موضة السفر بدون الاطفال

[مسمس12]

السلام عليكم

بما ان الصيف قرب واغلب الناس بدت اتسافر ملاحظة شي الاب والام ايسافرون وايخلون اعيالهم ويتمشون ويقعدون فترة فوق الاسبوعين ليش يعني ماياخذون اعيالهم يقولون لك ايلعوزونا وحنا نبي نستانس سؤال شلون تستانسين وتدورين من دولة دوله وتاكلين وتشربين واعيالج تاركتهم حتى لو عند اهلهم صحيح ماعليهم شر بس هلج وعمامهم وخوالهم مش ملزومين ايتحملون مسؤوليتهم وانتي ماعندج عذر كبير للسفر لا سفرة علاج ولا اتخلصين شغل :secret:

[تحداني]

اذا كان طفل صغير بو 6 اشهر واقل وما يرضع
اتوقع ان يكون عند جدته او خواتها افضل او عند اهل زوجها ..
لان لا يعرف شنو سفر ولا وناسه ولا طياره ولا ألعاب.. اما طفل يستوعب ويفهم غياب والدينه ما يصير الا اذا كانت السفره سفره علاج لاسمح الله ..
او تأديه واجب او سفره رومانسيه سريعه :)


جملك الله برضاه

[الأصيلة]

عيل في ناس تخلي عيالها عند السايق والخدامة.

[مسمس12]

اذا كان طفل صغير بو 6 اشهر واقل وما يرضع
اتوقع ان يكون عند جدته او خواتها افضل او عند اهل زوجها ..
لان لا يعرف شنو سفر ولا وناسه ولا طياره ولا ألعاب.. اما طفل يستوعب ويفهم غياب والدينه ما يصير الا اذا كانت السفره سفره علاج لاسمح الله ..
او تأديه واجب او سفره رومانسيه سريعه :)


جملك الله برضاه

انا معاج اللي يرضع قعدة البيت اريح له من ايتغير الجور علية ويمرض

لكن ناس تترك الكبار استغرب انا منهم :secret:

[مسمس12]

عيل في ناس تخلي عيالها عند السايق والخدامة.

:omg::omg::omg: سفر سفر والا تقصدين يروحون مشوار قريب

شلون يثقون فيهم :(

[مشاكل]

اعتبرها قمة الانانية من الاب والأم

وانا ماألوم عيالهم بكره اذا اكبروا وتزوجوا وسافروا مع زوجاتهم وعيالهم واتركوا ابهاتهم وامهاتهم حبيسين الجدران
فكما تدين تدان

[بونووف]

مسمس شكلهم مخلين عيالهم عندج وانتي من الحره قلتي هالكلام ههههه

اشوف العمر اللي يفهم فيه الياهل ممكن يودونه اما اذا هو من النوع السنداره اخليه ينثبر فالبيت عند يدته

.. بس بعد يعتمد على نوع السفره .. يمكن يبون يجددون شهر العسل او يسترخون ف عاادي يعني يشوفون حياتهم كم يوم

[بونووف]

عيل في ناس تخلي عيالها عند السايق والخدامة.

اما قويه :eek5:

[العلم]

اعرف واحد سافر هو وزوجته وخلوو ولدهم عند ام ابوه .. وصار لهم حادث وتوفوا الاثنين .. والولد اللحين يتيم :(

[مسمس12]

اعتبرها قمة الانانية من الاب والأم

وانا ماألوم عيالهم بكره اذا اكبروا وتزوجوا وسافروا مع زوجاتهم وعيالهم واتركوا ابهاتهم وامهاتهم حبيسين الجدران
فكما تدين تدان


انا معاك انانية مليون بالمية:(

[مسمس12]

مسمس شكلهم مخلين عيالهم عندج وانتي من الحره قلتي هالكلام ههههه

اشوف العمر اللي يفهم فيه الياهل ممكن يودونه اما اذا هو من النوع السنداره اخليه ينثبر فالبيت عند يدته

.. بس بعد يعتمد على نوع السفره .. يمكن يبون يجددون شهر العسل او يسترخون ف عاادي يعني يشوفون حياتهم كم يوم


لا والله ماعندي حد وحتى لو يخلونهم عندي استانس ايونسون اعيالي ويسون لنا جو :)
حتى لو الولد سندارة ماخلية يااخي ولدي حملت فيه 9 شهور اذا ماتحملت سندارته من يتحملة :secret:

تقول يجددون شهر عسل يصير في حالة وحدة اذا العيال كلهم فوق ال 18 سنة ويفهمون وقالوا يمة يبة روحوا هذاك الوقت اروح اجدد شهر العسل:secret:

[عاشق العديد]

اعرف واحد سافر هو وزوجته وخلوو ولدهم عند ام ابوه .. وصار لهم حادث وتوفوا الاثنين .. والولد اللحين يتيم :(

حرام عليكككك ):

[بونووف]

لا والله ماعندي حد وحتى لو يخلونهم عندي استانس ايونسون اعيالي ويسون لنا جو :)
حتى لو الولد سندارة ماخلية يااخي ولدي حملت فيه 9 شهور اذا ماتحملت سندارته من يتحملة :secret:

تقول يجددون شهر عسل يصير في حالة وحدة اذا العيال كلهم فوق ال 18 سنة ويفهمون وقالوا يمة يبة روحوا هذاك الوقت اروح اجدد شهر العسل:secret:


اشدعوه يعني انا بتم 17 سنه لين اسافر مع مرتي بروحنا ..؟

صعبه اختي انا اشوف الوضع عادي اذا قدرو يرتبون اجازاتهم سفره لعيالهم وسفره لهم .. بس اذا كله لهم ومطنشين لليهال اهني صج بتكون انانيه منهم

[لاميزون]

انا ضد السفر من غير اليهال ومستحيل اسافر واخليهم اما الكل يسافر ولا فلا

[مسمس12]

اشدعوه يعني انا بتم 17 سنه لين اسافر مع مرتي بروحنا ..؟

صعبه اختي انا اشوف الوضع عادي اذا قدرو يرتبون اجازاتهم سفره لعيالهم وسفره لهم .. بس اذا كله لهم ومطنشين لليهال اهني صج بتكون انانيه منهم

انا مااتفق معاك سفرة لهم وسفرة لنا كلنا واحد اسرة وحدة انسافر مع بعض ايتونسون معاكم

[Dana’1]

عاد إذا البزر فتح حلقة يبكي ما يبغى يسافر ... هنا المشكة

[العلم]

شنو .. الواحد يبي يتم طول حياته شهر عسل .. يكفي اول الزواج وبعدين خلاص .. لعيالكم عليكم حق ..

مايعرف قيمة الضنا الا اللي محروم منه ..

[الأصيلة]

:omg::omg::omg: سفر سفر والا تقصدين يروحون مشوار قريب

شلون يثقون فيهم :(

لا والله سفر مالا يقل عن اسبوعين
ويمرضون عيالهم والخدامة توديهم الدكتور..
صحيح هم عائلتين اللي أعرفهم يسونها ...
بس معناه إن فيه ناس قلوبهم قاسية لهذه الدرجة ومايفكرون في العواقب...
واحتمال هناك غيرهم يسوونها وأنا ما أعرفهم...

[بونووف]

انا مااتفق معاك سفرة لهم وسفرة لنا كلنا واحد اسرة وحدة انسافر مع بعض ايتونسون معاكم

ماتكفيهم سفره وحده ..؟ :anger1:

بالنسبه لي اشوف سفره تكفيهم ..وسفره تكفي المره .. وكم سفره لي مع الربع :tease:

[ام السعف]

شنو .. الواحد يبي يتم طول حياته شهر عسل .. يكفي اول الزواج وبعدين خلاص .. لعيالكم عليكم حق ..

مايعرف قيمة الضنا الا اللي محروم منه ..

للضرورة احكام مرات كثيرة ،،

لكن سياحة والطفل قد السفر هذي ما اتقبلها نهائيا ،،

[قطريه22]

يمكن توفير للمصاريف ونفس ماقلتي بيقولون سنداره

[بصمة قطرية]

سبق و تناقش هالموضوع من فترة بسيطة. .!!!!!

[Qatar Angel]

ما فيها شي يالغلا

سفرة رومانسية واحتفال بذكرى زواجهم :shy:

أخوي من فترة سافر مع مرته وحط اعياله عندنا

بالعكس استانست وخذت كورس في الأمومة :nice:

[مسمس12]

اما قويه :eek5:

قوية جداااااااااااااااااااااااا :secret:

[مسمس12]

اعرف واحد سافر هو وزوجته وخلوو ولدهم عند ام ابوه .. وصار لهم حادث وتوفوا الاثنين .. والولد اللحين يتيم :(


الله يرحمهم برحمته:(

[Miss]

السلام عليكم
بما ان الصيف قرب واغلب الناس بدت اتسافر ملاحظة شي الاب والام ايسافرون وايخلون اعيالهم ويتمشون ويقعدون فترة فوق الاسبوعين ليش يعني ماياخذون اعيالهم يقولون لك ايلعوزونا وحنا نبي نستانس سؤال شلون تستانسين وتدورين من دولة دوله وتاكلين وتشربين واعيالج تاركتهم حتى لو عند اهلهم صحيح ماعليهم شر بس هلج وعمامهم وخوالهم مش ملزومين ايتحملون مسؤوليتهم وانتي ماعندج عذر كبير للسفر لا سفرة علاج ولا اتخلصين شغل :secret:

هي حاذفتهم فالشارع !!!
مسمس ما تقدرين تحكمين عليهم بدون ما تعرفين الظروف
فيه رجال يحبون يسافرون مع زوجاتهم بروحهم بدون اطفال
كل واحد وشخصيته
اعرف وحده زوجها يقولها انا مابي سفراتي كلها مع اليهال بوديهم اسبوع وعقب خلاص انا وياج بروحنا واعترضت وتمت تزن لازم عيالنا معانا في كل سفره وهو رافض الفكره ،، الحين سفراته كلها مع ربعه وما عاد جاب لها طاري السفر مع بعض ..
الانسان محتاج راحه ولازم توفر له هالراحه ومب عيب ولا حرام لو سافروا بروحهم فتره

[مسمس12]

حرام عليكككك ):

شفت شلون قطع قلبنا عالولد:(

[مسمس12]

اشدعوه يعني انا بتم 17 سنه لين اسافر مع مرتي بروحنا ..؟

صعبه اختي انا اشوف الوضع عادي اذا قدرو يرتبون اجازاتهم سفره لعيالهم وسفره لهم .. بس اذا كله لهم ومطنشين لليهال اهني صج بتكون انانيه منهم

:(غمض عين وفتح عين يكبرون العيال وسافر مع المدام كل مكان تبية :secret:

[مسمس12]

انا ضد السفر من غير اليهال ومستحيل اسافر واخليهم اما الكل يسافر ولا فلا

:thumbup:

[Ashom Qatar]

انا بصراحة مع السفر بدون اليهال
لان سندارة مو طبيعية وتم تحاتي هذا وذاك
وتروح ثلاثة ارباع السفرة بالمراكض

[لبيبة]

ما تربيت على هالفكرة وما اقدر اتقبلها نهائيا. واشوفها قمة في الانانية، شلون تطاوعهم قلوبهم يتركون عيالهم ويسافرون ويستانسون والعيال اللي الله بيسألهم عنهم يتركونهم وراهم مكسورين الخاطر :( :weeping:

[sos_z]

قمة الانانية وانعدام المسؤولية بنظري=اليوم اللي قررت الزواج فعشان تكون عائلة =تطلعون مع بعض ..وتردون مع بعض..والاولاد ماراح يخربون رومانسيتكم او عطلتكم لو متربيين عدل على الانضباط..انزين يلعوزكم انتم اللي جبتوه ماقدرتو عليه..شلون ترمونهم على غيركم بغض النظر..ماراح يلعوزونهم بعد.....
اودي عيالي معي وربيهم وعلمهم الاعتماد على النفس بعد من صغرهم لازم يشوفون ويتعلمون ..
مصلحة الاولاد عند الاهل الاخيار تاتي اولا..
هذا رايي الخاص.

[مسمس12]

عاد إذا البزر فتح حلقة يبكي ما يبغى يسافر ... هنا المشكة

مامر علي اعيال مايبون السفر شي غريب :secret:

[بوعلي2]

ودقي دقي ياربابه

[مسمس12]

شنو .. الواحد يبي يتم طول حياته شهر عسل .. يكفي اول الزواج وبعدين خلاص .. لعيالكم عليكم حق ..

مايعرف قيمة الضنا الا اللي محروم منه ..


:victory:

مدورتلك مدورتلك :nice:

[dream~qa]

اللي اختار أن يتزوج ويجيب عيال المفروض يكون قد المسؤولية ويعرف أن بيجيب عيال بيكون مسؤول عنهم .

اللوم على الأم والأب .. اللي عندهم قلب ميت ما يهتم في هاليهال شلون بيكونون مع خدامة مجابلتهم طول اليوم ولا بعضهم يخليها تنام معاهم ..

أنا عن نفسي ما أحترمهم وسبحان الله حتى لما اتعامل معاهم لا شعوري يكون بشكل أقل من اللي تهتم بعيالها وأحس أن اللي ما تخلي عيالها عند الخدامة لها قدر أعلى حتى عند العيلة كلها .

[moonبنتnight]

انا رافضة ترك الاطفال بروحهم لكن في امور تستدعي تركهم مثل الحج والعمرة والعلاج 00
لكن سياحة 00 الاسف لا يستحقون أن يكونوا اباء 00

[catqat]

عادي ... والحياة حلوة، اذا ع الموت محد يموت الا بيومه..

وشي ثاني، صحي وايد ان الزوجة تسافر مع زوجها من غير عيال، للتجديد والخصوصية. خصوصا بعد شهور اهمالها له نفسيا،، هو بعد محتاج انه يستمتع بالخلوة.

وواااايد أعرف من القصص اللي لزقت بعيالها واهملت رغبات و زوجها يبيها اتجدد معاه حياتهم يسفرات بروحهم وترفض.. والنتيجة : يدور وحدة ثانية تعطيه ع مزاجه..... :)

[نوار قطر]

صبااحج ورد حبيبتي

انا ضد الي يسافرون ويخلوون عيالهم وخاصة اذا السفره من اسبوع ورايح .. يعني بعد 3 ايام لا حول ولا قوه.. اما انهم يسافرون ويغيرون جوو ويستانسون والعيال اهني.. لااا,,, في بعضهم يخلون العيال من منطق انهم يخافوون عليهم ومايبونهم يتلتهوون وانهم في الدوحه أأمن لهم ..مثل ماقلتي سفره عاديه وسياحه مب لازم يروحون وايد ناس حارمين نفسهم من السفر عشان عيالهم صغار وفي نفس الوقت مايقدرون يسافرون ويخلوونهم..

[عاشق العديد]

انا اقول حق الامهات فلوهااا سافرو وخلو عيالكم .. مرد الولد يكبر ويتزوج .. فافلليها من انتي صغيره احسن ماتفلينها وانتي عيوز ..

معا لحملة خرب الامهات >>

والله هو له سلبيات وله ايجابيات .. على حسب الطفل كم عمره يعني مثلا لو الطفل عمره 4 سنين هاي ماينفع لو اكبر شوي مب مشكله انه يتم مع يدته لكن اصصغر ارفضض وبشده .. وماشوف انه في مانع لو العيال يسافررون عادي يفلونها هم بعد ..

يالله ترزقنا ..

[مسمس12]

لا والله سفر مالا يقل عن اسبوعين
ويمرضون عيالهم والخدامة توديهم الدكتور..
صحيح هم عائلتين اللي أعرفهم يسونها ...
بس معناه إن فيه ناس قلوبهم قاسية لهذه الدرجة ومايفكرون في العواقب...
واحتمال هناك غيرهم يسوونها وأنا ما أعرفهم...

محشومة لكن مااصدق اللي تقولينة :secret::secret:


كل شي جايز :(

[مسمس12]

ماتكفيهم سفره وحده ..؟ :anger1:

بالنسبه لي اشوف سفره تكفيهم ..وسفره تكفي المره .. وكم سفره لي مع الربع :tease:

لازم تلغى سفرة الربع :secret: هذي السفرات للعزوبية :secret:

[NINA RICCI]

انا ضد السفر مع اليهال ... خاصه لو ان السفره اقل من اسبوع ...
الوحده تسافر تغير جو وتبي ريلاكس وهدوء ... اما لو اكثر من اسبوع لازم اليهال معاها
ومب كل السفرات تروحها بدونهم .. سفره خاصه لها مع زوجها وسفره مع اليهال :)

[الكنج]

واللي يقولكم ان في وحدة سافرت مع ريلها عقب الاربعين وتمت أسبوع وخلت الياهل عند جدته ؟!

[بيرق_المجد]

الى سبوعين بدون عيالهم كثيره بصراحه مايمنع ياخذ له ثلاث ايام في احد دول الخليج الزوج والزوجه محتاجين راحه يجلسون مع بعض يتعرفون على بعض اكثر ههههههه المهم يطلعون من اجواء العمل ومن ضغط الاختبارات الدراسيه وبعدها وبعدها يرتب للعائله سفره حلوه ويقضون فيها احلا صيف

[sweet qatar]

السفر بدون الأطفال يقرب بين الزوجين ويضمن لهم تقارب نفسي وروحي يعينهم على تجاوز الخلافات ويزيد من استقرار الأسرة وسعادتها

بشرط انهم يتطمنون على اليهال وما يكلفون على حد


الأم والأب أولى في التمتع بالحاضر والعيال لهم المستقبل ان شالله

[مسمس12]

للضرورة احكام مرات كثيرة ،،

لكن سياحة والطفل قد السفر هذي ما اتقبلها نهائيا ،،

:victory:

[Rider]

موضوع حلو بصراحة الي يترك عياله ويسافر مع زوجته ماعنده سالفه خذ عيالك معاك وخل يستانسون وتحمل المسؤوليه

[العساس]

انا اشف مافيها شي اذا كانت مدتها بسيطة

وذلك امان للعيال

ولا الواحد يقعد يتلفت على اعياله لحد يضيع منهم.


وطالما ان في بيئة امنه لهم في قطر


ويش الي يمنع ان الواحد يسافر مع زوجته ويجدد من الحياة الزوجية.


في النهاية في ناس عايشين مع اعيالهم ومب مهتمين فيهم.
وفي ناس ابعاد عن اعيالهم وسبحان الله كانهم معاهم.


والدعوه في الاخر 10 ايام.


تقبلو مروري

[مسمس12]

يمكن توفير للمصاريف ونفس ماقلتي بيقولون سنداره

اشبيكلفون ياحسرة :secret:

[مسمس12]

سبق و تناقش هالموضوع من فترة بسيطة. .!!!!!

:secret: ماانتبهت له سوري

[أبو راكان]

فرحتي من فرحة عيالي
وناستي من وناسة عيالي
مستحيل اسافر من دونهم

[مسمس12]

ما فيها شي يالغلا

سفرة رومانسية واحتفال بذكرى زواجهم :shy:

أخوي من فترة سافر مع مرته وحط اعياله عندنا

بالعكس استانست وخذت كورس في الأمومة :nice:


الله يخليكم لبعض:) اهم شي الكورس :secret:

[الســـهم]

السفر بدون الأطفال يقرب بين الزوجين ويضمن لهم تقارب نفسي وروحي يعينهم على تجاوز الخلافات ويزيد من استقرار الأسرة وسعادتها

بشرط انهم يتطمنون على اليهال وما يكلفون على حد


الأم والأب أولى في التمتع بالحاضر والعيال لهم المستقبل ان شالله

سامحيني اختي اخالفج بهذا الراي ..

صدقيني وجود العيال بين امهم وابوهم اكبر نعمه , وبالعكس الخلافات تقل لما تكون الاسرة ملتمة مع بعضها ..

وأحب اذكرج ان حاضر الاب والام هم الابناء , وفي حال اني اسلب هذا الحاضر واتركه للمستقبل فأنا مب كفو اكون أب ولا أمهم كفو تكون أم ..

[sweet qatar]

سامحيني اختي اخالفج بهذا الراي ..

صدقيني وجود العيال بين امهم وابوهم اكبر نعمه , وبالعكس الخلافات تقل لما تكون الاسرة ملتمة مع بعضها ..

وأحب اذكرج ان حاضر الاب والام هم الابناء , وفي حال اني اسلب هذا الحاضر واتركه للمستقبل فأنا مب كفو اكون أب ولا أمهم كفو تكون أم ..


كلامك سليم أخوي لكن كلكم فيكم الخير.. الي بيجمع عياله في حضنه والي بيخليهم شوي ويسافر مع امهم

انا ما اقول ان هالشي ضروري ولازم و واجب على الجميع
لكن في حالات تتطلب هالشي، يعتمد الموضوع على الزوج نفسه وطبعه و ظروفه

ممكن يحس انه بحاجة اهتمام زوجته وتفرغها له
خصوصا الي أعمالهم فيها ضغط نفسي كبير يحتاجون مساحة أكبر من الهدوء

[مسمس12]

هي حاذفتهم فالشارع !!!
مسمس ما تقدرين تحكمين عليهم بدون ما تعرفين الظروف
فيه رجال يحبون يسافرون مع زوجاتهم بروحهم بدون اطفال
كل واحد وشخصيته
اعرف وحده زوجها يقولها انا مابي سفراتي كلها مع اليهال بوديهم اسبوع وعقب خلاص انا وياج بروحنا واعترضت وتمت تزن لازم عيالنا معانا في كل سفره وهو رافض الفكره ،، الحين سفراته كلها مع ربعه وما عاد جاب لها طاري السفر مع بعض ..
الانسان محتاج راحه ولازم توفر له هالراحه ومب عيب ولا حرام لو سافروا بروحهم فتره


خلية يسافر مع ربعه هذا متحدى :secret:

[مسمس12]

انا بصراحة مع السفر بدون اليهال
لان سندارة مو طبيعية وتم تحاتي هذا وذاك
وتروح ثلاثة ارباع السفرة بالمراكض


اش وراك اركض وراهم اعيالك :secret:

[بوخالد911]

غلط × غلط


والله يهديهم

[مسمس12]

ما تربيت على هالفكرة وما اقدر اتقبلها نهائيا. واشوفها قمة في الانانية، شلون تطاوعهم قلوبهم يتركون عيالهم ويسافرون ويستانسون والعيال اللي الله بيسألهم عنهم يتركونهم وراهم مكسورين الخاطر :( :weeping:

:victory:

[حماد الدغيمان]

صحيح شي ما بحبه انه يسافرون ويتركون الاطفال اذا كانوا بالغين وقتها يسافرون بدونهم اما غير ذلك فانا ضد ذلك

[بونووف]

لازم تلغى سفرة الربع :secret: هذي السفرات للعزوبية :secret:

يعني اللي يتزوج مايسافر مع ربعه ..؟

:eek5:

[تحداني]

الصيف قرب .. والسفر حان طاريه
:shy:

ما بقى شي على شد الرحال .. وتركنا الي راحل ونسأل سلامه الوصول لهم
والي رايح خل يدير باله على نفسه .. واليهال اخذوهم معاكم
لكن ان لعوزوكم خلوهم خاصه اذا كانوا اصغار يعني نونو


انجوي ابكل شي في السفر


جملكم الله برضاه

[بصمة قطرية]

الصيف قرب .. والسفر حان طاريه
:shy:

ما بقى شي على شد الرحال .. وتركنا الي راحل ونسأل سلامه الوصول لهم
والي رايح خل يدير باله على نفسه .. واليهال اخذوهم معاكم
لكن ان لعوزوكم خلوهم خاصه اذا كانوا اصغار يعني نونو


انجوي ابكل شي في السفر


جملكم الله برضاه

تحداني
أبي أروح العمره :(
عيالي كلهم يبون يروحون معاي :weeping: