&& ملاحظاتكم عن مبنى إدارة المرور الجديد && [الأرشيف]

شبح الصمت

17-06-2013, 09:04 AM

السـلام عليكم ورحمة الله وبركاته ،،،

نبارك لادارة المرور المبنى الجديد ونتمنى لهم دوام التقدم والازدهار ..

وامس لاحظت حركة غريبة المبنى الجديد له مدخلين الجهة الجنوبية من داخل منطقة مدينة خليفة الجنوبية .. ومن الجهة الشمالية ما ركزت وكان في مقابل المرور القديم سيارات كثيرة واقفه من بعد مبنى المرور لين وانت متوجه لدوار المرخية .. على جانبي الطريق ..

فما هي المشكلة هل الزوائر ما راح يوقفون في المواقف الداخلية للمبنى ..

لانه صراحة منظرهم غير طبيعي وثاني شيء خطر على السيارات القدامة من تحت الجسر وفوق جسر الشمال اتمنى انهم يصكرون هالشارع ويمنعون اي واحد يوقف لاجل ما تصير الزحمة والي يبي يوقف يوقف في مواقف ادارة المرور واتوقع في مواقف تحتيه ..

وحبينا نشارك ونبارك .. ونبي نعرف آرائكم اخواني وخواتي الي زرتم المبنى اشلون شفتوه واشلون كان قبل وحالياً ...

وسؤال هل مطراش قام بأرسال رسائل للجمهور او كيوتل تفضلت بانها ارسلت رسالة لاحد وخبرته انه المبنى تم تغييره وشرح وين مكانه !!!!

مع تحيات ..

شبح الصمت

حمد 2002

17-06-2013, 09:07 AM

مازرته ، بس شكله من برع حلو ،،

ماهمنا الشكل ، بقدر مايهمنا تعامل الموظفين الي داخل المبنى وسلاستهم وتساهلهم مع المراجعييين ،،،

تحياتي لك ،،،

نوار قطر

17-06-2013, 09:08 AM

مازرته ولا في يوم من الايام بزووره:rolleyes2:

ان شالله الاعضاء الي راحو يقولون تجربتهم ويفيدون الاعضاء

بومحمد المطاوعه

17-06-2013, 09:08 AM

الله يعطيك العافيه يالذيب

ونبارك لأداره المرور على المبنى الروووعه

الصراحه وسعو علينا الله يوسع عليهم

بس المشكله نفس ماطرحت ان المخارج

والمواقف الي ع الشارع المفروض تغلق

مالها اي معنى

تحياتي لك يالغالي

شبح الصمت

17-06-2013, 09:09 AM

مازرته ، بس شكله من برع حلو ،،

ماهمنا الشكل ، بقدر مايهمنا تعامل الموظفين الي داخل المبنى وسلاستهم وتساهلهم مع المراجعييين ،،،

تحياتي لك ،،،

طبعا شيء اكيد المعاملة وسرعة تخليصها واتوقع في كم هائل من الشباب في هالمبنى والخدمه راح تكون اسرع واسهل ..
والمبنى من قال لك ما يلعب دور اساسي في راحة الزوائر من خدمة ومن راحة نفسية يوم تجلس في مكان مكيف وخدمات أخرى ..

يعني تسهل عليك كل شيء

كاروهات

17-06-2013, 09:10 AM

كل متر كاميرا مراقبة :victory::eek5::rolleyes2:

الموظفات مش قادرين ياخذون راحتهم

شبح الصمت

17-06-2013, 09:12 AM

مازرته ولا في يوم من الايام بزووره:rolleyes2:

ان شالله الاعضاء الي راحو يقولون تجربتهم ويفيدون الاعضاء

ان شاء الله
شاكر لج اختي مشاركتج
وان شاء الله تستفيدون من المشاركات ومن آراء الزوار

الله يعطيك العافيه يالذيب

ونبارك لأداره المرور على المبنى الروووعه

الصراحه وسعو علينا الله يوسع عليهم

بس المشكله نفس ماطرحت ان المخارج

والمواقف الي ع الشارع المفروض تغلق

مالها اي معنى

تحياتي لك يالغالي

اللهم آمين
ونفس ما تفضلت المخارج اهم شيء لانهم على شارع حيوي من جهة الشمال ومن داخل الفريج بعد لاحظت حاطين حدايد لاجل محدن يجي يوقف في نص الطريق ..

:nice:

حسن

17-06-2013, 09:13 AM

صباح الخير ياشبح

انا ماعرف ياابيض يااسود

لو انا في يدي الصلاحيه لزلته عن بكرت امه بعد
مكان غلط في غلط ومستغرب كيف مر بهذه الطريقه

وللاسف شوه جمال الشارع الرئيسي من الحواجز

ماقول الا حسبنا الله ونعم الوكيل

شبح الصمت

17-06-2013, 09:14 AM

كل متر كاميرا مراقبة :victory::eek5::rolleyes2:

الموظفات مش قادرين ياخذون راحتهم

في هذه أختي يجب أن يكون في تساهل في أقسام الحريم الخاصة حجر استراحة طبعا ما رآح يكون فيها كاميرا ولكن المقصد منهم أنه تكون الكاميرات لرصد اي غلطه او اي شخص يحاول انه يتعدى حدوده ( دليل ) او لمشاهدة هل توجد اخطاء على الموظفين بعد هالشيء مهم في فن التعامل مع الجمهور ..

شبح الصمت

17-06-2013, 09:18 AM

صباح الخير ياشبح

انا ماعرف ياابيض يااسود

لو انا في يدي الصلاحيه لزلته عن بكرت امه بعد
مكان غلط في غلط ومستغرب كيف مر بهذه الطريقه

وللاسف شوه جمال الشارع الرئيسي من الحواجز

ماقول الا حسبنا الله ونعم الوكيل

تدري اخوي حسن قبل كنت اقول مكانه غلط وكنت كله احسبه مدرسة جديدة قلت اش هالمدرسة صدق عقب دريت انه إدارة المرور الجديدة ..

شوف مشكلتنا نبي المباني كلها وسط الدوحة الحين صار الشيء والا كان عندي مقترح وكان راح يكون احسن وموقعه لانه له مخرجين الارض الفاضيه الي في فريج كليب الي وانت رايح من دوار المرخية متوجه على دوار التلفزيون على يمناك .. هذه كنت اتمنى اشوف المبنى اهنيه

او ليش ما طلعو المبنى شمال على خط الشمال بعد كان بيكون احسن واسهل حق العالم ..

الحين خلاص صار المبنى ..

هل دخلت بوعلي قول لنا انطباعك وآرائك ..

دااانة قطر

17-06-2013, 09:26 AM

السـلام عليكم ورحمة الله وبركاته ،،،

وعليكم السلااام ورحمة الله وبركااته

نباارك لهم وللجميع

[bوامس لاحظت حركة غريبة المبنى الجديد له مدخلين الجهة الجنوبية من داخل منطقة مدينة خليفة الجنوبية .. ومن الجهة الشمالية ما ركزت وكان في مقابل المرور القديم سيارات كثيرة واقفه من بعد مبنى المرور لين وانت متوجه لدوار المرخية .. على جانبي الطريق ..

المدخل اللي على الشاارع مسكر والمراجعين مب عاارفين شلون يدخلون او حتى في مدخل من الجهه الثاانيه فاعتقد اضطروا يصفون عالشاارع

عن نفسي كلمت المندوب اللي اتعاامل معااه وعلمني بالمدخل من الجهه الثاانيه

[bوحبينا نشارك ونبارك .. ونبي نعرف آرائكم اخواني وخواتي الي زرتم المبنى اشلون شفتوه واشلون كان قبل وحالياً ...

بصرااحة كبير واايد واتمنى ان البناات تكون لهم خصوصية أكثر

رحت اجدد الرخصه وفي دقااايق ماقصروا خلصوني بدون مانتظر الدور لأن شكلي كاان غلط وسط الرجال:shy:

شيخ الديرة

17-06-2013, 09:34 AM

المرور ينقصهم علامات مرورية تدل الزوار حتى العميان منهم كيف يوصلون للمكان وأين يوقفون سياراتهم, ولكن

شبح الصمت

17-06-2013, 09:34 AM

وعليكم السلااام ورحمة الله وبركااته

نباارك لهم وللجميع

المدخل اللي على الشاارع مسكر والمراجعين مب عاارفين شلون يدخلون او حتى في مدخل من الجهه الثاانيه فاعتقد اضطروا يصفون عالشاارع

عن نفسي كلمت المندوب اللي اتعاامل معااه وعلمني بالمدخل من الجهه الثاانيه

بصرااحة كبير واايد واتمنى ان البناات تكون لهم خصوصية أكثر

رحت اجدد الرخصه وفي دقااايق ماقصروا خلصوني بدون مانتظر الدور لأن شكلي كاان غلط وسط الرجال:shy:

الله يعطيج العافيه
وكلامج في محله بس وجب التنبيه على إدارة المرور لاجل محد يوقف على جانبي الطريق تكون في علامة انه المدخل من الخلف ..
وبخصوص خصوصية البنات ما اعرف اشلون اختي وشلي تقصدينه ترى مكانهم مثل مكان الجوازات حتى الجوازات في كاميرات مراقبة يعني ما اتوقع في العمل يبيله خصوصية زيادة اهي جايه تشتغل وتخلص شغلها وتحرك البيت ..

والخصوصية تكون في غرفة مستقلة لهم اذا يبون ياكلون والا عندها شيء

شبح الصمت

17-06-2013, 09:36 AM

المرور ينقصهم علامات مرورية تدل الزوار حتى العميان منهم كيف يوصلون للمكان وأين يوقفون سياراتهم, ولكن

تدري اخوي نفس ما تفضلت في شيء واحد لازم يسوونه وهو في لفة الله يسلمك مصكره تخليك تكمل لين دوار المرخية وفي ناس ما تبي تكمل توقف لاجل عقب تطلع على الشارع ..

هاللفة بعد مطعم السفير اللفة الي بعدها .
اتمنى يفتحونها لانها اساسية

دااانة قطر

17-06-2013, 09:37 AM

الله يعطيج العافيه
وكلامج في محله بس وجب التنبيه على إدارة المرور لاجل محد يوقف على جانبي الطريق تكون في علامة انه المدخل من الخلف ..
وبخصوص خصوصية البنات ما اعرف اشلون اختي وشلي تقصدينه ترى مكانهم مثل مكان الجوازات حتى الجوازات في كاميرات مراقبة يعني ما اتوقع في العمل يبيله خصوصية زيادة اهي جايه تشتغل وتخلص شغلها وتحرك البيت ..

والخصوصية تكون في غرفة مستقلة لهم اذا يبون ياكلون والا عندها شيء

الخصوصية قصدت فيها لنا احنا الحريم يكون مدخل منفصل او حتى كورنر خااص

حسن

17-06-2013, 09:39 AM

تدري اخوي حسن قبل كنت اقول مكانه غلط وكنت كله احسبه مدرسة جديدة قلت اش هالمدرسة صدق عقب دريت انه إدارة المرور الجديدة ..

شوف مشكلتنا نبي المباني كلها وسط الدوحة الحين صار الشيء والا كان عندي مقترح وكان راح يكون احسن وموقعه لانه له مخرجين الارض الفاضيه الي في فريج كليب الي وانت رايح من دوار المرخية متوجه على دوار التلفزيون على يمناك .. هذه كنت اتمنى اشوف المبنى اهنيه

او ليش ما طلعو المبنى شمال على خط الشمال بعد كان بيكون احسن واسهل حق العالم ..

الحين خلاص صار المبنى ..

هل دخلت بوعلي قول لنا انطباعك وآرائك ..

والله ياشبح مادخلته

وهو اساسا ليش اسوي مبني مرور بهل الحجم
ليش ماتسير الاداره في الداخليه وبس
وكل منطقه فيها اداره مرور وفيها كل شي من الخدمات لازم اسوي مركزيه اقولك اخ بس

مافي فايده

ناس يحبون المركزيه وهي في جميع الكتب
يتكلمون عنها من افشل الادارات

شبح الصمت

17-06-2013, 09:39 AM

الخصوصية قصدت فيها لنا احنا الحريم يكون مدخل منفصل او حتى كورنر خااص

ليش مافي حواجز بينكم وبين الرجال لاني صراحة ما رحته لين الحين !!

شيخ الديرة

17-06-2013, 09:42 AM

تدري اخوي نفس ما تفضلت في شيء واحد لازم يسوونه وهو في لفة الله يسلمك مصكره تخليك تكمل لين دوار المرخية وفي ناس ما تبي تكمل توقف لاجل عقب تطلع على الشارع ..

هاللفة بعد مطعم السفير اللفة الي بعدها .
اتمنى يفتحونها لانها اساسية

الى متى تبقى طريقة التجربة في تخطيط وتنفيذ وفتح المشاريع؟ معقول هذا الكلام في 2013 ؟؟

شبح الصمت

17-06-2013, 09:44 AM

والله ياشبح مادخلته

وهو اساسا ليش اسوي مبني مرور بهل الحجم
ليش ماتسير الاداره في الداخليه وبس
وكل منطقه فيها اداره مرور وفيها كل شي من الخدمات لازم اسوي مركزيه اقولك اخ بس

مافي فايده

ناس يحبون المركزيه وهي في جميع الكتب
يتكلمون عنها من افشل الادارات

انزين لو صارت الادارة بالداخلية راح يكون عليها ضغط وهالشيء ما يصير ..
لانه في ناس تبي تقابل مدير المرور ونشوف مكتب بوسعد اشلون العالم عنده .. !!!

خلهم في مبناهم وان شاء الله بيزين مع الايام في عيونك

:shy:

شبح الصمت

17-06-2013, 09:46 AM

الى متى تبقى طريقة التجربة في تخطيط وتنفيذ وفتح المشاريع؟ معقول هذا الكلام في 2013 ؟؟

اخوي احنا ما نتكلم عن تجربة خلاص الشيء صار الحين لازم نشوف البدائل والحلول ..

التجربة تكون قبل بداية المشروع بالتخطيط بس ما نجي عقب ما يطيح الفأس فالرأس ونقول خلاص خلنا نجرب صارت صارت ما صارت اقل ما فيها حاولنا .. !!!
:secret:

وجه السعد 2

17-06-2013, 09:48 AM

اعتقد ان الموقع غير مناسب .. المداخل و المخارج غير واضحة .. لا يوجد جسر للمشاة او علامات توجيهية للجمهور .. وكان من الأفضل نقل الإدارة الى خارج المناطق السكنية .. على طريق الشمال مثلا .. عجبني الصراحة موقع مجمع ايكيا لأنه بعيد عن الزحمة و المواقف متوفرة ولا يسبب اي مشاكل للسكان او عرقلة المرور مثل موقع المرور الجديد

دااانة قطر

17-06-2013, 09:49 AM

ليش مافي حواجز بينكم وبين الرجال لاني صراحة ما رحته لين الحين !!

ماافي
واتوقع نفس ماقلت هالنظاام في الجواازاات ماذكر لاني ماروح داايم

eXpert*

17-06-2013, 09:51 AM

:nice:بالعكس الموقع إستراتيجي خصوصاً أن واقع على خط (الوجبة - الديوان).

على الأقل يشوفونه مباشر ، أحسن من كل يوم في الجرائد .:secret:

تحية لمدير إدارة المرور ،،، يستاهل

همر

17-06-2013, 09:54 AM

عقدتي وسم ضروسي...

الانترلوك

انترلوك انترلوك انترلوك على مد النظر..

ليش هالمساحات كلها انترلوك ؟!!

ليش الواجهه 500 متر كلها انترلوك وتصف سيارتك

في قلعة وادرين وتمشي ماتدري وين المدخل الرئيسي

اللوحات مش دقيقه .. السيارات تصف على الشارع الرئيسي

لان المدخل وين اذنك يا حبشي!!

الواجهه الانترلوكيه هذي كان ممكن اسويها احلى مدخل ومخرج

في منتهى السلاسه.. عندك مساحه استغلها..

وبعدين عندك مراجعين شيبان وعجايز وذوي احتياجات خاصه

ضروري يكون في ممر للسيارات يوصل للباب الرئيسي ...

مادري .. ابداً ماعجبني العبث الخارجي للمبنى ..

في شي اسمه فن ادارة المساحات.. والمساحات اللي حوالين

المبنى مهدره صراحه..

المبنى من الداخل .. ببساطه.. روعه..

والخدمه اروع..

وعقبال مبنى الجوازات الجديد :nice:

شبح الصمت

17-06-2013, 09:56 AM

اعتقد ان الموقع غير مناسب .. المداخل و المخارج غير واضحة .. لا يوجد جسر للمشاة او علامات توجيهية للجمهور .. وكان من الأفضل نقل الإدارة الى خارج المناطق السكنية .. على طريق الشمال مثلا .. عجبني الصراحة موقع مجمع ايكيا لأنه بعيد عن الزحمة و المواقف متوفرة ولا يسبب اي مشاكل للسكان او عرقلة المرور مثل موقع المرور الجديد

بذكرك وبتشوف والله لا يقول شفت البراحة الفاضية مقابل المرور القديم من جهة شرق ومن جهة الشمال للمبنى الجديد في ناس بتوقف وبتقع والله يستر عليهم من هالحوادث ..

ماافي
واتوقع نفس ماقلت هالنظاام في الجواازاات ماذكر لاني ماروح داايم

غريبه

:nice:بالعكس الموقع إستراتيجي خصوصاً أن واقع على خط (الوجبة - الديوان).

على الأقل يشوفونه مباشر ، أحسن من كل يوم في الجرائد .:secret:

تحية لمدير إدارة المرور ،،، يستاهل

تبي الصج هالشارع بالذات ما يكون عليه زحمة لانه خط حيوي ويرتبط في الديوان والوجبه صدقني صدق صدق مفروض ما ينحط لانه اغلب هالوقت نعرف دوار المرخية اشلون الزحمة الي عليه واشلون المؤتمرات وخط السير له ..

شبح الصمت

17-06-2013, 10:01 AM

عقدتي وسم ضروسي...

الانترلوك

انترلوك انترلوك انترلوك على مد النظر..

ليش هالمساحات كلها انترلوك ؟!!

ليش الواجهه 500 متر كلها انترلوك وتصف سيارتك

في قلعة وادرين وتمشي ماتدري وين المدخل الرئيسي

اللوحات مش دقيقه .. السيارات تصف على الشارع الرئيسي

لان المدخل وين اذنك يا حبشي!!

الواجهه الانترلوكيه هذي كان ممكن اسويها احلى مدخل ومخرج

في منتهى السلاسه.. عندك مساحه استغلها..

وبعدين عندك مراجعين شيبان وعجايز وذوي احتياجات خاصه

ضروري يكون في ممر للسيارات يوصل للباب الرئيسي ...

مادري .. ابداً ماعجبني العبث الخارجي للمبنى ..

في شي اسمه فن ادارة المساحات.. والمساحات اللي حوالين

المبنى مهدره صراحه..

المبنى من الداخل .. ببساطه.. روعه..

والخدمه اروع..

وعقبال مبنى الجوازات الجديد :nice:

تدري اخوي اوقات اقول مثل هالادارات المهمة مفروض يكون فيها استبيان من قبل الجمهور عن المكان وعن كيفية تنظيم المكان
مش انه ما عندنا ثقة في الادارة نفسها او الوزارة بس الاستبيان يسهل الكثير من الصعاب في المستقبل

وصدقت الانترنت لوك في بعض الاماكن ماله اي معنى ..

شيخ الديرة

17-06-2013, 10:06 AM

اخوي احنا ما نتكلم عن تجربة خلاص الشيء صار الحين لازم نشوف البدائل والحلول ..

التجربة تكون قبل بداية المشروع بالتخطيط بس ما نجي عقب ما يطيح الفأس فالرأس ونقول خلاص خلنا نجرب صارت صارت ما صارت اقل ما فيها حاولنا .. !!!
:secret:

أحد الحلول اللي أقترحها أن يحطون أسماء المهندسين ومدراء المشروع اللي وافقوا على هذه الفوضى في الجريدة لمدة أسبوع حتى ما نرجع لنفس المشكلة في المشاريع القادمة

شبح الصمت

17-06-2013, 10:10 AM

أحد الحلول اللي أقترحها أن يحطون أسماء المهندسين ومدراء المشروع اللي وافقوا على هذه الفوضى في الجريدة لمدة أسبوع حتى ما نرجع لنفس المشكلة في المشاريع القادمة

الحين تبون المبنى والمهندسين والا تبون الخدمة وسرعتها حددوا بارك الله فيكم ..

:rolleyes2:

شيخ الديرة

17-06-2013, 10:15 AM

الحين تبون المبنى والمهندسين والا تبون الخدمة وسرعتها حددوا بارك الله فيكم ..

:rolleyes2:

لا يمكن فصلها

شبح الصمت

17-06-2013, 10:19 AM

لا يمكن فصلها

:secret:

Aaziz

17-06-2013, 10:23 AM

لا نحتاج مباني جديده بقدر ما نحتاج عقول جديده و دماء شابه ذات مستوى تعليمي عالي و قدرات ادارية واعيه ، تبحث عن انجازات ملموسه في ارض الشارع لا انجازات في خزينه المرور .

الســـهم

17-06-2013, 10:24 AM

الصراحة هالمنطقة اعرفها شارع شارع , مافي ولا شارع حول المبنى فيه مسارين , كلها طريق للي رايح واللي راد , منطقة تعج بالسكان جهة غزة ومدينة خليفه , الشوارع ضيقة وسيارات اهل المنطقة متكدسة على بعضها , وللي يطالب بفتح مدخل ومخرج على الشارع العام , اقوله راح تسوي ازمة وحوادث احنا بغنى عنها , يكفي ان المبنى يجيك من بعد خروجك من نفق السرعة فيه 100 كم/س , والأكيد ان الخط الأيمن راح يوقف لين قريب النفق بسبب السيارت اللي تبي تدخل ..

بصراحة نشكر وزارة الداخلية على هالمبنى الراقي , ولكن للأسف الموقع نهائيا مايصلح بوسط منطقة مكتظة بالسكان على هذا الشارع الحيوي ..

شبح الصمت

17-06-2013, 10:29 AM

لا نحتاج مباني جديده بقدر ما نحتاج عقول جديده و دماء شابه ذات مستوى تعليمي عالي و قدرات ادارية واعيه ، تبحث عن انجازات ملموسه في ارض الشارع لا انجازات في خزينه المرور .

الصراحة هالمنطقة اعرفها شارع شارع , مافي ولا شارع حول المبنى فيه مسارين , كلها طريق للي رايح واللي راد , منطقة تعج بالسكان جهة غزة ومدينة خليفه , الشوارع ضيقة وسيارات اهل المنطقة متكدسة على بعضها , وللي يطالب بفتح مدخل ومخرج على الشارع العام , اقوله راح تسوي ازمة وحوادث احنا بغنى عنها , يكفي ان المبنى يجيك من بعد خروجك من نفق السرعة فيه 100 كم/س , والأكيد ان الخط الأيمن راح يوقف لين قريب النفق بسبب السيارت اللي تبي تدخل ..

بصراحة نشكر وزارة الداخلية على هالمبنى الراقي , ولكن للأسف الموقع نهائيا مايصلح بوسط منطقة مكتظة بالسكان على هذا الشارع الحيوي ..

اغلب المشاركات يأيدون المبنى من ناحية حجمه وسرعة آدائه ولكن من حيث موقعه لا يصلح صراحة نفس ما تفضلتم ومع زيادة عدد السائقين والازدحام والكثافة السكانية والمنطقة السكانية الحيويه راح يأثر ويأثر على مداخل كثيرة فالشارع الرئيس وداخل المنطقة نفسها ..

شيخ الديرة

17-06-2013, 10:32 AM

اغلب المشاركات يأيدون المبنى من ناحية حجمه وسرعة آدائه ولكن من حيث موقعه لا يصلح صراحة نفس ما تفضلتم ومع زيادة عدد السائقين والازدحام والكثافة السكانية والمنطقة السكانية الحيويه راح يأثر ويأثر على مداخل كثيرة فالشارع الرئيس وداخل المنطقة نفسها ..

بالأضافة الى المتطلبات الأمنية لهذا الطريق بالخصوص

شبح الصمت

17-06-2013, 10:36 AM

بالأضافة الى المتطلبات الأمنية لهذا الطريق بالخصوص

عليك نور وصلت خير هذا الي نقوله هالشارع بالذات حيوي غير عن كل الشوارع ..

وانسى انهم يفتحون طريق من الناحية الشمالية انسى ..
واتمنى ما يتم التفكير لو لحظة انه يفتحون لانه راح يسبب زحمة مش طبيعية

Aaziz

17-06-2013, 10:41 AM

انا ما اعرف كبف شكل المبنى. حسب مافهمت منكم ان المدخل من جهة الجنوب. و جهة الشمال على الشارع من جسر العلي الى المرخيه مافيه مدخل. و انتو تطالبون بعدم وجود مدخل ؟

اذا انا فاهم صح ممكن يخلون دخول فقط من جهه الشمال (الشارع الرئيسي) و يخلون الخروج من جهة الجنوب.

شبح الصمت

17-06-2013, 10:44 AM

انا ما اعرف كبف شكل المبنى. حسب مافهمت منكم ان المدخل من جهة الجنوب. و جهة الشمال على الشارع من جسر العلي الى المرخيه مافيه مدخل. و انتو تطالبون بعدم وجود مدخل ؟

اذا انا فاهم صح ممكن يخلون دخول فقط من جهه الشمال (الشارع الرئيسي) و يخلون الخروج من جهة الجنوب.

صحيح اخوي بس ما انصح يكون له مدخل من جهة الشمال لانه في ناس ما تعرف تسوق للامانة وخطر ورد ونقول الشارع حيوي حيوي حيوي

همر

17-06-2013, 10:50 AM

الصراحة هالمنطقة اعرفها شارع شارع , مافي ولا شارع حول المبنى فيه مسارين , كلها طريق للي رايح واللي راد , منطقة تعج بالسكان جهة غزة ومدينة خليفه , الشوارع ضيقة وسيارات اهل المنطقة متكدسة على بعضها , وللي يطالب بفتح مدخل ومخرج على الشارع العام , اقوله راح تسوي ازمة وحوادث احنا بغنى عنها , يكفي ان المبنى يجيك من بعد خروجك من نفق السرعة فيه 100 كم/س , والأكيد ان الخط الأيمن راح يوقف لين قريب النفق بسبب السيارت اللي تبي تدخل ..

بصراحة نشكر وزارة الداخلية على هالمبنى الراقي , ولكن للأسف الموقع نهائيا مايصلح بوسط منطقة مكتظة بالسكان على هذا الشارع الحيوي ..

انا ما اعرف كبف شكل المبنى. حسب مافهمت منكم ان المدخل من جهة الجنوب. و جهة الشمال على الشارع من جسر العلي الى المرخيه مافيه مدخل. و انتو تطالبون بعدم وجود مدخل ؟

اذا انا فاهم صح ممكن يخلون دخول فقط من جهه الشمال (الشارع الرئيسي) و يخلون الخروج من جهة الجنوب.

شفت الافكار يا اخوي السهم...

المدخل شمال والمخرج جنوب..

ولا يزال الشباب القطري في جعبته المزيد..

بس خل يسلموني التخطيط بدال

طوني وجوني وكومار ...

ماراح ادفعهم شي.. بس استشارات

على المخططات.. ببلاااااااش..

Aaziz

17-06-2013, 10:53 AM

صحيح اخوي بس ما انصح يكون له مدخل من جهة الشمال لانه في ناس ما تعرف تسوق للامانة وخطر وارد ونقول الشارع حيوي حيوي حيوي

لهذا السبب قلت انه حاجتنا لمدراء نشاهد انجازهم في ارض الشارع.

لهذه الدرجه نلغي حل منطقي بسبب سائق مايعرف يسوق.

شيخ الديرة

17-06-2013, 10:56 AM

http://www.qatarshares.com/vb/attachment.php?attachmentid=83762&stc=1&d=1371457051

المدخل من خلف بناية كهرماء اللي جنب دوار المرخية, بعد أن يحولوه الى طريق بأتجاه واحد, والخروج من الشمال عن طريق الشارع الحالي بعد بناية المرور

همر

17-06-2013, 11:14 AM

http://i.imgur.com/6VFqEW1.jpg

حد يقولي ليش ماتستغل المساحه اللي قدام المركز بعمل طريق جانبي؟!!

على الاقل يمتد المخرج اللي جاي من دوار الجوازات ويمر من قدام المرور..

بس الظاهر من الصوره ان الانترلوك اهم...

ام روز

17-06-2013, 11:15 AM

شفيكم في مواقف تحت بالهبل ومصاعد بس الناس للحين مافهت شالسالفه لان مافي لوحات ارشاديه مساكين يوقفون سياراتهم بعيد ويروحون للمبنى مشي لانهم مايدرون ان في مواقف تحت

العتب على ادارة المرور المفروض يحطون لوحات توضح المداخل والمخارج

fooz55

17-06-2013, 11:34 AM

كل المداخل والمخارج للسيارات خطاء في خطاء .. مع كل احترامي للمصمم

((ضيق المدخل الارضي تحت الارض))

((ملاحظة مدخل المواقف الارضية اتحداكم سيارتين يدخلون مع بعض صوب الفة من فوق او نهاية النفق تحت))

عن تجربة شخصية

:weeping:

ita(10)lia

17-06-2013, 06:34 PM

اولا جزاهم الله خير على سرعتهم في انجاز المعاملات
بس لاحظت شيئين

١. مداخل المراجعين مب السيارات من الامام وما فيه من الخلف..
٢. كل اللي يطبعون موجوين خلف المبنى واذا بغيت تصور سالفة.. يا ليت لو يفتحون مكاتب تصوير وطباعة داخل المبنى

مخطط قطري

17-06-2013, 06:44 PM

محتاج تطوير اكثر

النهار

17-06-2013, 06:52 PM

صباح الخير ياشبح

انا ماعرف ياابيض يااسود

لو انا في يدي الصلاحيه لزلته عن بكرت امه بعد
مكان غلط في غلط ومستغرب كيف مر بهذه الطريقه

وللاسف شوه جمال الشارع الرئيسي من الحواجز

ماقول الا حسبنا الله ونعم الوكيل

اخوي حسن قبل الانتقال بفتره في موضوع الاخ من غير البشر طرحت سؤال
لمدير المرور الاخ بوسعد عن هذه النقطه
كان رده انهم عملوالترتيبات الازمه للمواقف وانا كا سؤالي له عن الزحمه
الي بتصير مقابل المرور وداخل المنطقه من ناحية الجنوب والسكان قاموا يشتكون
رد ان الترتيبات والحلول موجوده
المكان القديم مكانه ماسب جدا لوجود مساحات كافيه للوقوف
وماشفت اي عرقله للمرور مثل الي اشاهده بعد الانتقال للمبنى الجديد
وانت جاي من اتجاه الغرب الحركه داخل النفق متوقفه السيد واصل لين سوق العلي
الي اشارات محطة بترول المرخيه
وشي ثاني الناس توقف الجهه المقابله لمبنى المرور وتعبر الشارع مشي
الله يستر كم روح سوف تزهق في هذالشارع
وبعد مشوهين منظر الشارع بوضع الحواجز جهه حاطين حواجز حديد وجهه ثانيه حاطين اقماع بلاستيك مابقي الا يحطون حواجز الشركات
مكان المرور الحالي غلط

شبح الصمت

17-06-2013, 06:55 PM

http://www.qatarshares.com/vb/attachment.php?attachmentid=83762&stc=1&d=1371457051

المدخل من خلف بناية كهرماء اللي جنب دوار المرخية, بعد أن يحولوه الى طريق بأتجاه واحد, والخروج من الشمال عن طريق الشارع الحالي بعد بناية المرور

http://i.imgur.com/6vfqew1.jpg

حد يقولي ليش ماتستغل المساحه اللي قدام المركز بعمل طريق جانبي؟!!

على الاقل يمتد المخرج اللي جاي من دوار الجوازات ويمر من قدام المرور..

بس الظاهر من الصوره ان الانترلوك اهم...

شفيكم في مواقف تحت بالهبل ومصاعد بس الناس للحين مافهت شالسالفه لان مافي لوحات ارشاديه مساكين يوقفون سياراتهم بعيد ويروحون للمبنى مشي لانهم مايدرون ان في مواقف تحت

العتب على ادارة المرور المفروض يحطون لوحات توضح المداخل والمخارج

كل المداخل والمخارج للسيارات خطاء في خطاء .. مع كل احترامي للمصمم

((ضيق المدخل الارضي تحت الارض))

((ملاحظة مدخل المواقف الارضية اتحداكم سيارتين يدخلون مع بعض صوب الفة من فوق او نهاية النفق تحت))

عن تجربة شخصية

:weeping:

اولا جزاهم الله خير على سرعتهم في انجاز المعاملات
بس لاحظت شيئين

١. مداخل المراجعين مب السيارات من الامام وما فيه من الخلف..
٢. كل اللي يطبعون موجوين خلف المبنى واذا بغيت تصور سالفة.. يا ليت لو يفتحون مكاتب تصوير وطباعة داخل المبنى

محتاج تطوير اكثر

اخوي حسن قبل الانتقال بفتره في موضوع الاخ من غير البشر طرحت سؤال
لمدير المرور الاخ بوسعد عن هذه النقطه
كان رده انهم عملوالترتيبات الازمه للمواقف وانا كا سؤالي له عن الزحمه
الي بتصير مقابل المرور وداخل المنطقه من ناحية الجنوب والسكان قاموا يشتكون
رد ان الترتيبات والحلول موجوده
المكان القديم مكانه ماسب جدا لوجود مساحات كافيه للوقوف
وماشفت اي عرقله للمرور مثل الي اشاهده بعد الانتقال للمبنى الجديد
وانت جاي من اتجاه الغرب الحركه داخل النفق متوقفه السيد واصل لين سوق العلي
الي اشارات محطة بترول المرخيه
وشي ثاني الناس توقف الجهه المقابله لمبنى المرور وتعبر الشارع مشي
الله يستر كم روح سوف تزهق في هذالشارع
وبعد مشوهين منظر الشارع بوضع الحواجز جهه حاطين حواجز حديد وجهه ثانيه حاطين اقماع بلاستيك مابقي الا يحطون حواجز الشركات
مكان المرور الحالي غلط

بيض الله وجيهكم اخواني وخواتي ..

الزعفراني

17-06-2013, 07:48 PM

الصراحة المبنى تحفه .. انا يوم جيتهم .. بغيت احجز سويت عبالي فندق :)

شبح الصمت

17-06-2013, 07:58 PM

الصراحة المبنى تحفه .. انا يوم جيتهم .. بغيت احجز سويت عبالي فندق :)

يعني لو في سجن صغير راح يكون فايف استار !!

حق المتجاوزين والمخالفين يعني بيفتلون :secret:

Right

17-06-2013, 08:06 PM

شكله من الخارج حلو و تراثي

لكن موقع إنشاءه غير مناسب جداً

وكان الأفضل إنشاءه خارج حدود الدوحة

شبح الصمت

17-06-2013, 08:08 PM

شكله من الخارج حلو و تراثي

لكن موقع إنشاءه غير مناسب جداً

وكان الأفضل إنشاءه خارج حدود الدوحة

صراحة كان الافضل خارج حدود الدوحة

كلام منطقي وترى الدوحة كل مكان نقدر نوصل له ومهب بعيد قبل اي الحين كل شيء مسهل لنا

شيخ الديرة

17-06-2013, 08:18 PM

http://www.qatarshares.com/vb/attachment.php?attachmentid=83762&stc=1&d=1371457051

المدخل من خلف بناية كهرماء اللي جنب دوار المرخية, بعد أن يحولوه الى طريق بأتجاه واحد, والخروج من الشمال عن طريق الشارع الحالي بعد بناية المرور

هذا أقتراحي لخطة المرور المفضلة, وليس الطريق الحالي, أرجو الملاحظة.

" Snake "

18-06-2013, 12:24 AM

في عندي سؤال ياجماعه
الحين بعد مانقلوا الى المبنى الجديد
هل دوامهم لحد الان 24 ساعه ؟
بخصوص تجديد الاستماره ونقل الملكيه والتسجيل ؟

شبح الصمت

18-06-2013, 08:56 AM

سؤال هل تم اشعار الجمهور انه تم انتقال المبنى من القديم إلى الجديد ..

مطراش هل ارسل لكم

أوريدوا هل قامت باشعار كل مشاركينها !!

ترى ادارة المرور ادارة مهمة مش اي منبى عادي والا ادارة عادية .. !!

شبح الصمت

30-06-2013, 09:02 AM

كنت اتمنى اشوف مبنى المرور والجوازات مع بعض في نفس المبنى الجديد ولكن في مكان اوسع واشرح ..

ويسمونه مبنى الجوازات والمرور الرئيسي

عايش فرحان

30-06-2013, 09:31 AM

مكانه مب مناسب ..

اقترح يسوون مبنى جديد في مكان سهل الوصول اليه و مافيه زحمة وضيقة ..

و تخصيص المبنى الحالي لادارات مافيها مراجعين .. مثل البحث الجنائي .. الانتربول ..الخ

شبح الصمت

30-06-2013, 10:32 AM

مكانه مب مناسب ..

اقترح يسوون مبنى جديد في مكان سهل الوصول اليه و مافيه زحمة وضيقة ..

و تخصيص المبنى الحالي لادارات مافيها مراجعين .. مثل البحث الجنائي .. الانتربول ..الخ

صحيح مكانه مش مناسب

RE-Qatar

30-06-2013, 10:54 AM

في عندي سؤال ياجماعه
الحين بعد مانقلوا الى المبنى الجديد
هل دوامهم لحد الان 24 ساعه ؟
بخصوص تجديد الاستماره ونقل الملكيه والتسجيل ؟

حالياً دوامهم من 6 الصبح إلى 7 مساءً في المبنى الجديد
ومن 6 الصبح إلى 11:30 مساءً في المبنى القديم الملحق الخارجي بجانب المظلة

حسن

30-06-2013, 11:01 AM

توني جاي فرش ياشبح اول مره ادخله الصراحه مبني جبار وهناك مواقف كثير وفيها عيب بسيط الدخول
المبني ماعليه كلام بس للاسف كان اختيار الموقع غير مناسب

دخلنا كانك داش في محيط بعد الخليج ماتعرف من رفيجك
رحت لكونر الدائري وكان المدير موجود وهو بنفسه يخلص المعامله وكان عليه طابور من جميع الجنسيات والضباظ اللي حوليه قليل من يروحلهم البعض يشوف الطابور الطويل ويصف يحتاج صف ضابظ
يرشدهم وياريت يكونون بزي معين مثل دريس الخاكي وغتر وعقل
المهم وصلت له وخلص المعامله وماقصر بس فعلا شي يفرح ان تشوف المدير في ارض الواقع ونتمنى زياده هذه الظاهره لتوصل على مستوى الوكلاء والوزراء هذا واجبهم ووظيفتهم