ليلة القرنقعوووه

[صوت مواطن]

السلام عليكم ورحمة الله وبركاته

حبايبي حبيت ابارك لكم في بداية شعبان واسأل الله تعالى أن
يبلغنا وأياكم رمضان لا فاقدين ولا مفقودين ...

بالنسبه الى قدوم رمضان وأغلب الأمهات تفكر في شراء ملابس القرقيعان أو القرنقعوه ......!
أختي انتي مسلمه أولا وهذي العاده بدعه صحيح صحيح أنها من التراث لكنها كانت كذا في السابق لبساطتها أما اليوم الكل يشتري ببذخ والبعض للأسف يمجد هذي البدعه الدخيله على ديننا ... يعني شهر رمضان شهر فضيل وتضاعف فيه الاعمال من صلاة وصوم وتعبد وصدقات وأنتي اتسوين بدعه !!!
وبعدين مافكرتوا في حال اخوانا في سوريا وشلون بيصومون في رمضان تحت هالحرب والذبح والتشرد !!!
مافكرتي تدفعين افطار صائم بدل من شراء ملابس القرنقعوه ؟
فتكونوين استفدتي من الناحيتيين .. تجنبي البدعه وأخذي فضل الصدقه أن شاء الله ....
أطلب منكم مجرد التفكير بالموضوع بشكل عقلاني وجدي ..

اسأل الله أن يتقبل أعمالنا ويثبتنا على دينه

[موجه بحر]

اخوي شدخل اخونا في سوريا الله ينصرهم ويفرج كربتهم في القرنقعوه وفي السفر ترى اهل قطر حكومه وشعب مب مقصرين مع حد والله يحفظ بومشعل ويجعل هذا البلد امن ويمن عليه بالخير والبركه نرى عيالنا لهم حق علينا انه لبسهم ولعبهم ونمشيهم انا استغرب الي يقول لاتسوي شي علشان تساعد وترى القرنقعوه كلها بس حلاوه والعيد بعد فيه توزيع فلوس يعني نخلي عيلنا مايعيدون ولا يلبسون علشان المساعدات

[ضوى]

كل سنة نفس الموال ونفس الكلام ونفس الفتاوي ونفس الردود ونفس الاسباب ونفس القصة

[الفا برافو]

عاده من التراث
لا دخل لها في العباده

[غايه الطواش]

كل سنة نفس الموال ونفس الكلام ونفس الفتاوي ونفس الردود ونفس الاسباب ونفس القصة
صابنا تشبع من بعض المواضيع

[catqat]

واحنا كل سنة نفتح هالنوع من المواضيع المستهلكة!!!!

[عاشق العديد]

لاتعليقققققققققققققققققققققق ماعتقد الملابس راح تكلففف عشرين الف ماتجي 100 ريال ..

[فيروزه]

جزاك الله خير

[نوار قطر]

القرنقعوه احتفال تراثي بحت ..احنا مانحتفل فيه كعاده دينيه.. بالعكس نحتفل فيه بمرور النص من رمضان بس لا اكثر ولا اقل.. لاتخلطون الامور في بعض,,

[غير البشر]

جزاك الله خير اخوي




كل سنة نفس الموال ونفس الكلام ونفس الفتاوي ونفس الردود ونفس الاسباب ونفس القصة


تابعي برنامج فتاوي في رمضان في سؤال دايم ينطرح
من3000 سنه قبل الميلاد


اذا شربت ماي قبل الاذان وانا مادري اكون صايم او فاطر

[قطريه22]

كل سنة نفس الموال ونفس الكلام ونفس الفتاوي ونفس الردود ونفس الاسباب ونفس القصة

اي والله الواحد زهق :weeping:

[catqat]

جزاك الله خير اخوي






تابعي برنامج فتاوي في رمضان في سؤال دايم ينطرح
من3000 سنه قبل الميلاد


اذا شربت ماي قبل الاذان وانا مادري اكون صايم او فاطر

نفس سؤال هل المعجون مفطر بأيام الصيام !!!! هو ليش الناس يصيرون قواطي ف رمضان وكل مرة نفس السؤال ؟؟ هم لحقوا ينسون؟

[قطريه22]

جزاك الله خير اخوي






تابعي برنامج فتاوي في رمضان في سؤال دايم ينطرح
من3000 سنه قبل الميلاد


اذا شربت ماي قبل الاذان وانا مادري اكون صايم او فاطر



:omg:
انت عشت 3000 سنه قبل الميلاد:swoon:
عيل كم عمرك الحين :rolleyes2:

[Miss]

جزاك الله خير اخوي
الحمد لله رب العالمين حكومتنا وشعبنا مب مقصر ولا راح يقصر ان شاء الله ..
وليلة القرنقعوه احتفال بسيط يفرحون فيه اليهال ما فيها شي

الله يبلغنا واياكم هذا الشهر الكريم

[الرويـس]

اعترض على من ذكر ان الموضوع مكرر
هذه ذكرى للغافلين واللي عارف يعطيه العافيه
بس في جيل يطلع والجيل التالي دايما يكون أقل معرفه بالدين من اللي قبله بسبب بعدنا عن بعض مسائل الدين والله المستعان

((((((((((((( ماذا لو وقف التذكير والنصح )))))))))))))) ؟؟


وذكر فإن الذكرى ( تنفع المؤمنين)

[صوت مواطن]

خواتي الاعزاء انتوا مافهمتوا قصدي
انا اتكلم عن التوزيعات اللي صايره وبعضهم يحجز قاعه علشان القرنقعوه ويخسرون الالاف فقط للزبو ايامنا كان القرقيعان صطل فيه مكسرات والاعيال ثياب وسديري امطرز والبنات بخانق بالعكس هاذا شي حلو لعيالنا انا اتكلم واكررها ان الصرف والبذخ بلا معنا هاذا هو الحرام



وخلو عنكم محلات الحلويات اللي اتسوي توزيعات كل توزيعه بثلاثين واربعين اذا ماكان بأمية ريال


ارجوا المعلومه توصل للأمهات

[NINA RICCI]

اي والله الحين العالم تتنافس في من يوزع احسن وافخم قرقيعان وشايلين هم من الحين ..

[nono80]

مالها علاقه بالعبادة هي عادة من العادات والتقاليد والتراث

[qrt_trading]

لا توزيعات ولا شئ كل ياهل له ريالين وخلاص ولا أعور راسي ولا هم يحزنون.

[نوار قطر]

خواتي الاعزاء انتوا مافهمتوا قصدي
انا اتكلم عن التوزيعات اللي صايره وبعضهم يحجز قاعه علشان القرنقعوه ويخسرون الالاف فقط للزبو ايامنا كان القرقيعان صطل فيه مكسرات والاعيال ثياب وسديري امطرز والبنات بخانق بالعكس هاذا شي حلو لعيالنا انا اتكلم واكررها ان الصرف والبذخ بلا معنا هاذا هو الحرام



وخلو عنكم محلات الحلويات اللي اتسوي توزيعات كل توزيعه بثلاثين واربعين اذا ماكان بأمية ريال


ارجوا المعلومه توصل للأمهات

بالنسبه للتوزيعات اي الصراحه الكل يتفنن فيها بالاضافه الى المكسرات وسط الجفير اما سالفة القاعه لا الصراحه قوويه اول مره اعرف ان في ناس يحجزون قاعه حق القرنقعوه

[تحداني]

طول ما في ناس في بيت بومحمد الله يطول ابعمره راح انوزع على اليهال
هاذي فرحتهم ووناستهم ... لكن البلى في الاكبار الامهات الي يمصخون السالفه وتبي اطلع نفسها غصب طيب انها راقيه وام الماركات والاكشن والفاشن
لو يطلعون منها ابرك
خلو الاطفال يحتفلون بطريقتهم الخاصه
انا قبل من كثر ما كنت احب القرقيعان كنت اخذ معاي كيس البخنق
وكيس الجمعيه .. بس اعبي الاول اعطي اخوي الكيس واترس كيس الجمعيه
وانسوي آخر الليل تحدي من يمع اكثر
عاد الي يمع اكثر يعطونه شي من نصيب البقيه هههههههههههه قمه الوقاحه والنذاله


وكانت من اجمل اللحظات لما نلقى كافي بودرج
او الحلاه بومصاص :shy::shy: شعور لا يوصف
ونكره حياتنا لما انشوف بس مكسرات بدون حلويات
ويودوا اكل لين نصل الليل
وترجيع ثاني يوم


ااااااااااااااه على ذيج الايام


جملكم الله برضاه

[dream~qa]

للأسف تحول الاحتفال من بسيط إلى بذخ ومنافسة بين الامهات والعوائل من اللي تحتفل بالليلة أحسن من البيت الثاني ومن اللي تفصل حق بناتها أحسن من بنات الثانية . ومن اللي عيالها يطلعون مميزين أكثر غيرهم .. ومن اللي توزيعاتها تكون فخمة ومميزة ..

وفي النهاية نلقى الحلويات والمكسرات متناثرة على الأرض ومصيرها الزبالة أعزكم الله .

[السحابة]

الاعتدال زين بالنسبه للاهل في سوريا الشيخ مومقصر والحمدلله والشعب ايضا من تبرعات المفروض السؤال لاهل سوريا اللي رايحين يشتركون في برامج غنائيه وبلادهم متعفسه اشلون يسون اغاني ورقص وبلادهم وشعبهم في تدمير يومي وهذا رأي

[OREO]

شخصيا احتفل مالا يقل عن 20 احتفال في السنه و منهم القرنقاعوه و راس السنه الشمسية و القمريه و يوم الحب و يوم الاب و يوم الام و يوم الفار و هكذا ،، شعور جميل و اهم شي الابتعاد عن التبذير ،،


موفقين ان شاءالله ،،

[دنيا الاسهم]

الكرنقعوة مناسبة حلوة يحتفل بها اهل قطر من اكثر من 50 سنة او اقل الله اعلم نحتفل بها في النصف منةرمضان المبارك حتى الدولة والمؤسسات الحكومية وجمعية قطر الخيرية والبنوك يحتفلون بها
مالها دخل بالبدع او التبرعات اللي تروح للشعوب الاخرى ،،،،،لان اهل قطر اهل خير وصلاح وخير ويتبرعون طول السنة غير الصناديق المحطوطة في كل بقالة ومجمع وسوق ،،، بل بالعكس كانوا هلنا لاولين يحتفلون بها وهم اكثر تقوى وورع ودين وصلاح وماحد قال ان فيها شي\
شدخل هي الا فرحة للاطفال يقرقعون على اهلهم ويجمعون المكسرات عليهم ليش المناسبات الحلوة تبون تقلبونها حلال وحرام ( الحلال بين والحرام بين الخ .....)
موال كل سنة ترى لاعت جبدنا

[مضارب دوسري]

كل سنة نفس الموال ونفس الكلام ونفس الفتاوي ونفس الردود ونفس الاسباب ونفس القصة

اي والله

[العقل المدمر]

شخصيا احتفل مالا يقل عن 20 احتفال في السنه و منهم القرنقاعوه و راس السنه الشمسية و القمريه و يوم الحب و يوم الاب و يوم الام و يوم الفار و هكذا ،، شعور جميل و اهم شي الابتعاد عن التبذير ،،


موفقين ان شاءالله ،،



ولا تنسى يوم الميلاد بالتاريخ الهجري والميلادي :shy:

[ام ناصر1]

مع الاحتفال ومعاونة اهل سوريا ...اهم شي اليهال وفرحتهم

[OREO]

ولا تنسى يوم الميلاد بالتاريخ الهجري والميلادي :shy:

اوبس.. @@

مادري اشلون غفلت عنهم.. بالتأكيد احتفل بيوم ميلادي سنويا مرة بالقمري و مرة بالشمسي لاجل تكثر الهدايا عندي و يوم ميلادي بعد شهر و ماعندي مانع استقبل الهدايا من اليوم :shy:

[صوت مواطن]

اوبس.. @@

مادري اشلون غفلت عنهم.. بالتأكيد احتفل بيوم ميلادي سنويا مرة بالقمري و مرة بالشمسي لاجل تكثر الهدايا عندي و يوم ميلادي بعد شهر و ماعندي مانع استقبل الهدايا من اليوم :shy:

أرجو التعليق بحكمه وإذا ما فهمت الموضوع الرجاء عدم التعليق لمجرد التعليق


شكرًا لك وكل عام وانت بخير

[صوت مواطن]

الكرنقعوة مناسبة حلوة يحتفل بها اهل قطر من اكثر من 50 سنة او اقل الله اعلم نحتفل بها في النصف منةرمضان المبارك حتى الدولة والمؤسسات الحكومية وجمعية قطر الخيرية والبنوك يحتفلون بها
مالها دخل بالبدع او التبرعات اللي تروح للشعوب الاخرى ،،،،،لان اهل قطر اهل خير وصلاح وخير ويتبرعون طول السنة غير الصناديق المحطوطة في كل بقالة ومجمع وسوق ،،، بل بالعكس كانوا هلنا لاولين يحتفلون بها وهم اكثر تقوى وورع ودين وصلاح وماحد قال ان فيها شي\
شدخل هي الا فرحة للاطفال يقرقعون على اهلهم ويجمعون المكسرات عليهم ليش المناسبات الحلوة تبون تقلبونها حلال وحرام ( الحلال بين والحرام بين الخ .....)
موال كل سنة ترى لاعت جبدنا

انا ماقلت لحد يفرح. بس بالمعقول مش تحدي نفس سوالف الأعراس
الله يهدي الحريم

[صوت مواطن]

للأسف تحول الاحتفال من بسيط إلى بذخ ومنافسة بين الامهات والعوائل من اللي تحتفل بالليلة أحسن من البيت الثاني ومن اللي تفصل حق بناتها أحسن من بنات الثانية . ومن اللي عيالها يطلعون مميزين أكثر غيرهم .. ومن اللي توزيعاتها تكون فخمة ومميزة ..

وفي النهاية نلقى الحلويات والمكسرات متناثرة على الأرض ومصيرها الزبالة أعزكم الله .

هاذا اللي كنت اقصده بالظبط

[OREO]

أرجو التعليق بحكمه وإذا ما فهمت الموضوع الرجاء عدم التعليق لمجرد التعليق


شكرًا لك وكل عام وانت بخير

كيف تأمرني بتوظيف الحكمة في ردي السابق و انت شخصياً ضربت الحكمة بعرض الحائط..

من الحكمة بأن لانقارن طبقات المجتمع و نحصرنهم بكف و نصدر حُكماً لا يليق بمقامهم .. !!

عزيزي.. المجتمع طبقات والشخص ذو راتب 200 الف لا يُقارن بالشخص ذو راتب 15الف ريال.. فلذا من الاجدر على الجميع اتباع الحكمة وكل شخص ادرى بحاله و لانستطيع ان نقول هذا انسان مسرف و مبذر ام لا.. الا في حال كشف جميع ارصدته البنكية و الغير بنكية.. !!

عزيزي.. من الافضل و الاجدر ان لا نتهم الناس بالتبذير و كل ماعلينا النصح بشكل عام...

خلاصة الكلام عزيزي.. دع الخلق للخالق و كل شخص اعلم بحال اموره المادية و ماهي حدود التبذير لديه...



موفق ان شاءالله

[صوت مواطن]

كيف تأمرني بتوظيف الحكمة في ردي السابق و انت شخصياً ضربت الحكمة بعرض الحائط..

من الحكمة بأن لانقارن طبقات المجتمع و نحصرنهم بكف و نصدر حُكماً لا يليق بمقامهم .. !!

عزيزي.. المجتمع طبقات والشخص ذو راتب 200 الف لا يُقارن بالشخص ذو راتب 15الف ريال.. فلذا من الاجدر على الجميع اتباع الحكمة وكل شخص ادرى بحاله و لانستطيع ان نقول هذا انسان مسرف و مبذر ام لا.. الا في حال كشف جميع ارصدته البنكية و الغير بنكية.. !!

عزيزي.. من الافضل و الاجدر ان لا نتهم الناس بالتبذير و كل ماعلينا النصح بشكل عام...

خلاصة الكلام عزيزي.. دع الخلق للخالق و كل شخص اعلم بحال اموره المادية و ماهي حدود التبذير لديه...



موفق ان شاءالله

الله يجازيك خير

[sos_z]

كل سنة نفس الموال ونفس الكلام ونفس الفتاوي ونفس الردود ونفس الاسباب ونفس القصة


:omen2::omen2::nice:
واخوانا في الصومال وفي فلسطين ووووووو
بومشعل الله يحفظه مب مقصر واللي يبي يتصدق يدري شلون ومايمنع الناس تفرح بعيالها.
وبعدين من قالنا ان هذي الاموال اصلا تروح لهم مب لفئات ثانية ...ومن قال المال يوكلهم ويلبسهم ....من قال انه نفسه يشترون به سلاح عشان يقتلون بعضهم....وووووو

[عضوو]

للعلم القرنعوه عيد فارسي وليس للمسلم غير عيد الأضحي وعيد الفطر ليحتفل بها

مهما تغيرت المسميات والمبررات وغيره وغيره ومن أراد يعرف نفسه ان كان مبتدع

في الدين فعليه أن يحاول الأحتفال في غير ليلة منتصف رمضان واذا أبت نفسه فليعلم

أن تحت أغواء النفس والشيطان*

[بصمة قطرية]

كل سنه نفس الموال ..!!!!!