المساعد الشخصي الرقمي

مشاهدة النسخة كاملة : الحذر يااهل قطر..


sos_z
11-06-2013, 09:57 PM
اول مرة من شي شهر وانا طالع من سوبر ماركيت بالعزيزية ..حرمة لابسة عباية ومنقبة لهجتها تبين انها من جنسية عربية للاسف .. حصلت المرة فاتحة سيارتي وقاعدة تدور بالتابلوه والحمد لله كنت توني جايبها من المغسلة يعني فاضية وتلفوني معاي يوم نزلت..
صحت عليها من باب الماركيت سوت نفسها غلطانة بالسيارة واعتذرت..و شردت
قلت مع نفسي ماعليه ممكن....:omg:

عقب صارت لي هالاسبوع بنفس الماركيت بس مانزلت لين قفلت سيارتي..المهم وانا طالع جاني تلفون من الاهل وقفت ارد.. الا اشوف حرمة مادري اذا هي نفسها او وحدة ثانية تدور على السيارات اللي موقفين تحاول تفتحهم...
بندت الجوال او حاولت اتصل على الشرطة ..خطهم مشغول والمرة اختفت وانا رديت البيت ..االبارحة جاني صديقي للمجلس قال انسرق بالعزيزية..نزل يجيب غثرات موصي عليهم رد حصل مخباه طار..
بغيت اشارككم باللي حصل معاي عشان لاحد ينزل ويخلي سيارته مفتوحة بعد اليوم بالمواقف.
MAZEN37
11-06-2013, 10:03 PM
والله اتمنى تكون كاميرات بكل مكان عام وشارع علشان هذه الفئه تخاف تسوي اشياء غلط
تسلم على التنبيه
sos_z
11-06-2013, 10:12 PM
Mazen37
الله يسلمك اخوي..الله يسمع منك ويحطوا كاميرات
عيون الدوحة
11-06-2013, 10:20 PM
حط اسم السوبرماركت
عشان نحذر الناس
صوت مواطن
11-06-2013, 10:23 PM
كيف رقم الشرطة مشغول
بوعلي2
11-06-2013, 10:26 PM
تسلم يالغالي لطرح الموضوع المفيد
نأمل ان الكل يستفيد منه
وانا اولهم كل اخلي سيارتي مفتوحه والاغراض كلها فيها والفلوس

الله كريم
حمد 2002
11-06-2013, 10:26 PM
اول مرة من شي شهر وانا طالع من سوبر ماركيت بالعزيزية ..حرمة لابسة عباية ومنقبة لهجتها تبين انها من جنسية عربية للاسف .. حصلت المرة فاتحة سيارتي وقاعدة تدور بالتابلوه والحمد لله كنت توني جايبها من المغسلة يعني فاضية وتلفوني معاي يوم نزلت..
صحت عليها من باب الماركيت سوت نفسها غلطانة بالسيارة واعتذرت..و شردت
قلت مع نفسي ماعليه ممكن....:omg:

عقب صارت لي هالاسبوع بنفس الماركيت بس مانزلت لين قفلت سيارتي..المهم وانا طالع جاني تلفون من الاهل وقفت ارد.. الا اشوف حرمة مادري اذا هي نفسها او وحدة ثانية تدور على السيارات اللي موقفين تحاول تفتحهم...
بندت الجوال او حاولت اتصل على الشرطة ..خطهم مشغول والمرة اختفت وانا رديت البيت ..االبارحة جاني صديقي للمجلس قال انسرق بالعزيزية..نزل يجيب غثرات موصي عليهم رد حصل مخباه طار..
بغيت اشارككم باللي حصل معاي عشان لاحد ينزل ويخلي سيارته مفتوحة بعد اليوم بالمواقف.

لاتتصل بالشرطه ولا شيء ، المره الجايه امسكها وودها الشرطه بنفسك :)
القيادي
11-06-2013, 10:27 PM
نصيحه اذا شردت فتركها لاتحاول تمسكها والا نقلبت الدعوه عليك واتهمتك باتهامات باطله وفي الاخير هي طلعت من مركز الشرطة وانت متوسدها بالسجن والمصيبه اذا طلبت منك مبلغ للتنازل
عاد هذا يسمونه ام القهر :eek5:
sos_z
11-06-2013, 10:27 PM
حط اسم السوبرماركت
عشان نحذر الناس

حاضر اخوي=
السوبر ماركيت= مجمع العزيزية للتسويق العائلي.
وبعد في قدام الصيدلية =صيدلية الفاتح.
الله لا يبلانا ويكفينا شرهم
sos_z
11-06-2013, 10:33 PM
نصيحه اذا شردت فتركها لاتحاول تمسكها والا نقلبت الدعوه عليك واتهمتك باتهامات باطله وفي الاخير هي طلعت من مركز الشرطة وانت متوسدها بالسجن والمصيبه اذا طلبت منك مبلغ للتنازل
عاد هذا يسمونه ام القهر :eek5:

:victory:ايه اخوي هذا اللي خفت منه..اذا الشرطة نفسهم مايمسكون حرمة ..ويحاوطونها لين ماتجي شرطية اشلون انا مواطن عادي اقدر امسكها...
sos_z
11-06-2013, 10:35 PM
تسلم يالغالي لطرح الموضوع المفيد
نأمل ان الكل يستفيد منه
وانا اولهم كل اخلي سيارتي مفتوحه والاغراض كلها فيها والفلوس

الله كريم

اللهم اكفينا شرهم ...
شكرا اخوي
sos_z
11-06-2013, 10:38 PM
كيف رقم الشرطة مشغول


اتصلت عليهم اخوي مشغول ..مرتين يوم التفت حصلت المراة اختفت ..ركبت سيارتي ورديت لبيتي.
هذا اللي صار معاي والله على مااقوله شهيد..الموضوع عشان اخواني القطريين مايوقعون بنفس الشيء.
مشكور اخوي على مرورك.
Qatar Angel
11-06-2013, 10:41 PM
مسكينه ،، يمكن فقيرة وحالتها صعبة
بس ما تخاف على عمرها حد يستغلها او شي
sos_z
11-06-2013, 10:50 PM
مسكينه ،، يمكن فقيرة وحالتها صعبة
بس ما تخاف على عمرها حد يستغلها او شي


ممكن..الله اعلم
بس هذا ابدا مب سبب عشان تسرق ..
في جمعيات خيرية وايد تساعد الناس..واهل قطر اهل خير وشهامة ومايردون احد...
لو كانت جات وطلبت اكيد كنت عطيتها من رزق الله
بس السرقة لا ومليون لا...
ايام قبل كنا نخلي سياراتنا مفتوحة ماكان حد يدري عنها..هالحين اقفلها قبل لا تتوكل.