خبرتكم مع محلات شفط الضربات

[محيّر الانظار]

شباب عندي ضربات في زاوية سقف الموتر ومادري وين اودي الموتر علشان اصلح هالضربات

مابي اودية لأحد يقولي لازم سمكرة وصبغ لان اذا جيت ابيع الموتر عقب ببين كأنه مقلوب !!

سمعت عن كذا محل عنده تقنية الشفط

هل الشفط يصلح الضربة خاصة انها جاية على زاوية؟

وهل التصليح راح يخفي الضربة 100%؟

انا ماعندي مشكله يبين في الفحص ان هذا المكان جاه تصليح من حق الي بيشترية انه يعرف لاكن مابيه يبين انه مقلوب وهو اساساً لا مقلوب ولا شي كل السالفة انه حديدة سكيورتي نزلت علي :anger1:

[ريال قطري]

صور الضربه قبل لا تصلح وخلها في الدرج حق الي يبي يعرف ليه الصبغ اذا جيت اتبيع

اذا كانت الضربه على زاويه ماتضبط مع الشفط

واذا تبي تصليح مثل الناس روح كراج النورمندي سمكرته زينه

وبس

[الواصـل]

فيه عندك كريستال واذا عطاك نسبه 70% صلح عنده انا متعامل معه من زمان وشغله ﻻيعلىء عليه واذا قالك ماتضبط ﻻتحاول تروح لغيره اسال مجرب

[وحيد-الشوق]

عندك كريستال وغلاس في محطه التيسير في سلوى

مر عليهم وشوف شنو بيقولون لك

ومعوض ان شاء الله

[qatari-vip]

الكرستال او محل البوليش البحرين واعتقد زي بارت بس أنصحك في الكريستال

[بوحارب]

الكرستال بس بينصب عليك

[محيّر الانظار]

مشكورين والله يجزاكم خير

[bo Hassan 99]

الكريستال

وغلاس في محطه التيسير في سلوى

والله يعينك

[أبوهيا]

فيه عندك كريستال واذا عطاك نسبه 70% صلح عنده انا متعامل معه من زمان وشغله ?يعلىء عليه واذا قالك ماتضبط ?تحاول تروح لغيره اسال مجرب

والله محد قاص على العالم غير كريستال وضارب بالاسعار غيره
روحله تبي تصبغ بس رفرف على لون لولوي يقولك لازم اصبغ البابب معاهم. عشان مايبين الفرق
وهذا دليل انه صبغه اي كلام. ويطلب حساب صبغ رفرف وباب ب2300 شغل يده فقط!!!
الي بيصبغ في التيسير في النورمندي في الاودي وفي كراج اكسسبريس وبربع القيمه