دعوه للنساء الاجانب إلى ارتداء الملابس المحتشمة خلال الصيف

[حمد 2002]

السلام عليكم ورحمه الله وبركاته ،،

الموضوع يحمل العنوان التالي

((دعوه للنساء الاجانبيات إلى ارتداء الملابس المحتشمة خلال الصيف بقطر ))

تلجأ الكثير من النساء الاجنبيات خلال فتره الصيف ومع حراره الاجواء الى ارتداء الملابس الغير المحتشمه والكاشفه لمعالم الجسم ، بالاماكن العامه بالدوله ، خلال فصل الصيف الحار ،،،

ومن هذا المنبر ومن هذا المنتدى ادعو وزاره الداخليه والجهات المختصه بالدوله الى اصدار قرار يمنع به النساء الاجنبيات من التعري خلال فتره الصيف وغيره ، لاننا ببلد مسلم والصراحه الواحد يخاف على الشباب المراهقين وشباب المسلمين من تلك المناظر القذره ،،،


وكلمه حق :- صراحه بأن النساء القطريات والنعم بهم ، ملتزمين بلبس الملابس المحتشمه والعبايه الحاره والنقاب رقم حراره الاجواء بهذه الفتره ،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجمييييع ،،،

[بصمة قطرية]

هاليومين صادف إني مريت مجمعين
و صج إنبطت جبدي من تعريهم ...!!!
و كنت أفكر بيني ووبين نفسي
لازم يلتزمون باللبس المحتشم
و نوزع عليهم بوسترات توضح لهم
إن هالبلد مسلم ولازم يلتزمون باللبس المحتشم
و ما يتعرون و يراعون مشاعر المسلمين..



يا عالم رمضان جاي ..
بيجرحون صيام الناس
في ذمة اللي قادر يمنعهم و ما منع
في ذمة اللي يقدر يصدر قانون يجبرهم و يلزمهم بالإحتشام ..
السالفة مصخت ..

[بوخالد911]

القرار موجووووووووووود

ولكن التنفيذ غااااااااايب !!!!

حبر ع الورق

لا يسمن ولا يغني من جووووووووووع

[تغلبية]

هاليومين صادف إني مريت مجمعين
و صج إنبطت جبدي من تعريهم ...!!!
و كنت أفكر بيني ووبين نفسي
لازم يلتزمون باللبس المحتشم
و نوزع عليهم بوسترات توضح لهم
إن هالبلد مسلم ولازم يلتزمون باللبس المحتشم
و ما يتعرون و يراعون مشاعر المسلمين..



يا عالم رمضان جاي ..
بيجرحون صيام الناس
في ذمة اللي قادر يمنعهم و ما منع
في ذمة اللي يقدر يصدر قانون يجبرهم و يلزمهم بالإحتشام ..
السالفة مصخت ..

لاحظت ان نسبة كبيرة منهم مايعرفون ان التعري مرفوض عند المجتمع القطري

وان المرأة المتسترة هي المحببة والمفضلة حتى على مستوى ستر الراس فقط

علينا دور احنا يالمواطنين ولازم نبادر نكلمهم بالحسنى

[حمد 2002]

القرار موجووووووووووود

ولكن التنفيذ غااااااااايب !!!!

حبر ع الورق

لا يسمن ولا يغني من جووووووووووع

صاااادق يابوخالد ، من الافضل تفعيل تلك القوانين من قبل الجهات المختصه ،،

تحياتي لك على المرور بالموضوع ،، :victory:

[بصمة قطرية]

لاحظت ان نسبة كبيرة منهم مايعرفون ان التعري مرفوض عند المجتمع القطري

وان المرأة المتسترة هي المحببة والمفضلة حتى على مستوى ستر الراس فقط

علينا دور احنا يالمواطنين ولازم نبادر نكلمهم بالحسنى

صدقتي كثير منهم ما يعرفون هالشي
مرة كلمت أجنبية إعتذرت مني
و تمت تكرر إعتذارها إنا ما تعرف إن هالشي
ممنوع و مش مقبول عندنا ..

[حمد 2002]

لاحظت ان نسبة كبيرة منهم مايعرفون ان التعري مرفوض عند المجتمع القطري

وان المرأة المتسترة هي المحببة والمفضلة حتى على مستوى ستر الراس فقط

علينا دور احنا يالمواطنين ولازم نبادر نكلمهم بالحسنى

بالفعل ياتغلبيه نحن محتاجين الى حمله مكثفه لتثقيفهم بعادات وتقاليد الشعب القطري ، و احياننا تكون الكلمه الطيبه ذات مفعول واثر اكبر من القانون نفسه ،،

تحيااتي لج اختي تغلبيه ،، :nice:

[سعادة الوزير]

الحين بيدخلون علينا بعض الي يقولون "اول شي خل تتستر بنت البلاد" ، وهم ناسيين ان الستر مطلوب بغض النظر عن الجنسية ، وفرق كبير بين الي متحجبة ومطلعة شوي من شعرها وبين الي تتمشى بشورت قصير يفضح اكثر مما يستر!

[تغلبية]

صدقتي كثير منهم ما يعرفون هالشي
مرة كلمت أجنبية إعتذرت مني
و تمت تكرر إعتذارها إنا ما تعرف إن هالشي
ممنوع و مش مقبول عندنا ..

مرة جاتنا في الشغل دكتورة اوروبية عجوووز .. بس شعرها شعر بنات صغار ..
فالته ومنزلة القذلة .. ودخلت علينا دكتورة هندية كانت في السعودية هي عارفة بشكل عام ان المراة لازم اتغطي راسها فتعودت على انها تغطي راسي بشيلة في الاماكن العامة والرسمية في قطر

يوم شافتها الاوروربية خلت اجتماعنا وتمت تسال الهندية .. انتي ليش تحطين شيلة هاه قوليلي .. الهندية بررت الموقف ان المجتمعات الخليجية محافظة والافضل ان المراة لازم اتغطي شعرها .. جان تختبص الاوروبية .. قامت توجه لي الكلام .. تغلبية يعني انا موب زينة .. يعني انتو ماتحبوني .. انا مادري .. محد قالي .. احنا في بلادنا عادي .. وقامت اتلفت تبي شي تحطه على راسها طبعا مالقت والدكتور اللي معاها الله يجازيه بس قطع الموضوع وقام يبرر ان الموضوع عادي وبراحتج وكيفج .. ويوم جيت اتكلم ضيع السالفة ..
ولما رحنا للمدير اشوفها دخلت شعرها المفلول داخل الجاكيت ..!:nice:
الله يهديها للاسلام ..

وغيرها لما نكلمهم يستغربون من ان هذي عاداتنا ويتقبلونها بصدر رحب ويعتذرون على طول.

[تغلبية]

لاحظت ان نسبة كبيرة منهم مايعرفون ان التعري مرفوض عند المجتمع القطري

وان المرأة المتسترة هي المحببة والمفضلة حتى على مستوى ستر الراس فقط

علينا دور احنا يالمواطنين ولازم نبادر نكلمهم بالحسنى

بالفعل ياتغلبيه نحن محتاجين الى حمله مكثفه لتثقيفهم بعادات وتقاليد الشعب القطري ، و احياننا تكون الكلمه الطيبه ذات مفعول واثر اكبر من القانون نفسه ،،

تحيااتي لج اختي تغلبيه ،، :nice:

مرة كنت في لاند مارك وكان فيه ثنتين افريقيات .. لبسهم فاضح فاضح .. لا يطاق
تميت اطالع وحدة منهم مشدوهة من اللي اشوفه .. جيت ابي اكلمها .. تمت تخزني بعينها
خفت منهم يتوحدون بي وانا كنت بروحي ..
.. وتمينا نتطالع بالعيون يوم جيت خلاصبكلمها .. مالقيتها اختفت ..
احيانا في حزة الحزة ما نعرف نتصرف مع الموقف .. نرتبك ومايترتب الكلام :( :shy:

[امـ حمد]

جزاك الله خير على الموضوع

[حمد 2002]

الحين بيدخلون علينا بعض الي يقولون "اول شي خل تتستر بنت البلاد" ، وهم ناسيين ان الستر مطلوب بغض النظر عن الجنسية ، وفرق كبير بين الي متحجبة ومطلعة شوي من شعرها وبين الي تتمشى بشورت قصير يفضح اكثر مما يستر!

صحيح اخوي معصيه عن معصيه تفرق ،،

تحياتي لك اخوي سعاده الوزير ،،

[حمد 2002]

جزاك الله خير على الموضوع

وجزاج بمثله ان شاء الله ،،

تحياتي لج ،، :)

[أم نواري1]

ليش دعوه كأننا نشحذ منهم .!

غصب عن خشمهم مفروض ينفذون لأن القرارات موجودة
علينا نبلغ وعليهم تحمّل الإثم إن ما اتخذوا الإجراءات

[شيخ الديرة]

لاحظت ان نسبة كبيرة منهم مايعرفون ان التعري مرفوض عند المجتمع القطري

وان المرأة المتسترة هي المحببة والمفضلة حتى على مستوى ستر الراس فقط

علينا دور احنا يالمواطنين ولازم نبادر نكلمهم بالحسنى

أتفق مع هذا الطرح. لو كل واحد منا ينصح ولو شخص واحد خلال كل زيارة لمجمع تجاري ستكون النتيجة واضحة. هم بيناتهم يوصلون الخبر انه صار كذا وكذا وتعلمت من خلال الحديث كذا وكذا

ولكن أحدنا يعتمد على الثاني, والكثير يقول هؤلاء شياطين نبعد عنهم أحسن.

[كاروهات]

بالمناسبة اوقف كل وحده لابسة غلط وانصحها بالتي هي احسن او اعطيها الخيار الاخر وهو الاتصال بمركز الشرطة

وبالفعل كل اللي وقفتهم يتأسفون ويقولون ما كنا ندري

ونصحت مرة وحده عربية قالت لي ما إلك دخل ........

[بونووف]

هني يجور دور هيئة السياحه .. توزع كتيبات فالمطاار يكون فيها قوانين المهمه للدوله ومنها السكر .. التلزق والتبوس فالاماكن العامه .. والاحتشام داخل وبرع المجمعات

بعدها بيفهمون ..

القوانين تجي من مكان رسمي ومن الدوله افضل من انه الشعب يروح ويتكلم للشخص الغير ملتزم

[نوار قطر]

والله ياحمد المفروض انهم يلتزمون باللبس المحتشم سواء في القيظ او في لشتا .. ودام انه في قرار طالع المفروض يتطبق في كل الحالات...

[بالول صغير]

من ثلاث ايام شفت وحدة لابسة بكيني فالسيارة اللي احذاي استغربت من شكلها بين ان هي شامية

عند مول دار السلام تخيلوا

الله يستر على بناتنا و يحفظ عيالنا

[حسن]

يقلون العرب الكثره تغلب الشجاعه

هم يدرون ماهي الدوله الاسلاميه اكثر مني ومنكم


بس هم ينظرون لنا نحن المتخلفون وجسد المراءه حره فيه

[قطريه22]

الداخليه حاطه قانون الاحتشام
بس مافي تطبيق
هم راضيين ياحمد ان تكلمنا احنا بيحشرونا
انطر لين الحين ماجى 2022 شكله بنشوف مفاصيخ

الله يحفظنا ويستر علينا من هالاشكال

[بونووف]

ومن بدال اعلانات مسي و كنتاكي يحطون لهم كم اعلااان صوب المجمعاات عن القانون اللي ولا مره شفته

[شيخ الديرة]

مافي حل ثاني غير انه نتكلم معاهم شخصيا؟ احسها صعبه على كثير منا!

لازم يكون فيه قوانين .. والاجانب يحترمون القانون اكثر من التدخلات الشخصية

لما أناقش الموضوع مع شيخة الديرة, نستغرب عن التردد في النصح المباشر وهذه الصعوبة اللي ذكرتيها. أول مرة قد تكون صعبة, وبعدها تسهل

[الكنترول]

من يومين شفت عربية داخلة المحكمة الموجودة بالسد وهي

شبه عارية وفتحة من الخلف شاقول ويش أخلي

والله ودخلها العسكري وعادي وطلعت فوق للقضاة

الواحد يستحي يشوف هذه المناظر أمامه

موضوعك أخوي حمد 2002 جميل بارك الله فيك

بس وين للي يسمع


دمتم بود

[غزلان]

الجمعه الى طافت شفت وحده بالمول انقهرت والجو كان هوا وعاد تمسك فستانها لايطير من الهوا والعالم تتفرج كان ودي اسطرها :(

[bos3eed]

الموضوع ماراح ينتهي الا اذا كل واحد منا بين امتعاضه من التعري سواء بالكلام مع اللي تتعرى او بنظرة احتقار. ولازم نوصل للمسؤولين عدم رضانا عن ها الموضوع ونستمر حتى يتخذون اجرءات صارمه وبسنا خرابيط لان الوضع صار في تمادي من قبلهم. ولحد يقولي مايعرفون لان الاغلبيه تعرف لكن مب مهتمين ومب حاطين حساب لاي احد. وصلت لاني اطلع عند باب البيت الاقي وحده لابسه مفصخ مع كلبها قاعده تمشيه طالعه من احد المجمعات السكنيه , اذا وصلوا عند باب البيت عيل احنا وين انروح, ولا لازم نشوف ونكسب اثام ونتعود على المنظر وتصير السالفه طبيعيه

[لاجل QT]

عيزنا يمك:omen2:

سنين نردح مافي فايدة:(

شخبار الجلب شلته ولا لين الحين:rolleyes2:

[OREO]

تبي الصراحه ياخوي حمد صرت اخاف على شبابي هذه الايام :shy:

[لاجل QT]

بس اللى ملاحظتة ان الاجنبية تمر جدام القطري بملابس خليعة ولا يعبرها

بس تمر قطرية كاشخة بعباية سوداء كلظلام الدامس في الليله الغبراء مانوعى الا اغبرته وراها

اعتقد ان عدم اهتمام القطري بالاجنبية الغير متسترة خله موضوع عدم سترهم يزيد

لان لاتوجد ذيك المشاكل اللى تذكر

مثلا لو راحت هالاجنبية بلبسها الخليع بعض الدول المجاورة..مهب ازين لها

من كذا نلقاهم حاشمين نفسهم في دول ودول لا

[ROSE]

تبي الصراحه ياخوي حمد صرت اخاف على شبابي هذه الايام :shy:

ههههههههههههههههه عدال



اهم شي الواحد يكون واثق نفسه ،، ويخاف ربه والا هالاشكال ماتاثر فيه

صج الواحد غصب يشوف هالاشكال بس ليعبرهم او ينصحهم واعتقد الثانيه صعبه شوي خاصة ان فيه ناس تتقبل وناس ترفع عليك قضايا وتتبلى عليك

[جراسا]

من يومين شفت عربية داخلة المحكمة الموجودة بالسد وهي

شبه عارية وفتحة من الخلف شاقول ويش أخلي

والله ودخلها العسكري وعادي وطلعت فوق للقضاة

الواحد يستحي يشوف هذه المناظر أمامه

موضوعك أخوي حمد 2002 جميل بارك الله فيك

بس وين للي يسمع


دمتم بود

في محاكم بعض الدول العربية.....هناك قوانين و انظمة تلزم المراجعين للمحكمة ذكورا و اناثا باللباس المحتشم احتراما لهيبة و وقار المحكمة

[OREO]

ههههههههههههههههه عدال

اهم شي الواحد يكون واثق نفسه ،، ويخاف ربه والا هالاشكال ماتاثر فيه

صج الواحد غصب يشوف هالاشكال بس ليعبرهم او ينصحهم واعتقد الثانيه صعبه شوي خاصة ان فيه ناس تتقبل وناس ترفع عليك قضايا وتتبلى عليك


انتي مثل الفقع اتغطين اتغطين اتغطين و تضهرين مرة وحده :rolleyes2:

ترى صج صج صرت اخاف على شبابي من هذول و اوقات افكر اتحجب بدالهم لاجل ما يصكوني بعين ههههههههههههههههههههههه

[Qatar Angel]

انا نصحت وحده من صديقاتي باللباس الساتر
رغم انها مش مسلمة،،
قامت تلبس عباية بدون شيلة،،
احسها ملفته اكثر،،
وانحرج اطلع معاها مكان عام،،
لكنها افضل من اللبس القصير والضيق،،

[بصمة قطرية]

انا نصحت وحده من صديقاتي باللباس الساتر
رغم انها مش مسلمة،،
قامت تلبس عباية بدون شيلة،،
احسها ملفته اكثر،،
وانحرج اطلع معاها مكان عام،،
لكنها افضل من اللبس القصير والضيق،،

أفضل ألف مرة من البنطلون و القصير .. :victory:

[أخت الكل]

دعوى خير والله يجزيكـ كل الخير عليها أخوي

بس صدقني أنا من كثر ما شفت بناتنا وسفورهم الله يغفر لهم ويهدي ولي أمرهم

صار مالي وجه أناظر في أجنبيه غير محتشمه بلبسها

خل أحنا نحترم دينا أول وبعدين نطلب الأجانب الأحتشام

ولا تقول كلامي غلط

أنا أطلب من شخص يغالطني يروح بعد صلاة المغرب إلى لاجونا أو الاند مارك ويجلس ساعتين ويحصي عدد

الملتزمات باللبس الشرعي من القطريات مع غير الملتزمات

[غزلان]

تبي الصراحه ياخوي حمد صرت اخاف على شبابي هذه الايام :shy:


.. صاروخ أرض جو :nop:

[نوار قطر]

انتي مثل الفقع اتغطين اتغطين اتغطين و تضهرين مرة وحده :rolleyes2:

ترى صج صج صرت اخاف على شبابي من هذول و اوقات افكر اتحجب بدالهم لاجل ما يصكوني بعين ههههههههههههههههههههههه

ههههههاااي :secret:

[ام السعف]

انتي مثل الفقع اتغطين اتغطين اتغطين و تضهرين مرة وحده :rolleyes2:

ترى صج صج صرت اخاف على شبابي من هذول و اوقات افكر اتحجب بدالهم لاجل ما يصكوني بعين ههههههههههههههههههههههه

:secret::secret::secret:

[Serenade]

بس اللى ملاحظتة ان الاجنبية تمر جدام القطري بملابس خليعة ولا يعبرها

بس تمر قطرية كاشخة بعباية سوداء كلظلام الدامس في الليله الغبراء مانوعى الا اغبرته وراها



ههههههههههه :nice:

[الكنترول]

بس اللى ملاحظتة ان الاجنبية تمر جدام القطري بملابس خليعة ولا يعبرها

بس تمر قطرية كاشخة بعباية سوداء كلظلام الدامس في الليله الغبراء مانوعى الا اغبرته وراها


هههههههههههههههههههههههه

[مضارب دوسري]

حلونا نخلي بعض بناتنا يحتشمون بعدين نتكلم ونطالب بان الاجانب يحتشمون
بعض بناتنا بسكوترات في السافليه وبعد............
الله يستر علينا وعلى جميع المسلمين
روحوا سوق واقف :)

[لاجل QT]

ههههههههههه :nice:


بس اللى ملاحظتة ان الاجنبية تمر جدام القطري بملابس خليعة ولا يعبرها

بس تمر قطرية كاشخة بعباية سوداء كلظلام الدامس في الليله الغبراء مانوعى الا اغبرته وراها


هههههههههههههههههههههههه

ليش تضحكون:shy:

كلامي صوح...والا ايه:nice:

[كازانوفا]

ياحمد لو تشوف الموظفات الفلبنيات كيف باشغالهم والله شوفة عيني لابسه شورت وتحت جربات (دلغات) منقوشه وشكلهااا حسبي الله عليهااااا مطرح ما تكون وعلى الصبح ايش خلت للسهرات
يعني صاحب الشركه راضي بظنك بكون سهل يطبق القانون في المجمعات؟؟؟؟؟؟؟؟

[تحداني]

مروا علي بريطانيات وامريكيات وايد
اجوفهم ان البسوا عاري اشوي حطوا اسكارف على اجتوفهم من باب احترام العادات
لكن العربيات البعض الاكثر .. اكثرهم وقاحه وهذيلن يشهدون بالله وان محمد رسول الله

على الاقل الاولى ان سوت بلا دين
لكن الثانيه ان اصرت هاذي شتسوي فيها
لا وتجي وتقول مذهبي يسمح لي
طيري انتي ومذهبج


جملكم الله برضاه

[OREO]

مروا علي بريطانيات وامريكيات وايد
اجوفهم ان البسوا عاري اشوي حطوا اسكارف على اجتوفهم من باب احترام العادات
لكن العربيات البعض الاكثر .. اكثرهم وقاحه وهذيلن يشهدون بالله وان محمد رسول الله

على الاقل الاولى ان سوت بلا دين
لكن الثانيه ان اصرت هاذي شتسوي فيها
لا وتجي وتقول مذهبي يسمح لي
طيري انتي ومذهبج


جملكم الله برضاه

هي تمشي و احنا مهب سالمين منها و تبينها اتطير بعد !!!

[abo0o0od QtR]

هي تمشي و احنا مهب سالمين منها و تبينها اتطير بعد !!!

:eek5:

[سعادة الوزير]

حلونا نخلي بعض بناتنا يحتشمون بعدين نتكلم ونطالب بان الاجانب يحتشمون
بعض بناتنا بسكوترات في السافليه وبعد............
الله يستر علينا وعلى جميع المسلمين
روحوا سوق واقف :)

ردك هذا انا متوقعه من اول ماشفت هالموضوع!!! ، انتو قاعدين تدورون الأعذار للاجانب بلبسهم الفاضح ، والعذر الوحيد هو الكلام الي قلته (اول لازم تحتشم بنت البلاد) وكأن المسأله عناد!! ، لا ياخوي ، ما هكذا تورد الابل ، الدين والشرع مايفرق بين قطرية وبين اجنبية ، واذا رب العالمين قال لك ليش ما نهيت عن المنكر بتقول له " يا ربي لان القطرية ماتغطت "؟؟؟

[دااانة قطر]

من يومين شفت عربية داخلة المحكمة الموجودة بالسد وهي
شبه عارية وفتحة من الخلف شاقول ويش أخلي
والله ودخلها العسكري وعادي وطلعت فوق للقضاة
الواحد يستحي يشوف هذه المناظر أمامه
موضوعك أخوي حمد 2002 جميل بارك الله فيك
بس وين للي يسمع
دمتم بود

هذا اللي استغرب منه شلون يدخلون عالقضاة وشلون نخليهم يلتزمون
الوضع ماينسكت عنه لازم تكون الحمله قوية وبعدد كبير


أتمنى لو احصل نسخة انجليزية عن الحمله ابحطها عند مدخل الشغل وأي مكان اروح له
‏​​​بِــ̯͡سّ** من بينصح اللي ترصرص بالعباية ونص رأسها يشم الهوا


انصدمت من طالبة معاي فـ♡ـي الكلية تقول العباية عاده والحجاب انا مب مقتنعه فيه ولما أسافر أفصحهم حتى المدرسة انصدمت من ردها:omg::rolleyes2::eek5:

[دااانة قطر]

دعوى خير والله يجزيكـ كل الخير عليها أخوي
بس صدقني أنا من كثر ما شفت بناتنا وسفورهم الله يغفر لهم ويهدي ولي أمرهم
صار مالي وجه أناظر في أجنبيه غير محتشمه بلبسها
خل أحنا نحترم دينا أول وبعدين نطلب الأجانب الأحتشام
ولا تقول كلامي غلط
أنا أطلب من شخص يغالطني يروح بعد صلاة المغرب إلى لاجونا أو الاند مارك ويجلس ساعتين ويحصي عدد
الملتزمات باللبس الشرعي من القطريات مع غير الملتزمات


احنا ضاايعين فـ♡ـي الطوشه مب عارفين ننصح من ونخلي من
التعري واللامبالاه بالشرع وأمور الدين صارت من خواتنا وبناتنا فـ♡ـي الدين وصارت ردودهم قويه
بصراحة مادري لوين بيودينا التطور وخروج المرأه للعمل
للأسف لما تدخل أدارة أو اي جهة ورازين لَـِْ♡̨̐ـِْك سكرتيرة او موظفة استقبال او خدمة عملاء قطرية بكامل زينتها
وكل شي صار عٱدَيـے*
اللي كانت كلمة عيب تعني حرام أيامنا



الّلَھّ* الهادي ﯛﯛﯛﯛٰالله* المستعان

[الزعفراني]

اعتقد مثل هذه الحملات يجب ان تحمل صبغة حكومية اكثر من انها شعبيه ...

التوعيه شيء و الالزام شيء اخر

امس كنت في اللاند مارك وشفت ثنتين من الجنسيات العربيه وحده منهم لابسه قميص ابيض شفاف وبكل قلة ادب يتضحكون وفي شباب لاحقينهم

يعني هذي ما احشمت نفسها وين لك وجه تنصحها والا توجهها ..

هذي الاشكال مايردعها الا وجود سلطة ضبط

[Jassim.mohad]

السلام عليكم ورحمة الله وبركاته

موضوعي اليوم عن الأجنبيات اللي عندنا في قطر ... وطريقة لبسهم اللي تعارض دينا الإسلامي وتعارض عاداتنا وتقاليدنا ... إحنا تربينا في بلد محافظ

جفت وحده اجنبيه فالستي لابسه قصير فوق الركبه ... وانا لما أجوف هالنوع من الفتيات قلبي يعورني وأتمنى لو اقدر اوقفهم عند حدهم بس انا ماعندي السلطه ...ولا تقولون ان انا ريال ولازم اغض النظر ترى انا ريال وعيني اتوماتيك تجوف هالاشكال ... والله حرام هالصنف الخايس عندنا

كل اللي ابيه منكم ان اذا جفتوا هالاشكال تكلمونهم بطيب وتقولون لهم هالكلامات فقط
Please respect the country and respect our religion .. Don't wear like this in public places
وصدقوني راح يتجاوبون معاكم واللي مايتجاوبون عطوهم العين الحمره وهنيه بيخافون ... لا تسمحوووووون لهم بالانتشار في بلدنا العريق ( قطر ) ... اذا مب عشان قطر ياخواني واخواتي على عشان دينا الإسلامي

وشكراً

[خليفـة]

يا ريال هرمنا واحنا نتكلم
محد سامع

الله المستعان

خليفــة

[Jassim.mohad]

يا ريال هرمنا واحنا نتكلم
محد سامع

الله المستعان

خليفــة



والله حرام السكوت عالغلط ... بنتعاقب عالسكوت

[مشاكل]

اخوي العزيز جزاك الله على غيرتك
لكن ترى باقولك شغلة

الله سبحانه وتعالى أمرنا بغض البصر
يمكن فالبداية بتواجه صعوبة في غض البصر
لكن جاهد نفسك واستعن بالله واخلص النيّة لوجه الله تعالى وداوم على الاستغفار ،،،
وسوف ترى نتيجة ذلك فيما بعد ان غض البصر اصبح جزء من حياتك لايمكن ان ينتزع منك بسهولة

[Jassim.mohad]

اخوي العزيز جزاك الله على غيرتك
لكن ترى باقولك شغلة

الله سبحانه وتعالى أمرنا بغض البصر
يمكن فالبداية بتواجه صعوبة في غض البصر
لكن جاهد نفسك واستعن بالله واخلص النيّة لوجه الله تعالى وداوم على الاستغفار ،،،
وسوف ترى نتيجة ذلك فيما بعد ان غض البصر اصبح جزء من حياتك لايمكن ان ينتزع منك بسهولة


اخوي مادري أختي مشاكل انا بكون صريح معاك
انا ريال عمري 22 سنه يعني عيني تعمل بنظام الاتوماتيك ... صحيح الاستغفار وغض البصر يساعد ... بس والله لازم عيني تجوف ماقدر

[JN000N]

اخوي مادري أختي مشاكل انا بكون صريح معاك
انا ريال عمري 22 سنه يعني عيني تعمل بنظام الاتوماتيك ... صحيح الاستغفار وغض البصر يساعد ... بس والله لازم عيني تجوف ماقدر

هههههههههههههههههههههههههههههههههههههههههههههههههه ههههههههههه

[حبر وقرطاس]

السلام عليكم ورحمه الله وبركاته ،،

الموضوع يحمل العنوان التالي

((دعوه للنساء الاجانبيات إلى ارتداء الملابس المحتشمة خلال الصيف بقطر ))

تلجأ الكثير من النساء الاجنبيات خلال فتره الصيف ومع حراره الاجواء الى ارتداء الملابس الغير المحتشمه والكاشفه لمعالم الجسم ، بالاماكن العامه بالدوله ، خلال فصل الصيف الحار ،،،

ومن هذا المنبر ومن هذا المنتدى ادعو وزاره الداخليه والجهات المختصه بالدوله الى اصدار قرار يمنع به النساء الاجنبيات من التعري خلال فتره الصيف وغيره ، لاننا ببلد مسلم والصراحه الواحد يخاف على الشباب المراهقين وشباب المسلمين من تلك المناظر القذره ،،،


وكلمه حق :- صراحه بأن النساء القطريات والنعم بهم ، ملتزمين بلبس الملابس المحتشمه والعبايه الحاره والنقاب رقم حراره الاجواء بهذه الفتره ،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجمييييع ،،،

معلومه مهمه :

اجواء بلاد هالاجنبيات فالصيف وحراره الشم ليست بالحراره وحراره الشمس التي عندنا
عندهم الجو حار حراره معتدله والشمس شبه دافئه من كذا سهل لبس الملابس القطن الخفيفه الغير محتشمه.

بس هنا لا لبسوا الي يلبسونه في بلادهم من ملابس خفيفه بيندمون لان الشمس هنا لواهيب ولاسعه ومع الحراره المركزه والشمس الحارقه التي هي اقوى من حراره الشمس عندهم تستدعي تغطيه الجسم وهو الاصح والاسلم لعده اسباب:

منها حمايه للبشره من الاحساس بالحراره العاليه
ومنها الحمايه من الحروق والجفاف والاسمرار الغير صحي

لذا الي تلبس لبس فاضح بتاكلها صح لانها بتكتشف ان شمس الدوحه ما تلاعب هههههههههههه

[بحر شرق]

اعتقد ازدان مول ممنوع دخول الي تلبس ملابس غير محتشمة أي السكيورتي تمنعهم من دخول المول

[سعادة الوزير]

اخوي العزيز جزاك الله على غيرتك
لكن ترى باقولك شغلة

الله سبحانه وتعالى أمرنا بغض البصر
يمكن فالبداية بتواجه صعوبة في غض البصر
لكن جاهد نفسك واستعن بالله واخلص النيّة لوجه الله تعالى وداوم على الاستغفار ،،،
وسوف ترى نتيجة ذلك فيما بعد ان غض البصر اصبح جزء من حياتك لايمكن ان ينتزع منك بسهولة

ياخوي الله يصلحك غض البصر لو كنا احنا في بلادهم ، غض البصر يكون عن المرأه المحتشمة ، لكن انهم يجون بلادنا وما يحترمونا وتقول خلهم ونكتفي بغض البصر فهذا حق يراد به باطل ، المسألة مسألة حماية مجتمع كامل وأجيال كاملة ، المسألة مب بسيطة.