اصحاب الخبر في مرض السكر ( إبر الانسولين تحديدا )

[Aaziz]

السلام عليكم

الله يشافي كل مريض و يكتب له الاجر ان شاءالله .

اخواني عندي الوالده الله يسلمها تستخدم ابر الانسولين وهي تستخدمها من 10 سنوات تقريبا .
هي حاليا تستخدم الابر القديمه جدا ،،، يعني الانسولين مخلوط و تسحبه بالابره العاديه الي يطلعون منها الهوى
اذا طالعه الصوره ،، هذي هي الابره الي تستخدمها

http://t0.gstatic.com/images?q=tbn:ANd9GcQZW3WUf3boODoFX50gBWNiS2LBIQOVs x81It1J_3CscfNTX7xg

و رافضه تستخدم النظام الحالي الي الكل يستخدمه وهو الابر الي فيها فرار من ورى يحدد كمية الانسولين .
هذي
http://do4a.com/attachments/s13547011-jpg.1717/

انا ماعندي خبره في الانسولين ولكن الي فهمته ان الابر الحديثه تكون عباره عن ابرتين كل ابره نوع مختلف .. مفعول سريع يعمل لساعتين او ثلاث + مفعول بطيء يعمل لساعات طويلة (الي هو في النهايه مخلوط وجاهز في النظام القديم)

سؤالي :
1- هل يوجد في نظام الابر الجديده عبوات مخلوطه جاهزه .. و بالتالي اذا استخدمتها راح تفتك من الابره القديمة و حجم ابرتها المؤلم و خطورة الهوى ؟ ويبقى الانسولين نفسة المخلوط بس بيعطونه اياها في العبوات الجديده و الابر الجديده .

السؤال الثاني ،، هل يعتبر استخدام ادويه الانسولين منفصله (يعني مش النظام المخلوط) افضل لمريض السكر ،، ولا كلهم نفس الشي ،، ابره وحده فيها الادويه الاثنين مخلوطين وجاهزين ،، او ابرتين كل وحده فيها دواها منفصل .

طبعا هي تتابع مع دكتور مركز صحي و هذا الدكتور اعتقد انه يأس من كبار السن و يتركهم على هواهم لانه صعب اقناعهم بدواء غير دواهم .


نورونا الله يجزاكم خير .

[عضو نشيط]

السلام عليكم ورحمة الله وبركاته

اخوي عزيز الله يشفيها الوالدة والله يوجرها ويوجرك ،،،،،

اخوي نظام ابر الإنسولين المستخدم انواع ،،،

وكل حاله لها نوع السكر والإبر المطلوبه ،،،،

مثلاً بالنسبه لي انا ،،،

استخدمت ابر الإنسولين من عشر سنوات تقريباً ،،،، وجربت الحبوب ولا نفعت معاي ،، ورجعت للأبر مره ثانيه وهو سحب من علبتين مثل ما ذكرت ،، السريع والبطئ ( العكر والصافي ) بعدين عطوني علبه وحده مخلوطا ،،، هم ما مشت معاي ورجعوني على العلبتين ،،،، وبعد فتره جربوا معاي الإنسولين الجاهز في الأقلام وهو قلمين ،،،،، ولكن ،، دون فائده ،، ورجعوووني على العلبتين القديمه ،،،

وقال لي الدكتور يا ابني انت ما ينفعش معاك غير النظام ده وخليك عليه وربنا يكون في عونك ،،،
ده فيه ناس تمشي معاهم وناس ما تمشيس معاهم ،،، وتقبلنا الامر الواقع والحمدلله ....

بعدين فيه حبوب منظمه للسكر لو تمشي مع امك هالحبوب بينظم لها السكر ،،، اسأل عنها ،،،

وبعدين ابر الإنسولين صار مستشفى حمد يصرف ابر رؤسهم صغار ونحيفه وزينه ،،،

وأي شئ تبي تستفسر عنه انا حاضر ،،،

وما تشوف شر الغاليه

[Qatar Angel]

اخوي الإبرة الي مثل القلم أفضل استخداماً واكثر دقة في
حساب الجرعة،، وما في أنسولين مخلوط وجاهز ،،
الوالدة تستخدم نوعين اكترابيد + نوفوميكس
في ابرتين منفصلين وتعودت عليهم،،
والله يشافي الوالده ويعينك على طاعتها وبرها

[بوعلي2]

حاليا يوجد ابره رماديه فرار من ورى انسولين صناعي جااهز يصرفون لها راس الابره قد الظفر صغييير وتفر الابره مثلا على ثلاثين وتضغط ع يدها يعني اممم ترفع جلدها لان مكان هالابره تحت الجلد وتحسب لين 11 وتشيلها وبعد ماضربها تفطر عادي وتاكل الحبه المنظمه للسكر وهي جلوكوفاج 500 للسكر حبه صباحا وعلى الغدى والعشى طبعا مفعول الابره 24 ساعه وتفتك من الابرتين وتفتك من ابر السحب التعبئه
بدون جلوكوفاج المنظم لايمكن ولن يمكن ان السكر يظبط ع الابره ضروريه هالحبه :shy:
وبالشى وربي يحفظها لك وانا والدتي مثلك ويوميا اعطيها هالابره ونتظم السكر بعد عناء طويل مع العلاج الى ان عطونا الابره الرماديه واذا حاب عطني خبر وباصورها لك مع راسها ومع جلوكوفاج 500 للسكر
وموفق وين مارحت يالذيب

[بصمة قطرية]

عيوزي كانت تاخذ الإبرة القديمة العادية
صار لها فترة تاخذ النوع الجديد القلم
والحمدلله السكر منتظم عندها ..
و سهلة الإستخدام
و مب مؤلمة ..
و هي إرتاحت عليها ..
بالنسبة للصافي و العكر ما عندي فكرة
إذا الإبرة القلم مت رفة بخليط واحد لهم ..
ما تشوف شر الوالدة إن شاءالله ،،

[قــ502ـطرالعز]

انا اعتقد ابر الاقلام اسهل واسرع وغير مؤلمه للكبار السن والشباب ايضا ... والنوع المخلوط اسمه مكستارد ٣٠ طبعا الدكتور هو الي يحدد اذا كان يمشي مع المريض اولا ... الله يشفي جميع مرضى المسلمين

[لبيبة]

ما عندي فكرة عن إبر الانسولين، والافضل متابعة طبيب استشاري الغدد الصماء والسكر في مستشفى حمد وليس طبيب المركز الصحي، والله يشافي والدتك ويعافيها ويشافي مرضانا ومرضى المسلمين.

[Aaziz]

الله يجزاكم خير على المعلومات

اللهم اشف مرضانا و مرضى المسلمين جميعا