قطع الغيار بين قطر ودول الخليج [الأرشيف] - منتديات شبكة الأسهم القطرية

مشاهدة النسخة كاملة : قطع الغيار بين قطر ودول الخليج

فيرو

10-06-2013, 01:42 PM

السلام عليكم اخوانى ...

كل الناس تعرف الارتفاع الجنونى لاسعار قطع غيار السيارات فى قطر مقارنه بدول اخرى خليجيه ..

سمعت من فترة ان فى شباب سعودى او اماراتى بيوصلون قطع الغيار الاصليه من الوكاله هناك بالطلب على الدوحه ..

اذا فى احد الاعضاء يتكرم علينا لو يعرف رقم تواصل لاحد هؤلاء الشباب جزاه الله كل خير ..

وشكرا

الـخـالـدي

10-06-2013, 01:49 PM

هذا رقم رجال ثقه اسمه نايف محله فالحسا اعقتد اسم المحل الصيعري دايمن اتعامل معاه يوم الجمعه طلبت منه القطع يوم الاحد القطع عندي التأخر كان بسبب الجو

هذا الرقم بعد اذن الادارة 00966569498085 بس للعلم ترى في قطع في قطر ارخص من السعودية او بنفس السعر و مرات ماتفرق الا شي بصيط و بعض القطع تفرق بشكل كبير .. الرجال عنده قطع تيوتا فقط

راعي ال VXR

10-06-2013, 02:27 PM

00966501309730 فرق نص السعر والله يوفقك

ZURICH

10-06-2013, 02:46 PM

لاتنسى اخوي ان في قطع غيار في السعودية والامارات كوبي 1

صعب تميز بينها وبين قطع غيار الوكيل الاصلية المعتمدة

اذا القطع الي انت محتاجها جارجياً ماعندك مشكلة خذ من هناك

لكن اذا كانت قطع غيار ميكانيكية خذ من الوكيل افضل لك

واغلب المحلات في قطر الي تبيع قطع غيار تويوتا اصلية تاخذها من دبي

الا محل واحد قطعه اصلية رقم 1 لانه يتعامل مع الوكيل في الدوحة

O N E

10-06-2013, 03:00 PM

رجل الجزيرة

10-06-2013, 03:08 PM

خذت لي سفايف قدام من الدمام ب 300 ريال وهنا ب 500 ريال فرق 200 ريال.

ZURICH

10-06-2013, 03:25 PM

ممكن توضح لنا كيف اكتشفت ذلك؟

هل من واقع تجربة أم من خلال خبير في ذلك؟

نعم من واقع تجربة

ولي صديق عندة كراج يتعامل مع شركات في دبي

كل فترة ياخذ قطع غيار اصلي وكوبي 1

النهار

10-06-2013, 03:30 PM

متابع ....

H H

10-06-2013, 03:39 PM

هالموضوع نقدر نستخدمه كمرجع لنا بس ياليت الاداره ماتحذف الارقام
والشباب يحطون المعلومات والارقام الي عندهم وتجاربهم عشان الكل يستفيد
مع اني اعتقد مكان الموضوع فالاستراحة بس موب مشكله لو تحطونه فالشكاوي اهم شي خلوه كمرجع للكل

يعطيكم العافيه جميع ومتابع

shadad

10-06-2013, 04:06 PM

h9466

10-06-2013, 04:06 PM

موضوع مهم وممتاز الصراحة...ياليت لو حد عنده تجربة شراء قطع الغيار عن طريق النت لان سمعت انه في مواقع موثوقة تبيع وباسعار رخيصة ...

h9466

10-06-2013, 04:13 PM

بالتوفيق يالربع . صراحه زين ما سويتوا. انا اجيب قطع موتري من النت ارخص بوايد. رنجات موستنج ( شكل النجمه ) بس رنج واحد بدون تاير = الفين وخرده !! والاربعه عاد احسب . لقيتهم بالسعوديه الاربعه بالتواير شبه جداد ب 2700 !!!!!!!!!!!!!!!!!!!!!!!!!

لو في طريقة من النت اطلب مافي شوف السعوديه والامارات.

تسلم ياخوي على اثراءك لموضوع قطع الغيار..قريت من مشاركتك انك تشتري من النت..
تقدر ياخوي رحم الله والديك انك تعطيني عنوان لموقع يبيع قطع غيار للانكروزر 2008 ..الحقيقة الوكالة فلستنا باسعارها المبالغ فيها...الله يسامحهم
ملاحظة:صنودق الوارد عندك مليان ومايستقبل رسايل جديدة..

shadad

10-06-2013, 04:38 PM

تسلم ياخوي على اثراءك لموضوع قطع الغيار..قريت من مشاركتك انك تشتري من النت..
تقدر ياخوي رحم الله والديك انك تعطيني عنوان لموقع يبيع قطع غيار للانكروزر 2008 ..الحقيقة الوكالة فلستنا باسعارها المبالغ فيها...الله يسامحهم
ملاحظة:صنودق الوارد عندك مليان ومايستقبل رسايل جديدة..

ولا يهمك الغالي .

انا صراحه ما قد دورت للتيوتا قبل بس ليش لا :) . هاك هاي رابط موقع يبيع قطع تيوتا اصليه ! لا ومعاها دسكاووند حاليا ( لاحد يفوته يالربع ...مو قطع غيار لا وتضابيط اكسيسوارات ) :

http://www.toyotapartsoverstock.com/productSearch.aspx?ukey_make=1060&ukey_model=15437&modelYear=2008

اول شي تاكد ان باليسار اسم سيارتك ..والموديل ..ونوع المكينة ثمانيه او ستة ونوع القير ( عادة اغراض البدي القير العادي والاوتو ما يفرق ..بس في قطع ثانيه نعم فتاكد ) ...وعقب شيك القطعه اللي تبيها بالبارت نمبر Part number او اختار التبويب Category ..يعني شنو نوعها ؟ مكينة Engine ..اكسيسوار ؟؟ بريك ؟...الخ ..وايد سهل ..وبعدها اكبس على القطعه وشوف سعرها ووزنها لو جبتها باراميكس ( اعتقد تعرف ) وانا متاكد انك بتلقاها رخيصه. وعقب قارن باسعار قطر ( اصلي ) واسعار السعوديه ( اصلي ) واسعار النت ( اصلي شاملا السعر والشحن ).

الشي اللي مستغرب منه الوكلاء عندنا يجيبون القطع بالجمله يعني الاسعار اللي تنباع عليهم من الوكاله الام وايد ارخص من اللي تشوفه بالنت حتى - تخيل - ومع ذلك يدبلون السعر فوق مرة ومرتين :eek5::eek5:

ما اقول الا الله يخلي النت مب قطع السياره اجيب بعد ؟ اجيب اغراض الصاله والبروتينات واللبتوب والتلفون ووو . بالتوفيق للجميع .

بالتوفيق .

alnoida

10-06-2013, 04:40 PM

القطع الميكانيكية لا أثق في التجاري
بدلت قطعه موزع زيت البريك عند الجيده 695 ريال في السعوديه 750 ريال
بدلت غطاء الزيت تحت المكينه ( الكرنك كايس ) الجيده أرخص

بدلت وجه السياره كامل بسبب الحادث

عند الجيده 17000 ريال
تجاري من الشارقه 3500 ريال
السياره تاهو

بوخالد911

10-06-2013, 04:52 PM

الله يحفظنا من الغش

كحيلآن

10-06-2013, 05:25 PM

الحسا آبعد عنها .. لآنها تأثرت بـ أسعار قطر .. وارتفعت اسعارها عن باقي مناطق المملكة

عندك المناطق الي بعد الحسا كلها رخيصه .. خصوصاً الرياض وجدة ... واذا رحت الكويت راح تعرف معنى الرخص صج .. يعني قطعه بقطر بـ ريال بالكويت تحصلها بـ ربع ريال :)

وخصوصاً إذا تبي تاخذ قطع من السكراب .. طبعاً الي يسوي حادث ولا تطق المكينة ولا القير الأفضل السكرراب .. أحسن من التصليح .. من السكراب تاخذ القطع شد بلد وعليها ضمان وتفحصها كمبيوتر اذا مشت معاك تكون ربحت وقتك وسيارتك .. واذا ما مشت دور لين تحصل القطع الي تناسب مزاجك .. ولكن بالنسبة لي الكويت أرخص من السعودية بفرق كبير جداً ومن واقع تجربة :)

h9466

10-06-2013, 05:59 PM

الله يجزيك خير اخوي شداد ماقصرت والله...

h9466

10-06-2013, 06:06 PM

انا بالموقع الحين لكن مالقيت 6 سلندر...الموجود 5700 cc
فهل قطع غيارها تركب على 6 سلندر...وشي ثاني ماعندهم شحن لقطر ولا لأي دولة عربية...كيف كنت تشحنهم اخوي....

shadad

10-06-2013, 07:44 PM

انا بالموقع الحين لكن مالقيت 6 سلندر...الموجود 5700 cc
فهل قطع غيارها تركب على 6 سلندر...وشي ثاني ماعندهم شحن لقطر ولا لأي دولة عربية...كيف كنت تشحنهم اخوي....

حدد موديل موترك وحجم المكينة واسم القطعه. في قطع وايد تركب على الموترين وفي قطع لا خصوصا اللي لها ارتباط بالمكينة او القير مثلا . من البارت نمبر بتعرف . لو ما تعرف خذ الرقم من الوكاله ............ مر عليهم بلفيت تبي تشتري او تاخذ كوتيشن للقطعه وطبعا بيعطونك البارت نمبر . نشيك عليه ونطلع القطعه الراكبه على موترك.

الشراء هاي بسيط . يا تخلي احد يشتريلك القطعه او تشتريها بنفسك ما يبالها الا بريد اراميكس وتشحن عليه القطعه وقت ما تشتري . سهله . اهم شي ال Part number .

h9466

10-06-2013, 08:36 PM

الله يجزيك خير ورحم الله والديك...

shadad

10-06-2013, 09:34 PM

الله يجزيك خير ورحم الله والديك...

جزاك الله خير على الدعوه الطيبه وهاي تكفيني .

شيك البارت نمبر يا من الوكاله او اي وكيل للتيوتا ( اهم شي القطعه اصل ) . ورد اكتب هني. بالتوفيق .

فيصـــل

10-06-2013, 09:46 PM

على حسب القطعه والموتر والوكيل

مثلا: بغيت اشتزي قطعه حق موتري اسمها window regulator والموتر فايبر

سعرها فوكالتنا ٨٠٠٠ ريال تقريبا، وسعرها فالامارات ٩٠٠٠ وشي !!!

طلبتها من امريكا ب ١٣٠٠ ريال واصليه ونفس القطعه ،، لاحظوا الفرق

انا افضل وخاصه اللي موتره امريكي يطلب القطع الغاليه من امريكا وبيوفر الكثير

QaTaR49999

11-06-2013, 02:35 AM

الاحتكار

ومن هو المستفيد ؟ 😉

وحيد-الشوق

11-06-2013, 04:38 AM

اسعار الدوحة نصب في نصب

مثال خذت ليتات زينون كاملة اسطابات شاملة اللمبات للنيسان باترول الجديد في قطر بعد خصم المدير 5800 وفي الامارات خذتها من الوكالة ب3600 فرق 2000 وخرده ليش

ووديتها وكالة المانع في الصناعية انصدم المصري الي هناك من السعر وقالي اغراضك اصلية لاتحاتي

احس التجار في قطر مايخافون الله

al-obaidly

11-06-2013, 05:33 AM

الاحتكار مش بس في قطع الغيار في كل شي

شيخ الديرة

11-06-2013, 06:45 AM

على حسب القطعه والموتر والوكيل

مثلا: بغيت اشتزي قطعه حق موتري اسمها window regulator والموتر فايبر

سعرها فوكالتنا 8000 ريال تقريبا، وسعرها فالامارات 9000 وشي !!!

طلبتها من امريكا ب 1300 ريال واصليه ونفس القطعه ،، لاحظوا الفرق

انا افضل وخاصه اللي موتره امريكي يطلب القطع الغاليه من امريكا وبيوفر الكثير

نفس القطعة وصلتني أمس من أمريكا لسيارة يابانية, السعر مع الشحن 240 ريال, وركبتها بنفسي بنصف ساعة, الوكالة تريد 920 ريال وتبقى السيارة عندهم يوم كامل

بدون منافسة , أقرأ على النوعية السلام