أيهما أفضل بنك قطر الدولي أو مصرف قطر الاسلامي

[جينير]

السلام عليكم ورحمة الله وبركاته

حبيت استشيركم في الانتقال من بنك الى بنك أخر

انا عميل في بنك قطر الدولي الاسلامي
والمديونية اللي علي في حدود ال 40،000 ألف ريال

ومصرف قطر الاسلامي عند عرض في الجرايد اليومية لتحويل الراتب اليهم


فأيهم افضل في تقديم الخدمات وهامش الربح

وتنصحوني احول للمصرف ولا ابقى في الدولي


ودمتم بود

[حمد 2002]

نصيحه روح بنك الريان عن تجربه ،،

[عيون الدوحة]

قطر ربوي

اكيد المصرف

[راعي ال VXR]

مصرف قطر الاسلامي وذلك عن تجربه

[أعيان]

مصرف الريان عن تجربة شركات اوشخصي

[جينير]

نصيحه روح بنك الريان عن تجربه ،،


مرحبا بك يااخ حمد

ياليت تفيدنا وتفيد المتابعين بخدمات الريان وكم الارباح عندهم

وشاكر لك مرورك الكريم ونصيحتك

[جينير]

قطر ربوي

اكيد المصرف

انا اقصد قطر الدولي الاسلامي

مو قطر الوطني ولا قطر الدولي

[Aaziz]

مكانك زين ،، لاتغير

[مابدل العادات]

مصرف الريان بنك ممتاز وخدمه عملاء ممتازه

ولاكن ماعندي معلومات عن السلفيات وارباحها تقدر تتواصل وياهم ويفيدونك اكثر

[مضارب دوسري]

روح البنك الاسلامي الاكثر فروعا :)
يعني المصرف

[أبورودي]

بوضحلك شي عشان تكون عارف
انت قرضك 40000 لما تنقله حيدخل عليه مرابحه جديده حسب المده اللى انت حتخارها لذلك من الافضل البقاء فى البنك حتى انتهاء القرض

[المستعينه بالله]

الدولي الاسلامي

فروعه اكثر

المصرف فيه بخل في الفروع واستغلاله لقله الموظفين بالرغم من ثروته

[الكاسر99]

مصرف قطر الإسلامي عنده بطاقة الصراف

بطاقة جديده بي في حسبه فوق ال 300 ألف يعطونه هاذي البطاقة


والصراحه عجيبة البطاقة تقدر تسحب من الصراف إلى 20 ألف والمشتريات إلى 40 ألف

وعلاوه على ذلك لين تبي تروح تاخذ لك دور للكاشير وفي زحمه مجرد تدخل بطاقت التميز في

الجهاز اللي يعطيك الأرقام يعطيك رقم منفصل عنهم في دقايق أنت مخلص


أنصحك وبشده تروح المصرف من واقع تجربة

[رجل الجزيرة]

مصرف قطر الاسلامي وذلك عن تجربه

[جينير]

روح البنك الاسلامي الاكثر فروعا :)
يعني المصرف

هذي من النقاط اللي لاحظتها أن الفروع والصراف الالي لمصرف قطر في كل صوب

[جينير]

مصرف قطر الإسلامي عنده بطاقة الصراف

بطاقة جديده بي في حسبه فوق ال 300 ألف يعطونه هاذي البطاقة


والصراحه عجيبة البطاقة تقدر تسحب من الصراف إلى 20 ألف والمشتريات إلى 40 ألف

وعلاوه على ذلك لين تبي تروح تاخذ لك دور للكاشير وفي زحمه مجرد تدخل بطاقت التميز في

الجهاز اللي يعطيك الأرقام يعطيك رقم منفصل عنهم في دقايق أنت مخلص


أنصحك وبشده تروح المصرف من واقع تجربة


بالنسبة للحساب مافيه الا الخرده بعد كم يوم من نزول الراتب:con2:

[رشدان]

قطر ربوي

اكيد المصرف

بنك قطر الدولي الإسلامي ليس ربوياً

[Riku3]

انا في الدولي الاسلامي من 2004 راتبي ينزل .. لولا الكسل كان حولت للريان ..

من فترة كنت بقدم على شراء سيارة ومريت كل البنوك الاسلامية .. بروة والريان عطوني افضل العروض والدولي كان اسوئها مع ان راتبي ينزل عندهم وماعلي اي التزامات !! .

[الـخـالـدي]

اخوي من تجربه انا كنت في بنك الدولي الاسلامي وطلعت منه ورحت المصرف و انصحك فيه

من اسرع البنوك فالخدمه خصوصن فالسلف يعطيك السلفه بسرعه و فروعه فكل مكان وماتتعطل حتى مع الكول سنتر

و الله يوفقك

[khalid525]

عنبر اخو بلال

[تغلبية]

استفتي قلبك وان افتوك الناس :victory:

[H H]

استفتي قلبك وان افتوك الناس :victory:


انا قلبي من عرفته وهو يفتيني اني اروح اخذ قروض وماوداني فداهيه الا هو ههههههههه


المصرف عن تجربه, تعاملهم جداً راقي وفروعهم فكل مكان وصرافاتهم اكثر وحتى الكول سنتر
جداً ممتازين ومايتاخرون الا ناااااادراً وقسم الجودة عندهم ممتاز والسلفية اذا اوراقك كامله
يخلصونها بسرعه


بس انصحك تاخذ نصيحة الاخ الي قالك انتظر لين يخلص القرض وبعدها انتقل لانهم بياخذون
عليك نسبة والبنك القديم ماخذ عليك نسبه فاجلها شوي والمبلغ موب عالي تقدر تشد حيلك
وتخلصه قبل موعدة بكثير ,, بالتوفيق

[Abu JaBeR]

انا مجرب الاثنين

بكل أمانه تعامل المصرف وخدماتهم افضل

[فتى الجود]

الريان

[بوخالد911]

هلا

أهم شي عندك صاحب بالبنك يخلصك

وبغظ النظر عن اسم البنك

[king fish]

انا قلبي من عرفته وهو يفتيني اني اروح اخذ قروض وماوداني فداهيه الا هو ههههههههه


المصرف عن تجربه, تعاملهم جداً راقي وفروعهم فكل مكان وصرافاتهم اكثر وحتى الكول سنتر
جداً ممتازين ومايتاخرون الا ناااااادراً وقسم الجودة عندهم ممتاز والسلفية اذا اوراقك كامله
يخلصونها بسرعه


بس انصحك تاخذ نصيحة الاخ الي قالك انتظر لين يخلص القرض وبعدها انتقل لانهم بياخذون
عليك نسبة والبنك القديم ماخذ عليك نسبه فاجلها شوي والمبلغ موب عالي تقدر تشد حيلك
وتخلصه قبل موعدة بكثير ,, بالتوفيق



اي راقي !!!!!!!

انا كان عندي معامله طلبت طلب ثاني قالي شكل موضوعك مطول !!!!!!!!!!!

[Cooki]

انا عندي حساب فالدولي الاسلامي وفالمصرف ..
الصراحه تعامل الدولي الاسلامي جداً مميز بس امانه مالي بالسلفيات فماعرف شلون تعاملاتهم بهالمواضيع .. اما المصرف ..فلا تعليق ..
اخر موقف صار لي معاهم هو ان بطاقتي انتهت صلاحيتها شهر 4 وانا مب منتبهه الا لما جيت استخدمها .. اتصلت على فرعي طلع الرقم غلط رحت فرعهم اللي في بن عمران الا مكانه فرايديز ... دقيت على الكول سنتر ردوا علي فالمحاوله الثانيه لليوم الثاني على التوالي ..
المهم كلمت الموظفه شلون البطاقه تنتهي وماترسلون لي مسج او رساله قالت لي حضرتك في تاريخ محدد ومكتوب على البطاقه لازم انتي تنتبهي قلت لها زين انا مانتبهت انتوا ليش ماترسلون لي تقولون ان بطاقتج الجديده جاهزه تعالي استلميها او ارسلوها لي حالكم حال هالبنوك العدله
قالت لي حضرتك من تاريخ الانتهاء احنا بنصدر بطاقه جديده ليكي واذا ماستلمتيها خلال شهرين نعدمها ..
قلت لها وليش ماكلمتوني او اخطرتوني .. قالت لي حضرتك دي القوانين ..
لازم الحين تقدمين طلب بطاقه وتدفعين 50 ريال رسوم ..
قلت لها ليش .. شنو هالخدمه المميزه الصراحه ..
الحين بطاقتي منتهيه ولا ارسلتولي اشعار ومابلغتوني بوجود البطاقه الجديده واعدمتوها وبعد بتغرموني 50 ريال .. الصراحه صج خدمه 7 نجووم ..
بس حرام البنت قالت لي بقدم لج الحين الطلب واتصلي تاكدي ان البطاقه جاهزه خلال 4 ايام ...وتعالي استلميها من الفرع الرئيسي ... كثر الله خيرها ..
هذا معامله بطاقه شلون لو سلفه ...
واترك لكم حريه التعبير

[شمووع]

عندي حساب في الثلاثة وأفضلها الدولي بدون منازع
أرباحه أكثر ع الودايع
وبطاقة الصراف قويه يامانفعتني وقت الازمات والسفر
وخذلوني بقيه البطاقات
أما بقية المعاملات عاديه كلهم مثل بعض

[الزعفراني]

لا تبلش عمرك دام المبلغ بسيط40 الف .. خلص المديونية وعقب حول على المصرف

لان المصرف بيضرب عليك لا نقلت مديونيتك

وطبعا في الخدمات المصرف افضل وقام ينافس البنوك التقليدية

[تغلبية]

انا قلبي من عرفته وهو يفتيني اني اروح اخذ قروض وماوداني فداهيه الا هو ههههههههه


المصرف عن تجربه, تعاملهم جداً راقي وفروعهم فكل مكان وصرافاتهم اكثر وحتى الكول سنتر
جداً ممتازين ومايتاخرون الا ناااااادراً وقسم الجودة عندهم ممتاز والسلفية اذا اوراقك كامله
يخلصونها بسرعه


بس انصحك تاخذ نصيحة الاخ الي قالك انتظر لين يخلص القرض وبعدها انتقل لانهم بياخذون
عليك نسبة والبنك القديم ماخذ عليك نسبه فاجلها شوي والمبلغ موب عالي تقدر تشد حيلك
وتخلصه قبل موعدة بكثير ,, بالتوفيق

:nice:


عيل خلك على مينونك ... وبتقزر ان شاءالله

وما انصحك تطلع الحين من الدولي

خدمات سهلة .. ان بغيت سيارة والا تمويل المعاملة تمشي سموثلي من احسن مايكون

المصرف فخامة ودعاية ودنيا ويشفط منك وانت ماتدري!

راتبي ع الدولي مرتاحة الحمدلله

وعندي بطاقة فيزا على المصرف بضمان وديعة .. حارقتها حراق علشان احصل على اميال .. هذي احلى مافي المصرف بالنسبة لي

[sahrleel]

نصيحتي لك روح اي بنك اسلامي

لكن ابتعد عن المصرف لانه فاشل بمعنى الكلمة

وعروضه كلها خرطي في خرطي

[.. الكاش ..]

الدولي زين لتغير

[نيساني]

طلعت من الدوحه ورحت الوطني الاسلامي وطلعت رحت المصرف وكان خاطري في الريان
بس الريان يعيبه شي واحد اللي هو انه ماعنده فروع من الغرافه لين ام العمد
مع انه اكثرية البونك لها فروع!!!!

تحياتي لك اخوي وانصحك بالاستخاره

وشكراً

[OREO]

خلصت ثالث اعدادي وابوي اهداني سيارة كرايسلر و شخصيا شليت بخاطري لان ماخذ لي نيسان ،،،

يوم شافني بهذا الموود سألني ايش اللي مزعلك و جوابي كان ليه ماخذتلي نيسان ،،!!!!
جاوبني بكل هدوء و قال Nice to have it but not necessarily to have it

لان من وجهة نظر ابوي في ذيج الحزة شاف اني راعي كشخه و مهب راعي بر و سيلين والخ ،،،


خلاصة الكلام ياخوي الشخص قبل ليتخذ اي قرار لابد عليه حصر احتياجاته و الفوائد المردوده لاجل تكون الرؤية واضحة امام الشخص والا الندم لايفيد في المستقبل،،

عزيزي نصيحة اخوية ،، اذكر ماهي احتياجاتك الاولية و هل متوفرة في البنوك التي ذكرتها ام لا و من بعدها تصبح الرؤية واضحه امامك ،،، الاعضاء بارك الله فهم ادلوا بدلوهم لكن احتياجاتك تختلف عن احتياجاتهم و لذا تلاحظ البعض يذم و البعض الاخر يمدح و كلاهم على حق لان البعض لم يجد احتياجاته في البنك المعني و هذا عكس البعض الاخر ،، فلذا دائما احصر احتياجاتك و من بعدها اسأل لاجل تلاقي الجواب الشافي لاحتياجاتك و مهب احتياجات الغير ،،،

اتمنى لك التوفيق من الله ياخوي ،،

[وحيد-الشوق]

احس الاخوان متسرعين في ردودهم

حسبة بسيطة مديونيتك 400 الف وبنكك اسلامي بتنقل للمصرف بتزيد عليك الفوايد او مايسمى بالمرابحه

يعني كأنك يابو زيد ماغزيت

كلمة اخيره لاتصدق عروض البنوك كلها خداع ولف ودوران :)

[جينير]

السلام عليكم ورحمة الله وبركاته

في البداية أشكر كل من أطلع على الموضوع وأدلى برأيه ونصحيته

هو صحيح أن كل واحد له متطلباته
بس حبيت أعرف انطباعات العملاء مع بنوكهم ونستفيد منهم

وسبب السوال هو أني محتاج قرض 150 ألف وتخفيض القسط السنوي

وحبيت أنقل لكم جولتي مع البنوك الاسلامية الثلاث

1- (( بنك قطر الدولي الاسلامي))

قرض شخصي
نسبة الربح 3.29%

القرض 100 الف

المدة 6 سنوات

القسط 1690

الفوائد حوالي 20،000 ألف

وبالنسبة لتمويل السيارة نسبة الربح 2.76%

القيمة 100 الف ريال

المدة 6 سنوات

القسط 1630

الفوائد 17 الف ريال

_________________________________________

2- مصرف قطر الاسلامي

قرض شخصي نسبة الربح 3%

القيمة 100 الف ريال

المدة 6 سنوات

الارباح 18 الف ريال

القسط 1648
______________

واذا الفرض 150 الف ريال

المدة 6 سنوات
الارباح 27 الف ريال

القسط 2472
__________
وطبعا فيه امتيازات البطاقات والاميال


_______________________

3- مصرف الريان

قرض 100 الف
نسبة الربح 2.99%
المدة 6 سنوات

القسط 1660

الفوائد 19 الف

__________

واذا القرض 150 الف

6 سنوات

القسط 2495

الفوائد 26 الف

وطبعا عندهم فترة سماح 3 أشهر وبدون أي زيادة في الارباح
وعندهم اذا طلبت التمويل نقاط المكافات تصل الى 80،000 وتتحول تلقائيا كيومايلز (( بس مادري هل يترتب على ذلك اي رسوم زيادة ادفعها... نسيت لااسالهم.
______________

وللعلم مصرف الريان ومصرف قطر الاسلامي لهم تطبيقات في الاب ستور لإدارة حساباتك في الا يفون

واللي لاحظته فروع مصرف قطر ومكائن الصراف منتشره في كل صوب ولهم افرع في المجمعات التجارية


وراي يقول سدد الدين الحالي واخذ القرض من البنك الحالي اللي هو الدولي

وراي يقول روح للمصرف اخذ ال 150 الف ريال ومنها تتسدد ال 40،000 الف

واسف على الاطاله

وشكرا لكم جميعا

[كبير المتداولين]

كلهم للحين بوهندل

شغل يدوي