قومه الصبح صعبه

[حمد 2002]

السلام عليكم ورحمه الله وبركاته ،،

((قومه الصبح صعبه ))

قومه الصبح صعبه ، والرقاد = النوم حلو ههههه ، كل واحد يوم كان صغير:shy: وبعضهم للحين :secret: هله ايقومونه من النوم للذهاب = لكي = ايروح المدرسه :shy: ولا للشغل :tease: بطرق مختلفه ، بعضهم ايقولون له قصه:shy: وبعضهم ايقومونه وايرد يرقد مره ثانيه :rolleyes2: ههههههههه وبعضهم ايقومونه بالقوه :anger1: ، وبعضهم ما شاء الله عليه ايقوم بدون محد ايقومه :shy::secret: ،،،

يالله كل واحد ايقولنه تجربته مع قومه الصبح :shy: ،،،


تحياتي للجميييع :victory:

[أبوفهد666]

انا من النوع اللي مايحب النوم في الصباح الا في يوم الجمعة انام الى قبل الصلاة بساعة على الاقل ..
البارح حاضر عرس وماطلعت الا الساعة 2 .. والساعة 7 وانا صاحي وعلى اعمالي

احب قومة الصباح بشكل فظيع خصوصاً في الشتاء ولاأداني التصفير ( معناه النوم صباحا الى الضحى ) :)

البكور وصى عليه الرسول صلى الله عليه وسلم في مامعناه وفي البكور بركة ورزق :nice:

[النهار]

ماحد قال لك تهيت طول اليوم رتب حياتك
شوف الحريم يقومون مع صلاة الفجر وماينامون الا الساعه 7 الصبح
بعد مايتطمون ان كل الاولاد راحوا مدارسهم

[بصمة قطرية]

يوم كنت صغيرة و لين وصلت الجامعة
أمي الله يرحمها كانت تضرب فيني المثل
تقول الوحيدة اللي ما تتعبني هي بصمة :shy:
من أفتح باب غرفتها تقوم :shy:
الحين نومي مقطع من يفتحون باب الغرفة اقعد :(
و إذا وراي موعد و لازم أقعد الصبح ما أنام كل شوي أقعد
ماقدر أنام :(

[حكآية آحسآس]

ههههههههههههه بصرااحه موضووع حسسسآس وصريح بقوة .. انا عن نفسي مرات اقووم بروحي وومرات يقوموني الان اساساً نومي غير منتضم بس 80% انا اقوم بروحي هههههههههههه بس لين بس افتح عيني واقعد عشر دقايق ولا ربع ساعه لين اقوم اغسسل هههههههه مأسسسسآه

الي اتذكرة اني امي ماتعبت معي يوم كنت صغيره خلاص اذا قالت قومي اقووم ع طوول .. فديتني مؤؤدبة ههههههههههههههههآي



بس جد جد قوومت الصببح متعبه وخاصة با ايام الششتى ..يااااوو ودي ما اقوم من فراشي من زوود البرد

[تغلبية]

هل انت تقوم لكي تروح الدوام ..:rolleyes2:
اقصد اشنظام قومتك :discuss:

[قطريه22]

موضوع حلو :victory:

انا نومي خفيف وايد وايد وايد

والصبح امي اول ماتقرب من الباب تطقه بطقه خفيفه ماتنسمع اقعد يمكن لان نومي خفيف
وخواتي والخدامه مستحيله يقربون من باب غرفتي يخافون مني لان يطقون الباب طقه عاديه وانا اتخرع واتم اصارخ عليهم :shy:

منصور طلع انسان رهيف القلب :shy:
هههههههههههههههههههههههههههههههههههههههههههههههههه ههههههههههههه

[بوعلي2]

انا انش من حالي
وعليه علي محد يوقضني :( ---> يتمسكن فهموها عاد ههههههه ريايل

دوم انا الي اقعد من حالي محد يوقضني ونومي خفيف وكل انام ٤ او ٣ ساعات بس طول يومي الله كريم

[قطريه22]

انا انش من حالي
وعليه علي محد يوقضني :( ---> يتمسكن فهموها عاد ههههههه ريايل

دوم انا الي اقعد من حالي محد يوقضني ونومي خفيف وكل انام ٤ او ٣ ساعات بس طول يومي الله كريم



:waiting::waiting::waiting:

[العلم]

ماشاء الله ماشاء .. كلكم طلع نومكم خفيف .. اجل انا في الويكند اتم احافص هني من الصبح وما احصل وينكم .. وين تروحون :omen2:


انا بعد نومي خفيف جدا .. بس زاد شوي بعد ماصرت دبه :weeping: .. امي فديتها اذا طقت الباب انا ارد عليها بكلمه وحده اقول (طيب ..طيب ) بعدين هي تعلق علي قدام اخواني بهالكلمة ..:anger1:


المستحيل عندي إني ارقد الصباح سواء دوام والا اجازة ..:nice:

وتحياتي للباين والمستخبي ..:shy::victory:

[عاشق العديد]

الله يهداك ياخوي حمد ماطرحت الا هالموضوع ..

طبعا بنقل لكم معانات الي يقوموني الوالد : انت تتكلم واحسبك قاعد اروح واجي الاقيك راقد
الوالده : ماراح اقومك ابد نام مب لازم تداوم
اخوي : ظربتك ظرب ولا قمت


نومي ثقيلللل يعني امس نمت 4 العصر قمت ساعه 6 بعد عناء ورش ماي وثلج وتحذف قلاصصات ,,
مادري شالموضوع .. في واحد مره دش علي وانا نايم قلت له ياويلك من الله يوم القيامه مسكين صار كل مايجي العنه ماينام يحرككك هههههههههه ..

والبنات الي هنيه كلهم طلعو حنونات ودلوعات من المشي يقومون وفالواقع اكسر باب الغرفه وتسمع صوت شخير ككك مداخله

[نوار قطر]

قومة الصبح بالنسبه لي عاااديه اقوم برووحي .. صج ساعات اتمنى اني اطول ومااقوم بسرعه بس عادي يمكن لاني اساسا مااحب اغيب احب دوامي ... اما الويك اند يوووم مقدس عندي مااحب اقوم من وقت حتى لو قمت احاول ارقد مره ثانيه المهم ان هاليوم مايضيع علي:shy:

[مسمس12]

الله يرحم ايام العزوبية :( امي والخدامة وابوي يعجزون وهم يقوموني وكنت انام نوم الله ع هذيك الايام:(


الحين وين مانام عدل كل شوي واحد قايم يصيح على فالليل ونوم مقطع واحلم ان زوجي متاخر ههههههههههه وافز واجرة من رجلة مايسوى علية وطبعا مايقوم لازم خمس اربع مرات واطفي المكيف وافتح الدريشة واحط العيال في حضنة وبعدين يقوم اذا شفته قام ارجع انام:secret:

[العلم]

مسمس راعوا شعور العزابية اللي معاكم :( .. خلاص قلبي الصغير لايتحمل ..:weeping:

[سارآ]

ضحكتوني ههههههههههههه
انا محد يقومني كلش من يوم مادخلت الجامعه انا معتمده على نفسي الحمدالله
ومتى انام متى أقوم محد در عني :victory:
وما عندي وقت محدد لازم أقوم فيه على حسب مزاجي :shy:

[بوعلي2]

ودقي دقي ياربابه

[نور الحور]

هههههههههه موضوعك حلو يا حمد ..

أنا قبل لا أتزوج نومي ثقيل .. لازم أحط لي منبه صوته مزعج عشان أقوم .. وأمي وأبوي فديتهم يتعبون معاي خاصة عند صلاة الفجر:(

سبحان الله من تزوجت صار نومي معتدل أقوم بسهولة.. ولما جبت بنتي فديتها .. تحول نومي إلى خفيف جداً والله إني بمجرد ما يتغير النفس عندها أقوم أفز متخرعة .. لو تطلع أقل صوت أسمعه ..
الحمدلله اللحين نومي معتدل .. إذا حد دخل علي الغرفة شوي شوي يمكن ما أحس فيه خاصة لو كنت تعبانة .. لكن أي طقة باب أو حد يوقظني على طول أسمع وأقوم

أما بالنسبة للنوم .. فطبعا أيام الدوام التزام وعادي أقعد بسرعة على المنبه وفي الغالب نومي متقطع طول الليل ..
أما الويكند .. فلا وألف لا .. عندي نومة الصبح من أهم وأولى أولوياتي.. عادي أقعد وأرد أكمل .. حتى لو ما نمت أهم شي أكون في فراشي .. النوم في الإجازة له طعم ثاني :shy:

[غير البشر]

اكتفي بالمتابعة فقط :(

[نور الحور]

اكتفي بالمتابعة فقط :(


هههههههههههه .. هالموضوع طلع المستخبي .. أكيد نومك ثقيل :secret:

[Miss]

احب اقوم الصبح،، صحيح ما عندي شغل الصبح بس بعد اقوم
هالايام اعتفس جدولي اسهر فالليل وانام الصبح مممممم يبيله اعادة تضبيط
والحمد لله اقوم بروحي ،،




اكتفي بالمتابعة فقط :(





هههههههههههه .. هالموضوع طلع المستخبي .. أكيد نومك ثقيل :secret:

:secret::secret::secret:

[بصمة قطرية]

لما أكون تعبانة وهلكانة من التعب
أوصي العيال محد يقرب من باب الغرفة
لا تزعجوني خلوني أنام لو ساعه
جني أقول لهم اللي يزعجني له جائزة :weeping:
ما يتسلطون علي الله يحفظهم إلا يوم أكون صج تعبانة .. :(
أحس بخطوات في الغرفة أفتح عيني ألقى كائن بشري صغير
يتعبث و يدور كافي :weeping:
و لا ييجي عند إذني ويقول لي يمااا :weeping:

[النهار]

لما أكون تعبانة وهلكانة من التعب
أوصي العيال محد يقرب من باب الغرفة
لا تزعجوني خلوني أنام لو ساعه
جني أقول لهم اللي يزعجني له جائزة :weeping:
ما يتسلطون علي الله يحفظهم إلا يوم أكون صج تعبانة .. :(
أحس بخطوات في الغرفة أفتح عيني ألقى كائن بشري صغير
يتعبث و يدور كافي :weeping:
و لا ييجي عن إذني ويقول لي يمااا :weeping:


هههههههههههههههههههه
والا يجي يحركك ويقول العب سوني :nice:روح العب بعد شويه يجي يصيح
يكون اخوه الكبير طاقه وقال له من قال لك تعلب سوني :nice:

[بصمة قطرية]

هههههههههههههههههههه
والا يجي يحركك ويقول العب سوني :nice:روح العب بعد شويه يجي يصيح
يكون اخوه الكبير طاقه وقال له من قال لك تعلب سوني :nice:

خخخخخخخخ
الله يحفظهم..
أن عندي أصغر واحد صج مجنني
إذا كنت نايمة كل شوي يجيني و يكلمني بالعدال
يعني ما يبي يزعجني crazycrazycrazy

[روح الاطلس]

عاشق العديد ليت نومي مثل نومك


انا معاناتي نومي الخفيف لو ناموسه بالغلط طارت بالغرفه قمت من صوت جناحها :(

[المبرمج صلاح]

ذكرتني بالذي مضى باحلي ايام

للاسف انا كنت مغلبهم في البيت كنت اصحى اول واحد في البيت حتي قبل امي وابوي واصحي امي هههههه ترد علي روح نام لسه بدري على الافطار والمدرسة مافي امل كنت دايما العب اتاري او احضر توم وجيري لغاية ما يصحون كل اللي في البيت لدرجة ابوي صار يخبي الاتاري ومشترك الكهرب حق التلفزيون عشان مااصحي بدري بس على مين صرت اعمل الواجب الصبح والعب اتاري العصر والمغرب

لغاية ماتخرجت من الجامعة تقلب الحال 180 درجة النوم الي 10 الصباح ونوم العصر وسهر طول الليل

وفي كل حال نومي خفيف جدا لو شخص مجرد دخل غرفتي اصحي عالطول

وهالايام بجاهد في نفسي عشان ارجع لايام الطفولة واصلي صلاة الفجر ادعولي

[وطن]

الصراحة
لما كنت صغيره
كانوا يعانون عشان اقعد للمدرسة :shy:
ابوي فديته يجي يقعد عند راسي
يدلعني ويقول لي قصة ويغني لي
و يالله اعطيهم ويه واقعد
واذا وصل حده ينادي امي يقول لها جيبي ماي بارد هاهاهاهاهاها
يبون يكتونه على ويهي وانا راقده
هني اقوم غصب :shy:


الحين ممنوع حد يقعدني
لان لو فزيت من نومي والسبب تافه
الزيران تطلع عليهم

فقبل ما ارقد خصوصا لو قيلولة احذرهم كلهم اني ما ابي اسمع صوت

نومي خفيف
بس عندي معاناه الصبح ما اقدر اقعد :(
من ايام الجامعة
قبل 8 الصبح عندي مشكلة ما اقدر اقعد


التلفونات كلها احطها سايلنت لاني افز على اي رنة لو خفيفه و يتم قلبي يرقع
فقررت اني اسكرهم تمامااااااا وقت النوم

بس في شي غريب
المنبه ما اسمعه هاهاهاهاهاها
سبحان الله
:secret:


اكتفي بالمتابعة فقط :(

قول قول

فض فض

لا تخلي في قلبك هاهاهاهاها

[عاشق العديد]

عاشق العديد ليت نومي مثل نومك


انا معاناتي نومي الخفيف لو ناموسه بالغلط طارت بالغرفه قمت من صوت جناحها :(

والله انا الي ياليت نومي مثل نومج ..
احينا انام اقوم الاقي فلوسي محد مفتاح السياره محد المكيف مبند ماي جنبي فراش على صوبببب وماقمت الا من بعد ماشبعت نوم .. ههههههههههههه

[نور الحور]

والله انا الي ياليت نومي مثل نومج ..
احينا انام اقوم الاقي فلوسي محد مفتاح السياره محد المكيف مبند ماي جنبي فراش على صوبببب وماقمت الا من بعد ماشبعت نوم .. ههههههههههههه


عاشق العديد .. والله لا نومك ولا نومة روح الأطلس أحد يتمناها .. خير الأمور الوسط ..نومة روح تتعب الشخص النايم، ونومتك تتعب اللي يصحونه :secret:

[بو خليفه 123]

أنا الحرامي لو يدخل بيتي يقدر يتمشى و يتعشى و يبوق على راحته و اذا حاب يقيل يا مرحبا به منب قايم له .

بس اذا رن المنبه لصلاة الفجر افز من نومي القى نفسي تحت الشاور خوفاً من ان جدي الله يرحمه يلشطني بالعصا (عاده تعودت عليها) .. من سريري الى الشاور عباره عن 6 امتار بدون مبالغه امشيهم و أنا راقد .

او طبعاً الطريقه الثانيه افتح عيني من النوم القى عيالي يناقزون على ظهري . طبعاً هذي الافكار اكيد لها راس مدبر يمكن الاستخبارات الامريكيه او حزب الله دازينهم علي :)

[eXpert*]

النبي صلى الله عليه وسلم قال(( يعقد الشيطان على قافية رأس أحدكم إذا هو نام ثلاث عقد يضرب على كل عقدة عليك ليل طويل فإن استيقظ فذكر الله انحلت عقدة فإن توضأ انحلت عقدة فإن صلى انحلت عقده كلها فأصبح نشيطا طيب النفس وإلا أصبح خبيث النفس كسلان )).

[نور الحور]

أنا الحرامي لو يدخل بيتي يقدر يتمشى و يتعشى و يبوق على راحته و اذا حاب يقيل يا مرحبا به منب قايم له .

بس اذا رن المنبه لصلاة الفجر افز من نومي القى نفسي تحت الشاور خوفاً من ان جدي الله يرحمه يلشطني بالعصا (عاده تعودت عليها) .. من سريري الى الشاور عباره عن 6 امتار بدون مبالغه امشيهم و أنا راقد .

او طبعاً الطريقه الثانيه افتح عيني من النوم القى عيالي يناقزون على ظهري . طبعاً هذي الافكار اكيد لها راس مدبر يمكن الاستخبارات الامريكيه او حزب الله دازينهم علي :)


والله أنا هالمخطط التكتيكي ما فلح وياي مع زوجي .. اليهال مساكين زهقوا .. قالوا نروح نكمل بارني أبرك لنا من المناقز .. وطبعاً التكملة علي :(

[بو خليفه 123]

والله أنا هالمخطط التكتيكي ما فلح وياي مع زوجي .. اليهال مساكين زهقوا .. قالوا نروح نكمل بارني أبرك لنا من المناقز .. وطبعاً التكملة علي :(



سبحان الله يعرفون اني اقصدهم ..

بس متأكد انه عقب التكمله اكيد قام من النوم :tease:

[العلم]

بوخليفة .. ممكن اذا مافي احراج ومانع تصور ابتاسمتك وتحطها في صور من عدستكم .. ابي اعرف ابتسامة هوليود شنهي ..

والا ارسلها خاص .. :shy:

[نور الحور]

سبحان الله يعرفون اني اقصدهم ..

بس متأكد انه عقب التكمله اكيد قام من النوم :tease:



أكيد تقصدنا .. لنا الله .. ينشف ريجنا وبعدين يقولون لنا راس مدبر ومخططات ومادري شنهو :weeping:
بس النتيجة والله حزات لي وحزات علي 10 صفر :weeping:

[بو خليفه 123]

بوخليفة .. ممكن اذا مافي احراج ومانع تصور ابتاسمتك وتحطها في صور من عدستكم .. ابي اعرف ابتسامة هوليود شنهي ..

والا ارسلها خاص .. :shy:


طيب قول لي شي يضحك عشان تشوف اسناني

[نور الحور]

بوخليفة .. ممكن اذا مافي احراج ومانع تصور ابتاسمتك وتحطها في صور من عدستكم .. ابي اعرف ابتسامة هوليود شنهي ..

والا ارسلها خاص .. :shy:


ركز في صورته الرمزية ..مكشر عن أنيابه ترى :tease:

[العلم]

ياخي الإبتاسمة في وجهك اخيك صدقه .. :shy:

[شيوخه]

أنا نومي ثقيل وايد محد كاسر خاطري غير أمي اتروح واترد اتقعدني أكثر من مره ولازم نص ساعه مبوزه ومالي خلق اكلم حد أو أرد على حد لين ماشرب نسكافيه وأصحصح عقب اشق الحلج :shy:

[حفيد الأنصار]

ايام الدراسه كنت عاادي يقوموني واقووم انام بالبانيو بالحمام ههههههههه
لكن بعد ماتوظفت وخاصة اني توظفت بمدينة ثانية عن اهلي ..
عاادي بصراحة اوقت منبه الجوال واصحى .. يعني تقدرون تقولون 80 الى 90 % اقووم بنفسي
والباقي اخووي يقومني ولا اسحب على المنبه خخخخ

ونومتي بالغالب من الساعه 1 الى 3 واصحى من 6 ونص الى 7 الصباح

[لاجل QT]

ماعمر حد قومني بصراحة:)

انا اقعد من 3 مواصلة لين الساعة 7 بالليل:shy:

كلش يعني سهرانة الحين:p

[غير البشر]

انا نومي مصيبه وكارثه

كفايه لو تعرفون مواقفي بتحكمون
منها بسبب نومي الثقيل انكسرو بابين
باب غرفتي في ماريوت دبي اكسروه :eek5:
وفندق ثاني بعد كسرو الباب بسبه نومي الثقيل :rolleyes2:

[Miss]

انا نومي مصيبه وكارثه

كفايه لو تعرفون مواقفي بتحكمون
منها بسبب نومي الثقيل انكسرو بابين
باب غرفتي في ماريوت دبي اكسروه :eek5:
وفندق ثاني بعد كسرو الباب بسبه نومي الثقيل :rolleyes2:
يعني اللي بيدخل يسرق ما راح تحس فيه

فكره بس يبيلها تخطيط :ok2:

[غير البشر]

يعني اللي بيدخل يسرق ما راح تحس فيه

فكره بس يبيلها تخطيط :ok2:


اييييييه والله اني مادري ولا احس
انا في الطياره ارقد لين توصل مادري بنفسي ههههه