&& القطري الي ما عليه ديون .. هذا مب قطري ! &&

[خليفـة]

مساكم الله بالخير جميع

من فترة اسولف مع واحد من الشياب .. وخذينا وعطينا
في أمور الحياة بشكل عام .. ولما تطرقنا للسوالف في
الامور المالية والمشاكل الاقتصادية الي يعاني منها كثير
من المواطنين .. قال لي بالحرف الواحد :

القطري الي ما عليه ديون .. هذا مب قطري

لما تمعنت في كلامه .. لقيته في الغالب على حق
مافيه قطري تقريباً الا عليه سلفة سيارة او سلفة راتب
او سلفة لبنك التنمية او او او الخ ..

ولكن

هل يعني الكلام اعلاه استحالة العيش في قطر بدون ان
تكون مديون للبنك أو لجهة عملك او لأي جهة مالية اخرى !!

خليفــة

[وطن]

عيل سجل عندك
واحد مب قطري
انا هاهاهاهاهاهاها


الصراحة اخر قرض سكرته في 2009
وقلت ماراح اخذ قرض بعدها لو شنو
مب عشان كنت متوهقه في تسديده بالعكس ما كنت احس فيه ولله الحمد
بس لان ما احب الدين

ومن 2009 لين يومك ولله الحمد ما اخذت قرض
و ابي ابدل سيارتي
بس ماسكه نفسي لان مابي اخذ سلفه

[عيون الدوحة]

اذا الواحد رتب نفسة عدل اول ماتوظف وفتح له حساب توفير وقعد يجمع له اول باول
وتالي يشتري الي بخاطر بفلوس التوفير
عمره ماراح يتطرق للسلف والدين

[دااانة قطر]

الحمدلله ماعلي ديون












الحمدلله

[عيون الدوحة]

عيل سجل عندك
واحد مب قطري
انا هاهاهاهاهاهاها


الصراحة اخر قرض سكرته في 2009
وقلت ماراح اخذ قرض بعدها لو شنو
مب عشان كنت متوهقه في تسديده بالعكس ما كنت احس فيه ولله الحمد
بس لان ما احب الدين

ومن 2009 لين يومك ولله الحمد ما اخذت قرض
و ابي ابدل سيارتي
بس ماسكه نفسي لان مابي اخذ سلفه

نصيحة خلج على سيارتج وايد ابررك
الحين الناس تمشي وتدعم من كثر الزحمة وتزلق سيارات العالم

[خليفـة]

عيل سجل عندك
واحد مب قطري
انا هاهاهاهاهاهاها


الصراحة اخر قرض سكرته في 2009
وقلت ماراح اخذ قرض بعدها لو شنو
مب عشان كنت متوهقه في تسديده بالعكس ما كنت احس فيه ولله الحمد
بس لان ما احب الدين

ومن 2009 لين يومك ولله الحمد ما اخذت قرض
و ابي ابدل سيارتي
بس ماسكه نفسي لان مابي اخذ سلفه

نصيحة .. اصبري لين توفرين قيمة السيارة بالكامل
واشتريها
منها بتكون ارخص من القيمة بالاقساط
ومنها بتكون السيارة محررة من اول لحظة
بالتوفيق ان شاء الله
:)


اذا الواحد رتب نفسة عدل اول ماتوظف وفتح له حساب توفير وقعد يجمع له اول باول
وتالي يشتري الي بخاطر بفلوس التوفير
عمره ماراح يتطرق للسلف والدين

اتفق مع هذا الراي وبقوة
شكرا للمرور الجميل
:)

[خليفـة]

الحمدلله ماعلي ديون

الحمدلله

الحمدلله
الله يوفقج ويرزقج ولا يقربج من أي دين او التزامات مادية
:)

شكرا للمشاركة

[وطن]

نصيحة خلج على سيارتج وايد ابررك
الحين الناس تمشي وتدعم من كثر الزحمة وتزلق سيارات العالم

شدعوه اختي !!
يعني على جذي محد بيشتري له سيارة جديدة !!






نصيحة .. اصبري لين توفرين قيمة السيارة بالكامل
واشتريها
منها بتكون ارخص من القيمة بالاقساط
ومنها بتكون السيارة محررة من اول لحظة
بالتوفيق ان شاء الله
:)



اتفق مع هذا الراي وبقوة
شكرا للمرور الجميل
:)

مو لأن اللي عندي محرره من أول يوم
عشان جذي ما ابي اخذ وحده بالأقساط
كانت عندي وحده عليها اقساط في 2009 و اخذت اللي عندي كاش

بعت اللي بالأقساط عشان افتك من الدين بس
ولا كانت في خاطري
ولا زالت :weeping:

[خليفـة]

شدعوه اختي !!
يعني على جذي محد بيشتري له سيارة جديدة !!





مو لأن اللي عندي محرره من أول يوم
عشان جذي ما ابي اخذ وحده بالأقساط
كانت عندي وحده عليها اقساط في 2009 و اخذت اللي عندي كاش

بعت اللي بالأقساط عشان افتك من الدين بس
ولا كانت في خاطري
ولا زالت :weeping:

الله يعطيج خير الي عندج ويكفيج شرها ان شاء الله
والله يبارك للي شرى سيارتج ( الي للحين خاطرج فيها )
:victory:

[قطريه22]

خلها على الله

في اوقات اضطريت اخذ هالدين ومشكلتي كانت مع بنك ربوي 3سنين والقرض نفسه مانقص شيء وعقبها بدلت لبنك اسلامي والحمدلله الدين بدى يقل

بس الاغلبيه الي عليهم ديون الرياييل لان عليهم مسؤوليه اكبر من يومين امي تقولي حاولي تسدين الدين الي عليج ولاتلعبين في راتبج ومن هالكلام قلتها نفس جملة رفيجك (( مافي قطري ماعليه دين ))

[بصمة قطرية]

المقولة غير صحيحة
وايد ما عليهم ديون الحمدلله
عايشين و عازين نفسهم ..
بعيد عن الديون و عوار الراس ،،

[وطن]

الله يعطيج خير الي عندج ويكفيج شرها ان شاء الله
والله يبارك للي شرى سيارتج ( الي للحين خاطرج فيها )
:victory:

لا خلاص باعها
شبع منها بسرعه هاهاهاهاهاها


تسلم ع الدعوة الطيبة اخوي

[عاشق العديد]

ماعلي ولادين بس سلفة سيارتين وسلفة دوام وراعي الدكان والخياط والقراج يطلبونيًكح كحً امزح نعم مانقدر نوفر فلوس من غير قرض الا لو كنت هامور

[بريق الحق]

كلام غير صحيح

الله لا يحوجنا الا اليه في طلب المال

[خليفـة]

خلها على الله

في اوقات اضطريت اخذ هالدين ومشكلتي كانت مع بنك ربوي 3سنين والقرض نفسه مانقص شيء وعقبها بدلت لبنك اسلامي والحمدلله الدين بدى يقل

بس الاغلبيه الي عليهم ديون الرياييل لان عليهم مسؤوليه اكبر من يومين امي تقولي حاولي تسدين الدين الي عليج ولاتلعبين في راتبج ومن هالكلام قلتها نفس جملة رفيجك (( مافي قطري ماعليه دين ))
اللہ يفكج من ديونج أقرب وقت ان شاء اللہ
وكلام الوالدة عين العقل
شكرا للمشاركة


المقولة غير صحيحة
وايد ما عليهم ديون الحمدلله
عايشين و عازين نفسهم ..
بعيد عن الديون و عوار الراس ،،
متااكدة وايد إختي بصمة !
كل الاحترام لرايج الكريم عموما
:)


لا خلاص باعها
شبع منها بسرعه هاهاهاهاهاها


تسلم ع الدعوة الطيبة اخوي
اللہ يسلمج


ماعلي ولادين بس سلفة سيارتين وسلفة دوام وراعي الدكان والخياط والقراج يطلبونيًكح كحً امزح نعم مانقدر نوفر فلوس من غير قرض الا لو كنت هامور
والله يا خوي حتى الهوامير مديونين
بـ?ـس مديونياتهم لأسباب مختلفة نوعا ما
من ضمنها
انهم يحبون يحتفضون بالكاش لاقتناص الفرص الذهبية
شكرا للمشاركة

[Miss]

ممممممم في ناس تجبرهم الظروف ياخذون ديون ،، وما يقدرون يجمعون في هالراتب ،، الراتب يروح في جمعيه في بترول في تصليح سياره في فاتورة تلفون وفي في في ..
الراتب يدوب يكفي حاجتهم والدنيا غلت مب نفس قبل الراتب بسرعه يطير
هذا في اعتقادي بس يمكن صح يمكن خطأ
انا ما عندي دين لاني ما اشتغل للحين :o

[همر]

لو سمحتوا البنات لا يتكلمون عن القروض :weeping:


راتبها لها واتزوج وتاخذ فلوس على قلبها أد كده

وتسكن في بيت لا وتطالب زوجها

بسياره بعد :anger1:



تعال انت يا بو الشباب... واخذ قرض حق سيارتك

وسيارة البيت والبلوه العوده قرض الاسكان...



رتب نفسك واشتر على قدك هذا كلام ناس عزوبيه او بنات ..


بيجيك واحد يقولك حتى البيت جمعت فلوسه وشريته كاش


احب اقوله احمد ربك بس انت حاله خاصه :shy: ومش من

عامة الشعب :)

[حمد 2002]

مساكم الله بالخير جميع

من فترة اسولف مع واحد من الشياب .. وخذينا وعطينا
في أمور الحياة بشكل عام .. ولما تطرقنا للسوالف في
الامور المالية والمشاكل الاقتصادية الي يعاني منها كثير
من المواطنين .. قال لي بالحرف الواحد :

القطري الي ما عليه ديون .. هذا مب قطري

لما تمعنت في كلامه .. لقيته في الغالب على حق
مافيه قطري تقريباً الا عليه سلفة سيارة او سلفة راتب
او سلفة لبنك التنمية او او او الخ ..

ولكن

هل يعني الكلام اعلاه استحالة العيش في قطر بدون ان
تكون مديون للبنك أو لجهة عملك او لأي جهة مالية اخرى !!

خليفــة

سؤال خارج سياق الموضوع واذا سببلك ازعاج ولا حرج اخوي خليفه لاتجاوبه واعتبره مب موجود اصلا ولا نسأل ، هل انت عليك ديون ؟

اما بالنسبه لموضوعك اذا الواحد بيتزوج عادي ياخذ ديون ولتجاره عادي ياخذ ديون ولعلاج كذلك ، يعني للضروريات القصوى ،،

اما للعبه اما لسفر ولا سياره ولا خرابيط لا والف لا ومليار لا ،، يعني على سبيل المثال بدال ماخذلي سلفه واشتريلي فكسار قيمته 300 الف ، اخذلي بداله عرواي مستعمل قيمته 25 الف ريال ولا كامري مستعمل موديل 2006 قيمته ان كثر 35 الف ،،،

الخلاصه ياخوك (( كل واحد عقله براسه ويعرف خلاصه ))

تحيااااااااااااتي لك ،،، :victory:

[عاشق العديد]

ممممممم في ناس تجبرهم الظروف ياخذون ديون ،، وما يقدرون يجمعون في هالراتب ،، الراتب يروح في جمعيه في بترول في تصليح سياره في فاتورة تلفون وفي في في ..
الراتب يدوب يكفي حاجتهم والدنيا غلت مب نفس قبل الراتب بسرعه يطير
هذا في اعتقادي بس يمكن صح يمكن خطأ
انا ما عندي دين لاني ما اشتغل للحين :o

والله نفس المعاناه

[خليفـة]

كلام غير صحيح

الله لا يحوجنا الا اليه في طلب المال
آمين


ممممممم في ناس تجبرهم الظروف ياخذون ديون ،، وما يقدرون يجمعون في هالراتب ،، الراتب يروح في جمعيه في بترول في تصليح سياره في فاتورة تلفون وفي في في ..
الراتب يدوب يكفي حاجتهم والدنيا غلت مب نفس قبل الراتب بسرعه يطير
هذا في اعتقادي بس يمكن صح يمكن خطأ
انا ما عندي دين لاني ما اشتغل للحين :o
أن شاء اللہ تشتغلين
وتكونين بعيدة عن الديون
شكرا للمشاركة



لو سمحتوا البنات لا يتكلمون عن القروض :weeping:


راتبها لها واتزوج وتاخذ فلوس على قلبها أد كده

وتسكن في بيت لا وتطالب زوجها

بسياره بعد :anger1:



تعال انت يا بو الشباب... واخذ قرض حق سيارتك

وسيارة البيت والبلوه العوده قرض الاسكان...



رتب نفسك واشتر على قدك هذا كلام ناس عزوبيه او بنات ..


بيجيك واحد يقولك حتى البيت جمعت فلوسه وشريته كاش


احب اقوله احمد ربك بس انت حاله خاصه :shy: ومش من

عامة الشعب :)

هههههههه
مداخلة جميلة
أشكرك عليها


سؤال خارج سياق الموضوع واذا سببلك ازعاج ولا حرج اخوي خليفه لاتجاوبه واعتبره مب موجود اصلا ولا نسأل ، هل انت عليك ديون ؟

اما بالنسبه لموضوعك اذا الواحد بيتزوج عادي ياخذ ديون ولتجاره عادي ياخذ ديون ولعلاج كذلك ، يعني للضروريات القصوى ،،

اما للعبه اما لسفر ولا سياره ولا خرابيط لا والف لا ومليار لا ،، يعني على سبيل المثال بدال ماخذلي سلفه واشتريلي فكسار قيمته 300 الف ، اخذلي بداله عرواي مستعمل قيمته 25 الف ريال ولا كامري مستعمل موديل 2006 قيمته ان كثر 35 الف ،،،

الخلاصه ياخوك (( كل واحد عقله براسه ويعرف خلاصه ))

تحيااااااااااااتي لك ،،، :victory:
مادري ليش تشخصن اي موضوع أكتبه للنقاش يا حمد
وتوجه أسأله لي
مع إن فكرة إالموضوع أان يكون الحوار عام
ومع ذلك بجاوبك
اليوم مع آذان المغرب سددت أخر دين علي لله الحمد
ؤمن بعد ذاك الدين ما علي إلاا قسط بنك التنمية
أتمنئ تكون ارتحت الحين

نقطة أخرى حمد
ترى لما تقول كلن عقله في رأسه الخ ...
تعطي انطباع إنك تشوف الموضوع تافه ؤلأا يستحق
كتابته أو الحوار فيه
أخوي حمد لك مواضيع عديدة رأيي فيها لن يسر خاطرك .. ؤلكن الذوق يجبرني إن احتفظ برأيي لنفسي
في حال شعرت إن رأيي لن يعجبك
سهل جدا علي إن أقول لك : كل عصفور عقله في رأسه
ويعرف خلاصه
هذا بالنسبة لموضوعك الخطير الأخير : هل للعصفور مخ .

وسلامتك

[العقل المدمر]

لو سمحتوا البنات لا يتكلمون عن القروض :weeping:


راتبها لها واتزوج وتاخذ فلوس على قلبها أد كده

وتسكن في بيت لا وتطالب زوجها

بسياره بعد :anger1:



تعال انت يا بو الشباب... واخذ قرض حق سيارتك

وسيارة البيت والبلوه العوده قرض الاسكان...



رتب نفسك واشتر على قدك هذا كلام ناس عزوبيه او بنات ..


بيجيك واحد يقولك حتى البيت جمعت فلوسه وشريته كاش


احب اقوله احمد ربك بس انت حاله خاصه :shy: ومش من

عامة الشعب :)



صدقت الله يعينكم :weeping:

[بوخالد911]

قالوووووووووها العقل نعمة

وأعرررف نااااس وايد ما عليهم ديون ولا سلف

ناس راكزة
ما تحب المظاهر والزبوووووووووو ووووووووووووووووووو.......................... الخ

[حسن]

يااخون انا لي ديون ماعلي ديون وشرايك
اللي متدين مني مصيف في لندن
وانا تحت سمره مشاهد الضبان في ذالاهوب

وتصدق سيارتي سوزوكي جمني 2013
اخر موديل وكاش
يقول المثل مدرجيلك على قد لحافك

اتوقع نسبه 95% ماعليهم ديون حقيقيه
بمعني دين معيشه
كلها ديون زياده راس مال سفر ترفيه
على فكره باقولك شي اعرف كثير من اصحاب الثروات مواترهم ياخذونها اقصاد اقوله ليش يقولك الكاش عزيز وصياد يخصمون قصدهم والبنك اللي يدفع والكاش موجود وهو معاه حق
ذكرتني يوم فزنا بملف الكوره ثاني يوم رايح البنك ومعاي مطرقه بق همر كان يقولي السكيوتي اسكيوزمي وتز ذات قلت له ابي اكسر الوديعه والموظفه تقولي بليز بتروح عليك 30 الف ارباح قلت لها خليها حق البنك صدقه
كان ادق في الاسهم واطلع لي ذاك المبلغ المحترم اللي يغطي وديعتهم سنوات جدام
الحياه فرص اذا وجدت لاتفوتها

مثل السوزوكي

:victory:

[بصمة قطرية]

لو سمحتوا البنات لا يتكلمون عن القروض :weeping:


راتبها لها واتزوج وتاخذ فلوس على قلبها أد كده

وتسكن في بيت لا وتطالب زوجها

بسياره بعد :anger1:



تعال انت يا بو الشباب... واخذ قرض حق سيارتك

وسيارة البيت والبلوه العوده قرض الاسكان...



رتب نفسك واشتر على قدك هذا كلام ناس عزوبيه او بنات ..


بيجيك واحد يقولك حتى البيت جمعت فلوسه وشريته كاش


احب اقوله احمد ربك بس انت حاله خاصه :shy: ومش من

عامة الشعب :)


همر
أنا مش موظفة
و مستحيل أشجع زوجي إنه ياخذ له سلفية
أو يتدين ..

[همر]

همر
أنا مش موظفة
و مستحيل أشجع زوجي إنه ياخذ له سلفية
أو يتدين ..



بعيد عن اللقافه وعشان ما اسأل اسئله شخصيه

الاسر المقترضه ..مش المنقرضه..ولا اللي قارضتهم

الفيران.. عادة مايكونون اسر متوسطه الدخل

ساكنين بيت حكومي وراكبين سيارات تمشي الحال

وعندهم عدد لا بأس به من البزارين والبزارينات

وهذول هم عامة الشعب المديونين..



في ناس فووووق مش محتاجين قروض..

وفي ناس تحتتتتت مش قادرين عالقروض..



وفي هذا عندي استعداد اراهن بكل ديوني

اذا رسمنا رسم بياني على شكل الجرس

Bell-Curve راح تكون الاغلبيه المديونه تحت خط

ال97٪ والاقليه (النوعين الثانيين) تحت خط ال

3٪ :omen2:


من مستعد يسوي الدراسه ويربح كل مديونياتي؟!! :shy:

[khalid525]

كلام صحيح وشوفوا احصائيات المصرف المركزي عن اليون الاستهلاكية للافراد

[بصمة قطرية]

بعيد عن اللقافه وعشان ما اسأل اسئله شخصيه

الاسر المقترضه ..مش المنقرضه..ولا اللي قارضتهم

الفيران.. عادة مايكونون اسر متوسطه الدخل

ساكنين بيت حكومي وراكبين سيارات تمشي الحال

وعندهم عدد لا بأس به من البزارين والبزارينات

وهذول هم عامة الشعب المديونين..



في ناس فووووق مش محتاجين قروض..

وفي ناس تحتتتتت مش قادرين عالقروض..



وفي هذا عندي استعداد اراهن بكل ديوني

اذا رسمنا رسم بياني على شكل الجرس

Bell-Curve راح تكون الاغلبيه المديونه تحت خط

ال97٪ والاقليه (النوعين الثانيين) تحت خط ال

3٪ :omen2:


من مستعد يسوي الدراسه ويربح كل مديونياتي؟!! :shy:

:deal::deal: أول أعرف كم مديونياتك
و هل تستحق التعب
عقب بقول لك بتبرع وبسوي الدراسة
أسلي عمري بشي :victory:



بعيداً عن الخصوصية
و لله الحمد فوق و ل تحت في الوسط
و ما نفكر في المديونيات :victory:
أساس العيشة الهنية القناعة :victory:

[khaldoon]

لو سمحتوا البنات لا يتكلمون عن القروض :weeping:


راتبها لها واتزوج وتاخذ فلوس على قلبها أد كده

وتسكن في بيت لا وتطالب زوجها

بسياره بعد :anger1:



تعال انت يا بو الشباب... واخذ قرض حق سيارتك

وسيارة البيت والبلوه العوده قرض الاسكان...




البنت لما يجيها عريس تصلي صلاة استخارة و بس ....الشاب بيحط فوق نص مليون ريال ....لا و يطالبون بالمساواة :secret:

[حمد 2002]

آمين


أن شاء اللہ تشتغلين
وتكونين بعيدة عن الديون
شكرا للمشاركة


هههههههه
مداخلة جميلة
أشكرك عليها


مادري ليش تشخصن اي موضوع أكتبه للنقاش يا حمد
وتوجه أسأله لي
مع إن فكرة إالموضوع أان يكون الحوار عام
ومع ذلك بجاوبك
اليوم مع آذان المغرب سددت أخر دين علي لله الحمد
ؤمن بعد ذاك الدين ما علي إلاا قسط بنك التنمية
أتمنئ تكون ارتحت الحين

نقطة أخرى حمد
ترى لما تقول كلن عقله في رأسه الخ ...
تعطي انطباع إنك تشوف الموضوع تافه ؤلأا يستحق
كتابته أو الحوار فيه
أخوي حمد لك مواضيع عديدة رأيي فيها لن يسر خاطرك .. ؤلكن الذوق يجبرني إن احتفظ برأيي لنفسي
في حال شعرت إن رأيي لن يعجبك
سهل جدا علي إن أقول لك : كل عصفور عقله في رأسه
ويعرف خلاصه
هذا بالنسبة لموضوعك الخطير الأخير : هل للعصفور مخ .

وسلامتك

اخوي خليفه فهمتني غلط :) انا يوم قلت كلن عقله في راسه ويعرف خلاصه ماقصدت موضوعك والله ، انا قصدت صاحب الدين نفسه ، يعني بأنه له عقل يقدر ايفرق بين الامور اذا خذ دين للعبه والامور الثانويه هو الي بيتوهق واذا خذ دين لأمور مهمه وعرف يتصرف بحكمه ورويه ماراح يتوهق ،،

[مرحوم قطر]

لا مب مستحيل

و اليكم قصتي و هي فعلاً ربعي معتبرينها للعضيه

و انا اذا شفت واحد ناوي يقط نفسه في التهلكه اقوله قصتي


انا اشتغلت و عمري 18 سنه في العسكريه

و تعرفون مثل باقي المراهقين في هلعمر طيش و استعباط

و البنوك على ذيك الايام اي شي تبيه يعطونك اذا خذت سلفيه يحبونك


خذت سلفه طلعت لي كامري موديل 2000 اخبر كانت تقريبا 30 الف مستعمله

قلت معلي باخذ بس 30 الف مب ماخذ وايد المراد بعد الكامري خذت نيسان

و اهني تغير الكلام قلت اهم شي ماوصل 100 الف و بعدها خذت سلفيه زودت الموتر

و بعدها خذت سلفه سافرت و سافرت و زودت و موتر و موتر و سافرت و و و و و الخ الخ الخ

غمضت عين و فتحت عين لقيت علي سلفيه 900 الف ريال قطري


اي نعم 900 الف ريال قطري و للعلم كنت في بنك اسلامي

و راتبي على ذيك الايم 7500 يعني انواع التبهدل و صرت المسكين الي يكسر الخاطر

و صرت عسكري طول النهار و مافي مخباي ريال يعني اشتغل ابلاش

و المواتر الي صفيت عليها الكامري موديل 2000 بس و الباقي

الي تكنسل و الي تصادر من الحكومه و الي بعته و لعبت بفلوسه


المراد رحت البنك قلت لهم ابي سلفه واحد من ربعي شغال في البنك قالي شفيك مب صاحي

قلت له عطني ابغي قالي خلاص مايصير وصلت لمت اب قلت له حاول

يمين يسار طلعلي 240 الف مع الفوايل وصلت حوالي 280 شي كذا

يعني صارت سلفيتي مليون و ميتين و شي تقريباً

يعني قمت التلته

و على ذيك الايم محد يعرف شي عن الاسهم توها طالعه سالفة الاسهم

و لحد يظحك علي كان على بالي ان الاسهم نشتري ذهب على شكل اسهم

و يختلف العيار من شركه لين شركه خخخخخخخخخخخخخخخخخخخخخخخخ

المهم رحت الشركه الاسلاميه على ذيك الايم مافي المجموعه و لقيت واحد اعرفه

قلت له كذا كذا موضوعي كيت كيت قالي ابشر بس تسمع كلامي قلت له تم

خبركم ذيك الايم الامن اكثر من الحين

و قالي اشتر الصناعات انا سمعت انها بترتفع

اذا ما خانتني الذاكره شريت السهم على 60 ريال تقريباً و زدت فلوس من عندي

من اخر موتر بعته طلعلي اسهم و رقم حلو ماخبر كم كان

المراد ثاني اسبوع زادت الاسهم 10 ريال مادري 9

و تمت تقريباً شهر كامل كل يوم تزيد يوم 9 و يوم 10

لين وصل سعر السهم حوالي 240 ريال و بعت كل الي عندي

بعدين وصل السهم 252 و بعدها بدا ينزل

اهني سددت كل الي علي و بقا علي تقريباً 200 الف شي كذا

و الحمدلله بعدها بدة الزيادات في الراتب و قمت ارفع القسط

و بعد الكامري خخخخخخخخخخخخخخ اهم شي الكامري و شريت موتر وكاله خذت ستاندر 2005 تقريباً

بعد سلفيه خخخخخخخخخخخخخخخخخخخخخخخخ مايتوب

بس كنت رافع القسط حده و خلصت سلفيه و بعته و شريت غيره و لين اليوم كل 4 سنين اغير موتري

ابيع القديم و اشتري جديد بس شنو شي اسمه سلفيه مافي امل لو وش يصير مب ماخذ


يعني حالياً ابي اغير موتري مب حاط في بالي ولا 1% اخذ سلفيه


في ناس تقول لا باخذ سفيه و بخلي الكاش بس طبعاً انا اشوف هلشي غلط

و يا شباب مهما كان البنك حتى لو اسلامي يتم ربه

وسبحان الله خلصت من السلفيات الحمدلله زادة البركه في الفلوس


اما قبل ولا شي

[خليفـة]

قالوووووووووها العقل نعمة

وأعرررف نااااس وايد ما عليهم ديون ولا سلف

ناس راكزة
ما تحب المظاهر والزبوووووووووو ووووووووووووووووووو.......................... الخ
الزبوا يا بوخالد
من أكبر مسببات الديون


يااخون انا لي ديون ماعلي ديون وشرايك
اللي متدين مني مصيف في لندن
وانا تحت سمره مشاهد الضبان في ذالاهوب

وتصدق سيارتي سوزوكي جمني 2013
اخر موديل وكاش
يقول المثل مدرجيلك على قد لحافك

اتوقع نسبه 95% ماعليهم ديون حقيقيه
بمعني دين معيشه
كلها ديون زياده راس مال سفر ترفيه
على فكره باقولك شي اعرف كثير من اصحاب الثروات مواترهم ياخذونها اقصاد اقوله ليش يقولك الكاش عزيز وصياد يخصمون قصدهم والبنك اللي يدفع والكاش موجود وهو معاه حق
ذكرتني يوم فزنا بملف الكوره ثاني يوم رايح البنك ومعاي مطرقه بق همر كان يقولي السكيوتي اسكيوزمي وتز ذات قلت له ابي اكسر الوديعه والموظفه تقولي بليز بتروح عليك 30 الف ارباح قلت لها خليها حق البنك صدقه
كان ادق في الاسهم واطلع لي ذاك المبلغ المحترم اللي يغطي وديعتهم سنوات جدام
الحياه فرص اذا وجدت لاتفوتها

مثل السوزوكي

:victory:
كلاأمك فيه شي من الصحة
وفيه شي من العياارة
ههههههه
وخصوصا السوزوكي
إلي أعرفة انك خذته لولدك الصغير
يستانس فيه في الحوش
يا بطران .. يا بوفلوس زايدة .. يا وحش
هههههههه


كلام صحيح وشوفوا احصائيات المصرف المركزي عن اليون الاستهلاكية للافراد
صدقت أخوي
إكون شاكر لك لو قدرت توفر تلك البيانات
لاختنا بصمة إلي تقول : كثير ما عليهم ديون
:)




البنت لما يجيها عريس تصلي صلاة استخارة و بس ....الشاب بيحط فوق نص مليون ريال ....لا و يطالبون بالمساواة :secret:
هههههههه
بالفعل
رأس مالها استخارة
إألله يكون بالعون


لا مب مستحيل

و اليكم قصتي و هي فعلاً ربعي معتبرينها للعضيه

و انا اذا شفت واحد ناوي يقط نفسه في التهلكه اقوله قصتي


انا اشتغلت و عمري 18 سنه في العسكريه

و تعرفون مثل باقي المراهقين في هلعمر طيش و استعباط

و البنوك على ذيك الايام اي شي تبيه يعطونك اذا خذت سلفيه يحبونك


خذت سلفه طلعت لي كامري موديل 2000 اخبر كانت تقريبا 30 الف مستعمله

قلت معلي باخذ بس 30 الف مب ماخذ وايد المراد بعد الكامري خذت نيسان

و اهني تغير الكلام قلت اهم شي ماوصل 100 الف و بعدها خذت سلفيه زودت الموتر

و بعدها خذت سلفه سافرت و سافرت و زودت و موتر و موتر و سافرت و و و و و الخ الخ الخ

غمضت عين و فتحت عين لقيت علي سلفيه 900 الف ريال قطري


اي نعم 900 الف ريال قطري و للعلم كنت في بنك اسلامي

و راتبي على ذيك الايم 7500 يعني انواع التبهدل و صرت المسكين الي يكسر الخاطر

و صرت عسكري طول النهار و مافي مخباي ريال يعني اشتغل ابلاش

و المواتر الي صفيت عليها الكامري موديل 2000 بس و الباقي

الي تكنسل و الي تصادر من الحكومه و الي بعته و لعبت بفلوسه


المراد رحت البنك قلت لهم ابي سلفه واحد من ربعي شغال في البنك قالي شفيك مب صاحي

قلت له عطني ابغي قالي خلاص مايصير وصلت لمت اب قلت له حاول

يمين يسار طلعلي 240 الف مع الفوايل وصلت حوالي 280 شي كذا

يعني صارت سلفيتي مليون و ميتين و شي تقريباً

يعني قمت التلته

و على ذيك الايم محد يعرف شي عن الاسهم توها طالعه سالفة الاسهم

و لحد يظحك علي كان على بالي ان الاسهم نشتري ذهب على شكل اسهم

و يختلف العيار من شركه لين شركه خخخخخخخخخخخخخخخخخخخخخخخخ

المهم رحت الشركه الاسلاميه على ذيك الايم مافي المجموعه و لقيت واحد اعرفه

قلت له كذا كذا موضوعي كيت كيت قالي ابشر بس تسمع كلامي قلت له تم

خبركم ذيك الايم الامن اكثر من الحين

و قالي اشتر الصناعات انا سمعت انها بترتفع

اذا ما خانتني الذاكره شريت السهم على 60 ريال تقريباً و زدت فلوس من عندي

من اخر موتر بعته طلعلي اسهم و رقم حلو ماخبر كم كان

المراد ثاني اسبوع زادت الاسهم 10 ريال مادري 9

و تمت تقريباً شهر كامل كل يوم تزيد يوم 9 و يوم 10

لين وصل سعر السهم حوالي 240 ريال و بعت كل الي عندي

بعدين وصل السهم 252 و بعدها بدا ينزل

اهني سددت كل الي علي و بقا علي تقريباً 200 الف شي كذا

و الحمدلله بعدها بدة الزيادات في الراتب و قمت ارفع القسط

و بعد الكامري خخخخخخخخخخخخخخ اهم شي الكامري و شريت موتر وكاله خذت ستاندر 2005 تقريباً

بعد سلفيه خخخخخخخخخخخخخخخخخخخخخخخخ مايتوب

بس كنت رافع القسط حده و خلصت سلفيه و بعته و شريت غيره و لين اليوم كل 4 سنين اغير موتري

ابيع القديم و اشتري جديد بس شنو شي اسمه سلفيه مافي امل لو وش يصير مب ماخذ


يعني حالياً ابي اغير موتري مب حاط في بالي ولا 1% اخذ سلفيه


في ناس تقول لا باخذ سفيه و بخلي الكاش بس طبعاً انا اشوف هلشي غلط

و يا شباب مهما كان البنك حتى لو اسلامي يتم ربه

وسبحان الله خلصت من السلفيات الحمدلله زادة البركه في الفلوس


اما قبل ولا شي

قصتك جميلة بصراحة وأعجبتني
الفضل لله سبحانه إلي وفقك بالدخول والخروج
في الوقت المناسب
شكرا للمشاركة أخوي
وشكرا للقصة الجميلة

[العنيده]

السلام عليكم ..
في سلفيات نكون مضطرين ناخذها ..بس الاهم فيها اهميه وماتكون كبيره ومن بنك اسلامي
ترى في ظروف تحد الواحد ماعتقد حد يحب الدين ..

الحمدلله انا صح خذت سلفه مب حق مفوشر جدام الناس وبتنتهي بعد 3 سنين ان الله عطانا طولة العمر من شغلي .. والحمدلله مرتبه اموري كلها تساهيل من رب العالمين ..

الله يفك الكل من الدين يارب ..

[المرسى الأخير]

هالمقولة كانت قبل فترة الزيادات متداولة بكثره

بس ربي يحفظه بو مشعل بعد الزيادات خلى الشعب القطري يفتل فل و الحمدلله على النعمة كثير قدروا يرتبون أمور حياتهم و يسددون سلفياتهم الي خذوها لضروريات الحياة.

بعد الزيادات قمنا نشوف ناس الله يهداهم تتسلف لسفر و للتسوق من الماركات و بعثرة الفلوس يمين و يسار بغير حساب و في الجهة المقابله قمنا نشوف ناس استغلت فرصة الزيادات و قامت تتسلف لتحسين أوضاعها المعيشية و تأمين المستقبل

و إن شالله ربي يقضي دين كل مديون

[بـــــدوي]

نصيحة .. اصبري لين توفرين قيمة السيارة بالكامل
واشتريها
:)

على ماتصبر لين تحوّش بتلقى السيارة سكراب يعني قرنبع وازيدك بعد تلقى الاخت عجزت الله يعطينا وياكم طولة العمر :p

[Amigo]

عيل سجل عندك
واحد مب قطري
انا هاهاهاهاهاهاها


الصراحة اخر قرض سكرته في 2009
وقلت ماراح اخذ قرض بعدها لو شنو
مب عشان كنت متوهقه في تسديده بالعكس ما كنت احس فيه ولله الحمد
بس لان ما احب الدين

ومن 2009 لين يومك ولله الحمد ما اخذت قرض
و ابي ابدل سيارتي
بس ماسكه نفسي لان مابي اخذ سلفه

Me 2 :victory:
والحمدلله رب العالمين

[الدوحه1]

احدث تقرير يقول ان اعلى نسبة مليونيرات في العالم عندنا في قطر؟؟؟؟؟؟؟

[خليفـة]

السلام عليكم ..
في سلفيات نكون مضطرين ناخذها ..بس الاهم فيها اهميه وماتكون كبيره ومن بنك اسلامي
ترى في ظروف تحد الواحد ماعتقد حد يحب الدين ..

الحمدلله انا صح خذت سلفه مب حق مفوشر جدام الناس وبتنتهي بعد 3 سنين ان الله عطانا طولة العمر من شغلي .. والحمدلله مرتبه اموري كلها تساهيل من رب العالمين ..

الله يفك الكل من الدين يارب ..
عليكم السلام ورحمة الله
مشاركة طيبة .. وتخطيط جميل
شكرا للمشاركة اختي العنيدة
:)


هالمقولة كانت قبل فترة الزيادات متداولة بكثره

بس ربي يحفظه بو مشعل بعد الزيادات خلى الشعب القطري يفتل فل و الحمدلله على النعمة كثير قدروا يرتبون أمور حياتهم و يسددون سلفياتهم الي خذوها لضروريات الحياة.

بعد الزيادات قمنا نشوف ناس الله يهداهم تتسلف لسفر و للتسوق من الماركات و بعثرة الفلوس يمين و يسار بغير حساب و في الجهة المقابله قمنا نشوف ناس استغلت فرصة الزيادات و قامت تتسلف لتحسين أوضاعها المعيشية و تأمين المستقبل

و إن شالله ربي يقضي دين كل مديون
بالفعل .. كلامك سليم وفي محله
الله يصلح حال الجميع
شاكر لك المشاركة




على ماتصبر لين تحوّش بتلقى السيارة سكراب يعني قرنبع وازيدك بعد تلقى الاخت عجزت الله يعطينا وياكم طولة العمر :p

يعني قصدك الواحد يعيش شبابه وهو ذليل للديون
والبنوك .. ولا ينتظر شوي لين يوفر قيمة الي يبيه !

عموما
شكرا للمرور
:)


احدث تقرير يقول ان اعلى نسبة مليونيرات في العالم عندنا في قطر؟؟؟؟؟؟؟

وهناك تقارير حديثة ايضاً .. تفيد بارتفاع قيمة القروض الشخصية للمواطنين
:)

شكرا لمشاركتك

[بريق الماسه]

أنا ماعمري تدينت وسياراتي كاش ......وعندي فائض

وشيكت عالجواز .....الحمدلله قطرية اﻷب :)

[خليفـة]

أنا ماعمري تدينت وسياراتي كاش ......وعندي فائض

وشيكت عالجواز .....الحمدلله قطرية اﻷب :)

ههههههههه
الحمدلله .. والله يديم عليج النعمة
والـ 7 انعام فيج
:)

شكرا للمرور الجميل

[حسن]

:unsure:

[خليفـة]

:unsure:

حسن
فيه بلاغ على سوزوكي ابيض
يقولون شايفين راعيه يلاحق نعام صوب دخان
:nice:

[حسن]

حسن
فيه بلاغ على سوزوكي ابيض
يقولون شايفين راعيه يلاحق نعام صوب دخان
:nice:

:secret:


escape

[تاسيتوس]

لا مب مستحيل

و اليكم قصتي و هي فعلاً ربعي معتبرينها للعضيه

و انا اذا شفت واحد ناوي يقط نفسه في التهلكه اقوله قصتي


انا اشتغلت و عمري 18 سنه في العسكريه

و تعرفون مثل باقي المراهقين في هلعمر طيش و استعباط

و البنوك على ذيك الايام اي شي تبيه يعطونك اذا خذت سلفيه يحبونك


خذت سلفه طلعت لي كامري موديل 2000 اخبر كانت تقريبا 30 الف مستعمله

قلت معلي باخذ بس 30 الف مب ماخذ وايد المراد بعد الكامري خذت نيسان

و اهني تغير الكلام قلت اهم شي ماوصل 100 الف و بعدها خذت سلفيه زودت الموتر

و بعدها خذت سلفه سافرت و سافرت و زودت و موتر و موتر و سافرت و و و و و الخ الخ الخ

غمضت عين و فتحت عين لقيت علي سلفيه 900 الف ريال قطري


اي نعم 900 الف ريال قطري و للعلم كنت في بنك اسلامي

و راتبي على ذيك الايم 7500 يعني انواع التبهدل و صرت المسكين الي يكسر الخاطر

و صرت عسكري طول النهار و مافي مخباي ريال يعني اشتغل ابلاش

و المواتر الي صفيت عليها الكامري موديل 2000 بس و الباقي

الي تكنسل و الي تصادر من الحكومه و الي بعته و لعبت بفلوسه


المراد رحت البنك قلت لهم ابي سلفه واحد من ربعي شغال في البنك قالي شفيك مب صاحي

قلت له عطني ابغي قالي خلاص مايصير وصلت لمت اب قلت له حاول

يمين يسار طلعلي 240 الف مع الفوايل وصلت حوالي 280 شي كذا

يعني صارت سلفيتي مليون و ميتين و شي تقريباً

يعني قمت التلته

و على ذيك الايم محد يعرف شي عن الاسهم توها طالعه سالفة الاسهم

و لحد يظحك علي كان على بالي ان الاسهم نشتري ذهب على شكل اسهم

و يختلف العيار من شركه لين شركه خخخخخخخخخخخخخخخخخخخخخخخخ

المهم رحت الشركه الاسلاميه على ذيك الايم مافي المجموعه و لقيت واحد اعرفه

قلت له كذا كذا موضوعي كيت كيت قالي ابشر بس تسمع كلامي قلت له تم

خبركم ذيك الايم الامن اكثر من الحين

و قالي اشتر الصناعات انا سمعت انها بترتفع

اذا ما خانتني الذاكره شريت السهم على 60 ريال تقريباً و زدت فلوس من عندي

من اخر موتر بعته طلعلي اسهم و رقم حلو ماخبر كم كان

المراد ثاني اسبوع زادت الاسهم 10 ريال مادري 9

و تمت تقريباً شهر كامل كل يوم تزيد يوم 9 و يوم 10

لين وصل سعر السهم حوالي 240 ريال و بعت كل الي عندي

بعدين وصل السهم 252 و بعدها بدا ينزل

اهني سددت كل الي علي و بقا علي تقريباً 200 الف شي كذا

و الحمدلله بعدها بدة الزيادات في الراتب و قمت ارفع القسط

و بعد الكامري خخخخخخخخخخخخخخ اهم شي الكامري و شريت موتر وكاله خذت ستاندر 2005 تقريباً

بعد سلفيه خخخخخخخخخخخخخخخخخخخخخخخخ مايتوب

بس كنت رافع القسط حده و خلصت سلفيه و بعته و شريت غيره و لين اليوم كل 4 سنين اغير موتري

ابيع القديم و اشتري جديد بس شنو شي اسمه سلفيه مافي امل لو وش يصير مب ماخذ


يعني حالياً ابي اغير موتري مب حاط في بالي ولا 1% اخذ سلفيه


في ناس تقول لا باخذ سفيه و بخلي الكاش بس طبعاً انا اشوف هلشي غلط

و يا شباب مهما كان البنك حتى لو اسلامي يتم ربه

وسبحان الله خلصت من السلفيات الحمدلله زادة البركه في الفلوس


اما قبل ولا شي

وفي ناس شروا صناعات على 250 ومن يومها وهم يسددون ديونهم للبنوك , رزق ومكتوب سبحان الله .

[بنت شرق]

للأسف مديونة ، والسبب قلة السيولة وشكلي باخذ قرض ثاني فوق الاولي

[captin]

مرحبا خليفة وشكرا على الطرح

نمط الحياة الاستهلاكي للمجتمع القطري والخليجي عموما
أدخل الناس في تنافس عجيب للاستدانة والدخول في القروض
أصبحت المغريات كثيرة وأصبحت المحاكاة أساس في حياة الناس
من ناحية المسكن والمأكل والمشرب والسفر واللباس

خلنا نميز بين نوعين من الديون

ديون في منافع عامة مفيدة مثل
دين المسكن الحكومي واللي هو لابد منه
وتبعات هذا الدين اي المبالغ الاضافية الخاصة بتشطيب بيت العمر والاثاث

دين سيارة عادية متوسطة السعر والماركة وهذا دين لابد منه في حالة عدم استطاعة
الشخص شراء سيارة نقدا.

دين للسفر بغرض الدراسة او العلاج

وهاذي كلها اشوفها ديون مقبولة للقطري او غيره لانها اساسية
ولايمكن للحياة ان تسير بدونها ولا تعيب الشخص ان كان مدينا بها .

ديون استهلاكية في منافع كمالية غير ضرورية
مثل ديون السيارات الفارهة

المجوهرات والساعات والشنط

السفر الغير ضروري وغير المبرر

الديون لحفلات الزواج المبالغ فيها

ديون المستلزمات الاستهلاكية الغير ضرورية.



ينقصنا كقطريين التخطيط المالي فصاحب الدخل المحدود لو خطط في كيفية
صرف دخله واتخاذ وسائل ادخار واستثمار معينة سيصبح من أصحاب الدخل العالي.

شكرا خليفة :)

[خليفـة]

وفي ناس شروا صناعات على 250 ومن يومها وهم يسددون ديونهم للبنوك , رزق ومكتوب سبحان الله .
كلامك سليم
بارك الله فيك على المشاركة


للأسف مديونة ، والسبب قلة السيولة وشكلي باخذ قرض ثاني فوق الاولي
الله يكون بعونج اختي بنت شرق
نصيحتي لج .. ما تاخذين سلفة الا لما تنتهين من الاولى .. وتكون السلفة لضرورة قصوى
بالتوفيق ان شاء الله



مرحبا خليفة وشكرا على الطرح

نمط الحياة الاستهلاكي للمجتمع القطري والخليجي عموما
أدخل الناس في تنافس عجيب للاستدانة والدخول في القروض
أصبحت المغريات كثيرة وأصبحت المحاكاة أساس في حياة الناس
من ناحية المسكن والمأكل والمشرب والسفر واللباس

خلنا نميز بين نوعين من الديون

ديون في منافع عامة مفيدة مثل
دين المسكن الحكومي واللي هو لابد منه
وتبعات هذا الدين اي المبالغ الاضافية الخاصة بتشطيب بيت العمر والاثاث

دين سيارة عادية متوسطة السعر والماركة وهذا دين لابد منه في حالة عدم استطاعة
الشخص شراء سيارة نقدا.

دين للسفر بغرض الدراسة او العلاج

وهاذي كلها اشوفها ديون مقبولة للقطري او غيره لانها اساسية
ولايمكن للحياة ان تسير بدونها ولا تعيب الشخص ان كان مدينا بها .

ديون استهلاكية في منافع كمالية غير ضرورية
مثل ديون السيارات الفارهة

المجوهرات والساعات والشنط

السفر الغير ضروري وغير المبرر

الديون لحفلات الزواج المبالغ فيها

ديون المستلزمات الاستهلاكية الغير ضرورية.



ينقصنا كقطريين التخطيط المالي فصاحب الدخل المحدود لو خطط في كيفية
صرف دخله واتخاذ وسائل ادخار واستثمار معينة سيصبح من أصحاب الدخل العالي.

شكرا خليفة :)

مرحبا اخوي كابتن
مشاركة تفصيلية رائعة وجميلة
وضعت فيها النقاط على كل الحروف
وبينت فيها الكثير والكثير
اشكرك جزيل الشكر
واتفق مع كل ما جاء في مداخلتك الطيبة

[ام السعف]

مب شرط القطري يكون مديون يا اخوي خليفة

الا اذا حب يذبح عمره علشان المظاهر

والانسان من هالنوعية مب شرط يكون قطري
تلقاه في كل الجنسيات ،،

ومع هذا ولله الحمد عايشة في وسط اسرة قطرية
من غير ديون ،، واعرف كثيرات من غير ديون ،،

[خليفـة]

مب شرط القطري يكون مديون يا اخوي خليفة

الا اذا حب يذبح عمره علشان المظاهر

والانسان من هالنوعية مب شرط يكون قطري
تلقاه في كل الجنسيات ،،

ومع هذا ولله الحمد عايشة في وسط اسرة قطرية
من غير ديون ،، واعرف كثيرات من غير ديون ،،

اتفق معاج اختي
مب شرط
ما فيه أسوأ من ان يكون الانسان أسير لديونه

شكرا للمشاركة