اكمال الدراسة بعد شمال الاطلنطي

[برويقن]

السلام عليكم ورحمة الله وبركاته

الحمدلله انا تخرجت من كلية شمال الاطلنطي على حسابي الشخصي لان مالقيت جهه تعطيني بعثه هذا وانا قطري ولد البلد

المهم ماعلينا ..

الحين ابي اكمل دراستي في جامعة معترف فيها

وسؤالي للي تخرجو من الاطلنطي وكملو الدراسة وين تنصحوني ادرس وشسم الجامعه؟

بالنسبة للاخت جامعة قطر طالبه المعدل اقل شي 3ونص وانا ماعندي هالمعدل عشان تقبلني

[تحداني]

اسأل شمال أطلنطي بالجامعات البريطانيه لانها الافضل في احتساب ساعاتك
وروح هيئه التعليم العالي وراح يفيدونك
وبعدها كلم هذا الشخص عشان يجيب لك قبول
ابو بكر القحطاني
55236962


الله يسهل امورك يارب

[Nojoom]

السلام عليكم ورحمة الله وبركاته

الحمدلله انا تخرجت من كلية شمال الاطلنطي على حسابي الشخصي لان مالقيت جهه تعطيني بعثه هذا وانا قطري ولد البلد

المهم ماعلينا ..

الحين ابي اكمل دراستي في جامعة معترف فيها

وسؤالي للي تخرجو من الاطلنطي وكملو الدراسة وين تنصحوني ادرس وشسم الجامعه؟

بالنسبة للاخت جامعة قطر طالبه المعدل اقل شي 3ونص وانا ماعندي هالمعدل عشان تقبلني

سؤال هل معاك شهادة الايلس او التوفل ؟

اذا نعم كم المعدل الي حصلت عليه

لانه مطلوب ويعتمد على الجامعات الي راح تقبلك

[بنت شرق]

بالتوفيق

[مابدل العادات]

الي سمعته انه الي يتخرجون من الأطلنطي الأفضل لهم بريطانيا أو كندا لأنهم يقبلون اغلب إذا موب كل موادك وتقريبا سنه سنه ونص ألا وانت متخرج باكلريوس ولاكن لاتفكر في امريكا لأنك بتعيد من الصفر

والله يوفقك

[captin]

معظم الجامعات البريطانية تقبل خريجي كلية شمال الأطلنطي مباشرة

اتصل بهيئة التعليم العالي او ادخل موقعهم واطلع على قائمة الجامعات البريطانية
وراسل الجامعات مباشرة وراح تجيك الردود من الجامعات بمتطلبات التسجيل.
وانتبه للجامعات المشكوك فيها او الكليات التجارية الرخيصة روح جامعات قوية
والدراسة فيها جدية ومتطلباتها شاقة عشان فعلا تحس انك اخذت العلم بجدارة
وليس بالطريق السهل والنوم والسهر مثل اغلبية طلبتنا الله يهديهم.

بالتوفيق ان شاء الله .

[شيخ الديرة]

هذي القائمة من المجلس للجامعات البريطانية، قم بزيارة مواقع الجامعات التي هي في الإختصاص المرغوب، وقم بعمل كشف بمتطلبات القبول وبالتوفيق
http://www.sec.gov.qa/Ar/SECInstitut...ngdom_list.pdf

[faisalqatar]

انا خلصت من شمال الاطلنطي و كملت دراستي في بريطانيا
المجلس الاعلى لا اتشاورهم في شي لانهم بيغيرون رايهم الف مرة
مالهم كلمة ,, هم والحريم واحد

انا كملت في Bradford College عطوني سنة زيادة فقط و خلصت البكالريوس
المجلس الاعلى قالوا لي روح و هذي فرصة و عقب ما رحت و خلصت تموا يطلعون امية عذر عشان ما يعترفون فيها
و كنا تقريبا 15 طالب و كلنا ماخذين شور المجلس الاعلى (كل واحد بروحه سائل ما رحنا مع بعض) و في النهاية الاخ احمد الجناحي و غيره من الاشكال اللي مالهم رأي و يغيرون رايهم مليون مرة قالوا لا ما بنعترف و بعد محاولات عديدة و بعد بحث ومتابعة طلعوا الربع معترفين حق واحد بالواسطة ومايبون يقولون لنا ولما فضحناهم و دخلنا وكيل الوزارة في الموضوع اعترفوا و ريلهم على رقبتهم ..

نصيحتي لك .. روح تصديق الشهادات اللي في المنتزة ادخل على كبيرهم الذي علمهم السحر (مدير تصديق الشهادات)
قوله انا بروح برادفورد كوليج وانا مخلص من النورث و قوله مدة دراستك من النورث .. اذا قالك روح قوله ابي ورقة موقعه منك ان ماعندك مشكلة و اقعد على راسه ولا تطلع الا اذا عطاك ..
وبعدين روح هالجامعة لانها تعطيك سنة زيادة بس و دراستهم سهله و متطلبهم الوحيد انك اتجيب 6 في الايلز

والله يعينك على المجلس و الحلوين اللي فيه

[saif]

اخوي اغلب من تخرج من الاطلنطي كملو في بريطانيا .. امريكا كذلك كثير من الجامعات تقبل ساعاتك لكن حسب كل جامعه .. اذا انت ناوي تكمل على حسابك الخاص فـ الافضل لك امريكا وبيحسبون اغلب الساعات اللي دارسها .. هذا اذا تبي شهادة قويه .. اما اذا تفكر ببعثه فـ الافضل لك بريطانيا
الله يوفقك ويسهل امرك

[الإكسير]

روح المجلس الاعلى وخذ اسماء الجامعات المعترف فيها في بريطانيا... واختار الجامعات الي تبغي تدرس فيها وراسلهم بالايميل ومافيه شي للتسجيل غير الايميل وهم بيقول لك وش المطلوب وأي سنه راح تدخل وكم ساعه راح يعطونك... واذا انت ضعيف الإنجليز فيه مكاتب تخلص لك كل شي على 3000 ريال

[eXpert*]

https://www.cna-qatar.com/programsco...20Calendar.pdf

تفضل معلومات عن شروط القبول القياسية لقبول أي طالب من كلية شمال الأطلنطي للجامعات الموقع معها إتفاقية ..

طبعاً مثل ما ذكر هاذي الشروط القياسية ،، يعني ممكن مكتوب يقبلونك سنة ثانية لكن لما تقدم فعلياً ويشوفون كل أوراقك ممكن يعطونك سنة ثالثة ...

لا تعتمد على أي معلومة في موقع أو بروشور ألا لما يردون عليك بشكل رسميّ . رسالة القبول تعتمد على أشياء كثير منها شخصيتك و خبرتك التي ممكن تساهم في أختصار طريقك الأكاديميّ ..

موفقين إن شاء الله .

[Right]

حسب خبرتي المتواضعة في بريطانيا


أنصحك لا تروح لكلية برادفورد .. Bradford College


أبتعد عنها لما لها سمعة سيئة جداً في بريطانيا وحتى في الدوحة


هذه الكلية تعج بكثير من الطلاب الخليجيين وخاصة القطريين


لكن سمعتها سيئة جداً


وغير ذلك غير معترف فيها .. يعني بتدخل في معمعة لها أول وما لها آخر

[الإكسير]

حسب خبرتي المتواضعة في بريطانيا


أنصحك لا تروح لكلية برادفورد .. Bradford college


أبتعد عنها لما لها سمعة سيئة جداً في بريطانيا وحتى في الدوحة


هذه الكلية تعج بكثير من الطلاب الخليجيين وخاصة القطريين


لكن سمعتها سيئة جداً


وغير ذلك غير معترف فيها .. يعني بتدخل في معمعة لها أول وما لها آخر

هو يتكلم عن جامعه برادفورد وهذا جامعه معترف فيها....

[بـن عدوان]

رفيجي عقب ماتخرج من النورث راح امريكا بس عن طريق البترول

[حماد الدغيمان]

اتمنى التوفيق لك ونحو المزيد من التقدم والرقي
موفق اخوي