كيف يمكن التغلب على الخوف لدى الأطفال .؟

[بصمة قطرية]

بسم الله الرحمن الرحيم
السلام عليكم و رحمة الله و بركاته



الخوف عند الأطفال نتوقع حدوثه ..
بس الأغلب في أسباب للخوف بالذات لما يكون الطقل طبيعي
و فجأة يبدا يخاف ..!!!

طفلي عمره سبع سنين
كان جداً جريء الله يحفظه و ما يخاف
يروح لغرفته بنفسه و ينام
يروح أي مكان في البيت عادي بدون أي خوف ..
صار له كم يوم يخاف بشكل غير طبيعي ..
مستحيل يخطي خطوة في البيت بدون لا يكون حد معاه
و لما أسأله ليش تخاف ..!!
يقول أخواني يقولون لي بيطلع لك جني :rolleyes2:
حاولت أزيح عنه هالمخاوف
و أشيل الخوف من قلبه
للأسف فشلت ..!!
مب عارفة شلون أشيل الخوف من داخله
الولد ينام عندي حتى غرفته يخاف ينام فيها
يخاف أخوانه يخرعونه
و يقول لي قالوا لي كذا
و يكونون ما قالوا له
بس عشان يكون معاي
مساعه قلت بحاول أقوي قلبه شوي
حاولت أطرشه الغرفة الثانية يجيب لي شغلة
الليت كان والع و الغرفة قريبة
قلت له حبيبي قول بسم الله و إقرأ قرآن
الحمدلله ما عندنا شي في البيت
إنت تشوف جني قال لي لاا ..
قلت له إذا ما رحت خلاص بتنام عند أخوانك ما راح تنام عندي
بقفل باب الغرفة ..
تم واقف برع عند الباب ..!!
فعلاً قفلت الباب و قلت له ما راح أفتح
دقايق و فتحت الباب لقيته ميت صياح
قطع قلبي فديته :weeping:
بصراحة عجزت مب عارفة شسوي
خوفه يوم عن يوم يزيد ..
حتى الخدامة تقول لي ما ينزل تحت بروحه
و لا يطلع فوق بروحه لازم حد معاه
حتى الحمام الله يكرمكم لازم توقف الخدامة عند الباب ..

شالحل ..!!
قلبي معورني عليه فديته
كان جداً جريء و ما يخاف .. :(

[كنترول]

لا تضغطين عليه خليه على راحته لكبر بيرجع طبيعي

[بوغزلان28]

السلام عليكم ورحمة الله وبركاته .... اختي بصمه قطرية

الله يحفظ لج عيالج يا رب من كل مكرووه

بس بقولج هالخوووف في له اكثر من طريقه عشان اتخلينه يروح عن ولدج

يعني مثلا قالج لا اخاف بيطلع لي جني ... قولي له يالله قوم معاي راوني الجني وروحي وقوليله وينه !

انا عندي بنتي نفس عمر ولدج ولا تعرف الخوووف مشالله عليها لدرجه تطلع فوق سلم الالمونيوم اعلى شي وتقعد اتناقز ولا تخاف مثلا لو قلت لها حاسبي , بس مره بنت اخوي قالت لها ترا بيتكم فيه جني وانا شفته صوب دريشة غرفتج ولا تنامين بروحج بياخذج ومن هالكلام !

اشوف بنتي تغير وضعها يا يبه ابي انام معاك
ليش خير عسى ماشر عقب قالت لي القصه قلت لها يبه انتي حافظه قران اقري المعوذات ونامي واتعرفين اليهال لين الحين ما يصدقون انه لو قرو القران ببعد هالمخاوف عنهم ,, قمت ورقدت معاها يومين وعقبها اهيه قامت اتعاير بنت اخوي انها كذابه ومافي شي من هالكلام !!

النصيحه خلي الولد يطلع مع ابوووه او مع عمامه ولا تخلينه دوم بالبيت لانه بستوحش المكان عقب

[ام السعف]

خوسيه مرة وحدة صار يخاف مع انه خواف بطبعه بسبب تأثيرات نفسية تولدت فيه
وهو في بطني بسبة الحادث اللي تعرضت له وهو في بطني ،،
بس لما وصل 7 سنين بدى يخاف بشكل كبير ويخاف ينام والليتات مطفية،،

ويخاف ينام بروحه وقام كله ينام عندي وكنت اطلب منه يقرى المعوذات
وادعية ما قبل النوم فصارحني يوم وقال لي انا اذا قريت المعوذات
احلم احلام مب زينة فالاحسن اني ما اقرى :(

فكان يتنجنب يقرى المعوذات قبل ما ينام ،، وفي كل مرة يقراها
ايأكد لي انه يحلم احلام مب زينة ،،
فقلت له هذاني اقرى مثلك لكني ما اشوف احلام مب زينة
انت شل الفكرة من بالك وما بتحلم احلام مب زينة ،،
وكانت احلامه تخوف بصراحة كوابيس على مستوى الدولة :secret:

خوفه من انه ينام في غرفته كان له سبب وهو ان اخوه الاكبر منه بسنيين
يمكن عشر سنين يهاوشه اذا اصدر ادناة صوت في الغرفة
فتولد عنده خوف من الغرفة اللي هو فيها ،،

فبعض الاطفال يتولد الخوف عندهم من ولا شي او من مزحة من اخوانهم لهم
بشكل عام لا تعطينه ويه وايد ولا تركزين على نقطة خوفه
ولا تعيرينه اهتمام ،، واي مكان بتطرشينه روحي معاه
او طرشي حد وياه فترة وعقب اطلبي منه يروح بنفسه ،،

حاولي تطلبين اشياء وتقولين من البطل اللي بيروح اييبه لي
من الغرفة الفلانية او الطابق الفوقي او .. او ... او..
وحاولي دايما انج تطلبين منه وانتي تضخمين من فعله لو سواه
بانه بطل او انه شجاع و .. و ...

ودايما رديي عليه ولدي ريال ما يخاف من شي
ولدي يخوف الاشياء ويقهرها ،،

فترة وخوفه بينتهي وبتلقينه يمارس نفس اللعبة على اللي اصغر منه
ويخوفهم بدم بارد :(

[قطريه22]

فديته الله يحفظه يوم قلتي صاح كنت باصيح
مادري اشفيني صايره حساسه:eek3:

الخوف شيء عادي للاطفال بس لاتهملين هالشيء
وانا من رايي ام السعف سوي الي قالت لج عليه
وكلمي اخوانه مايخوفونه

[بصمة قطرية]

لا تضغطين عليه خليه على راحته لكبر بيرجع طبيعي

ما يصير أتركه
ممكن هالشي يكبر معاه ...!!!
مشكلة فجأة صارت
لازم تتعالج ..

[بصمة قطرية]

السلام عليكم ورحمة الله وبركاته .... اختي بصمه قطرية

الله يحفظ لج عيالج يا رب من كل مكرووه

بس بقولج هالخوووف في له اكثر من طريقه عشان اتخلينه يروح عن ولدج

يعني مثلا قالج لا اخاف بيطلع لي جني ... قولي له يالله قوم معاي راوني الجني وروحي وقوليله وينه !

انا عندي بنتي نفس عمر ولدج ولا تعرف الخوووف مشالله عليها لدرجه تطلع فوق سلم الالمونيوم اعلى شي وتقعد اتناقز ولا تخاف مثلا لو قلت لها حاسبي , بس مره بنت اخوي قالت لها ترا بيتكم فيه جني وانا شفته صوب دريشة غرفتج ولا تنامين بروحج بياخذج ومن هالكلام !

اشوف بنتي تغير وضعها يا يبه ابي انام معاك
ليش خير عسى ماشر عقب قالت لي القصه قلت لها يبه انتي حافظه قران اقري المعوذات ونامي واتعرفين اليهال لين الحين ما يصدقون انه لو قرو القران ببعد هالمخاوف عنهم ,, قمت ورقدت معاها يومين وعقبها اهيه قامت اتعاير بنت اخوي انها كذابه ومافي شي من هالكلام !!

النصيحه خلي الولد يطلع مع ابوووه او مع عمامه ولا تخلينه دوم بالبيت لانه بستوحش المكان عقب

و عليكم السلام والرحمة
آمين يارب
و يحفظ لك غاليك ..
حاولت إني أطبق هالشي معاه
ما في فايدة الولد متروع
وديته الغرفة و لفيت معاه في كل البيت
قلت له حبيبي إحنا نصلي ونقرا القرآن الجني ما يطلع لنا
و كله نحط قرآن في البيت
شوف محد يخاف لأن بيتنا ما فيه شي ..
:(
أخليه يقرا قرآن
أشوف الخوف في عيونه ..

[alsoq]

بالعكس لا تخلين الخوف يكبر معه

المواجهة افضل شي

[دستور]

السباحة والرماية وركوب الخيل

[العلم]

الله يعينج ..


المشكلة انهم خوفوه بشيء يصير صج ..

[Locale]

اختي حليوه في صف السادس والسنه الجايه اول اعدادي
لو تشوفين شلون تخاف اتقولين هذي يبيلها علاج نفسي
ماظن اي احد فيهالدنيا مثلها
لكني اعرف سبب خوفها وايد تولعت اتشوف المحقق كونان في اليتيوب ولازالت
واخبر مره كنت اشوف انا وخواتي مقطع فاليتيوب شيخ يقرى على شخص وتكلم اللي فيه
وماكنا ندري انها حذانا عقب نبي نرقع قلنا اللي مايصلي يصير فيه جذي
صلاتها ماشاء الله من احسن مايكون بوقتها تصلي من ايأذن قبلنا كلنا تصلي
لكن الخوف عندها غير طبيعي
مب بس اهي الخوف احسه بالوراثه عندنا كلنا من امي واخواني وخواتي وايد انخاف واحس ان ولدي بو ثلاث سنين فيه هالشي

[<اضرب واشرد>]

اختي أنتي قلتي السبب ( اخوانه يخرعونه )

سكتيهم ، فهميهم ، علميهم ، وإن ماعقلوا عاقبيهم

وجمعيهم كلهم وعطيهم دروس في الايمان بالله والتوكل على الله وكيف أن الشياطين ضعيفة أمام المؤمن وتخاف منه وتموت خوف وأنها ماتقدر تأذيه خير شر وأنها ماتقرب صوبه ، ولا بأس في هالعمر من شوية ( خرط ) مثلا قولي له المسلم الشيطان يخاف يقرب صوبه لأنه إذا قرب صوبه ( يحترق ) ، فـ بيوت المسلمين اللي فيها ذكر الله والقران مايكون فيها شياطين أبدا .. لأنهم اذا قربوا منهم يحترقون ويموتون

قولي له الجن مخلوقات ضعيفة جدا مثل الحشرات

[المهاجر]

الله يحفظه ويبعد عنه كل مكروه

اول شي اختي بصمه انتي غلطتي في تصرفج معاه انج تجبرينه انه يروح

الغرفه بروحه وتهددينه انج بتقفلين الباب وفعلاً نفذتي تهديدج

وهذا يزيد الخوف عنده وما يشجعه ابد

اللي عليج تسوينه اول شي انج ترقينه كل يوم بدون ما تحسسينه ان فيه شي

وبعدين ماتكلمينه عن الجن ابد ولا تجيبين طاريهم وتحاولين تبعدين عنه

التفكير فيهم

واللي تسوينه انج تاخذينه الغرفه اللي يخاف منها بدون ما تقولين له اي شي

عن الجن وان ما فيها جن وان هالشي مش موجود


ابيج تقولين له احس هالغرفه احسن من غرفتي وابي انام فيها لانها حلوه

وتاخذينه معاج تنامون فيها انتي وهو بروحكم

وتقعدين تسولفين معاه وتقولين له قصص حلوه مرحه

وتقعدين تمدحين في الغرفه وانج كنتي كله تنامين فيها بروحج وانها احسن غرفه بالبيت

وقبل ماينام تاخذينه مثلاً المطبخ تجيبون اي شي من هناك ودايماً تمدحينه

وتقولين له انت البطل القوي الكبير ومن هالكلام اللي يشجعه

اهم شي ما تجيبين طاري الجن ابد جدامه ولا تخلينه يحط في باله

وجودهم وان لازم يقرا قرآن عشان يروحون لان هالشي يخليه يتوهم

انهم موجودين وانهم بيطلعون له

واخوانه تنبهين عليهم وتحذرينهم ما يتكلمون جدامه بهالامور ولا يخوفونه

وهذا التنبيه يكون بينج وبينهم مب جدامه

وان شاء الله فتره ويرجع طبيعي وماعليه شر والله يحفظه

[الزعفراني]

السؤال


السلام عليكم ورحمة الله وبركاته، وبعد:

لدي طفل عمره 7 سنوات، وهو يخاف أن ينام بمفرده ليلاً، مع العلم أننا نمنعه من مشاهدة مناظر العنف والشر الموجودة في البرامج التلفزيونية، ونقرأ له القرآن قبل أن ينام، ومع ذلك فهو لا ينام بمفره أبداً، ولو قسونا عليه فإنه يظل يبكي طيلة الليل ويرفع صوته بالبكاء، فما الحل؟!

وجزاكم الله كل خير.


فالأطفال أحياناً لظروف معينة في البيت أو نوع من التعود أو التطبع يكون الطفل مقترن جداً بوالديه أحدهما أو كليهما، وهذا يجعله يطالب دائماً بهذه الرفقة ويخاف إذا افتقد هذه الرفقة، وخاصةً ليلاً.

وهذا الطفل في عمر سبع سنوات يستوعب، فيجب أن يشرح له ما هو الخوف، ويجب أن تحكى له بعض القصص عن الأبطال والشجعان وعن الفرسان الذين كانوا يذهبون في الظلام وخلافه، فهذا إن شاء الله سوف يقرب إلى ذهنه أن الخوف ليس من السمات التي يجب أن يتحلى بها الإنسان.

ثانياً: أرجو أن يشجع الطفل على أن تبنى شخصيته وتكون بصفة جيدة، وذلك بأن نعطيه بعض المهام وبأن نشعره أنه فعال في الأسرة وأن نستشيره حتى في بعض الأمور الأسرية، ولا بد أن يتعلم أن يرتب وينظم ملابسه ويهتم بهندامه وكتبه، فهذه آليات مهمة جداً لبناء الشخصية، وحين تبنى الشخصية يقل الخوف أياً كان نوعه.

والشيء الثالث هو أن تتدرجوا معه لإزالة الخوف، فأثناء النهار اطلبوا منه أن يظل في الغرفة وحده لفترة نصف ساعة مثلاً، ثم بعد ذلك يمكن أن يشجع بكلمة طيبة أو يعطى هدية بسيطة وهكذا، وبعد ذلك يترك في الغرفة ليلاً وحده مع وجود ضوء خافت وتكونون أنتم على سبيل المثال جالسين في الصالة وخلافه، وهو يعرف أن الهدف من بقائه هو العلاج، يعني لا بد أن يوضح له ويقال له أنك أنت ممتاز وشجاع، ولكن حتى نزيل هذا الخوف لا بد أن نطبق هذه الطرق حتى تساعدك.

وأعتقد أن الطفل ربما يحتج ويستنكر إذا ترك وحده، ولكن سوف يتعود إن شاء الله، أي تكون هناك مقدمات تمهيدية، وهي الآليات التي ذكرتها لك، وبعد ذلك يترك وينام وحده حتى لو صرخ وبكى واحتج، فهذا الاحتجاج إن شاء الله سوف يختفي بعد مرتين أو ثلاث.

لكن المهم أن تكون عواطفكم قوية وثابتة وأن لا تستكينوا لصرخات الطفل وبكائه فهذا أمر تربوي ضروري جداً، كما أن المعاملة من جانب الأم ومن جانب شخصك الكريم لا بد أن تكون واحدة، أي أن يكون التطبيق السلوكي منسجماً، وسوف يكون من الخطأ أن ينتهج أحدكما منهج الشدة والآخر منهج اللين، فهذا يؤدي إلى إخفاقات كثيرة في تكوين الشخصية لدى الطفل، كما أنه سوف يستغل هذا الموقف.

ومن الآليات السلوكية أيضاً هي أن يقال له أنك سوف تُعطى نجوما - وهذه النجوم هي نوع من المكافآت - إذا نمت وحدك هذه الليلة، وسوف تعطى على سبيل المثال أربع نجوم، وتوضع هذه النجوم في غرفته، وإذا بكيت سوف نسحب منك نجمة أو نجمتين، ويكون هنالك اتفاق معه أنها في نهاية الأسبوع سوف تستبدل هذه النجوم حسب عددها وحجمها بهدية بسيطة من الأشياء التي يحبها، فهذه التمارين السلوكية أيضاً ناجحة وفعالة.

كما يمكن أيضاً الاستفادة من إخوانه إذا كان لديه إخوان، فيمكن أن ينام أحد إخوانه معه، فهذا أيضاً يساعد، وإن لم يوجد من ينام معه، يمكن أن تعطى أمثلة عن طريق الأطفال الذين يعرفهم، قولوا له الطفل فلان الفلاني وسموه باسمه نعرف أنه ينام وحده منذ أن كان عمره أربع سنوات على سبيل المثال، وأكثروا من القصص له، القصص التي تخص الأطفال والقصص التي تحمل البطولة، وعموماً الخوف في الأطفال أمر محدود جداً، وينتهي في الكثير من الحالات بانتهاء المرحلة العمرية المعينة، إذاً هو أمر مكتسب ، وسوف يختفي بتطبيق التمارين السلوكية السابقة الذكر إن شاء الله.

وبالله التوفيق.

http://consult.islamweb.net/consult/index.php?page=Details&id=265662

[ضوى]

الله يحفظ ولدج يااارب

ماشاء الله على اخوانه ليش يخرعونه ؟ بنتي دايما تسوي لاختها جذي كله تخرعها الوحش بيجي والوحش بيجيج ، صارت مسكينة اذا بنبدي ننام تقول مافي وش يعني وحش وتقعد تهاوشه وتقوله ماما اهني ماكاف يعني ماخاف ،
لازم الاخوان يتحاسبون لانه هالشي بيسبب لهم عقدة عقب ، بس الصراحة ماشوف احنا صادتنا عقد اهلنا كانوا يخرعونا بحمارة القايلة وام السعف وبو بلعه مدري وش هذا بعد لكن ماكنا نخاف ، مدري اشفيه جيل هالقوت يخاف من كل شي

الله يحفظ عيالنا يارب

[ام السعف]

الله يحفظ ولدج يااارب

ماشاء الله على اخوانه ليش يخرعونه ؟ بنتي دايما تسوي لاختها جذي كله تخرعها الوحش بيجي والوحش بيجيج ، صارت مسكينة اذا بنبدي ننام تقول مافي وش يعني وحش وتقعد تهاوشه وتقوله ماما اهني ماكاف يعني ماخاف ،
لازم الاخوان يتحاسبون لانه هالشي بيسبب لهم عقدة عقب ، بس الصراحة ماشوف احنا صادتنا عقد اهلنا كانوا يخرعونا بحمارة القايلة وام السعف وبو بلعه مدري وش هذا بعد لكن ماكنا نخاف ، مدري اشفيه جيل هالقوت يخاف من كل شي

الله يحفظ عيالنا يارب

:shy:

[ضوى]

:shy:

:shy::shy::shy:

[w.qatar]

ههههههههههه اختي قريت موضوعج تذكرت وحده من بنات عمي تقعد هي وعيالها ويفتحون يوتيوب و تخليهم يشوفون مقاطع الجن مع انهم صغار اكبرهم سادس ابتدائي

شوفي فهمي الولد ان الجن خلق من مخلوقات الله حالهم حالنا ما ياذون الا اللي ياذيهم حذريه لا ياذي قطاوة و لا كلاب لونهم اسود لان الجن يتلبس هالحيوانات و اقري له عن عمر بن الخطاب المشهور بان شياطين الجنّ كانت تخاف منه لشجاعته و قوته و تسلك طريقا غير الذي يسلكه
اشرحي له سوره الجن .. وان شاء الله يقوى قلبه وما يخاف

حفظية ايه الكرسي و قولي له قصة ابليس لما ظهر لابو بكر و نصحة الشيطان بان يقراها ولن يقربه شيطان

قال الرسول صلى الله عليه و سلم لابو بكر بعد ان كان يظهر له 3 ايام .. صدق و هو كذوب

[الأصيلة]

الخوف يزيل بالطرق العلاجية النفسية
المفروض اللي عندها طفل يخاف ماتهمله وتقول مع الوقت بيروح الخوف
بالعكس إلا يزيد وينقلب شيء ثاني ويتطور
اعرضوا عيالكم على معالجين استشاريين متخصصين
وبيسحبون الخوف منهم بطرقهم الخاصة
وبيعرفون السبب من خلال العلاج بخط الزمن...

[أبو راكان]

اختي غزلان لاتخافين
خوف ولدج طبيعي وكل عيالنا مروا بمثل هذي الظروف
حتى انا في طفولتي مريت بمثل هذي التجربة
مسألة وقت وبتنتهي المسألة
واذا انتي مستعجلة على علاجه ، انصحج تلهينه وتشغلينه بأي شغلة تطلعه من هذا الجو
هذي طاقة فكرية وبدنية مختزلة في ولدج حل محلها الخوف ، ولذلك عليج تفريغ هذي الطاقه ، على سبيل المثال تشركينه في نادي سباحة كورة قدم او اي هوايه رياضية يحبها ويفرغ طاقته فيها ، تلهينه بلعبة بلي ستيشن يحبها ويتعلق فيها بس ماتكون لعبة فيها حرب وعنف ، تطلعون معاه في سفرة ترفيهية .... الخ من الامور اللي تشغل ذهنه وبدنه ، وحاولي اذا شفتي حد من لعيال اللي يخوفونه انج تنبهينهم وتحذرينهم من التحدث في هذا الموضوع بتاتاً ، حتى انتي كل مافتح معاج هالموضوع ضيعي السالفة بأي موضوع ثاني بعيد كل البعد عن الخوف والجن والرعب حتى تبريراتج له والحديث بإنه لاوجود مما في مخيلته ، انتي تشوفينه صح لكن ولدج مايفقه ماتقولينه ، ولذلك ضيعي السالفة كل ماطرى عليج الموضوع

الله يحفظ لج عيالج ويبلغهم الدرجات العليا فالدنيا والاخرة

[ROSE]

اختي غزلان لاتخافين
خوف ولدج طبيعي وكل عيالنا مروا بمثل هذي الظروف
حتى انا في طفولتي مريت بمثل هذي التجربة
مسألة وقت وبتنتهي المسألة
واذا انتي مستعجلة على علاجه ، انصحج تلهينه وتشغلينه بأي شغلة تطلعه من هذا الجو
هذي طاقة فكرية وبدنية مختزلة في ولدج حل محلها الخوف ، ولذلك عليج تفريغ هذي الطاقه ، على سبيل المثال تشركينه في نادي سباحة كورة قدم او اي هوايه رياضية يحبها ويفرغ طاقته فيها ، تلهينه بلعبة بلي ستيشن يحبها ويتعلق فيها بس ماتكون لعبة فيها حرب وعنف ، تطلعون معاه في سفرة ترفيهية .... الخ من الامور اللي تشغل ذهنه وبدنه ، وحاولي اذا شفتي حد من لعيال اللي يخوفونه انج تنبهينهم وتحذرينهم من التحدث في هذا الموضوع بتاتاً ، حتى انتي كل مافتح معاج هالموضوع ضيعي السالفة بأي موضوع ثاني بعيد كل البعد عن الخوف والجن والرعب حتى تبريراتج له والحديث بإنه لاوجود مما في مخيلته ، انتي تشوفينه صح لكن ولدج مايفقه ماتقولينه ، ولذلك ضيعي السالفة كل ماطرى عليج الموضوع

الله يحفظ لج عيالج ويبلغهم الدرجات العليا فالدنيا والاخرة

اتفق 100% مع هالراي

اشغليه ولا تجيبين له طاري نهائيا


ولدي مر بنفس الحالة سبحان الله

كان ماشاء الله يناطط فوق الطوف والشجر والله كنت اخاف عليه ساعات ادور عليه احصله في الحوطه يلاحق الغنم والتيوس وصغير كان هههههههه فديته

وفجأه انقلب حاله وصار يخاف بالاول كنت مثلج محتاره واصيح وبعدها بديت اشغله سجلته في نادي وتعرف على يهال مثله بالاول كان متردد يندمج وياهم وخاصة ان النطق عنده تاخر وايد وهذي كانت مشكله ثانيه بالنسبة له بس بعدها ولله الحمد تحسن بشكل ملحوظ الكل كان يقول لي ولدج فيه يني ومايتكلم وفيه وفيه وانا ولا افتكرت فيهم

وغير اني شريت له العاب ذكاء شغل نفسه فيهم بعد ونسى سالفة اليني وابوه بعد

وراح ولله الحمد عنه الخوف