تحذير من محل دعاية وإعلان

[Dmy Enabi]

الشاهد الله إن اكتب هالموضوع للتحذير فقط ،وإني صاحبة حق

الموضوع في شركة دعاية وإعلان طلبت منهم يسوون لي لوحة للمحل ، طبعا التصميم جاهز بس عليهم التنفيذ

سويت إجراءاتي كالمعتاد واتفقت معاه على مبلغ 9000 ، وعطيته مقدم 5000 ، المهم الريال كان أول الأيام ملتزم ويجيني ، مع إنه مواعيده مش مضبوطة ،بعدين صار يماطل يعني يقول بجيك 4 يجي 7 عادي ،وساعات يعتذر في اللحظة الأخيرة
وتميت تقريبا أراكض وراه ، وعقب اتصل فيني وقالي عطيني ألفين عشان لازم أأجر كرين ، قلت له عندك مقدم قال لا محتاج ، وأعترف إني غلطت وعطيته ،وبدون وصل للأسف
المهم بعدها الريال أتصل له ، أطرش له مسجات مافي فايدة وهو أبد ساحب علي من قلب

حاولت أتصل عالمكتب رد علي مصري وقالي إيه احنا عارفين الموضوع ،وفلان مريض مايرد تعبان بس اللوحة بتركب بعد يومين
تعوذت من الشيطان وحسيت إني ظلمت الريال ، ونطرت اليومين وال3 والعشرة وهو لا اتصال ولاشي ، ونفس الشي أتصل في المصري مايرد ، المكتب مايرد ، والسوري بعد مايرد

فكرت أدور مكتبهم لأانه هو جاني من طرف شخص ثاني ، دخت ال7 دوخات ، لين مالقيت المكتب في داعوس
يوم رحت لقيت المكتب مسكر ،قالي السكيورتي المكتب متكنسل

ياجماعة تخيلوا متعطلة عن شغلي ومتأخره في أموري ، وهو ولا مفتكر

متعطلة صار لي شهرين آخر خطوة سويتها بعد ما يأست قدمت عليه شكوى في النيابة العامة



زبدة الموضوع هو مكتب دعاية وإعلان يشتغلون فيه 2 واحد مصري وواحد لبناني ، ماقدر أذكر أسماء معينة

بس أطلب منكم تنتبهون إذا تبون تسوون أي شغل لازم تروحون وتتأكدون إنه في مكتب أصلا

لأن الحرامية والنصابين كثروا ومالقوا حد يردعهم

تحياتي

[بن غيث]

معوضين ان شاء الله

فعﻻ يجب التأكد من اﻻشخاص الذين سوف نتعامل معهم

لكن .. يجب محاسبة الطرف الاخر الذي اوصلك اليهم

[Dmy Enabi]

معوضين ان شاء الله

فعﻻ يجب التأكد من اﻻشخاص الذين سوف نتعامل معهم

لكن .. يجب محاسبة الطرف الاخر الذي اوصلك اليهم

والله يابن غيث الطرف الآخر ثقة ،بس شكله ماعرفهم ، لأني يوم قلت له انصدم ،وتم يتعذر
الحمدلله بس شي مهم تعلمته ،إذا حد قصكم عليكم ،لاتسكتون وتقولون الله بيعوضني ، هو صح بس لازم نتخذ إجراء فعلي ، لأن هذيلا يتمادون وينصبون على غيري

[abdulla999]

اكثر الشركات في قطر ماعندهم مكاتب بس اسم انا تعاملت معاهم وشفتهم

[رحال الدوحه]

الشاهد الله إن اكتب هالموضوع للتحذير فقط ،وإني صاحبة حق

الموضوع في شركة دعاية وإعلان طلبت منهم يسوون لي لوحة للمحل ، طبعا التصميم جاهز بس عليهم التنفيذ

سويت إجراءاتي كالمعتاد واتفقت معاه على مبلغ 9000 ، وعطيته مقدم 5000 ، المهم الريال كان أول الأيام ملتزم ويجيني ، مع إنه مواعيده مش مضبوطة ،بعدين صار يماطل يعني يقول بجيك 4 يجي 7 عادي ،وساعات يعتذر في اللحظة الأخيرة
وتميت تقريبا أراكض وراه ، وعقب اتصل فيني وقالي عطيني ألفين عشان لازم أأجر كرين ، قلت له عندك مقدم قال لا محتاج ، وأعترف إني غلطت وعطيته ،وبدون وصل للأسف
المهم بعدها الريال أتصل له ، أطرش له مسجات مافي فايدة وهو أبد ساحب علي من قلب

حاولت أتصل عالمكتب رد علي مصري وقالي إيه احنا عارفين الموضوع ،وفلان مريض مايرد تعبان بس اللوحة بتركب بعد يومين
تعوذت من الشيطان وحسيت إني ظلمت الريال ، ونطرت اليومين وال3 والعشرة وهو لا اتصال ولاشي ، ونفس الشي أتصل في المصري مايرد ، المكتب مايرد ، والسوري بعد مايرد

فكرت أدور مكتبهم لأانه هو جاني من طرف شخص ثاني ، دخت ال7 دوخات ، لين مالقيت المكتب في داعوس
يوم رحت لقيت المكتب مسكر ،قالي السكيورتي المكتب متكنسل

ياجماعة تخيلوا متعطلة عن شغلي ومتأخره في أموري ، وهو ولا مفتكر

متعطلة صار لي شهرين آخر خطوة سويتها بعد ما يأست قدمت عليه شكوى في النيابة العامة



زبدة الموضوع هو مكتب دعاية وإعلان يشتغلون فيه 2 واحد مصري وواحد لبناني ، ماقدر أذكر أسماء معينة

بس أطلب منكم تنتبهون إذا تبون تسوون أي شغل لازم تروحون وتتأكدون إنه في مكتب أصلا

لأن الحرامية والنصابين كثروا ومالقوا حد يردعهم

تحياتي


السلام عليكم ورحمة الله وبركاته ،،

حسبي الله ونعم الوكيل وربي يعوضج كل خير اختي ويوفقج
وتشكرين عالنصيحه وزين سويتي انج اشتكيتي والشكوى لله .

وأذكر اختي الغاليه قلت لج اي شئ تأمرين عليه انا حاضر لج
وما يردج الا لسانج عسى ربي يسلمج ويسلم الجميع

أخوكم : رحال الدوحه

[S.T.Y.L.E]

حسبيالله ونعم الوكيل فيهم
والله يعوضج خير يارب

انا كنت اشتغل في هيئة حكوميه وفي مجال اللوحات خصيصا
ياني شفت بلاوي ، كل يوم احط شركة فالقائمة اللي مانتعامل معاها ، والسبب عدم التزامها وكذا
قمنا نتعامل مع الشركات اللي صار لهم فترة ، غير السيفي مالهم وغير ان نتاكد من مكانهم
طبعا السعر اغلى حبتين لكن افضل من التاخير والكواليتي الرخيص

[Dmy Enabi]

آخر التطورات الريال طرش لي اللوحة مع العمال ،وآنا طردتهم وخليته ياخذ اللوحة ، وعقب عرفت إن السبب النيابة مكلمينه

شعقبه وليش مب من الأول

آنا ارتبطت مع شركة ثانية ودفعت لهم مقدم خلاص
والريال حرق جوالي وانا أبد " عمك أصمخ "

كما تدين تدان

تحياتي

[kmk]

خخخخخ كفؤ وو عليج طنشيه لا بارك الله فيه المفروض هلشكاال الحراميه يذلفونهم من البلد بأجر بين بينصبون على غير وهكذا.

[بوحارب]

آخر التطورات الريال طرش لي اللوحة مع العمال ،وآنا طردتهم وخليته ياخذ اللوحة ، وعقب عرفت إن السبب النيابة مكلمينه

شعقبه وليش مب من الأول

آنا ارتبطت مع شركة ثانية ودفعت لهم مقدم خلاص
والريال حرق جوالي وانا أبد " عمك أصمخ "

كما تدين تدان

تحياتي
عدل شغلج

[الدبلوماسي]

آخر التطورات الريال طرش لي اللوحة مع العمال ،وآنا طردتهم وخليته ياخذ اللوحة ، وعقب عرفت إن السبب النيابة مكلمينه

شعقبه وليش مب من الأول

آنا ارتبطت مع شركة ثانية ودفعت لهم مقدم خلاص
والريال حرق جوالي وانا أبد " عمك أصمخ "

كما تدين تدان

تحياتي

زين سويتي كفوو والله
هالاشكال حتى لو الواحد يخسر فلوس ووقت بس لازم يتادبون هالنصابين والبلاد تنظف منهم باي طريقه ولو قدرتي توكلين محامي يسنعهم وكلي وطلبي تعويض بعد

[الصغيره]

لا تسكت عن حقك طالب فيه

الصراحه شايفينا ايش هم كنا ملاقين الفلوس بجيوبنا بدون تعب او كنا بس من اجل ربحهم وتجارتهم

ماينسكت عليهم ولابد يعرفون اننا مش يلعب علينا

الله ياخذ الحق وينصرك عليهم

[king fish]

في جنسيات متخصصه في النصب والكذب للاسف