...تخيلوا....ايش هالماي هذه .....على طول رجع بيته و شرب من الماي الوسخة علشان خاف على نفسه يمرض بسبب الماي عندنا :secret:

اول ما تزوجت شريت لي عدة كتب في التربية والتعامل مع الحمل والرضيع
و ... و.... و ....

لقيتهم يطلبون منا انعقم زجاجة المرضاعة كل مرة تعقيم دقيق
ومب عارفة وشو و .. و .... و.....

ولقيتهم يبوننا انظف الارضية كل ثانية علشان لو لا قدر الله وطاح الطفل
ما يتلوث جرحه من اول لمسه ينجرح فيها ،،

ولقيت لا اتأكلونه ذيه ولا تشربونه ذيه و ... و ... و .....

عاد لأني انسان مطيعة واطيع نفسي وايد
خذت الكتب وحطيتهم على صوب الا كتاب واحد لازمني فترى زمنية
طويلة وعطيته كم وحدة ستفيد منه لين خذته وحدة مني وتقول لي ضاع
حطمتني بصراحة وكرهتها فترة وعقب رديت احبها ،،

المهم
اني اتبعت اسلوب امي يا حليلها مابي كل يوم وترك احط هالجدر
واغسل المراضيع واقطهم في الماي الحار انشفهم واستخدمهم
اليوم بطوله من غير تعقي اللهم غسيل والسلام ،

أكلتهم كل شي ولا قلت لا او ايه او اوف
اللهم ما كنت اترس البيت لا كوافي ولا عصاير ولا هالسوالف
ولليوم كبرت وما اعرف اشتري بوكس كوافي او كيس شبس كبير ،،

مالقيت عيالي تعبانين الا ماشاءالله مناعتهم اقوى واصلب من غيرهم

فمثل ماقلت انت يا خلدون
الجسم بحاجة الى التعرف على الكائنات المندسة علشان تحصن نفسها منها
اما طفل مسكين خاشينه في كيس معقم ويخافون عليه من كل شي
ذيه مع اشوية غبار بيتنتف جلده ( مبالغة تغاضى عنها )

[khaldoon]

اول ما تزوجت شريت لي عدة كتب في التربية والتعامل مع الحمل والرضيع
و ... و.... و ....

لقيتهم يطلبون منا انعقم زجاجة المرضاعة كل مرة تعقيم دقيق
ومب عارفة وشو و .. و .... و.....

ولقيتهم يبوننا انظف الارضية كل ثانية علشان لو لا قدر الله وطاح الطفل
ما يتلوث جرحه من اول لمسه ينجرح فيها ،،

ولقيت لا اتأكلونه ذيه ولا تشربونه ذيه و ... و ... و .....

عاد لأني انسان مطيعة واطيع نفسي وايد
خذت الكتب وحطيتهم على صوب الا كتاب واحد لازمني فترى زمنية
طويلة وعطيته كم وحدة ستفيد منه لين خذته وحدة مني وتقول لي ضاع
حطمتني بصراحة وكرهتها فترة وعقب رديت احبها ،،

المهم
اني اتبعت اسلوب امي يا حليلها مابي كل يوم وترك احط هالجدر
واغسل المراضيع واقطهم في الماي الحار انشفهم واستخدمهم
اليوم بطوله من غير تعقي اللهم غسيل والسلام ،

أكلتهم كل شي ولا قلت لا او ايه او اوف
اللهم ما كنت اترس البيت لا كوافي ولا عصاير ولا هالسوالف
ولليوم كبرت وما اعرف اشتري بوكس كوافي او كيس شبس كبير ،،

مالقيت عيالي تعبانين الا ماشاءالله مناعتهم اقوى واصلب من غيرهم

فمثل ماقلت انت يا خلدون
الجسم بحاجة الى التعرف على الكائنات المندسة علشان تحصن نفسها منها
اما طفل مسكين خاشينه في كيس معقم ويخافون عليه من كل شي
ذيه مع اشوية غبار بيتنتف جلده ( مبالغة تغاضى عنها )

والله انك صادقة و هذا الصح.....المبالغة مب زينة ابدا

الله يحفظلك اولادك و يخليهم و يبارك فيهم يا رب و يصير خوسيه خليفة ميسي بالارض ...اللهم امين:omen2:

......انا سمعت انه شرب المياة المعدنية على طول دون اللجوء الى شرب المياه من مصدر اخر يسبب فشل كلوي....هل في احد سمع هالشي من قبل:telephone:

[ام السعف]

والله انك صادقة و هذا الصح.....المبالغة مب زينة ابدا

الله يحفظلك اولادك و يخليهم و يبارك فيهم يا رب و يصير خوسيه خليفة ميسي بالارض ...اللهم امين:omen2:

......انا سمعت انه شرب المياة المعدنية على طول دون اللجوء الى شرب المياه من مصدر اخر يسبب فشل كلوي....هل في احد سمع هالشي من قبل:telephone:

ويخلي لك عيالك ويبارك لكم فيهم

ما ادري بس صرت احرص اخذ ريان وافضل اعادة التعبئة من اللولب
لأني اثمن ماي الحكومة ،،
يكفي انه ببلاش :shy:

[khaldoon]

ويخلي لك عيالك ويبارك لكم فيهم

ما ادري بس صرت احرص اخذ ريان وافضل اعادة التعبئة من اللولب
لأني اثمن ماي الحكومة ،،
يكفي انه ببلاش :shy:

ما شاء الله عليكي تشجعين الانتاج الوطني....احييكي

الحين طحتوا في الحلويات الايرانية....اخبار حلويات و مكسرات ايران اللي بالنجمة معاكم؟:secret:

[ام السعف]

ما شاء الله عليكي تشجعين الانتاج الوطني....احييكي

الحين طحتوا في الحلويات الايرانية....اخبار حلويات و مكسرات ايران اللي بالنجمة معاكم؟:secret:

اييييه ما ادري ليش ننبسط لما ندخل مثل هالمحلات

حلويات ومكسرات ايران
حلويات الجمال
حلويات القدسي
ودانش ،،

ما اعتقد نحبهم لأن لهم علاقة بمنتجات ايرانية

الحب لهم نابع من بيعهم لمنتجات كنا ناكلها واحنا زعابيط صغار
فنجدد روح الطفولة فينا في مثل هالمحلات ،،

مثل اليقط وحبة الخضرة والرهش ولحية الشايب والبسكوت اللندني
وانواع العلوج وكافي بو ولد وكافي بو اسد ياسلااااااام
الله يذكرها بالخير ذيك ايام :"(

[ود الديرة]

مرحبا اخواني وأخواتي أنا شخصيا كنت أعمل في مدرسة مستقلة والبيع في المقصف يخضع لشروط المقاصف في المجلس وأقترح عليكم التواصل مع الموظفين المختصين في المجلس لأنه ممنوع ومع خروجي من هذا العمل أشهد أن الجماعة حريصين على الصحة والمشكلة في التطبيق ، الله يعين