المساعد الشخصي الرقمي

مشاهدة النسخة كاملة : اكمال الدراسة بعد شمال الاطلنطي


برويقن
13-06-2013, 11:33 AM
السلام عليكم ورحمة الله وبركاته

الحمدلله انا تخرجت من كلية شمال الاطلنطي على حسابي الشخصي لان مالقيت جهه تعطيني بعثه هذا وانا قطري ولد البلد

المهم ماعلينا ..

الحين ابي اكمل دراستي في جامعة معترف فيها

وسؤالي للي تخرجو من الاطلنطي وكملو الدراسة وين تنصحوني ادرس وشسم الجامعه؟

بالنسبة للاخت جامعة قطر طالبه المعدل اقل شي 3ونص وانا ماعندي هالمعدل عشان تقبلني :weeping:
تحداني
13-06-2013, 11:42 AM
اسأل شمال أطلنطي بالجامعات البريطانيه لانها الافضل في احتساب ساعاتك
وروح هيئه التعليم العالي وراح يفيدونك
وبعدها كلم هذا الشخص عشان يجيب لك قبول
ابو بكر القحطاني
55236962


الله يسهل امورك يارب
Nojoom
13-06-2013, 01:28 PM
السلام عليكم ورحمة الله وبركاته

الحمدلله انا تخرجت من كلية شمال الاطلنطي على حسابي الشخصي لان مالقيت جهه تعطيني بعثه هذا وانا قطري ولد البلد

المهم ماعلينا ..

الحين ابي اكمل دراستي في جامعة معترف فيها

وسؤالي للي تخرجو من الاطلنطي وكملو الدراسة وين تنصحوني ادرس وشسم الجامعه؟

بالنسبة للاخت جامعة قطر طالبه المعدل اقل شي 3ونص وانا ماعندي هالمعدل عشان تقبلني :weeping:



سؤال هل معاك شهادة الايلس او التوفل ؟

اذا نعم كم المعدل الي حصلت عليه

لانه مطلوب ويعتمد على الجامعات الي راح تقبلك
بنت شرق
15-06-2013, 10:04 AM
بالتوفيق
مابدل العادات
15-06-2013, 10:20 AM
الي سمعته انه الي يتخرجون من الأطلنطي الأفضل لهم بريطانيا أو كندا لأنهم يقبلون اغلب إذا موب كل موادك وتقريبا سنه سنه ونص ألا وانت متخرج باكلريوس ولاكن لاتفكر في امريكا لأنك بتعيد من الصفر

والله يوفقك
captin
15-06-2013, 10:22 AM
معظم الجامعات البريطانية تقبل خريجي كلية شمال الأطلنطي مباشرة

اتصل بهيئة التعليم العالي او ادخل موقعهم واطلع على قائمة الجامعات البريطانية
وراسل الجامعات مباشرة وراح تجيك الردود من الجامعات بمتطلبات التسجيل.
وانتبه للجامعات المشكوك فيها او الكليات التجارية الرخيصة روح جامعات قوية
والدراسة فيها جدية ومتطلباتها شاقة عشان فعلا تحس انك اخذت العلم بجدارة
وليس بالطريق السهل والنوم والسهر مثل اغلبية طلبتنا الله يهديهم.

بالتوفيق ان شاء الله .
شيخ الديرة
15-06-2013, 10:29 AM
هذي القائمة من المجلس للجامعات البريطانية، قم بزيارة مواقع الجامعات التي هي في الإختصاص المرغوب، وقم بعمل كشف بمتطلبات القبول وبالتوفيق
http://www.sec.gov.qa/Ar/SECInstitutes/HigherEducationInstitute/Offices/Documents/3-United_Kingdom_list.pdf
faisalqatar
15-06-2013, 10:40 AM
انا خلصت من شمال الاطلنطي و كملت دراستي في بريطانيا
المجلس الاعلى لا اتشاورهم في شي لانهم بيغيرون رايهم الف مرة
مالهم كلمة ,, هم والحريم واحد

انا كملت في Bradford College عطوني سنة زيادة فقط و خلصت البكالريوس
المجلس الاعلى قالوا لي روح و هذي فرصة و عقب ما رحت و خلصت تموا يطلعون امية عذر عشان ما يعترفون فيها
و كنا تقريبا 15 طالب و كلنا ماخذين شور المجلس الاعلى (كل واحد بروحه سائل ما رحنا مع بعض) و في النهاية الاخ احمد الجناحي و غيره من الاشكال اللي مالهم رأي و يغيرون رايهم مليون مرة قالوا لا ما بنعترف و بعد محاولات عديدة و بعد بحث ومتابعة طلعوا الربع معترفين حق واحد بالواسطة ومايبون يقولون لنا ولما فضحناهم و دخلنا وكيل الوزارة في الموضوع اعترفوا و ريلهم على رقبتهم ..

نصيحتي لك .. روح تصديق الشهادات اللي في المنتزة ادخل على كبيرهم الذي علمهم السحر (مدير تصديق الشهادات)
قوله انا بروح برادفورد كوليج وانا مخلص من النورث و قوله مدة دراستك من النورث .. اذا قالك روح قوله ابي ورقة موقعه منك ان ماعندك مشكلة و اقعد على راسه ولا تطلع الا اذا عطاك ..
وبعدين روح هالجامعة لانها تعطيك سنة زيادة بس و دراستهم سهله و متطلبهم الوحيد انك اتجيب 6 في الايلز

والله يعينك على المجلس و الحلوين اللي فيه
saif
15-06-2013, 11:07 AM
اخوي اغلب من تخرج من الاطلنطي كملو في بريطانيا .. امريكا كذلك كثير من الجامعات تقبل ساعاتك لكن حسب كل جامعه .. اذا انت ناوي تكمل على حسابك الخاص فـ الافضل لك امريكا وبيحسبون اغلب الساعات اللي دارسها .. هذا اذا تبي شهادة قويه .. اما اذا تفكر ببعثه فـ الافضل لك بريطانيا
الله يوفقك ويسهل امرك
الإكسير
15-06-2013, 12:34 PM
روح المجلس الاعلى وخذ اسماء الجامعات المعترف فيها في بريطانيا... واختار الجامعات الي تبغي تدرس فيها وراسلهم بالايميل ومافيه شي للتسجيل غير الايميل وهم بيقول لك وش المطلوب وأي سنه راح تدخل وكم ساعه راح يعطونك... واذا انت ضعيف الإنجليز فيه مكاتب تخلص لك كل شي على 3000 ريال
eXpert*
15-06-2013, 01:04 PM
https://www.cna-qatar.com/programscourses/Documents/WEBAcademic%20Calendar.pdf

تفضل معلومات عن شروط القبول القياسية لقبول أي طالب من كلية شمال الأطلنطي للجامعات الموقع معها إتفاقية ..

طبعاً مثل ما ذكر هاذي الشروط القياسية ،، يعني ممكن مكتوب يقبلونك سنة ثانية لكن لما تقدم فعلياً ويشوفون كل أوراقك ممكن يعطونك سنة ثالثة ...

لا تعتمد على أي معلومة في موقع أو بروشور ألا لما يردون عليك بشكل رسميّ . رسالة القبول تعتمد على أشياء كثير منها شخصيتك و خبرتك التي ممكن تساهم في أختصار طريقك الأكاديميّ ..

موفقين إن شاء الله .
Right
15-06-2013, 02:47 PM
حسب خبرتي المتواضعة في بريطانيا


أنصحك لا تروح لكلية برادفورد .. Bradford College


أبتعد عنها لما لها سمعة سيئة جداً في بريطانيا وحتى في الدوحة


هذه الكلية تعج بكثير من الطلاب الخليجيين وخاصة القطريين


لكن سمعتها سيئة جداً


وغير ذلك غير معترف فيها .. يعني بتدخل في معمعة لها أول وما لها آخر
الإكسير
15-06-2013, 07:38 PM
حسب خبرتي المتواضعة في بريطانيا


أنصحك لا تروح لكلية برادفورد .. Bradford college


أبتعد عنها لما لها سمعة سيئة جداً في بريطانيا وحتى في الدوحة


هذه الكلية تعج بكثير من الطلاب الخليجيين وخاصة القطريين


لكن سمعتها سيئة جداً


وغير ذلك غير معترف فيها .. يعني بتدخل في معمعة لها أول وما لها آخر




هو يتكلم عن جامعه برادفورد وهذا جامعه معترف فيها....
بـن عدوان
15-06-2013, 07:51 PM
رفيجي عقب ماتخرج من النورث راح امريكا بس عن طريق البترول
حماد الدغيمان
16-06-2013, 01:15 AM
اتمنى التوفيق لك ونحو المزيد من التقدم والرقي
موفق اخوي
بالول صغير
16-06-2013, 07:40 AM
بالمبارك عالدبلوم

انا ربعي خلصو من الشمال الاطلنطي وراحو بريطانيا واحد درس في oxford brokes والثاني في portsmoth
بونووف
16-06-2013, 09:27 AM
جامعة تي سايد في مدلزبرا .. من اقوى الجامعات في بريطانيا واثنين يقربون لي تخرجوا منها بعد ماخلصوا من الاطلنطي .. وعادلوهم بسنه .. والحمدالله تخرجوا
تحداني
16-06-2013, 09:31 AM
بالمبارك عالدبلوم

انا ربعي خلصو من الشمال الاطلنطي وراحو بريطانيا واحد درس في oxford brokes والثاني في portsmoth




هالمعلومه رائعه .. وصحيحه 100%
تحداني
16-06-2013, 09:32 AM
https://www.cna-qatar.com/programscourses/documents/webacademic%20calendar.pdf

تفضل معلومات عن شروط القبول القياسية لقبول أي طالب من كلية شمال الأطلنطي للجامعات الموقع معها إتفاقية ..

طبعاً مثل ما ذكر هاذي الشروط القياسية ،، يعني ممكن مكتوب يقبلونك سنة ثانية لكن لما تقدم فعلياً ويشوفون كل أوراقك ممكن يعطونك سنة ثالثة ...

لا تعتمد على أي معلومة في موقع أو بروشور ألا لما يردون عليك بشكل رسميّ . رسالة القبول تعتمد على أشياء كثير منها شخصيتك و خبرتك التي ممكن تساهم في أختصار طريقك الأكاديميّ ..

موفقين إن شاء الله .



الله يرضى عليك يارب .. شكرا على هذا الجهد المميز






حسب خبرتي المتواضعة في بريطانيا


أنصحك لا تروح لكلية برادفورد .. Bradford college


أبتعد عنها لما لها سمعة سيئة جداً في بريطانيا وحتى في الدوحة


هذه الكلية تعج بكثير من الطلاب الخليجيين وخاصة القطريين


لكن سمعتها سيئة جداً


وغير ذلك غير معترف فيها .. يعني بتدخل في معمعة لها أول وما لها آخر







انا اسميها الجامعه الرديه :)
ولد العرب
16-06-2013, 09:41 AM
الله يرضى عليك يارب .. شكرا على هذا الجهد المميز





انا اسميها الجامعه الرديه :)

ماشاءالله لك باع طويل بالجامعات الاجنبية ماشاء االله تبارك الله
faisalqatar
16-06-2013, 01:22 PM
حسب خبرتي المتواضعة في بريطانيا


أنصحك لا تروح لكلية برادفورد .. Bradford college


أبتعد عنها لما لها سمعة سيئة جداً في بريطانيا وحتى في الدوحة


هذه الكلية تعج بكثير من الطلاب الخليجيين وخاصة القطريين


لكن سمعتها سيئة جداً


وغير ذلك غير معترف فيها .. يعني بتدخل في معمعة لها أول وما لها آخر






معترف فيها الله يسلمك وانا و 15 طالب خلصنا في نفس الدفعة و اعترفوا في شهاداتنا
وبعدنا خلصوا 20 طالب و اعترفوا في شهاداتهم
وهالسنة بعد تخرجوا حول ال20 و بيعترفون في شهاداتهم

و جميع الخريجين من برادفورد كوليج اللي ما عاجبتك شغالين في احسن الشركات
انا كنت في راس غاز و الحين في قطر فاونديشن و رفيجي في تسويق و اثنين اعرفهم في دولفن و واحد في ديار و واحد في قطر للبترول و واحد ضابط في الداخلية و غيرهم ,,

نرجوا عدم التفلسف و شكرا
النشميه
16-06-2013, 01:43 PM
معترف فيها الله يسلمك وانا و 15 طالب خلصنا في نفس الدفعة و اعترفوا في شهاداتنا
وبعدنا خلصوا 20 طالب و اعترفوا في شهاداتهم
وهالسنة بعد تخرجوا حول ال20 و بيعترفون في شهاداتهم

و جميع الخريجين من برادفورد كوليج اللي ما عاجبتك شغالين في احسن الشركات
انا كنت في راس غاز و الحين في قطر فاونديشن و رفيجي في تسويق و اثنين اعرفهم في دولفن و واحد في ديار و واحد في قطر للبترول و واحد ضابط في الداخلية و غيرهم ,,

نرجوا عدم التفلسف و شكرا

كم سنه عادلو لكم بعد التخرج من النورث سنه او سنتين ؟؟
faisalqatar
16-06-2013, 01:58 PM
كم سنه عادلو لكم بعد التخرج من النورث سنه او سنتين ؟؟

سنة وحده والحمدلله
ولما دخلنا كان في مادتين اوردي احنا ماخذينهم بس مايقدرون يعطونا اقل من سنة

وللعلم تره دراسة شمال الاطلنطي مش بسيطة خاصة في التخصصات العملية
النشميه
16-06-2013, 02:06 PM
سنة وحده والحمدلله
ولما دخلنا كان في مادتين اوردي احنا ماخذينهم بس مايقدرون يعطونا اقل من سنة

وللعلم تره دراسة شمال الاطلنطي مش بسيطة خاصة في التخصصات العملية

شكراً أخوي على الرد وعندي كم سؤال ولاعليك أمر .
هل يقبلون معدل معين ؟
والتقديم عن طريق موقع الجامعه نفسها؟
كم سعر السمستر الواحد خصوصاً للي بيدرس على حسابه؟

جزاك الله خير
eXpert*
16-06-2013, 02:42 PM
يا جماعة لازم تميزون الآتي :

1) كل الجامعات المعترف فيها في بريطانيا معترف فيها في قطر ..
2) قائمة المجلس الأعلى للتعليم وضعت للي يبي يروح على حساب المجلس الأعلى للتعليم ..
3) براد فورد كوليج ، معترف فيها في بريطانيا فبديهاً قطر تعترف فيها إذا بتروح على حسابك الشخصيّ أو على حساب جهة عملك (إذا كانت جهة العمل لا تتقيد بقائمة المجلس الأعلى للتعليم) . لكن إذا تبي تروح عن طريق المجلس الأعلى للتعليم أو بعض الجهات التى تنتهج/تتبع نمط المجلس الأعلى للتعليم ما راح يوافقون لك على المنحة ..

الإعتراف شئ / والحصول على المنحة للإبتعاث شئ آخر ...

مثال آخر طلاب كثر يتخرجون من الجامعات (الخليجية) و (العربية) على الرغم أنها غير موجودة في القائمة الإ أنه يتم معادلة الشهادة لهم (إذا رايحين على حسابهم) الإ بتوصية من جهة العمل .


في بريطانيا في نوعين من الجامعات :

1) الجامعات المدرجة :
وهي التي لم تصل للمقاييس و المعايير المطلوبة للإعتراف فهي تطرح البرامج الدراسية للطالب لكن غير مخولة أن تعطي للطالب شهادة تخرج فتسوي إتفاقية مع جامعة أخرى معترف بها ويتخرج بشهادة عليها أسم الجامعة المعترف بها.

2) الجامعات المعترف بها:
وهي جامعات استوفت جميع شروط هيئة التعليم البريطانيّ وتدرس و تصدر شهادات بإسمها .

طبعاً الموضوع متشعب و يطول الشرح فيها لكن بس علشان أوضح بعض الأمور التي ممكن تلتبس على البعض.

و أي سؤال أنا حاضر و إن شاء الله في القريب العاجل بتكون في أخبار تسر بالنسبة لقائمة الإبتعاث / الإعتراف ..
Right
16-06-2013, 03:13 PM
هو يتكلم عن جامعه برادفورد وهذا جامعه معترف فيها....





يا أخوي أنت غلطان هو ما تكلم عن جامعة برادفورد بل تكلم بصفة عامة



بس كنت أبي أنصحه من كلية برادفورد لأن معظم الشباب يدرسون فيها



وآخرتها مو معتمدة وكلية سيئة السمعة وفيها خربطة



فيه فرق كبير بين جامعة برادفورد و كلية برادفورد



الجامعة معترف فيها أما الكلية فلا
Right
16-06-2013, 03:38 PM
معترف فيها الله يسلمك وانا و 15 طالب خلصنا في نفس الدفعة و اعترفوا في شهاداتنا
وبعدنا خلصوا 20 طالب و اعترفوا في شهاداتهم
وهالسنة بعد تخرجوا حول ال20 و بيعترفون في شهاداتهم

و جميع الخريجين من برادفورد كوليج اللي ما عاجبتك شغالين في احسن الشركات
انا كنت في راس غاز و الحين في قطر فاونديشن و رفيجي في تسويق و اثنين اعرفهم في دولفن و واحد في ديار و واحد في قطر للبترول و واحد ضابط في الداخلية و غيرهم ,,

نرجوا عدم التفلسف و شكرا






هدي أعصابك ولا تزعل نفسك .. دائماً الحقيقة غير مرغوبة وتزعل



مو معنى أني وصفت هذه الكلية بسوء السمعة أن هذا الوصف أيضاً ينطبق عليك



لأنك تخرجت منها .. فيجب التفريق بين هذا وذاك



عادةً أي طالب يتخرج من كلية أو جامعة يمدحها حتى لو تكون سيئة السمعة



أجزم قاطعاً يا أخوي أنك من ضمن الطلاب الذين أتموا سنة أو أكثر من ذلك



بين مكاتب المحاماة وبين المحاكم بل وصل الحال بكم جلوسكم بالبيت لأكثر من سنة



بإنتظار الحكم ومن ثم إنتظار التوظيف



حتى أن كلية برادفورد تتبع أسلوب أن شهادتها تصدر من جامعة ليدز ميتروبوليتان



ومع ذلك مكشوفة من قبل المجلس الأعلى للتعليم فذلك تعبتوا كثيراً في المحاكم



الفرق كبير و واضح بين جامعة و مجرد كلية !!!



هذه مجرد نصيحة أخوية لمن أراد الدراسة في بريطانيا



شكراً :)
Right
16-06-2013, 03:45 PM
انا اسميها الجامعه الرديه :)





أخت " تحداني الزمن "



بما أنه لديك خبرة بالجامعات



ممكن تفيدينا لماذا أطلقتي وصف " الجامعه الرديه " على كلية برادفورد ؟



حتى يتسنى للكل وخاصة الطلاب الطامحين بالدراسة في بريطاينا



أخذ الحيطة والحذر من هذه الكلية ومن على شاكلتها



شكراً
الإكسير
16-06-2013, 11:04 PM
يا أخوي أنت غلطان هو ما تكلم عن جامعة برادفورد بل تكلم بصفة عامة



بس كنت أبي أنصحه من كلية برادفورد لأن معظم الشباب يدرسون فيها



وآخرتها مو معتمدة وكلية سيئة السمعة وفيها خربطة



فيه فرق كبير بين جامعة برادفورد و كلية برادفورد



الجامعة معترف فيها أما الكلية فلا





الرجال مخلص دبلوم من النورث ليش راح يسجل مره ثانيه فكلية....
faisalqatar
17-06-2013, 01:53 PM
هدي أعصابك ولا تزعل نفسك .. دائماً الحقيقة غير مرغوبة وتزعل



مو معنى أني وصفت هذه الكلية بسوء السمعة أن هذا الوصف أيضاً ينطبق عليك



لأنك تخرجت منها .. فيجب التفريق بين هذا وذاك



عادةً أي طالب يتخرج من كلية أو جامعة يمدحها حتى لو تكون سيئة السمعة



أجزم قاطعاً يا أخوي أنك من ضمن الطلاب الذين أتموا سنة أو أكثر من ذلك



بين مكاتب المحاماة وبين المحاكم بل وصل الحال بكم جلوسكم بالبيت لأكثر من سنة



بإنتظار الحكم ومن ثم إنتظار التوظيف



حتى أن كلية برادفورد تتبع أسلوب أن شهادتها تصدر من جامعة ليدز ميتروبوليتان



ومع ذلك مكشوفة من قبل المجلس الأعلى للتعليم فذلك تعبتوا كثيراً في المحاكم



الفرق كبير و واضح بين جامعة و مجرد كلية !!!



هذه مجرد نصيحة أخوية لمن أراد الدراسة في بريطانيا



شكراً :)





ما شاء الله عليك اخوي
ليكون كنت حاضر الجلسات معانا؟

ابشرك انهم عادلوا لـ واحد من الشباب اول ما تخرج و بدون اي عوار راس
ولما احنا تخرجنا كانوا يقولون بنسوي لجنه و تموا يأخرون الموضوع لكن ما ارفضوا الاعتراف
ولا رحنا محاكم ولا مكاتب محاماة ولا غيره

و في اخو كريم بارك الله فيه كتب فوق الفرق بين الاعتراف و الابتعاث وجميع جامعات و كليات بريطانيا معترف فيها عندنا

ياخوي لا تلعب لي دور الفيلسوف اللي اتعرف كل شي

واذا ماتعرف اتقدم نصيحة للطلاب اسكت ابرك .. كلية برادفورد دراستها للعلم مب سهله بس اهي وحده من الكليات و الجامعات اللي ينعدون على اصابع اليد اللي يعطونك سنة فقط

فـ ارجو انك ما اتضيع طلابنا بسبب انك انسان ما تفهم وماعندك معلومات و الدليل على فقدانك لاي معلومة انك تفلسفت للمرة الثانية وقلت ان احنا تمينا انراكض سنة في المحاكم وكأنك كنت قاعد احذانا ومعانا ..

و احب اوضح لك معلومة عشان ما تتفلسف زيادة .. الخلاف الوحيد اللي كان بينا كـ خريجين و لجنة الاعتراف انهم كانوا يقولون شلون انتوا دارسين سنتين في شمال الاطلنطي و درستوا فقط سنة وحده في بريطانيا .. و قالوا (لجنة تصديق الشهادات) ان ماعندهم مشكلة لو الطالب درس التخصص اللي مدته ثلاث سنين في شمال الاطلنطي وكمل سنة فقط في برادفورد كوليج (او) تدرس سنتين في الاطلنطي و سنتين في برادفورد كوليج المهم المجموع يكون 4 سنوات

والموضوع يطبق على جميع الجامعات مب بس برادفورد كوليج ..

هذي يا عزيزي الفيلسوف كانت نقطة الخلاف وفي النهاية قرروا انهم يصدقون الشهادة للكل و الحين اي حد يروح بعد بيصدقون له ..

عرفت يا عزيزي الفيلسوف؟

في انتظار فلسفتك القادمة و شكرا
faisalqatar
17-06-2013, 01:54 PM
يا جماعة لازم تميزون الآتي :

1) كل الجامعات المعترف فيها في بريطانيا معترف فيها في قطر ..
2) قائمة المجلس الأعلى للتعليم وضعت للي يبي يروح على حساب المجلس الأعلى للتعليم ..
3) براد فورد كوليج ، معترف فيها في بريطانيا فبديهاً قطر تعترف فيها إذا بتروح على حسابك الشخصيّ أو على حساب جهة عملك (إذا كانت جهة العمل لا تتقيد بقائمة المجلس الأعلى للتعليم) . لكن إذا تبي تروح عن طريق المجلس الأعلى للتعليم أو بعض الجهات التى تنتهج/تتبع نمط المجلس الأعلى للتعليم ما راح يوافقون لك على المنحة ..

الإعتراف شئ / والحصول على المنحة للإبتعاث شئ آخر ...

مثال آخر طلاب كثر يتخرجون من الجامعات (الخليجية) و (العربية) على الرغم أنها غير موجودة في القائمة الإ أنه يتم معادلة الشهادة لهم (إذا رايحين على حسابهم) الإ بتوصية من جهة العمل .


في بريطانيا في نوعين من الجامعات :

1) الجامعات المدرجة :
وهي التي لم تصل للمقاييس و المعايير المطلوبة للإعتراف فهي تطرح البرامج الدراسية للطالب لكن غير مخولة أن تعطي للطالب شهادة تخرج فتسوي إتفاقية مع جامعة أخرى معترف بها ويتخرج بشهادة عليها أسم الجامعة المعترف بها.

2) الجامعات المعترف بها:
وهي جامعات استوفت جميع شروط هيئة التعليم البريطانيّ وتدرس و تصدر شهادات بإسمها .

طبعاً الموضوع متشعب و يطول الشرح فيها لكن بس علشان أوضح بعض الأمور التي ممكن تلتبس على البعض.

و أي سؤال أنا حاضر و إن شاء الله في القريب العاجل بتكون في أخبار تسر بالنسبة لقائمة الإبتعاث / الإعتراف ..

جزاك الله خير ع التوضيح .. بس تعال فهم بعض الفلاسفة امثال "افلاطون منتديات الاسهم"
faisalqatar
17-06-2013, 01:59 PM
شكراً أخوي على الرد وعندي كم سؤال ولاعليك أمر .
هل يقبلون معدل معين ؟
والتقديم عن طريق موقع الجامعه نفسها؟
كم سعر السمستر الواحد خصوصاً للي بيدرس على حسابه؟

جزاك الله خير

لا اختي هم يبون منج ترانسكربت الدرجات مالت شمال الاطلنطي و يبون رسالة تثبت انج تخرجتي و يبون آيلز 6
و التقديم عن طريق ايميل الـ international center
بتحصلينه في موقعهم
و بتحصلين جميع المعلومات الخاصة في طريقة التسجيل

http://www3.bradfordcollege.ac.uk/International%20Students

بالنسبة للرسوم اتوقع 7000 باوند للسنة كاملة

بس مب متأكد
Right
17-06-2013, 02:06 PM
ما شاء الله عليك اخوي
ليكون كنت حاضر الجلسات معانا؟

ابشرك انهم عادلوا لـ واحد من الشباب اول ما تخرج و بدون اي عوار راس
ولما احنا تخرجنا كانوا يقولون بنسوي لجنه و تموا يأخرون الموضوع لكن ما ارفضوا الاعتراف
ولا رحنا محاكم ولا مكاتب محاماة ولا غيره

و في اخو كريم بارك الله فيه كتب فوق الفرق بين الاعتراف و الابتعاث وجميع جامعات و كليات بريطانيا معترف فيها عندنا

ياخوي لا تلعب لي دور الفيلسوف اللي اتعرف كل شي

واذا ماتعرف اتقدم نصيحة للطلاب اسكت ابرك .. كلية برادفورد دراستها للعلم مب سهله بس اهي وحده من الكليات و الجامعات اللي ينعدون على اصابع اليد اللي يعطونك سنة فقط

فـ ارجو انك ما اتضيع طلابنا بسبب انك انسان ما تفهم وماعندك معلومات و الدليل على فقدانك لاي معلومة انك تفلسفت للمرة الثانية وقلت ان احنا تمينا انراكض سنة في المحاكم وكأنك كنت قاعد احذانا ومعانا ..

و احب اوضح لك معلومة عشان ما تتفلسف زيادة .. الخلاف الوحيد اللي كان بينا كـ خريجين و لجنة الاعتراف انهم كانوا يقولون شلون انتوا دارسين سنتين في شمال الاطلنطي و درستوا فقط سنة وحده في بريطانيا .. و قالوا (لجنة تصديق الشهادات) ان ماعندهم مشكلة لو الطالب درس التخصص اللي مدته ثلاث سنين في شمال الاطلنطي وكمل سنة فقط في برادفورد كوليج (او) تدرس سنتين في الاطلنطي و سنتين في برادفورد كوليج المهم المجموع يكون 4 سنوات

والموضوع يطبق على جميع الجامعات مب بس برادفورد كوليج ..

هذي يا عزيزي الفيلسوف كانت نقطة الخلاف وفي النهاية قرروا انهم يصدقون الشهادة للكل و الحين اي حد يروح بعد بيصدقون له ..

عرفت يا عزيزي الفيلسوف؟

في انتظار فلسفتك القادمة و شكرا





هدئ أعصابك وليش زعلان



الصراخ على قدر الألم



بما أنك وصلت بالنقاش لمستوى نازل من الألفاظ و ركاكة في أسلوبك



لا يمكنني أن أستمر بالنقاش معك



فأنت تهرف بما لا تعرف !!!




قال الشافعي رحمة الله عليه:


يخاطبني السفيه بكل قبح .. فأكره أن أكون له مجيبا

يزيد سفاهة فأزيد حلما.. كعود زاده الاحراق طيبا


اذا نطق السفيه فلا تجبه فخير من اجابته السكوت

فان كلمته فرجت عنه و ان خليته كمدا يموت
Al Basha
17-06-2013, 02:15 PM
الله يوفقك .. انت في اجمل ايامك ..استغلها .. وربي يحفظك وجميع المسلمين
faisalqatar
17-06-2013, 02:16 PM
هدئ أعصابك وليش زعلان



الصراخ على قدر الألم



بما أنك وصلت بالنقاش لمستوى نازل من الألفاظ و ركاكة في أسلوبك



لا يمكنني أن أستمر بالنقاش معك



فأنت تهرف بما لا تعرف !!!




قال الشافعي رحمة الله عليه:


يخاطبني السفيه بكل قبح .. فأكره أن أكون له مجيبا

يزيد سفاهة فأزيد حلما.. كعود زاده الاحراق طيبا


اذا نطق السفيه فلا تجبه فخير من اجابته السكوت

فان كلمته فرجت عنه و ان خليته كمدا يموت





الحمدلله انك اعترفت
و الحمدلله انك توقفت عن التفلسف

انا صاحب التجربة وانا اللي عندي الخبر الاكيد
و يجيني افلاطون يبي يقنعني بالعكس

الحمدلله انك ما قلت اني دخلت على الامير عشان يعادلون شهادتي

حياك الله
Right
17-06-2013, 07:35 PM
الرجال مخلص دبلوم من النورث ليش راح يسجل مره ثانيه فكلية....





أخوي فيه طلاب يروحون لـــ كلية برادفورد لكثرة خربطتها



وعدم الإلتزام .. بس يبون يروحون يآخذون شهادة منها



وهذه الشهادة تصدر من جامعة ليدز ميتروبوليتان



لكن المجلس الأعلى عرف بهذه السالفة فلذلك أصبحت مشاكل



بينه وبين الطلاب المتخرجين من هذه الكلية بل وصلت للمحاكم وإستمرت لأكثر من سنة



هذه الكلية سيئة السمعة لدرجة أن أصحاب العمل في قطر من مؤسسات



وبنوك و وزارات لديهم علم بأن هذه الكلية خربطة في خربطة فيستبعد طلابها



ولا يحصلون على وظائف إلا بواسطة !!!



لذلك حبيت أنصح أي طالب يريد أن يدرس ببريطانيا



أن يبتعد كل البعد عن هذه الكلية




( الدين النصيحة )
الإكسير
17-06-2013, 07:39 PM
أخوي فيه طلاب يروحون لـــ كلية برادفورد لكثرة خربطتها



وعدم الإلتزام .. بس يبون يروحون يآخذون شهادة منها



وهذه الشهادة تصدر من جامعة ليدز ميتروبوليتان



لكن المجلس الأعلى عرف بهذه السالفة فلذلك أصبحت مشاكل



بينه وبين الطلاب المتخرجين من هذه الكلية بل وصلت للمحاكم وإستمرت لأكثر من سنة



هذه الكلية سيئة السمعة لدرجة أن أصحاب العمل في قطر من مؤسسات



وبنوك و وزارات لديهم علم بأن هذه الكلية خربطة في خربطة فيستبعد طلابها



ولا يحصلون على وظائف إلا بواسطة !!!



لذلك حبيت أنصح لأي طالب يريد أن يدرس ببريطانيا



أن يبتعد كل البعد عن هذه الكلية




( الدين النصيحة )





يقولون فالكليه هذي مافيه امتحانات ... ماعندك غير الاسايمنت هو الي ينجحك
Right
17-06-2013, 07:52 PM
يقولون فالكليه هذي مافيه امتحانات ... ماعندك غير الاسايمنت هو الي ينجحك





نظام الدراسة في بريطانيا كما هو الآتي:




1. تقديم اسايمنتات وإمتحانات مع بعض



أو



2. تقديم اسايمنتات فقط




أو



3. تقديم إمتحانات فقط




لكن كل هذا يعتمد من تخصص لآخر ومن جامعة لأخرى



ويجب قراءة الهاندبوك لأي مادة




هذا والله العالم
faisalqatar
18-06-2013, 08:11 AM
وصلنا لزمن يفتي فيه الجاهل

اعاننا الله ..
faisalqatar
18-06-2013, 08:18 AM
للعلم ثلاث او اربع طلاب من دفعتنا في برادفورد كوليج كانوا مرشحين من الداخلية

و الى الان افلاطون مُصر ان الجامعة غير معترف فيها و لازم تدخل على الامير عشان يصدقون لك الشهادة

سمعتوا عن مقولة (تفلسف الـ.... حتى طييييط)
برويقن
18-06-2013, 09:45 AM
اسمحولي على التاخير ..

مشكووورين على الردووود والنصاييح الطيبة

بخصوص كلية برادفورد اعرف شباب تخرجو منها وهم الحين في قطاع البتروول والغاز والبنوووك والكلية سهلات

اما بالنسبة لي انا في قطاع حكومي وابي تفرغ من جهة العمل ومن شرووط التفرغ لازم قبول من جامعة معترف فيها من المجلس الاعلى للتعليم ...اول شي اييب كتاب رسمي من المجلس الاعلى للتعليم ان هالجامعة معترف فيها مع القبول من الجامعة

وانا كلمت شمال الاطلنطي وطرشو لي لسته بالجامعات البريطانية بس اغلبها مب معترف فيها من المجلس الاعلى للتعليم


بالمبارك عالدبلوم

انا ربعي خلصو من الشمال الاطلنطي وراحو بريطانيا واحد درس في oxford brokes والثاني في portsmoth

اي انا كنت افكر في اكسفوورد برووك معترف فيها من المجلس :)

بس شسم الجامعه في في بورتسموث؟


جامعة تي سايد في مدلزبرا .. من اقوى الجامعات في بريطانيا واثنين يقربون لي تخرجوا منها بعد ماخلصوا من الاطلنطي .. وعادلوهم بسنه .. والحمدالله تخرجوا

اعتقد مب معترف فيها !! :rolleyes2:
faisalqatar
18-06-2013, 10:00 AM
الجهات الحكومية يبون الجامعات اللي في لستة الابتعاث
مثل ما قال احد الاخوان في رد سابق جميع الجامعات البريطانية معترف فيها
ولكن اغلب الاماكن تطلب انها اتكون في لستة الابتعاث

اعرف شخص خلص من اكسفورد بروكس و اهو بعد مخلص النورث يعني نفس حالتي وحالتك ,, عطوه سنتين زيادة .. والجامعه فعلا قوية و مميزة .. و تيسايد معترف فيها بعد و يعطونك سنتين بعد اتوقع

الله يوفقك
بالول صغير
18-06-2013, 12:14 PM
University of Portsmouth

والرجال يشتغل الحين فالخارجية
Right
18-06-2013, 12:31 PM
university of portsmouth

والرجال يشتغل الحين فالخارجية





من الجامعات القوية والممتازة



تصنيفها 48



معترف بها من المجلس الأعلى للتعليم



بالتوفيق إن شاء الله
الحمر
18-06-2013, 12:44 PM
(اما بالنسبة لي انا في قطاع حكومي وابي تفرغ من جهة العمل ومن شرووط التفرغ لازم قبول من جامعة معترف فيها من المجلس الاعلى للتعليم ...اول شي اييب كتاب رسمي من المجلس الاعلى للتعليم ان هالجامعة معترف فيها مع القبول من الجامعة )

اشكثر شباب عندنا في قطاع حكومي يدرسون في مصر ويعطونهم تفرغ وقت الامتحانات فهل جامعات مصر موجودة في اللستة
المحقق كونان
18-06-2013, 12:55 PM
اخوي درس في شمال الاطلنطي 3 سنوات وعقب درس سنة في bournemouth university عن طريق المجلس الاعلى للتعليم

الله يوفقك
Right
18-06-2013, 01:09 PM
اخوي درس في شمال الاطلنطي 3 سنوات وعقب درس سنة في bournemouth university عن طريق المجلس الاعلى للتعليم

الله يوفقك





بالتوفيق إن شاء الله



أيه .. هذي الجامعات إلي تفتح النفس



مو مثل الباقي التعبانة إلي كأنها عزبة بدون ترخيص :nice: