هدية النجاح

[لـبـيـه]

السلام عليكم ورحمة الله وبركاته

حبيت انقل لكم موضوع عجبني

هدية النجاح والتي يقدمها اهل واقارب الطالب والطالبه بعد نهاية الامتحانات ونجاحهم

وهذه الهدايا تختلف مع اختلاف اعمارهم ولدي بعض الاسئله لاخواني واخواتي حيال هذه الهدايا

هل انتم مع او ضد هذه الهدايا ؟

هل الهدايا مطلوبه وشيء ايجابي لتحفيز ابناءنا وبناتنا لمواصلة النجاح كل عام ؟


هل يتطلب اختيار الهديه بما يناسب وسن الطالب او الطالبه ؟


هل لبعض الهدايا المقدمه ايجابيات او سلبيات لدى بعض المهدى اليهم ؟

ونشوف ايش هديتك لاخوك او ابنك او بنتك في حال النجاح؟

اترك لكم اعزائي الكرام
الحوار والنقاش حول هذا الموضوع ....


وفق الله جميع ابناءنا وبناتنا وفرحنا جميعا بنجاحهم

[عاشق العديد]

مع وبقوه .. لانه لو ماعطيه هديا مابينجـح وهو يشد حيله عشان هالهديه مب عشان الدراسه ..

[سارونه]

هل الهدايا مطلوبه وشيء ايجابي لتحفيز ابناءنا وبناتنا لمواصلة النجاح كل عام ؟

نعم - الهدية هي عربون لتعب سنة كاملة تقدم من قبل الوالدين ..
وانا أؤيد تقديمها حتى يتم الفرح والسرور لدى الطالب .

[قطريه22]

متابعه بصمت

[مشاكل]

بالنسبة لي الهدية بتكون حق ام العيال اللي كرفت كرف طول السنه معاهم

[القبطان سلفر]

بالنسبة لي الهدية بتكون حق ام العيال اللي كرفت كرف طول السنه معاهم


اختيار موفق . فهي الجندي المجهول :nice:

[ضوى]

بصراحة في البداية كنت اعطيهم هدية للنجاح ، بس عقب صرت اقولهم اختاروا اللي تبون وانا اجيبه لكم ، وعقب طنشت فلسونا :) وغير هذا خلاص صار كل شي متوفر عندهم ماعاد يشدهم شي ، بس حاليا افكر اجيب هدية لولدي اذا جاب فوق الثمانين كرت الجزيرة صار له مدة يحن ويطحن عشان هالشي مغرم بالمباريات لذلك بافرحه بهالشي ، اما بنتي تبي حفلة اعزم فيها كل اللي تحبهم وتعزهم والله ينجهم يااارب وياخذون اللي يتمنونه من هدايا

[khalid Qtr]

الهدية تمثل حافز لمزيد من الجهد ..

لكن اتمنى ما تكون هدية النجاح للمراهق " سيارة " !

[مشاكل]

لكن اتمنى ما تكون هدية النجاح للمراهق " سيارة " !
صدقت !!!
هذا مثله مثل اللي اهدى ولده سكين او سلاح ،،،
نسأل الله ان يحفظ ابنائنا من كل شر وسوء

[لـبـيـه]

مع وبقوه .. لانه لو ماعطيه هديا مابينجـح وهو يشد حيله عشان هالهديه مب عشان الدراسه ..

يعني لو قلت له مافي هديه كني اقوله لاتنجح

طيب خل نقول انه مانجح لانه ماعطيناه هديه ايش ردة فعلك

عن نفسي العقال بيرتز وبيخطط اضهره :omen2:

[لـبـيـه]

هل الهدايا مطلوبه وشيء ايجابي لتحفيز ابناءنا وبناتنا لمواصلة النجاح كل عام ؟

نعم - الهدية هي عربون لتعب سنة كاملة تقدم من قبل الوالدين ..
وانا أؤيد تقديمها حتى يتم الفرح والسرور لدى الطالب .


انا اؤيد معاج :nice:

[حمد 2002]

الهديه ليست بقيمتها الماديه ولكن بمعناها ،،، يعني لو شخص يعطيك ورده :shy: لها اثر كبير على نفسك رقم انها يمكن بريالين :shy: ،،،

قال الرسول صلى الله عليه وسلم : " تهادوا تحابوا"

تحياتي لج ،، :victory:

[لـبـيـه]

متابعه بصمت

شلون بصمت وكتبتي متابعه

تناقض :tease:

[لـبـيـه]

بالنسبة لي الهدية بتكون حق ام العيال اللي كرفت كرف طول السنه معاهم

اشهد انك صادق

اقولك هي الي تنطر متى يخلصون الامتحانات اكثر منهم هههههه

[لـبـيـه]

بصراحة في البداية كنت اعطيهم هدية للنجاح ، بس عقب صرت اقولهم اختاروا اللي تبون وانا اجيبه لكم ، وعقب طنشت فلسونا :) وغير هذا خلاص صار كل شي متوفر عندهم ماعاد يشدهم شي ، بس حاليا افكر اجيب هدية لولدي اذا جاب فوق الثمانين كرت الجزيرة صار له مدة يحن ويطحن عشان هالشي مغرم بالمباريات لذلك بافرحه بهالشي ، اما بنتي تبي حفلة اعزم فيها كل اللي تحبهم وتعزهم والله ينجهم يااارب وياخذون اللي يتمنونه من هدايا

الله يحفضهم لك وان شاء الله تشوفهم فوق ال 99%

[لـبـيـه]

الهدية تمثل حافز لمزيد من الجهد ..

لكن اتمنى ما تكون هدية النجاح للمراهق " سيارة " !

تدري هلنقطه الي ابي اوصل لها للي يجبون مواتر للمراهق وماعنده ليسن بلفيت بطران

ومايبخل على ولده الله يهديهم بس

[مشاكل]

الهديه ليست بقيمتها الماديه ولكن بمعناها ،،، يعني لو شخص يعطيك ورده :shy: لها اثر كبير على نفسك رقم انها يمكن بريالين :shy: ،،،

قال الرسول صلى الله عليه وسلم : " تهادوا تحابوا"

تحياتي لج ،، :victory:

انا هدية النجاح حق عيالي بوسة وواجد عليهم هههه

[لـبـيـه]

الهديه ليست بقيمتها الماديه ولكن بمعناها ،،، يعني لو شخص يعطيك ورده :shy: لها اثر كبير على نفسك رقم انها يمكن بريالين :shy: ،،،

قال الرسول صلى الله عليه وسلم : " تهادوا تحابوا"

تحياتي لج ،، :victory:

زين شرايك نجرب خل حد من اخوانك ينجح وجيب له هديه ورده :nice:

خل نشوف ردة فعله :victory:

[Miss]

يستاهلون الهدايا هالجيل
يتعبون تعب من طول السنه والامتحانات اللي تهد الحيل

مع وبشده
والافضل تعرف نوع الهديه اللي يحبونها

الله يوفق عيالكم ويعطي امهاتهم الصبر:rolleyes2:
مساكين هالامهات كأنهم هم اللي يمتحنون مب عيالهم :(

[أسد الجزيرة]

بالنسبة لي الهدية بتكون حق ام العيال اللي كرفت كرف طول السنه معاهم

اتفق معاك

[قطريه ماركه]

نعم الطلاب يحتاجوون الهدايا لتكتمل فرحة النجااح

أفضل الهدية تكون مبلغ من المال

و الطالب يشتري اللي يحبه و يبغيه بهالمبلغ ...

[بونووف]

الهديه ليست بقيمتها الماديه ولكن بمعناها ،،، يعني لو شخص يعطيك ورده :shy: لها اثر كبير على نفسك رقم انها يمكن بريالين :shy: ،،،

قال الرسول صلى الله عليه وسلم : " تهادوا تحابوا"

تحياتي لج ،، :victory:

ههه لا يا حمد غلطان

تخيل انك تكرف طول السنه فالدوام ويقوم يعطيك مسؤلك ورده ويقولك شد حيلك السنه الجايه واجيب لك بوكيه ورد

[بونووف]

اشوف الطلاب يحتاجون هديه حالهم حال الموظف اللي يكرف طول السنه وينتظر البوونس السنوي او الزياده السنويه وكل ماكانت اكثر كل ماشد حيله وحط له هدف للسنه اللي بعدها
ف انا مع الهدايا مع انه ماعندي عيال في عمر الدراسه لكن دايما اعطي اخوي هديه اذا جاب نسبه حلوه واذا جاب نسبه اقل من اللي قبلها اعطيه شي بسيط يشده انه يرفع نسبته فالسنه اللي بعدها او الفصل الي بعده

[لـبـيـه]

يستاهلون الهدايا هالجيل
يتعبون تعب من طول السنه والامتحانات اللي تهد الحيل

مع وبشده
والافضل تعرف نوع الهديه اللي يحبونها

الله يوفق عيالكم ويعطي امهاتهم الصبر:rolleyes2:
مساكين هالامهات كأنهم هم اللي يمتحنون مب عيالهم :(

شاكر لج مشاركتج بلموضوع

[لـبـيـه]

اشوف الطلاب يحتاجون هديه حالهم حال الموظف اللي يكرف طول السنه وينتظر البوونس السنوي او الزياده السنويه وكل ماكانت اكثر كل ماشد حيله وحط له هدف للسنه اللي بعدها
ف انا مع الهدايا مع انه ماعندي عيال في عمر الدراسه لكن دايما اعطي اخوي هديه اذا جاب نسبه حلوه واذا جاب نسبه اقل من اللي قبلها اعطيه شي بسيط يشده انه يرفع نسبته فالسنه اللي بعدها او الفصل الي بعده

كفايه انهم يداومون اكثر من الموظفين لين 1.35 ويوصلون بيوتهم 2

[جارح]

موضوع في وقتة صراحة وتشكر عليه حيث له من التأثير النفسي في الابناء والبنات الكثير انا عن نفسي ماشي على هالموال منذ دخول ابنائي وبناتي المدرسة لاكني اعطيهم حرية الاختيار قبل الاختبارات بشهر اجلس معاهم واقولهم اختارو ماتريدون في حالة نجاحكم بشرط ان تكون المعدلات متفق عليها منذ البداية لا أنكر انني واجهت صعوبة في مسألة المعدل ولاكن اتجاوزها في اغلب الاوقات واوفر لهم ماطلبوه بشرط ان تكون طلباتهم في حدود المعقول والاخلاق والقيم والمبادئ بحيث لو طلب الصغير جهاز بي بي اواي جهاز اخر لايفيدة اتناقش معاه بالمنطق حتى يعدل عن رأية ويطلب شئ اخر ولم اكتفي بهذا بل حتى الصغار في رمضان قبل بدئه اجلس معاهم واحفزهم على الصيام قدر المستطاع على ان اقدم لهم هدية الصيام مع العيديه
الهدية شئ جميل ولها وقع في نفس الطفل والكبير ايضا بخلاف تحقيق المبتغى التي جلبت من اجله والتحفيز للتقدم

[لـبـيـه]

موضوع في وقتة صراحة وتشكر عليه حيث له من التأثير النفسي في الابناء والبنات الكثير انا عن نفسي ماشي على هالموال منذ دخول ابنائي وبناتي المدرسة لاكني اعطيهم حرية الاختيار قبل الاختبارات بشهر اجلس معاهم واقولهم اختارو ماتريدون في حالة نجاحكم بشرط ان تكون المعدلات متفق عليها منذ البداية لا أنكر انني واجهت صعوبة في مسألة المعدل ولاكن اتجاوزها في اغلب الاوقات واوفر لهم ماطلبوه بشرط ان تكون طلباتهم في حدود المعقول والاخلاق والقيم والمبادئ بحيث لو طلب الصغير جهاز بي بي اواي جهاز اخر لايفيدة اتناقش معاه بالمنطق حتى يعدل عن رأية ويطلب شئ اخر ولم اكتفي بهذا بل حتى الصغار في رمضان قبل بدئه اجلس معاهم واحفزهم على الصيام قدر المستطاع على ان اقدم لهم هدية الصيام مع العيديه
الهدية شئ جميل ولها وقع في نفس الطفل والكبير ايضا بخلاف تحقيق المبتغى التي جلبت من اجله والتحفيز للتقدم

جزاك الله خير

شاكر لك مرورك ورايك القيم

[تحداني]

بالنسبة لي الهدية بتكون حق ام العيال اللي كرفت كرف طول السنه معاهم


اختيار موفق . فهي الجندي المجهول :nice:


اتفق معاك




بارك الله فيك يا اخوي " مشاكل " والله ينور طريقك

لما انروح الجامعه كانت الوالده تنتظر في مصلى النساء خاصه لما يكون عندنا محاضرتين او ثلاث .. ولما ارد لها ألقاها طايره من الفرحه .. كنت اوقات اعتذر وما اروح هالمحاضره
لان ما ابي اتعبها ولا ابيها تنتظر لاني في المحاضره وبالي معاها
هالاحساس خلاني اتخرج من الجامعه بإمتياز مع العلم مستواي في الثانويه في الثمانينات
هذا كله عشان الوالده

في حفله التخرج كرموا بس المتفوقين وقالوا بس الشيخه موزا راح اتسلم عليهم
وعطوني يومها ساعه من المفتاح ودرع ..

لليوم اقول لها اعظم هديه نجاح يجب ان تعطى للأم فقط
هي الي اتعبت وهي الي علمت وهي الي درست
هي الي ضحت ابكل شي عشان اخر الشهر ناخذ احنه الراتب
ونوصل احنه للمناصب
والشباب عشان يصرفون على حريمهم

لكن اقسمت قسم الى يوم الدين ان مافي راتب ينزل لي الا وللوالده شئ منه حتى لو ملكت ملايين العالم .. والشباب نفس الشي

كل خطوه نخطيها في الدنيا بسببها
وكل نجاح حققناه منها
وكل منصب وصلنا له منها
وكل درجه كبيره اوصلوا لها اخواني منها

اخر هديه من اخوي محمد كانت سياره للوالده
والسياره ما تسوى ظفر رجلها واتراب اطراف اصابعها


غير الام لا احد يستحق الهديه

وبعدها نهدي الاعيال اذا اثبتوا جدارتهم

الله يرزقنا برهم الى اخر نفس في هالحياه
اللهم آمين

[ام السعف]

الهديه ليست بقيمتها الماديه ولكن بمعناها ،،، يعني لو شخص يعطيك ورده :shy: لها اثر كبير على نفسك رقم انها يمكن بريالين :shy: ،،،

قال الرسول صلى الله عليه وسلم : " تهادوا تحابوا"

تحياتي لج ،، :victory:

:eek5:

الحين الطالب اشعرفه بوردة من امه :(


المهم

مع تقديم الهدايا ،، لكن بعد مع التدقيق على مستوى الدرجات
فمثلا هو شاطر نقول في اللغة العربية لكن تقييمه نزل بشكل ملحوظ
وباقي المواد محافظ على مستواه ويمكن اعلى بعد ،،

النتيجة
مافي هدية ولو اضطريت اعطيه هدية ما تكون متساوية مع غيره فلو مثلا
اخته خذت 500 هو 100 واذا اعترض على ال 100 سحبتها
منه وخليته من غير 100 فيسكت ويتحسف :telephone:

[بصمة قطرية]

أودي عيالي المحل اللي يبونه
و كل واحد ياخذ له هدية على ذوقه
يستاهلون و هذا تقدير لنجاحهم ،،
من يجيبون الشهادات يسألوني متى بمروح ناخذ هدايا
دامهم فرحوني بالنجاح والدرجات الحلوة أفرحهم بالهدايا ..

[cavok]

هديتهم معروفة بتكون lasvegas ومنها الي orlando

[sos_z]

***مع الهدية اكيد..
***عنده 3 اختيارات انا احطهم=يختار واحد..
***اذا يبي اختيار من عنده فبشرط= اجيب له كتب السنة الجاية واخليه يدرس ساعتين باليوم /5ايام بالاسبوع =اثناء فترة الاجازة الصيفية وكتبه معانا وين مانروح.

[alsoq]

افضل هديه العمره وكم يوم في الطائف
هذي احلى هديه

[khalid525]

هديتهم معروفة بتكون lasvegas ومنها الي orlando

لاس فيغاس :eek5: ؟؟؟؟؟
اها يمكن قصدك ترانزيت

[لـبـيـه]

شاكر لكم مروركم

[لاجل QT]

الهدايا تفرح القلب

تهادو تحابو

غير انها تقرب القلوب وتزرع المودة

والعيال اولى بالهدايا اذا انجحو..منها تشجيع ومنها ثمرة لجهدهم وصبرهم على مواد المجلس الاعلى اللى تغث

يستاهلون عيالنا

[أبو راكان]

الحمد لله مافي شي ناقصهم
والله مدري وش اهديهم ؟ :rolleyes2:

[لبيبة]

الحمد لله مافي شي ناقصهم
والله مدري وش اهديهم ؟ :rolleyes2:
نفس الحال يا ابو راكان، بالتالي ابي تساعدوننا في اقتراحات لهدايا النجاح.

[لبيبة]

الهديه ليست بقيمتها الماديه ولكن بمعناها ،،، يعني لو شخص يعطيك ورده :shy: لها اثر كبير على نفسك رقم انها يمكن بريالين :shy: ،،،

قال الرسول صلى الله عليه وسلم : " تهادوا تحابوا"

تحياتي لج ،، :victory:
ما شاء الله، يكرف ويكرف وآخر السنة تعطيه وردة؟!!! هل الهدية على قدر المجهود؟!!!

ارحمه بس من الصدمة :secret:

[MAZEN37]

هدية النجاح مالها طعم هالايام
ما في تعب ومجهود للطالب اغلبهم يلعبون طول السنه ورقاد وغياب وتلفونات
واجازات وغش بالامتحانات
هدايا النجاح هالايام نوع من البذخ
الاولاد يطلبون الي يبونه وياخذونه في اي وقت
الله يرحم ايام سيكل السباق هدية نجاحنا هههه

[حياة]

كل شي عندهم متوفر هذاك مال اول يوم الكرف والدراسه
اما الحين طول السنه لعبه مااحسهم يدرسون من قلب
بالنسبه لي الهديه الكبيره حق ثالث ثانوي
والمراحل الباقيه طول السنه يتشرون

[لـبـيـه]

الهدايا تفرح القلب

تهادو تحابو

غير انها تقرب القلوب وتزرع المودة

والعيال اولى بالهدايا اذا انجحو..منها تشجيع ومنها ثمرة لجهدهم وصبرهم على مواد المجلس الاعلى اللى تغث

يستاهلون عيالنا

اما من ناحية صبرهم على مواد وقرارات المجلس الاعلى فجبتها صح والله

يستاهلون هديه بس لانهم صابرين على تجارب هيئة التعليم والمجلس الاعلى فيهم

[لـبـيـه]

الحمد لله مافي شي ناقصهم
والله مدري وش اهديهم ؟ :rolleyes2:

يمدحون دزني لاند :victory:

[لـبـيـه]

هدية النجاح مالها طعم هالايام
ما في تعب ومجهود للطالب اغلبهم يلعبون طول السنه ورقاد وغياب وتلفونات
واجازات وغش بالامتحانات
هدايا النجاح هالايام نوع من البذخ
الاولاد يطلبون الي يبونه وياخذونه في اي وقت
الله يرحم ايام سيكل السباق هدية نجاحنا هههه

http://i3.ytimg.com/vi/Ns0JNFEN3uk/mqdefault.jpg

[لـبـيـه]

كل شي عندهم متوفر هذاك مال اول يوم الكرف والدراسه
اما الحين طول السنه لعبه مااحسهم يدرسون من قلب
بالنسبه لي الهديه الكبيره حق ثالث ثانوي
والمراحل الباقيه طول السنه يتشرون

صدقيني لو تفتحين كتاب واحد من الي يدرسونه بتحسين بتعبهم

لو تقرين ورقه وحده من الاختبارات الوطنيه بتعرفين انهم في معاناه

[w.qatar]

حسب اذا نتايجهم ممتازه كل واحد له هديته اللي يتمناها اما اذا المستوى مش حالك مالهم الا كيكة ومع السلامة

[بو خليفه 123]

يعتمد اذا ولد او بنت ف الرغبات تختلف في نوعية الهدايا ..

يفضل ان تكون هدية نجاح الثانويه رمزيه و ليست سياره او ما شابه , و ذلك لتحفيز الطالب على البذل من المزيد من الجهد . بصراحه امر في صراع مع هذه النوعيه من المواضيع عندما افكر في ابنائي و اقارن افعالي في ابي ايام المراهقه و اقارنها مع طريقة تربيتي لهم

اذكر يوم اني نجحت في ثاني ثانوي أنا اهديت نفسي سيارة البيت :shy:

[طير]

الله يرحم ايام السياكل .. حتى الهدايا كانت ايجابية منها رياضة بدنية

[لـبـيـه]

شكرا على المرور

[شبح الصمت]

بارك الله فيك يا اخوي " مشاكل " والله ينور طريقك

لما انروح الجامعه كانت الوالده تنتظر في مصلى النساء خاصه لما يكون عندنا محاضرتين او ثلاث .. ولما ارد لها ألقاها طايره من الفرحه .. كنت اوقات اعتذر وما اروح هالمحاضره
لان ما ابي اتعبها ولا ابيها تنتظر لاني في المحاضره وبالي معاها
هالاحساس خلاني اتخرج من الجامعه بإمتياز مع العلم مستواي في الثانويه في الثمانينات
هذا كله عشان الوالده

في حفله التخرج كرموا بس المتفوقين وقالوا بس الشيخه موزا راح اتسلم عليهم
وعطوني يومها ساعه من المفتاح ودرع ..

لليوم اقول لها اعظم هديه نجاح يجب ان تعطى للأم فقط
هي الي اتعبت وهي الي علمت وهي الي درست
هي الي ضحت ابكل شي عشان اخر الشهر ناخذ احنه الراتب
ونوصل احنه للمناصب
والشباب عشان يصرفون على حريمهم

لكن اقسمت قسم الى يوم الدين ان مافي راتب ينزل لي الا وللوالده شئ منه حتى لو ملكت ملايين العالم .. والشباب نفس الشي

كل خطوه نخطيها في الدنيا بسببها
وكل نجاح حققناه منها
وكل منصب وصلنا له منها
وكل درجه كبيره اوصلوا لها اخواني منها

اخر هديه من اخوي محمد كانت سياره للوالده
والسياره ما تسوى ظفر رجلها واتراب اطراف اصابعها


غير الام لا احد يستحق الهديه

وبعدها نهدي الاعيال اذا اثبتوا جدارتهم

الله يرزقنا برهم الى اخر نفس في هالحياه
اللهم آمين




جعل من جابك الجنه

[تحداني]

يمدحون دزني لاند :victory:



صباح الخير على الجميع
اليوم العرض ان شاء الله .. والتذاكر جدا غاليه
وسمعت امس عند هلي انهم خذوا التذاكر مجانيه لاعيالهم من دواماتهم
واعتبره هذا ظلم .. ناس تشتري وناس تحصلها عربون محبه



يعتمد اذا ولد او بنت ف الرغبات تختلف في نوعية الهدايا ..

يفضل ان تكون هدية نجاح الثانويه رمزيه و ليست سياره او ما شابه , و ذلك لتحفيز الطالب على البذل من المزيد من الجهد . بصراحه امر في صراع مع هذه النوعيه من المواضيع عندما افكر في ابنائي و اقارن افعالي في ابي ايام المراهقه و اقارنها مع طريقة تربيتي لهم

اذكر يوم اني نجحت في ثاني ثانوي أنا اهديت نفسي سيارة البيت :shy:




يالس اتقارن شي ما يتقارن
ووووووين ايامك ووين ايا هالكتاكيت
اظاهر مب قادر تتقبل عمرك الحقيقي ..


موزحه لا تقلبونها جد :shy:

[لاجل QT]

اما من ناحية صبرهم على مواد وقرارات المجلس الاعلى فجبتها صح والله

يستاهلون هديه بس لانهم صابرين على تجارب هيئة التعليم والمجلس الاعلى فيهم

ههههههههههههه

عيالي الصغار يقولون لي طلعينا من المدرسة ووااايد درسنا مافي راحة..مهب حلوة الدراسة

اقولهم ومن مرتاح اساسا مع هالغثا:(

[لاجل QT]

هدية النجاح مالها طعم هالايام
ما في تعب ومجهود للطالب اغلبهم يلعبون طول السنه ورقاد وغياب وتلفونات
واجازات وغش بالامتحانات
هدايا النجاح هالايام نوع من البذخ
الاولاد يطلبون الي يبونه وياخذونه في اي وقت
الله يرحم ايام سيكل السباق هدية نجاحنا هههه

اي والله

كل شي عندهم

قاعدة افكر شايب لهم شاسوي لهم:discuss:

مدري والله شايب لهم؟؟:(

[بوجبر]

بنتي الغالية ان جابت المجموع السنع في الثانوية العامة لهذي السنة


تبشر بسعدها اي شي تطلبة وغالي والطلب رخيص...

[حماد الدغيمان]

الهدايا شي رمزي كنوع من التقدير على مجهودهم وحافز لهم ولكن ما يحتاجون الى الهدايا يكفي انه يعرفوا طريقهم الصحيح ويصحوا على انفسهم لانه هذا في مصلحتهم ولصالحهم وهذا النجاح نجاح لهم بالدرجة الاولى وبداية مستقبل لهم

[هدهود]

بنظري الهديه مطلوبه ولكل الاعمار وما يهم قيمتها انا عيالي كل واحد طلبني شي اللي تبي كاميرا ووحده تبي باربي وولدي يبي سيارة وفوق كل هاي خاطرهم بحفله وماراح اردهم بونسهم دام يدرسون وبينجحون

[المبرمج صلاح]

اتفق مع الاخوان والاخوات ان الهدية مطلوبة لكل طالب حتى الجامعي منهم
عن نفسي وعدت اختي واخوي الصغيرين لهم كل واحد جهاز لاب توب من اخوهم الكبير
اذا جابو النتيجة اللي في بالي

الله يوفق ويحفظ اولادنا واولادكم الطلاب ما تتخيلون فرحتهم بالهدية وفرحتنا بنجاحهم

[بو خليفه 123]

صباح الخير على الجميع
اليوم العرض ان شاء الله .. والتذاكر جدا غاليه
وسمعت امس عند هلي انهم خذوا التذاكر مجانيه لاعيالهم من دواماتهم
واعتبره هذا ظلم .. ناس تشتري وناس تحصلها عربون محبه







يالس اتقارن شي ما يتقارن
ووووووين ايامك ووين ايا هالكتاكيت
اظاهر مب قادر تتقبل عمرك الحقيقي ..


موزحه لا تقلبونها جد :shy:



عندي اثبات و دليل ان عمري ماتعدى ال 25 . عندي صوره ارشيفيه لكيكة عيد ميلادي عليها شمعه رقم 23 من 6 شهور :shy:

[تحداني]

عندي اثبات و دليل ان عمري ماتعدى ال 25 . عندي صوره ارشيفيه لكيكة عيد ميلادي عليها شمعه رقم 23 من 6 شهور :shy:




صباح الخير من هنا .. من قلب الهدايا
ومن عبق النجاح .. ومن امام مشهد خلاب


تعال لنبكي على الأطلال اخوي بوخليفه
ما احتاج اثبات .. عمرك الافتراضي انتهى ,, انت الان تعيش العمر الحقيقي
لازم تتقبل نفسك :(

جملكم الله جميعا برضاه

[ام السعف]

هدية النجاح مالها طعم هالايام
ما في تعب ومجهود للطالب اغلبهم يلعبون طول السنه ورقاد وغياب وتلفونات
واجازات وغش بالامتحانات
هدايا النجاح هالايام نوع من البذخ
الاولاد يطلبون الي يبونه وياخذونه في اي وقت
الله يرحم ايام سيكل السباق هدية نجاحنا هههه

تقصد سياكل الـ BMX

http://www.geardcycles.com.au/images/bmx_bike_kink.jpg