يالله يا ابني .. بنروح نلعب في المسجد ..!! >>>

[faisalqatar]

بسم الله الرحمن الرحيم

اعضاء منتدانا الكرام ..

اكيد انطرح هالموضوع من قبل ولكن المشكلة ما انحلت للاسف فـ سامحوني اذا كان مطروح و عطونا حل لهالمشكلة.

انا تعمدت ان العنوان يكون قوي لعل و عسى ننال بأكبر عدد من القراء و توصل الفكرة و انشوف التفاعل..

موضوعي عن اصطحاب بعض الاهالي لاطفالهم الى المسجد للعب فيه و كأنما يصطحبونهم للكورنيش او الى حديقة

و اغلب هالناس يكونون من المقيمين من الجنسية المصرية او الشامية ..

طيب يا اخوان هذا بيت الله و انت اذا جايب ولدك تعلمه و تعوده على الصلاة ما اتعرف تمسك ولدك او عيالك و اتخليهم يصلون احذاك؟

اي تربية و اي تعليم اللي اتجيب عيالك و اتخليهم يسرحون و يمرحون و يراكضون في المسجد واحنا انصلي؟

سؤالي لكم يا اعضاء المنتدى الكرام ..

شنو الحل لهالاشكال؟
و كيف بتتصرفون اذا صادفتوا هالمشكلة.؟

هل انتوا على استعداد ان اذا شفتوا هالنوعية مع الاباء تمسكونهم و اتكلمونهم و اتشدون عليهم شوي لعلهم يقلون مع الوقت و تندثر هالعادة اللي مليون في الامية بتزيد في صلاة التراويح ؟

باب النقاش مفتوح و اتمنى محد يطلع من محور الموضوع

(ملاحظة : انا لست ضد المقيمين ولكني ضد هالتصرف و اللامبالاة من اولياء الامر)

و شكرا

[ام السعف]

هالموضوع تم مناقشته مع شيخ دين وقلت له بعض عيالنا
يروحون المسجد ويشاغبون ويسوون مشاكل وخاصة ان مواعيد
تواجدهم في المساجد ما تتوافق مع مواعيد وجود ااباؤهم في المسجد ،،

فرد علي الشيخ وقال لي بالحرف
خلوا الولد يروح المسجد ولا تمنعونه من المسجد ،،

لما شيخ دين يقول لك خلوه يروح المسجد وان كان يلعب
ويتشاغب ،، احنا شنقول ؟

[عاشق العديد]

السلام عليكم ورحمة الله وبركاته ..
بغض النظر ياخوي عن مقيم او مواطن الاثنين نفس الحاله .. الكل يجيب اطفاله بغض النظر عن الجنسيه ..
الاباء يجيبون عيالهم عشان يتعلمون الصلاه ويتعودون على قعدة المسجد .. ومش للعب ولكن في بعض الاطفال الي لما يقيمون الصلاه يشرد من ابوه لكن ابوه ماراح يهد صلاته ويروح يلاحقه بالمسجد ..
وفالنهايه من وجهة نظري انا اشوف انه من الحلو انه الابو يجيب ولده ويقعده معاه ويعلمه على قعدة المسجد ويعلمه على الصلاه من هو صغير ..

[faisalqatar]

هالموضوع تم مناقشته مع شيخ دين وقلت له بعض عيالنا
يروحون المسجد ويشاغبون ويسوون مشاكل وخاصة ان مواعيد
تواجدهم في المساجد ما تتوافق مع مواعيد وجود ااباؤهم في المسجد ،،

فرد علي الشيخ وقال لي بالحرف
خلوا الولد يروح المسجد ولا تمنعونه من المسجد ،،

لما شيخ دين يقول لك خلوه يروح المسجد وان كان يلعب
ويتشاغب ،، احنا شنقول ؟

شاكر لج توضيحج

بس اختي تخيلي انج اتصلين و ناس يركضون بين الصفوف و صراخ و حالة!

[faisalqatar]

السلام عليكم ورحمة الله وبركاته ..
بغض النظر ياخوي عن مقيم او مواطن الاثنين نفس الحاله .. الكل يجيب اطفاله بغض النظر عن الجنسيه ..
الاباء يجيبون عيالهم عشان يتعلمون الصلاه ويتعودون على قعدة المسجد .. ومش للعب ولكن في بعض الاطفال الي لما يقيمون الصلاه يشرد من ابوه لكن ابوه ماراح يهد صلاته ويروح يلاحقه بالمسجد ..
وفالنهايه من وجهة نظري انا اشوف انه من الحلو انه الابو يجيب ولده ويقعده معاه ويعلمه على قعدة المسجد ويعلمه على الصلاه من هو صغير ..

صح كلامك اخوي وانا اتفق معاك في كل كلمة
لكن لو ولي الامر شاف ولدة شرد من عنده و سوى مصخره في المسيد
ما يعرف يمسكه بعد الصلاة و يأدبه بحيث انه ما يعيد الحركة ؟

يارجل قاعدين في جامع الامام محمد بن عبدالوهاب و الخطيب يخطب فينا والييهال يراكضون في المسيد

الله المستعان

[بومحمد المطاوعه]

هالموضوع تم مناقشته مع شيخ دين وقلت له بعض عيالنا
يروحون المسجد ويشاغبون ويسوون مشاكل وخاصة ان مواعيد
تواجدهم في المساجد ما تتوافق مع مواعيد وجود ااباؤهم في المسجد ،،

فرد علي الشيخ وقال لي بالحرف
خلوا الولد يروح المسجد ولا تمنعونه من المسجد ،،

لما شيخ دين يقول لك خلوه يروح المسجد وان كان يلعب
ويتشاغب ،، احنا شنقول ؟

مب كل شيخ دين تمشين وراه اختي

شوفي شنو مذهبه

شنو عقيدته



وبعدين انا اشوف الاطفال الذين يسببون الازعاج لاداعي لأصطحابهم للمساجد


قال الشيخ العثيمين رحمه الله: الذي أرى أن إحضار الأطفال ولو كانوا دون سن السابعة إذا كان لا يحصل منهم أذية فإنه لا بأس به، لأن في ذلك تعريفاً لهم وتعويداً لهم على حضور المساجد وربما يكون في ذلك سرور لهم إذا حضروا مع الناس ورأوا المصلين. انتهى.


قال الشيخ العثيمين ـ رحمه الله: إذا كان الأطفال يشوشون على الحاضرين، فإنه لا يجوز لأوليائهم أن يأتوا بهم إلى المساجد، لأن النبي صلى الله عليه وعلى آله وسلم منع آكل البصل من قربان المسجد، وعلل ذلك بأنه أذية، قال: إن الملائكة تتأذى مما يتأذى منه الإنسان ـ فكل ما يؤذي المصلين فإنه لا يجوز إحضاره. انتهى

[عاشق العديد]

صح كلامك اخوي وانا اتفق معاك في كل كلمة
لكن لو ولي الامر شاف ولدة شرد من عنده و سوى مصخره في المسيد
ما يعرف يمسكه بعد الصلاة و يأدبه بحيث انه ما يعيد الحركة ؟

يارجل قاعدين في جامع الامام محمد بن عبدالوهاب و الخطيب يخطب فينا والييهال يراكضون في المسيد

الله المستعان

ياخوي ما اعتقد انه الاطفال يسببببون هالكثر من الازعاج والمصخره وانه الابو يسكت ..
وانا اشوف الاباء لما ولد يتشيطن يهاوشه بعد الصلاه ويعلمه وفالمره الجايه تشوف الولد ساكت ومحترم ويصلي ومعنه بالعمر تعطيه 5 سنين كاحد ادنى ..

يعني انت تشوف من وجهة نظرك انه الاطفال مايجيبونهم المساجد .؟
اذا انا ولدي ماعلمه على الصلاه من هو صغير لاجي اللومه لما يكبر لانه مايصلي وهذا الي حاصل في وقتنا الحالي .. شوف المساجد كيف خاليه .. موضوع طويل والتناقش فيه طويل جدا ..
اشكرك على الرد ..

[ام السعف]

شاكر لج توضيحج

بس اختي تخيلي انج اتصلين و ناس يركضون بين الصفوف و صراخ و حالة!

يومها اختلفت مع الشيخ
فقال لي انتي جاية تاخذي رايي ولا جاية تفرضي رايك :(

وسبحان الله ما في شي تصلح وهالاطفال كل يوم مشاكل
في المساجد وهوشات وقلة ادب مع المصلين ،،

فامنع ولدي الصغير يطلع وياهم ومايروح المسجد الا في
وجود ابوه او اخوانه ،،
حتى المسجد القريب من بيتنا ،، ما اسمح له يروح المسجد
ابدا ،، مب لأني ما ابيه يصلي في المسجد ،،
ولكني مابيه يكون بروحه ويستبب مع اطفال
ثانين انهم يزعجون المصلين ،، فالصلاة يبي لها خشوع وحضور
نفسي مركز مب حضور مشتت من زود الازعاج اللي في المسيد،،

تقلى مرات المصلي يسلم من اهنيه وهات عقار في الاطفال
واهاليهم فضاع اجر صلاته :(

[ام السعف]

مب كل شيخ دين تمشين وراه اختي

شوفي شنو مذهبه

شنو عقيدته



وبعدين انا اشوف الاطفال الذين يسببون الازعاج لاداعي لأصطحابهم للمساجد


قال الشيخ العثيمين رحمه الله: الذي أرى أن إحضار الأطفال ولو كانوا دون سن السابعة إذا كان لا يحصل منهم أذية فإنه لا بأس به، لأن في ذلك تعريفاً لهم وتعويداً لهم على حضور المساجد وربما يكون في ذلك سرور لهم إذا حضروا مع الناس ورأوا المصلين. انتهى.


قال الشيخ العثيمين ـ رحمه الله: إذا كان الأطفال يشوشون على الحاضرين، فإنه لا يجوز لأوليائهم أن يأتوا بهم إلى المساجد، لأن النبي صلى الله عليه وعلى آله وسلم منع آكل البصل من قربان المسجد، وعلل ذلك بأنه أذية، قال: إن الملائكة تتأذى مما يتأذى منه الإنسان ـ فكل ما يؤذي المصلين فإنه لا يجوز إحضاره. انتهى

للأسف انهم اطفال اعمارهم 6 و 7 و 8
هم مب عيالي ،، لكني لما طلبت من امهم تمنعهم من المسجد
قالت لي ما يجوز امنعهم لازم يصلون فيه ،،

قلت لها دام ان طلتهم للمسجد فيها مشاكل تربيته وصلاته في البيت
افضل من تركه في المسجد من غير تربية والكل يقلل منه ،،

لكنهم كانت لهم اتصالت ببعض المشايخ اللي أكدوا
بوجوب ذهابهم للمسجد لأنهم مردهم بيكبرون ،،
:(

[عاشق العديد]

للأسف انهم اطفال اعمارهم 6 و 7 و 8
هم مب عيالي ،، لكني لما طلبت من امهم تمنعهم من المسجد
قالت لي ما يجوز امنعهم لازم يصلون فيه ،،

قلت لها دام ان طلتهم للمسجد فيها مشاكل تربيته وصلاته في البيت
افضل من تركه في المسجد من غير تربية والكل يقلل منه ،،

لكنهم كانت لهم اتصالت ببعض المشايخ اللي أكدوا
بوجوب ذهابهم للمسجد لأنهم مردهم بيكبرون ،،
:(

اذا اعمارهم مابين 7 .و 8 .
هذول كبار ومفروض يعرفون الصلاه ..

انا الي اشوفهم مابين 5 و 4 سنين ماقد شفت كبير ويلعب لو شفته انا مسكتـه ..

[ام السعف]

اذا اعمارهم مابين 7 .و 8 .
هذول كبار ومفروض يعرفون الصلاه ..

انا الي اشوفهم مابين 5 و 4 سنين ماقد شفت كبير ويلعب لو شفته انا مسكتـه ..

مب شرط يلعب ،، لكنه تلقاه يشاغب في الصلاة ويخرب على غيره
ياكل حب في المسجد ويقل إدبه على الناس ويتنقشر في خلق الله
ومع اخر تسليمة تهاوش مع ربعه في المسجد ،،
هذي غير حركات السخافة اللي يسوونها للاسف الشديد ،،

[عاشق العديد]

هذا يمكن اظربـه مب اكلم ابـوه ..

ماقد مرت عليه مثل هالحاله .. مب اني اكذبج اختي .. لكن الحمد لله انه مامرت علي هالحاله لاني انسان ما اتمالك اعصابي ..
ومثل ماقلت قبل هذول كبار 8 7 هذول فاهمين عدل عكس الي اعمارهم مابين 5 و 4 سنين ..

والله المستعـان ..

[ام السعف]

هذا يمكن اظربـه مب اكلم ابـوه ..

ماقد مرت عليه مثل هالحاله .. مب اني اكذبج اختي .. لكن الحمد لله انه مامرت علي هالحاله لاني انسان ما اتمالك اعصابي ..
ومثل ماقلت قبل هذول كبار 8 7 هذول فاهمين عدل عكس الي اعمارهم مابين 5 و 4 سنين ..

والله المستعـان ..

من قال لك ما انضربوا في المساجد ؟

للاسف انضربوا من البعض ،،

لكن شنقول الله المستعان :(

[ROSE]

اخس شي يوم نروح للتراويح وربي جد اتنرفز ييبون عيالهم ويكون فيه حاجز بينا بينا وبين الرياييل والحاجز مرتفع عن الارض بشوي يدخلون اياديهم ييرون العبي والحجابات وغير اللي يصارخون ويلعبون ويشتتون تركيز المصلين

في دبي رحت كذا مسيد يمنعون الاطفال بس هني عندنا ياريت يطبقون هالنظام والله انا مره قلتها للحريم اللي تييب عيالها وتشتت انتباه المصلين في ذمتها صلاتنا ولا حد اهتم بكلامي

[تاجر كشخة]

انا في رأيي الشخصي لا مانع من اصطحاب الاطفال الى مسجد بشرررررررط ان نعلمهم اداب المسجد واحترام المكان والحفاظ الشديد على الهدوء قبل ان نصطحبهم

[ام السعف]

اخس شي يوم نروح للتراويح وربي جد اتنرفز ييبون عيالهم ويكون فيه حاجز بينا بينا وبين الرياييل والحاجز مرتفع عن الارض بشوي يدخلون اياديهم ييرون العبي والحجابات وغير اللي يصارخون ويلعبون ويشتتون تركيز المصلين

في دبي رحت كذا مسيد يمنعون الاطفال بس هني عندنا ياريت يطبقون هالنظام والله انا مره قلتها للحريم اللي تييب عيالها وتشتت انتباه المصلين في ذمتها صلاتنا ولا حد اهتم بكلامي

تبين مسجد من غير اطفال ؟

مسجد محمد بن عبدالوهاب
حاطين امن يمنعون دخول ما دون التاسعة :shy:

شفتها العام في صلاة التراويح :telephone:

[بومحمد المطاوعه]

للأسف انهم اطفال اعمارهم 6 و 7 و 8
هم مب عيالي ،، لكني لما طلبت من امهم تمنعهم من المسجد
قالت لي ما يجوز امنعهم لازم يصلون فيه ،،

قلت لها دام ان طلتهم للمسجد فيها مشاكل تربيته وصلاته في البيت
افضل من تركه في المسجد من غير تربية والكل يقلل منه ،،

لكنهم كانت لهم اتصالت ببعض المشايخ اللي أكدوا
بوجوب ذهابهم للمسجد لأنهم مردهم بيكبرون ،،
:(


اختي انا امشي على كلام الشيخ العلامه ابن العثيمين وابن باز

ووضحت لج فتوى للشيخ

الله اعلم بالشيخ التي اتصلت عليه

ربما صوفي او اشعري

مب سني سلفي

[ام السعف]

اختي انا امشي على كلام الشيخ العلامه ابن العثيمين وابن باز

ووضحت لج فتوى للشيخ

الله اعلم بالشيخ التي اتصلت عليه

ربما صوفي او اشعري

مب سني سلفي

الله يهديك يا اخوي اشدخل صوفي ومب عارفة وشو

الشيخ بن عثيمين رحمه الله حدد العمر
وقال:"الذي أرى أن إحضار الأطفال ولو كانوا دون سن السابعة
إذا كان لا يحصل منهم أذية فإنه لا بأس به،"

فالبعض يرى ان سن السابعة سن التمييز ويجب ان يصلي في المسجد ،،

[القطو السمين]

انا ضد احضار اطفال مشاغبين وهدهم على خلق الله بنية انه يتعلم الصلاة اول حاجة علموا عيالكم على احترام بيوت الله وبالتالي علموهم الصلاة يعني لو الولد يشاغب في البيت مايخلي ابوه ينام والله يلبلبه انت ماترضى يزعجك اجل ليه تجيبه يزعج المصلين لو كل واحد يلبلب ولده عقب كل ازعاج يسويه ماراح يزعجون المصلين لا وتجيك الام جايبه اعيالها كلهم صجة وصياح طول الصلاة وهي مركزة في الصلاة اهجدي في بيتك وصلي عند عيالج وتقولها وتنصحها وبكرة نفس الشىء مايهزك ريح والله متاذيين منهم ياريت يعممون على المساجد بمنع احضار الاطفال

[@north_star@]

بسم الله الرحمن الرحيم

اعضاء منتدانا الكرام ..

اكيد انطرح هالموضوع من قبل ولكن المشكلة ما انحلت للاسف فـ سامحوني اذا كان مطروح و عطونا حل لهالمشكلة.

انا تعمدت ان العنوان يكون قوي لعل و عسى ننال بأكبر عدد من القراء و توصل الفكرة و انشوف التفاعل..

موضوعي عن اصطحاب بعض الاهالي لاطفالهم الى المسجد للعب فيه و كأنما يصطحبونهم للكورنيش او الى حديقة

و اغلب هالناس يكونون من المقيمين من الجنسية المصرية او الشامية ..

طيب يا اخوان هذا بيت الله و انت اذا جايب ولدك تعلمه و تعوده على الصلاة ما اتعرف تمسك ولدك او عيالك و اتخليهم يصلون احذاك؟

اي تربية و اي تعليم اللي اتجيب عيالك و اتخليهم يسرحون و يمرحون و يراكضون في المسجد واحنا انصلي؟

سؤالي لكم يا اعضاء المنتدى الكرام ..

شنو الحل لهالاشكال؟
و كيف بتتصرفون اذا صادفتوا هالمشكلة.؟

هل انتوا على استعداد ان اذا شفتوا هالنوعية مع الاباء تمسكونهم و اتكلمونهم و اتشدون عليهم شوي لعلهم يقلون مع الوقت و تندثر هالعادة اللي مليون في الامية بتزيد في صلاة التراويح ؟

باب النقاش مفتوح و اتمنى محد يطلع من محور الموضوع

(ملاحظة : انا لست ضد المقيمين ولكني ضد هالتصرف و اللامبالاة من اولياء الامر)

و شكرا

كلامك سليم اخوي بس ياريت لو ما نخصص فئة معينة لانه احضار الاطفال للصلاة غير مقتصر على جنسية معينة

[بوحارب]

صدقني السبب هم الحريم

تلاقيها تقول حق زوجها ياخذ الولد معاه للمسجد

عشان ترتاح من السندارة شوي

صح كلامي ولا لا يا حريم المنتدئ@@

[bo khaled]

لازم يتم تثقيف الولد و تعليمه عشان يقدر هذا المكان و وجودهم أهناك شئ إيجابي لكن يظهر بشكل سلبي بسبب الإهمال و هذي كارثة حتى لو كان صغير التربيه هي اهم شي

[أبوفهد666]

دعماً لموضوعك اخوي فيصل ..!..

معركة بين طفلين في المسجد .. المقطع فكاهي جداً ..:nice:

( فيديو 34 ثانية )



http://ysv.me/227103

[qrt_trading]

أنا وقفت عن روحة المسجد والسبه هالازعاج من اليهال وزوجي يحن علي اني اروح معاه خاصة في رمضان لكني والله ما أركز في صلاتي والسبه الهواش والصراخ والطامه الكبرى إللي اتجيب ولدها او بنتها بو كم شهر وتقعد اتصلي وامخليه الياهل يصيح من قمة راسه والله بلشه وغير صوت الأكل والحلاوة والكافي والقراطيس المقططه في المسجد بعد كل صلاة وجان زين الأم أتشيل وصخ وقراطيس اعيالها إلا أتخلي كل شي على ما هو عليه وتتوكل!!!!!!!!!!!

[الجوكر90]

السلام عليكم
انا اشوف ان لو تحبب الياهل فالمسجد افضل من ان نخليه يروح غصب
ﻻن اذا حب المسجد راح تكون روحاته للمسجد عباده
بس لو غصبناه راح تكون روحاته عاده

اعرف امام مسجد شكله هو دوم مخيس ومايضخك وكله متاخر
وعياله وايد يشاغبون وقت الصلاه
عاد هو فالمدرسه مع ولد اخو رفيجي
يوم سال ولد الامام ليش ماتصلي رد علبه ولد الامام (( طز ))

هني انا ما الوم الولد ﻻن ياهل الوم الابو والام ﻻن انا متاكد انهم يستعملون اسلوب عدواني مع اليهال

[تغلبية]

صدقني السبب هم الحريم

تلاقيها تقول حق زوجها ياخذ الولد معاه للمسجد

عشان ترتاح من السندارة شوي

صح كلامي ولا لا يا حريم المنتدئ@@

شوي صح يابوحارب

الام تبي الابو ياخذ الولد المسجد معاه علشان يشوف الرجاجيل يصلون جماعة

ويركد خاصة الصبيان الشياطين

احنا الحريم مانروح المسجد على كل وقت

[بوخالد911]

هالموضوع تم مناقشته مع شيخ دين وقلت له بعض عيالنا
يروحون المسجد ويشاغبون ويسوون مشاكل وخاصة ان مواعيد
تواجدهم في المساجد ما تتوافق مع مواعيد وجود ااباؤهم في المسجد ،،

فرد علي الشيخ وقال لي بالحرف
خلوا الولد يروح المسجد ولا تمنعونه من المسجد ،،

لما شيخ دين يقول لك خلوه يروح المسجد وان كان يلعب
ويتشاغب ،، احنا شنقول ؟

لا


كلااااامه غلط × غلط

وحتى وان كان شيخ

شنووو يعني كلااامه دوووم صح!؟!؟!؟


اانا ضد اصطحاب الاطفال دون السن السابعة:anger1::anger1::anger1:


واللي ما يقدر
يدبررر عمره ولا يأذي خلق الله

[تغلبية]

الله يهداهم ..

كرهوني في شي اسمه محاضرة في المسجد

خاصة مسجد عمر .. تقول الطابق العلوي حضانة

ويزيدون الطين بله .. يطفون الليتات ... !!


المفروض يمنع منعاً باتاً دخول الاولاد مع الامهات في مصلى النساء

الاولاد مع ابهاتهم .. والبنات مع امهاتهم في حالة ان نبي نعلمهم على الصلاة

[لبيبة]

اذكر في مكة كنا في مصلى النساء اللي عند باب الملك فهد، وفي ولدين مبين عليهم كبار، يمكن ثمان او تسع سنين، قبل الصلاة كانوا يحاولون يتهاوشون، ومن كبر الإمام ابتدت المصارعة الحرة، ضرب وتحذف، واحد حذف الثاني على الارض والله ان الارض ارتجت منهم، اشغلونا في الصلاة خصوصا ان الهوشة جنبنا بالضبط وكان ممكن ان الحذفة تجي على روسنا واحنا نصلي :secret:

المهم انا من ذاك اليوم وانا ضد ان اي حد يجيب عياله يلعبون ويتشيطنون ويأذون المصلين، اذا العيال يبون يصلون الله يبارك فيهم يجون ويصلون مثلهم مثل المسلمين، المسجد مب مكان للعب، للعبادة.

[faisalqatar]

ياخوي ما اعتقد انه الاطفال يسببببون هالكثر من الازعاج والمصخره وانه الابو يسكت ..
وانا اشوف الاباء لما ولد يتشيطن يهاوشه بعد الصلاه ويعلمه وفالمره الجايه تشوف الولد ساكت ومحترم ويصلي ومعنه بالعمر تعطيه 5 سنين كاحد ادنى ..

يعني انت تشوف من وجهة نظرك انه الاطفال مايجيبونهم المساجد .؟
اذا انا ولدي ماعلمه على الصلاه من هو صغير لاجي اللومه لما يكبر لانه مايصلي وهذا الي حاصل في وقتنا الحالي .. شوف المساجد كيف خاليه .. موضوع طويل والتناقش فيه طويل جدا ..
اشكرك على الرد ..

اخوي اذا المسجد اللي انت اتروح له فيه اطفال مثاليين مب معناته كل المساجد نفس الشي ههههه
للاسف اني صليت في اكثر من مسجد و صادفت اكثر من مرة هالحالات و اخر مرة صلاة الجمعة في جامع الامام محمد بن عبدالوهاب ,,

شاكر لك ردك

[faisalqatar]

الله يجزاكم خير على ردودكم

و حاب اوضح لكم اني طبعا مب ضد اصطحاب الاطفال
بالعكس انا مع هالشي لان الطفل لازم ولي امره يحببه في الصلاة و يعلمه عليها
و مب غلط لو الطفل سبب ازعاج مرة و مرتين و ولي الامر حاسبه و علمه ان هالشيء غلط
وان في ناس اتصلي و بالشطانه الخشوع ينقطع ..

لكن انا ضد اللي يجيب عياله يلعبون و يدري انهم يلعبون وفي النهاية ما يقول لهم شي

هالنوعيه من اولياء الامور بروحهم محتاجين اولياء امور يأدبونهم

و النقاش مستمر و يامرحبا فيكم

[بويعقوب]

مب كل شيخ دين تمشين وراه اختي

شوفي شنو مذهبه

شنو عقيدته



وبعدين انا اشوف الاطفال الذين يسببون الازعاج لاداعي لأصطحابهم للمساجد


قال الشيخ العثيمين رحمه الله: الذي أرى أن إحضار الأطفال ولو كانوا دون سن السابعة إذا كان لا يحصل منهم أذية فإنه لا بأس به، لأن في ذلك تعريفاً لهم وتعويداً لهم على حضور المساجد وربما يكون في ذلك سرور لهم إذا حضروا مع الناس ورأوا المصلين. انتهى.


قال الشيخ العثيمين ـ رحمه الله: إذا كان الأطفال يشوشون على الحاضرين، فإنه لا يجوز لأوليائهم أن يأتوا بهم إلى المساجد، لأن النبي صلى الله عليه وعلى آله وسلم منع آكل البصل من قربان المسجد، وعلل ذلك بأنه أذية، قال: إن الملائكة تتأذى مما يتأذى منه الإنسان ـ فكل ما يؤذي المصلين فإنه لا يجوز إحضاره. انتهى

بيض الله وجهك

هذا الكلام المنقول خلاصة الموضوع :victory:

الاولاد اللي اعمارهم اقل من 7 سنوات مايدخلون المسجد

والله يالربع ان البعض يجيب معاه ولده عمره سنتين او ثلاث سنين !!!!!!

ياخذ عليك لفه وانت تصلي ... جميع انواع التشويش والازعاج

الله يهديهم ويهدينا واياهم

[لمت اب]

مب كل شيخ دين تمشين وراه اختي

شوفي شنو مذهبه

شنو عقيدته



وبعدين انا اشوف الاطفال الذين يسببون الازعاج لاداعي لأصطحابهم للمساجد


قال الشيخ العثيمين رحمه الله: الذي أرى أن إحضار الأطفال ولو كانوا دون سن السابعة إذا كان لا يحصل منهم أذية فإنه لا بأس به، لأن في ذلك تعريفاً لهم وتعويداً لهم على حضور المساجد وربما يكون في ذلك سرور لهم إذا حضروا مع الناس ورأوا المصلين. انتهى.


قال الشيخ العثيمين ـ رحمه الله: إذا كان الأطفال يشوشون على الحاضرين، فإنه لا يجوز لأوليائهم أن يأتوا بهم إلى المساجد، لأن النبي صلى الله عليه وعلى آله وسلم منع آكل البصل من قربان المسجد، وعلل ذلك بأنه أذية، قال: إن الملائكة تتأذى مما يتأذى منه الإنسان ـ فكل ما يؤذي المصلين فإنه لا يجوز إحضاره. انتهى




مشكوووووووووووووووور أخيييييييييييي
بو محمد المطاوعه
نفع الله بك

[ww1000000]

أنا برد على الموضوع بسؤال

أذا دخل عصفور المسجد ؟

ايش بتسوي فيه

علماً انه يغرد بين فترة وفترة

ايش بتسوي فيه

مثال ثاني

لو أنت بتصلي وبرة رعد ومطر

نصيحتي عود نفسك على الخشوع :)

[bos3eed]

لا خلاف على ان الواحد لازم ياخذ يودي عياله المسجد ويعودهم عليه بس بالطريقة الصحيحة, مب اوديهم ومن انزل من السياره هم في صوب وانا في صوب!!! اللي ياخذ عياله لازم يقعدهم جنبه ولو بالغصب ويخليهم تحت عينه وينكر عليهم اذا سووا ازعاج ولا تموا يركضون ويلعبون. اذا الاب ماقدر يتحكم في عياله فالاولى انه يخليهم في البيت ويربيهم لين يتسنعون بعدين يجيبهم المسجد. المشكلة بعض المصلين يسمع صوت ولده وهو يصارخ ويصيح ويضحك ولا يسوي شي.

ملاحظه اخرى, في العشر الاواخر وقت صلاة القيام تلاقي بعض المراهقين من اهل الاعتكاف متسندين على الطوفة ويسولفون ويضحكون, شي عجيب الصراحه

[faisalqatar]

شكرا لكل من رد على الموضوع

المفروض هالموضوع لا يختلف عليه شخصان ..
ولكن استغرب من اللي مستعد يموت بس عشان ما يتفق مع الناس ولازم يطلعك مخطئ

هل تعتقدون هالناس اللي ذكرتهم هم نفسهم اولياء امور الاطفال اللي يسببون ازعاج؟
المفروض ندخلهم اول ابتدائي من جديد ليتعلموا ان للمساجد حرمة ..

والنقاش مستمر و يامرحبا بالجميع

[ام السعف]

بعض الاطفال اعمرهم فوق 7 سنوات

وبعض الأخوان يتكلمون عن اطفال دون السابعة ،،

بالنسبة لي اصلا ضد ذهاب الاطفال المشاغبين للمسجد وان كانوا بو 12 سنة
وما بالكم بو 7 سنين ،،

لكن وايد ناس عادي عندهم عيالهم يتشاغبون في المساجد
بناء على كلام من مشايخ دين يتصلون فيهم ،،

واعتقد انهم من الناس المتدينين اللي لهم اتصالات بمشايخ كثر ،،


وشكرا لكم

[faisalqatar]

شكرا اختي على الرد
اتوقع لو كل واحد يصادف هالنوعية من الاباء و يكلمهم ويقول لهم تره عيالكم سندرونا
ممكن مع الايام تندثر هذي الظاهره