تحذير من محل اتصالات في الخريطيات

[U Welcome]

بسم الله الرحمن الرحيم

صار لي موقف حيث ان عندي مبنى جديد

وكنت ادور على شركه لتمديد توصيلات كيوتل

وأخذ فوق ال 20 رقم لمحلات من كيوتل وأغلبهم كان يعتذر بحجة أنهم ما يوصلون إلا لعماير....


مالكم في الطويلة

حصلت محل بجانب كنتاكي الخريطيات للاتصالات مديرهم تركي وعنده كثير موظفيين
وتم الاتفاق معاه بعد المعاينه يعمل التوصيلات اللازمة للهواتف والانترنت مع الجرس الخارجي نوع commex لقاء مبلغ معين..
حاول التركي يقنعني أني اركب كيمرات المراقبه وبسعر خيالي فرفضتز

بالصدفه رحت لمحل العنابي وما جاوره في مشيرب
وكانت المفأجاه

- سعر جرس البيت الخارجي بدون كيمرا مع سماعتين داخلييتن:
في المحل اللي في الخريطيات ب 450 ريال.
وفي محلات مشيرب ب 150 ريال.


- سعر الكيمرات المراقبه الصينيه بور 70 أفضل نوع:
في المحل اللي في الخريطيات ب 950 ريال.

وفي محلات مشيرب ب 450 ريال.


- سعر اللوك (القفل) الكهربائي نوع iseo ايطالي:
في المحل اللي في الخريطيات عطاني الهندي ب 950 وعقبها التركي في نفس المحل قالي ب 750 ريال.
وفي محلات مشيرب ب 230 ريال.


طبعا مستعد لاثبات هذا بالفواتير
والجودة والصناعة نفس الشي 100%


فالحذر اخواني كل الحذر من
اللي يستغفلون الناس

[king fish]

هلا اخوي هاي ثاني مره ينكتب في المنتدى على نفس المحل

[عاشق العديد]

تبي تاخذ حقك تبي تبرد الي بخاطرك ..

ارجع له وقوله مابي اي شي منك وتعال شل اغراضك ولا عليك منه ..

واذا مب عاجبه عندك حماية المستهلك وروح لهم ..

لاتسكت وتكتب فالمنتدى ياخوي وتخلي حقك يضيع روحله وخذ حقككك ورجع كل اغراظه وخذلك من المحل الثاني الي قلت عنه ..

[بونووف]

معروووووف المحل والاتراك اللي شغالين فيه نصهم حلاليق لصالون ديون ..

عليهم عراات ترى وايد والمشكله هو اقرب محل لي مافي غيره يجهز تمديدات الرسيفرات والنت الا هو


ونصيحه اذا تقدر رجع الاغراض ورد فلوسك ياريال ابرك لك

[abo0o0od QtR]

هالمحل قبل كان ممتاز بس من يوم شروه الاتراك اصحاب حلاق ديون واهوا فالنازل

شغله تعبان وفنينه ما يفهمون شي

واسعاره دبل

[بونووف]

^

ماعتقد .. لانه راعي المحل هو نفسه راعي ديون ..والاتراك نفسهم كانوا حلاليق

[tradesman]

اسمح لي اخوي بس انت الغلطان
اول شي المفروض تشوف الاسعار بالسوق بعدين تاخذ من المحل الي تبغيه

وثاني شي هل السعر مع التركيب ولا بدون التركيب ؟

للعلم ترى ما اعرف المحل لا من قريب ولا من بعد

بس احنا لازم يكون عندنا ثقافة للشراء مو بس نروح نشتري وعقبها نتشكى

[السكين]

أخوي المحل اللي تقصده قطر لاين ؟

إذا هو ، فأحب أقولك من يومه وهو سعره دبل !

عليك بمحلات ش الاصمخ كلها رخيصة باستثناء راديو بشير بعد غالي ،

الله يعينك واشكرك ع النصيحة

[هارودز]

جزاك الله خيرا اخوي على التنبيه

[أبوهيا]

والله يحقله تدري ليش يجونه ناس مهب تعبانين بالفلوس
يعني سوفت وير لجوال معروف ب50 ريال حتى المات تعرف السعر
يجيله واحد يقوله العامل بالمحل 120 يقوله اوكي
ريسيفر الهيومكس عنده ب230 ريال وبره ب150 ريال

[بوخالد911]

لا للجشع
والطمعععععععععععععععععععععع

[المعنى]

انا تعاملت معاه و اسعاره غاليه و مبالغ فيها مقارنه مع غيره

[alkhaleje]

معروف قطر لاين سعرهم غالي جدا

[ام خويلد]

اصلا معروف عنه قطر لاين من زمااان حرامية

[باراكودا]

اصلا معروف عنه قطر لاين من زمااان حرامية

أيام المدير الهندى كان تمام ومن يوم دخلوا المصرين أخترب وكملوا عليه الحين الاتراك .

[bokhalid88]

جزاك الله خير ياخوي على التنبيه

[ليــث قطر]

قطر لاين .. محل نصاب شي معروف ف الخريطيات

أسعاره مبالغة فيها ويستغل حاجة الناس

[الأصيل]

يبدو انه يستغل كونه الوحيد بالمنطقه ويضرب على الناس شكرا عالتنبيه وأرجو من الناس مقاطعته

[فيصل 89]

المحل اسمه قطر لاين وهو اكبر محل نصب بدوحة ومن جنسياتهم راح تعرف انهم نصابين نفس ماقلت مدير تركي ولبنانين وسوريين ومصريين

سبحان الله صرنا نفضل الاسيويين على العرب لنهم حسووودين يكفي لاسافرنا بلدانهم كلها نصب بنصب ويشوفونك كانك بنك متنقل

[ام خويلد]

اكبررررررررررررررررر حرامي قطر لاين لحد يتعامل معاهم

[فانيلا روز]

جزاك الله خيرا اخوي على التنبيه

[بوحارب]

أعرف قطر لاين جيداً الصراحة راعي المحل صار طماع ونصب في الأسعار

ونتمنى من حماية المستهلك يشوفون لنا حل معاه !!

[الشاكوش]

هالمحل قريب بيتنا ومعروف اسعاره نار نار مستحيل تلاقي شيء عنده
بنفس السعر في اي مكان ثاني لازم اسعارهم اعلى ومع ذلك كثير الي يتعاملون معاه
وينخدعون فيه وما انكر اني احيانا اضطر اتعامل معاهم واعرف انهم بيضربوني فالسعر :weeping:

[Northqatar]

معروف قطر لاين

مستغل وجوده بالخريطيات وحده بالساحه

مشكور على التنبية

[king fish]

المفروض يفتح محل منافس يكون هنود يضربو السعر

[توشيبا]

محل قطر لأين وصالون ديون وفرع صالون ديون في المطار حق شخص واحد وهل شراكه

صح أسعاره مبالغ فيه واجد لي انهم يأخذون بضعتهم من داخل قطر محد يسافر ومستغلين الوضع انهم الوحدين في الخريطيات

راعي المحل وشريكه تعاملت معهم ؤلا بيني وبينهم أي معرفه بس الكل يمدح فيهم بالأخص واحد منهم شخصيه معروفه

وآنا مستغرب هالأسعار مع أنهم سمعتهم طيبه

إلا إذا أهم مسلمين الخيط والمخيط للعمال في المحلات عندهم ؤلا يجون إلا آخر الشهر يأخذون ربحهم الله أعلم