يا مجلس الاعلى انتم في تخبط في تخبط!!!!

[ابن الرومي]

يامجلس الاعلى انتم من
هل من كوكب اخر
هل درستم في قطر او من المريخ
انتم المتخرجين من المدارس الحكومية والجامعات يا موظفي المجلس الاعلى
هل صادفتكم هذه الاسئلة
لماذا هذا التعقيد للطلاب

ما وضعتوه من اسئلة تحير طلاب المدارس
هل يعقل ان يتم توزيع اواراق المراجعة بموقعكم
ونقوم نحن بتدريسهم ونفاجاء ان الاسئلة لا تاتي منها
الا بنسبة 25%
وكلنا نثق قبل بقرارتكم وطريقتكم لنشر المراجعات بموقعكم
وكنا فرحين
يجب محاسبة هذه الجهة المسؤوله عن تشتت الطلاب

هل انتم تؤيدون توصل ابنائنا الى التعقيد

[بنت النعيم]

تصرفهم واضح ... ما يبون عيالنا يوصلون للمناصب العليا

يكتفون بالثانويه .. والوظائف الجينير ...

ويخلون المناصب والوظائف العليا للاجانب .. بحجه ان عيالنا ما عندهم شهادات ...

[ورد الدوحه]

الطالب مشتت بين كتابين الفصل الأول والثاني وبين أوراق المراجعة والتي يصل عددها أكثر من خمسين ورقة وبين النماذج التي تم وضعها في موقع المجلس الأعلى

[تحداني]

التعليم مات من زمان
واندفن في تلك المقابر الجماعيه
ابنوا مستقبل اعيالكم بنفسكم ولا ما راح يرحمونكم من العتاب لما يكبرون


:(

[kitmat]

لا والشي اللي ماتعرفونه ان الامتحان مسوين منه ثلاث نماذج تخيلو طلاب الصف الرابع ورايح لكل مادة ثلاث نماذج يعني ١-٢-٣ علشان مايغشون وين طلاب الصف الرابع مساكين يغشون وفي مراقبتين ولا من مدارس مختفه ولجان وعفيسة كأن امتحان ثانوية والله طلعت عيونا في التصيح مع الثلاث نماذج المختلفة من كل امتحان كل سنه المجلس الاعلى يطلع لنا فنتك جديد واللى اللقاء السنه الجاية مع فنتك أخر من فناتك المجلس الاعلى

[Miss]

تخبط في تخبط
محد ضايع غير الطلاب
حسبي الله ونعم الوكيل

[لاجل QT]

اختبار الاجتماعيات جة صعب وااايد عيالى ماسوو فية زين مع انى مدرستهم من اللاوراق مالت المجلس

يقولون ماجانا شي من اللى درسناه حاطة يدي على قلبي من النتيجة

اشقاعد يسوي فينا المجلس وفي عيالنا

الله يستر بس

[لبيبة]

لا والشي اللي ماتعرفونه ان الامتحان مسوين منه ثلاث نماذج تخيلو طلاب الصف الرابع ورايح لكل مادة ثلاث نماذج يعني ١-٢-٣ علشان مايغشون وين طلاب الصف الرابع مساكين يغشون وفي مراقبتين ولا من مدارس مختفه ولجان وعفيسة كأن امتحان ثانوية والله طلعت عيونا في التصيح مع الثلاث نماذج المختلفة من كل امتحان كل سنه المجلس الاعلى يطلع لنا فنتك جديد واللى اللقاء السنه الجاية مع فنتك أخر من فناتك المجلس الاعلى
تقدرون تطلعون لنا وشو الاسئلة؟ اللي امتحن عندنا صغار ما يعرفون وشو الاسئلة اللي جاتهم :(
ما عرفت الا سؤال صوت الحمار :secret:

[ابن الرومي]

لازم الدولة تضع حل مع العباقرة
بالمجلس الاعلى وتحاسبهم

تراهم لاعبين لعبتهم على اعيالنا
ويتفنون بتصعيب الامتحانات

خل نمسك واحد من الى حطوا الاسئلة
ولكن في خير يجاوب على الاسئلة

اتحداها انه ما يعرف يجاوب

ان في البيت ادرس اعيالي ماشاء الله يحلون الاسئلة
بس ان الاسئلة الامتحان تجي من كوكب اخر هذا شي غريب

[BuFaisal]

تصرفهم واضح ... ما يبون عيالنا يوصلون للمناصب العليا

يكتفون بالثانويه .. والوظائف الجينير ...

ويخلون المناصب والوظائف العليا للاجانب .. بحجه ان عيالنا ما عندهم شهادات ...

:victory:

[ANONYMOUS]

اذا الخطأ من المنهج المدرسي

طالما طول السنه يدرسون شي و في الامتحانات شي آخر

[سكون الليل]

لجان تشكل وتكلبف وووو.......وأموال تهدر
تحبط x تخبط
والضحية مستقبل جيل
حسبنا الله ونعم الوكيل

[ام السعف]

اذا الخطأ من المنهج المدرسي

طالما طول السنه يدرسون شي و في الامتحانات شي آخر

أحنا لما نقول ان هناك فراغ كبير ما بين البيت والمدرسة

راح نكتشف هالشي من خلال هالموضوع ،،

اولا :
الاختبارات الوطنية تكون من المنهج الدراسي ومب الملازم او
النماذج اللي يدربون الطلاب عليها ،،

النماذج هذي تكون نسخ لامتحانات سابقة يطلب من الطالب
التعرف عليها علشااااااااااان يعرف اسلوب الامتحان مب يدرسه
للامتحان ،،

فاللي يدرس من المنهج بيعرف يحل ،،

احدى الطالبات صرحت امس ان هالاختبارات ما تبي دراسة بمعنى دراسة
تبي فهم للمنهج ،، ان كان هناك شي لازم ينحفظ ففهم المنهج افضل
من دراسته ليل نهار ،،

فهل الطالب يستوعب شنهو يعني يفهم المنهج ؟
هل بيفهم شنهو يعني يلقى مرات الاجابة مابي خبايا الاسئة
بس لأنه مب فاهم ما يعرف يحل !!!

وشكرا لكم

[ام السعف]

لا والشي اللي ماتعرفونه ان الامتحان مسوين منه ثلاث نماذج تخيلو طلاب الصف الرابع ورايح لكل مادة ثلاث نماذج يعني ١-٢-٣ علشان مايغشون وين طلاب الصف الرابع مساكين يغشون وفي مراقبتين ولا من مدارس مختفه ولجان وعفيسة كأن امتحان ثانوية والله طلعت عيونا في التصيح مع الثلاث نماذج المختلفة من كل امتحان كل سنه المجلس الاعلى يطلع لنا فنتك جديد واللى اللقاء السنه الجاية مع فنتك أخر من فناتك المجلس الاعلى



يعني وزعوا ثلاث نماذج على الطلاب بشكل عشوائي ؟

[ام السعف]

اختبار الاجتماعيات جة صعب وااايد عيالى ماسوو فية زين مع انى مدرستهم من اللاوراق مالت المجلس

يقولون ماجانا شي من اللى درسناه حاطة يدي على قلبي من النتيجة

اشقاعد يسوي فينا المجلس وفي عيالنا

الله يستر بس

لأجل قطر

بالنسبة لي في المنتدى اهنيه نزلت موضوع عن هالاختبارات
وذكرت فيه ان الاختبارات من الكتب مب من الأوراق اللي
وزعوها على الطلاب ،،

واعتقد كانت لي مشاركة ارد فيها عليج اوضح هالشي ،،

نعيد ونكرر

الاختبارات من الكتب مب من الأوراق
الأوراق هذي نماااااااااااااااااذج للاطلاع على اسلوب الاختبار فقط
ومب شرط كل مافي الأوراق يدخل في الاختبار ،،

فتداركوا الموقف مع الاختبارات الياية ،،

وهالشي نعرفه من زمان مب من اليوم او امس
والموضوع الموجود في المنتدى له اكثر من شهر
،،

والله يوفق كل الطلاب ان شاءالله ،،

[moonبنتnight]

أنا اشوفها سالفة مناحس بس 00
المدارس تناحس المجلس والمجلس يناحس المدارس وبعدين المدارس تناحس اولياء الامور وأولياء الامور تناحس المدارس عشان نرفع شكوى على المجلس ونقول متخبط وآخرت المطاف عيالنا كلوها 000
والله حرام 00 جدام عيني المدارس اي شي تبونه اشتكوا 00 اشتكوا 00 ليش اذا أشتكينه بسكورن المدارس ولا المجلس 00 قوموا بواجبكم والله أن الاسئلة لو جت من خارج المنهج بكون سؤالين مو أكثر لكن التقصير كله من المدارس المستلقة 00 حرب عصابات بالعربي 00

[ابن الرومي]

الامتحانات من 5 صفحات لاين 20 صفحة
شنو كاتبين
في الجامعة ما ناخذ هذا الكم من الاسئلة اذا كثروا صفحتين واختياري بعد
ولا اسئلة معقدة ومشتته
الطالب اذا فتح ورقة الامتحانات ينصدم
ومن وين يبدا وشلون يحل وحالة كبيرة من التوتر والارق

[ام السعف]

الامتحانات من 5 صفحات لاين 20 صفحة
شنو كاتبين
في الجامعة ما ناخذ هذا الكم من الاسئلة اذا كثروا صفحتين واختياري بعد
ولا اسئلة معقدة ومشتته
الطالب اذا فتح ورقة الامتحانات ينصدم
ومن وين يبدا وشلون يحل وحالة كبيرة من التوتر والارق


نموذج العلوم للصف الرابع كان عبارة عن 34 صفحة

لما الطالب يقعد خلال شهر قبل الاختبار يحل هالنموذج
وينقال له في البيت ترى الاختبار بييك بنفس عدد الصفحات او اكثر
وانت شاطر لأنك فاهم المنهج ولا تعتمد على هالاوراق
وفكر وانت تحل وتذكر اللي درسته ،،

اعتقد الطالب بيستوعب شنهو يعني اختبار ب 40 صفحة
مب 34 صفحة حتى ،

[qtr-woow]

الحمدلله على كل حال

[بيرق_المجد]

التخبط واضح والحل ياجماعه مع المجلس الاعلى اعيالى وعيالكم اكيد مرو في نفس المشكله الاختبارات الوطنيه على اربعين وخمسين ورقه اكيد الاسئله راح تطلع من الماده يمكن يجيه سوال لعبت كوره في بطن امك اتوقع منهم اسئله ماله داعي المهم التخبط واضح انا متكد ان مستوى الذكاء عند الطلاب المستقله انه نزل ماهوب نفس ايام وزارة التعليم الله يرحمها والله اناس متفوقين وعارفين ويش لهم ويش عليهم الحين الله المستعان كل يوم قرار اتعبت نفسيت هل قطر من ذا التصرفات العشوائية

[ورد الدوحه]

اليوم في اختبار اللغة العربية الاستماع جميع السيديات التي تم وضعها في المسجل صوتها منخفض جداً لدرجة إن الطالب لايسمع شئ من المحادثات وقاموا بحل الأسئلة بشكل خاطىء والسبب عدم وضوح الصوت
من الذي يتحمل المسئولية؟ وعندما طلبنا من المسئولة في المجلس الأعلى قراءة الفقرات للطلاب قالت ممنوع
وتم إعادة السي دي عدة مرات ولكن دون فائدة بسبب رداءة الصوت وآلة التسجيل ؟؟؟ حتى صوت العواصف في خارج الصف كان أقوى من صوت المسجل وعندما أردنا إغلاق الباب قالت المسئولة أيضا ممنوع...

[حـ ن ـيـ ن]

أحنا لما نقول ان هناك فراغ كبير ما بين البيت والمدرسة

راح نكتشف هالشي من خلال هالموضوع ،،

اولا :
الاختبارات الوطنية تكون من المنهج الدراسي ومب الملازم او
النماذج اللي يدربون الطلاب عليها ،،

النماذج هذي تكون نسخ لامتحانات سابقة يطلب من الطالب
التعرف عليها علشااااااااااان يعرف اسلوب الامتحان مب يدرسه
للامتحان ،،

فاللي يدرس من المنهج بيعرف يحل ،،

احدى الطالبات صرحت امس ان هالاختبارات ما تبي دراسة بمعنى دراسة
تبي فهم للمنهج ،، ان كان هناك شي لازم ينحفظ ففهم المنهج افضل
من دراسته ليل نهار ،،

فهل الطالب يستوعب شنهو يعني يفهم المنهج ؟
هل بيفهم شنهو يعني يلقى مرات الاجابة مابي خبايا الاسئة
بس لأنه مب فاهم ما يعرف يحل !!!

وشكرا لكم

:nice:

[حـ ن ـيـ ن]

مثال لبعض الأسئلة الصف الخامس :
الرياضيات :

3/4 في الصورة العشرية

الإجابة إختيارات من ضمنهم 0.75

مثلث متساوي الضلعين ومطلوب إحدى زوايا القاعدة

مثلث قائم الزاوية وإحدى زواياه معلومة والثالثة مجهولة

اللغة الإنجليزية

صورة فيها إمرأة تشاهد التلفاز ورجل يقرأ الكتاب وطفل يلعب بلعبة

مطلوب منه كتابة جمله على كل من الأشخاص

وسؤال صورتان ونختار الكلمات المناسبة

صورة سلم وبيضة مكسورة

القواعد :
جملة تدل على الماضي والطالب يختار الفعل المناسب ...

الكتابة :

اكتب عن الطعام المفضل ولماذا وأين .....

وغيرها من الأسئلة

الأسئلة سهلة ومن المنهج

[التيما]

الأسئلة ثلاث نماذج صحيح لكن نفس الأسئلة بس مغيرين أماكن الأسئلة .. ابي اعرف هي ثانوية عامة !!! حسبي الله عليكم من مجلس خبرنا امتحان موحد في الثانوية العامة بس صار الموضوع من رابع للثانوية !! ليش !!!! وعشان وشو !!! والله ثم والله ثم والله في غش وتغشيش وعيني عينك شتبون بعد !!! شوفة عيني المدرسات يساعدون الطلاب والطالبات !! مدرس دخل الصف كتب الحل في مسألة رياضيات عالسبورة وقال للطلاب حلوا ومسح الحل !!!!
خلاص يا هيئة التقييم محاولاتكم فاشلة لانها غلط في غلط .. مصخرتوا في أنفسكم صراحة ..

[التيما]

اليوم في اختبار اللغة العربية الاستماع جميع السيديات التي تم وضعها في المسجل صوتها منخفض جداً لدرجة إن الطالب لايسمع شئ من المحادثات وقاموا بحل الأسئلة بشكل خاطىء والسبب عدم وضوح الصوت
من الذي يتحمل المسئولية؟ وعندما طلبنا من المسئولة في المجلس الأعلى قراءة الفقرات للطلاب قالت ممنوع
وتم إعادة السي دي عدة مرات ولكن دون فائدة بسبب رداءة الصوت وآلة التسجيل ؟؟؟ حتى صوت العواصف في خارج الصف كان أقوى من صوت المسجل وعندما أردنا إغلاق الباب قالت المسئولة أيضا ممنوع...

كلامج صحيح الصوت ضعيف بس وحياتج اني عدته لهم مرتين .. ووضحت لهم بعض الألغاز اللي كانت موجودة ..

[ود الديرة]

يمكن الكلام في جانب موجود وهو انا مو متعودين على هذه الأمور لحد الان مع اننا صار لنا كم سنة يطبق عندنا ، أعتقد لازم نعيد حسابتنا عشان اليهال يتعلمون صح ، أحب أعرف لأني خارج الميدان من فترة هل يتم احتساب جميع الدرجات على الاختبار الشامل ؟ إذا كان نعم معاكم حق إذا لا كم ؟ أذا نسبة بسيطة نصيحتي خلهم يمتحنون ونشوف
شخصيا ما احب الحنة:) اللي ينجح ينجح مستحيل هم يبون الطلبة يسقطون مو لصالحهم
وبعدين البنات ماشالله عليكم ماكلين الكتب اكل :( ما يهمكم صعب ولاسهل

[ود الديرة]

انا قلت ماشالله

[kitmat]

يمكن الكلام في جانب موجود وهو انا مو متعودين على هذه الأمور لحد الان مع اننا صار لنا كم سنة يطبق عندنا ، أعتقد لازم نعيد حسابتنا عشان اليهال يتعلمون صح ، أحب أعرف لأني خارج الميدان من فترة هل يتم احتساب جميع الدرجات على الاختبار الشامل ؟ إذا كان نعم معاكم حق إذا لا كم ؟ أذا نسبة بسيطة نصيحتي خلهم يمتحنون ونشوف
شخصيا ما احب الحنة:) اللي ينجح ينجح مستحيل هم يبون الطلبة يسقطون مو لصالحهم
وبعدين البنات ماشالله عليكم ماكلين الكتب اكل :( ما يهمكم صعب ولاسهل

اللي سمعته محسوب 30٪ من هذا الامتحان

[بصمة قطرية]

لقد أسمعت لو ناديت حياً .. و لكن لا حياة لمن تنادي ..!!!!

[بصمة قطرية]

كلامج صحيح الصوت ضعيف بس وحياتج اني عدته لهم مرتين .. ووضحت لهم بعض الألغاز اللي كانت موجودة ..

العام خوري العديدي
و السنه يقطع الصوت و لا ينسمع ...!!!

[طباخة قطرية]

لا احد يعور قلبي
وحدة اتصلت ع وطني الحبيب تصيح بقهر ام اعيال واعيالها من المتفوقين اللى مخلص جامعة تكساس بتقدير امتياز واللى مخلص في الفونديشن بتفوق عالي تقول ولدي الثالث متفوق متفوق ولكن انصدم من الامتحانات يقول ما فهم شي وهو يدرس وانتو تعرفون ماشالله اعيالهم متفوقين ما اذطر ايش الجنسية بس تقول ولدي جتة حالة مايبي يدرس وتصيح اشحال الطالب العادي والسبب الامتحانات الوطتية ابي اعرف ايش المعاير اللي يبيها المجلس الاعلى والله ماني بدارية لكن ع ما قال كل واحد يربي اعياله والتعليم مات واندفن من ايام وزارة التربية والتعليم :rolleyes2:

[kitmat]

اليوم راقبت امتحان الشريعة لصف الرابع كان في سؤال كل الصف مب عارفينة وبعدين اكتشفت كل الصفوف الباقية بعد مب عارفين اجابته ليش المجلس الاعلى ايحط اسئله من خارج المنهج ذيله أطفال

[ورد الدوحه]

اليوم راقبت امتحان الشريعة لصف الرابع كان في سؤال كل الصف مب عارفينة وبعدين اكتشفت كل الصفوف الباقية بعد مب عارفين اجابته ليش المجلس الاعلى ايحط اسئله من خارج المنهج ذيله أطفال

اختبار خامس التربية الإسلامية فيه سؤال والاختيارات جميعا خاطئة والطالب اللي اكتشف الخطأ قال لي أنا اعرف الاجابة بضيفها في الاختيارات وبحط عليها علامة اكس ولما تم توضيح ذلك لمسئولة المجلس الأعلى قامت بالاتصال على الخط الساخن قالوا نعم يوجد في السؤال خطأ واطلبوا من المراقبات أن يكتبواالاختيارات على السبورة وبعض المدارس لم يكتشفوا الطلاب الخطأ وكل واحد يختار على كيفه وجميع الاجابات خاطئة هذا بالنسبة لنموذج 2 فقط ولازال المجلس الأعلى في تخبط

[ابن الرومي]

مثال لبعض الأسئلة الصف الخامس :
الرياضيات :

3/4 في الصورة العشرية

الإجابة إختيارات من ضمنهم 0.75

مثلث متساوي الضلعين ومطلوب إحدى زوايا القاعدة

مثلث قائم الزاوية وإحدى زواياه معلومة والثالثة مجهولة

اللغة الإنجليزية

صورة فيها إمرأة تشاهد التلفاز ورجل يقرأ الكتاب وطفل يلعب بلعبة

مطلوب منه كتابة جمله على كل من الأشخاص

وسؤال صورتان ونختار الكلمات المناسبة

صورة سلم وبيضة مكسورة

القواعد :
جملة تدل على الماضي والطالب يختار الفعل المناسب ...

الكتابة :

اكتب عن الطعام المفضل ولماذا وأين .....

وغيرها من الأسئلة

الأسئلة سهلة ومن المنهج

الاسئلة الصراحة سهلة جدا جدا

بس ياريت تحطين
اسئلة الرياضيات اول اعدادي
وكم صفحة وشنهي الاسئلة

[قطرية مثقفة]

مافي أخبار عن تقديم إجازة المعلمين والمعلمات :( :(:weeping:

[h2004]

اتصور ان هذا الامر مستبعد لانه تم موخراً تحديد موعد اصدار شهادات التقرير الرابع وموعد الدور الثاني وموعد اصدار شهادات الدور الثاني

[قطرية مثقفة]

اتصور ان هذا الامر مستبعد لانه تم موخراً تحديد موعد اصدار شهادات التقرير الرابع وموعد الدور الثاني وموعد اصدار شهادات الدور الثاني

يعني مافي امل كلش :(:( حسبي الله ونعم الوكيل قاصين من إجازتنه كل سنة والله ظلم 10 أيام إجازة العيد وتنحسب من الإجازة اللي عدد أيامها 45 :(:( مانقول الا حسبي الله ونعم الوكيل

[مدرسة]

مافي أخبار عن تقديم إجازة المعلمين والمعلمات :( :(:weeping:

مافي تقديم للإجازات حسب علمي ،

بالنسبة لإجازة العيد فهذا واقع الحال منذ سنوات و الله المستعان

[ام السعف]

لا احد يعور قلبي
وحدة اتصلت ع وطني الحبيب تصيح بقهر ام اعيال واعيالها من المتفوقين اللى مخلص جامعة تكساس بتقدير امتياز واللى مخلص في الفونديشن بتفوق عالي تقول ولدي الثالث متفوق متفوق ولكن انصدم من الامتحانات يقول ما فهم شي وهو يدرس وانتو تعرفون ماشالله اعيالهم متفوقين ما اذطر ايش الجنسية بس تقول ولدي جتة حالة مايبي يدرس وتصيح اشحال الطالب العادي والسبب الامتحانات الوطتية ابي اعرف ايش المعاير اللي يبيها المجلس الاعلى والله ماني بدارية لكن ع ما قال كل واحد يربي اعياله والتعليم مات واندفن من ايام وزارة التربية والتعليم :rolleyes2:

في خلل اكيد في الطالب نفسه ،،

لأن مب شرط اخوانه متخرجين من جامعات متفوقة وهو ما يعرف
يحل الاسئلة ،،

اليوم بغض النظر عن نتيجة بنتي في هالاختبارات
اقدر اقول ان الاختبارات هذي اني معاها مليييوم بالمية

لأني لاحظت على كل عيال اخواني وخواتي نوع من الاهتمام فيها

ويوم ابدوا قليل من الاهتمام فيها قلت شكاويهم هالسنة ،،

فالخلل في عيالنا مب في الاختبارات الوطنية ،،

لأني ارفع حسي بأعلى صوت الطالب المتفوق الاختبارات
بتكون سهلة عليه ،راح اكررها لين اموت
الطالب المتفوق الاختبارات بتكون سهلة عليه ،،

[ام السعف]

اختبار خامس التربية الإسلامية فيه سؤال والاختيارات جميعا خاطئة والطالب اللي اكتشف الخطأ قال لي أنا اعرف الاجابة بضيفها في الاختيارات وبحط عليها علامة اكس ولما تم توضيح ذلك لمسئولة المجلس الأعلى قامت بالاتصال على الخط الساخن قالوا نعم يوجد في السؤال خطأ واطلبوا من المراقبات أن يكتبواالاختيارات على السبورة وبعض المدارس لم يكتشفوا الطلاب الخطأ وكل واحد يختار على كيفه وجميع الاجابات خاطئة هذا بالنسبة لنموذج 2 فقط ولازال المجلس الأعلى في تخبط

بنتي تقول ان في النموذج الثالث للاختبار التربية الاسلامية
كان هناك سؤال الخيارات فيه كان غلط ،،

طلبوا من البنات تصحيح الخيارات

وعقب فترة قالوا لهم صححتوا ولا ما صححتوا
السؤال هذا بيكون بونص للكل ،،

يعني درجة السؤال راح تنحسب للجميع ،،

فبعض الاخطاء تكون واردة ،، مب عدلة ندقق على كل
سؤال يكون فيه خطأ ،،

ولا اعتقد انهم لو اكتشفوا ان هناك خطأ بيتعمدون يرسبون الطلاب ،،

[ام السعف]

:nice:

تدرين يا حنين ،،

متى ما سكتوا اولياء الأمور من انتقاد الاختبارات الوطنية
متى ما استعبوا الطلاب انهم يساهمون في تطوير المسيرة التعليمية في قطر ،،

لما المجلس الأعلى يوحد الاسئلة والمناهج والمعايير ،،

نلقى مدرسين ومدرسات يغششون طلاب وطلاب ما يعرفون يقرون
لدرجة تنكتب الاسئلة على السبورة،،

هل نلوم المجلس الأعلى ؟
ولا نلوم الضمير اللي مات ،، وكانت نتيجته طلاب
ما يعرفون يقرون ولا يكتبون؟ ؟؟

[ام السعف]

يمكن الكلام في جانب موجود وهو انا مو متعودين على هذه الأمور لحد الان مع اننا صار لنا كم سنة يطبق عندنا ، أعتقد لازم نعيد حسابتنا عشان اليهال يتعلمون صح ، أحب أعرف لأني خارج الميدان من فترة هل يتم احتساب جميع الدرجات على الاختبار الشامل ؟ إذا كان نعم معاكم حق إذا لا كم ؟ أذا نسبة بسيطة نصيحتي خلهم يمتحنون ونشوف
شخصيا ما احب الحنة:) اللي ينجح ينجح مستحيل هم يبون الطلبة يسقطون مو لصالحهم
وبعدين البنات ماشالله عليكم ماكلين الكتب اكل :( ما يهمكم صعب ولاسهل

اللي بالاحمر :nice:

[الكنترول]

التخبط مستمر لحين عودة وزارة التربية ،،،

ومستمر التخبط مدام اصحاب التراخيص مأخذين حريتهم في التعين على المزاج

والقطري والقطرية يقال لهم قدم السيفي وبنرد عليك ويكون

الموضوع في خبر كان ،،،

يالاجواد المجلس الأعلى والقائمين عليه واصحاب التراخيص ما يبغون أهل قطر

قائمين على التعليم ،،،

والحين النتيجة والاحباط للي تصيب عيالنا ،،، ما هو حلها

ملزوم يعاد التعليم سابقا زمن وزارة التربية والتعليم والكل يرتاح

مدير وكيل ومدرسين قطريين وقطريات وخلو عنكم التخبط وريحوا مخكم

كل سنة والتخبط مستمر أسئلة غير مصاغة جيداً ولا خارجة عن المنهج

إلى متى ؟؟؟؟؟؟؟؟؟؟؟؟؟؟

ارجعوا إلى عهدكم السابق ولا كل مرفوض مرغوب

لاحولا ولا قوة إلا بالله

[QatarSafety]

تقدرون تطلعون لنا وشو الاسئلة؟ اللي امتحن عندنا صغار ما يعرفون وشو الاسئلة اللي جاتهم :(
ما عرفت الا سؤال صوت الحمار :secret:


عزالله راحوا فيها عيالنا ان كان هذا صدق وشدخل العيال بصوت الحمار على الاقل
صوت بقرة صوت عنز صوت بعير او ناقة يمكن نمشيها

متأكدين ان الي حطوا الاسئله قطرييين ولا !