بنك التنميه مطلع قرار جديد من شهر

[مضارب دوسري]

السلام عليكم
واحد من الربع امس واجهته وسولفنا عن التشطيب الا يقولي انا رحت اقدم عالدفعه الاخيره ورفضوا :(
ليش ؟
قال قرار جديد
ماتستلم الدفعه الاخيره الا لما ترفق اتمام البناء مع الطلب :rolleyes2:
قلت له عادي
قال لا
يقولي انا كان ترتيبي اخلص البيت من داخل واخر دفعه اخليها للابواب الخارجيه وبلاط الحوش والصبغ الخارجي
ما كنت ادري ان فيه قرار عشان جذي صرفت الدفعه اللي قبل الاخيره للصبغ الداخلي والديكورات الداخليه :omen2:

خلاصة الموضوع :shy:
انا كان تفكيري نفس تفكيره
ولكن شكلي بخلص الامور الخارجيه وافضى للداخلي بعدين :shy:

انا ان شاء الله الاحد بتصل اتاكد من البنك

وشكرا :telephone:

[عقرب]

الكلام صحيح

بس يعطونك نص الدفعه الأخيرة الحين لو تبي .. والنص الثاني بعد إتمام البناء .. يعني الحين 50 وبعد اﻹتمام 50 إن شاء الله

[المنسى]

كلام صحيح حتى لو لك أكثر من دفعه.وعندك ورقه اتمام البناء بيعطونك كل الدفعات مره وحده

[عيون الدوحة]

ولازم تجيب شركة تقيس مساحات البيت
وتكلف من ٣٠٠٠ ريال لين ٤٠٠٠ ريال

[عقرب]

ولازم تجيب شركة تقيس مساحات البيت
وتكلف من 3000 ريال لين 4000 ريال

مهب شرط أخوي

أنا أول أمس مستلم إتمام البناء بدون لا أعيد العلامات المساحية ولله الحمد :)