وبعدين مع موظفات الاستقبال في المراكز الصحية ؟؟؟

[ٌٌR.M.S.H]

تعبنا والله تعبنا من سوء معاملة الموظفات اللي يشتغلون في استقبال المركز الصحية
والكل يشكي ويا كثر ما سمعنا عليهم شكاوي في برنامج وطني الحبيب وفي الجرايد ولا شي تغير
اليوم زوجي راح الصبح مركز المطار الصحي ، عشان يصدر بطاقة صحية للخادمة
من الساعة 10 الصبح للساعة 11 وهو واقف عالكاونتر يبي بس أحد يكلمه ، ساعة كاملة وهو واقف ولا أحد يتحرك من مكانه
وكان صابر عليهم لأنهم حريم، وهو شايف قدامه انهم قاعدين سوالف وأكل وقهوة
ولما يكلم وحده فيهم تروح وما تعطيه وجه
لما على صوته وبدأ صوته يرج في المركز وطلب أي مدير أو مسؤول ، في وحده قامت من مكانها وتحركت وخلصت الموضوع ، وقالتله للأسف ما في عندنا مسؤول

وانا من كم يوم رحت وحرارتي مرتفعة ، وواقفة عالكاونتر والأخوات قاعدين يسولفون عن العبايات والأسواق ومين أرخص ووين في موديلات جديدة
بس نبي أحد يفهمهم أنهم يشتغلون يستقبلون ناس مريضه وقاعدة تتألم، والله اللي يجي المركز الصحي مب جاي فندق ولا مطعم يستانس ، ويجون هم بحركاتهم يجيبون المرض بزيادة

السؤال، شلون موظفات وما عليهم مدير أو مسؤول ؟
والله أنا اقترح يحطون كاميرات مراقبة، عشان يشوفون المهزلة

[حمد 2002]

الله المستعان ،،

[أم نواري1]

الحمد لله موظفات مركز مدينة خليفة مب كذا

أوجه لهم تحية
جزاهم الله خير
دايم متعاونات
بس شوية صبر عليهم
موقعهم يتحملون فيه ضغط كبير

أما مركز المطار مادري عنه بحكم إنه مب مركزي
لكن الله يعينكم
وبإمكانج تشتكين عند الإداري على الشفت بكبره بنفس اللحظة

[ٌٌR.M.S.H]

اخوي بو نورة للأسف مافي ولا إداري في المركز
وإذا كان في للأسف ما تلاقيهم في مكاتبهم

[بومحمد911]

فعلا بعض المراكز فيها الاستقبال سيء واسلوب غير حضاري سوالف وضحك واكل .

[اجرام]

ياكثر ما ياكلون في كل وقت وزمان

[ALHAJAJI]

تعالي شوفي موظفات مركز ام صلال

اللي على الكاونتر اكثر من المرضى , واللي مو مصدق يروح ويشوف بعينه

[ٌٌR.M.S.H]

عيب والله عيب
عددهم قاعد يزيد والشغل من سيء لأسوأ

[شيخ الديرة]

متفيد الشكاوي هنا, أنا متأكد الدكتورة مديرة المؤسسة ما يعجبها هذا اللي صار

مؤسسة الرعاية الصحية الأولية
شارع سحيم بن حمد / الطريق الدائري الثالث ،الدوحة، قطر
ت: 44953363 – 44593333
البريد الإلكتروني: info@phcc.gov.qa
صندوق البريد: 26555

أطلب مدير المؤسسة او مدير قسم الجودة

[ٌٌR.M.S.H]

شكراً أخوي شيخ الديرة
بكلمهم أن شاء الله

[ٌٌR.M.S.H]

44953363
هذا الرقم غير صحيح ، خاص بمجمع اللؤلؤة
الرقم الثاني صحيح ، بس للأسف ما أحد يرد
كالعادة ، في أي جهة حكومية
مع احترامي

[شيخ الديرة]

44953363
هذا الرقم غير صحيح ، خاص بمجمع اللؤلؤة
الرقم الثاني صحيح ؟، أشكرك

غريبة, نقلتها من موقعهم هذا (http://www.phcc.qa/portal/index/index.php?lang=ar&page=3&type=2&id=175)

[غايه الطواش]

المركز الصحي الي انا تابعه له
بصراحه اشوف سوء الاسلوب بالعاده من المرضى !!

[مسمس12]

ذكرتيني بالمركز الصحي اللي كنت تابعه له يوم كنت حامل كنت ابي كوبي من اوراق التحاليل وقعدت ساعتين اكلمهم وكل وحدة تقطني عالثانية وبعد ساعتين يالله خذيت الملف ولما سووا لي التحاليل كوبي قالوا لي لازم بطاقة البنك ماناخذ خمسين كاش وكنت ناسيتها فالبيت وجيت ثاني يوم معاي البطاقة قالوا من قالج بالبطاقة ناخذ كاش اقولهم امس انتوا قلتتوا لي قالوا لا نبي كاش وعطيتهم ماكنت فاضية اهاوشهم مالي خلق فالتاسع لو الحين كان هاوشتهم :)

[dohasecret]

هذي عيب اللي أوظف البلوش ،،،،،،، خخخخخ اكل ومرعى وقله صنعا،،،، وطبعا بالنهاية لا لنا حق ولا باطل فيهم تعبنا يأكثر الشكاوي ولافي فايده ولا حطين صندوق نتفه حق الاقتراحات والشكاوى والله الناس تكتب وتقط في الصندوق ولا حياة لمن تنادي ،،، اقرب زباله يكبون الأوراق

[Riku3]

امس الصبح كنت بمركز المطار .. دخلت محد قدامي ووقفت امام التسجيل ولا كأني واقف .. احترمتهم لانهم حريم بس ولاحد عبرني لين ما تكلمت وطلبت وبعدين وحده جاتني ..

احلى شي ان الكل يتجنب النظر بإتجاهك كأنك مب موجود وهم بين 7 الى 10 بنات ..

في السابق ماكانوا كذا واذكر وحده بينهم منقبه اعتقد من العبيدلي هي الي تنظم والامور كانت تمشي بسلاسة .. بس بالفترة الاخيرة لاحظت عليهم ان مافي نظام وفي تعالي في الرد ..

ونفس الشي من كم يوم واحد يقولي ان زوجته راحت مركز المطار العصر وخلوها تنتقل لقسم الرجال للدفع لان الموظفه جالسه هناك .. وكان متضايق لان لو يدري كان هو الي ودى الخدامه المركز مب زوجته الي خلوها تنتقل لقسم الرجال علشان تدفع 30 ريال لان الخدامه ماعندها كرت !! .

[ٌٌR.M.S.H]

أخت مسمس 12 ، أول شي حمدلله على سلامتك
أنا مرة رحت لهم وكانت حرارتي 40 لقيت صوب الحريم زحمة ، قلت لزوجي مب قادرة انتظر عند الحريم زحمة، رحت صوب الرجال عشان ياخذلي رقم وقلت بدخل على دكتور ، لأنه أكيد مافي كشف بس بنادول ومضاد حيوي
لما شافتني موظفة الاستقبال عند الرجال أعطتني رقم لدكتور أطفال
وقعدت انتظر ، آخر شي قام واحد سأل زوجي أنتو تبون دكتور أطفال ، رد عليه زوجي لا نبي باطني ، قال روح غير الرقم
لما رحنا الاستقبال، تخيلوا إيش ردت الموظفة اللي مافيها خير
تقول ( أنا شفتج صوب الحريم وشكلها الزحمة ما عجبتج ، ورحتي صوب الرجاجيل عشان ما تنتظرين، والله ماحد قالج روحي عند الرجال) يعني كأنها سوت هالحركة عمداُ عشان بعد تخليني أنتظر ، والله والله والله هذا اللي صار
هني زوجي عصب وصوته علي ، وقالها لولا إنج حرمة كان عرفت شلون أخليج تعرفين تردين ، قمت أصيح لأني فعلا كنت تعبانه وزعلت على نفسي
ما قدرنا ساعتها نروح أو نسأل إذا نبي نشتكي لأني ما كنت قادرة

[عيون الدوحة]

طريقة الكاونتر في المراكز الصحيحة غلط في غلط

لازم يسون لهم كونترات ثانية وكل وحدة في كونتر منفصل
وخلفهم مكتب المسؤلة
عشان لي وحدة قامت من مكانها تنتبه لها المسولة

[الخيالة]

صح كلامج اختي هالمركز انا بعد تعبت مع اللي يشتغلون فيه ماينفعون للأسف حق هالوظيفه دووووووم نفس الشي الناس واقفين في الطابور والخوات قاعدين اللي تتكلم في الجوال اللي تسولف مع زميلتها واللي قاعدين مجموعه يتكلمون عن مواضيع مختلفه ولي جنه جدامهم ناس مرضي واقفين في الطابور والله العظيم كم مره انا رحت نفس الشي عادي أتم ناطره نص ساعه او اكثر واناديهم وكل وحده تقول لحظه بتجي وحده ثانيه ولي ماعرف شنو ماينفعون للأسف ويبيلهم دورات عن شلون يستقبلون المراجعين والمرضي وشنو بلضبط شغلهم ماقلنا لا يأكلون ولي يشربون بس مفروض كل وحده عندها وقت محدد للبريك تروح تأكل وترجع تكمل شغلها عدل مب قاعدين كلهم في النص دق سوالف وضحك وماعرف شنو ولي في فايده انا كم مره تهاوشت معاهم ما ينفع معاهم ولي شي يقعدون في بيوتهم احسن اذا مالهم خلق يشتغلون ولي ان يشتغلون بدون نفس او ان ينقعون العالم ويكملون سوالفهم

[الخيالة]

الحمد لله موظفات مركز مدينة خليفة مب كذا

أوجه لهم تحية
جزاهم الله خير
دايم متعاونات
بس شوية صبر عليهم
موقعهم يتحملون فيه ضغط كبير

أما مركز المطار مادري عنه بحكم إنه مب مركزي
لكن الله يعينكم
وبإمكانج تشتكين عند الإداري على الشفت بكبره بنفس اللحظة



اخوي حتي لو عليهم ضغط مفروض يراعون شعور المرضي ويهتمون فيهم في الكاونتر تقريبا 10 بنات او اكثر شيسوون كلهم ولي شي لان محد مهتم اصلا كل وحده تسوي اللي تبي براحتها ولي شفت مسؤول عندهم ومرات يردون بأسلوب غلط ...

[مسك روز]

اي والله مادري شفيهم على هالنفس الخايسه

في مركز الخور الصحي وحده خذت بطاقتي وقالت في ويهي اف شفيهم المرضى اليوم متفيجين !!

والله فراغه !!

الحين هذيلا مرضى وهي بتصرفها وكلامها بتزيد مرضهم مرض

حمدلله والشكر على هالتصرفات الخايسه

انا اقترح ان يعطونهم دورات في معاملة الجمهور والاتكيت والذوق

غير الهذره والضحك بصوت عالي وسوالفهم اللي تنسمع على بعد كيلو

[ورد الدوحه]

كل المراكز الصحية في صوب ومركز عمر بن الخطاب في صوب ثاني

والله العظيم رحت من يومين المركز أبي رقم واكلمهم لو سمحتوا لو سمحتوا ابي رقم
وكل وحده مشغولة بالجوال ووحدة منهم تقول تعالوا شوفوا صور بيتي الجديد :( وكلهم التموا عليها ايشوفون وانا تعبانه ومعاي ولدي مريض ولا أحد مفتكر فينا

[الخيالة]

اي والله مادري شفيهم على هالنفس الخايسه

في مركز الخور الصحي وحده خذت بطاقتي وقالت في ويهي اف شفيهم المرضى اليوم متفيجين !!

والله فراغه !!

الحين هذيلا مرضى وهي بتصرفها وكلامها بتزيد مرضهم مرض

حمدلله والشكر على هالتصرفات الخايسه

انا اقترح ان يعطونهم دورات في معاملة الجمهور والاتكيت والذوق

غير الهذره والضحك بصوت عالي وسوالفهم اللي تنسمع على بعد كيلو

صح كلامج والله ياريت بس يعطونهم دورات او يغيرونهم مع ناس غير يعرفون يشتغلون ويحترمون الناس والمرضي

[الخيالة]

رفيجتي تشتغل في مكان ممنوع حتي يستخدمون جوالهم الا اذا في شي ضروري حتي الأكل والشرب مالازم يكون جدام الناس ياخذون بريك نص ساعه يروحون يأكلون ويرجعون ومحد كفو يخلي مكانه فاضي او يقوم بدون ما يستأذن ويجيبون مكانه بديل يغطي مكانه يعني إدارتهم ماسكين اقسامهم عدل ويعرفون شلون يوزعون الشغل بس اللي في مراكز الصحيه كلش مايعرفون شي

[BO SAUD]

الله المستعان صدقتي اختي من كم يوم كنت مراجع المركز الصحي التابع لمنطقتنا الا ماشاءالله ياااااكثرهم وقل ابركتهم دخلت قلت السلام وتميت واقف أبد اذا الطوفه التفتت هم التفتوا وتميت واقف لين تكلمت قلت لو سمحتوا ابغي رقم الا وحده منهم قامت ومن غير نفس خذت بطاقتي وجابت ملفي من الارشيف ويوم جات اترجع البطاقه مع الرقم والله ثم والله لو انه رجال مكانها كان ماحصله خير لانها حطت البطاقه على الطاوله بطريقه استفزازيه مع القوه بوضعها على الطاوله فقلت لاحول ولا قوة الا بالله اللي بغيت اوصله لهم ترى مش مجبره انك تشتغلين بهالمكان لانه فيه اللي أكفا منك ومن هم على شاكلتك ترى انا وغيري جايين مرضى مش جايين نتنزه او انضيع وقت لكن اللي بقوله لكل وحده تستقبل الناس بهالطريقه جعل الله يبليك بالمرض نفسه واتروحين اتراجعين أي مستشفى وتلقين نفس الاستقبال والمعامله اللي اتعاملين الناس فيها علشان اتعرفين انه الله حق

[بوخالد911]

زوجج تأخر
كان المفروووض يصررررررررررخ من زمااااان

هالاشكال يبيلهم زقررررررررررة

وخلييه يقدم شكوى ويكتب تاريخ ووقت الزيارة لهم
وان شاء الله بيحاسبون الموظفات اللي كانوا على رأس عملهم

[شيخ الديرة]

هذه التصرفات لا تخدم إلا المستشفيات الخاصة بعد تطفيش المرضى من المراكز الصحية، لا أعني بالضرورة إن هذا مرتب.

اقترح على الدكتورة مديرة المؤسسة ارسال دوريات من مؤسستها بشكل مرضى عاديين ثم أتخاذ إجراءات عقابية بلا رحمة يتكلم بها الموظفون الأخرون ليل نهار.

[شيخ الديرة]

زوجج تأخر
كان المفروووض يصررررررررررخ من زمااااان

هالاشكال يبيلهم زقررررررررررة

وخلييه يقدم شكوى ويكتب تاريخ ووقت الزيارة لهم
وان شاء الله بيحاسبون الموظفات اللي كانوا على رأس عملهم


كل موظفة ملزمة ان ترتدي بطاقتها الوظيفية بصورة واضحة للمرضى ، وإذا لا تلبسها أول ما تخوفها بهذا الشي، تمشي عدل

[قهوة الضحى]

اي والله صادقيييين بالمراكز الصحية صارلي موقف مع مجموعة موظفات كبيرات بالسن والي يشوفوهم

استغفر الله يتعوذ من ابليس ياكلون حب ومكسرات منظر مقرررررف ومافي ذوووووووووووق كلللش بالتعامل ولا اسلوووب بالرد ونظراتهم مغصوببين يشتغلون اقولها خلصي يلا

تقعد تنحاس ... ماتبين تشتغلين نامي في ببيتكم


والله لو اعرف اساميهم جان كتبته نسوان شكبرهم سوالف وضحك واكل وزط شالحلوج اللي مايسكرونها عييييب 24 ساعة اكل وسوالف وهذروة وتلفون ومتى يشتغلون وعقب يجون يشتكووون زيدوا رواتبنا

[دااانة قطر]

غريبة, نقلتها من موقعهم هذا (http://www.phcc.qa/portal/index/index.php?lang=ar&page=3&type=2&id=175)


نصيحة لحد ياخذ اي معلوماات من موقع اي مؤسسة او بنك او اي جهه
دياما الارقام خطا او مب في الخدمه
مدرسة الوجبة الاعدادية الارقام اللي حاطينها مب في الخدمه
واليوم اتصلت على كذا بنك ابي استفسر عن القرض العقاري
اتصلت على مصرف الريان لأنهم في الموقع ذاكرين التمويل العقاري بدون دفعة اولى ويافرحة ماتمت يقول لي الموظف دفعة اولى بنسبة 30% يوم قلته شمعنى عالموقع مذكور بدون قال لي لحظه ورجع يقول معليش الصفحة يبي لها ابديت مري اي فرع وهم يعطونج التفاصيل


اصلا كلهم يبي لهم ابديت
واعادة تأهيل

وبالنسبة للمراكز الصحية مشاكلهم وسلوكهم من زمان من سيء للأسوأ

اللي يقهر مكتب الاداري مدعوس المفروض عند الاستقبااال
وزين اذا حصلته
بس اسم

[بصمة قطرية]

صارت لي مواقف كثيرة مع مركز الريان
و بصراحة ما أسكت لهم
قلت أدبها أرد عليها و أخليها غصب تحترم نفسها ..
مرة جذي واقفة أنتظر و المكان زحمة
و لا موظفة موجودة على الكونتر
كلهم داخل ..!!!
طلعت موظفة تاخذ ورقة و تبي تدخل
قلت لها و بعدين معاكم دوامكم هني و لا داخل ...!!!
لي متى بننتظر و حضراتكم مطنشين
قالت دقيقة بتطلع الموظفة
قلت لها تعالي انتي اش وراج المرضى أهم ..!!!
المشكلة اللي نعاي منها في مركز الريان
قلة عدد الموظفات
و لا يمكن وايد و كلهم مندعسين داخل ...!!
غالباً موظفتين بس اللي موجودين
و عليهم ضغط و يتحلطمون ...!!!!

و مع النظام الجديد مأساة ..!!
ننظر ساعة لين ناخذ رقم من الإستقبال
ساعة لين ناخذ القياسات الحيوية
و ساعة لين ندخل على الدكتورة ...!!!!

[صوت الضمير]

مركز الغرافة الصحي

على كثر الموظفات يتأخرون واجد في استخراج الملف


واغلب الأحيان ملفي ضائع

والسؤال المعتاد متى آخر مره جيتي متأكدا ملفك عندنا

يوم يعطونا الملف وعشر أيام يقولون ضائع لن الموظفه تتأكسل أطلعه تقول ضايع

المفروض يضعون لهم بريك للأكل نص الموظفات موعد والنص الآخر موعد آخر

عشان مايكون فيه عطل بالاستقبال

[Cooki]

فعلا المراكز الصحيه مأساه مابعدها مأساه ..وخصوصاً مع النظام الغبي المطبق حديثاً ..
تعال يالمريض ياللي جاي صاكه فيك الدنيا .. اخذ رقم علشان ينظمون الانتظار عند الاستقبال وعاده يكون الرقم لمكان بالغلط فترجع تغيرة وتمسك الطابور ..
بعد ساعه يطلع رقمك علشان تروح توقف على الاستقبال وياخذون منك البطاقه بعد تطنيش وتهميش واستغفال الموظفات ولا كانك واقف تطالعهم ..
وبعد المكرمه برقم الدكتور تروح تنقع عند غرفه الطبيب بعد حول الساعه هذا اذا ماكان الدكتور في بريك او مسيير على ربعه ..
تخلص من الدكتور روح اخذ رقم للصيدليه هذا اذا ماكان لك حاجه علشان تاخذ رقم عن القياسات الحيويه او المختبر وكل مكان رقم وانتظر ساعه ..
واذا عندك مراجعه بعد تعال اخذ رقم وصف طابور علشان تاخذ موعد ..
والله شي مش طبيعي .. واذا اشتكينا يقولون النظااام مايزعل احد ..
.بلا نظااام بلا بطيخ ..ماعتقد المستشفيات الخاصه مافيها نظام وارقاام ..
لكن يراعون ان اللي جايين مرضى .. مب حجز سينما وبوب كورن .. ..
اما الموظفااات فكلمه الحق تنقال وحده تشتغل و10 قاعدين ديكور احتياطي ... اكل وضحك ويتحاشون المرضى بطريقه استفزازيه ..
منها للاعلى يامؤسسه حمد ..

[عيون الدوحة]

اي موظف يشتغل في الاستقبال في اي جهة المفروض يمنعون عنهم استخدام الهواتف النقالة مثل البنوك وغيرها
وتسليم انجازاته يوميا للمسوول المباشر
عشان يبين من الي يشتغل من لا

[Cooki]

في موقف يحضرني صار لي من كم يوم...
رحت المركز الصحي واخذت رقم وقعدت انتظر دوري..انتظرت نص ساعه .. والمشكلة مافي احد قبلي ...
وقلت للموظفه ابي اي دكتوره فاضيه .. عطتني رقم وقدامي كان رقمين .. المشكله ان المركز فاااضي ..
قعدت انتظر بعد حول النص ساعه قمت وفتحت الباب الا الدكتورة تصلي والدكتوره اللي جنبها فاضيه ..
رجعت للاستقبال وقلت لهم غيروا لي الرقم للغرفه الثانيه الدكتوره فاضيه ..ورجعت للدكتوره وقعدت انتظر رقمي بعد نص ساعه .. فتحت الباب الا الدكتوره محد ..
رجعت للاستقبال ياجماعه وين الدكتوره ساعه على مايتشاورون هل عندها بريك والا لا بعدين قالوا لي ارتاحي بناديها لج ..جات الدكتوره .. وملفي ماوصل ليش لانهم ودوه مكتب الدكتوره الاولى..
وانتظري الملف ولازم الموظفه هي تجيبه مب انا ..
تقريباً من 6 الى 8 وانا مابين روحي وتعالي .. والمشكله المركز فاااااااااضي ...
ماقول الا حسبي الله ونعم الوكيل ... والنظام مايزعل احد

[كتكوت الوحش]

فعلا بعض المراكز فيها الاستقبال سيء واسلوب غير حضاري سوالف وضحك واكل .


ياكثر ما ياكلون في كل وقت وزمان

نفس الحال مع مركز الوكره الصحي الله يكون بالعون

[الخيالة]

اي موظف يشتغل في الاستقبال في اي جهة المفروض يمنعون عنهم استخدام الهواتف النقالة مثل البنوك وغيرها
وتسليم انجازاته يوميا للمسوول المباشر
عشان يبين من الي يشتغل من لا

مفروض اختي بس هذيله محد فوق راسهم عشان يشتغلون عدل ماخذين راحتهم لا مسؤول ولا مدير حتي ملف مايعرفون يطلعونه ويتاخرون

[pink dream]

انا تركت المراكز الصحيه كل من هذي المعامله التعبانه صرت اروح الاهلي صراحه راااحه ويعاملوني مثل الملكه خصوصا لما يكون الواحد مريض يحتاج للرعايه مره كنت رايحه طوارئ حمد كنت تعبانه وايد ما في حتى كرسي اقعد فيه كنت واقفه في الممر انتظر ومعاملتهم زفته وبس من يومها صرت كل اروح طواري الاهلي انظف واريح

[ابوالعبد]

اكثرهم ماعندهم الاعداديه متعينين واكثرهم عجايز وين تبونهم يشتغلون عدل

حتى انجليزي مايعرفون يتكلمون

[عيون الدوحة]

سبحان الله محد دخل الموضوع ولم يتشائم من المراكز الصحية

المفروض يشوفون للموضوع صرفة

مب عدلة الكل يشتكي منهم

حد يطرش الرابط لوزير الصحة خل يشوف وش يصير في وزارتة

[الخيالة]

انا تركت المراكز الصحيه كل من هذي المعامله التعبانه صرت اروح الاهلي صراحه راااحه ويعاملوني مثل الملكه خصوصا لما يكون الواحد مريض يحتاج للرعايه مره كنت رايحه طوارئ حمد كنت تعبانه وايد ما في حتى كرسي اقعد فيه كنت واقفه في الممر انتظر ومعاملتهم زفته وبس من يومها صرت كل اروح طواري الاهلي انظف واريح

نفس الشي اختي صرت ما روح انا بعد واليوم صارت موقف في مستشفي حمد مع اختي واتصلت وطني الحبيب وشتكت
اهيه راجعت المستشفي في الليل ونبض القلب كان 150 وهالحاله تجيها من سنتين رقدوها في الغرفة واهيه قالت ملفي في مستشفي القلب ما قالوا لها شي رقدوها خذوا منها الدم سووا لها التحاليل والدكتوره قالت التخطيط مب أوكي والدكتور يقول أوكي واهيه عندها الم ماعطوها ولي شي لين 9 الصبح محد جاها بعدين قالوا لها تحاليلج اوك روحي البيت واهيه تقول انا سنتين أعالج ابي اعرف شفيني قال لها ماعرف شفيج راجعي طبيبج في القلب إحنا ما نستقبل حالات القلب شرايكم الحين؟؟ عيل ليش اصلا من البدايه ما قالوا لها طول الليل لين 9 الصبح مخلينها عندهم ويسحبون منها الدم وآخر شي بدون نفس يكلمونها وطنشوها والدكتور طلع :anger1: واهيه من القهر اتصلت وطني الحبيب واشتكت

[((ام خالد))]

هذي عيب اللي أوظف البلوش ،،،،،،، خخخخخ اكل ومرعى وقله صنعا،،،، وطبعا بالنهاية لا لنا حق ولا باطل فيهم تعبنا يأكثر الشكاوي ولافي فايده ولا حطين صندوق نتفه حق الاقتراحات والشكاوى والله الناس تكتب وتقط في الصندوق ولا حياة لمن تنادي ،،، اقرب زباله يكبون الأوراق


اخوي من قال لك انهم بلوش،،ولا انت بس شايل على البلوش وتبي تتكلم عنهم باي شي وتقول اكل ومرعى ومادري شنو خاف ربك
يتكلمون عن الحريم اللي يشتغلون في الكاونترات وماحد جاب طاري البلوش

[حسن]

قد شفتو وزير الصحه سوا جوله ميدانيه على المراكز الصحيه ولا المستشفيات

وشاف بعينه الحين من كثر الشغل اللي عنده ولا من كبر بلادنا

للاسف ماعمرنا شفنا وزير يحاسب ولا يستجوب
كانا هم من الملائكه كفايه تطبيل ونفاق

[فقط قطر]

من أمن العقاب....اساء الادب

[مخطط قطري]

التعميم خطا وهذا لايمنع من لفت نظر المقصرين منهم وهن كثر

[بصمة قطرية]

قد شفتو وزير الصحه سوا جوله ميدانيه على المراكز الصحيه ولا المستشفيات

وشاف بعينه الحين من كثر الشغل اللي عنده ولا من كبر بلادنا

للاسف ماعمرنا شفنا وزير يحاسب ولا يستجوب
كانا هم من الملائكه كفايه تطبيل ونفاق

:omen2::omen2::omen2:

[ابوالعبد]

يااجماعه نبي رابط وزير الصحه او نبي اميله

[khaldoon]

الحمد لله موظفات مركز مدينة خليفة مب كذا

أوجه لهم تحية
جزاهم الله خير
دايم متعاونات
بس شوية صبر عليهم
موقعهم يتحملون فيه ضغط كبير


بس يا ريت يتعلمون يردون على التليفون اللي جنبهم بدل اننا نضطر نوصل المركز لانه ما من مجيب على الهاتف

[راعي ال VXR]

مركز الغرافه نفس الشي رحت وديت زوجتى وولدي ونا واقف شايل ولدي واللي في الكاونتر ..الله بالخييير ..كبار في السن وشاي وقهوه كانه زوجتي مجابله طوفه حشى مب موظفات ولا في اي احترام للمرضى ...لا وفيه واحد من الامن الله لا يرويكم شكله مربي شعر لين كتفه عمره في العشرينات ..بالله عليكم هذا منظر موظف امن حكومي وشايل معاه بلاك بيري وكل شوي يضحك ويفج براطمه ويضحك مع اللي يسولف في البي بي وقاعد رجل ع رجل ..ويين الاتيكيت والمظهر الحسن والتعامل مع الاخرين ..

[catqat]

وكل ماصار شي قلنا كاميرات المراقبة؟؟؟

[حسن]

مركز الغرافه نفس الشي رحت وديت زوجتى وولدي ونا واقف شايل ولدي واللي في الكاونتر ..الله بالخييير ..كبار في السن وشاي وقهوه كانه زوجتي مجابله طوفه حشى مب موظفات ولا في اي احترام للمرضى ...لا وفيه واحد من الامن الله لا يرويكم شكله مربي شعر لين كتفه عمره في العشرينات ..بالله عليكم هذا منظر موظف امن حكومي وشايل معاه بلاك بيري وكل شوي يضحك ويفج براطمه ويضحك مع اللي يسولف في البي بي وقاعد رجل ع رجل ..ويين الاتيكيت والمظهر الحسن والتعامل مع الاخرين ..

مادري متى هذا الكلام اللي تقوله
انا هذا الشهر راجعته اكثر من 5 مرات والحمدلله ياخذون البطاقه ويقولون لك استريح على الكراسي صح ولا لا وشوي تناديك وتعطيك الرقم
لو كان كلامك هذا من فتره قبل التنظيم اقولك صح
بس في ملاحظه ساعات تصادفني ومن يومين كنت فيه وواقف مع واحد اعرفه ولا تقوله ملفك ماصحصلناه حدث هذا معاي وبعد مراجه اخره تلقاه موجود

الملاحظه اللي اشوفه في رغم ان الدور بالارقام لاكن للاسف اشوف الكثير من المقيمين مايلتزمون وتشوفه واقف عند باب الدكتور مره دخل واحد على الدكتور وهو من المقيمين العرب وكان واقف على الباب وانا جالس في الانتظار اتحبل له ويوم طلع اللي عنده ويدخل كان اروح وادخل عليه الى دكاتره 2 في المكتب قلت لهم دوري لو سمحتو طالعوني وطالعوه قم قال ابني شوي حراره قلت له دوري قام الدكتور قالي تفضل طلع الابو برع وشكله مهب عاجبه اقول في قلب طز مقيم وقليل ادب لو طلب الاستذان كان سمحت اما تعدي ببجاحه مرفوضه وبعدين هذولا ولد عنده حرار طارو على المراكز الصحيه عطه ادول وبيخف عيالنا نعطيهم ادول والحمدلله يوم ولا يومين بخير لازم نروح للمركزالصحي بعض الامور ماتحتاج بس للاسف اخوانا المقيمين يمشون اي شي بلاش كثر منه
والملاحظه الثانيه موقف المعاقين دائما اشوف فيه سيارات بدون تصريح وشكلها مالت موظفين الامن لان كروزرات بشمرقيه بوموديل 2000 اللي منزل خشمه ومن هل الحركات شكله حق بوشعر طويل يمكن

اتمني من السكيورتي يهتم بالملاحظات

وشكرا

[SULTAN1]

الله المستعان

[راعي ال VXR]

مادري متى هذا الكلام اللي تقوله
انا هذا الشهر راجعته اكثر من 5 مرات والحمدلله ياخذون البطاقه ويقولون لك استريح على الكراسي صح ولا لا وشوي تناديك وتعطيك الرقم
لو كان كلامك هذا من فتره قبل التنظيم اقولك صح
بس في ملاحظه ساعات تصادفني ومن يومين كنت فيه وواقف مع واحد اعرفه ولا تقوله ملفك ماصحصلناه حدث هذا معاي وبعد مراجه اخره تلقاه موجود

الملاحظه اللي اشوفه في رغم ان الدور بالارقام لاكن للاسف اشوف الكثير من المقيمين مايلتزمون وتشوفه واقف عند باب الدكتور مره دخل واحد على الدكتور وهو من المقيمين العرب وكان واقف على الباب وانا جالس في الانتظار اتحبل له ويوم طلع اللي عنده ويدخل كان اروح وادخل عليه الى دكاتره 2 في المكتب قلت لهم دوري لو سمحتو طالعوني وطالعوه قم قال ابني شوي حراره قلت له دوري قام الدكتور قالي تفضل طلع الابو برع وشكله مهب عاجبه اقول في قلب طز مقيم وقليل ادب لو طلب الاستذان كان سمحت اما تعدي ببجاحه مرفوضه وبعدين هذولا ولد عنده حرار طارو على المراكز الصحيه عطه ادول وبيخف عيالنا نعطيهم ادول والحمدلله يوم ولا يومين بخير لازم نروح للمركزالصحي بعض الامور ماتحتاج بس للاسف اخوانا المقيمين يمشون اي شي بلاش كثر منه
والملاحظه الثانيه موقف المعاقين دائما اشوف فيه سيارات بدون تصريح وشكلها مالت موظفين الامن لان كروزرات بشمرقيه بوموديل 2000 اللي منزل خشمه ومن هل الحركات شكله حق بوشعر طويل يمكن

اتمني من السكيورتي يهتم بالملاحظات

وشكرا

ا زين سويت فيهم وما اسهل ماعندهم التعدي على حقوق الاخرين ...
وبخصوص الموتر بالذت ما ادانيه شكله الموتر قبيح لكن الشباب الله يهديهم مدري شنهي الحكمه من تنزيل خشم الموتر ولا البياكم في الشارع كله يناقزز اشووفهم

[ٌٌR.M.S.H]

قلتلكم أمس أنه راح زوجي عشان يطلع البطاقة للخادمة
وأمس العصر رحت أوديها عشان أسنانها
الحمدلله أنا ما عانيت من شي
بس صار موقف قدامي عند الكاشير
كاشير الحريم صوب الرجال
وأنا واقفة في اثنين من الرجال ما معاهم الستيكر اللي فيه بياناتهم والطابعة عندهم عطلانه ما تقدر الموظفة تعطيهم ستيكر جديد
تخيلوا ايش ردت على الرجال
(ما عندك ستيكر ، عيل خلك بتتنقع ، ليش ما تجيبون معاكم ستيكراتكم ، يا ويلك مرة ثانية إذا ما معاك الستيكر ) والله الموقف صار قدام عيني وانقهرت ليش الرجال ما رد عليها

[ٌٌR.M.S.H]

في موقف يحضرني صار لي من كم يوم...
رحت المركز الصحي واخذت رقم وقعدت انتظر دوري..انتظرت نص ساعه .. والمشكلة مافي احد قبلي ...
وقلت للموظفه ابي اي دكتوره فاضيه .. عطتني رقم وقدامي كان رقمين .. المشكله ان المركز فاااضي ..
قعدت انتظر بعد حول النص ساعه قمت وفتحت الباب الا الدكتورة تصلي والدكتوره اللي جنبها فاضيه ..
رجعت للاستقبال وقلت لهم غيروا لي الرقم للغرفه الثانيه الدكتوره فاضيه ..ورجعت للدكتوره وقعدت انتظر رقمي بعد نص ساعه .. فتحت الباب الا الدكتوره محد ..
رجعت للاستقبال ياجماعه وين الدكتوره ساعه على مايتشاورون هل عندها بريك والا لا بعدين قالوا لي ارتاحي بناديها لج ..جات الدكتوره .. وملفي ماوصل ليش لانهم ودوه مكتب الدكتوره الاولى..
وانتظري الملف ولازم الموظفه هي تجيبه مب انا ..
تقريباً من 6 الى 8 وانا مابين روحي وتعالي .. والمشكله المركز فاااااااااضي ...
ماقول الا حسبي الله ونعم الوكيل ... والنظام مايزعل احد

أنا مرة رحت وقاعدة انتظر انتظر انتظر ، لين آخر نص ساعة من دوامهم، آخر شي دخلت غرفة الدكتورة لقيتها قاعدة تتعشى ، دخلت اقولها الرقم ما يمشي وانتي ما عندك أحد ، تقولي قولي مشكلتج بسرعة عشان الدوم بيخلص أو تعالي بكره ، وللأسف الدكتورة من المواطنات

[دااانة قطر]

قلتلكم أمس أنه راح زوجي عشان يطلع البطاقة للخادمة
وأمس العصر رحت أوديها عشان أسنانها
الحمدلله أنا ما عانيت من شي
بس صار موقف قدامي عند الكاشير
كاشير الحريم صوب الرجال
وأنا واقفة في اثنين من الرجال ما معاهم الستيكر اللي فيه بياناتهم والطابعة عندهم عطلانه ما تقدر الموظفة تعطيهم ستيكر جديد
تخيلوا ايش ردت على الرجال
(ما عندك ستيكر ، عيل خلك بتتنقع ، ليش ما تجيبون معاكم ستيكراتكم ، يا ويلك مرة ثانية إذا ما معاك الستيكر ) والله الموقف صار قدام عيني وانقهرت ليش الرجال ما رد عليها


شكله انصدم من الرد
يعني من وين يجيب الستيكر
بلشونا بالستيكر صرااحة
يفترض موظفة الاستقبال لما تاخذ البطاقة وتطلع الرقم تتاكد اذا الملف في ستكرات او لا وبعدين توزع الملف عالغرف

[هارودز]

ماعتقد ساعة كاملة ومافي حد انتبه له

[هارودز]

والله ما عرف حد في مركز المطار لا من قريب ولا من بعيد بس معقوله انتظر ساعه

[ٌٌR.M.S.H]

ماعتقد ساعة كاملة ومافي حد انتبه له

أخوي ، مب ما أحد انتبه له ، منتبهين ، وكل شوي يسوون نفسهم يسألون وكل وحده ترمي عالثانية ، وتجي وحده تقول لحظة ، وهو شايفها رايحة تاكل

[ٌٌR.M.S.H]

والله ما عرف حد في مركز المطار لا من قريب ولا من بعيد بس معقوله انتظر ساعه


والله ردود الاعضاء تبين ان المريض ممكن ينتظر نص نهار مب بس ساعة
الله يهديهم

[المستعصم بالله]

لما كنت أروح المراكز الصحية كنت أحس أني أطر من بعض الموظفات كأنها بتعالجني على حسابها ، والحين صرت ما أطب هالمراكز بسبب سوء أسلوبهم وضعف أدائهم ورداءة خدمتهم ، وعلشان ما نظلم مؤسسة حمد يمكن هذا الفعل مقصود لخدمة الجمهور وتوفير الرعاية الصحية عن طريق تطفيش أكثر من نص المرضى وجذي بيخف الضغط على المراكز الصحية ومستشفى حمد وبيقدرون يعالجون النص الباقي من المرضى !!!!!!!!!!!

[تحداني]

انا نادر ما ألقى شخص يستفزني لكن بالفعل موظفات الاستقبال في عدد من المراكز الصحيه
يبيلهم جوي وامطوع يقرى عليهم
ورجال كبير في العمر يعلمهم السنع لانهم قليلي ذوق ما راح نقول اخلاق يمكن اهاليهم اتعبوا على تربياتهم فما نبي نظلمهم

الحين اترد علي من تحت نقابها واتقول لي اشتبين انتي وتفلع الاورقه اهناك
هاذي اتعرف اشسوت ولا في غيبوبه



كلامي ما انزله للارض ابدا لهالاشكال
جبت مدير المركز الصحي قلت له ممكن تجي الاستقبال .. عاد ما بغى يجي بس استحي من جرأتي وجى وقفته يدام الموظفه الي بالغصب عرفتها من تحت النقاب
قلت لمدير المركز انت المراجع والمريض وانا موظفه في هالمكان
اشتبي ؟؟
قال تكلمي باحترام
حذفت الاورقه ؟؟ وقلت له خذ اورقتك

قلت له هاذي اتسوي جي للناس


خليتهم ودخلت على الطبيب .. ما باقي الا هالاشكال


جملكم الله برضاه

[بومحمد المطاوعه]

لاحول ولاقوه الا بالله


بعيد الشر من هالمرض
بعيد الشر من هالبشر
بعيد الشر من هالاخلاق
بعيد الشر من هالاحترام


الي ماتحشم نفسها بتتكركر جدام الرياييل ولا في اذنها ماي

استغفرالله من هالنساء

على وشو لابسين نقاب مب عارف

اذا انتي صوتج يعلو والكل يسمعه بعد ليش ساتره جسمج

افصخي الحيا مره وحده

نعرف ان صوت المرأه ليس بعوره بس باحترام مب بالضحك والدلع قدام الرجال



الحمد لله والصلاة والسلام على رسول الله أما بعد:

فصوت المرأة ليس بعورة لقوله تعالى : (وإذا سألتموهن متاعاً فاسألوهن من وراء حجاب). [الأحزاب: 53] ،

فلم يأت النهي عن الحديث وإنما جاء الأمر بعدم الخضوع بالقول وهو ترخيم الصوت وترقيقه،
قال تعالى: (فلا تخضعن بالقول فيطمع الذي في قلبه مرض وقلن قولاً معروفاً).

[الأحزاب: 32].


وإن كان صوت المرأة يتلذذ به السامع أو يخاف على نفسه الفتنة فحرام عليه استماعه، وإن كان غير ذلك فلا يحرم ، لأنه ليس بعورة. والله تعالى أعلم.




الله يهديهم

[شبح الصمت]

يبيلهم البعض دوارت في فن التعامل وبعد بعض الجمهور يبيله فن التعامل معاهم

لا تنطرون تجون حق موظف شاق لكم الحلج 24 ساعة

ولا تنطرون يجيكم مريض والا مراجع يكون مستانس وهو مريض

الطرفين لازم يكون في تعامل بس الطرف الأقوى والي اهو مهم الي يريح المريض المتلقي يجب ان يكون بشوش ويوسع صدره ..


وإذا الموظفات أزهقوا الحل الي اشوفه ما يزعل الكثير ..

يسون ماكينه مثل ماكينة الصراف تجي ادخل بطاقتك تعطيك رقمك لاجل محد يتعبث فيها واليهال يتعبثون ..

الطريقة مع الشرح

اجي اطلع بطاقتي احطها في الماكينه اضرب

طلب دكتور عام
طلب دكتور اسنان
طلب تجديد بطاقة
طلب تحليل دم

وبس خلو الموظفات يرتاحون اشوي منا :shy:
والله يشفي كل مريض

[زمن الغربة]

سبحان الله محد دخل الموضوع ولم يتشائم من المراكز الصحية

المفروض يشوفون للموضوع صرفة

مب عدلة الكل يشتكي منهم

حد يطرش الرابط لوزير الصحة خل يشوف وش يصير في وزارتة

سجل بعد عندك +10000000
صرت ماروح المراكز الصحية والسبه موظفات الأستقبال :( بدون اي مبالغة

[حسن]

انا نادر ما ألقى شخص يستفزني لكن بالفعل موظفات الاستقبال في عدد من المراكز الصحيه
يبيلهم جوي وامطوع يقرى عليهم
ورجال كبير في العمر يعلمهم السنع لانهم قليلي ذوق ما راح نقول اخلاق يمكن اهاليهم اتعبوا على تربياتهم فما نبي نظلمهم

الحين اترد علي من تحت نقابها واتقول لي اشتبين انتي وتفلع الاورقه اهناك
هاذي اتعرف اشسوت ولا في غيبوبه



كلامي ما انزله للارض ابدا لهالاشكال
جبت مدير المركز الصحي قلت له ممكن تجي الاستقبال .. عاد ما بغى يجي بس استحي من جرأتي وجى وقفته يدام الموظفه الي بالغصب عرفتها من تحت النقاب
قلت لمدير المركز انت المراجع والمريض وانا موظفه في هالمكان
اشتبي ؟؟
قال تكلمي باحترام
حذفت الاورقه ؟؟ وقلت له خذ اورقتك

قلت له هاذي اتسوي جي للناس


خليتهم ودخلت على الطبيب .. ما باقي الا هالاشكال

جملكم الله برضاه


حشى والحشى عن الف يمين
الا هذه الدرجه معقوله

لا الظاهر الاخلاق عندنا تغير بشكل كبير
ولا زم نشوف حمد 20002 ينزل موضوع عنهم لماذا وصلت اخلاق البنات الموظفات لهذه الدرجه من الانحطاط

:weeping:

[تحداني]

حشى والحشى عن الف يمين
الا هذه الدرجه معقوله

لا الظاهر الاخلاق عندنا تغير بشكل كبير
ولا زم نشوف حمد 20002 ينزل موضوع عنهم لماذا وصلت اخلاق البنات الموظفات لهذه الدرجه من الانحطاط

:weeping:




لما تلقى إنسان منحط .. لا تنزل اخلاقك لمستواه ابدا ابوي يوصيك يا اخوي بوعلي
عامله بالمثل لكن بطريقه فيها ذوق عالي عشان يحترق في اليوم مليون مره
وكل ما جى على باله يعيدها .. بيتذكر المكان الى عوره ويصير آدمي
كل انسان هو انسان ويستحق خدمه
بأي جنسيه كان وباي شكل كان

عندها ضغط
عندها مشاكل
عندها عله

هاذي قضيتها مب قضيه عامه الناس


اخلاق الناس طيبه يا ولد الطيب والاجاويد يا اخوي بوعلي
لكن اخلاق نوعيه من الناس يبيلها اعاده تأهيل بطريقه فيها ذوق عالي

[شبح الصمت]

انا نادر ما ألقى شخص يستفزني لكن بالفعل موظفات الاستقبال في عدد من المراكز الصحيه
يبيلهم جوي وامطوع يقرى عليهم
ورجال كبير في العمر يعلمهم السنع لانهم قليلي ذوق ما راح نقول اخلاق يمكن اهاليهم اتعبوا على تربياتهم فما نبي نظلمهم

الحين اترد علي من تحت نقابها واتقول لي اشتبين انتي وتفلع الاورقه اهناك
هاذي اتعرف اشسوت ولا في غيبوبه



كلامي ما انزله للارض ابدا لهالاشكال
جبت مدير المركز الصحي قلت له ممكن تجي الاستقبال .. عاد ما بغى يجي بس استحي من جرأتي وجى وقفته يدام الموظفه الي بالغصب عرفتها من تحت النقاب
قلت لمدير المركز انت المراجع والمريض وانا موظفه في هالمكان
اشتبي ؟؟
قال تكلمي باحترام
حذفت الاورقه ؟؟ وقلت له خذ اورقتك

قلت له هاذي اتسوي جي للناس


خليتهم ودخلت على الطبيب .. ما باقي الا هالاشكال


جملكم الله برضاه




صراحة عجبني ردك

في نص جبهتها وجبهة مدير المركز

اهنيه فنون الرد لو واحد ثاني خلص صوته ويمكن مسكين كثر ما اهو مريض عادي تجيه صرعة من القهر وامبادل المستشفى الطوارئ على طول

ما يعرف للمراة ألا مره نفسها

سيم سيم :shy:


:nice:

[تحداني]

صراحة عجبني ردك

في نص جبهتها وجبهة مدير المركز

اهنيه فنون الرد لو واحد ثاني خلص صوته ويمكن مسكين كثر ما اهو مريض عادي تجيه صرعة من القهر وامبادل المستشفى الطوارئ على طول

ما يعرف للمراة ألا مره نفسها

سيم سيم :shy:


:nice:



علم الناس الأدب بطريقه مؤدبه للغايه كانت امرأه ولا رجال ولو كان رجال كان عاملته بالمثل صدقيني
ولا تجادل احمق ووقاحته من وقاحه النعال لانك وقتها راح تسترصخ نفسك
تحمل يا اخوي شبح الصمت

هاذي نصيحه بومحمد الله يطول ابعمره
علم القليل ادب شئ من اخلاقك العاليه
والصمت داء الحمقى

[السحابة]

ولدي في مركز الخليج الغربي ذهبت لتطعيم والاخت تدش المخزن وتطلع الملف موموجود ومومعقوله عطيت رفيجتها البطاقه ويابت الملف اشلون الفوضي علي فكره معظمهم كبار في السن ويمكن معاهم الابتدائيه

[sos_z]

فعلا بعض المراكز فيها الاستقبال سيء واسلوب غير حضاري سوالف وضحك واكل .

ايه والله صدق واذا تسالهم عن شي كانك تطر من عندهم
الله يهديهم ويغيرون اسلوبهم ويصحون ضميرهم المهني

[بريق الحق]

علم الناس الأدب بطريقه مؤدبه للغايه كانت امرأه ولا رجال ولو كان رجال كان عاملته بالمثل صدقيني
ولا تجادل احمق ووقاحته من وقاحه النعال لانك وقتها راح تسترصخ نفسك
تحمل يا اخوي شبح الصمت

هاذي نصيحه بومحمد الله يطول ابعمره
علم القليل ادب شئ من اخلاقك العاليه
والصمت داء الحمقى
مهما صار مانزل مستواي لي مستواهم الله يهديها ونمشي
او جزاج الله خير وبس خلاص مايحتاج كل هاي
وجهت نظر فالنهايه

[بصمة قطرية]

مركز الغرافه نفس الشي رحت وديت زوجتى وولدي ونا واقف شايل ولدي واللي في الكاونتر ..الله بالخييير ..كبار في السن وشاي وقهوه كانه زوجتي مجابله طوفه حشى مب موظفات ولا في اي احترام للمرضى ...لا وفيه واحد من الامن الله لا يرويكم شكله مربي شعر لين كتفه عمره في العشرينات ..بالله عليكم هذا منظر موظف امن حكومي وشايل معاه بلاك بيري وكل شوي يضحك ويفج براطمه ويضحك مع اللي يسولف في البي بي وقاعد رجل ع رجل ..ويين الاتيكيت والمظهر الحسن والتعامل مع الاخرين ..

أكثر ناس ينرفزوني السكيوريتي اللي في مركز الريان ..
المراجعين يوقفون سياراتهم في وجه الباب
سيارة ورا سيارة
و إحنا ننزل آخر الشارع و نمشي ..!!
بذمتكم هاي حالة
كم مرة كلمت السكيوريتي قلت له آخوي بعد السيارات
ممنوع توقف هني هاي مب مواقف
لا حياة لمن تنادي ..

[ام السعف]

احنا في مركز عمر بن الخطاب

من ادخل يسلم علي علوي وعبدالله واي بوي يمر من صوبي
لين اوصل الكاونتر احصل جيش من الموظفات اللي تسلم
واللي تحيي واللي ترحب واللي تقول لي وينج ما شفناج من زمان
يبوني امرض :(
وعقب يقولون لي مانبي نشوفج مريضة بس طلي علينا ،،
غير السيكورتي وطيبتهم معانا غير الاطباء واخلاقهم الطيبة معانا

واللي ما اعرفهم ويداد وشفت منهم نوع من الاهمال
تكفي اني ابتسم لها واقول لها لو سمحتي واراويها رقمي
فاتيي على طول تاخذه مني ،،

الحمدلله المركز هذا فيه تطوور كبييير في كل النواحي
فشكرا لهم من الاعماق مع اني ما اعرف ولا حدة فيهم معرفة
شخصية حتى اساميهم على الرغم من السلامات والتحيات والابتسامات
والاماني اللي تبادل بيننا من سنيين من يوم ما تزوجت لليوم
فلو سألتوني عن اساميهم قلت لكم ما اعرفها
الا موظفة الأمن وحدة منهم اعرفها معرفة
شخصية ،،

فيعطيهم العافية على كل اللي نشوفهم منهم
فوق معالمتهم الزينة لنا زاد الزين فيهم عقب ما قريت شكاوي
الاعضاء في المراكز الثانية ،،

[ٌٌR.M.S.H]

احنا في مركز عمر بن الخطاب

من ادخل يسلم علي علوي وعبدالله واي بوي يمر من صوبي
لين اوصل الكاونتر احصل جيش من الموظفات اللي تسلم
واللي تحيي واللي ترحب واللي تقول لي وينج ما شفناج من زمان
يبوني امرض :(
وعقب يقولون لي مانبي نشوفج مريضة بس طلي علينا ،،
غير السيكورتي وطيبتهم معانا غير الاطباء واخلاقهم الطيبة معانا

واللي ما اعرفهم ويداد وشفت منهم نوع من الاهمال
تكفي اني ابتسم لها واقول لها لو سمحتي واراويها رقمي
فاتيي على طول تاخذه مني ،،

الحمدلله المركز هذا فيه تطوور كبييير في كل النواحي
فشكرا لهم من الاعماق مع اني ما اعرف ولا حدة فيهم معرفة
شخصية حتى اساميهم على الرغم من السلامات والتحيات والابتسامات
والاماني اللي تبادل بيننا من سنيين من يوم ما تزوجت لليوم
فلو سألتوني عن اساميهم قلت لكم ما اعرفها
الا موظفة الأمن وحدة منهم اعرفها معرفة
شخصية ،،

فيعطيهم العافية على كل اللي نشوفهم منهم
فوق معالمتهم الزينة لنا زاد الزين فيهم عقب ما قريت شكاوي
الاعضاء في المراكز الثانية ،،

يعطيهم العافية
ياريت والله باقي المراكز يروحون ويشوفون المعاملة يتعلمون
عيب والله نقول لازم نعطيهم دورات في فن التعامل مع الجمهور
الادب في التعامل ما يبيله دورات ودروس

[king fish]

مادري متى هذا الكلام اللي تقوله
انا هذا الشهر راجعته اكثر من 5 مرات والحمدلله ياخذون البطاقه ويقولون لك استريح على الكراسي صح ولا لا وشوي تناديك وتعطيك الرقم
لو كان كلامك هذا من فتره قبل التنظيم اقولك صح
بس في ملاحظه ساعات تصادفني ومن يومين كنت فيه وواقف مع واحد اعرفه ولا تقوله ملفك ماصحصلناه حدث هذا معاي وبعد مراجه اخره تلقاه موجود

الملاحظه اللي اشوفه في رغم ان الدور بالارقام لاكن للاسف اشوف الكثير من المقيمين مايلتزمون وتشوفه واقف عند باب الدكتور مره دخل واحد على الدكتور وهو من المقيمين العرب وكان واقف على الباب وانا جالس في الانتظار اتحبل له ويوم طلع اللي عنده ويدخل كان اروح وادخل عليه الى دكاتره 2 في المكتب قلت لهم دوري لو سمحتو طالعوني وطالعوه قم قال ابني شوي حراره قلت له دوري قام الدكتور قالي تفضل طلع الابو برع وشكله مهب عاجبه اقول في قلب طز مقيم وقليل ادب لو طلب الاستذان كان سمحت اما تعدي ببجاحه مرفوضه وبعدين هذولا ولد عنده حرار طارو على المراكز الصحيه عطه ادول وبيخف عيالنا نعطيهم ادول والحمدلله يوم ولا يومين بخير لازم نروح للمركزالصحي بعض الامور ماتحتاج بس للاسف اخوانا المقيمين يمشون اي شي بلاش كثر منه
والملاحظه الثانيه موقف المعاقين دائما اشوف فيه سيارات بدون تصريح وشكلها مالت موظفين الامن لان كروزرات بشمرقيه بوموديل 2000 اللي منزل خشمه ومن هل الحركات شكله حق بوشعر طويل يمكن

اتمني من السكيورتي يهتم بالملاحظات

وشكرا


هههههههههههههههههههه مشكله البشمرقه

[تحداني]

مهما صار مانزل مستواي لي مستواهم الله يهديها ونمشي
او جزاج الله خير وبس خلاص مايحتاج كل هاي
وجهت نظر فالنهايه




مساء الخير من هنا

مب قصه مستوى كثر ماهي لازم تذوق الي سوته عشان ما تعامل الانسان وخاصه المريض ابهالطريقه .. هاذي وانا اقطريه وقدامها اشلون لو جنسيه ثانيه مسكينه ومغلوب على امرها
العين بالعين والسن بالسن والبادي أظلم
وهي تعمل في مكان خصص للجمهور .. ولمراعاه حالتهم المرضيه
تؤدي خدمه والناس ما جايه اطر جايه تاخذ خدمه مقابل اجر


جملك الله برضاه

[حسن]

هههههههههههههههههههه مشكله البشمرقه

عجبتك الكلمه اوي ياخويا
:eek5:

سارد لك رد شكبره واخر شي تلونلي هل الكلمه

هذولا على وزن درباوي

:victory:

[طيب]

ذاك اليوم سالت وحده منهم ..هل القطرييين يقفون مع المقيمين ولا يقفون لحالهم في انتظار الدور ؟ ردت علي بصوت مرتفع (تسمع الاجانب) كله مع بعض قطريين وغير قطريين مع بعض (شكلها من اصحاب الوثائق ومنبطه جبدها على القطريين) وانا كنت مستغرب ليش القطريين وغير القطريين مع بعض وفوق حاطين لافته مكتوب عليها (علاج القطريين) ؟؟؟؟؟؟؟؟ المهم اليوم الثاني وقفت في الطابور مع المقيمين لاني اليوم اللي قبله خلصت الارقام قبل ما يجي دوري ،،، وكانت فيه وحده قطريه منقبه وشكلها قمة في الاحترام و الادب قالت لنا القطريين يصفون بروحهم؟؟!! فاستغربت ليش كل وحده لها راي؟!!

بس ما الوم الموظفة الاولى الظاهر انها من اصحاب البدون ومنبطه جبدها على القطريين .

[الخيالة]

ذاك اليوم سالت وحده منهم ..هل القطرييين يقفون مع المقيمين ولا يقفون لحالهم في انتظار الدور ؟ ردت علي بصوت مرتفع (تسمع الاجانب) كله مع بعض قطريين وغير قطريين مع بعض (شكلها من اصحاب الوثائق ومنبطه جبدها على القطريين) وانا كنت مستغرب ليش القطريين وغير القطريين مع بعض وفوق حاطين لافته مكتوب عليها (علاج القطريين) ؟؟؟؟؟؟؟؟ المهم اليوم الثاني جئت وقفت في الطابور مع المقيمين لاني اليوم اللي قبله خلصت الارقام قبل ما يجي دوري ،،، وكانت فيه وحده قطريه منقبه وشكلها قمة في الاحترام و الادب قالت لنا القطريين يصفون بروحهم؟؟!! فاستغربت ليش كل وحده لها راي؟!!

بس ما الوم الموظفة الاولى الظاهر انها من اصحاب البدون ومنبطه جبدها على القطريين .




اذا تقصدين مركز المطار فاهناك الطابور حق المقيمين بروحه وحق القطريين بروحه مب مع بعض

[ٌٌR.M.S.H]

اذا تقصدين مركز المطار فاهناك الطابور حق المقيمين بروحه وحق القطريين بروحه مب مع بعض

صحيح في طابور خاص للقطريين وغير القطريين
بس ما في التزام ابدا ابدا ابدا

[khalid Qtr]

اذكر قبل فترة نشروا خبر في الجريدة بمنع موظفات الاستقبال من استخدام الجوال اثناء العمل ، وفي نفس اليوم رحت لاحد المراكز الصحية وكانت الجوالات قدامهم وامورهم طيبة !

[نور الحور]

المشكلة للأسف من فترة طويلة وأعتقد إن توجهات الدولة حالياً كفيلة مع الوقت بالقضاء عليها ..
أنا بالفعل واجهت عدد كبير ممن لا يحسنون التعامل مع المراجعين ..
وفوق هذا بعضهم الله يهديهم عندهم قلة احترافية .. تدخل على المريض وهو عند الطبيب بدون حاجة أو لحاجة يمكن تأجيلها .. وتتعمد الفضول في التعرف على الاسم والحالة المرضية !

وفي مستشفى حمد نفس الموضوع .. راجعت مرة .. وكنت أسأل موظفة الاستقبال اللي دورها متعلق بس بإرشاد المراجعين (مو المتخصصات في تسجيل المواعيد يعني) ..أسألها عن مكان العيادة والله إنها تأشر لي من غير حتى ما تطالعني ..عينها في الايفون !
خدمة العملاء فن احترافي وأحد شروط الحصول على شهادة الجودة (الايزو) .. والكل يتسابق عليها ..لكن للأسف للحين فيه البعض اللي يتعامل بفظاظة أو قلة ذوق أو عدم احترافية في مؤسسة المفروض تخدم (مرضى) يعني فئات محتاجة للرعاية!

الموضوع الثاني اللي ما حبيته كلش هو غرفة الكشف الأولي العامة .. الممرضة تاخذ الوزن والطول والحرارة والضغط أمام ناظر الجميع ! ..
وصارت حتى في غرفة الأشعة .. تدخل مريضة على مريضة توها داخلة تبدل وبتطلع !!!!!!!!!!
وين احترام الخصوصية؟ وين كرامة المريض؟ وين الاحترافية؟ كل هذا في قطر ؟ لو كانت في بلد فقير أو متخلف كان الموضوع معقول .. لكن الموضوع بالفعل يبيله انتباه من المسؤولين ..

[qtr-woow]

باستثناء موظفات مركز ابو بكر

نشكرهم صراحةً على جهودهم وسعيهم في تحسين أدائهم

وانا اشوف ان موظفات استقبال ابوبكر افضل بمئات المرات من اشباه الدكاتره المتواجدين فالمركز

[qtr-woow]

تعالي شوفي موظفات مركز ام صلال

اللي على الكاونتر اكثر من المرضى , واللي مو مصدق يروح ويشوف بعينه


جعل فيه العافيه
يستاهلون
ليش الحسد يااخوان
تبغون تقطعون ارزاقهم؟

[حراير قطر]

بل من زمان عن المراكز الصحية

كله خاص قمة الاحترام في التعامل

الله يخلي حلالي

اذل فلوسي ولا اذل نفسي :) ...

[AL-MAYSTRO]

طبعا مب الكل

يمكن بعض الموظفات في بعض المراكز الصحيه

لان مركز الريان الصحي خدمه موظفات الاستقبال فيه ممتازة ومايقصرون مع المرضى

[sos_z]

:
المشكلة للأسف من فترة طويلة وأعتقد إن توجهات الدولة حالياً كفيلة مع الوقت بالقضاء عليها ..
أنا بالفعل واجهت عدد كبير ممن لا يحسنون التعامل مع المراجعين ..
وفوق هذا بعضهم الله يهديهم عندهم قلة احترافية .. تدخل على المريض وهو عند الطبيب بدون حاجة أو لحاجة يمكن تأجيلها .. وتتعمد الفضول في التعرف على الاسم والحالة المرضية !

وفي مستشفى حمد نفس الموضوع .. راجعت مرة .. وكنت أسأل موظفة الاستقبال اللي دورها متعلق بس بإرشاد المراجعين (مو المتخصصات في تسجيل المواعيد يعني) ..أسألها عن مكان العيادة والله إنها تأشر لي من غير حتى ما تطالعني ..عينها في الايفون !
خدمة العملاء فن احترافي وأحد شروط الحصول على شهادة الجودة (الايزو) .. والكل يتسابق عليها ..لكن للأسف للحين فيه البعض اللي يتعامل بفظاظة أو قلة ذوق أو عدم احترافية في مؤسسة المفروض تخدم (مرضى) يعني فئات محتاجة للرعاية!

الموضوع الثاني اللي ما حبيته كلش هو غرفة الكشف الأولي العامة .. الممرضة تاخذ الوزن والطول والحرارة والضغط أمام ناظر الجميع ! ..
وصارت حتى في غرفة الأشعة .. تدخل مريضة على مريضة توها داخلة تبدل وبتطلع !!!!!!!!!!
وين احترام الخصوصية؟ وين كرامة المريض؟ وين الاحترافية؟ كل هذا في قطر ؟ لو كانت في بلد فقير أو متخلف كان الموضوع معقول .. لكن الموضوع بالفعل يبيله انتباه من المسؤولين ..

:omen2::victory:

[القيادي]

من كان اسلوبه وتعامله سيئ فصعب انه يقوم سلوكه لأن هذه تربيته

[أخت الغالي]

اااااااااخ حاسه فيكم انا اشوف هالاشياء فدوامي

بس الشكوى لله في بدال المسوول 3 ومحد يكلمهم ماغير سوالف وضحك اقدر اشتكي

بس دام المسوول نفسه ماتكلم انا شقول

الله المستعان

[حماد الدغيمان]

نتمنى من المسؤولين ان يصل لهم هذه المشكلة ويجدوا الحل لهذه المشكلة