H H
17-06-2013, 12:04 AM
السلام عليكم
الاجازه للطلاب بدت, والشخصيات الفعّاله بدت تتحرك , بدت تدور على شي مفيد تسويه وتدور على
الشي الي بيخلي هالاجازه تنتهي وهم متقدمين بكم خطوه عن الي معهم لان الاجازه تعطيك خيارين
انك تخسر شهرين ثلاثه من عمرك وكانهم ماكانو!! او انك تستفيد منهم بافضل طريقه
وتخليها قيّمه جداً ومن اكثر الاوقات الي استفدت منها برغبتك الشخصيه ماهو فرض!!
كل شخص فينا له اهداف معينه لفترات معينه من حياتنا! الانتهاء من الثانوية الجامعه
الترقيه فالوظيفه , الزواج , مشروع تجاري وغيرها كثير ! لكن كم شخص فينا عارف وش يبي
ومسوي الخطه المناسبه لتحقيق اهدافه! بالطريقه الصح والشكل الصحيح !
اغلبنا عندنا طموح, افكار, امنيات, لكن هل راح تتنفذ او بتبقى امنيات واحلام!
بنقدر ننفذها او بتختفي ويجي مكانه حلم جديد والي بدوره بعد بيختفي لترك المجال للحلم القادم!
التخطيط !!
مهم جداً ان الواحد يحط خطة لحياته , ومايمشي سبهلله! الي يجي يجي ومن هالمقولات القاتله للحياة!
جميل ان الواحد يلتصق بخطة لحياته تغطي جميع الجوانب المهمه
الدين العائلة المال المستقبل الوظيفي وغيرها من الجوانب الاساسية فحياتنا!
في اخر الدراسات اكتشفوا ان اكثر من 90% من الي كانو حاطين لحياتهم خطه ايام الدراسة الجامعية
وصلو لمراحل بعيدة جداً جداً ونجحوا نجاح باهر مقارنةً بالي كانو يكتفون بكلمات مثل , ابي اصير طيار !
مهندس , صحفي , وغيرها من الي نقدر نقول عنها امنيات اكثر من خطط للحياة!!!
خطتك فالحياة هي ذاتك, وأساسك ومنهجك الي بتمشي عليه فالحياة باعتدال بدون ماتقصر
فشي لصالح شي وبدون ماتكون مجرد شخص تلطمه الامواج من كل جانب ويرسي على اي مينا يوصل له والسلام!
الحياة رحلة ! واذا ماخططنا لها بالشكل الصحيح, راح تنتهي بدون مانستمتع وبدون مانحقق الهدف منها!!
شفتو الواحد اذا يبي يبني بيت وش يسوي ؟ يحدد احتياجاته ومتطلباته فالبيت ويحدد اهدافه وعدد الغرف والملاحق
وغيرها من الاشياء , وكيف بتكون وكيف بيكون ترتيبها وكيف بيكون تصميمها والادوات المستخدمه
والاساس والعظم والتشطيب والديكور والميزانية بالتحديد وكل شي وبعدها يبدا يدق اول مسمار فبيته!
لانه يدري اذا بدا يبني بدون فكره بدون خطه بدون شي مجرد ابي بيت كبير وياسعنا كلنا فاكيد انه بيرجع
يكسر ويعيد ويزيد ويخبص لين يطلع بخساير فالوقت, فالمال , فالجهد , وفالنتيجه !!
الحياة كذا واكثر !! تخيل انك تتعب تتعب تتعب وتجتهد لكن بدون خطه! بتوصل ! اكيد بتوصل!
لكن هل بتوصل لوجهتك الي انت رايحلها؟ او بتوصل للمكان الغلط ! تخيل الان شكلك وانت عمرك 65 سنة
ومنت راضي عن المكان الي وصلتله ولا عن عيشتك كل هالسنين فهالحياة! هل تبي تنحط فهالموقف؟
الذكي يعرف وش هدفه الي يبي يوصل له! ويعرف وش بيسوي عشان يوصل
ويعرف وش يحتاج عشان يوصل! والاكيد انك واحد منهم!
مثال على الخطط البسيطه لفتره معينه او لشي معين , لاتعتمدون عليه, مجرد مثال كتبته فالتو واللحظه!
وقت الانتهاء, بعد ثلاث شهور 16/9/2013
الهدف
تعلم اللغه الانجليزية
الامور الي بتحقيقها يتحقق الهدف !
1 - الالمام بالقواعد الخاصه باللغه الانجليزية
2 - الحصول على مخزون جيد من الكلمات الانجليزية
3 - الفهم عند سماع اللغه والتحدث فيها بطلاقه
كيفية تحقيق الهدف
1 - دراسة ثلاثين قاعدة في الشهر من كتاب English Grammar in use
2 - حفظ 6 كلمات جديدة كل يوم من ملف (اكثر خمسمئة كلمة تستخدم فالانجليزية)
3 - التحدث لمدة سبع ساعات في الشهر مع متحدثين للغه
معيار قياس تحقيق الهدف
1 - الالمام بجميع القواعد في كتاب English Grammar in use
2 - حفظ اكثر من خمسمئة كلمة انجليزية
3 - التحدث بطلاقة مناسبة والفهم الجيد عند الاستماع!
طبعاً هذا مجرد مثال كتبته عالسريع وخطه خاصه بهدف معين!! وكل واحد يحط خططه الخاصه
المتناسبه مع وضعه وظروفه واسلوبه!
الخطط يجب ان تكون مكتوبة ! مهم جداً كتابتها! للتعديل عليها والتغيير فيها والزياده عليها وغيرها من التعديلات!!
الخطه عبارة عن مجموعة من الاهداف المرتبه بشكل صحيح, منها اشياء مؤقته تنتهي بانتهاء السنه
وتقدر تقسمها لأهداف شهرية مثلاً كل شهر اربع كتب وتقدر تقسم الشهريه لاسبوع اسبوعين حسب تعمقك فالخطه وشطارتك
ومنها متوسطة المدى الي تمتد لاربع سنوات او خمسة ومنها الطويله للعشر سنوات ومافوق !!
خططوا لحياتكم, او راح تكونون من ضمن خطة اشخاص اخرين للوصول !!!!!
http://sphotos-e.ak.fbcdn.net/hphotos-ak-ash4/p480x480/398693_426729904062895_1905325783_n.jpg
الاجازه للطلاب بدت, والشخصيات الفعّاله بدت تتحرك , بدت تدور على شي مفيد تسويه وتدور على
الشي الي بيخلي هالاجازه تنتهي وهم متقدمين بكم خطوه عن الي معهم لان الاجازه تعطيك خيارين
انك تخسر شهرين ثلاثه من عمرك وكانهم ماكانو!! او انك تستفيد منهم بافضل طريقه
وتخليها قيّمه جداً ومن اكثر الاوقات الي استفدت منها برغبتك الشخصيه ماهو فرض!!
كل شخص فينا له اهداف معينه لفترات معينه من حياتنا! الانتهاء من الثانوية الجامعه
الترقيه فالوظيفه , الزواج , مشروع تجاري وغيرها كثير ! لكن كم شخص فينا عارف وش يبي
ومسوي الخطه المناسبه لتحقيق اهدافه! بالطريقه الصح والشكل الصحيح !
اغلبنا عندنا طموح, افكار, امنيات, لكن هل راح تتنفذ او بتبقى امنيات واحلام!
بنقدر ننفذها او بتختفي ويجي مكانه حلم جديد والي بدوره بعد بيختفي لترك المجال للحلم القادم!
التخطيط !!
مهم جداً ان الواحد يحط خطة لحياته , ومايمشي سبهلله! الي يجي يجي ومن هالمقولات القاتله للحياة!
جميل ان الواحد يلتصق بخطة لحياته تغطي جميع الجوانب المهمه
الدين العائلة المال المستقبل الوظيفي وغيرها من الجوانب الاساسية فحياتنا!
في اخر الدراسات اكتشفوا ان اكثر من 90% من الي كانو حاطين لحياتهم خطه ايام الدراسة الجامعية
وصلو لمراحل بعيدة جداً جداً ونجحوا نجاح باهر مقارنةً بالي كانو يكتفون بكلمات مثل , ابي اصير طيار !
مهندس , صحفي , وغيرها من الي نقدر نقول عنها امنيات اكثر من خطط للحياة!!!
خطتك فالحياة هي ذاتك, وأساسك ومنهجك الي بتمشي عليه فالحياة باعتدال بدون ماتقصر
فشي لصالح شي وبدون ماتكون مجرد شخص تلطمه الامواج من كل جانب ويرسي على اي مينا يوصل له والسلام!
الحياة رحلة ! واذا ماخططنا لها بالشكل الصحيح, راح تنتهي بدون مانستمتع وبدون مانحقق الهدف منها!!
شفتو الواحد اذا يبي يبني بيت وش يسوي ؟ يحدد احتياجاته ومتطلباته فالبيت ويحدد اهدافه وعدد الغرف والملاحق
وغيرها من الاشياء , وكيف بتكون وكيف بيكون ترتيبها وكيف بيكون تصميمها والادوات المستخدمه
والاساس والعظم والتشطيب والديكور والميزانية بالتحديد وكل شي وبعدها يبدا يدق اول مسمار فبيته!
لانه يدري اذا بدا يبني بدون فكره بدون خطه بدون شي مجرد ابي بيت كبير وياسعنا كلنا فاكيد انه بيرجع
يكسر ويعيد ويزيد ويخبص لين يطلع بخساير فالوقت, فالمال , فالجهد , وفالنتيجه !!
الحياة كذا واكثر !! تخيل انك تتعب تتعب تتعب وتجتهد لكن بدون خطه! بتوصل ! اكيد بتوصل!
لكن هل بتوصل لوجهتك الي انت رايحلها؟ او بتوصل للمكان الغلط ! تخيل الان شكلك وانت عمرك 65 سنة
ومنت راضي عن المكان الي وصلتله ولا عن عيشتك كل هالسنين فهالحياة! هل تبي تنحط فهالموقف؟
الذكي يعرف وش هدفه الي يبي يوصل له! ويعرف وش بيسوي عشان يوصل
ويعرف وش يحتاج عشان يوصل! والاكيد انك واحد منهم!
مثال على الخطط البسيطه لفتره معينه او لشي معين , لاتعتمدون عليه, مجرد مثال كتبته فالتو واللحظه!
وقت الانتهاء, بعد ثلاث شهور 16/9/2013
الهدف
تعلم اللغه الانجليزية
الامور الي بتحقيقها يتحقق الهدف !
1 - الالمام بالقواعد الخاصه باللغه الانجليزية
2 - الحصول على مخزون جيد من الكلمات الانجليزية
3 - الفهم عند سماع اللغه والتحدث فيها بطلاقه
كيفية تحقيق الهدف
1 - دراسة ثلاثين قاعدة في الشهر من كتاب English Grammar in use
2 - حفظ 6 كلمات جديدة كل يوم من ملف (اكثر خمسمئة كلمة تستخدم فالانجليزية)
3 - التحدث لمدة سبع ساعات في الشهر مع متحدثين للغه
معيار قياس تحقيق الهدف
1 - الالمام بجميع القواعد في كتاب English Grammar in use
2 - حفظ اكثر من خمسمئة كلمة انجليزية
3 - التحدث بطلاقة مناسبة والفهم الجيد عند الاستماع!
طبعاً هذا مجرد مثال كتبته عالسريع وخطه خاصه بهدف معين!! وكل واحد يحط خططه الخاصه
المتناسبه مع وضعه وظروفه واسلوبه!
الخطط يجب ان تكون مكتوبة ! مهم جداً كتابتها! للتعديل عليها والتغيير فيها والزياده عليها وغيرها من التعديلات!!
الخطه عبارة عن مجموعة من الاهداف المرتبه بشكل صحيح, منها اشياء مؤقته تنتهي بانتهاء السنه
وتقدر تقسمها لأهداف شهرية مثلاً كل شهر اربع كتب وتقدر تقسم الشهريه لاسبوع اسبوعين حسب تعمقك فالخطه وشطارتك
ومنها متوسطة المدى الي تمتد لاربع سنوات او خمسة ومنها الطويله للعشر سنوات ومافوق !!
خططوا لحياتكم, او راح تكونون من ضمن خطة اشخاص اخرين للوصول !!!!!
http://sphotos-e.ak.fbcdn.net/hphotos-ak-ash4/p480x480/398693_426729904062895_1905325783_n.jpg