هل انت / انتي من اصحاب القيلوله ؟

[MAZEN37]

هل يحتاج الشخص قيلوله وان رقدت تقدر تقوم ههه
يمكن الاكل والنوم هو سبب السمنه والمشاكل
يوم تطلع بره الدوحه باي بلد ماشوف احد يرقد الظهر حتى السعوديه كله بالشوارع
هل النوم صحي ومفيد ام عادة سيئه

[&من ذهب&]

القيلوله مقبوله وممكن تكون مفيده بس المشكله احنا لارقدنا مغطناها ونقوم بعد المغرب واخس شي لي قمت مالك نفس وتحس روحك مب صاحي القيلوله ان طولة نص ساعه بس

[مسمس12]

فالاغلب مااقيل ولو قيلت نص ساعه لين ساعه بالكثير

والموظفة مدام تترك اعيالها الصبح لازم اتضحى واتقابل بيتها واعيالها لما تجي

[H H]

الأفضل ان مايكون في قيلولة عشان الواحد يحس بالبركه فيومه !
تغدى , عيّن خير وريّح, ريّح يعني اقعد شوي سولف ناظر التلفزيون ونص ساعه ساعه
اول مايهدى الجو قم خلص كل الي عندك سواءاً مشاوير اشغال او النادي وهالشي هو الافضل !!

النوادي من اربع تلقاها فل !! الواحد يتغدى ويقعد مع هله يشوف امورهم او طلباتهم وخلافه ويطلع النادي
ويخلص ويرجع وباقي ماجت الساعه ست حتى!
ويسوي الي يبيه لييييين العشر وبعدها تبدا طقوس النوم, وهذا افضل شي , جربوه شهر وبتحسون بالفرق!!

احسن من انك تنام وتصحى المغرب ومالك نفس فشي وتقعد ساعه لين تروق وتاكل وتتصل على فلان وعلان
والساعه صارت ثمانيه, وين ؟ اليوم كله خلص !! ويقعدلك فالمجلس لين الوحده وينام مره ثانيه ومنها للدوام

يعني يومك كله ضايع لافايده ولابركه

[لبيبة]

لا ما اقيل، شي تعودت عليه من صغري.

[qatara]

(القيلوله فقط الي صلاة العصر )
لاكن من الضهر الي ما بعد صلاة او الي المغرب ضاره جدا
المقيال يكون قبل صلاة العصر اما بعدها فله
اضراره ومن ينام ع صلاة العصريصحى
الشخص بحاله نفسيه وغالبا يحلم
باحلام مزعجه ويكون تعامله
مع الغير بغيض
وبعتقادي له اضرار نفسيه وصحيه

[أبوفهد666]

شوف حبيبي
اللي يقوم بدري ويروح شغله
لازم يقيل اذا يبي نفسيته تكون طول اليوم مظبوطة:nice:

انا من النوع اللي يعشق القيلولة من الساعة 1 ظهراً إلى 3 عصراً وبعدها مستحيل ارقد
واذا ماقيلت ذاك اليوم .. باقي اليوم معتفس ونفسي في راس خشمي:anger1:
وترى موصي على الرسول صلى الله عليه وسلم

بارك الله فيكـ على الموضوع الطيب ياطيب :)

[غايه الطواش]

إذا الجو حلو ماقيل أما إذا الجو تعبان اقل
واحيان يعتمد على اوقات الدوام الصيفي والعادي

[غزلان]

على حسب مرات اقيل غصب عني من التعب مع انه مب مهم عندي اقيل

[ام السعف]

لا.. الا اذا مريضة او تعبانة

لأن من غير جذيه بشكل عام القيلولة تعفس مزاجي
وما احب اتسبب في تعفيس المزاج ،،

[مشاكل]

في الوقت الحالي مافي شي اسمه قيلولة

الموظف والطلاب يردون من دوامتهم الساعة 2 ونص العصر
يعني تعدينا وقت القيلولة
والنوم اللي بعد صلاة العصر هذا اسميه نوم الشيطان ،،، لأنه نوم ثقيل واغلبة كوابيس ومهما رقدت ماتشبع وكنك مارقدت ،،، ودايماً اللي ينام في هالوقت تفوته صلاة المغرب

القيلولة الحقيقية هي من بعد صلاة الظهر الى ماقبل اذان العصر

ولذلك في هذا الزمن ماعاد فيه شي اسمه قيلولة

[حسن]

اعن نفسي كلش مااقيل يمكن في العشر سنوات مره

طول السنه وخصوصا في رمضان تزيد ضرورتي

يعني اكس لدرجه اقول هل انا فيني شي معقوله هل الناس
كله شخري ورقاد الى يوم الرقاد

شي مش طبيعي

هل انا طبيعي

:eek5:

[VX.R]

بالنسبة لي :

انا من يجي الصفري ( شهر 9 ) يعني وقت نقلة الطير ، خلاص معاد اعرف المقيال ، الين يجئ وقت الربطة فالقيض ( شهر 5 ) وعقبها على حسب الجو و الفضاوة..

[زقرتي ومزاجي]

مستحيل اقيل الظهر يمكن عشان تعودت على هالشي من صغري ... للأمانة احلى وقت عندي الظهر
احب المشاوير في هالوقت ... لكن ما احب اطلع بعد صلاه المغرب

[بريق الماسه]

لازم انام الظهر للمغرب

احلى نومه

[البحار00]

انا أقيل الخميس بس ومقيالي ساعه بس من 2 إلى 3 العصر

[بريق الماسه]

اعن نفسي كلش مااقيل يمكن في العشر سنوات مره

طول السنه وخصوصا في رمضان تزيد ضرورتي

يعني اكس لدرجه اقول هل انا فيني شي معقوله هل الناس
كله شخري ورقاد الى يوم الرقاد

شي مش طبيعي

هل انا طبيعي

:eek5:


عشر سنين ماتنام الظهر ؟؟؟

اكيد مش طبيعي .....ساعتك البيولوجيه خربانه

[العقل الحر]

لا مره نمت مرتين في اليوم

[بصمة قطرية]

إذا نمت الظهر ماقدر أسهر الليل أنام من وقت :rolleyes2:
و إذا ما نمت أقدر أواصل لين ثاني يوم ..


نادر ما أنام
في حالة وحدة بس
إذا قمت من وقت الصبح و طلعت كذا مشوار
لازم أنسدح أريح و لا بيغمى علي .. :secret:

[ضوى]

ضروري جدا اقيل

كلنا لازم نقيل والنهار حاليا طويل يعني تنام ساعة تقعد شبعان نوم

[حسن]

عشر سنين ماتنام الظهر ؟؟؟

اكيد مش طبيعي .....ساعتك البيولوجيه خربانه

هذه بعد انا ماعطك مع وقف التنفيذ
الوضع اكثر من 40 سنه

:eek5:
:secret:

استغرب من اللي يقيلون اقول هذولا ناس باردين
علمت عيالي كلهم مثلي وحتى زوجتي بس في الفتره الخيره خانت العهد قامت تسحب نفسها شوي شوي وتقيل ماتصدق انها تتمدد
تنظلتها مافي فايده
قامت ترقد ثلاث مرات في اليوم وانا مره
:weeping:

وين العداله حرام ياناس حتى في النوم ماخذين حقهم وزياده

سرقت النوم من داخل عيوني وخليت السهر فيها مؤبد
:weeping:

نصحني صديق قال شوفلك جديده وبتقيل غصب

:eek5:

صحيح هذا الكلام يارجال ولا غلط


:telephone:

[عاشق العديد]

قيلولتي امس من 4 العصر لين 6 الصبح اليوم وقايم بالغصصصصب .. واحس اني محتاج ساعتين قيلوله بعد ..
لما اسافر حدي حدي لا نمت 6 ساعات احس الاكشن بيفوتني عشان جيه اقعد ..

[حسن]

قيلولتي امس من 4 العصر لين 6 الصبح اليوم وقايم بالغصصصصب .. واحس اني محتاج ساعتين قيلوله بعد ..
لما اسافر حدي حدي لا نمت 6 ساعات احس الاكشن بيفوتني عشان جيه اقعد ..


:eek5:

:swoon:

[امنة]

الرسول صلى الله عليه وسلم وصانا بالمقيال قال عليه افضل الصلاة والتسليم ( قيلوا فإن الشياطين لا تقيل ) واكيد ورا هالشي فايده والا ما امرنا فيه ، بس المقيال فترة الظهر حتى صلاة العصر ، اما النوم وقت العصر فهذي الرقدة منهي عنها في الطب النبوي .

[حسن]

الرسول صلى الله عليه وسلم وصانا بالمقيال قال عليه افضل الصلاة والتسليم ( قيلوا فإن الشياطين لا تقيل ) واكيد ورا هالشي فايده والا ما امرنا فيه ، بس المقيال فترة الظهر حتى صلاة العصر ، اما النوم وقت العصر فهذي الرقدة منهي عنها في الطب النبوي .


:omg:
:eek5:

:weeping:

[catqat]

أصحح معلومتك .... هل السعودية مايقيلون لانهم 3 أيام سهرانين و3 أيام قاعدين.

واللي اتشوفهم العاطلين عن العمل، واللي يشتغلون الصباح وبس . وطبعا العمالة

[حسن]

أصحح معلومتك .... هل السعودية مايقيلون لانهم 3 أيام سهرانين و3 أيام قاعدين.

واللي اتشوفهم العاطلين عن العمل، واللي يشتغلون الصباح وبس . وطبعا العمالة

فعلا حتى في الطرق الخارجيه تشوف السيارات قليله في النهار وفي الليل وضع اخر

عندنا ناس هني حولنا قطريين وعيال عمهم كانو سعوديين وعقب رجعو قطر وخذو الجنسيه
تشوفين شبابنا من تجيك الساعه 9 مساء ارقدو والربع اللي كانو في السعوديه من عقب ال10 اشتغلو في الليل لين الحين ماشين على سستم السعودي ماسوى داون لود حق السستم القطري لانهم 110 واحنا 240 في فرق واجد
بعدين احنا نجلس في المجلس بعد المغرب الى الساع 9 تقريبا هو مجالسهم مسكره بعد ال11:eek5:تلقينها اوه عامره شيشه وشاي كرك كانك قاعد في الصرار ولا مليجه

[NINA RICCI]

المقيااال ضروووري ولا اليوم بكبره يعتفس عندي ..

[catqat]

فعلا حتى في الطرق الخارجيه تشوف السيارات قليله في النهار وفي الليل وضع اخر

عندنا ناس هني حولنا قطريين وعيال عمهم كانو سعوديين وعقب رجعو قطر وخذو الجنسيه
تشوفين شبابنا من تجيك الساعه 9 مساء ارقدو والربع اللي كانو في السعوديه من عقب ال10 اشتغلو في الليل لين الحين ماشين على سستم السعودي ماسوى داون لود حق السستم القطري لانهم 110 واحنا 240 في فرق واجد
بعدين احنا نجلس في المجلس بعد المغرب الى الساع 9 تقريبا هو مجالسهم مسكره بعد ال11:eek5:تلقينها اوه عامره شيشه وشاي كرك كانك قاعد في الصرار ولا مليجه

أما سستم 110 هههههههه، ترى محد يتحداهم بالسهر..... السهر العادي عندهم لين 10 الصبح ،، احنا لو زرناهم قمنا نضرب أخماس ف اسدادس نبي نرقد، وهم ف قمة النشاط والحيوية... مايقومون الصبح الا اذا يبون يروحون يا محكمة أو هيئة الاحوال... مادري شنهو السر ف هالمكانين

[حسن]

أما سستم 110 هههههههه، ترى محد يتحداهم بالسهر..... السهر العادي عندهم لين 10 الصبح ،، احنا لو زرناهم قمنا نضرب أخماس ف اسدادس نبي نرقد، وهم ف قمة النشاط والحيوية... مايقومون الصبح الا اذا يبون يروحون يا محكمة أو هيئة الاحوال... مادري شنهو السر ف هالمكانين

هههههههههههههه

ذكرتيني بصديق من هل القصيم اعرفه من 90 من كم يوم كلمني اقوله ها يابو بدر عادك صباحي في الاستراحه قال لي بوكره بالهجه القصيميه
مافي فايده
شوفي الحساء الحين في النهار طافيه كلش
وفي الليل عامره حلاق من عقب الساعه 12 يفتح
:eek5:

لا طبع الجداويين لصق فيهم
انا اخبر صوق القيصريه في الحساء الساعه 5 الصبح نتشراء فيه اما الحين مطفيين

[MAZEN37]

أما سستم 110 هههههههه، ترى محد يتحداهم بالسهر..... السهر العادي عندهم لين 10 الصبح ،، احنا لو زرناهم قمنا نضرب أخماس ف اسدادس نبي نرقد، وهم ف قمة النشاط والحيوية... مايقومون الصبح الا اذا يبون يروحون يا محكمة أو هيئة الاحوال... مادري شنهو السر ف هالمكانين

هههههه صحيح ما تقدر عليهم بالسهر المشكله تخجل تخليهم وتروح ترقد هههه

[catqat]

هههههههههههههه

ذكرتيني بصديق من هل القصيم اعرفه من 90 من كم يوم كلمني اقوله ها يابو بدر عادك صباحي في الاستراحه قال لي بوكره بالهجه القصيميه
مافي فايده
شوفي الحساء الحين في النهار طافيه كلش
وفي الليل عامره حلاق من عقب الساعه 12 يفتح
:eek5:

لا طبع الجداويين لصق فيهم
انا اخبر صوق القيصريه في الحساء الساعه 5 الصبح نتشراء فيه اما الحين مطفيين

شوف عقب التفجيرات والبلاوي عندهم جات فترة منعوا وسووا حضر تجول من 1 الليل خصوصا ف الحسا... وعموما بالمناطق الشرقية...


وجدة سهرررر اتقول اوروبا، عجيبين ماينامون ، والهيصة كلها هناك .. مساكين يعوضون الحرمان بالسهر


عموما ماقول الا ع قلبي هل الوكرة هههههههه

[مسمس12]

علمت عيالي كلهم مثلي وحتى زوجتي بس في الفتره الخيره خانت العهد قامت تسحب نفسها شوي شوي وتقيل ماتصدق انها تتمدد
تنظلتها مافي فايده
قامت ترقد ثلاث مرات في اليوم وانا مره
:weeping:

وين العداله حرام ياناس حتى في النوم ماخذين حقهم وزياده

سرقت النوم من داخل عيوني وخليت السهر فيها مؤبد
:weeping:

نصحني صديق قال شوفلك جديده وبتقيل غصب

:eek5:

صحيح هذا الكلام يارجال ولا غلط


:telephone:

حرام عليك خلها اتقيل :anger1: حاسدها بعد

بعدين هذا صديق سوء اللي انصحك ابتعد عنه نهائي :secret:

[عاشق العديد]

:eek5:

:swoon:

اي والله صدق او لا تصصصدق قايم بعد ما شك الوالد اني ميت قال شموضوعك وقيمني بعد هززز وكم طراق فالويه صحصحت وقمت .. طلع لي ححللل حق هالارقاااد مشششكله ماقومممم ..

[نوار قطر]

الاوليين يقولون ( رقاد العصر عسر) بس انا لااازم اقيل واذا ماقيلت على الاقل ارتااح واركلس ..

[الأصيلة]

القيلولة إعادة لشحن الجسد بالطاقة ليواصل بقية اليوم بنشاط
أنا أحب أقيل لو 10 دقايق أعيد فيها توازن فكري وجسدي

[احلى دنياااا]

القيلولة شي مهم خاصة اذا الواحد يروح ويداوم من الصبح
انا ماتعودت عليها عشان جذي لما اتعب كلش انام من الظهر لثاني اليوم
وجذي مب حلو مرات الواحد عنده شغل او عنده التزامات واهمها الصلاة
بتخربط مواعيده
اللي متعود عليها ساعتين او ثلاث اوك بس اللي مب متعود هو المسكين
واكيد اللي تشوفهم برا هم ما وراهم دوامات مثلنا لما ما نداوم ما ننام الظهر ونطلع

يعطيك العافية

[راعي ال VXR]

مهمه جدا
والقيلوله ماخووذ من القليل ...يعني بالكثير 20 دقيقه وتحس بنشاط كانك رقدت ساعات واذا طولت اكثر فاتحس نفسك بكسل وصداع حتى الكرك ما يعدل المزاج ...

[تحداني]

ما اقيل للأسف مع العلم حلو التقييل وخاصه قبل اذان العصر والسبب الدوام المتأخر
واقضي فتره العصر كلها رياضه واقعد مع الوالده الله ايطول ابعمرها واخواني وخواتي
واقضي مشاوير البيت :(


وصار الوقت قصير وضيق على كل شي
وما عاد في وقت

جملك الله برضاه

[تحداني]

شوف عقب التفجيرات والبلاوي عندهم جات فترة منعوا وسووا حضر تجول من 1 الليل خصوصا ف الحسا... وعموما بالمناطق الشرقية...


وجدة سهرررر اتقول اوروبا، عجيبين ماينامون ، والهيصة كلها هناك .. مساكين يعوضون الحرمان بالسهر


عموما ماقول الا ع قلبي هل الوكرة هههههههه




الله على اهل البحر الاحمر
غرامهم الليل .. ناس بديعين في السهر .. والحياه عندهم ليل في ليل

[Serenade]

عادة اتمنى اتخلص منها :( بس شنسوي قعدة الصبح تسندر

[QP Engineer]

بسم الله الرحمن الرحيم

اسمحولي بهذي المداخلة يوم شفت الكثير منا مايعرف القيلوله إيش هي وليش ومتى تكون...

كثير من السنن النبوية ماتت في حياة الناس، ولا يكون لها أهمية إلاإذا ألبست لباس الاكتشافات العلمية الحديثة، فالحجامة -على سبيل المثال- مع كونها سنة نبوية، يجب أن توضع موضعها الصحيح حتى تطبق السنة بشكل إيجابي، ومع أن النبي صلى الله عليه وسلم أشار إليها في زمنه، فإنها لم تأخذ حظا من الانتشار في حياة المسلمين، حتى جاءت الدراسات الغربية لتؤكد أهمية الحجامة كنوع من العلاج.


ومن تلك السنن التي أضحت معدومة في حياة المسلمين، سنة القيلولة، وبدأ أهل العلم يتحدثون عنها وعن فوائدها، وكتبت فيها أبحاث هامة، تؤكد فوائدها العلمية.


يتصور البعض خطأً بأن القيلولة هي نومة من إختراع الكسالى الذين يميلون إلى قضاء أوقاتهم بالنوم و يفضلون الخلود إلى الراحة بدلاً من العمل و النشاط و الحيوية ,
و هذا التصور الخاطيء إنما هو ناتج عن عدم معرفتهم بالقيلولة و نابع عن جهلهم بها ، فهم يتصورون أن نومة القيلولة إنما هي النومة المستغرقة لفترة الصباح حتى الظهر ، و لأن من شأن هذه الفترة أن تكون مهداً لأعلى مرتبة من مراتب النشاط و الحيوية في حياة الإنسان و حيويته ، ذلك لأن المتوقع هو أن يصل النشاط الطبيعي للإنسان إلى ذروته في هذه الفترة .



لكن هذا التصور و الإستنتاج خاطئ ، ذلك لأن القيلولة هي نَوْمةُ قصيرة في نِصْف النهار ، أو استراحة و استرخاء لبعض الوقت في نصفَ النهار و إِن لم يكن معها نَوْمٌ ، و الهدف منها طرد الكسل و استعادة النشاط و الحيوية لمتابعة العمل .



القيلولة و علماء اللغة :
قال في لسان العرب : " القَيْلُولة : نَوْمَةُ نِصْف النهار ، و هي القائلةُ ، قال يَقِيل ُ ، و قد قال القوم قَيْلاً و قائلةً و قَيْلولةً و مَقالاً و مَقِيلاً " .
و قال أيضا : " و المَقِيل و القَيْلولة : الإستراحة نصفَ النهار و إِن لم يكن معها نَوْمٌ ، يقال : قال يَقِيل قَيْلولة ، فهو قائِل " .


و قال العلامة الطريحي في مجمع البحرين : " و قال قيلا و قائلة و قيلولة : نَامَ "


القيلولة في حياة المسلمين:
ورغم كثرة الأبحاث العلمية التي تناولتها القيلولة، ومع أهمية هذه الأبحاث، فإننا نشير إلى القيلولة على أنها سنة نبوية مهجورة، وحين يطبقها المسلمون يطبقونها اقتداء بالنبي صلى الله عليه وسلم، حتى يكون في فعلها إتباع للنبي صلى الله عليه وسلم ينال منه المسلم ثوابا من الله تعالى، مع ما فيها من الفوائد.



القيلولة تزيد من إنتاجية العمال :
و الجدير بالذكر أن العلماء توصلوا إلى معلومات تسترعي الإنتباه بالنسبة إلى نومة القيلولة ، فقد أفادت دراسة غربية أن القيلولة تزيد من إنتاجية العمال و تساهم في إزالة التوتر .


ذلك لأن القيلولة تؤدي إلى الراحة الدماغية و الإرتخاء العضلي و العصبي بما يساعد على زيادة إنتاجية العمال حسب هذه الدراسة التي نشرت .


و تقول الدراسة " أن القيلولة تعزز الذاكرة و التركيز و تفسح المجال أمام دورات جديدة من النشاط الدماغي في نمط أكثر ارتياحا ، كما تشدد على عدم الإطالة في القيلولة لان الراحة المفرطة قد تؤثر على نمط النوم العادي "



فوائد القيلولة الإيمانية:
- إراحة الجسم حتى يستطيع القيام بالعبادة، فكلما كان الجسد في راحة، بعيدا عن الإجهاد والتعب، كان أداء الإنسان لعبادته أفضل، وفرق بين من يتجهز للصلاة والطاعة، وبين من يفعلها إسقاطا لأداء الواجب، ولعل أحدنا يتذكر يوما كان فيه مجهدا، فقام للصلاة، فما وجد فيها إلاأداء للحركات، بغية إسقاط الفريضة، أو أنه قرأ القرآن وهو مجهد، فما عاش مع معانيه،ومن هنا، فإن إراحة الجسد بالقيلولة فيه دعوة لإتقان العبادة.



- الاستعداد لقيام الليل، فإن استرخاء الجسد بسنة القيلولة لا يجعل الجسد ينام كثيرا، مما ينهض أصحاب الليل لأداء أشرف عبادة في الإسلام، وهي قيام الليل، فقد أخرج ابن ماجه والطبراني عن ابن عباس مرفوعا إلى النبي صلى الله عليه وسلم: "استعينوا بطعام السَحَر على صيام النهار، وبالقَيْلُولَةِ على قيام الليل‏". قال حجة الإسلام: وإنما تطلب القيلولة لمن يقوم الليل ويسهر في الخير فإن فيها معونة على التهجد، كماأن في السحور معونة على صيام النهار، فالقيلولة من غير قيام الليل كالسحور من غيرصيام النهار.



- والقيلولة مما يساعد الإنسان على المحافظة على صيام النافلة، فقد أخرج البزار كما في اللآلئ من حديث قتادة سمعت أنس يقول: ثلاث من أطاقهن أطاق الصوم‏:‏ من أكل قبل أن يشرب، وتسحر، وقال، (يعني نام بالنهار وقت القيلولة).



- القيلولة من شيم الصالحين، وقد كان السلف رضوان الله عليهم يحرصون عليها أشد الحرص، لما لها من أثر كبير في حياة الإنسان، حتى إن الواحد ليتابع عماله وأهل بيته في المحافظة عليها، ففي حديث مجاهد قال: بلغ عمران عاملا لهلا يقيل، فكتب إليه أما بعد فقِلْ فإن الشيطان لا يَقيل.


وعن أبي فروة أنه قال القائلة من عمل أهل الخير، وهي مَجَمَّة للفؤاد، مِقْواة على قيام الليل.

وقال البدر العيني: القيلولة معناها النوم في الظهيرة. انتهى.

ونومة القيلولة مستحبة عند جمهور العلماء، لقول النبي صلى الله عليه وسلم: قيلوا فإن الشياطين لا تقيل. والحديث حسنه الألباني في صحيح الجامع برقم4431.

ولأن القيلولة تعطي النفس حظها من الراحة في النهار، فإذا جاء الليل استقبلت السهر بقوة ونشاط وانبساط فيقوي ذلك على الطاعة في الليل بالتهجد والمذاكرة ونحو ذلك.


المصدر/ موقع الشبكة الأسلامية

فهل نعود إلى سنة القيلولة، أم تتيه منا في زحام العمل؟!

[بنت مريخ]

لازم وحتما وضروري من ٢ونص الى ٥
اذا ما قيلت النفسيه زفت ومن المغرب مقفله
خاطري وأمنيتي ما قيل في الشتا

[Nojoom]

انا يومياً اصحى من النوم 4:30 الصبح

لما توصل الساعه 3ونص العصر احس اني متسندر

لو واصلت من غير قيلوله اكون مالي خلق اسوي شي

على شان هذا اريح لي اشوي ساعه او ساعه ونص

استرجع نشاطي وارجع انام في الليل الساعه 12 تقريبا


خاطري انام قبل بس ماقدر

[Nojoom]

واحد من الشباب سالته انت تقيل ؟

قال لا مستحيل استغربت منه قلت له ما شاء الله عليك

بعدين عرفت انه مايصحى من النوم الا الساعه 9 وطالع:rolleyes2:


فامهم الواحد يقول لنا متى يصحى ومتى ينام على شان نعرف ونقيم القيلوه :)

انا عن نفي مثل ما ذكرت لكم مجموع سعات نومي في اغلب الايام لا تتعدى 6 ساعات

انام 12 في الليل او اكثر شوي

اصحى 4:30

وساعه او ساعه ونصف قيلوله



احس اني ماعطي جسمي حقه في النوم لكن حاولت ولا قدرت

[لاجل QT]

ماقيل...ماحبها تعور راسي

المشكلة حتى لو قيلت بعد انام بدري في نفس التوقيت

[السحابة]

القيلوله احتاجها اثناء الحمل لاكان صراحه مااحبها تخلني مانام في الليل الحين اشغل نفسي في اي شئ وفعلا مثل ماقالو بعض الاعضاء اللي قبلي تحلم بكوابيس واليوم يكون كئيب

[بونووف]

القيلوله حلوه بس حزااات اقوم متسندر ولايعه جبدي ومالي خلق شي ويبي لي ساعتين لين اصحصح وارجع للوضع الطبيعي ...

[00soma00]

القيلولة مهمة جدا بالنسبة لى

انا متعودة عليها يوميا

[العـوا]

لا تتعدى الساعه في اليوم لمن يقوم لصلاة الفجر وينام بلا سهر

[qatara]

لازم انام الظهر للمغرب

احلى نومه


بالعكس اخس نومه
يقوم الواحد نفسيته كانها نفسية ......
ماله نفس حتا يكلم والديه

لا اعلم الغيب لكن متاكد
انكي بهذه النومه الغلط بعد صلاة العصر
كل مغربيه متهاوشه ويا حد ببيتكم

[العنيده]

لا طبعا قيلولتي تجيب العيد وتاخر كل شي عندي ..

[بريق الماسه]

بالعكس اخس نومه
يقوم الواحد نفسيته كانها نفسية ......
ماله نفس حتا يكلم والديه

لا اعلم الغيب لكن متاكد
انكي بهذه النومه الغلط بعد صلاة العصر
كل مغربيه متهاوشه ويا حد ببيتكم

ﻻني متعوده على نوم الظهر اصحى مرتاحه
وطبيعتي هاديه ماعرف اتهاوش ......اهدى وحده بالبيت وماتنرفز بسهوله .....كتلة ثلج
اتمنى تجرب مثلي وبتهدا عصبيتك ......أنت على طول نااار من قلة النوم عزيزي.


حان وقت النوم

[ام السعف]

ﻻني متعوده على نوم الظهر اصحى مرتاحه
وطبيعتي هاديه ماعرف اتهاوش ......اهدى وحده بالبيت وماتنرفز بسهوله .....كتلة ثلج
اتمنى تجرب مثلي وبتهدا عصبيتك ......أنت على طول نااار من قلة النوم عزيزي.


حان وقت النوم

هيهي
1-0

بس اتفق معاه

هالنومة تعفس المزاج :(

[aziz4z]

بالنسبة لي لكي أستمر في الحياة :) لازم أقيل , صراحة القيلولة تعطيني طاقة تخليني صاحي لفترة متأخرة من الليل , مما يمكني من إنجاز الكثير من الاشياء :d

[قطرية مثقفة]

صار لي سنين مافي قيلولة @@ اللي عنده عيال وايدرسهم يقول وداعا للقيلولة @@ وبصراحة صرت ماحب لان احس نومي بالليل يخترب

[أبوفهد666]

:
بالنسبة لي لكي أستمر في الحياة :) لازم أقيل , صراحة القيلولة تعطيني طاقة تخليني صاحي لفترة متأخرة من الليل , مما يمكني من إنجاز الكثير من الاشياء :d

sam to you :nice:

[qatara]

ﻻني متعوده على نوم الظهر اصحى مرتاحه
وطبيعتي هاديه ماعرف اتهاوش ......اهدى وحده بالبيت وماتنرفز بسهوله .....كتلة ثلج
اتمنى تجرب مثلي وبتهدا عصبيتك ......أنت على طول نااار من قلة النوم عزيزي.


حان وقت النوم

الا الي يقوم المغرب يقوم من النوم
ونفسه براس خشمه وكل يعرف هذا
يهاوش حتا دلة الشاي

[بصمة قطرية]

الا الي يقوم المغرب يقوم من النوم
ونفسه براس خشمه وكل يعرف هذا
يهاوش حتا دلة الشاي

صح :secret:
غير الصداع
و المزاج المعتفس ..
لو مرت جنبه ذبانة تهاوش معاها .. :secret:
أشوف اللي حولي شلون حالهم لو ناموا الظهر
و بالذات لو صحوا على المغرب ..

[حماد الدغيمان]

يرقد قيلوله لمدة ساعة او ساعة ونص او حتى من بعد الظهر الى قبل اذن العصر في راحة للجسم بعد العمل وأرى انه لا يوجد مشكلة في ذلك