&& شعوركم واحساسكم عن ترك اول مكان فتحت عينك عليه ًً&&

[شبح الصمت]

السلام عليكم ورحمة الله وبركاته ،،

حي الله اخواني وخواتي ..

كلن منا رآح يهاجر إلى عشه الجديد قصدي بيته الجديد في المنطقة الجديدة ..

ما هو شعوركم عندما انتقلتم من الفريج الي تربيتم فيه إلى منطقة جديدة ..

هل الحنين للفريج القديم يجعلكم تمرون بين فترة وفترة وتودون عيالكم للمتزوجين وتقولون لهم هذه فريجنا هذه بيتنا هالمكان انا لعبت فيه هالمكان انا صار لي فيه موقف ..

ابي كل شخص يقولي شنو كان شعوره وهل انت وفي وتزور منطقكم والا نسيتها وعطيتها طاف !!!! :rolleyes2: ..

اتحفونا :shy:

[بريق الحق]

والله يازين اياام قبل وابشرك امر فريجنا القبلي واتم ربع ساعة وشريط الذكريات يمر قدامي
الحمدلله على كل حال وموعدنا فالجنة باذن الله

[ضوى]

السلام عليكم ورحمة الله وبركاته ،،

حي الله اخواني وخواتي ..

كلن منا رآح يهاجر إلى عشه الجديد قصدي بيته الجديد في المنطقة الجديدة ..

ما هو شعوركم عندما انتقلتم من الفريج الي تربيتم فيه إلى منطقة جديدة ..

هل الحنين للفريج القديم يجعلكم تمرون بين فترة وفترة وتودون عيالكم للمتزوجين وتقولون لهم هذه فريجنا هذه بيتنا هالمكان انا لعبت فيه هالمكان انا صار لي فيه موقف ..

ابي كل شخص يقولي شنو كان شعوره وهل انت وفي وتزور منطقكم والا نسيتها وعطيتها طاف !!!! :rolleyes2: ..

اتحفونا :shy:

لي تجارب في الانتقال من مكان لاخر

اول مرة انتقل فيها من بيتنا القيدم جدا في الرميلة إلى بيتنا الكبير بذاك الوقت في المنطقة الجديدة ، كان عمري 11 سنة كنت سعيدة جدا جدا ، لانه بيتنا كان صغير وكلنا بمكان واحد والغرف مفتوحة عالليوان فوجود فيلا اخرى كان انتقال من حال لحال ،
ثاني انتقال لي من بيتنا هذا إلة بيت الزوجية كان بيت واسع مريح ماحسيت الا بالشوق لاهلي ولمكاني طبعا خذت فترة لين اخرت عالبيت ،
ثالث انتقال من بيتي هذا لبيت اوسع شوي بعد كنت سعيدة لانه كان جنب بيت اهلي على طول وماحسيت باي شي غير عادي
رابع انتقال بيتي الجديد بيت العمر تعبت وايد في البداية لانه كان في منطقة بعيدة بذاك الوقت ومقطوعة وسنني لين تأقلمت وخذت عالجو العام

باعلمك بشي مشاعر الحنين ماتبين لصغير السن تبين لكبير السن مثلي ، يعني انا الحين اشتقت لمكاني الاولي امر عليه اشوفه مستوي بالارض قلبي يعورني احس بحنين غير طبيعي فريجنا وبيتنا وارضنا اللي نمت عليها ، اول ماتزوجت كنت اخذ جولة بالمكان واقول لزوجي شوف هنا كنت العب هذا الدكان صار كيت وكيت فيه ، هذا خياطنا ، هذا مسيد ابوي ، وللحين امر اقول ايييييييييييه ايام والله تخنقني العبرة لانه اكتشفت اجمل سنين الحياة هي الطفولة اللي كانت بهالفريج واللي كانت من احلى ايام عمري

[قطريه22]

انا لين الحين في بيت ابوي الله يرحمه
وان شاء الله يتم هالبيت طول العمر مفتوح ومايتغير

[بريق الحق]

ههه ماشاءالله ارميله اول بيت لنا

[ضوى]

ههه ماشاءالله ارميله اول بيت لنا

بس اكيد مب من الصحبة انت لاني ديناصورة :)

[شبح الصمت]

والله يازين اياام قبل وابشرك امر فريجنا القبلي واتم ربع ساعة وشريط الذكريات يمر قدامي
الحمدلله على كل حال وموعدنا فالجنة باذن الله


اللهم امين
موعدنا فالجنه يآرب
الفريج والذكريات والربع ياخي جيل الـ 70 احييكم جيلي عاد لاحدن ينبش في عمري المهم هالجيل جيل الطيبين والا به قصور على جيل الـ 80 لاجل ما يقولون شبح حطمنا :shy:


عاد جيل القبلين يا فديت قلوبهم جدودنا وآبهاتنا عمرنا الي كنا نشوف فيهم التعب والضحكة الله يرحمك يا يبه والله يرحم من مات من آباء وآمهات المسلمين ..




لي تجارب في الانتقال من مكان لاخر

اول مرة انتقل فيها من بيتنا القيدم جدا في الرميلة إلى بيتنا الكبير بذاك الوقت في المنطقة الجديدة ، كان عمري 11 سنة كنت سعيدة جدا جدا ، لانه بيتنا كان صغير وكلنا بمكان واحد والغرف مفتوحة عالليوان فوجود فيلا اخرى كان انتقال من حال لحال ،
ثاني انتقال لي من بيتنا هذا إلة بيت الزوجية كان بيت واسع مريح ماحسيت الا بالشوق لاهلي ولمكاني طبعا خذت فترة لين اخرت عالبيت ،
ثالث انتقال من بيتي هذا لبيت اوسع شوي بعد كنت سعيدة لانه كان جنب بيت اهلي على طول وماحسيت باي شي غير عادي
رابع انتقال بيتي الجديد بيت العمر تعبت وايد في البداية لانه كان في منطقة بعيدة بذاك الوقت ومقطوعة وسنني لين تأقلمت وخذت عالجو العام

باعلمك بشي مشاعر الحنين ماتبين لصغير السن تبين لكبير السن مثلي ، يعني انا الحين اشتقت لمكاني الاولي امر عليه اشوفه مستوي بالارض قلبي يعورني احس بحنين غير طبيعي فريجنا وبيتنا وارضنا اللي نمت عليها ، اول ماتزوجت كنت اخذ جولة بالمكان واقول لزوجي شوف هنا كنت العب هذا الدكان صار كيت وكيت فيه ، هذا خياطنا ، هذا مسيد ابوي ، وللحين امر اقول ايييييييييييه ايام والله تخنقني العبرة لانه اكتشفت اجمل سنين الحياة هي الطفولة اللي كانت بهالفريج واللي كانت من احلى ايام عمري



تصدقين جاني شعور وانا أقرا كلامج بغت تنزل دمعه بس لو مستمره اشوي انزلت من صجي والله ضوى ..
خلتيني اتذكر ذكرياتي وشطانتي كنت انسان مشاغب لابعد الحدود كان الفريج كل قطعة منه تقول هالانسان له موقف ..
ذكريات قديمه ما رآح ترجع الا بمخليتنا فقط
ربعنا القبلين جيل ما تغير جيل طيب جيل الخير فيه
الله يجمعنا وياكم في جناته الفردوس



انا لين الحين في بيت ابوي الله يرحمه
وان شاء الله يتم هالبيت طول العمر مفتوح ومايتغير



الله يرحمه ويرحم موتى المسلمين آجمعين ويجمعكم معه في جناته الفردوس
وإن شاء الله دوم عامر بذكر أهله الطيبين

[شبح الصمت]

ههه ماشاءالله ارميله اول بيت لنا




وين ارميله تمر شتذكر خلاص ارض فاضيه يمكن تضيع وين بيتكم بعد

:tease:
اقل شيء في فرجان تمر تشوف فيها شيء الحياه موجوده

:(

[نور الحور]

صياح في صياح :weeping:

أنا وايد ارتبط بالأماكن ..لدرجة أحاتي حتى قبل لا أطلع أو أنقل من المكان شلون بيكون شعوري وافتقادي له !

ولدرجة حتى المناطق القديمة اللي ما قط عشت فيها أحاتي شلون شعور أهلها !
أقول في نفسي هالبيت مثلا أكيد عاشوا فيه ناس ويهال وكانت لهم ذكريات فيه ولو يجونه اللحين بيتمون يصيحون ..
وأفكر إن هالبيت بالنسبة لي مبنى عادي لكن أكيد يسوى شي عند ناس ثانيين !
وأتم أصيح بعد!

[شبح الصمت]

صياح في صياح :weeping:

أنا وايد ارتبط بالأماكن ..لدرجة أحاتي حتى قبل لا أطلع أو أنقل من المكان شلون بيكون شعوري وافتقادي له !

ولدرجة حتى المناطق القديمة اللي ما قط عشت فيها أحاتي شلون شعور أهلها !
أقول في نفسي هالبيت مثلا أكيد عاشوا فيه ناس ويهال وكانت لهم ذكريات فيه ولو يجونه اللحين بيتمون يصيحون ..
وأفكر إن هالبيت بالنسبة لي مبنى عادي لكن أكيد يسوى شي عند ناس ثانيين !
وأتم أصيح بعد!




الذكريات عند البعض تتم موجودة وحاضره بس عند البعض تمحي .. والبعض يقول فكه واريح

[نور الحور]

الذكريات عند البعض تتم موجودة وحاضره بس عند البعض تمحي .. والبعض يقول فكه واريح


أعرف ناس يعيشون لحظتهم بس .. الماضي والشخوص والأماكن الماضية وحتى التجارب مالها عندهم أي اعتبار ..
أنا لو أشوف صورة لي في مكان أو سفرة معينة أحن له وأتذكر أحلى اللحظات فيه .. فشلون لو كان مكان عشت فيه او تربيت ..
والله إني بغيت أتهور مرة وأدق الجرس على بيت أهلي القديم اللي انولدت فيه .. ودي أشوفه وأقول للساكنين فيه إن كل شبر فيه يهمني ويذكرني بأيامي فيه حتى لو كان بالنسبة لهم مجرد بيت قديم ..:weeping:
زين جذي شبح ؟ هيضت أشجانا ومشاعرنا :weeping:

[شيوخه]

احساس يعور القلب صارلنا شهرين في الخور وخاطري أرد بيتنا القديم اشتقت حق وايد ذكريات وأيام حلوه عشناها في هالبيت :weeping:

[شبح الصمت]

أعرف ناس يعيشون لحظتهم بس .. الماضي والشخوص والأماكن الماضية وحتى التجارب مالها عندهم أي اعتبار ..
أنا لو أشوف صورة لي في مكان أو سفرة معينة أحن له وأتذكر أحلى اللحظات فيه .. فشلون لو كان مكان عشت فيه او تربيت ..
والله إني بغيت أتهور مرة وأدق الجرس على بيت أهلي القديم اللي انولدت فيه .. ودي أشوفه وأقول للساكنين فيه إن كل شبر فيه يهمني ويذكرني بأيامي فيه حتى لو كان بالنسبة لهم مجرد بيت قديم ..:weeping:
زين جذي شبح ؟ هيضت أشجانا ومشاعرنا :weeping:


ترى تردد الذكريات القديمه شيء جميل
يقولك في علم النفس والتنفس عن مشاعرنا يجب ان يتذكر الانسان لحظاته السابقة الجميلة لانها تحسسه بالحب والخير السابق المتواجد والبشر الي حولك تحسسه بأنه انسان عاش حياة بسيطه لين وصل لحياة غير تقلب الحياه وتقلب التنكولوجيا ..

ياليل الحين بتخليني اتفلسف وقطع في الكلام المهم لحدن يصيح علينا

:tease:


احساس يعور القلب صارلنا شهرين في الخور وخاطري أرد بيتنا القديم اشتقت حق وايد ذكريات وأيام حلوه عشناها في هالبيت :weeping:



شنهي احلى ذكريات في بيتكم القديم شيء ما ينسي .. !!

[العلم]

لي عوده مع الموضوع ولكن بشكل آخر ..:weeping:

مشغول مع الموظفين الجدد :secret:

[نور الحور]

ترى تردد الذكريات القديمه شيء جميل
يقولك في علم النفس والتنفس عن مشاعرنا يجب ان يتذكر الانسان لحظاته السابقة الجميلة لانها تحسسه بالحب والخير السابق المتواجد والبشر الي حولك تحسسه بأنه انسان عاش حياة بسيطه لين وصل لحياة غير تقلب الحياه وتقلب التنكولوجيا ..

ياليل الحين بتخليني اتفلسف وقطع في الكلام المهم لحدن يصيح علينا

:tease:




شنهي احلى ذكريات في بيتكم القديم شيء ما ينسي .. !!


والله ولك مستقبل يا شبح في اختراع العلوم الجديدة .. خلاص سجل باسمك علم جديد اسمه (علم النفس والتنفس)
بخصوص الصيحة .. أصلاً عادي ما تأثرت :(:weeping:

[شبح الصمت]

لي عوده مع الموضوع ولكن بشكل آخر ..:weeping:

مشغول مع الموظفين الجدد :secret:




تشرفنا ياخوي ..

والله يعينك ويقويك والله الله فيهم اخوانك نتوصى فيهم وعطهم من العلم ما لديك ومن الاخلاق ما تملك ومن الابتسامة ما استطعت

:shy:

[شبح الصمت]

والله ولك مستقبل يا شبح في اختراع العلوم الجديدة .. خلاص سجل باسمك علم جديد اسمه (علم النفس والتنفس)
بخصوص الصيحة .. أصلاً عادي ما تأثرت :(:weeping:




انزين شنو الشيء الي يشدك حق بيتكم القديم بقوه .. !!

:omen2:

[نور الحور]

انزين شنو الشيء الي يشدك حق بيتكم القديم بقوه .. !!

:omen2:


وايد يشدني في بيتنا القديم (علم النفس والتنفس) :tease:

[شبح الصمت]

وايد يشدني في بيتنا القديم (علم النفس والتنفس) :tease:




انزين تصدقين انا بتكلم عن نفسي

فريجنا طبعا امره بين فترة وفتره اروح افتر اقول حق عيالي هي بيتنا بس صار مكانه عماره اهنيه كنت العب قلينه وماطوع اهنيه كنت اشقح .. اهنيه انضربت وضربت .. اهنيه تزلقت من السيكل

احياناًَ الذكريات مؤلمة اذا كنت كله تنضرب
وجميلة عندما تكون بطل فيها ههههههههههههههههاي

فريجنا اغلبه صار عماير ما بقى شيء غير كمن عماره

الله يذكرك بالخير يا فريج ام غويلينه فريج جميل

:discuss:

[للصبر اخر]

امر الديار والقى هم
واتذكرهم ولا القاهم
ويجي ببالي القاهم
ونعيش باقي العمر سوياا


احم كتبت لك شعر بعد اكثر مافي تعبير

[نور الحور]

امر الديار والقى هم
واتذكرهم ولا القاهم
ويجي ببالي القاهم
ونعيش باقي العمر سوياا


احم كتبت لك شعر بعد اكثر مافي تعبير



:rolleyes2: ترى للصبر آخر :anger1:

[دااانة قطر]

ارميله وما أدرااك مارميله
ذكرياات في هالفريج قبل طعش سنه
ولين الحين احب ادخل المنطقه واسولف مع عياالي عن المكاان والحمدلله بيتنا كاان قريب الشاارع



ثااني بيت اذكره واحن له لأني عشت 28 سنه ( بيت هلي )
واللي الحين فيه 10 سنين وقلبي معورني كلها اسبوع وطلع منه هالبيت احب لأني عشت فيه مع عياالي بروحي وبرااحتي

[أبوفهد666]

انا كل مكان اكون فيه اشتاق له

خصوصاً اذا كان فيه ذكريات جميلة

[العلم]

بااااااااك ..


افا عليك شبح .. خذيتهم ورحنا نكررك .. :victory:

أنا قصتي مع موضوعك بالعكس .. :weeping: الناس هم اللي هاجروا وتركونا .. وانا اقصد الشباب اللي في عمري وقريب مني .. الكل راح وتوظف وسكن في بيت ثاني وفي منطقة ثانية والبعض تزوج وراح .. وبقيت انا في المكان وحيد مع الذكريات .. :(

[بصمة قطرية]

يوم كنت صغيرة طلعنا من فريج الغانم
كنت وقتها وايد صغيرة عمري ثلاث سنين
بس كانت لنا زيارات متكررة لجيراننا في الفريج
فبقت ذكريات عالقة في الذاكرة ..
و مغامرات يقولون لي عنها أخواتي و خواتي .. :shy:
طلعنا من الغانم على المنصورة ..
أحلى سنين عمري ..
تقريباً قعدنا ست سنين ..
ما زالت هالسنين أحلى سنين عشتها
ما بين المنصورة و وادي سيل بيت عمي
اللي كان أغلب وقتي هناك في وادي سيل
متعة وناسة ذكريات حلوة شقاوة ..
من أمر صوب وادي سيل تخنقني العبرة :weeping:
أتعمد أحياناً أمر صوب بيتنا القديم و أقول لعيالي
شقاوة أمكم كانت في هالبيت في هالفريج ..
بس ذكريات وادي سيل غييييييييير ..
طلعنا من المنصورة و رحنا للبيت الجديد في سادس
تعبت نفسياً يوم نقلت لمدرسة ثانية :weeping:
بس الحمدلله بسرعة إندمجت مع المدرسة
و تعرفت على بنات الفريج :nice:
و بدت المغامرات
دكان شهربان اللي كنا نروحه مجرد ما حد يعطينا فلوس
و في العيد نخلص عيدتنا عندها ..
عيالي للحين مش مصدقين شلون دكان في بيت :nice:
تزوجت و إنتقلت لمعيذر في البداية كان هالشي صعب علي
بس مع الوقت تعودت و إندمجت مع الجيران
بعد سنين طويلة إستقليت في بين بنفسي
و الحمدلله ربي عوضني بأروع جيران الله لا يحرمني منهم
آفكر لو طلعت من هالبيت شلون بتحمل فراق جيراني :(

[نوار قطر]

مممم انا من وعيت على الدنيا واحنا في بن عمران لين الثانويه عقبها رحنا بيتنا الي الحين احنا فيه مممم لا مازعلت ولاتضايقت ولا صحت على بيتنا القديم اي نعم ساعات انحن له ونتذكر فيه المواقف الي صارت لنا ولين اليوم اذا رحنا بن عمران نمر صوب بيتناالقديم الي للحين موجود مثل ماهو ماتغير منه شي مع ان اغلب البيوت الي انباعت سووها عمارات بس بيتنا اثري للحين واروي بنتي واقعد اقول لها شصار في هالبيت ...من فتره كنت عند يدتي قمت خذت بنتي وعيال اخواني وعيال خالتي رحنا الدكان مشي ونااااسه وعليه على عيالنا مايعرفون شي اسمه دكان اااايه ايااام يا بن عمران:shy:

[شيوخه]

والله ياشبح وايد اشيا حلوه صارت

مواقف حلوه مع اخواني لما كنا صغار وحفلة تخرجي سويتها بالبيت ودي هاليوم ينعاد كان احلى يوم
ويدي ويدتي اسكنوا عندنا لمدة شهر مؤقت صارت مواقف عجيبه واتموت ضحك وبعد اي شي كنا نبيه من امي وأبوي ويقولون لنا لا على طول يدي او يدتي يكلمونهم يوافقون وشكثر كنت انا واختي انسوي مقالب في أمي واخواني

لو بتكلم بعد ماراح اخلص :shy: