اشجار الزينه والعناية بها [الأرشيف] - منتديات شبكة الأسهم القطرية

مشاهدة النسخة كاملة : اشجار الزينه والعناية بها

Riku3

10-06-2013, 09:51 AM

السلام عليكم ورحمة الله وبركاته ..

بغيت مساعدة من اهل الخبرة والي عندهم معلومات عامة في اشجار الزينه الداخلية ..

شريت بعد بحث وتحري من محل بالقرب من اشارات السينما وكلف قريب العشرين الف .. وطبعاً وزعتها بكل مكان وكان بيني وبينهم عقد للعناية بالاشجار وكانوا يجوني مرتين بالاسبوع ويغيرون الي يموت او يذبل على حسابهم ويسقونهم وانا ما كان علي اي شي ..

وبعد نهاية العقد شفت اني طالع خسران في هالعقد فألغيته مع بداية السنة واموري طيبه لين الحين .. بس لاحظت ان القليل منها بدت تذبل مع اني محافظ على الاتباع بالتعليمات بخصوص البروده او الشمس لبعضها وطريقة توزيع الماء لها وبنفس اسلوبهم ..

بغيت أسأل لان في واحد قالي ان يعطونها فيتامينات او شي كذا .. او اي معلومه تقدرون تفيدوني بها بخصوص السماد وكيف احافظ عليها قبل لا تموت .

ممكن حد يفيدني :] .

تغلبية

11-06-2013, 01:11 AM

qatar.syria

11-06-2013, 07:43 AM

أخي انصحك نصيحة مجرب .... مر على اقرب مشتل مثل يلي بشارع السوق المركزي او جانب السوق العماني وادخل وشوف اي مهندس زراعي يكون فهمان ... خذه عندك البيت وخليه يشوف الاشجار ويقلك شو تساوي معهم بالضبط ...
ممكن يكون ينقصهم حديد ويكتبلك تضع لهم برادة حديد .. يمكن ينقصهم آزوت يعطيك سماد صناعي .... يمكن ينقصهم معادن .... خليه يشوف ويدلك ... افضل من التجربة

Riku3

11-06-2013, 11:46 AM

اي اخوي لازم لها مغذي تخلطه مع الماي

تلقاه عند المشتل اللي شريت منه

او اقرب كارفور

اقرا التعليمات اللي عليه ولازم يكون عندك دليل لنباتات الزينة او على الاقل يكون عندك ارشادات العناية بكل نبته ..

هالمغذيات تخليها قوية وخضراء طول السنة

خذ السائل احسن وتخففه بمقدار معين من الماي حسب التعليمات على الغرشة

بس انت تحتاج indoor plant nutrient

http://media.aerogardenimages.com/media/catalog/product/cache/1/image/9df78eab33525d08d6e5fb8d27136e95/1/q/1qt_nut_800x800.jpg

وعليك بعد من فترة لي فترة اذا اكبروا النبتات اتجدد لهم البتموس .. واذا بغيت تفصلهم وتحطهم في اصايص اكبر او اصغر حسب ماتبي

العناية بنباتات الزينة ممتع :)
شكراً على المعلومات التفصيليه :] .. ان شاء الله بمر عند نفس المحل اشوف شنو المتوفر .

بس شنو البتموس ؟ .

أخي انصحك نصيحة مجرب .... مر على اقرب مشتل مثل يلي بشارع السوق المركزي او جانب السوق العماني وادخل وشوف اي مهندس زراعي يكون فهمان ... خذه عندك البيت وخليه يشوف الاشجار ويقلك شو تساوي معهم بالضبط ...
ممكن يكون ينقصهم حديد ويكتبلك تضع لهم برادة حديد .. يمكن ينقصهم آزوت يعطيك سماد صناعي .... يمكن ينقصهم معادن .... خليه يشوف ويدلك ... افضل من التجربة
والله ياخوي من كم سنه انضريت بسببهم في الزرع الخارجي وخربولي النخل وتميت فترة ارقع فيهم مع البلدية الي ما قصروا معاي .. اكثرهم للاسف ما يعرف شغله بس يحب يتفلسف .

شكراً على ردك .

بصمة قطرية

11-06-2013, 10:49 PM

بالفعل النباتات تحتاج لفيتامينات ..

تغلبية

12-06-2013, 12:43 AM

شكراً على المعلومات التفصيليه :] .. ان شاء الله بمر عند نفس المحل اشوف شنو المتوفر .

بس شنو البتموس ؟ .

.

http://t1.gstatic.com/images?q=tbn:ANd9GcTidyheewAP4MGlgpgwLqbSHFJ16dG8J w-5S6w1Ln9tERoOmpb_

البتموس .. التربة السوداء الخاصة بنباتات الزينة ..

لما اتجدد التربة اتخلي من التربة القديمة حوالين جذور النبتة علشان مايتغير عليها الوسط وتموت

بو خليفه 123

12-06-2013, 07:58 AM

غير الفيتامينات فقط لها مواد اخرى تضاف عليها ضد الحشرات والتسوس

أنا متعاقد مع زراع شهرياً يرتب حديقة بيتي مرتين بالشهر و مركب مرشات ماء اوتوماتيكيه ترش مرتين باليوم و مريح راسي انصحك بالاتفاق مع زراع صعيدي او على الاقل يرتب لك حديقتك مره بالشهر لأنه لو اذبلت لازم تبدلها و تستغرق وقت اكثر من العنايه بها

Riku3

12-06-2013, 11:21 AM

بالفعل النباتات تحتاج لفيتامينات ..
بإذن الله بمر الاحد المحل اشوفهم لاني مب قادر اطلع من الدوام اليوم او بكره بس الاحد ان شاء الله استأذن لانه قريب دوامي :] .

http://t1.gstatic.com/images?q=tbn:and9gctidyheewap4mglgpgwlqbshfj16dg8j w-5s6w1ln9teroompb_

البتموس .. التربة السوداء الخاصة بنباتات الزينة ..

لما اتجدد التربة اتخلي من التربة القديمة حوالين جذور النبتة علشان مايتغير عليها الوسط وتموت
شكرا على المساعدة والتوضيح .. شفتها في الجمعيات وان شاء الله بشتريها من كارفور او اللولو .

غير الفيتامينات فقط لها مواد اخرى تضاف عليها ضد الحشرات والتسوس

أنا متعاقد مع زراع شهرياً يرتب حديقة بيتي مرتين بالشهر و مركب مرشات ماء اوتوماتيكيه ترش مرتين باليوم و مريح راسي انصحك بالاتفاق مع زراع صعيدي او على الاقل يرتب لك حديقتك مره بالشهر لأنه لو اذبلت لازم تبدلها و تستغرق وقت اكثر من العنايه بها
الاشجار داخلية وليست الحديقه الخارجية .. الزرع الخارجي يمر علينا بلوشي ماسك حدايق الفريج كل يوم ببيت اشوفه .. ينظف الزرع ويهتم فيه وما شاء الله عليه كبير بالسن بس شديد وما يقصر مع الاشجار الخارجية بس ما اتوقع عنده الخبره الكافيه بأشجار الزينه .

وترى حتى بفترة التعاقد كان كثير من الشجر يموت مع ان المحل هو الي يهتم فيه .. بس انا حسبتها لو ابدل 5-7 اشجار بالسنة اوفر من هالعقد والحمد لله من بداية السنة ما اضريت ابدل ولا وحده .

تحداني

13-06-2013, 01:07 PM

حلو هالموضوع
:)

عندي في المكتب من 4 سنوات
وللحين جميلين .. ما ادري اشلون امحافظه عليهم
بس امحافظه