حركة جدا خطيرة بـــ(بالشارع)

[mr ali]

السلام عليكم
امس صار لي موقف جدا خطير بالشارع وغريب
كنت ماشي ع خط الثالث (اليمين ) والخطين الي ع يساري زحمة , والشارع هاي ع يمينة كلش في مواقف بالطول بعد الخط بشوي والمواقف دايما متروسة لان قريبة من المطار- المهم كان في موتر جدامي صالون اتوقع (كامري) وانا كنت ماشي 70 تقريبا ووراي موتر مسرع بعد ولا راعي الكامري الي جدامي يوقف فجأه بصوب كأنة ينتظر حد بدون ما يعطي اشارة او دنجر والي وراي كان جدا مسرع والخطوط الي ع يساري كانت مزدحمة , يعني مافي فايدة لو خففت لان الي وراي راح يدش فيني واذا رحت يسار بدعم , وسبحان الله ما ادري شلون رحت يسار ع اخر لحظة زرقت بطريقة غريبة وعدت على خير
ترا والله فلم رعب
يعني الجدامي يبي ينتحر ولا يبي يتبلى علي ولا شسالفة يعني يبي يموت على أيدي :tease:

[khalid Qtr]

مثل هذا يلف بدون اشارة او تنبيه واذا دعمته حطوا الحق عليك .. والسبب : مسافة الامان !!!

[كود نمبر]

هذا تحصله شغال تكسي خاص
شاف له واحد على الرصيف وقال اترزق الله على حساب الي وراي

[Nojoom]

اكبر اسباب الحوادث بداخل شوارع الدوحه وخاصه الشوارع السريعه داخل الدوحه

هي

* عدم ترك المسافه الكافيه بين السيارات

* عدم القياده بالسرعه المناسبة التي تضمن استطاعة السائق التوقف في الوقت المناسب

[Riku3]

حركات اسيويين .. اعتقد عرفت الشارع وترى لو في مكان لموقف صغير ممكن يحاول يصف بالريوس مع ان الشارع ماشي وزحمة !! .. عادي اهم شي ياخذ الموقف ولا يفتكر في الي وراه والزحمه الي بيسببها ..

امس نفس الشي في شارع حمد تكسي وقف بعد لفة الشارع الداخلي ونزل الي معاه وسوى زحمة مع انه كان يقدر يدخل الشارع الداخلي وينزله بس ما يبي يضيع وقته .

مافي رادع .. مافي عقوبة .. الدوريات خفت واعتمدوا على مخالفات الرادارات وخلاص .

[sos_z]

السلام عليكم
امس صار لي موقف جدا خطير بالشارع وغريب
كنت ماشي ع خط الثالث (اليمين ) والخطين الي ع يساري زحمة , والشارع هاي ع يمينة كلش في مواقف بالطول بعد الخط بشوي والمواقف دايما متروسة لان قريبة من المطار- المهم كان في موتر جدامي صالون اتوقع (كامري) وانا كنت ماشي 70 تقريبا ووراي موتر مسرع بعد ولا راعي الكامري الي جدامي يوقف فجأه بصوب كأنة ينتظر حد بدون ما يعطي اشارة او دنجر والي وراي كان جدا مسرع والخطوط الي ع يساري كانت مزدحمة , يعني مافي فايدة لو خففت لان الي وراي راح يدش فيني واذا رحت يسار بدعم , وسبحان الله ما ادري شلون رحت يسار ع اخر لحظة زرقت بطريقة غريبة وعدت على خير
ترا والله فلم رعب
يعني الجدامي يبي ينتحر ولا يبي يتبلى علي ولا شسالفة يعني يبي يموت على أيدي :tease:

والله صارت فيني مع شخص من اسبوع مع واحد من جنسية عربية وماقدرت اوقف او دعمته
يوم جات الشرطة قالو انت المخطى وركبوني الغلط..وقعد هو يتامر كم يبي عشان التصليح لا او بعد يبيه باجانس..وجايين وراه جماعة من ربعه ..
والله طلعت من عندهم منقهر وانا ماسك نفسي ماارصه بوكس اغير ملامحه...
الحمد لله

[بـارود]

هذا النوع تلاقيه يلف بدون ما يطالع وراه !

[سهم عتيج]

نحتاج عبد الفتاح العلي في قطر :secret:

[حماد الدغيمان]

هههه الله يعينك بجد فلم رعب والحمد لله على السلامة