&& اضافة سنة جديدة بعد ثالث ثانوي &&

[شبح الصمت]

السلام عليكم ورحمة الله وبركاته ،،،


اليوم وأنا قاعد اسمع كيف اصبحت في الجزء الثاني من الحلقه شد انتباهي محاوره بين بوناصر وبوخالد يسأله ابي اودي ولدي جامعة عشان يدرس فيها بس المشكلة يبيله الايلز ..


طبعا كلنا نعرف دراسة اللغة الانجليزية اشلون وصعوبتها عند البعض ويبيلها ممارسة ..


فليش بعد ما يخلصون الطلاب الثالث ثانوي يتمون سنة كاملة في مدارسهم يعطونهم الايلز ويمتحنون فيه ..

سنه ما راح تضر احسن من انه يودونهم برى ومخاسير !!!

التهيئة قبل دخول الجامعات ويكونون جاهزين أقل ما فيها وكسبوا لغة حتى لو بسيطه ...


أقتراح موجه للمجلس الأعلى


الأخوة والأخوات أش رايكم في الاقتراح !!!


,,


مع تحيات /
شبح الصمت

[العلم]

رابع ثانوي .. :shy:



اقتراح حلو ونفس الوقت صعب .. الطلاب يتشفقون عالطلعة من المدرسة .. وإذا حطوا سنة جديدة بيصير فيه غضب طلابي :secret:




تحياتي لك من كرك النعيمي :victory:

[شيخ الديرة]

تتمنى من المجلس الأعلى يسمع أقتراح؟

خذ الأمر بيدك وقرر على أختيار السبل الصحيحة لدراسة اللغة.

[شبح الصمت]

رابع ثانوي .. :shy:



اقتراح حلو ونفس الوقت صعب .. الطلاب يتشفقون عالطلعة من المدرسة .. وإذا حطوا سنة جديدة بيصير فيه غضب طلابي :secret:




تحياتي لك من كرك النعيمي :victory:




يتشفقون بس هذا الشيء لمصلحتهم صدقني يالعلم

اذا جاء الامر اجباري محدن رآح يرفضه

او خلهم يحطون استبيان ويشوفون كم عدد حالات الموافقة والرفض !! :nice:

[شبح الصمت]

تتمنى من المجلس الأعلى يسمع أقتراح؟

خذ الأمر بيدك وقرر على أختيار السبل الصحيحة لدراسة اللغة.




نتمنى يسمع ويسمع ويسمع

وشنهي السبل الصحيحة ياخوي

[شيخ الديرة]

نتمنى يسمع ويسمع ويسمع

وشنهي السبل الصحيحة ياخوي

أي شي تسويه بنفسك أحسن من اللي يسويلك اياه الأخرين

معاهد محلية, برامجيات حاسوب, كورسات التعلم عن بعد, معاهد خارجية, التعايش في دول اللغة, الفضائيات الأنكليزية بدون الترجمة ...

من المعتاد ان الطالب يروح سنة قبل الجامعة ويتعلم اللغة في ذلك البلد ويحصل العلامات المطلوبه قبل دراسة الجامعة (هذا على افتراض انه يود التعلم)

[عاشق العديد]

احم احم اذا لقيت احد من الطلاب كمل اعطيك 1000

هو قرار حلووو لكن محد بييكمل هم مب مصدقين خلصصصو هههههههه ..

الله يوفق الجميــع ..

[شبح الصمت]

أي شي تسويه بنفسك أحسن من اللي يسويلك اياه الأخرين

معاهد محلية, برامجيات حاسوب, كورسات التعلم عن بعد, معاهد خارجية, التعايش في دول اللغة, الفضائيات الأنكليزية بدون الترجمة ...

من المعتاد ان الطالب يروح سنة قبل الجامعة ويتعلم اللغة في ذلك البلد ويحصل العلامات المطلوبه قبل دراسة الجامعة (هذا على افتراض انه يود التعلم)




صحيح اخوي بس هل الكل يستطيع انه يروح ويسافر ويدفع حق نفسه ..

اهو اقتراح وفي نفس الوقت راح يفيد الكثير من الطلاب ويكون الزامي تعليم اللغة لانها صارت اساسيه

وترى اهي ممارسة اخوي الصغير لا دخل معاهد والا شيء تعلم من ربعه والي حواليه والحين يتكلم بطلاقة واللغة فادت في وظيفته وايد ..

[شبح الصمت]

احم احم اذا لقيت احد من الطلاب كمل اعطيك 1000

هو قرار حلووو لكن محد بييكمل هم مب مصدقين خلصصصو هههههههه ..

الله يوفق الجميــع ..




انزين اضافة سنه لمصلحتهم ترى يا عاشق !!!

:weeping:

[فيروزه]

مشكلة والله
الله يعين

[عاشق العديد]

انزين اضافة سنه لمصلحتهم ترى يا عاشق !!!

:weeping:

هو الصصدق مفيد لهم وبزياده بعد .. لكن في مرحلتههه الطالب مب مصدق على الله انه بيخلص وبياخذ موتري وبيصير ريال ههههه تفكيرنا سابقـا .. بس ماراح يدخلون الا الطالب الي يفكر عدل ..

يعني منهو فينا حاليا مب متحسفف انه ماشد حيله بالدراسسه وانه جاببب نسبه ودخل جامعه وكمل .. يعني فالبدايه كل همنا راحه لكن عقب نتحسسف ونندم .. والله كلامكك عين العقلل ..

[شبح الصمت]

مشكلة والله
الله يعين




شنهي المشكلة اختي !!! :eek5:

وضحي لنا اسباب المشكلة :omen2:

والله يعين الجميع يآرب

[bo3adel]

والله ياخوي شبح الصمت مثل هالمشروع موجود في برنامج الجسر الاكاديمي لاكنه يقبل بحدود ال 300 طالب وطالبه

لو ترك الامر للمجلس الاعلى ماظن عيال الناس بيفلحون .. حتى لو يسوون البرنامج عشر سنين .. الحين هم طول عمرهم يدرسون انقليزي ومايقدرون يجيبون الايلز .. لو عطوهم سنه زياده تتعتقد بيجيبونه ؟

احنا عندنا مشكله في الطلاب نفسهم ... مايبون يتعلمون لغه انقليزيه .. ولو الواحد يبي يتعلم كان بنفسه جاب الايلز والتوفل

اذكر يوم كنت ف الثنوية ( عمر بن الخطاب ) العلميه في وقتها .. كان عندنا اثنين في صفنا جايبين فوق ال 100 من 120 في امتحان التوفل وهم في ثالث ثنوي .. بتقول من المدرسين .. بقولك لا والله

من جهد هالاثنين ولانهم يعرفون مصلحتهم .. المدرسين ماقصروا لاكن الطلاب لازم يبذلون جهد شخصي كبير عشان ينجحون في هالامتحانات

في النهايه اذا الواحد يبي يسوي الشي .. راح يسويه بمحض ارادته .. لو فرضت عليه امر معين 50 سنه قدام وهو مايبي يسوويه .. لاتنتظر منه نتائج

تقبل مروري

[شيزكيك]

الي اعرفه في مادة اسمها مهارات ما قبل الجامعة يدرسونها طلاب الحادي عشر والثاني عشر والمادة تهيا الطلاب لاختبارات الايلز وهي مهارات استماع وقراءة وكتابه الطلاب المفروض يستفيدون منها الى اقصى درجه

[شبح الصمت]

هو الصصدق مفيد لهم وبزياده بعد .. لكن في مرحلتههه الطالب مب مصدق على الله انه بيخلص وبياخذ موتري وبيصير ريال ههههه تفكيرنا سابقـا .. بس ماراح يدخلون الا الطالب الي يفكر عدل ..

يعني منهو فينا حاليا مب متحسفف انه ماشد حيله بالدراسسه وانه جاببب نسبه ودخل جامعه وكمل .. يعني فالبدايه كل همنا راحه لكن عقب نتحسسف ونندم .. والله كلامكك عين العقلل ..





شفت اشلون انت وانا وغيري وغيري متحسفين
لانه صدق الحين اللغة صارت مهمه شوف اشلون !!!

نتمنى الجيال القدام يستفيد ويوصلون اعلى المراتب فالدنيا

ويرزقنا وياكم جناته الفردوس يآرب

[شبح الصمت]

والله ياخوي شبح الصمت مثل هالمشروع موجود في برنامج الجسر الاكاديمي لاكنه يقبل بحدود ال 300 طالب وطالبه

لو ترك الامر للمجلس الاعلى ماظن عيال الناس بيفلحون .. حتى لو يسوون البرنامج عشر سنين .. الحين هم طول عمرهم يدرسون انقليزي ومايقدرون يجيبون الايلز .. لو عطوهم سنه زياده تتعتقد بيجيبونه ؟

احنا عندنا مشكله في الطلاب نفسهم ... مايبون يتعلمون لغه انقليزيه .. ولو الواحد يبي يتعلم كان بنفسه جاب الايلز والتوفل

اذكر يوم كنت ف الثنوية ( عمر بن الخطاب ) العلميه في وقتها .. كان عندنا اثنين في صفنا جايبين فوق ال 100 من 120 في امتحان التوفل وهم في ثالث ثنوي .. بتقول من المدرسين .. بقولك لا والله

من جهد هالاثنين ولانهم يعرفون مصلحتهم .. المدرسين ماقصروا لاكن الطلاب لازم يبذلون جهد شخصي كبير عشان ينجحون في هالامتحانات

في النهايه اذا الواحد يبي يسوي الشي .. راح يسويه بمحض ارادته .. لو فرضت عليه امر معين 50 سنه قدام وهو مايبي يسوويه .. لاتنتظر منه نتائج

تقبل مروري



آرحم الله والديك ياخوي وما قصرت
بس الجسر الاكاديمي حق الناس الي درجاتهم عاليه مش كل شخص انا اقصد الكل يستفيد ومهب شرط يروحون يومياً من 7 لين 1.30

لا اقل شيء 3 ساعات يومياً تعليم بس تكون فترة طويله ويكون الكلام باللغة الانجليزية ..

والله يجزااك خير



الي اعرفه في مادة اسمها مهارات ما قبل الجامعة يدرسونها طلاب الحادي عشر والثاني عشر والمادة تهيا الطلاب لاختبارات الايلز وهي مهارات استماع وقراءة وكتابه الطلاب المفروض يستفيدون منها الى اقصى درجه




أول مره اسمع عنها اختي بس في فرق بين تدرس مواد متفرقة وبين انك تخصص خلاص مادة وحده ذهنك وفكرك كله على هالمادة اختي ..

صح والا لا

:)

[شيخ الديرة]

صحيح اخوي بس هل الكل يستطيع انه يروح ويسافر ويدفع حق نفسه ..

اهو اقتراح وفي نفس الوقت راح يفيد الكثير من الطلاب ويكون الزامي تعليم اللغة لانها صارت اساسيه

وترى اهي ممارسة اخوي الصغير لا دخل معاهد والا شيء تعلم من ربعه والي حواليه والحين يتكلم بطلاقة واللغة فادت في وظيفته وايد ..

صدقت, وانت جاوبت نفسك بنفسك, التعليم ليس بعدد السنوات أو اضافة سنه أخرى.

[شبح الصمت]

صدقت, وانت جاوبت نفسك بنفسك, التعليم ليس بعدد السنوات أو اضافة سنه أخرى.




جاوبت صحيح اخوي بس شوف تخيل نفسك كل يوم 3 ساعات تتعلم اللغة الانقليزية صج بيصير كم هائل على المدارس من مدرسيين لغة انقليزية بس مش مشكلة لو جبت المدرسين القداماء الي تم الاستغناء عنهم لانهم خبرات وتقول لهم دراسوا احسن من جلسة البيت !!

والممارسة والاحتكاك والقرأة مفيدة ترى

وقوقل ما قصر الترجمة بس اوقات انت يمين وهو يسار

تسلم يا شيخ الديرة

[مسمس12]

ليش لا حلوة اقل شي ياخذون لغة ويستفيدون ولاحقين بيطلعون من المدرسة

[شبح الصمت]

ليش لا حلوة اقل شي ياخذون لغة ويستفيدون ولاحقين بيطلعون من المدرسة




عليك نور لاحقين يطلعون وما افرقت سنة كاملة

الحين الواحد يوم يخلص دراسة يكون عمره 18 ما افرقت سنة وتطلع يالحبيب وعمرك 19 توكم صغار مع دراسة الجامعة 4 سنوات 23 سنة

الله يوفقهم يآرب

[حمد 2002]

ههههه لايسمعونك المجلس الاعلى للتعليم ياشبح ويسوون اقتراحك ، بعدين الله يعينك على دعاوي الطلبه والأهالي :rolleyes2: ،،


تحياتي لك ،،، :victory:

[شبح الصمت]

ههههه لايسمعونك المجلس الاعلى للتعليم ياشبح ويسوون اقتراحك ، بعدين الله يعينك على دعاوي الطلبه والأهالي :rolleyes2: ،،


تحياتي لك ،،، :victory:




تهقى يدعون لي !!!

ياخي انتم تحطمون ليش !!!

بس بعد صامل على اقتراحي مب مشكلة يدعون علي الحين بس عقب بيدعون لي لي اكبروا وعرفوا معنى كلامي واقتراحي

هههههههههههههههههههههههاي

:tease:

[العلم]

اخوي شبح .. شبح رابع ثانوي الي فالسعودية مخيم عالشباب والبنات .. وكلهم مستعدين للتصدي له في قطر ..


هدفنا واحد انا وانت والبقية .. ولكن الكلام في كيفية تنزيل الهدف على أنسب طريقة لتحقيقه ..


عقب هذا الإقتراح لو يشوفونك الطلاب بس :secret:escape

[شبح الصمت]

اخوي شبح .. شبح رابع ثانوي الي فالسعودية مخيم عالشباب والبنات .. وكلهم مستعدين للتصدي له في قطر ..


هدفنا واحد انا وانت والبقية .. ولكن الكلام في كيفية تنزيل الهدف على أنسب طريقة لتحقيقه ..


عقب هذا الإقتراح لو يشوفونك الطلاب بس :secret:escape


:cry2:

حطمتني

[بالول صغير]

اذا ما فائدت الجسر او كلية المجتمع

بوجهو نظري ان هذه الفكرة ما تصلح لأنها لو اعتبرناها 4 ثانوي راح تكون الزامية

وقد يكون تخصصي شريعة وما احتاج هذي السنة

واذا كنت محتاج هذي السنة ادخل تأسيسي في احدى الجامعات ابرك لأن هم اللي بيقمون مستواي عن طريق بعض اختبارات اللغة challenge test

عشان يضيفون لي مواد بالتدريج مع مستواي

واقع عاصرته في الشمال الاطلنطي

اما المدارس انا ما اثق فيها في هذي الايام خصوصا بعد النسب اللي صرنا نسمع فيها والغش اللي صاير

[شبح الصمت]

:nice:
اذا ما فائدت الجسر او كلية المجتمع

بوجهو نظري ان هذه الفكرة ما تصلح لأنها لو اعتبرناها 4 ثانوي راح تكون الزامية

وقد يكون تخصصي شريعة وما احتاج هذي السنة

واذا كنت محتاج هذي السنة ادخل تأسيسي في احدى الجامعات ابرك لأن هم اللي بيقمون مستواي عن طريق بعض اختبارات اللغة challenge test

عشان يضيفون لي مواد بالتدريج مع مستواي

واقع عاصرته في الشمال الاطلنطي

اما المدارس انا ما اثق فيها في هذي الايام خصوصا بعد النسب اللي صرنا نسمع فيها والغش اللي صاير




اخوي الجامعات الاخرى الاطلنطي والا جامعات المدينية التعليمية لو مهب نسبتك اوكي ما راح يدخلونك صح !!!

راح ادفع فلوس لاجل ادخل احنا نقول رابع ثانوي تمهيدي تمهيدي

[عاشق العديد]

شفت اشلون انت وانا وغيري وغيري متحسفين
لانه صدق الحين اللغة صارت مهمه شوف اشلون !!!

نتمنى الجيال القدام يستفيد ويوصلون اعلى المراتب فالدنيا

ويرزقنا وياكم جناته الفردوس يآرب

اللهم اميــــن

[Miss]

فكرة حلوة
يا ليت يفكرون فيها لانها من مصلحة الطالب
يخلصون ثالث ثانوي وما يقدرون يدخلون الجامعه بسبب هالايلز..
بس لازم ياخذون رأي أولياء الامور مب على طول اصدار هالقرار

تسلم شبح



تحياتي لك من كرك النعيمي :victory:

واحد كرك لو سمحت :shy:

[شبح الصمت]

اللهم اميــــن



ومن قال


فكرة حلوة
يا ليت يفكرون فيها لانها من مصلحة الطالب
يخلصون ثالث ثانوي وما يقدرون يدخلون الجامعه بسبب هالايلز..
بس لازم ياخذون رأي أولياء الامور مب على طول اصدار هالقرار

تسلم شبح



واحد كرك لو سمحت :shy:




يسلمج ربي
ونفس ما تفضلتي اختي استبيان ينزلونه المجلس الاعلى على النت او رابط ويشوفون رآيي الاغلبية ..

وتشكرات على التأييد كله محطميني

:nice:

[همر]

ذكرتوني بالطرفه الطريفه المبرودكاستته في البيبي

من كم يوم تقول: يا شباب في كتاب انصحكم تشترونه

اسمه تعلم اللغه الانجليزيه في 5 ايام بدون معلم

صارلي 4 سنين استخدمه رائع جداً...




بالنسبه للسنه الاضافيه مفيده لناس وناس...

يعني بالنسبه للي ناوي او مجبور او مغسول

او مغصوب يطلع يشتغل بعد الثانويه انت

جذيه اخرته وعطلته وضغطت عليه زياده

وارهقت هله ...



بعطيك مثال على برامج قطر للبترول لخريجين

الثانويه .. مثلا برنامج الاعداد الجامعي يو بي بي..

اللي هو تقريبا نفس فكرة رابع ثانوي...


هذا البرنامج عباره عن دراسة رياضيات وفيزياء

وكيمياء وكمبيوتر بالانجليزي .. وانجليزي بعد..

برضو بالانجليزي :eek5:


تبتدي من اي بي سي دي لييييين كتابة مقال انجليزي

من 1 + 1 لييييييين تكامل وتفاضل

من قانون تفاحة نيوتن لييييييين الفيزياء النوويه ...

وهكذا ... على مدى 9 شهور بس..

وخلال البرنامج طبعا تتعلم على التوفل وتقدمه عدة مرات

لين تعديه..


يوم فكرت في التجربه قياساً على نفسي قلت والله

برنامج زين ومفيد وتعلمنا الانجليزي صحححح من

بعد ماكنا مي سوري يو سوري .. وسافرنا امريكا

وما واجهتنا مشاكل لا في اللغه ولا في قبول الجامعات

ولله الحمد... ليش ماتطبق هذه البرامج على مستوى الدوله ؟!!




لكن يوم تبعد الضوء عن نفسك شوي وتفكر بغيرك...

دخلنا البرنامج 15 واحد ما نجحوا فيه الا 4 !!!

وال11 طالب الباقين طبعا بعد ماضيعوا سنه من عمرهم

اللي راح الجيش واللي رجع جامعة قطر ...


يعني حتى هذي البرنامج اللي من منظور

ناس جيده جداً.. في رأي ناس اخرين لها مساوئ..


فالافضل بعد الثالث ثنوي كل واحد يختار طريقه بنفسه..

[مشاكل]

آنا مع الغاء الثالث ثانوي ويحل محله تمهيدي حق الجامعة

[faisalqatar]

اذا تسمح لي اخوي شبح الصمت .. انا ضد هالفكرة

بما اني مسؤول تنظيم امتحانات معيارية

انا بقول لكم معلومه يجهلها اكثر الناس ,,

تقريبا كل الجامعات الامريكية و منها جامعات المدينة التعليمية تطلب الايلز او التوفل .. و .. Act او sat
و الجامعات البريطانية تطلب الايلز او التوفل

عيبنا ان الطالب ينتظر الى اخر دقيقه و يقدم الامتحانات المعيارية (المذكورة في الاعلى) مرة وحده و مستحيل يجيب الدرجة المطلوبة من اول مرة لان هالامتحانات في لها طريقة معينة للحل ولا تعتمد اعتماد كلي على ذكاء او مستوى الطالب فقط بل تعتمد بشكل رئيسي على ادارة الوقت و كيفية استغلال الوقت القصير في حل اكبر كمية من الاسئلة بشكل صحيح.

الطريقة الامثل للحصول على درجات عالية في مثل هذه الامتحانات هي الممارسة ثم الممارسة ثم الممارسة

الطالب يقدر يقدم هالامتحانات من الصف الحادي عشر و هالامتحانات تنطرح فوق العشر مرات في السنة في مراكز مختلفة يعني لو الطالب قدم ثلاث او اربع مرات في مرحلتين الحادي عشر و الثاني عشر بيفهم طريقة الامتحان و بيستفيد من اخطاءه و بيتعلم كيفية ادارة الوقت و بيكون عنده وقت كافي لاستيعاب هذي الامور و الحصول على الدرجة الكافية لقبوله في الجامعة قبل الوصول الى مرحلة الالتزام مع الدراسة في الصف الثاني عشر.

هذي بختصار الطريقة الصحيحة للحصول على درجات عالية في الاختبارات المعيارية الموحده

علما بأن جامعات المدينة التعليمية ليس لها شروط او حد ادنى لنتائج الامتحانات المعيارية لقبول الطلبة.. بل تبحث عن الطالب المميز و الدرجة المميزة فـ كل ما اتكون درجتك اعلى كل ما تكون مؤهل لدخول جامعات المدينة التعليمية لذلك عليك بممارسة الامتحانات و التقديم اكثر من مرة للحصول على الدرجة المميزة

و في النهاية نتمنى التوفيق لكل الطلبة

و اسف على الاطالة

[شيخ الديرة]

اذا تسمح لي اخوي شبح الصمت .. انا ضد هالفكرة

بما اني مسؤول تنظيم امتحانات معيارية

انا بقول لكم معلومه يجهلها اكثر الناس ,,

تقريبا كل الجامعات الامريكية و منها جامعات المدينة التعليمية تطلب الايلز او التوفل .. و .. Act او sat
و الجامعات البريطانية تطلب الايلز او التوفل

عيبنا ان الطالب ينتظر الى اخر دقيقه و يقدم الامتحانات المعيارية (المذكورة في الاعلى) مرة وحده و مستحيل يجيب الدرجة المطلوبة من اول مرة لان هالامتحانات في لها طريقة معينة للحل ولا تعتمد اعتماد كلي على ذكاء او مستوى الطالب فقط بل تعتمد بشكل رئيسي على ادارة الوقت و كيفية استغلال الوقت القصير في حل اكبر كمية من الاسئلة بشكل صحيح.

الطريقة الامثل للحصول على درجات عالية في مثل هذه الامتحانات هي الممارسة ثم الممارسة ثم الممارسة

الطالب يقدر يقدم هالامتحانات من الصف الحادي عشر و هالامتحانات تنطرح فوق العشر مرات في السنة في مراكز مختلفة يعني لو الطالب قدم ثلاث او اربع مرات في مرحلتين الحادي عشر و الثاني عشر بيفهم طريقة الامتحان و بيستفيد من اخطاءه و بيتعلم كيفية ادارة الوقت و بيكون عنده وقت كافي لاستيعاب هذي الامور و الحصول على الدرجة الكافية لقبوله في الجامعة قبل الوصول الى مرحلة الالتزام مع الدراسة في الصف الثاني عشر.

هذي بختصار الطريقة الصحيحة للحصول على درجات عالية في الاختبارات المعيارية الموحده

علما بأن جامعات المدينة التعليمية ليس لها شروط او حد ادنى لنتائج الامتحانات المعيارية لقبول الطلبة.. بل تبحث عن الطالب المميز و الدرجة المميزة فـ كل ما اتكون درجتك اعلى كل ما تكون مؤهل لدخول جامعات المدينة التعليمية لذلك عليك بممارسة الامتحانات و التقديم اكثر من مرة للحصول على الدرجة المميزة

و في النهاية نتمنى التوفيق لكل الطلبة

و اسف على الاطالة

مشاركة مهمة جدا وأتمنى كل ولي أمر اللي عنده أحد بالرابع الثانوي ياخذ علم بالأمر. بالنسبة لي, فأن أخر أبنائي أخذ السات 6 مرات, أول مرة في الصف الرابع الثانوي, وأخر مرة قبل التقديم للجامعة بشهرين.

شكرا faisalqatar على المشاركة, وأرجو منك السرد المفصل لكيفية التقديم وأن تكرر مثل هذه المشاركة للتذكير كل ثلاث أشهر, وأهم شي أطلب منك أن لا تعتذر للأطالة.

[faisalqatar]

مشاركة مهمة جدا وأتمنى كل ولي أمر اللي عنده أحد بالرابع الثانوي ياخذ علم بالأمر. بالنسبة لي, فأن أخر أبنائي أخذ السات 6 مرات, أول مرة في الصف الرابع الثانوي, وأخر مرة قبل التقديم للجامعة بشهرين.

شكرا faisalqatar على المشاركة, وأرجو منك السرد المفصل لكيفية التقديم وأن تكرر مثل هذه المشاركة للتذكير كل ثلاث أشهر, وأهم شي أطلب منك أن لا تعتذر للأطالة.

شكرا لك ردك اخوي الكريم

طريقة التقديم لهذه الامتحانات عن طريق الموقع الالكتروني الخاص بكل امتحان
هذا بالنسبة لـ التوفل و act و sat

اما الايلز التسجيل يكون في المعهد البريطاني او في كلية شمال الاطلنطي

و اعيد و اكرر ,, يا اولياء الامور اجبروا ابنائكم على تقديم الامتحانات المعيارية من الصف الحادي عشر و اجبروهم على التقديم عدة مرات ,, بتقولون لي الامتحان مكلف بقول لكم هذي مستقبل اولادكم وبناتكم و الدرجة المميزة ما تجي بسهوله وبما ان الطالب في الصف الحادي عشر عنده وقت فراغ اكثر من الصف الثاني عشر بحيث انه بيكون مركز على الدراسة للحصول على نسبة عالية.

و اي سؤال انا حاضر و ممنون

[شبح الصمت]

شاكر لكم مشاركاتكم القيمة

اخوي همر ما قصرت
مشاكل ما قصرت
شيخ الديرة ما قصرت

اخوي faisalqatar بيض الله وجهك على المعلومات القيمة ودعمك لموضوعي وتنوريننا على اشياء خفيه بالنسبة للكثير .. وتقبلك بسعة صدر ورحب انك تجاوب على كل الاسئلة ..

..

[Bo jassim 33]

نبي رابع ثانوي

وخامس

وسادس


سلوكيا


وتعليميا

[شبح الصمت]

نبي رابع ثانوي

وخامس

وسادس


سلوكيا


وتعليميا






شكلك تبي يسوون حملة علينا ..

هههههههههههههههههههاي

رابعا البحث جاري

سلوكيا وتعليما يبيله صراحة بس ما اسمعك يقطع


:protest:

[ام السعف]

شبح الدولة وفرت الجسر الاكاديمي واللي يعد بمثابة السنة 13 للطالب في المقاعد الدراسية

لكن هل الطلاب قد انهم يقدرون المسؤولية الواقعة عليهم ؟

اليوم لما اولياء الأمور ما يدركون اهمية السات والتوفل والايلتز الا لما
ولدهم يوصل الصف الثاني الثانوي او الثالث

اشلون ممكن الطالب هذا يحقق المطلوب منه ،،

المفروض الطالب هذا يستعد للاختبارات هذي من المرحلة الاعدادية

بنقول التعليم تعبان لكن في المقابل المدرسين الخصوصيين مب تعبانين
الاستثمار في العيال مهم جدا في المرحلة هذه وفي مثل هذا السن

[ام السعف]

:nice:




اخوي الجامعات الاخرى الاطلنطي والا جامعات المدينية التعليمية لو مهب نسبتك اوكي ما راح يدخلونك صح !!!

راح ادفع فلوس لاجل ادخل احنا نقول رابع ثانوي تمهيدي تمهيدي

الجسر يقبلونك ويسوون لك اختبار مستوى وتدخل الجسر يا شبح

عاد في الجسر هناك مستويات تلقى ناس في المستوى الأولى وناس
في المستوى الثالث،، ونوعية المادة الدراسية تختلف صعوبتها
باختلاف المستويات ،،

وتدري ان اللي يجتازون ويشدون على نفوسهم اغلب من المتسويات
المرتفعة اما اللي في المستويات النازلة يددشون سياحة ويطلعون :telephone:

[شبح الصمت]

شبح الدولة وفرت الجسر الاكاديمي واللي يعد بمثابة السنة 13 للطالب في المقاعد الدراسية

لكن هل الطلاب قد انهم يقدرون المسؤولية الواقعة عليهم ؟

اليوم لما اولياء الأمور ما يدركون اهمية السات والتوفل والايلتز الا لما
ولدهم يوصل الصف الثاني الثانوي او الثالث

اشلون ممكن الطالب هذا يحقق المطلوب منه ،،

المفروض الطالب هذا يستعد للاختبارات هذي من المرحلة الاعدادية

بنقول التعليم تعبان لكن في المقابل المدرسين الخصوصيين مب تعبانين
الاستثمار في العيال مهم جدا في المرحلة هذه وفي مثل هذا السن




الجسر يقبلونك ويسوون لك اختبار مستوى وتدخل الجسر يا شبح

عاد في الجسر هناك مستويات تلقى ناس في المستوى الأولى وناس
في المستوى الثالث،، ونوعية المادة الدراسية تختلف صعوبتها
باختلاف المستويات ،،

وتدري ان اللي يجتازون ويشدون على نفوسهم اغلب من المتسويات
المرتفعة اما اللي في المستويات النازلة يددشون سياحة ويطلعون :telephone:




ههههههههههههههاي
اضحك الله سنك
عجبني مقطع سياحة ويطلعون ..

لاجل كذا نقول لازم سنة اجبارية ما يفرطون ..

تسلمين على المشاركة من خبراتك الحياتيه يا ابلة ام السعف

[نوار قطر]

اقتراحك حلو وفي محله حق الطلاب والطالبات الي مستواهم ضعيف.. زين والباقي الي مستواهم ممتاز.. حرام تروح عليهم سنه من عمرهم.. اوكى صح ممكن انهم يستفيدوون اكثر .. بس بالنسبه لهم ممكن انها توفر عليهم وقت في دراستهم

[شبح الصمت]

اقتراحك حلو وفي محله حق الطلاب والطالبات الي مستواهم ضعيف.. زين والباقي الي مستواهم ممتاز.. حرام تروح عليهم سنه من عمرهم.. اوكى صح ممكن انهم يستفيدوون اكثر .. بس بالنسبه لهم ممكن انها توفر عليهم وقت في دراستهم




انزين ليش ما يكون في استبيان خلاص ما نبي سنة ,, 6 شهور ونشوف اشلون تقبلهم !!!!


:)

[ولد شرق]

غير مؤيد اخوي
دراسة اللغة في الخارج اسهل واضبط من اضافة سنه كامله من عمر الدراسه إلى الجدول
لأن لو خذ الأيلز وراح بعد يحتاج لغة اختصاصيه في التخصص اللي يرغب التسجيل فيه

بالعكس يروح ياخذ لغة بره ويكمل دراسته

اما اذا قصدك يضيفون سنه للي يبغي يستكمل دراسته في قطر فنعم انا معاك فيها

وشاكر لك...

[شمس]

وليش ما يكيفون الانجليزي خلال سنوات الدراسه الاربع عشر ً سنه ليعطوهم الايلز ثالث ثانوي

[تمحيص]

اقتراح ايجابي صراحه , لكن الطالب بامكانه بعد ما يخلص ثالث يلتحق في معاهد اللغة

هذا نفس دراسة سنه رابعه فالثانويه


أتوقع المجلس الاعلى ممكن يسخر افكار مثل كذا في عرقلة الطلاب

عينهم اللي يشوفون فيها غير عن عيون البشر :)

[العنيده]

او تنظم كماده تعليميه ويمتحنون فيها ..

[نوار قطر]

انزين ليش ما يكون في استبيان خلاص ما نبي سنة ,, 6 شهور ونشوف اشلون تقبلهم !!!!


:)

ممم اي 6 شهور معقوله وممكن الطالب ان يتقبلها :victory:

[مالي ومال الناس]

,,
لا اؤيد إضاعة سنة من عمر الطالب للتأسيس في اللغة الانجليزية بأسم مواكبة التطور

للعلم الشعب الياباني يكمل تعليمه العالي بالياباني وكذلك الالماني وكذلك الفرنسي .. فلماذا الشعب القطري لايكمل تعليمه العالي بلغته الخاصة ؟؟ وبعدها له الاختيار في أخذ اللغة كأمتيازات ومهارات إضافية .. خصوصا انه ملم في اللغة منذ تعليم الصغر

[تمحيص]

,,
لا اؤيد إضاعة سنة من عمر الطالب للتأسيس في اللغة الانجليزية بأسم مواكبة التطور

للعلم الشعب الياباني يكمل تعليمه العالي بالياباني وكذلك الالماني وكذلك الفرنسي .. فلماذا الشعب القطري لايكمل تعليمه العالي بلغته الخاصة ؟؟ وبعدها له الاختيار في أخذ اللغة كأمتيازات ومهارات إضافية .. خصوصا انه ملم في اللغة منذ تعليم الصغر


في بلادنا يجينا الالماني والفرنسي والياباني والكوبي
كبار مهندسين واداريين وإطباء لأن تعليمهم في بلادهم
مدعوم ومسهّل , فصاروا مطلوبين عندنا


لكن إذا الدولة سهلّت التعليم \ والتعليم العالي بدون تحسس
من اللغة

راح يختلف اتجاه دولة قطر كثيرا إلى الافضل ان شاءالله
بشعب متعلم ومثقف وواعي

[السحابة]

أخاف يسووووون مظاهرات عند المجلس الأعلي ههههههه

[ام السعف]

انزين ليش ما يكون في استبيان خلاص ما نبي سنة ,, 6 شهور ونشوف اشلون تقبلهم !!!!


:)

دام انك مصر على الموضوع

اشرايك يسوون لهم اختبار اجتياز السنة الرابعة :shy:

في بريطانيا الطالب اللي يدرس 13 سنة يتخصص على طول

من غير سنة تأسيسي لأنه تأسس في اخر سنتين في المدرسة

عندنا الطالب لو درس في قطر في نظام بريطاني
يكفيه 12 سنة ويحصل بعثة
عاد الجامعات ماتعطيه تخصص على طول لازم تأسيسي
يعني 13 سنة 13 سنة

بس الدراسة على مقاعد الجامعة غير عن الدراسة على مقاعد المدارس

صح يا عيال ولا لا ؟

وينهم مالهم راي ؟

[faisalqatar]

شاكر لكم مشاركاتكم القيمة

اخوي همر ما قصرت
مشاكل ما قصرت
شيخ الديرة ما قصرت

اخوي faisalqatar بيض الله وجهك على المعلومات القيمة ودعمك لموضوعي وتنوريننا على اشياء خفيه بالنسبة للكثير .. وتقبلك بسعة صدر ورحب انك تجاوب على كل الاسئلة ..

..


يشرفني اني اكون جزء من موضوعك اخوي الكريم و انا عندي معلومات كثيرة متأكد انها جديدة على الطالب و ولي الامر ولكن ما اقدر افصح عنها لان اخاف ادارة المنتدى تعتبر هالشي تسويق لجهة عملي و من ناحية اخرى اخاف جهة عملي لا تسمح بمثل هذه التصاريح .. خلني اتأكد من شغلي و من ادارة المنتدى و بعدين ممكن اكتب شرح مفصل لكيفية استفادة الطالب من وقته و تاهيله للامتحانات المعيارية ,,

تقبل مروري

[بصمة قطرية]

لا و ألف لااا يا شبح
شوف حال الأمهات اللي عندهم طلاب في ثالث :weeping:
السنه الجايه إن شاءالله ولدي في ثالث :(
أنتظر اليوم اللي تطلع فيه نتيجته و يكون ناجح بنسبة حلوة ..
ذا على الآيلز الله مكثر المعاهد و المراكز و المدرسين ..
بس بليز طلعونا من المدارس المستقلة خلاص إكتفينا
أشوف عيالي و هم يرجعون كل يوم من الإمتحان محبطين
يقولون يمه والله ندرس شي و الإمتحان يجينا شي ثاني
ما له علاقة و إذا إشتكينا و قلنا للمراقب هالشي ما درسناه
قال أنا ما لي شغل ..
الله يوفقهم و يوفق جميع الطلبة و الطالبات ،،