حسبي الله و نعم الوكيل ..

[بصمة قطرية]

بسم الله الرحمن الرحيم
السلام عليكم ورحمة الله و بركاته


لا تستغربون من العنوان
بقول لكم السالفة و راح تقولون نفس العنوان ..


من يومين وديت العيال الصغار المركز الصحي
كانوا تعابه شوي ..

و من هناك رحنا لإحدى المجمعات ..
ناخذ عشا عشان نروح لجدة العيال نتعشى معاها ..

خذت العشا من مطعمين ..
طلبت من المطعم الأول و قلت للخدامة تنتظر مع العيال
و أنا رحت للمطعم الثاني أطلب ..
يا دوب دقيقتين طلبت و رجعت للعيال
لقيت واحد واقف يكلم العيال
واحد من عيالي يكلمه و و مبتسم
رحت لهم بسرعة و ناديت ولدي
قلت له من هاي ..؟؟
قال لي مادري يمه ..
قلت له ليش تكلمه شيقول لك ..؟
قال لي شخبارك عقب قال له
سألني شسمك
قلت له جاوبته قال اي
المهم خذ إسم الولد بالكامل
و مكان البيت في أي منطقة ..!!
إقسم بالله للت فيني الدنيا تميت طول الوقت أتحسب عليه
من حرتي بغيت أضرب ولدي
تعوذت من إبليس
قلت له ليش تجاوبه ليش تقول له
يقول هو سألني ..!!!

تمنيت لو في شرطة في المكان
كان بلغتهم ..؟؟

الحمدلله عمري ما خليت العيال يطلعون بدوني
لازم معاهم في كل مكان ...

كلمت أخوي في نفس الوقت
قال لي وينج وين العيال
طلعتوا ولا بعدكم في المجمع
قلت له طالعه خلاص ..
قال لي حسبي الله ونعم الوكيل ..

لوهلة فكرت لو لا قدر الله كانوا بس مع الخدامة
و هالشخص غافل الخدامة
و خذ الياهل معاه ..!!!!

يا عالم ياللي تتركون عيالكم مع خدم حاسبوا
صدقوني عيال الحرام في كل مكان ..!!
اللي ما يخافون ربهم موجودين في كل مكان ..


حاولت إني ما أسيء الظن
ما قدرت أوجد له عذر على أسئلته للولد ...؟؟

حسبي الله ونعم الوكيل عليه ،،

[تغلبية]

لا حول ولا قوة الا بالله
ناس ضميرها ميت

اشيبي ان شاءالله ؟!!!!

الله يحفظج اختي بصمة .. ويجعل كيده في نحره ان كانت نيته شر

[قطر70]

اختى اول حاجه تعوذي من ابليس

يمكن الرجال مايقصد شي او انه من باب حسن النيه يسولف مع واحد صغير او يضحك معاه

وما حصل الا الخير ان شاء الله

[بصمة قطرية]

لا حول ولا قوة الا بالله
ناس ضميرها ميت

اشيبي ان شاءالله ؟!!!!

الله يحفظج اختي بصمة .. ويجعل كيده في نحره ان كانت نيته شر

آمين ياااااارب ..
صدقيني لين الحين أفكر إش يبي ..!!

[Qatar Angel]

ليش متشنجة حبيبتي،،

ما صار الا الخير ،، احسني الظن،،

يمكن يسأله من باب اللقافة ،، والحمدلله ماصار شي ،،

[بصمة قطرية]

اختى اول حاجه تعوذي من ابليس

يمكن الرجال مايقصد شي او انه من باب حسن النيه يسولف مع واحد صغير او يضحك معاه

وما حصل الا الخير ان شاء الله

أعوذ بالله من الشيطان الرجيم ..
شايف الولد مع أمه ..
ما تشوف أخوي إنه مب عدله يكلمه ..!!!
صدقني حاولت إني أبرر تصرفه ما قدرت ..
إن شاءالله خير ..




نزلت الموضوع عشان الكل ينتبه على عياله ..
بالذات الأمهات اللي يخلون عيالهم مع الخدامات
و يا كثرهم ..!

[بوخالد911]

هذا درس للعيال

ودوركم اهنيه يبين ويطلع
وتصويب الخطا وعدم تكراره
وأهم شي تنبيهم بعدم اعطاء معلومات للغرباء

[بصمة قطرية]

ليش متشنجة حبيبتي،،

ما صار الا الخير ،، احسني الظن،،

يمكن يسأله من باب اللقافة ،، والحمدلله ماصار شي ،،

إن شاءالله ..
الوسواس ذبحني :(:weeping:

[alwahesh]

للاسف انتي المستهدفه


هو ما يبي شي من الولد


الرجال سأل عن اسم الولد بالكامل ومكان السكن لانه بسهوله يقدر يطلع الرقم

واذا كان هناك تشابه في الاسماء يقدر يتاكد من مكان السكن

[بصمة قطرية]

هذا درس للعيال

ودوركم اهنيه يبين ويطلع
وتصويب الخطا وعدم تكراره
وأهم شي تنبيهم بعدم اعطاء معلومات للغرباء

صدقت
و أنا سويت هالشي على طول قعدتهم و فهمتهم
شخص غريب ما تكلمونه و لا تعطونه أي معلومه ..!!!
قلت لهم إحنا ما نعرفه قالوا يمكن حرامي و يبي يدل بيتنا
قلت لهم إي يمكن ..!!

[بصمة قطرية]

للاسف انتي المستهدفه


هو ما يبي شي من الولد


الرجال سأل عن اسم الولد بالكامل ومكان السكن لانه بسهوله يقدر يطلع الرقم

واذا كان هناك تشابه في الاسماء يقدر يتاكد من مكان السكن

و ممكن ما آكون آنا المستهدفة ..
اللهم لك الحمد و الشكر منقبة و عباتي سودة
مافيها أي لون ما في شي يلفت ..

[Locale]

الريال شلون كان قطري ولا عربي ؟
اذا قطري يمكن مشبه عالولد ايعرف من ولده وين ساكن علشان يتأكد

مادري انا جا في بالي جذي عيل ليش بيسأله

[بصمة قطرية]

الريال شلون كان قطري ولا عربي ؟
اذا قطري يمكن مشبه عالولد ايعرف من ولده وين ساكن علشان يتأكد

مادري انا جا في بالي جذي عيل ليش بيسأله

قطري و كبير ...
يسأله عن إسمه بالكامل و مكان البيت ..!!!

[Jassim.mohad]

الصراحه أختي انا أجوف عادي دام ماضرهم ... انا ساعات لين جفت ياهل ف مجمع أكلمه والعب معاه وانا أبداً ماقصد شي والله الشاهد علي ... مو كل واحد يسال ولد ف مجمع قصده شين يمكن قصده عادي .... لا تسيئين الظن ... ان بعض الظن إثم ... لكن انا مراعي شعور الأمومة وخوفج عليهم بس هم ياختي ... الإنسان على قد مايقدر يفكر باجابيه احسن له

[Locale]

قطري و كبير ...
يسأله عن إسمه بالكامل و مكان البيت ..!!!

دام انه قطري تطمني الظاهر ان مشبه في عيالج
انا وحده اتطمن من ناحية اعيال البلد
لو كان عربي راح اخاف

[رجل تعليم]

أختي بصمة مخاوفك مشروعة وضرورية بل وأكثر من ذلك يجب ألا تتعاطي مع هذا الموقف باستخفاف وأنه ربما مجرد شخص يسأل من باب اللقافة وربما قد لا يعود


لا أريد أن أثير مخاوفك وأذكي الوسواس أكثر ، ولكن كما تعلمين المرضى موجودين في كل مكان ولا يميزون بين الأعمار
حفظك الله وحفظ أبناءك من شر كل ما خلق

دخلت الآن لبيتي الريفي يمكن قبل ربع ساعة وكنت قد تركت زوجتي وصغاري بالمدينة وتعبت وأنا أوصيها بعدم تركهم بالخارج ...قبل لحظة اتصلت بها وسألتها هل الأبناء بالداخل ...أعلم أن مخاوفي هي فقط جزء من غريزتي كأب ، ولكن بالنظر لما يحدث من حين لآخر بالمجتمع هنا يجب الحرص والإحتياط الدائم والله الحافظ لعباده

ربي يسترك ويستر لك أبناءك ويرعاهك ويبعد عنهم كل مكروه

[حمد 2002]

هلا ،، من ولده انت ؟،، وين ساكنين ؟،،

اسئله عاديه صادره من شخص كبير بالسن لشخص صغير كبر ولده ولا حفيده ،،


،،،،،

استغفر الله العظيم ،،،:)

أحسني الظن بالناس ،،:)

الرجال اتحصلينه الحين نايم في بيته مسكين ونتي تكسبين اثام هنا من وراء كتابتج موضوع عنه ،،

إن إحسان الظن بالناس يحتاج إلى كثير من مجاهدة النفس لحملها على ذلك
خاصة وأن الشيطان يجري من ابن آدم مجرى الدم ولا يكاد يفتر عن التفريق بين المؤمنين والتحريش بينهم
وأعظم أسباب قطع الطريق على الشيطان هو إحسان الظن بالمسلمين . :)

[بصمة قطرية]

الصراحه أختي انا أجوف عادي دام ماضرهم ... انا ساعات لين جفت ياهل ف مجمع أكلمه والعب معاه وانا أبداً ماقصد شي والله الشاهد علي ... مو كل واحد يسال ولد ف مجمع قصده شين يمكن قصده عادي .... لا تسيئين الظن ... ان بعض الظن إثم ... لكن انا مراعي شعور الأمومة وخوفج عليهم بس هم ياختي ... الإنسان على قد مايقدر يفكر باجابيه احسن له

آوكي أخوي سليم
بس بعد الحذر واجب
لازم كل أم تنتبه على عيالها بالذات في المجمعات
مرضى النفوس كثار ..
الله يحفظ يعالنا و عيال المسلمين ..

[بصمة قطرية]

دام انه قطري تطمني الظاهر ان مشبه في عيالج
انا وحده اتطمن من ناحية اعيال البلد
لو كان عربي راح اخاف

إن شاء الله ،،

[بصمة قطرية]

أختي بصمة مخاوفك مشروعة وضرورية بل وأكثر من ذلك يجب ألا تتعاطي مع هذا الموقف باستخفاف وأنه ربما مجرد شخص يسأل من باب اللقافة وربما قد لا يعود


لا أريد أن أثير مخاوفك وأذكي الوسواس أكثر ، ولكن كما تعلمين المرضى موجودين في كل مكان ولا يميزون بين الأعمار
حفظك الله وحفظ أبناءك من شر كل ما خلق

دخلت الآن لبيتي الريفي يمكن قبل ربع ساعة وكنت قد تركت زوجتي وصغاري بالمدينة وتعبت وأنا أوصيها بعدم تركهم بالخارج ...قبل لحظة اتصلت بها وسألتها هل الأبناء بالداخل ...أعلم أن مخاوفي هي فقط جزء من غريزتي كأب ، ولكن بالنظر لما يحدث من حين لآخر بالمجتمع هنا يجب الحرص والإحتياط الدائم والله الحافظ لعباده

ربي يسترك ويستر لك أبناءك ويرعاهك ويبعد عنهم كل مكروه

آمين ياااارب
جزاك الله خير آخوي رجل تعليم
والله يحفظ لك عيالك ..

[بصمة قطرية]

هلا ،، من ولده انت ؟،، وين ساكنين ؟،،

اسئله عاديه صادره من شخص كبير بالسن لشخص صغير كبر ولده ولا حفيده ،،


،،،،،

استغفر الله العظيم ،،،:)

أحسني الظن بالناس ،،:)

الرجال اتحصلينه الحين نايم في بيته مسكين ونتي تكسبين اثام هنا من وراء كتابتج موضوع عنه ،،

إن إحسان الظن بالناس يحتاج إلى كثير من مجاهدة النفس لحملها على ذلك
خاصة وأن الشيطان يجري من ابن آدم مجرى الدم ولا يكاد يفتر عن التفريق بين المؤمنين والتحريش بينهم
وأعظم أسباب قطع الطريق على الشيطان هو إحسان الظن بالمسلمين . :)

شسمك
شسم أبوك
شسم جدك
شنو عيلتك ...!!!
وين بيتكم ...؟؟
لين هالقدر أنا وصلت ...!!!
يا ترى شالاسئلة التالية ...!!!؟؟

بحسن الظن
و أتمنى إنك تحسن الظن ..

[khalid525]

ادا تبين تطمنين اكثر خلي اخوج يروح يراجع ادارة المول ويطلع صورة الريال من كامرات المراقبة وهي تغطي كل مكان في المولات ويروح يبلغ الشرطة للاحتياط ، والشرطة بتعلمه شنو المفروض يسوي ، الله يحفظكم

[بريق الحق]

الوالد دوم يقولنا اي واحد غريب لا تقولن له هاي بيت من او اسمك الكامل حتى اذا متصلين ومغلطين

[بصمة قطرية]

ادا تبين تطمنين اكثر خلي اخوج يروح يراجع ادارة المول ويطلع صورة الريال من كامرات المراقبة وهي تغطي كل مكان في المولات ويروح يبلغ الشرطة للاحتياط ، والشرطة بتعلمه شنو المفروض يسوي ، الله يحفظكم

أخوي كان بعيد و لا كان خليته ييجي المجمع
و يشوف اش سالفته
و إنا كنت بطلع خلاص ..

الحمدلله عدت على خير ..
و إن شاء الله ما يكون في شي ..

ما نزلت الموضوع إلا عشان الكل ينتبه ..
إحنا ما نعرف النيات ،،

[بصمة قطرية]

الوالد دوم يقولنا اي واحد غريب لا تقولن له هاي بيت من او اسمك الكامل حتى اذا متصلين ومغلطين

صحيح
بالذات الشخص الغريب ..!!

[Jassim.mohad]

ادا تبين تطمنين اكثر خلي اخوج يروح يراجع ادارة المول ويطلع صورة الريال من كامرات المراقبة وهي تغطي كل مكان في المولات ويروح يبلغ الشرطة للاحتياط ، والشرطة بتعلمه شنو المفروض يسوي ، الله يحفظكم




شدعووووووه ترى الريال مسكين ماسوى شي مجرد سؤال فقط لا غير .... لا ضره والا شي ... ليش هالعباله كلها انا مادري .... تسوون من الحبه قبه .... أختي انتي إنسانه واعيه وماشاءالله عليج واضح انج إنسانه متفاهمه ولبقه فالكلام ... احسني الظن أختي خلج احسن من غيرج ... والله الريال ماسوى شي

[بصمة قطرية]

شدعووووووه ترى الريال مسكين ماسوى شي مجرد سؤال فقط لا غير .... لا ضره والا شي ... ليش هالعباله كلها انا مادري .... تسوون من الحبه قبه .... أختي انتي إنسانه واعيه وماشاءالله عليج واضح انج إنسانه متفاهمه ولبقه فالكلام ... احسني الظن أختي خلج احسن من غيرج ... والله الريال ماسوى شي

الحمدلله ياخوي
هدفي من الموضوع توعية بعض الآمهات ..
بنحسن الظن و بنقول ما كان يقصد شي
في نفس الوقت لازم الواحد يحذر
عيالنا أمانه في رقابنا
روح أخوي جنغل زون و لا فيلاجيو
أو أي مكان ثاني للألعاب و شوف اليهال اللي مع الخدامات ..!!!
تلقى الخدامة تعبانة و ما لها بارض
يادوب تلحق واحد و ما تدري عن الباقي ..!!!
لازم نوعي اليهال لهالأمور ..

[عضوو]

الحل بسيط بلاغ في الشرطه وهم بدورهم بيسحبون الشخص عن طريق كاميرات المجمع

وبعدها يتم الأستيضاح من الرجل وبتوضح الصوره اكثر

*

[حمد 2002]

شسمك
شسم أبوك
شسم جدك
شنو عيلتك ...!!!
وين بيتكم ...؟؟
لين هالقدر أنا وصلت ...!!!
يا ترى شالاسئلة التالية ...!!!؟؟

بحسن الظن
و أتمنى إنك تحسن الظن ..


لايجوز لإنسان أن يسيء الظن بالآخرين لمجرد التهمة أو التحليل لموقف ، فإن هذا عين الكذب
" إياكم والظن فإن الظن أكذب الحديث "


عن أبي هريرة قال قال رسول الله صلى الله عليه وسلم
(( حسن الظن من حسن العبادة ))

[ رواه الحاكم وأبو داود وأحمد في مسنده ]

[بصمة قطرية]

لايجوز لإنسان أن يسيء الظن بالآخرين لمجرد التهمة أو التحليل لموقف ، فإن هذا عين الكذب
" إياكم والظن فإن الظن أكذب الحديث "


عن أبي هريرة قال قال رسول الله صلى الله عليه وسلم
(( حسن الظن من حسن العبادة ))

[ رواه الحاكم وأبو داود وأحمد في مسنده ]

ليتك ياحمد تطبق هالكلام قبل لا تقوله لغيرك ..
أحسن الظن في النساء في مواضيعك :victory:
و طبق حديث الرسول ( صلى الله عليه وسلم ) ..


اللهم لك الحمد و الشكر مش محتاجة نصائح منك انت بالذات ..

[بصمة قطرية]

الحل بسيط بلاغ في الشرطه وهم بدورهم بيسحبون الشخص عن طريق كاميرات المجمع

وبعدها يتم الأستيضاح من الرجل وبتوضح الصوره اكثر

*

يقولون أسيء الظن
و مش من حقي كآم أخاف على ولدي
الواحد يفكر في أسوأ الإحتمالات ..!!!

[حمد 2002]

ليتك ياحمد تطبق هالكلام قبل لا تقوله لغيرك ..
أحسن الظن في النساء في مواضيعك :victory:
و طبق حديث الرسول ( صلى الله عليه وسلم ) ..


اللهم لك الحمد و الشكر مش محتاجة نصائح منك انت بالذات ..

جزاج الله خير على كلامج هذا ، وانا غلطان اصلا اني دخلت موضوعج !!! :)

[meme-93]

الموضوع مايستاهل انج تحسبين
استغفر الله ،، هو سأل ماتحرش بولدج

يعني في عوايل تتمركز بمناطق معينه
يعني يوم سال الولد شسمك من ولده بيشك من اي فريج من جذيه اعتقد سال
ودام ولد البلد ليش الخوف والتحسب ؟؟ والريال كبير فالعمر
بيطب بيتكم مثلا؟ ولا فاضي يدور فالمنطقه يدور العيال ؟

صفي النيه حبيبتي ومافيه الا الخير ويااما انسألنا واحنا صغار وطلعوا يا اهلنا يا معارف الاهل

[بصمة قطرية]

جزاج الله خير على كلامج هذا ، وانا غلطان اصلا اني دخلت موضوعج !!! :)

أجمعين يااااااارب ،،

[بصمة قطرية]

الموضوع مايستاهل انج تحسبين
استغفر الله ،، هو سأل ماتحرش بولدج

يعني في عوايل تتمركز بمناطق معينه
يعني يوم سال الولد شسمك من ولده بيشك من اي فريج من جذيه اعتقد سال
ودام ولد البلد ليش الخوف والتحسب ؟؟ والريال كبير فالعمر
بيطب بيتكم مثلا؟ ولا فاضي يدور فالمنطقه يدور العيال ؟

صفي النيه حبيبتي ومافيه الا الخير ويااما انسألنا واحنا صغار وطلعوا يا اهلنا يا معارف الاهل

حبيبتي ميمي ..
وكي يمكن كلامج صح
بس لازم نحذر ..
إحنا ما نعلم بالنيات ..

[meme-93]

حبيبتي ميمي ..
وكي يمكن كلامج صح
بس لازم نحذر ..
إحنا ما نعلم بالنيات ..

صح لازم نحذر ،، بعدين انتي قلتيها حبيبتي مانعلم بالنيات ،، فـ ليش التحسب ؟
ماشوف شي غلط صار

طبعا انا مقدره خوفج ،، وتبين تنبهين بعض الاهالي الغافلين ،،

[بصمة قطرية]

صح لازم نحذر ،، بعدين انتي قلتيها حبيبتي مانعلم بالنيات ،، فـ ليش التحسب ؟
ماشوف شي غلط صار

طبعا انا مقدره خوفج ،، وتبين تنبهين بعض الاهالي الغافلين ،،

هذا هو هدفي من الموضوع ..
التنبيه ..

[SOUD.QA]

صلي عالنبي يا ام جاسم وتعوذي من ابليس يمكن الرجال نيته طيبه جايز الولد يشبه خواله ولا ابوه والرجال يعرف رجاجيل قبيلتكم ولا يمكن من نفس القبيله شبه عالولد وحب يتأكد إذا هو ولد فلان بن فلان الفلاني اوقات احنا يالشباب نسويها إذا شبهنا على حد من البزران

الله الحافظ واللي قالوه ما راح يقدم ولا يأخر شي فالقدر بس اهم شي وصيهم لا يشخلون كل شي للغريب ولا للقريب

[النهار]

اختي الحين كلها دقيقتين بعدتي عنهم
عيل ايش تقولين السائق والخدامه يأخذون الاولاد للمجمعات والا العيادات
لاتكونين حساسه لهذه الدرجه ترى الولد كان في مكان عام
اقسم بالله انا اشوف اطفال 3 سنوات 4 سنوات يروحون البقالات بروحهم
وانا ان صادفت حد منهم اسأله ايش اسمك ولد من انت اذا عرفت من هم اهله اراقبه لين يرجع
الي بيته سالم مو معنى نيتي سيئه
مره شفت منظر وهل المنظر عمري مأنساه
وحده منقبه في بورش وجنبها سياره فيها وحده من البلاد الشام شايله طفل صغير في حضنها سياره صالون صغيره سياره الثانيه متقدمه شويه الا اشوف المسكينه ماده يداتها الثنتين الاشاره ولعت خضره وهي ماده يداتها نضرب لها الهرن يمكن دقيقتين لين مارجعت لرشدها وحركت يابصمه في ناس محرومه من الاولاد لما يشفون اطفال صغار ودهم يحضنونهم وفي ناس عياليها كبار يتشفقون يكون عندهم اطفال
احمدي ربج انج في ديرة امن وامان ( مع هذالحرص واجب )
مره في جمعية الدفنه انا وزجتي وبناتي وولدي الصغير كان في الجاري
خليناه في الجاري امه راحت شويه بعيد بس انا عيني عليه
جت وحده وشالت الولد من الجاري وتحضن فيه انا قاعد ارقبها المسافه موبعيده بيني وبينها بس زوجتي يوم شافت المنظر قطت الي في يدها وركيض على المراء واسحبت الولد من يدها :nice: قلت الحين بتصير صكه بينهم ترى الفقيره كل خلفتها بنات تقول شلت الولد ودعيت ربي ان يرزقني ولد مثله بس احسني الظن بالناس واتركي الحاسيه الزايده

[بصمة قطرية]

صلي عالنبي يا ام جاسم وتعوذي من ابليس يمكن الرجال نيته طيبه جايز الولد يشبه خواله ولا ابوه والرجال يعرف رجاجيل قبيلتكم ولا يمكن من نفس القبيله شبه عالولد وحب يتأكد إذا هو ولد فلان بن فلان الفلاني اوقات احنا يالشباب نسويها إذا شبهنا على حد من البزران

الله الحافظ واللي قالوه ما راح يقدم ولا يأخر شي فالقدر بس اهم شي وصيهم لا يشخلون كل شي للغريب ولا للقريب

عليه الصلاة و السلام ..
ياخوي أنا خفت وقتها ما عرفت شسوي
حسيت الدم تجمد في عروقي ..
و قعدت أفكر في أسوأ الاحتمالات..
الحمدلله ..
خلاص عطيتهم درس و حذرتهم ..

[بصمة قطرية]

اختي الحين كلها دقيقتين بعدتي عنهم
عيل ايش تقولين السائق والخدامه يأخذون الاولاد للمجمعات والا العيادات
لاتكونين حساسه لهذه الدرجه ترى الولد كان في مكان عام
اقسم بالله انا اشوف اطفال 3 سنوات 4 سنوات يروحون البقالات بروحهم
وانا ان صادفت حد منهم اسأله ايش اسمك ولد من انت اذا عرفت من هم اهله اراقبه لين يرجع
الي بيته سالم مو معنى نيتي سيئه
مره شفت منظر وهل المنظر عمري مأنساه
وحده منقبه في بورش وجنبها سياره فيها وحده من البلاد الشام شايله طفل صغير في حضنها سياره صالون صغيره سياره الثانيه متقدمه شويه الا اشوف المسكينه ماده يداتها الثنتين الاشاره ولعت خضره وهي ماده يداتها نضرب لها الهرن يمكن دقيقتين لين مارجعت لرشدها وحركت يابصمه في ناس محرومه من الاولاد لما يشفون اطفال صغار ودهم يحضنونهم وفي ناس عياليها كبار يتشفقون يكون عندهم اطفال
احمدي ربج انج في ديرة امن وامان ( مع هذالحرص واجب )
مره في جمعية الدفنه انا وزجتي وبناتي وولدي الصغير كان في الجاري
خليناه في الجاري امه راحت شويه بعيد بس انا عيني عليه
جت وحده وشالت الولد من الجاري وتحضن فيه انا قاعد ارقبها المسافه موبعيده بيني وبينها بس زوجتي يوم شافت المنظر قطت الي في يدها وركيض على المراء واسحبت الولد من يدها :nice: قلت الحين بتصير صكه بينهم ترى الفقيره كل خلفتها بنات تقول شلت الولد ودعيت ربي ان يرزقني ولد مثله بس احسني الظن بالناس واتركي الحاسيه الزايده

صادق أخوي النهار ..
أنا إذا شفت ياهل يصيح في مجمع أشيله و ألمه :weeping:
و إذا كان ضايع ماقدر أتركه لين أوصله لهله ..
في ناس قلوبهم باردة و ميته
ما يخافون على عيالهم ..
عيالي معاي على طول ما يطلعون مع حد غيري
أخاف عليهم
و من السوالف اللي نسمعها صرت أخاف أكثر ..

إن شاءالله ،،

[بحر شرق]

الأمر عادي وما تخافين ،بس الاحتياط واجب أختي يجب مراقبه الولد فتره شهر لان الوقت اللحين غير عن قبل بالذات هذه الأيام ، راقبيه ولا تخلينه يروح الدكان بروحه :nice:

[pink dream]

اختي انا اشوف ما فيها شي وانتي كبرتي الموضوع

[بصمة قطرية]

الأمر عادي وما تخافين ،بس الاحتياط واجب أختي يجب مراقبه الولد فتره شهر لان الوقت اللحين غير عن قبل بالذات هذه الأيام ، راقبيه ولا تخلينه يروح الدكان بروحه :nice:

الحمدلله عمرهم ما طلعوا بروحهم :victory:

[بصمة قطرية]

اختي انا اشوف ما فيها شي وانتي كبرتي الموضوع

يمكن يكون الموضوع عادي
و أنا كبرته ..

:(
بس لازم الحذر ..

[مشتاقة لقطر]

انا معاج بالخوف والتحذير

[مشاكل]

الحذر واجب اختي بصمة
آنا سمعت انه في واحد متنكر بالزي القطري يدور في المجمعات ويستدرج العيال الصغار بالأسألة واذا سمحت له الفرصة يخطفهم وبشكل مباشر يتحوّل لزومبي وياكلهم










:vampire:













هههههه لاتحاتين اختي بصمة
ترى انا واحد احب اسولف مع لعيال الصغار
ودام انه قطري لاتخافين ,,, اكيد مشبه
لأن هالسوالف اللي في بالج انقرضت وكانت ايام الجاهلية

وفي كل الأحوال تربية لعيال على الحيطة والحذر أفضل وأحوط

الله يحفظهم لج من كل شر

[كازانوفا]

لا يا بصمه ليه كبرتي الموضوع حتى انا لما اشوف ولد صغير او بنت صغيره اكلمها لحد ما اشوف حد من اهلها اجاها واخدها والله خوفا عليها وانا ما اعرفها لا تسيئي الظن وصدقني ما كان قصده وان شالله ما كان قصده الا كل خير يارب وحطي براسك الاعمال الطيبه للانسان بتحفظله نفسه واهله وعياله وانا من خلال متابعتي لردودك باين عليكي تخافي الله ولا تشيلي هم ربك حاميكي ان شالله انتى وعيالك

[catqat]

تذكرت فلم أكشن أمريكي،،،

[عاشق العديد]

السلام عليكم

وصبـاح الخيـر ..

الي سسويتيه مافيه شي غلط في نفوس مريضه وايـد ..
وهاي الزمن لاتقولي امن وامان الواحد مايمن على نفسه خلاص ..

في سعوديه رجل ستيني يغتصصب بنت عمرها 7 سنين في مجمع العثيم مول شوفو المقطع على اليوتيوب ..
الحذر واجب ,, وخوفج عليه واجب .. والله يقويج ..

[كاروهات]

ليتك ياحمد تطبق هالكلام قبل لا تقوله لغيرك ..
أحسن الظن في النساء في مواضيعك :victory:
و طبق حديث الرسول ( صلى الله عليه وسلم ) ..


اللهم لك الحمد و الشكر مش محتاجة نصائح منك انت بالذات ..

هو ما قال شي على النساء الله يهديج اختي

الله يحفظ لج العيال يا رب

[قطريه22]

صج شيء يقهر ليش يوم قالج ولدج مارحتي ولعنتي شكله
ناس ماتخاف من الله اشيبي يسال هالاسئله


مستغربه ردة بعض الاعضاء في قولهم احسني الظن

عسى ماشر تحسن الظن بواحد سال عن اسم ومكان وبيت الولد
هاي كله وتحسن الظن
سواءً كان الي سال الولد قطري او غيره مايحق له يسال

لو سال عن اسمه بس اوكي بتحسن الظن

في ناس ماتخاف الله سواءً كان قطري او غيره
القطري مب ملاك في منهم مايخافون الله..

الله يحفظ لج عيالج
ونبهيهم لايقولون اي بيانات عنهم لاي حد وعلميهم اذا حد مسك واحد منهم حتى لو قدام الناس خل يصارخ
ترى في عيال حرام يقصون على اليهال تعال بنوديك الدكان والا بنعطيك لعبه في السياره والياهل مايدري
ولحد يقول هالاشياء ماتصير في الدوحه..

[@north_star@]

حتى لو كانت نيته سليمة ما يحقله يسأله عن اسمه الكامل ومكان السكن وباقي الاسألة ولو نيته سليمة على قولة بعض الاخوان كان ما سأل عن مكان السكن وحتى الشياب يوم يسألون أي حد شسمك ومن منه ما يسألونه عن مكان السكن .... والله يحفظلج عيالج

[لـبـيـه]

هلا ،، من ولده انت ؟،، وين ساكنين ؟،،

اسئله عاديه صادره من شخص كبير بالسن لشخص صغير كبر ولده ولا حفيده ،،


،،،،،

استغفر الله العظيم ،،،:)

أحسني الظن بالناس ،،:)

الرجال اتحصلينه الحين نايم في بيته مسكين ونتي تكسبين اثام هنا من وراء كتابتج موضوع عنه ،،

إن إحسان الظن بالناس يحتاج إلى كثير من مجاهدة النفس لحملها على ذلك
خاصة وأن الشيطان يجري من ابن آدم مجرى الدم ولا يكاد يفتر عن التفريق بين المؤمنين والتحريش بينهم
وأعظم أسباب قطع الطريق على الشيطان هو إحسان الظن بالمسلمين . :)

انا اقول لازم يتدخل ال fbi

لاحول ولاقوه الى بالله

[دااانة قطر]

في هالنقطه اقول لج احسني الظن
وانا عن نفسي انبه العياال من هم صغاار لاياخذون ويعطون مع الغريب واصلا لانهم بنااات فالحمدلله ماصاارت حتى لو حريم وغالبا اكون معااهم

[بونووف]

تعوذي من ابليس اختي بصمه دايما يوم اشوف يهال اسولف معاهم عادي شسمك اي صف كم عمرك اضيع الوقت ف طابور المطاعم ولا لما انتضر الاكل ..

واتوقع الريال نفس الحاله دامج تقولين عند المطعم وسؤال عادي وين بيتكم .. لو مثلا الصبي قاله فالدفنه .. ترى الدفنه كبيره ..؟ بيقعد بيدور عليه .. لو كان هاي قصده ..

الامور طيبه و عيال البلد بخير مابنخاف منهم الحمدالله

شكلج مكثره من مسلسل اين ابنتي ههههه... دعابه دعابه

[faisalqatar]

استغرب من الاعضاء اللي يحاسبون الام على خوفها على عيالها

والله اوادم غير نمونه :)

[أم نواري1]

الحمد لله ماصار شي
الله يحفظ اليهال ويخليهم لج ويخليج لهم
وشددي ع الخدامة في حال انشغالج ماتخليهم ياخذون ويعطون مع الغرب
بالأخير ياهل وعلى فطرته

[faisalqatar]

انا اقول لازم يتدخل ال fbi

لاحول ولاقوه الى بالله

ههههههه احلى ريتويت

[نوار قطر]

خطاااكم الشر والحمدلله انها عدت على خير بس بصمه حبيبتي تفائلي يمكن كان مشبهه على الولد .. ويبي يتأكد هو من ولده... لاتخافين زلا تحاتين شي وربي يحفظ عيالج من كل شر

[(بوطلال)]

العنوان بعيد وماله علاقه بالموضوع .

[almaf1a]

بالغتي يا اختي

[حسن]

ماقدر احكم على الشخص الا من شكله وتصرفاته وافعاله

مادري ياما سئلنا ايم احنا صغار من انت ومن ولده ولا في اي صف ولا انت ناجح ولا لا

وياما انا سئلت ايضا اطفال نفس الاسئله احيانا اصادفهم في مكان ما

الله اعلم بنيه الرجل !

لكن الحذر واجب واجب من الكل رغم انا اشوف الاهمال في وقتنا الحالى اصبح سمه الاب والام اخص القطريه بالذات لان هي اللي تعنيني

يابصمه من شوي وانا رايح الشغل مريت على روضه قريبه من البيت واشوف الخادمه ماسكه الطفل وتوصله الروضه واشوف السواق ينتظر

على طول تذكرت موضوعك واقول في قلبي هذا الطفل وين امه وين ابوه هو وغيره كثر واقول وين دور حقوق الطفل ليش مايعمل استبيانات على جميع المدارس ويشوف ماهي الحلول لحمايه هؤلاء واقول وين دور الاسره في تثقيف الامهات اولا وثانيا الاباء

مثل ماذكر العلم من كم يوم ومادري من ذكر كذالك عن الالعاب في الجمعات والخدم مع الاطفال
تذكرت لما اودي عيالي الاند مارك وكنت اشوف الشي الخطير والكارثي من الاهمال

وتذكرت موضوع نجوم يوم قال امي جابت لى خادمه وانا جبت خادمتين

وشولون الاعضاء كفروه من الردود

نفاق نفاق نفاق

من انتم


الله المستعان

ويقولون العرب من همل فقد

تحياتي

[NINA RICCI]

انا اشوف الاسئله عاديه ووارده من اي شخص لاي طفل , من باب المزح والضحك بس ..

[نور الحور]

الحمدلله على سلامة الولد .. وبالفعل موقف يحررررر :anger1: ..
بصمة علمي عيالج إنهم ما يتكلمون مع الغرباء .. وإنهم ما يجاوبون على أسئلة الفضوليين .. وقعدي مثلي معاهم موقف أو موقفين عشان تتأكدين إنهم فهموا المطلوب

لأن الله أعلم ايش ورى هالاسئلة.. الله يحفظكم جميعا ..

وفي نقطة مهمة .. صارت لي كثير .. يتصل حد على تلفون البيت .. يرد طفل .. المتصل يسأل : اسمك وسنك وعنوانك .. وامك وين راحت او شتسوي وابوك وين :eek5:
واسئلة لها أول مالها تالي ..
علمت بنتي إن المتصل هو اللي لازم يعرف عن نفسه .. لما يسأل من أنت يرد عليه الطفل أنت المتصل من أنت ومن تبي ؟
ولو كانت الأم مشغولة أو نايمة أو طالعة نكتفي بإجابة إنها مشغولة وبس
ناس هوايتها تعرف التفاصيل .. وناس تخطط للمضرة الله يكفينا الشر .. ولا الإنسان الطبيعي ما يستلم له طفل ويسأله كل هالأسئلة اللي ما لها داعي !!!!

[همر]

خوف الام مبرر..

وسوء الظن مبرر..

لكن المشكله ان الخوف من سوء الظن يقتل فينا فعل الخير..

وبالتالي احتمال حدوث مكروه اكبر من تهمة سوء الظن..


بعطيكم مثال..


في فريجنا بيت بابه دوم مشرع.. حاله حال معظم لبيوت..

المشكله عندهم ولد عمره 3 الى 4 سنين كل مامر قدام بيتهم

الظهر وانا راجع من الدوام القاه قاعد يلعب برع..

وفي يهالو وايد في الفريج فالحمدلله الواحد يحس بالامان

ومايفكر باسوء الاحتمالات..

يوم من الايام مريت لقيته بروحه في الشارع وقدام بيتهم

عمال يبنون ملحق في البيت لمقابل.. هني قلبي نغزني

خاصة انهم بنغال وعيونهم اتلاقط يمين يسار..


وقفت سيارتي بين الياهل وبينهم ابيهم يشوفون ان مب احسن

لهم مجرد التفكير باي شي غلط.. واعطيهم النظره الشريه

الياويليه الظهريه اللاانسانيه.. كل واحد حط عينه في شغله

يالبفيت مساكين...


نزلت الجامه.. كلمت الولد.. شسمك ؟!! :) .. انتوا الحين بعد هالموضوع

بتخلون شسمك تهمه :eek5: ...


وين ابوك ؟!! وين الخدامه ؟!! ليش قاعد برع؟!! دش داخل يبه..

الولد حليو الله يحفظه وعلى نياته قلت له تعال جا..

انا مب عارف شلون امه وابوه يرقدون الظهر وهادين الولد الظاهر

مع الخدامه بلفيت وام الشباب شكلها عندها اهتمامات اخرى..


المهم دخل الولد البيت وحركت بس مارتحت .. لفيت ورجعت لقيته

شاق الحلج واقف برع.. ناديته مره ثانيه وقلت له دش البيت ولاعاد

اشوفك في الشارع لا امردغك... على اساس انه فهم شنو يعني ...


وحركت.. وبرضو مارتحت وخذت لفه ورجعت وتأكدت ان الولد ماطلع..



زين ليش ماطقيت الباب وكلمت ابوه؟!!

الخوف من بعض العقليات اللي يقولك مالك شغل..

هو لو مفتكر اصلا ماخلا باب الكراج مفتوح..

يعني لو الاهل ماخذين احتياطاتهم والولد فتح الباب لصغير

بلتمس لهم العذر.. لكن الباب مشرع والاهل رقود وتدق عليهم

الجرس هالحزه مادري شلون.. يمكن مايتقبلونها...



في المقابل.. وهذا بيت القصيد في السالفه الطويله العريضه هذي..



بعد اللفه الثالثه فكرت .. الحين لو اهل الولد يطلون من الدريشه!!

او حتى الجيران...


اش بيقولون عني ؟!!! :eek5:



بطلع انا المتحرش وكان ممكن اقول وانا اشدخلني ليش

اجيب الكلام حق نفسي واخليه حق الذئاب البنغاليه !!



لذلك خذوا حذركم ياجماعه بس بعد احسنوا الظن بعيال ديرتكم

ترانا لي الحين ديره صغيره وكلن يعرف الثاني ولا يقرب له ولا

مناسبه واتحداكم اذا في اثنين مايعرفون بعض بطريقه مباشره

او غير مباشره...


والشي الثاني انا احسن الظن في الناس عشان الناس تحسن

الظن فيني.. اخاف على عيال ناس ماعرفهم عشان الله يحفظ لي عيالي..

وكما تدين تدان..


وسلامتكم... اذا في حد وصل لهالسطر .. اهنيك .. ولك هديه.. :nice:

[حسن]

وين الهديه ياهمر ذبحتنا يااخي

[sweet qatar]

وسلامتكم... اذا في حد وصل لهالسطر .. اهنيك .. ولك هديه.. :nice:


شكرا.. :nice:

عسى الله يجزيك خير أخوي.. ويكثر من أمثالك..



بصمة

أختي الأسئلة عادية وانتي قريبة من المكان.. بسيطة
الله يحفظج ويحفظهم من كل شر

[تاسيتوس]

خوف الام مبرر..

وسوء الظن مبرر..

لكن المشكله ان الخوف من سوء الظن يقتل فينا فعل الخير..

وبالتالي احتمال حدوث مكروه اكبر من تهمة سوء الظن..


بعطيكم مثال..


في فريجنا بيت بابه دوم مشرع.. حاله حال معظم لبيوت..

المشكله عندهم ولد عمره 3 الى 4 سنين كل مامر قدام بيتهم

الظهر وانا راجع من الدوام القاه قاعد يلعب برع..

وفي يهالو وايد في الفريج فالحمدلله الواحد يحس بالامان

ومايفكر باسوء الاحتمالات..

يوم من الايام مريت لقيته بروحه في الشارع وقدام بيتهم

عمال يبنون ملحق في البيت لمقابل.. هني قلبي نغزني

خاصة انهم بنغال وعيونهم اتلاقط يمين يسار..


وقفت سيارتي بين الياهل وبينهم ابيهم يشوفون ان مب احسن

لهم مجرد التفكير باي شي غلط.. واعطيهم النظره الشريه

الياويليه الظهريه اللاانسانيه.. كل واحد حط عينه في شغله

يالبفيت مساكين...


نزلت الجامه.. كلمت الولد.. شسمك ؟!! :) .. انتوا الحين بعد هالموضوع

بتخلون شسمك تهمه :eek5: ...


وين ابوك ؟!! وين الخدامه ؟!! ليش قاعد برع؟!! دش داخل يبه..

الولد حليو الله يحفظه وعلى نياته قلت له تعال جا..

انا مب عارف شلون امه وابوه يرقدون الظهر وهادين الولد الظاهر

مع الخدامه بلفيت وام الشباب شكلها عندها اهتمامات اخرى..


المهم دخل الولد البيت وحركت بس مارتحت .. لفيت ورجعت لقيته

شاق الحلج واقف برع.. ناديته مره ثانيه وقلت له دش البيت ولاعاد

اشوفك في الشارع لا امردغك... على اساس انه فهم شنو يعني ...


وحركت.. وبرضو مارتحت وخذت لفه ورجعت وتأكدت ان الولد ماطلع..



زين ليش ماطقيت الباب وكلمت ابوه؟!!

الخوف من بعض العقليات اللي يقولك مالك شغل..

هو لو مفتكر اصلا ماخلا باب الكراج مفتوح..

يعني لو الاهل ماخذين احتياطاتهم والولد فتح الباب لصغير

بلتمس لهم العذر.. لكن الباب مشرع والاهل رقود وتدق عليهم

الجرس هالحزه مادري شلون.. يمكن مايتقبلونها...



في المقابل.. وهذا بيت القصيد في السالفه الطويله العريضه هذي..



بعد اللفه الثالثه فكرت .. الحين لو اهل الولد يطلون من الدريشه!!

او حتى الجيران...


اش بيقولون عني ؟!!! :eek5:



بطلع انا المتحرش وكان ممكن اقول وانا اشدخلني ليش

اجيب الكلام حق نفسي واخليه حق الذئاب البنغاليه !!



لذلك خذوا حذركم ياجماعه بس بعد احسنوا الظن بعيال ديرتكم

ترانا لي الحين ديره صغيره وكلن يعرف الثاني ولا يقرب له ولا

مناسبه واتحداكم اذا في اثنين مايعرفون بعض بطريقه مباشره

او غير مباشره...


والشي الثاني انا احسن الظن في الناس عشان الناس تحسن

الظن فيني.. اخاف على عيال ناس ماعرفهم عشان الله يحفظ لي عيالي..

وكما تدين تدان..


وسلامتكم... اذا في حد وصل لهالسطر .. اهنيك .. ولك هديه.. :nice:


الناس دوم تشوف الصورة ناقصة او من زاوية وحدة وتحكم على الى تشوفه , والله يجزيك خير وان كان في وجع راس من هذا الخير.

[شبح الصمت]

اختي بصمة هدي ..

الرجال يمكن نيته طيبه وأسالته عفويه ترى في رجاجيل كبار أو حتى أصغار يوم يسألونا

من ولده انت ووين ساكنين أساله عفويه ما يقصدون فيها شيء ..

لانه اختي الحرامي لو يبي يبوق ما رآح يبوق قدام العالم والا رآح يسوي شيء يخلي عليه زلة والا نقطة تمسك عليه ..

ان شاء الله الامور طيبه


مره كنت مع عيالي في حديقة برزان وشفنا ياهل صغيرة قد بنتي نوره فديتها وتصيح عورت قلبي قامت نواري فدتيها تلعب معها وتساله وين ماما وقمت وحضنتها وشليتها وخايف يجوني أبوها وإلا أمها ويشوفوني شايلها يقولون وين مودي بنتنا قلت مافي إلا ادور فيها الحديقة اسال من أبوها أو أمها لانها توها ما تعرف تتكلم والسكرتي يعني ما راح يطلع منها شيء اشوي وتجيني بنت صغيرة عمرها قريب الـ 7 سنوات ركيض شافتني بنظرة قلت له وين مخلينها تصير لج قالت اي بنت خالتي قلت حاسبوا عليها ..

[ضوى]

خوفج مبرر اختي بصمة

الله يحفظ عيالج وعيالنا وعيال المسلمين اجمعين


همر

استغرب اشلون طفل عمره 3 او 4 سنوات مهملينه الظهر والباب مشرع ؟؟

انا عيالي كبار واحرم عليهم طلعة الظهر اذا انا وابوهم نايمين اشلون وهم صغار ومب مطمنة انهم البيت وجدام عيوني ، انا عن نفسي الظهر يخوفني اكثر من الليل احس فيه ناس تستغل هالوقت في امور مش ولا بد

[حراير قطر]

بخصوص اللي يقول الاسئله عاديه والا بالغتي

وين قاعدين على بالكم البلاد نفس قبل امان :rolleyes2:

اسم الولد بنتقبله بس اسمك الكامل ووين ساكن

ما راح اتقبل هالاسئلة كلش .. علموا عيالكم ما يردون على احد

والله يحفظ عيالي وعيالكم من كل شر ...

[almaf1a]

بخصوص اللي يقول الاسئله عاديه والا بالغتي

وين قاعدين على بالكم البلاد نفس قبل امان :rolleyes2:

اسم الولد بنتقبله بس اسمك الكامل ووين ساكن

ما راح اتقبل هالاسئلة كلش .. علموا عيالكم ما يردون على احد

والله يحفظ عيالي وعيالكم من كل شر ...

ايش ممكن يصير لو عرف المعلومات هذي؟

[نور الحور]

ايش ممكن يصير لو عرف المعلومات هذي؟


وايش بيصير لو السائل ما عرفها؟
ماله حق يسأل أسئلة خاصة لهدرجة .. والولد مو ضايع أو في موقف يتطلب كل هالمعلومات ..

[شبح الصمت]

وايش بيصير لو السائل ما عرفها؟
ماله حق يسأل أسئلة خاصة لهدرجة .. والولد مو ضايع أو في موقف يتطلب كل هالمعلومات ..




انزين خلونا نفترض افتراضات اخرى ..

يمكن الرجال يبي يخطب

:shy:

[حسن]

انزين خلونا نفترض افتراضات اخرى ..

يمكن الرجال يبي يخطب

:shy:

:victory:

[العلم]

:secret::secret:

[حراير قطر]

ايش ممكن يصير لو عرف المعلومات هذي؟

انت تدري انه هالسائل مب شاذ

يمكن يروح فريجهم وينتظره انت ما تدري عن نواياهم

لو سأل عن اسمه وعمره وناجح او لا هاي اسأله عاديه

اما وين ساكن اتحط تحتها مليون خط احمر

قبل قطر كانت امان اما الحين لا ...

[بونووف]

:secret::secret:

لاتقول:telephone:

[حراير قطر]

انزين خلونا نفترض افتراضات اخرى ..

يمكن الرجال يبي يخطب

:shy:

بيخطب خدامه بصمه :swoon:

[شبح الصمت]

انت تدري انه هالسائل مب شاذ

يمكن يروح فريجهم وينتظره انت ما تدري عن نواياهم

لو سأل عن اسمه وعمره وناجح او لا هاي اسأله عاديه

اما وين ساكن اتحط تحتها مليون خط احمر

قبل قطر كانت امان اما الحين لا ...



مشكلة الجيل القديم عليه مصطلحات تفجير

[حراير قطر]

مشكلة الجيل القديم عليه مصطلحات تفجير

:shy::shy::shy:

انا من الجيل الحديث المطور :tease:

[روح الاطلس]

قطر اقل دوله في الشرق الاوسط في معدل الجريمه

ومن عام 2009 قطر تحصد المركز الاول في مؤشر السلام العالمي في الشرق الاوسط والمركز 12 عالميا


الحمدلله والله يديم الامن والامان

اتفهم خوفج كأم

لكن ان كان قطري من هيئته ما منه الا خير


امس مثلا شفت واحد يسأل طفل جميل عن اسمه وين ساكن يبي يسولف معاه ماستغربت الوضع


تطمني ولا تخافين ولا تحسسين عيالج بالخوف من الناس علميهم الثقه بالنفس وحسسيهم بالامان وان شاء الله كل خير

[شبح الصمت]

:shy::shy::shy:

انا من الجيل الحديث المطور :tease:




انزين خلينا نفترض افتراض ثاني الرجال يمكن مهب صاحي !!!

منلحس مشموخ

!!!
:telephone:

[همر]

وين الهديه ياهمر ذبحتنا يااخي




هههه الهديه دعوه طيبه بان الله يجزاك خير على انك جبرت بخاطري وقريت ردي كامل بدون تشقح سطور :)






شكرا.. :nice:

عسى الله يجزيك خير أخوي..



واياج..



الناس دوم تشوف الصورة ناقصة او من زاوية وحدة وتحكم على الى تشوفه , والله يجزيك خير وان كان في وجع راس من هذا الخير.



الله المستعان



خوفج مبرر اختي بصمة

الله يحفظ عيالج وعيالنا وعيال المسلمين اجمعين


همر

استغرب اشلون طفل عمره 3 او 4 سنوات مهملينه الظهر والباب مشرع ؟؟

انا عيالي كبار واحرم عليهم طلعة الظهر اذا انا وابوهم نايمين اشلون وهم صغار ومب مطمنة انهم البيت وجدام عيوني ، انا عن نفسي الظهر يخوفني اكثر من الليل احس فيه ناس تستغل هالوقت في امور مش ولا بد



المشكله الادهى والامر ان قدام بيتهم الحين حفريات صرف صحي اجلكم الله وشارعهم مسكر والحفريات عميقه.. ولي اليوم اشوف لعيال يلعبون عند الباب من بعيد.. الله يستر عليهم...




انزين خلونا نفترض افتراضات اخرى ..

يمكن الرجال يبي يخطب

:shy:



اجل نعم ليش لا من باب اخطب لبنتك وطقع حق ولدك لين يخطبونه :nice:

[Dmy Enabi]

إختي
لاتكبرين الموضوع وايد

عادي طنشي

ماعتقد الموضوع يخوف هالشكل

[حراير قطر]

انزين خلينا نفترض افتراض ثاني الرجال يمكن مهب صاحي !!!

منلحس مشموخ

!!!
:telephone:

عاد هاي بصمه تحكم على شكله

اذا كان صاحي او لا

بس في اسئله ينخاف منها والمفروض ما يجاوبه الطفل

لحد يقول الدنيا امان لا والله انها مب امان

لو يحطون لنا مجله نفس مجله الجريمه بتطلع بلاوي

الدنيا والدين وبيشيب شعر رأسكم من اللي راح اتعرفونه

قطر ما تعلن عن الجرايم والاحداث الموجوده ...

[شبح الصمت]

اخوي همر

يعني تتوقع الولد مزيون ماشاء الله عليه ويبي يلقطه حق بنات زرقاء اليمامه

نوتيلا - كورن فليكس - نوتيلا - بوب كورن






































يلا عاد اختي بصمه ابتسمي :nice: ما حصل الا كل خير ترى سهلات يا مكثر ما يسالوني وانا صغير انت ولد من وحتى وانا الحين يسالوني ولد من توقعين احد يبي يخطفني من بيتنا . !!!

[شبح الصمت]

عاد هاي بصمه تحكم على شكله

اذا كان صاحي او لا

بس في اسئله ينخاف منها والمفروض ما يجاوبه الطفل

لحد يقول الدنيا امان لا والله انها مب امان

لو يحطون لنا مجله نفس مجله الجريمه بتطلع بلاوي

الدنيا والدين وبيشيب شعر رأسكم من اللي راح اتعرفونه

قطر ما تعلن عن الجرايم والاحداث الموجوده ...




اسمعي هالسالفة
عندنا واحد فالفريج مهب صاحي بالاصح سكير انسان 24 ساعة مطفي حده ..
المهم كنت مار واشوفه موقف له بزران 5 برزان اول ما شافني جاي صوبه تنحز عنهم .. وقفت وسلم سلم وعطاني ظهره ومشى . !!

ناديتهم تعالوا وماشاء الله اكبر واحد عمره قريب الـ 11 سنة قلت لهم انتم اشله موقفين مع ذيه تعرفونه قالوا لا بس سوالفه حلوه قلتهم تعرفون هالانسان كله سكران قالوا اي بس ما قال شيء قلت ما قال شيء !!! :anger1:

قلت لهم حاسبوا منه ترى هالانسان خطير ولازم تشوفونه يمين تروحون عنه يسار قالوا ان شاء الله قلت واياني وياكم اشوفكم قريب من بيته والا واقفين لو شفتواعنده بطبطه والا شيء تحملوا قالوا ان شاء الله قلت بعلم ابو كل واحد فيكم ..

تعالي شوفي مدينة خليفة كحلي عيونك وقسم بالله قلبج يعورك من المناظر اليهال مفلتين تفلت في الشوارع لا حسيب ولا رقيب ووماشاء الله صبيان فيهم وسامة لا اله الا الله عليهم وفي ناس ضعاف قلوب وايمان حسبي الله عليهم حسبي الله عليهم لا قلب والا شيء ..

اتمنى كلن يمسك عياله واسف اختي بصمة انا عارف الامومة وقلب الام بس في ناس من هيئتهم نحسن الظن وبعض الاوقات الظن يخيب ..

الله يبعد عنكم وعن عيالكم وعن عيالنا وعيال المسلمين والمسلمات شر النفوس المريضه يآرب

[بصمة قطرية]

انا معاج بالخوف والتحذير

الخوف و الحذر لا بد منه ..

الحذر واجب اختي بصمة
آنا سمعت انه في واحد متنكر بالزي القطري يدور في المجمعات ويستدرج العيال الصغار بالأسألة واذا سمحت له الفرصة يخطفهم وبشكل مباشر يتحوّل لزومبي وياكلهم










:vampire:













هههههه لاتحاتين اختي بصمة
ترى انا واحد احب اسولف مع لعيال الصغار
ودام انه قطري لاتخافين ,,, اكيد مشبه
لأن هالسوالف اللي في بالج انقرضت وكانت ايام الجاهلية

وفي كل الأحوال تربية لعيال على الحيطة والحذر أفضل وأحوط

الله يحفظهم لج من كل شر

آمين يااارب
لا تقول عيالي يحبون الزومبي :secret:
تصدق أخوي آمس تميت أفكر أقول يمكن تكون نيته صافية
مثل ما يقولون ..!!
تذكرت بعد ما ناديت الولد
تم واقف على جنب و يطالع الولد
والله نظراته ما تطمن ..
ما أبي أحط في ذمتي بس شكله ما يطمن ..



لا يا بصمه ليه كبرتي الموضوع حتى انا لما اشوف ولد صغير او بنت صغيره اكلمها لحد ما اشوف حد من اهلها اجاها واخدها والله خوفا عليها وانا ما اعرفها لا تسيئي الظن وصدقني ما كان قصده وان شالله ما كان قصده الا كل خير يارب وحطي براسك الاعمال الطيبه للانسان بتحفظله نفسه واهله وعياله وانا من خلال متابعتي لردودك باين عليكي تخافي الله ولا تشيلي هم ربك حاميكي ان شالله انتى وعيالك

كازا رجال و الولد كان مع أمه ..!!
تعتقدين لو الولد كان مع أبوه هل كان بيكلمه
بيغافل الأب بيسأله هالأسئلة ..!!
الإسم كامل و مكان البيت ...!!!


تذكرت فلم أكشن أمريكي،،،
صج عاد ...!!
كثري من الأفلام ..


السلام عليكم

وصبـاح الخيـر ..

الي سسويتيه مافيه شي غلط في نفوس مريضه وايـد ..
وهاي الزمن لاتقولي امن وامان الواحد مايمن على نفسه خلاص ..

في سعوديه رجل ستيني يغتصصب بنت عمرها 7 سنين في مجمع العثيم مول شوفو المقطع على اليوتيوب ..
الحذر واجب ,, وخوفج عليه واجب .. والله يقويج ..
وعليكم السلام و صباح النور ..
مابي أظلمه بس الدنيا ما عادت مثل قبل ..
أقل شي يصير على طول الملام الأول بالمرتبة الأولى الأم
و يتطنزون على خوف الأم.
يا ليت اللي ما عنده كلمة عدلة يقولها
أكرمنا بسكوته ..

[بصمة قطرية]

هو ما قال شي على النساء الله يهديج اختي

الله يحفظ لج العيال يا رب
الله يهديج و يهدينا ..
إسلوب إستفزازي
إقري رده عقب علقي ..
عمره ما تكلم عن المرأة و قال كلمة عدله
كل مواضيعه تشهد بهالشي
و طول ما اللي منزله الموضوع وحدة فلازم تكون هي المخطئه ...!!!
النصيحة لها طرق
مب بهالأسلوب
و لما أنصح بالشي لازم أنا أطبقه قبل لا أنصح غيري ..


صج شيء يقهر ليش يوم قالج ولدج مارحتي ولعنتي شكله
ناس ماتخاف من الله اشيبي يسال هالاسئله


مستغربه ردة بعض الاعضاء في قولهم احسني الظن

عسى ماشر تحسن الظن بواحد سال عن اسم ومكان وبيت الولد
هاي كله وتحسن الظن
سواءً كان الي سال الولد قطري او غيره مايحق له يسال

لو سال عن اسمه بس اوكي بتحسن الظن

في ناس ماتخاف الله سواءً كان قطري او غيره
القطري مب ملاك في منهم مايخافون الله..

الله يحفظ لج عيالج
ونبهيهم لايقولون اي بيانات عنهم لاي حد وعلميهم اذا حد مسك واحد منهم حتى لو قدام الناس خل يصارخ
ترى في عيال حرام يقصون على اليهال تعال بنوديك الدكان والا بنعطيك لعبه في السياره والياهل مايدري
ولحد يقول هالاشياء ماتصير في الدوحه..

آمين يااااارب
مفتكرين الدنيا مثل قبل
يوم كنا نلعب في الشارع و في الفريج
الحين الولد تخافين عليه أكثر من البنت ..
يلوموني على خوفي و إنا ماعرف اش نيته ..!!!


حتى لو كانت نيته سليمة ما يحقله يسأله عن اسمه الكامل ومكان السكن وباقي الاسألة ولو نيته سليمة على قولة بعض الاخوان كان ما سأل عن مكان السكن وحتى الشياب يوم يسألون أي حد شسمك ومن منه ما يسألونه عن مكان السكن .... والله يحفظلج عيالج
آمين ياااارب ..

ما له حق أصلاً يسأله هالاسئلة ..!!
أول مرة أسمع حد يسل عن مكان السكن ..
يكتفون بإسم الولد بس ..

انا اقول لازم يتدخل ال fbi

لاحول ولاقوه الى بالله

صج ...!!!!!
ليتكم تنحطون في هالمواقف وقتها بس
تطنزوا و ردوا بهالإسلوب ...!!!

[كازانوفا]

كازا رجال و الولد كان مع أمه ..!!
تعتقدين لو الولد كان مع أبوه هل كان بيكلمه
بيغافل الأب بيسأله هالأسئلة ..!!
الإسم كامل و مكان البيت ...!!!



ايوه يا بصمه مجرد اساله ومن باب ان يخلي الطفل ما يخاف انا اشوف الموضوع عادي صدقيني
طيب سؤال .. الرجل لما شافك ايش كانت ردة فعله ؟؟؟ ونظراته ؟؟ تصرفه ؟؟
يمكن اقدر احدد
حسيت نفسي المحقق كونان :)

[حراير قطر]

ما يحتاي اتقول عن عيال مدينة خليفه

اشوفهم ومرات تنبط جبدي عمره 2 والا 3

ركيض للدكان وبيتهم يكون بعيد اشوي

بس كلهم جاليات احتلوا مدينه خليفه

القطريين اغلبهم طلعوا ،، راحوا الطيبين :(

[بصمة قطرية]

في هالنقطه اقول لج احسني الظن
وانا عن نفسي انبه العياال من هم صغاار لاياخذون ويعطون مع الغريب واصلا لانهم بنااات فالحمدلله ماصاارت حتى لو حريم وغالبا اكون معااهم

لو مرة الوضع عادي ..
بس السؤال عن مكان البيت كلش ما له داعي ...!!


تعوذي من ابليس اختي بصمه دايما يوم اشوف يهال اسولف معاهم عادي شسمك اي صف كم عمرك اضيع الوقت ف طابور المطاعم ولا لما انتضر الاكل ..

واتوقع الريال نفس الحاله دامج تقولين عند المطعم وسؤال عادي وين بيتكم .. لو مثلا الصبي قاله فالدفنه .. ترى الدفنه كبيره ..؟ بيقعد بيدور عليه .. لو كان هاي قصده ..

الامور طيبه و عيال البلد بخير مابنخاف منهم الحمدالله

شكلج مكثره من مسلسل اين ابنتي ههههه... دعابه دعابه

أعوذ بالله من الشيطان الرجيم ..
كان بس يتمشى
ما كان يطلب و لاشي
و طلع من المجمع من نفس البوابة اللي طلعنا منها ..
و إحنا ننتظر السيارة ...!!!
الحمدلله ما أشوف مسلسلات :victory:


استغرب من الاعضاء اللي يحاسبون الام على خوفها على عيالها

والله اوادم غير نمونه :)

للأسف البعض متناقض ..!!


الحمد لله ماصار شي
الله يحفظ اليهال ويخليهم لج ويخليج لهم
وشددي ع الخدامة في حال انشغالج ماتخليهم ياخذون ويعطون مع الغرب
بالأخير ياهل وعلى فطرته

عطيتهم درس إنهم ما يكلمون غريب
و لا يجاوبون على أي سؤال ..!!
و حرصت على الخدامة ..


خطاااكم الشر والحمدلله انها عدت على خير بس بصمه حبيبتي تفائلي يمكن كان مشبهه على الولد .. ويبي يتأكد هو من ولده... لاتخافين زلا تحاتين شي وربي يحفظ عيالج من كل شر

الشر ما يجيج حبيبتي
ربي يسلمج ..
إن شاء الله ..

[شبح الصمت]

ما يحتاي اتقول عن عيال مدينة خليفه

اشوفهم ومرات تنبط جبدي عمره 2 والا 3

ركيض للدكان وبيتهم يكون بعيد اشوي

بس كلهم جاليات احتلوا مدينه خليفه

القطريين اغلبهم طلعوا ،، راحوا الطيبين :(



من قالك اختي

عاد فيه من آهل قطر من هم متواجدين متخالطين مع بعض أهل قطر وجاليات مختلفة ..
شوفي من جهة الجنوب في بيوت لين الحين ومن صوب مسجد عمر ومقابلهم من جهة الجنوب بعد اهل قطر أما من جهة غزة عاد اهناك الزحمة كلها صحيح للجاليات ..

بس اليهال صج يكسرون خاطري اشوفهم اقول لهدرجة عيالهم يخلونهم اعمار من 4 سنين وطالع شيء يعور القلب صدق صدق ..

:weeping:

[غير البشر]

يا اختي بصمة معقولة مكان حد قريب منكم بالمجمع
مهب لازم يسأل عن التفاصيل الي انخبره انت ولد من وبس
الله يحفظكم من شرهم



اختى اول حاجه تعوذي من ابليس

يمكن الرجال مايقصد شي او انه من باب حسن النيه يسولف مع واحد صغير او يضحك معاه

وما حصل الا الخير ان شاء الله


اخوي قطر هالوقت مو نفس قبل
الامور غير مطمئنه ها الايام
وخاصه انه يسال عن مكان البيت مهب من حقة
اخبر الي يسأل يقول له انت ولد من وبسسسس
مايقول انت بيتكم وين ومادري شنووو

[غير البشر]

دام انه قطري تطمني الظاهر ان مشبه في عيالج
انا وحده اتطمن من ناحية اعيال البلد
لو كان عربي راح اخاف


اختي الولد مع امه
ويسأل عن البيت بالتفصيل
انا اشوف مافي داعي مهما كانت جنسيته او عمره
انا اخبر الي يسأل مايدخل في التفاصيل
انت ولد من يعني يكون السؤال محدد صوب الاب او العم وخلافه
وفوق هذا ان الولد كان مع امه بعد مهب حلوه يسأل بذي الطريقه

[حراير قطر]

من قالك اختي

عاد فيه من آهل قطر من هم متواجدين متخالطين مع بعض أهل قطر وجاليات مختلفة ..
شوفي من جهة الجنوب في بيوت لين الحين ومن صوب مسجد عمر ومقابلهم من جهة الجنوب بعد اهل قطر أما من جهة غزة عاد اهناك الزحمة كلها صحيح للجاليات ..

بس اليهال صج يكسرون خاطري اشوفهم اقول لهدرجة عيالهم يخلونهم اعمار من 4 سنين وطالع شيء يعور القلب صدق صدق ..

:weeping:

انا اتكلم صوب غزه والميرة

من صوب بيت اهلي اما صوب الثاني ما ادري عنه :rolleyes2:

[همر]

يلا عاد اختي بصمه ابتسمي :nice: ما حصل الا كل خير ترى سهلات يا مكثر ما يسالوني وانا صغير انت ولد من وحتى وانا الحين يسالوني ولد من توقعين احد يبي يخطفني من بيتنا . !!!



شكلك راهي عشان جيه يسألونك الحين ولد من !!! :omen2:


انا وانا صغير يسألوني شيصير لك فلان.. ولا كأني موجود...

والحين .. كم معاشك ؟!!


لا حول ولا قوة الا بالله ياخي شتبون... ارحلوا :anger1:

[Riku3]

من وحنا صغار لو حد سألني اسمي وعرف القبيلة يسأل عن ابوي ووين بيتنا .. ما اشوف فيها شي لو كان قطري .

[ام السعف]

مراحب يا بصمة

حطيت نفسي في مكانج ولو واحد وقف وسأل ولدي عن اسمه
واسم ابوه ومن منه ووين ساكن ......> احسها مافيها شي
هذي عوايد بعض الريايل لمسكوا الياهل وكلموه اسئلوه مثل هالاسئلة،،

بس دام ان قلبج فيه خوف وشك
نبهي العيال ما يكلمون اغراب خير شر عن اساميهم
ولا عن عناوينهم او تفاصيل عنهم ،،

[almaf1a]

انت تدري انه هالسائل مب شاذ

يمكن يروح فريجهم وينتظره انت ما تدري عن نواياهم

لو سأل عن اسمه وعمره وناجح او لا هاي اسأله عاديه

اما وين ساكن اتحط تحتها مليون خط احمر

قبل قطر كانت امان اما الحين لا ...

الله يهديج بس
ليكون الولد حافظ اسم الشارع ورقم البيت حتى لو عطاه اسم الشارع ورقم البيت ماراح يقدر يوصل للبيت الا اذا يعرف موظف في كنتاكي

بيقوله وين ساكن
بيرد عليه العزيزية والا الدفنه والا اسم المنطقة

انا اشوف الوضع عادي ما يحتاج للتهويل

[jassim69]

والله انه فيك وسواس ولدي عمره 10 سنوات تحت امره سايق مع سياره اي مكان يبغي اروح دوم يروح بروحه ...وذا امه تبغي اغراض حق البيت دوم هو يروح تعطيه ورقةالغراض والفلوس وهو ايروح الجمعيه بروحه لازم تعطي الولد ثقه في نفسه

[مافيا قطر]

ما ادري ليش مكبره الموضوع أكثر من اللازم وأي واحد ولا وحده يصير لها موقف علي يكتبه في القسم العام بعض المواضيع نفس هذه وجه نظري ما نستفيد منها شي

[قلم صادق]

الله يحفظ عيالج وعيالنا من كل شر ان شالله ....

انا معاج ما له حق يسأل ولو انا مكانج بروح له واستفسر منه ليش تكلم الياهل .. وليش الخدامه ساكته ما منعته انه يتكلم معاه ... للاسف من كثر ما سمعنا عن النفوس السيئه صرنا نخاف على عيالنا من كل شي ... الله يحفضهم ويستر عليهم يارب ..
واهتمامج وقلقج انا اشوفه طبيعي من حرصج عليهم الله يخليهم ويحفضهم .

[بصمة قطرية]

شكراً لكل من رد ..
أكرر إني ما نزلت الموضوع إلا للتنبيه
في ناس يهملون عيالهم مع دريولية و خدم ..
العيال في ذمتنا إحنا المسؤولين عنهم
و اللي. قال ما عندي سالفة منزلة موضوع
و غير الكلام اللي ماله داعي
أقول لهم مشكورين ..

في الأخير أنا أم و يحق لي أخاف على ولدي ..
و ما أعرف نية الشخص ...!!!

ما يحق له يستفسر و يسأل عن الإسم كامل
و مكان البيت ..
الله أعلم إش كان راح يسأله بعد
لولا إني وصلت و ناديت الولد ..!!!

إنتو تشوفونه عادي
غيركم يشوفه مش عادي
و أسئلته ما لها داعي
و شكله ما يطمن ..

أتمنى من الإدارة تغلق الموضوع ،،

[غزلان]

معاج حق بصومه من خاف سلم

وحتى لو شايب ونيته زينه مالومج لو خفتي لأنه زودها بالأسله :(

[abdulla999]

اخوي هذا الشخص يبي الخدامه مش الياهل
انا صارت معاي في مجمع فلاجيو ونفس الكلام الي انت ذكرته