عيالكم ليش يقعدون جدام مع الدريول ؟

[Dmy Enabi]

تحياتي للجميع

الموضوع ممكن يكون غريب شوي ، بس آنا ملاحظة هالشي ،وصار حتى شيء أساسي في حياتنا ،
سؤالي للجميع إلي عندهم دريوليه ، عيالكم " الأولاد " ليش يقعدون جدام عند الدريول ؟

إلي جوفه الولد يقعد جدام ، والإخوان يقعدون ورا ، زين أحين من أهم الدريول ولا الإخوان ؟مب المفروض يقعدون مع بعض
يعني إحنا لما نعلم عيالنا هالشي ، شنهي الرسالة إلي بيفهمونها ؟
1- آنا ريال .
2- الريال لازم يقعد جدام .

وشي ثاني لو فكرنا شوي راح نلاقي إن احنا لما نسافر نقعد ورا مع بعض - حسب معلوماتي -

إلي ابي اقوله إن احنا أحيانا نتصرف بشكل ومانفهم المعنى الخفي لتصرفاتنا ،
تقول لي وحده من ربعي إنها لما سافرت مع زوجها وركبوا تاكسي قعدت ورا وقعد هو جدام

تتوقعون هل هالشي له دور في ثقافتنا وثقافة الأبناء ولو بشكل غير مباشر ؟

دمتم برقي

[عاشق العديد]

لي رجعــه

[Dmy Enabi]

لي رجعــه

بانتظارك أخي الكريم

[حمد 2002]

تحياتي للجميع

الموضوع ممكن يكون غريب شوي ، بس آنا ملاحظة هالشي ،وصار حتى شيء أساسي في حياتنا ،
سؤالي للجميع إلي عندهم دريوليه ، عيالكم " الأولاد " ليش يقعدون جدام عند الدريول ؟

إلي جوفه الولد يقعد جدام ، والإخوان يقعدون ورا ، زين أحين من أهم الدريول ولا الإخوان ؟مب المفروض يقعدون مع بعض
يعني إحنا لما نعلم عيالنا هالشي ، شنهي الرسالة إلي بيفهمونها ؟
1- آنا ريال .
2- الريال لازم يقعد جدام .

وشي ثاني لو فكرنا شوي راح نلاقي إن احنا لما نسافر نقعد ورا مع بعض - حسب معلوماتي -

إلي ابي اقوله إن احنا أحيانا نتصرف بشكل ومانفهم المعنى الخفي لتصرفاتنا ،
تقول لي وحده من ربعي إنها لما سافرت مع زوجها وركبوا تاكسي قعدت ورا وقعد هو جدام

تتوقعون هل هالشي له دور في ثقافتنا وثقافة الأبناء ولو بشكل غير مباشر ؟

دمتم برقي


عيل تبين البنت تقعد جدام مع الدريول واخوها يجلس ورى !!!!!!!!!!!!!! ، ومن المعروف بأن البنت فتنه ويمكن يفتن بها الدريول !!!! ،،

ولا تبين الزوجه الي مسافره مع زوجها تجلس قدام مع السايق اتدليه المكان والشارع وزوجها جالس بالخلف !!!!!!!!! ،،،

[ام السعف]

مب فاهمة شسالفة وخاصة في نقطة الولد يقعد جدام والاخوان يقعدون ورى

هل المطلوب محد يقعد مع الدريول ؟

وكل الصبيان يقعدون مع بعض ورى ويخلون الكرسي اللي جدام شاغر
بس ممنوع الجلوس عليه ؟:(

[ولد سالم]

اخوي حمد ماشاءالله على ردك الرفيع

[راس لفان]

اذا كان قصدك ان الولد والشاب والذي يزيد عمرة عن 10 سنوات يقعد مع السايق قدام ايش المشكلة

اما اذا كان قصدك طفل او يقل عمره عن 8 سنوات هذا وبنظري لا يتم ارسالة مه السائق من الاساس

تحياتي

[السكين]

عيل تبين البنت تقعد جدام مع الدريول واخوها يجلس ورى !!!!!!!!!!!!!! ، ومن المعروف بأن البنت فتنه ويمكن يفتن بها الدريول !!!! ،،

ولا تبين الزوجه الي مسافره مع زوجها تجلس قدام مع السايق اتدليه المكان والشارع وزوجها جالس بالخلف !!!!!!!!! ،،،

اذا كانت هي معارضة من جلوس الولد قدام !!

هي قصدت انه الجلوس يكون بالمقعد الخلفي .

وبالنسبة للزوجة والزوج قصدها يقعدوا مع بعض ورا خاصة بالسفر مع غريب يكون بجانبها بحالة حدوث أي حدث طاريء يقدر يتصرف وهو بجانبها ويحميها .

[بصمة قطرية]

أكثر من تساؤول في الموضوع. ..!!!!
ما فيها شي لو الولد قعد قدام
إذا حد من عيالي طلع معاي يقعد قدام و يربط الحزام
عادي أبداً ما في شي غلط ..!!
ليش ما يقعد قدام ..!!!!
و الزوج و الزوج في السفر
المفروض الرجال قدام عند السايق
الشكل أحسه غلط إذا قعد ورا ..!!!

[العقل المدمر]

والله ماشوف فيها مشكله
يعني تخلى عن اخوانه مثلا بس عشان قعد جدام ؟
شي طبيعي يحب يقعد جدام ويطالع الدنيا ماشوف فيها شي

اما فالغربه لو كان عددهم اثنين مب حلو يفترقون شخص جدام وشخص ورا
لكن لو اكثر بعد عادي مافيها مشاكل الله موسعها عليهم ليش يضيقونها

[لبيبة]

ما فهمت، يعني محد يقعد جدام والا في اقتراح ان حد ثاني
يقعد جدام؟ والا بالتناوب؟

اصلا هو اخطر كرسي في السيارة بالنسبة للحوادث، فالافضل
ما يقعد فيه الا شخص بالغ ويربط الحزام.

[النهار]

صياغة الموضوع خطاء

[sos_z]

سبحان الله وبحمده..سبحان الله العظيم

[ام السعف]

صياغة الموضوع خطاء

وهذي سبب الدوشة وعدم الفهم في الموضوع

ياليت راعية الموضوع او راعيه
يرجع لنا ويشرح لنا شسالفة ،، لأن مب عارفين شنهي علاقة
تنمية شخصية الطفل والعمل على تهيئته انه يكون رجل وقد المسؤولية
ويقعد جدام مع السايق وما بين جلوس الرجل في الغربة بجانب السايق بدل
زوجته ورى :telephone:

[عاشق العديد]

انا بصير محلل اليوم ..

هي تقصد ياجماعه انه احنا معلمين الاطفال انه الجلوس فالمقعد الامامي بمثابه رجوله ..
والرجال نفسهم يعتقدون انه لمن الواحد يسافر ويقعد قدامم باعتبرها رجوله .. وهي تقول شسسسب الي مخلي الطفل يعتقد هذا شي .. المحلل عاشق العديد ..

[Dmy Enabi]

عيل تبين البنت تقعد جدام مع الدريول واخوها يجلس ورى !!!!!!!!!!!!!! ، ومن المعروف بأن البنت فتنه ويمكن يفتن بها الدريول !!!! ،،

ولا تبين الزوجه الي مسافره مع زوجها تجلس قدام مع السايق اتدليه المكان والشارع وزوجها جالس بالخلف !!!!!!!!! ،،،

مرحبا حمد
إنت فهمت هالشكل بس آنا ماقلت جذيه ،آنا قلت مفروض يقعدون مع بعض ورا ، اما سالفة الزوج يقعد مع زوجته ورا هذا شي طبيعي في السفر ،يعني عيل يخليها بروحها ورا تجوفها حلوة في حقها ؟
تحياتي

[لبيبة]

طيب اذا زحمة ورا. يتم هالكرسي جدام فاضي؟ نضيق والله موسع علينا؟!

[بيرق_المجد]

بصراحه مافهمت ويش قصدها السالفه فيها العيال والدريول هذا متكد منه ويش تبغي توصله الاخت

تبغي العائله تركب وراء والعيال معهم هاهاها لاتزعلين على ردي

[Dmy Enabi]

مب فاهمة شسالفة وخاصة في نقطة الولد يقعد جدام والاخوان يقعدون ورى

هل المطلوب محد يقعد مع الدريول ؟

وكل الصبيان يقعدون مع بعض ورى ويخلون الكرسي اللي جدام شاغر
بس ممنوع الجلوس عليه ؟:(

مرحبا ام السعف
أعتقد في رايي مفروض محد يقعدم جدام ، حتى في مبادىء الإتيكيت ، مايصير يقعد جدام ، أما سالفة ممنوع الجلوس مب لهالدرجة عزيزتي ، آنا قصدي هذا اسمه دريول سايق ، يعني هو مب أب ولا أخ عشان الولد يقعد معاه جدام ويخلي أخوه ولا إخته ورا
تحياتي

[Dmy Enabi]

اخوي حمد ماشاءالله على ردك الرفيع

تحياتي لك إخوي بس ماعرفنا رايك

[Dmy Enabi]

اذا كان قصدك ان الولد والشاب والذي يزيد عمرة عن 10 سنوات يقعد مع السايق قدام ايش المشكلة

اما اذا كان قصدك طفل او يقل عمره عن 8 سنوات هذا وبنظري لا يتم ارسالة مه السائق من الاساس

تحياتي

أخوي يمكن ماوضحت اسمح لي أشرح لك ،
الولد يقعد جدام إذا طلع مع السايق بروحه كيفه ، بس لما يكون مع أخ أو إخت ، ويقعد جدام وهم ورا ، أحس إنها مب حلوة في حقهم ،لأنه فضل قرب السايق على قرب هله .
آنا ما أتكلم عن العمر فهذي بديهيات ، آنا حتى بو10 سنين أجوف إنه مفروض مايطلع مع السايق بروحه
طبعا هذا رايي ،

[Dmy Enabi]

اذا كانت هي معارضة من جلوس الولد قدام !!

هي قصدت انه الجلوس يكون بالمقعد الخلفي .

وبالنسبة للزوجة والزوج قصدها يقعدوا مع بعض ورا خاصة بالسفر مع غريب يكون بجانبها بحالة حدوث أي حدث طاريء يقدر يتصرف وهو بجانبها ويحميها .

هذا إلي قصدته ، بس بالنسبة للزوجة مب بس عشان حدوث طارىء ،بالعكس آنا أجوف إنها من إكرامها واحترامها يقعد معاها

[Dmy Enabi]

أكثر من تساؤول في الموضوع. ..!!!!
ما فيها شي لو الولد قعد قدام
إذا حد من عيالي طلع معاي يقعد قدام و يربط الحزام
عادي أبداً ما في شي غلط ..!!
ليش ما يقعد قدام ..!!!!
و الزوج و الزوج في السفر
المفروض الرجال قدام عند السايق
الشكل أحسه غلط إذا قعد ورا ..!!!

رايج وأحترمه
عن نفسي مارضى زوجي يقعد جدام وانا ورا عيل شله مسافرين

[شبح الصمت]

تقصدين ليش الولد يقعد قدام

الحين عيالنا اصلا من نفسهم يحبون يقعدون قدام يبون يحسون انهم اكبار هذا طبع اي ولد اما انه اخليه يجلس وراء بخليه يجلس وراء كسيفتي لاني خايف عليهم لا قدر الله صار حادث والا شيء ..

وفي بعض الاحيان يكون الولد حركي الي تحت الـ 10 سنين ماشاء الله ويتحرك ويسوي وهالشيء بعد يخوف وبعض الدريوليه سواقتهم تخوف للأمانة ما تأمنين له ..

وكله قضاء وقدر

اما بخصوص اسافر مع زوجتي طبعا بجلس وراء معاها اسولف ونطالع المناظر وما اشوف فيها اي شيء ..

الا اذا واحد متهاوش مع زوجته طبعا ما رآح يجلس وراء ههههههههاي قدام سنتر وماد البوز شبرين لين يركلس :anger1:

او في حالة معاهم حريم لازم بيجلس قدام

..:victory:

[Dmy Enabi]

والله ماشوف فيها مشكله
يعني تخلى عن اخوانه مثلا بس عشان قعد جدام ؟
شي طبيعي يحب يقعد جدام ويطالع الدنيا ماشوف فيها شي

اما فالغربه لو كان عددهم اثنين مب حلو يفترقون شخص جدام وشخص ورا
لكن لو اكثر بعد عادي مافيها مشاكل الله موسعها عليهم ليش يضيقونها

لا أخوي ماتخلى عن إخوانه بس قلل من قدرهم بطريقة غير مباشرة وبدون مايقصد يعني الي ورا مايحبون يطالعون الدنيا ؟
أما سالفة الغربة أتفق معاك في حال العدد الكثير

[Dmy Enabi]

ما فهمت، يعني محد يقعد جدام والا في اقتراح ان حد ثاني
يقعد جدام؟ والا بالتناوب؟

اصلا هو اخطر كرسي في السيارة بالنسبة للحوادث، فالافضل
ما يقعد فيه الا شخص بالغ ويربط الحزام.

أتفق معاج في موضوع الخطورة
مفروض لو أخ أو إخته أو أخ وأخوه طلعوا مع بعض يقعدون ورا مب جدام
هذا آنا آجوفه من أرقى درجات الاحترام والذوق

[Dmy Enabi]

صياغة الموضوع خطاء

أتفق معاك أخي يمكن خاني التعبير ، بس أتمنى من خلال الردود تكون الصورة أوضح

[Dmy Enabi]

وهذي سبب الدوشة وعدم الفهم في الموضوع

ياليت راعية الموضوع او راعيه
يرجع لنا ويشرح لنا شسالفة ،، لأن مب عارفين شنهي علاقة
تنمية شخصية الطفل والعمل على تهيئته انه يكون رجل وقد المسؤولية
ويقعد جدام مع السايق وما بين جلوس الرجل في الغربة بجانب السايق بدل
زوجته ورى :telephone:

تحياتي لج إختي أم السعف أتمنى الردود وضحت المقصد

[Dmy Enabi]

انا بصير محلل اليوم ..

هي تقصد ياجماعه انه احنا معلمين الاطفال انه الجلوس فالمقعد الامامي بمثابه رجوله ..
والرجال نفسهم يعتقدون انه لمن الواحد يسافر ويقعد قدامم باعتبرها رجوله .. وهي تقول شسسسب الي مخلي الطفل يعتقد هذا شي .. المحلل عاشق العديد ..

سلامي عليك ياخطير ، إنت وينك من زمان ؟

[Dmy Enabi]

طيب اذا زحمة ورا. يتم هالكرسي جدام فاضي؟ نضيق والله موسع علينا؟!

لا عادي يقعد جدام

[catqat]

بالعكس اشوف ان الولد لو قعد جدام عادي تزرعين فيه صفة الرجولة بشكل غير مباشر... والا ياحليله لصار طول امه وقاعد ورى معاها ..

[Dmy Enabi]

بصراحه مافهمت ويش قصدها السالفه فيها العيال والدريول هذا متكد منه ويش تبغي توصله الاخت

تبغي العائله تركب وراء والعيال معهم هاهاها لاتزعلين على ردي

لا أخوي ليش أزعل احنا نتناقش ويمكن صج واسمحو لي ما صغت الموضوع عدل
أبغي نزرع في العيال من الصغر ثقافة الاحترام في أبسط وأتفه الأمور ، وجهة نظري إنه من الاحترام إنك تقدر الشخص إلي جدامك ،وتقديرك للشخص إنك تقعد جنبه سواء أخ أو إخت أو ورفيج أو أم

تحياتي

[Dmy Enabi]

تقصدين ليش الولد يقعد قدام

الحين عيالنا اصلا من نفسهم يحبون يقعدون قدام يبون يحسون انهم اكبار هذا طبع اي ولد اما انه اخليه يجلس وراء بخليه يجلس وراء كسيفتي لاني خايف عليهم لا قدر الله صار حادث والا شيء ..

وفي بعض الاحيان يكون الولد حركي الي تحت الـ 10 سنين ماشاء الله ويتحرك ويسوي وهالشيء بعد يخوف وبعض الدريوليه سواقتهم تخوف للأمانة ما تأمنين له ..

وكله قضاء وقدر

اما بخصوص اسافر مع زوجتي طبعا بجلس وراء معاها اسولف ونطالع المناظر وما اشوف فيها اي شيء ..

الا اذا واحد متهاوش مع زوجته طبعا ما رآح يجلس وراء ههههههههاي قدام سنتر وماد البوز شبرين لين يركلس :anger1:

او في حالة معاهم حريم لازم بيجلس قدام

..:victory:

والله أتفق معاك مية في المية صح العيال يحبون هالشي بس دورنا احنا نزرع فيهم إن إذا طلعت مع أخوك ولا إختك تكون مسؤول عنهم وتقعد معاهم ومايغيب نظرك عنهم

تحياتي

[Dmy Enabi]

بالعكس اشوف ان الولد لو قعد جدام عادي تزرعين فيه صفة الرجولة بشكل غير مباشر... والا ياحليله لصار طول امه وقاعد ورى معاها ..

أخوي الرجولة إنه يقعد جدام وأمه ورا ؟
ولا الرجولة إنه عيب يقعد مع أمه ورا ؟

[وطن]

اختي ما قدرت اربط الاحترام بقعدة الاخ مع اخته ورا !!

اسفه ما دخلت مخي الفكرة ما قدرت احللها بهذي الطريقة

يقعد ورا ولا قدام عادي وين المشكلة
ايش دخل الاحترام والتقدير في هالشي هذا ؟

ممكن يقعد جنبها و يجعمها طول الوقت ولسانه طويل
وممكن يقعد قدام و حاطها في عيونه ومدللها

[حسن]

للاسف بحكم اني اجيب عيالي من المدارس اشوف الاهمال الكبير
من اولياءالامور بخصوص السواقين وتعاملهم وللاسف مع علمهم ايضا

اعتقد هناك الكثير من تلك المشاكل لكن للاسف ماتنشر للعلن
المدينه الفاضله

[ام السعف]

أخوي الرجولة إنه يقعد جدام وأمه ورا ؟
ولا الرجولة إنه عيب يقعد مع أمه ورا ؟


الرجولة انه يتصف بصفات الرجولة
وبما اننا نعيش في مجتمع ينظر لوجود الرجل في المقدمة
نوع من زرع الرجولة في نفس الطفل ما عندي مانع انه يقعد جدام
وينزرع فيها انه ريال ونعتمد عليه ،،

لكن لو الطفل من نفسه قال بقعد ورى ؟

هل تعتقدين ممكن يتعاقب ؟

لا طبعا ..

الموضوع بشكل عام مثل ما قلت لج هو احساس بالتمتع بالكبر
وانه بدأ يكبر ويصير ريال ،،

وفي نقطة ثانية اليوم لو ولدي بيركب معانا في السيارة
من يوصل 14 سنة اقعد ورى واخليه يقعد مع ابوه جدام

هالشي بالنسبة لي ما بيقلل من مكانتي جدام نفسي ،،
ويسعدني دام انه بيضفي احساس جميل على قلبه ،،

[بيرق_المجد]

لا أخوي ليش أزعل احنا نتناقش ويمكن صج واسمحو لي ما صغت الموضوع عدل
أبغي نزرع في العيال من الصغر ثقافة الاحترام في أبسط وأتفه الأمور ، وجهة نظري إنه من الاحترام إنك تقدر الشخص إلي جدامك ،وتقديرك للشخص إنك تقعد جنبه سواء أخ أو إخت أو ورفيج أو أم

تحياتي


صحيح الاحترام واجب وهذا اساس التربيه في الابناء وجزاك الله خير على الموضوع

[بوعلي2]

عيل تبين البنت تقعد جدام مع الدريول واخوها يجلس ورى !!!!!!!!!!!!!! ، ومن المعروف بأن البنت فتنه ويمكن يفتن بها الدريول !!!! ،،

ولا تبين الزوجه الي مسافره مع زوجها تجلس قدام مع السايق اتدليه المكان والشارع وزوجها جالس بالخلف !!!!!!!!! ،،،

:nice:

[شيخ الديرة]

يمكن مكبرين السالفة شوي. أولادي يتدافعون على الكرسي الأمامي لما نروح مكان وأنا أسوق, لسبب بسيط ليس له علاقة بالعمر أو الرجولة, أنما الكرسي ألأمامي يعطيك منظر واضح لما يجري في الطريق, بالأضافة الى أنك ممكن تغير الراديو براحتك.

نفس الشي بالنسبة للي سافر مع زوجته وجلس في الكرسي الأمامي مع سائق التكسي, يحب يشوف الطريق, وأنا دائما أسويها, بس عمرها زوجتي ما أعترضت.

[Dmy Enabi]

اختي ما قدرت اربط الاحترام بقعدة الاخ مع اخته ورا !!

اسفه ما دخلت مخي الفكرة ما قدرت احللها بهذي الطريقة

يقعد ورا ولا قدام عادي وين المشكلة
ايش دخل الاحترام والتقدير في هالشي هذا ؟

ممكن يقعد جنبها و يجعمها طول الوقت ولسانه طويل
وممكن يقعد قدام و حاطها في عيونه ومدللها
إختي

لو كنتي مع سايقه (بنت يعني ) ، وطلعتي مع رفيجتج ؟ ،وين بتقعدين ورا ولا جدام ؟

[Dmy Enabi]

للاسف بحكم اني اجيب عيالي من المدارس اشوف الاهمال الكبير
من اولياءالامور بخصوص السواقين وتعاملهم وللاسف مع علمهم ايضا

اعتقد هناك الكثير من تلك المشاكل لكن للاسف ماتنشر للعلن
المدينه الفاضله

صحيح إخوي وهذا موضوع ثاني بعد مشاكل تشيب لها الراس

[Dmy Enabi]

الرجولة انه يتصف بصفات الرجولة
وبما اننا نعيش في مجتمع ينظر لوجود الرجل في المقدمة
نوع من زرع الرجولة في نفس الطفل ما عندي مانع انه يقعد جدام
وينزرع فيها انه ريال ونعتمد عليه ،،

لكن لو الطفل من نفسه قال بقعد ورى ؟

هل تعتقدين ممكن يتعاقب ؟

لا طبعا ..

الموضوع بشكل عام مثل ما قلت لج هو احساس بالتمتع بالكبر
وانه بدأ يكبر ويصير ريال ،،

وفي نقطة ثانية اليوم لو ولدي بيركب معانا في السيارة
من يوصل 14 سنة اقعد ورى واخليه يقعد مع ابوه جدام

هالشي بالنسبة لي ما بيقلل من مكانتي جدام نفسي ،،
ويسعدني دام انه بيضفي احساس جميل على قلبه ،،

تحياتي لج إختي أم السعف

كل الاحترام التقدير لرايج

[Dmy Enabi]

يمكن مكبرين السالفة شوي. أولادي يتدافعون على الكرسي الأمامي لما نروح مكان وأنا أسوق, لسبب بسيط ليس له علاقة بالعمر أو الرجولة, أنما الكرسي ألأمامي يعطيك منظر واضح لما يجري في الطريق, بالأضافة الى أنك ممكن تغير الراديو براحتك.

نفس الشي بالنسبة للي سافر مع زوجته وجلس في الكرسي الأمامي مع سائق التكسي, يحب يشوف الطريق, وأنا دائما أسويها, بس عمرها زوجتي ما أعترضت.

أخوي احنا نتكلم إذا كان السايق هو لدريول ، مب الأم ولا الأب ، معروف إن احنا كلنا نحب نقعد جدام ،
أخوي يعني إنت تجوف الطريق بروحك وزوجتك لا ، مع كل احترامي وتقديري لك ، بس مب حلوة في حقها ،بس يمكن مثل ما إنت قلت ماتعترض ، بس صدقني لوقعدت ورا معاها يمكن تطير من الوناسة ، احنا الحريم تسعدنا أتفه الأمور

تحياتي

[وطن]

إختي

لو كنتي مع سايقه (بنت يعني ) ، وطلعتي مع رفيجتج ؟ ،وين بتقعدين ورا ولا جدام ؟

يعني الحين رفيجتي تقارنينها بالسايق؟؟؟
رفيجتي بقعد جنبها مافي وجه مقارنة بين السايق و اذا وحده من البنات سايقه

موضوعج اختي عن قعدة الولد جنب السايق
شنو المشكلة !!

وين قلة الاحترام لو قعد قدام واخوانه ولا امه ورى ؟؟

[شيخ الديرة]

أخوي يعني إنت تجوف الطريق بروحك وزوجتك لا ، مع كل احترامي وتقديري لك ، بس مب حلوة في حقها ،بس يمكن مثل ما إنت قلت ماتعترض ، بس صدقني لوقعدت ورا معاها يمكن تطير من الوناسة ، احنا الحريم تسعدنا أتفه الأمور


زبدة الموضوع ان الزوج جلس جدام مع سائق التاكسي لما كانو مسافرين بالخارج, الزوجة أخذت على خاطرها وكانت تتمنى يجلس بالخلف معاها, وتلوم المجتمع لأن علم الأولاد أن ذلك من الرجولة.

زوجتي ما تكبرها وتفتح موضوع وتلوم مجتمع, ببساطة تطلب مني وتقول ياشيخ الديرة يعجبني تجلس معي بالخلف

[أم نواري1]

الولد إذا مع أمه عادي يقعد قدام مع الدريول
أما إذا صغير مايروح بروحه من الأساس لا قدام ولا ورى
أما الأزواج عمري ماسافرت وقعد بو العيال قدام وأنا ورى بروحي
إذا مع العيال ومافي مكان أوك
لكن أنا وياه ويقعد هو قدام ليش
احنا مسافرين مع بعض وبنقعد مع بعض وبناكل مع بعض
نستانس مع بعض بكل لحظة حتى بالتاكسي = )

[Dmy Enabi]

يعني الحين رفيجتي تقارنينها بالسايق؟؟؟
رفيجتي بقعد جنبها مافي وجه مقارنة بين السايق و اذا وحده من البنات سايقه

موضوعج اختي عن قعدة الولد جنب السايق
شنو المشكلة !!

وين قلة الاحترام لو قعد قدام واخوانه ولا امه ورى ؟؟

لا أقارن السايق مع السايقة عزيزتي

طيب ليش ماتقعدين مع السايقة جدام ؟

[Dmy Enabi]

زبدة الموضوع ان الزوج جلس جدام مع سائق التاكسي لما كانو مسافرين بالخارج, الزوجة أخذت على خاطرها وكانت تتمنى يجلس بالخلف معاها, وتلوم المجتمع لأن علم الأولاد أن ذلك من الرجولة.

زوجتي ما تكبرها وتفتح موضوع وتلوم مجتمع, ببساطة تطلب مني وتقول ياشيخ الديرة يعجبني تجلس معي بالخلف

:victory:

[Dmy Enabi]

الولد إذا مع أمه عادي يقعد قدام مع الدريول
أما إذا صغير مايروح بروحه من الأساس لا قدام ولا ورى
أما الأزواج عمري ماسافرت وقعد بو العيال قدام وأنا ورى بروحي
إذا مع العيال ومافي مكان أوك
لكن أنا وياه ويقعد هو قدام ليش
احنا مسافرين مع بعض وبنقعد مع بعض وبناكل مع بعض
نستانس مع بعض بكل لحظة حتى بالتاكسي = )

تحياتي لج إختي الكريمة ، هذا القصد

[وطن]

لا أقارن السايق مع السايقة عزيزتي

طيب ليش ماتقعدين مع السايقة جدام ؟

لو السيارة زحمه بقعد قدام وعادي مافيها مشاكل

اذا تبين ع الاتيكيت
ايه تقعدين ورى ومب ورى السايق بعد ع الجهة العكسية

بس عندنا مافيها شي الولد ولا الرجل يقعد جدام
حركات الاتيكيت ما تمشي في مجتمعنا في كل السوالف ترى

لكن لا تقولين رفيجتج
لأن المقارنه غلط

[Dmy Enabi]

لو السيارة زحمه بقعد قدام وعادي مافيها مشاكل

اذا تبين ع الاتيكيت
ايه تقعدين ورى ومب ورى السايق بعد ع الجهة العكسية

بس عندنا مافيها شي الولد ولا الرجل يقعد جدام
حركات الاتيكيت ما تمشي في مجتمعنا في كل السوالف ترى

لكن لا تقولين رفيجتج
لأن المقارنه غلط

عزيزتي في نظرج غلط وفي نظري صح
وليش حركات الإتيكيت ماتمشي في مجتمعنا ليش هل هو عيب ولا حرام ؟

[وطن]

عزيزتي في نظرج غلط وفي نظري صح
وليش حركات الإتيكيت ماتكشي في مجتمعنا ليش هل هو عيب ولا حرام ؟

لا هو عيب ولا حرام
بس كل مجتمع وكل بيئة لها عاداتها ومعتقداتها

مب كل شي ماشي في نظام الاتكيت يناسبها

[Dmy Enabi]

لا هو عيب ولا حرام
بس كل مجتمع وكل بيئة لها عاداتها ومعتقداتها

مب كل شي ماشي في نظام الاتكيت يناسبها

أحترم رايج

بس عن نفسي اسوي الشي دام مب عيب ولاحرام وفيه ذوق ليش لا

[العقل المدمر]

لا أخوي ماتخلى عن إخوانه بس قلل من قدرهم بطريقة غير مباشرة وبدون مايقصد يعني الي ورا مايحبون يطالعون الدنيا ؟
أما سالفة الغربة أتفق معاك في حال العدد الكثير


شلون قلل من قدرهم وهو ولا على باله قدرهم ولا هم حسوا انه قلل من قدرهم
هو لما يقعد هالكرسي اللي جدام يعني فضل الكرسي اللي جدام على اللي ورا
مب يعني فضل الدريول عليهم .. عاد اللي يقول الدريول مستانس انه قاعد يمه .. حتى الدريول ما درى عنه :shy:
فالنهايه هاذي وجهات نظر مافيها صح وغلط وكل واحد يقعد فالمكان اللي يريحه ويشوفه صح

[Dmy Enabi]

شلون قلل من قدرهم وهو ولا على باله قدرهم ولا هم حسوا انه قلل من قدرهم
هو لما يقعد هالكرسي اللي جدام يعني فضل الكرسي اللي جدام على اللي ورا
مب يعني فضل الدريول عليهم .. عاد اللي يقول الدريول مستانس انه قاعد يمه .. حتى الدريول ما درى عنه :shy:
فالنهايه هاذي وجهات نظر مافيها صح وغلط وكل واحد يقعد فالمكان اللي يريحه ويشوفه صح

احترامي وتقديري لوجهة نظرك

[حراير قطر]

ما اشوف فيها شيء يقعد قدام والا وراء

بس انا اخاف على عيالي وما اخليهم يقعدون قدام معاي

ومرات اذا الطريق قصير اخليهم عادي

اما البرنسيسة الله يحفظها كرسيها المفضل :rolleyes2:

بخصوص السفر

اشوفه عادي ويقعد قدام لانه مرات سواقين التكاسي

يغيرون من مسارهم لو قعد وراء بيسولفون وبينشغلون عن الطريق ...

[Dmy Enabi]

ما اشوف فيها شيء يقعد قدام والا وراء

بس انا اخاف على عيالي وما اخليهم يقعدون قدام معاي

ومرات اذا الطريق قصير اخليهم عادي

اما البرنسيسة الله يحفظها كرسيها المفضل :rolleyes2:

بخصوص السفر

اشوفه عادي ويقعد قدام لانه مرات سواقين التكاسي

يغيرون من مسارهم لو قعد وراء بيسولفون وبينشغلون عن الطريق ...

أسعدتني مشاركتج إختي حراير

[تحداني]

إختي

لو كنتي مع سايقه (بنت يعني ) ، وطلعتي مع رفيجتج ؟ ،وين بتقعدين ورا ولا جدام ؟


يعني الحين رفيجتي تقارنينها بالسايق؟؟؟
رفيجتي بقعد جنبها مافي وجه مقارنة بين السايق و اذا وحده من البنات سايقه

موضوعج اختي عن قعدة الولد جنب السايق
شنو المشكلة !!

وين قلة الاحترام لو قعد قدام واخوانه ولا امه ورى ؟؟




:weeping:
:weeping:

طلعنه ادرويليه يا وطن
اما اقعدج ورى وانا اسوق فيج

كلمه السايق وايد كررتها صاحبه الموضوع ؟؟
جاني احساس ان المشكله في كلمه سايق ومعناها اللفظي مب المعنى السلوكي

:(

يكسر الخاطر هالتحليل لو كان صح

[تحداني]

ام محمد لو اركبت السياره فهي قداااااااااام والكل يركب ورى
هي راس مال .. لا مرت اخو .. ولا اخت الاخو .. ولا اي كلام
ما باقي الا امي اقعدها ورى وانا اسوق فيها
يهبي .. ولا بعد تطلع لي مرت اخوي واتقعد امي ورى مع اخوي
ولا يجيني اخر العنقود ويسوي فيها كبير


ابد ولا ومليون لا
بنحذفهم كلهم من الدريشه وام محمد تقعد في المقصوره الاماميه

:shy:

[Dmy Enabi]

:weeping:
:weeping:

طلعنه ادرويليه يا وطن
اما اقعدج ورى وانا اسوق فيج

كلمه السايق وايد كررتها صاحبه الموضوع ؟؟
جاني احساس ان المشكله في كلمه سايق ومعناها اللفظي مب المعنى السلوكي

:(

يكسر الخاطر هالتحليل لو كان صح

سايق يعني دريول ، وسايقه يعني دريوليه ، نفس شيف وشيفه
تحياتي تحداني

[تحداني]

سايق يعني دريول ، وسايقه يعني دريوليه ، نفس شيف وشيفه
تحياتي تحداني


انزين انا اسوق لو طلعتي معاي وين بتقعدين ؟؟
او لو امي اطلعت معاي وين تقعد ابرايج ؟؟


:(

[العقل المدمر]

انزين انا اسوق لو طلعتي معاي وين بتقعدين ؟؟
او لو امي اطلعت معاي وين تقعد ابرايج ؟؟


:(


اتوقع انها تقصد بسواقه يعني وظيفتها سواقه يعني فلبينيه والا عربيه مهنتها انها تسوق فيج :shy:

[Dmy Enabi]

انزين انا اسوق لو طلعتي معاي وين بتقعدين ؟؟
او لو امي اطلعت معاي وين تقعد ابرايج ؟؟


:(

أكيد حذاج

[Dmy Enabi]

اتوقع انها تقصد بسواقه يعني وظيفتها سواقه يعني فلبينيه والا عربيه مهنتها انها تسوق فيج :shy:

صح :victory:

[تحداني]

اتوقع انها تقصد بسواقه يعني وظيفتها سواقه يعني فلبينيه والا عربيه مهنتها انها تسوق فيج :shy:



اهاااا .. بيت جيرانه يقعدون ورى مع خدامتهم الي اتسوق فيهم
بس ما جى على بالي ليش ما يقعدون قدام :shy:



أكيد حذاج




حسبالي بتقعدين ورى :) ياويلج

[تحداني]

صح :victory:



اوكي اوكي يا بنات .. الحين فهمت ... انزين عادي اقعد قدام لو جبت لي خدامه اتسوق ؟؟

[Dmy Enabi]

اوكي اوكي يا بنات .. الحين فهمت ... انزين عادي اقعد قدام لو جبت لي خدامه اتسوق ؟؟

خل نجوف آراء الناس

تحياتي

[تحداني]

خل نجوف آراء الناس

تحياتي




يعني ما بتردين علي :(
انزين عشان خاطري قولي

[حسن]

مثل ماذكرت انا اشوفهم ساعات الاصغار يطلع كل جسمه من السياره وقت خروجهم
من المدارس ولا تشوفينهم واقفين رغم وجود الشغاله معاهم لكن للاسف ماتعلمهم ولا توجههم لانها اساسا مهب بنتها

وهذا نموذجhttp://im37.gulfup.com/0vtdf.jpg (http://www.gulfup.com/?qqNGsT)

[Dmy Enabi]

اوكي اوكي يا بنات .. الحين فهمت ... انزين عادي اقعد قدام لو جبت لي خدامه اتسوق ؟؟

عن نفسي عادي أقعد مافيها مشكلة

بس لو حد من ربعي مستحيل أكيد بقعد معاهم ورا

[Dmy Enabi]

مثل ماذكرت انا اشوفهم ساعات الاصغار يطلع كل جسمه من السياره وقت خروجهم
من المدارس ولا تشوفينهم واقفين رغم وجود الشغاله معاهم لكن للاسف ماتعلمهم ولا توجههم لانها اساسا مهب بنتها

وهذا نموذجhttp://im37.gulfup.com/0vtdf.jpg (http://www.gulfup.com/?qqngst)

صح كلامك ،وهذا بعد دور الأم والأخ والأخت

[موظف ((حكومي]

ماشفت اي شي انه الولد يركب معا السواق قدام


اما عن تاكسي احسن له يجلس معا زوجتع ورا

[Dmy Enabi]

ماشفت اي شي انه الولد يركب معا السواق قدام


اما عن تاكسي احسن له يجلس معا زوجتع ورا

تحياتي لك أخوي شاكرة لك

[Qatari In Us]

ضيعت وقتي وانا اقرى الموضوع

[Dmy Enabi]

ضيعت وقتي وانا اقرى الموضوع
إنت ضيعت وقتك ونا أتشرفت فيك

[تحداني]

عن نفسي عادي أقعد مافيها مشكلة

بس لو حد من ربعي مستحيل أكيد بقعد معاهم ورا




عيل اشلون بتقعدين احذاي وانا اسوق فيج :( يعني انا سواقه مب صديقتج
وصديقاتج بتقعدين معاهم ورى

انا تهت

:(

[Dmy Enabi]

عيل اشلون بتقعدين احذاي وانا اسوق فيج :( يعني انا سواقه مب صديقتج
وصديقاتج بتقعدين معاهم ورى

انا تهت

:(

تحداني

إذا سواقة فلبينية ،وكنت بروحي ،بقعد احذاها ماعندي مشكلة
وإذا ربعي معاي أكيد بقعد معاهم ورا




وإذا رفيجتي تسوق أكيد حذاها

[تحداني]

تحداني

إذا سواقة فلبينية ،وكنت بروحي ،بقعد احذاها ماعندي مشكلة
وإذا ربعي معاي أكيد بقعد معاهم ورا




وإذا رفيجتي تسوق أكيد حذاها





حاضر تحت امرج
بس لاني ما فهمت وتهت .. انا اسفه حقج علي