محلات الازغوى والدهليز وفك اللغز للتخطيط الجديد !!!

[Qt.1]

طبعا سكان منطقة الازغوى عارفين اتكلم عن شنو , اتكلم عن التخطيط الجديد للشارع الي عند محلات ازغوى والله تلعوزنا , خاطري اعرف شنو الهدف من الارصفه الي مسويينها , يعني بدال مايكون التصليح للاحسن للاسف صار للاسوء , لو مخليين المكان نفس قبل احسن بوايد , الزحمه زادت واللفات الي داخل مضايقه المكان , الحل اشوفه انا ان يرجع الوضع نفس قبل طبعا بدون ارصفه والمكان مفتوح اسهل للحركه , رايكم مهم ياسكان هالمنطقه :telephone:

[واحد قطري]

صدقت ياخوي بعد تخطيطهم الجديد زادوا الزحمة تدخل هناك كانك في لعبة الحية

[q6ryah]

صراحه وضع اشبهه بالمتاهه والدال مفقود والخارج مولود


الافضل التواصل مع عضو الملس البلدي لوضع حل للمشكله مع اشغال

[jassim69]

صراحه وضع اشبهه بالمتاهه والدال مفقود والخارج مولود


الافضل التواصل مع عضو الملس البلدي لوضع حل للمشكله مع اشغال

مالها خص اشغال هذا صاحب العقار تخطيطه :rolleyes2: بفلوسي كيفي :nice:
ليته الخسره على المتاهه حاطه في المسجد الموجود هناك دشه كله ريحت بنغال والفرش
تقول من سنة جدي

[ذيب ازغوى]

معاااااااااااااااااااااااكم قلبا وقالبا

[الجنوبي]

تخطيط فاشل ذكرني بلعبة الثعبان والدرج
وعلى قولتهم مسوين زحمة والشارع فاضي
الله يعين فرمضان شلون الوضع بيكون عند محل السمبوسة ؟ :rolleyes2:

[abusultan]

سوء في تخطيط المداخل ..
سوء في تخطيط المخارج ..
سوء في تخطيط الشارع ..
سوء في تخطيط طريقة مواقف السيارات ..
هذا الذي خطط ؟.. خطط فقط كيف يسوي زحمة !!

دخلت بعد التعديلات مرة واحدة .. وأرتفع ضغطي وقررت بعدم الذهاب مرة أخرى ..
بصراحة شيء لا يطاق .. كفاية علينا زحمة شوارع الدوحة ..

[ساكن ازغوه]

والله يا أخوي أنا مش عارف من اللي خطط المشروع الحين المكان كان وسيع بعد التخطيط

صرنا ما نقدر ندخل المكان ما ادري إيش الهدف من المشروع وطبعا غير موضوع السيارة

العجيبة اللي مفروض تدخل موسوعة جينيس

[بونووف]

مواااااقف حق شنو ابي اعرف .. حسسوني انه فيه مطاعم كبيره ولا اماكن الواحد ينزلها ومطول فيها ... كلهم دكاكين ومعاصر مافي الا الجم اللي يحتاج الواحد يوقف له

ولا اغلب الاماكن وانت فالسياره طيط طيط اغراضك عندك وسلم سلام عليكم

صج المواقف مالها دااعيه

دامك فتحت هالموضوع في مكانين قاهريني بعد على تصميمهم التعبان ماكدونالدز اللي ام صلال .. والسوق اللي فالغرافه رصييييييف شكبره ليش والمواقف اذا صفت سياره يا دوب تطلع مأسااه الصراحه

[w.qatar]

ما فهمت شي ممكن تصور المكان ؟
ما فيه اي مشروع يتنفذ قبل ما ياخذ موافقه التخطيط

[ولد شرق]

انا مهب من سكان المنطقة
لكن اتمنى ايجاد حل لكم

وللمعلومه المنطقة اسمها ازغوى وليس الازغوى

ودمتم سالمين

[Qt.1]

سوء في تخطيط المداخل ..
سوء في تخطيط المخارج ..
سوء في تخطيط الشارع ..
سوء في تخطيط طريقة مواقف السيارات ..
هذا الذي خطط ؟.. خطط فقط كيف يسوي زحمة !!

دخلت بعد التعديلات مرة واحدة .. وأرتفع ضغطي وقررت بعدم الذهاب مرة أخرى ..
بصراحة شيء لا يطاق .. كفاية علينا زحمة شوارع الدوحة ..

انا صرت اصف على الشارع وانزل امشي شنسوي ان دشيت ماطلعت :rolleyes2:

[Qt.1]

لا ياجماعه فعلا نبي حل , لان الوضع مثل ماذكرت اختنا , اتخيل في رمضان اشلون الوضع بيكون مأساه ,,