عمره 18 سنه ومايعرف ايصب قهوى ،،،

[حمد 2002]

السلام عليكم ورحمه الله وبركاته

الموضوع يحمل العنوان التالي

(( عمره 18 سنه ومايعرف ايصب قهوى ))


بعض الناس ايجيك عمر اولادهم من الشباب = الرجال = الاولاد 18 سنه ومايعرف ايصب قهوى :omg: ، شالسبب ؟!!!

السبب بانه ابهاتهم مايودونهم مجالس الرجاجيل ،،، :)

نعم للمجالس دور كبير في صقل هويه الاولاد والشباب ، واتعلهم كيف واشلون يتصرفون بالمواقف المختلفه واتعلمهم طريقه الاعتماد على النفس ،،،

عيل ايجيك واحد عمره 22 ولا 25 سنه ولا 30 سنه ههه الي هو ،، ومايعرف ايجدد استماره سيارته :omg: ،، والسبه لانه يوم كانوا صغار ماعلموهم اهلهم الاعتماد على النفس :):) ،،

والمشكله بعض الشباب من يوم وهم صغار امهاتهم ايودونهم مجالس الحريم ، فاتحصل الولد لين كبر سوالفه وتصرفاته نفس الحريم والنتيجه معروفه ..................... ،،،

لي فات الفوت ماينفع الصوت ،،،، :)

المفروض الامهات والاباء ايشاركون اطفالهم الصغار بأبسط امورهم اليوميه حتى بأختيار ملابسهم ، لكي يعودونهم على اتاخذ القرار والمسؤليه من يوم هم صغار ،،، :):)

على سبيل المثال ،،،

اذا الام جات تبي تشتري حق ولدها الصغير ثياب ولا ملابس ، اتقوله شنو الي عاجبك هالشكل ولا هالشكل ،،

او اذا الاب جيه يبي يشتري شيء من السوبرماركت ايخلي الولد هو الي ينزل ويدفع الفلوس ، لكي يعوده على المسؤليه ،،

والحديث يطول بهذا الجانب ، لذالك سأترك الحديث لكم ،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،


تحياتي للجميييع

[ضوى]

عاد اهني دور الاباء الام مالها خص ، بعد تعلمه اشلون يصب القهوة ؟ هي اللي تقعد معاه في ميالس الشباب ؟

[Nojoom]

الله يرحم شيبانا

والله ماتذكر اول مره مسكت الدله وصبيت قهوى

مثل لما تسالني تتذكر اول مره شفت فيها تلفزيون ؟ بقولك لا


من يوم حنا صغار وحنا نصب قهوى وشاهي وندور بالمدخن على الضيوف


ودايما الي اصغر اهو الي ماكلها عيب يخلي الي اكبر منه اهو الي يصب


الحين كل شي تغير كل مجلس تحصل فيه مقهوى هندي ولا من اي جنسية ثانيه

والعيال الصغار الي في مرحلة صب القهوى على ايامنا .. قاعد ويلعب بالبلاك بيري

[Nojoom]

احب اضيف نقطه ثانيه تذكرتها .

قبل تواجد صغار السن في المجلس كان فعلاً يكسبهم اشياء كثيره تعلم العادات والتقاليد وتعلم بعد الكثير من الامور الاخلاقيه .


حالياً وبكل صراحه مو كل مجلس يصلح تودي عيالك له .. صارت مجالس تدخين زقاره ولعب ورقه

وحتى السوالف ماتبي ولدك يسمعها لانها سلبيه اكثر من انها ايجابيه


ماقول الكل لاكن انا اقارن بالمجالس قبل شلون كانت والمجالس الحين

[faisalqatar]

اي والله انك صادق .. اتحصل واحد كبر البغل و يمسك الدلة باليمين !!
تغيروا الناس ياخوك و الاجيال كل مالها على قولتهم تواكب التطور و توقع نوصل لمرحلة يقولون فيها عيييييب ولد صاحب المجلس او الولد القطري يصب القهوة !!

خذ و خل والله

شكرا على الموضوع

[للصبر اخر]

صدقت في نقطة اتخاذ القرار
والله اني اعاني من هالشي
وللاهل الدور الاول في صقل شخصية الابناء والبنات
والله المستعان

[حمد 2002]

عاد اهني دور الاباء الام مالها خص ، بعد تعلمه اشلون يصب القهوة ؟ هي اللي تقعد معاه في ميالس الشباب ؟

اختي ضوى ،،

انا ماذكرت بأن الام هي السبب ، لذا يرجى عدم تحوير ولخبطت الموضوع ، انا ذكرت بأن الاباء اثنينهم وكلاهما مشتركين بذلك ،،

تحياتي لج ،،

[اجرام]

اتحصل الاب ما يعرف يسوي قهوووه اصلا

[ضوى]

اختي ضوى ،،

انا ماذكرت بأن الام هي السبب ، لذا يرجى عدم تحوير ولخبطت الموضوع ، انا ذكرت بأن الاباء اثنينهم وكلاهما مشتركين بذلك ،،

تحياتي لج ،،

الام مب مشتركة كلش بهالشي

اشدخل تحوير ؟

[حمد 2002]

الله يرحم شيبانا

والله ماتذكر اول مره مسكت الدله وصبيت قهوى

مثل لما تسالني تتذكر اول مره شفت فيها تلفزيون ؟ بقولك لا


من يوم حنا صغار وحنا نصب قهوى وشاهي وندور بالمدخن على الضيوف


ودايما الي اصغر اهو الي ماكلها عيب يخلي الي اكبر منه اهو الي يصب


الحين كل شي تغير كل مجلس تحصل فيه مقهوى هندي ولا من اي جنسية ثانيه

والعيال الصغار الي في مرحلة صب القهوى على ايامنا .. قاعد ويلعب بالبلاك بيري

الله يرحمهم جميعا ، بالفعل اقلب المجالس الحين ، اتحصل عندهم هندي ايصب القهوى ، بعكس مجالس قبل ،،

تحياتي لك يالذيب :victory:

[مشاكل]

عيال هالايام يعرفون يشربون بيبسي وياكلون شبس
وين بيتعلمون ؟ ومجالس الشباب اليوم كلن لاهي بالبلي ستيشن وبلاك بيري وسامسنج واي باد وكنتاكي واكل معاصر

[حمد 2002]

احب اضيف نقطه ثانيه تذكرتها .

قبل تواجد صغار السن في المجلس كان فعلاً يكسبهم اشياء كثيره تعلم العادات والتقاليد وتعلم بعد الكثير من الامور الاخلاقيه .


حالياً وبكل صراحه مو كل مجلس يصلح تودي عيالك له .. صارت مجالس تدخين زقاره ولعب ورقه

وحتى السوالف ماتبي ولدك يسمعها لانها سلبيه اكثر من انها ايجابيه


ماقول الكل لاكن انا اقارن بالمجالس قبل شلون كانت والمجالس الحين

بالفعل اغلب مجالس هالوقت وليس كلها بأنحدار كبير ،،

تحياتي لك ،،،

[حمد 2002]

اي والله انك صادق .. اتحصل واحد كبر البغل و يمسك الدلة باليمين !!
تغيروا الناس ياخوك و الاجيال كل مالها على قولتهم تواكب التطور و توقع نوصل لمرحلة يقولون فيها عيييييب ولد صاحب المجلس او الولد القطري يصب القهوة !!

خذ و خل والله

شكرا على الموضوع

هههه اي والله انك صادق يالشيخ ،،

تحياتي لك ،، :victory: ،،

[حمد 2002]

صدقت في نقطة اتخاذ القرار
والله اني اعاني من هالشي
وللاهل الدور الاول في صقل شخصية الابناء والبنات
والله المستعان

صاااااجه اختي ،،

الله المستعان ،،

تحياتي لج ،،

[حمد 2002]

الام مب مشتركة كلش بهالشي

اشدخل تحوير ؟

ردي اقري الموضوع مره ثانيه برويه وتمعن ،،

تحياتي ،،

[حمد 2002]

عيال هالايام يعرفون يشربون بيبسي وياكلون شبس
وين بيتعلمون ؟ ومجالس الشباب اليوم كلن لاهي بالبلي ستيشن وبلاك بيري وسامسنج واي باد وكنتاكي واكل معاصر

هههه صادق اخوي مشاكل ،،،

تحياتي لك :nice::nice:

[مسمس12]

اتحصل الاب ما يعرف يسوي قهوووه اصلا

هههههههههههههههههههههههههههه

[حمد 2002]

اتحصل الاب ما يعرف يسوي قهوووه اصلا

الله المستعان ياخوك ،،

تحياتي لك ،،

[حمد 2002]

هههههههههههههههههههههههههههه

:nice:

[تحداني]

اهل الباديه .. واعيالهم .. مازالوا يحتكرون الضيافه بكل معانيها
دخلت عند وحده من صديقاتي " مريه " شفت العجب والعجاب من الضيافه
سفره مالها اول ولا اخر
كرم ما بعده كرم
اقهوه ما ذقت ابحياتي مثلها
اطفال تحس كأنهم كبار
لباقه في الكلام

شي حسسني ان اعيال هلي الي حولي ووووووووين واعيالهم ووووين


صادق .. وعشان خاطركم البعض مب الكل + عدم التقليل من شأن البقيه




جملك الله برضاه

[مسمس12]

عاد بعضهم يصب قهوة وهو لابس جنيز فالمجلس :secret:

لازم ثوب من اهما اصغار لازم فالعزايم يلبسون ثوب

[حمد 2002]

اهل الباديه .. واعيالهم .. مازالوا يحتكرون الضيافه بكل معانيها
دخلت عند وحده من صديقاتي " مريه " شفت العجب والعجاب من الضيافه
سفره مالها اول ولا اخر
كرم ما بعده كرم
اقهوه ما ذقت ابحياتي مثلها
اطفال تحس كأنهم كبار
لباقه في الكلام

شي حسسني ان اعيال هلي الي حولي ووووووووين واعيالهم ووووين


صادق .. وعشان خاطركم البعض مب الكل + عدم التقليل من شأن البقيه




جملك الله برضاه

والنعم بالكل ،،

تحياتي لج اختي تحادني الزمن على هذا الكلام الرائع ،، :nice:

[MAZEN37]

موضوع جميل
مره ابوي قالي رح خذ السكين وذبح الخروف وصلخه
ههه طبعا اول مره كل اللحم صار شعر وتميت 3 ساعات
وبعدين ما صار ياخذ نص ساعه

[حمد 2002]

عاد بعضهم يصب قهوة وهو لابس جنيز فالمجلس :secret:

لازم ثوب من اهما اصغار لازم فالعزايم يلبسون ثوب

بجيل هالوقت توقعي كل شيء :):) ،،

تحياتي لج ،،

[حمد 2002]

موضوع جميل
مره ابوي قالي رح خذ السكين وذبح الخروف وصلخه
ههه طبعا اول مره كل اللحم صار شعر وتميت 3 ساعات
وبعدين ما صار ياخذ نص ساعه

:secret: ههههههه ،،

تحياتي لك على هالكلام الجمييل اخوي مازن ،، :victory:

[G0LD]

شكرا على الموضوع المميز والطرح الرائع والمثمر

لاشك ولازال كثير من المجالس تعلم الصغار معنى كرم الضيافه واصالتها وأساسها

والحمدلله توجد مجالس كثيره ونعم باصحابها شرواكم تجد الكبير يعلم الصغير كيفية

التعامل مع الضيوف واستقبالهم بكل حفاوه !

بخصوص صب القهوه والتعامل مع الضيوف وجميع الناس هنا الدور الأكبر للأب

ودور الام كذلك داعم للولد - ياما أمهات ربت ابناء كفو نجد فيهم الكرم والضيافه

والحمدلله على النعمه

والحمدلله ان الناس الي فيها خير كثيره والفضل لله سبحانه

والكلام الطيب يجمع الناس الطيبه شرواكم

في حفظ الرحمن

[H H]

ذكرتوني بالفنجال الي جا على جبهتي يوم مسكت الدله بيدي اليمين وانا صغير :(

[عاشق العديد]

في يوم ما انسساه اني انظربت عشان صبيت وعطيته الفنجال باليد اليسار ..

ذاك اليوم كان يوم اسسـود ..

لكن الحمد لله تعلمنا وعلمنا عيالنا .. ونعم صحيح في مقوله كنا نسمعها ونطبقهـا ..
اصغر القوم خادمهم ..
اخبر مره من المرات رايح لرجال .. مجلسسه .. ورجال كبير
ولده قاعد وعيال اخوه وكذا .. قام هو يصب لي قهوه وهم يتفرجون .. واقوم انا واصارخ عليهم ..
الرجال بكبره استغرب لين مافزو وعلى وعسى اكون ذاكره في مخهم لاني صارخت عليهم عشان يصبون قهوه ..

الام مب مهنتها انها تعلم الولد شلون يصصب قهوه اخوي حمد ..
مش معقوله بتمسك الدله والفنجال وبتقوله تعلم ..
الاب هنا دوره ..
والله المسسستعان ..

[عاشق العديد]

ومداخله بسيطه ..

اخبر مره من المرات رايح عزبه واحد من الشيبان .. ولده انا اكذب لو اقولكم عمره 8 يمكن اصغر صغير الولد يعني على حجمه تقول هذا توه صف اول .. هو الي سوه الشاي وهو الي سوه القهوه وهو الي يشوف الحلال وهو وهو وهو يوم انشد جده يقولي هذا الوحيد الي مايفارقني .. علمته كل شي والبركه فيه يعلم الباقـين ..

هنا صدق قلت الله على التربيه في ذمتي ..

[تحداني]

الوالده ايضا لها دور في تعليم البنات مثل ما الوالد له دور في تعليم الشباب في كل بيت
في البيت عندنا عيب ومليون عيب خدامه تضيف الناس .. او تشل الاصحون يدام الاضيوف
واتحش اريولهم حش لو ادخلت الميلس
وفي عاده عندنه منتشره ما ادري عن الناس
تجيب ضيافه وستاف عشان تقهوي العالم والناس
هم هذا عيب في نظام البيت

الا اذا كان العدد كبير جدا مثل المناسبات الكبيره وايد

الضيف له حشيمه
وله هيبه
وله مكانه

ما نقدره بنفجان من يد خدامه
ولا صحن من يد شغاله

ابدا


موضوعك جميل جدا

[نوار قطر]

المريله والسنع ذي من اختصاص الابو .. المفروض الابو يعلم ولده من صغرته على المريله .. يوديه معاه الميلس .. يعلمه على قعدة الرياييل .. يعلمه سنع الرياييل مب لين صار طول الباب يلومه ويقوله انت مب ريال وانت ماتعرف... لا اللوم الاول والاخير على الاب :victory:

[العقل المدمر]

موضوع يعور القلب :(
انا بتكلم عن نفسي
بالنسبه لي امي عمرها ماخذتنا معاها حق ضيوف
والا خلتنا نقعد ويا ضيوفها فالصاله مثلا
بحجه ان احنا صغار ومايبون ازعاج وماتبينا نتملل
كبرت وصلت الثنويه مره قالت لي صبي القهوه حق خالج
عاد انا صبيت عند الطاوله وعطته الفنيال جان تضحك علي
قالت مب جذي يصبون .. وخذت الدله وصبت حق الباقي
انا حتى ماشفتها شلون تصب من الاحراج وشردت وانخشيت
ولين الحين ماعرف اصب ولا ابي اتعلم ولا ابي اشوف :(

بالنسبه حق الملابس نفس الشي
كانت تخليني امشي وراها وتختار الملابس وانا اسكت
لا حلو ولا يضايق ولا اي كلمه
يمكن لين الاعدادي هي تشتري لي
عقب كبرت وملت مني صرت انا ماعرف اختار
ولا اميز اللبس حلو والا مب حلو
ولا اعرف اركب قطعتين على بعض
يمكن تعلمت هالشي عقب ماخلصت الثنويه

[نور الحور]

في يوم ما انسساه اني انظربت عشان صبيت وعطيته الفنجال باليد اليسار ..

ذاك اليوم كان يوم اسسـود ..

لكن الحمد لله تعلمنا وعلمنا عيالنا .. ونعم صحيح في مقوله كنا نسمعها ونطبقهـا ..
اصغر القوم خادمهم .. اخبر مره من المرات رايح لرجال .. مجلسسه .. ورجال كبير
ولده قاعد وعيال اخوه وكذا .. قام هو يصب لي قهوه وهم يتفرجون .. واقوم انا واصارخ عليهم ..
الرجال بكبره استغرب لين مافزو وعلى وعسى اكون ذاكره في مخهم لاني صارخت عليهم عشان يصبون قهوه ..

الام مب مهنتها انها تعلم الولد شلون يصصب قهوه اخوي حمد ..
مش معقوله بتمسك الدله والفنجال وبتقوله تعلم ..
الاب هنا دوره ..
والله المسسستعان ..



وتقول لي عقلي في إجازة ؟
أنا أخبر سيد القوم خادمهم .. ولا شرايك يا عاشق العديد؟

[نوار قطر]

وتقول لي عقلي في إجازة ؟
أنا أخبر سيد القوم خادمهم .. ولا شرايك يا عاشق العديد؟

عاشق كلامه صح

اصغر القووم خادمهم:victory:

[نور الحور]

عاشق كلامه صح

اصغر القووم خادمهم:victory:


وأنتي بعد يا نوار .. يلا أشوف روحي موضوعي وبعدين بتعرفين شقصد :omen2:

[نوار قطر]

وأنتي بعد يا نوار .. يلا أشوف روحي موضوعي وبعدين بتعرفين شقصد :omen2:

هههههه زين :shy:

[نوار قطر]

في يوم ما انسساه اني انظربت عشان صبيت وعطيته الفنجال باليد اليسار ..

ذاك اليوم كان يوم اسسـود ..

لكن الحمد لله تعلمنا وعلمنا عيالنا .. ونعم صحيح في مقوله كنا نسمعها ونطبقهـا ..
اصغر القوم خادمهم ..
اخبر مره من المرات رايح لرجال .. مجلسسه .. ورجال كبير
ولده قاعد وعيال اخوه وكذا .. قام هو يصب لي قهوه وهم يتفرجون .. واقوم انا واصارخ عليهم ..
الرجال بكبره استغرب لين مافزو وعلى وعسى اكون ذاكره في مخهم لاني صارخت عليهم عشان يصبون قهوه ..

الام مب مهنتها انها تعلم الولد شلون يصصب قهوه اخوي حمد ..
مش معقوله بتمسك الدله والفنجال وبتقوله تعلم ..
الاب هنا دوره ..
والله المسسستعان ..

اكره نفسي واتفشل اذا رحت مكان ويااتني وحده كبيره تقهويني .. والله اني اقوم اخذ الدله عنها واخذ الفنياييل واقهوي الموجودين ,,, الحين الحمدلله علمنا بناتنا مع انهم صغار شلون يضيفوون وشلون يقهوون طبعا البنات يضيفوونا ويقهوونا احنا في يمعتنا العائليه .. لازم يتعلمون على السنع احنا مب دايمين لهم دهر

[Right]

عجبني مقال " التربية قديماً والتربية حالياً "



للأستاذ راشد اليزيدي .. فنقلته هنا





● قديماً كانت التربية هم الأب الأول في تربيه ابنه حتى أنه ربما يقدمها على جلب الطعام ويغذي ابنه تغذيه تربوية صالحة وتسير على ثوابت وأسس وقواعد .. أما حالياً فالتربية ... !؟!



● قديماً كانت التربية رغم الجهل إلا أن لها هدف لا يحيد عنه الأب حتى وأن حصل له عقبات وصعوبات فإنه يبقى صامداً حتى يطلع برجل يعرف قدر الرجولة والمسئولية وصاحب خلق رفيع وتجد فيه الصفات التي يفتخر بها الأب على أنه أحسن تربيته .. أما حالياً فالتربية ... !؟!



● قديماً كانت التربية يتسابق إليها الآباء لغرس القيم والأخلاق في أبنائهم حتى ينالوا بذلك التقدير والتبجيل بمن حولهم من الناس بل حتى ينالوا البر من أبنائهم .. أما حالياً فالتربية ... !؟!



● قديماً كانت التربية يشترك فيها كلا الأبوين ويسعيان سوياً 'بل حتى إن غاب دور الأب في ذلك إلا أنك تجد الأم حريصة لتغطي دورها ودور الأب في الوقت نفسه' وتنجح في ذلك .. أما حالياً فالتربية ... !؟!



● قديماً كانت التربية سيف مسلول على عاتق الأب والأم إذ لم يبدعا في ذلك وينجحا 'حكما على نفسيهما بالقصاص' وانتهت حياتهما .. أما حالياً فالتربية ... !؟!



● قديماً كانت التربية طريقاً للنجاح الحقيقي والتربية الصالحة 'فالأب يرسل ابنه للمعلم ويعلنها قائلاً (لك اللحم ولنا العظم) إشارة للمعلم بأن أحسن تربيته .. أما حالياً فالتربية ... !؟!

[عاشق العديد]

موضوع يعور القلب :(
انا بتكلم عن نفسي
بالنسبه لي امي عمرها ماخذتنا معاها حق ضيوف
والا خلتنا نقعد ويا ضيوفها فالصاله مثلا
بحجه ان احنا صغار ومايبون ازعاج وماتبينا نتملل
كبرت وصلت الثنويه مره قالت لي صبي القهوه حق خالج
عاد انا صبيت عند الطاوله وعطته الفنيال جان تضحك علي
قالت مب جذي يصبون .. وخذت الدله وصبت حق الباقي
انا حتى ماشفتها شلون تصب من الاحراج وشردت وانخشيت
ولين الحين ماعرف اصب ولا ابي اتعلم ولا ابي اشوف :(

بالنسبه حق الملابس نفس الشي
كانت تخليني امشي وراها وتختار الملابس وانا اسكت
لا حلو ولا يضايق ولا اي كلمه
يمكن لين الاعدادي هي تشتري لي
عقب كبرت وملت مني صرت انا ماعرف اختار
ولا اميز اللبس حلو والا مب حلو
ولا اعرف اركب قطعتين على بعض
يمكن تعلمت هالشي عقب ماخلصت الثنويه



لازم تتعلمين لاجوكم ظيوف لاقدر الله مناسسسبه تبين امج تقوم تصصببب عيببب ..
تعلمي واكبري فعيونها وفعيون الناسسس ..
لاتخلين هالمسكينه الي تعبانه من طباخ ومن تنظيف المكان وتحاتي الف شغله وشغله وتخلينها تقوم تصب قهوه .. تعلمي والله مو عيب ولا فيها اي شي .. والله يعطيج العافيه ..

[عاشق العديد]

اكره نفسي واتفشل اذا رحت مكان ويااتني وحده كبيره تقهويني .. والله اني اقوم اخذ الدله عنها واخذ الفنياييل واقهوي الموجودين ,,, الحين الحمدلله علمنا بناتنا مع انهم صغار شلون يضيفوون وشلون يقهوون طبعا البنات يضيفوونا ويقهوونا احنا في يمعتنا العائليه .. لازم يتعلمون على السنع احنا مب دايمين لهم دهر

كفففو عليج والله .. هاي الكلام الصصــح ..

اي والله عيب انا حزتها كنت بقوم اصب لكن لما شفت البزران قفلت عنـدي .. اشوفهم قاعدين والرجال يصصب ..

[عاشق العديد]

وتقول لي عقلي في إجازة ؟
أنا أخبر سيد القوم خادمهم .. ولا شرايك يا عاشق العديد؟

خلي مخي في اجازه مابي افـكر .. انا اخبر اصغر القوم ولا ليكون كانو يقصون علي من انا صغير ):

[نور الحور]

خلي مخي في اجازه مابي افـكر .. انا اخبر اصغر القوم ولا ليكون كانو يقصون علي من انا صغير ):


لاااااا مبين صج مخك في إجازة .. أنا قصدي المثلين شائعين وكل واحد له مناسبة وله وجه من الصحة .. روح بليز راجع موضوعي هناك بتعرف ليش عقلك لازم يخلص إجازته !

[شميرام]

معاك حق في الاعتماد على النفس ،،،،، بس صب القهوة مب مقياس ،،،

[عاشق العديد]

لاااااا مبين صج مخك في إجازة .. أنا قصدي المثلين شائعين وكل واحد له مناسبة وله وجه من الصحة .. روح بليز راجع موضوعي هناك بتعرف ليش عقلك لازم يخلص إجازته !

انتي شكلج تبيني افكر وايد .. خليه في اجازه لين مادش الجامعه عقب بنهي اجازته ..

[نوار قطر]

كفففو عليج والله .. هاي الكلام الصصــح ..

اي والله عيب انا حزتها كنت بقوم اصب لكن لما شفت البزران قفلت عنـدي .. اشوفهم قاعدين والرجال يصصب ..

اي طبعا هذي الي لازم يصير وعيب لين الواحد يتمتح مكانه ومايتحرك والي اكبر منه يقوم فيه ..

[ahmed1111]

اشدعووه انفتح الموضوع عشان قهوه التعليم ممكن ب5 دقايق تعلمه يود الدله في اليسار والفنجان باليمين والحمد الله خلصنا

[العلم]

والله إن موضوعك حلو وله أبعاد كثيرة وكبيرة .. مادري تقصدها أو لا ..



بس انت عبقري

[نوار قطر]

اشدعووه انفتح الموضوع عشان قهوه التعليم ممكن ب5 دقايق تعلمه يود الدله في اليسار والفنجان باليمين والحمد الله خلصنا

الموضوع مب موضوع قهوه وفنيال وشلون يصب ... الموضوع موضوع تعليم السنع والمريله

[ام السعف]

اختي ضوى ،،

انا ماذكرت بأن الام هي السبب ، لذا يرجى عدم تحوير ولخبطت الموضوع ، انا ذكرت بأن الاباء اثنينهم وكلاهما مشتركين بذلك ،،

تحياتي لج ،،

:secret::secret::secret:
عليك سوالف يا حمد (:secret:)

المهم

اذا بتتكلم عن مجالس الرجال نقدر نقول الأم مالها دخل

بس بعد اذنك
تعال بندخلك عندنا صوب الحريم

الحين يا حمد اتصدق ان اللي تقهويننا الخدامة وتضيفنا الخدامة
تصب لنا القهوة باليسار وتسملنا باليسار
او يحطون لنا فناجين القهوة في صينية وانت خذ لك فنيانك :(

العالم من تعلموا يمسكون الشوكة والسكين وياكل بالقفاش
وهم تخلوا عن السنع :(

والبنت تمس الدلة باليمين وتصب القهوة باليسار
وتقول لك تفضل ....> خاظري اقول لها يمين يا ماما
بس اسكت :(

[ام السعف]

اشدعووه انفتح الموضوع عشان قهوه التعليم ممكن ب5 دقايق تعلمه يود الدله في اليسار والفنجان باليمين والحمد الله خلصنا

يعني بتدخل كل مجلس وبتعلم عيال الناس ؟
:shy:

[طير حوران]

الاخ / حمد

قبل ان ياخذونهم المجالس لتعلم صب القهوه والمراجل هل خذوهم للصلاه في المساجد ؟؟

هذا هو السؤال المهم الاول

اما السؤال الثاني

هل سألوهم عن معاناة اخوانهم المسلمين السنه في كل مكان او أعطوهم أي فكره عن اخوة الاسلام وانها أهم من اخوة اللغه والقوميات الكاذبه

لاحظ ان هناك مذهب يهتم في مثل هذه الامورمنذ الصغر

فتراه يشتري اللعبه لطفله ثم يقول لطفله اشتراها لك الامام علي او الحسين رضي الله عنهما ثم عندما تخرب او تنكسر يقول كسرها سني ملعون

كذلك لمعرفته ان أهم ماعند الطفل امه فعندما تغيب من البيت يقول خطفها سني وعندما تعود يقول حررها الدعاء من علي او الحسين

يمسك عليه اللعبه او المفرحات من اكل أوغيره ثم يقول له ماأعطيك الا اذا تلعن عمر وعثمان وعائشه

وعندما تموت امه او أباه قبل ادراكه يقولون مات بسبب سني ويربون اطفالهم على ان ماهو سيء من السنه الملاعين واي حسنات ينسبونها لشعاراتهم الدينيه

فهل نحن قادرون على ابراء ذمتنا امام الله من حسن تربية ابناؤنا على محبة الله ثم دينه القويم ومعرفة أعداؤهم وأعداء دينهم


طرحت موضوع قبل فتره حول هذا وللأسف لم يجد قبول من معظم الاعضاء الذين يشاركون حتى في بعض المواضيع التي لاتستحق حتى قرائتها وهذا لايبشر بخير للأمه وهى تحت هذا الرابط

http://www.qatarshares.com/vb/showthread.php?t=550493

[ام السعف]

لاحظ ان هناك مذهب يهتم في مثل هذه الامورمنذ الصغر

فتراه يشتري اللعبه لطفله ثم يقول لطفله اشتراها لك الامام علي او الحسين رضي الله عنهما ثم عندما تخرب او تنكسر يقول كسرها سني ملعون





http://www.qatarshares.com/vb/showthread.php?t=550493

:secret::secret::secret:

[غزلان]

هالشي من اختصاص الأبو ومثل ماقلت عمره 18 سنه ماعرف يصب قهوه يدل على ان الأبو طايح في ستار بكس ولا بالشركه او البورصه ولا عزاء للسنع:)

[ahmed1111]

لا لا مابعلم الناس مب فاضي بس ترا قهوه في الأخير حسستوني بتعلمونه أمور دينه ولا أخلاق

وترا ماله خص المريله مع قهوه يعني اذا القهوه بتخليه ريال الله المستعان

اعتماد علا النفس شي طيب والكل يبيه لعياله ... وترا السنع بالتوجب وتعرف لواجب وتخدم الناس... مب قهوه

[مضارب دوسري]

:secret::secret::secret:

ليش انتي مفكره ان علي بن ابي طالب والحسين بن علي
رضي الله عنهم مب صحابه :omen2:

رضي الله عنهم وارضاهم
كلهم من صحابة رسول الله

[ام السعف]

لا لا مابعلم الناس مب فاضي بس ترا قهوه في الأخير حسستوني بتعلمونه أمور دينه ولا أخلاق

وترا ماله خص المريله مع قهوه يعني اذا القهوه بتخليه ريال الله المستعان

اعتماد علا النفس شي طيب والكل يبيه لعياله ... وترا السنع بالتوجب وتعرف لواجب وتخدم الناس... مب قهوه

مب موضوع انه مب متسنع كلش

بس من السنع ان الناس يضيفون ضيوفهم
هذي عوايدنا يا اخوي ،،

اذا شاب وعمره 18 سنة وما يعرف يقهوي اليوم
عيل من اللي يقدر يقهوي في المجالس ؟

الشيبان يقهون والشباب يطقطقون في الجواويل ؟

[ام السعف]

ليش انتي مفكره ان علي بن ابي طالب والحسين بن علي
رضي الله عنهم مب صحابه :omen2:

رضي الله عنهم وارضاهم
كلهم من صحابة رسول الله

استغفر الله العظيم



مب حلو اسلوبكم اللي يخليكم تشكون في العالم انهم ما يفهمون في الدين
وانكم الوحيدين اللي تفهمون في الدين ،، وصرتوا وتوسعون ذممكم
في الغمز واللمز وانكم صايدين السالفة :(

عدم تعليقي ما كان على رضي الله عنهم
لأن رضي الله عنهم وارضاهم غصب عني وعنك

اما عدم تعليقي كان على ان علي او الحسين رضي الله عنهما
هم اللي يشترونه لهم ،،

واتمنى ما اشوف مثل هالإسلوب مرة ثانية
لأن المسلم يكون حسن الظن بالآخرين ،،

[قطر70]

موضوع مهم واشكرك اخوي حمد على هالطرح

[مضارب دوسري]

استغفر الله العظيم



مب حلو اسلوبكم اللي يخليكم تشكون في العالم انهم ما يفهمون في الدين
وانكم الوحيدين اللي تفهمون في الدين ،، وصرتوا وتسوعون ذممكم
في الغمز واللمز وانكم صايدين السالفة :(

عدم تعليقي ما كان على رضي الله عنهم
لأن رضي الله عنهم وارضاهم غصب عني وعنك

اما عدم تعليقي كان على ان علي او الحسين رضي الله عنهما
هم اللي يشترونه لهم ،،

واتمنى ما اشوف مثل هالإسلوب مرة ثانية
لأن المسلم يكون حسن الظن بالآخرين ،،

اعتذر منج اختي
بس رحت الى ذاك الظن يوم شفتج محدده بالاحمر على كلمة رضي الله عنهما

[ام السعف]

اعتذر منج اختي
بس رحت الى ذاك الظن يوم شفتج محدده بالاحمر على كلمة رضي الله عنهما

اعتذارك مقبول وطاح الحطب

بس تركد الله يهديك وتأكد مرة ثانية لأن احتمال غيري ما يقبل اعتذارك
وتبقى معلقة في رقبتك ليوم الدين ،،

واعذرني على اسلوبي في الرد عليك ،،

[Dana’1]

الحمدلله .. بالنسبة لنا الطفل أبو 7 سنوات يعرف يرحب و يقلط الضيوف ويصب القهوة

بس لو عشاء كبيير يفضل إن الي يقهوي الصبي او الشباب الي ببالطعش

[لاجل QT]

السلام عليكم ورحمه الله وبركاته

الموضوع يحمل العنوان التالي

(( عمره 18 سنه ومايعرف ايصب قهوى ))


بعض الناس ايجيك عمر اولادهم من الشباب = الرجال = الاولاد 18 سنه ومايعرف ايصب قهوى :omg: ، شالسبب ؟!!!

السبب بانه ابهاتهم مايودونهم مجالس الرجاجيل ،،، :)

نعم للمجالس دور كبير في صقل هويه الاولاد والشباب ، واتعلهم كيف واشلون يتصرفون بالمواقف المختلفه واتعلمهم طريقه الاعتماد على النفس ،،،

عيل ايجيك واحد عمره 22 ولا 25 سنه ولا 30 سنه ههه الي هو ،، ومايعرف ايجدد استماره سيارته :omg: ،، والسبه لانه يوم كانوا صغار ماعلموهم اهلهم الاعتماد على النفس :):) ،،

والمشكله بعض الشباب من يوم وهم صغار امهاتهم ايودونهم مجالس الحريم ، فاتحصل الولد لين كبر سوالفه وتصرفاته نفس الحريم والنتيجه معروفه ..................... ،،،

لي فات الفوت ماينفع الصوت ،،،، :)

المفروض الامهات والاباء ايشاركون اطفالهم الصغار بأبسط امورهم اليوميه حتى بأختيار ملابسهم ، لكي يعودونهم على اتاخذ القرار والمسؤليه من يوم هم صغار ،،، :):)

على سبيل المثال ،،،

اذا الام جات تبي تشتري حق ولدها الصغير ثياب ولا ملابس ، اتقوله شنو الي عاجبك هالشكل ولا هالشكل ،،

او اذا الاب جيه يبي يشتري شيء من السوبرماركت ايخلي الولد هو الي ينزل ويدفع الفلوس ، لكي يعوده على المسؤليه ،،

والحديث يطول بهذا الجانب ، لذالك سأترك الحديث لكم ،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،


تحياتي للجميييع

بالاول خل الاباء يقعدون او يروحون مجالس الرجاجيل عقب نحاسب الابناء اللى مايعرفون السنع

ترا محد متفرغ يربي عياله :(

او بعنى اصح تغيرت النظرة لتربية هالجيل

تربية بلا تربية:)

[سهم عتيج]

والله كلامك عدل ياحمد

مواضيعك صارت اكثر اتزانا من قبل ،، واتمنى التواصل بنفس الروح


اتذكر اول يوم كنا صغار نشتري الخبز من الخباز ،، ونوزع ملال الاكل على بيوت الفريج

بصراحة ابهاتنا اللي ماتعلموا وكانوا اميين كانوا افضل من المتعلمين في امور كثيرة

في التنظيم والتربية والسنع

اما اباء وامهات اليوم المتعلمين فللاسف كانهم كانوا مش مقتنعين من طريقة تربية ابائهم لهم ومايبغون عيالهم يمرون بالتجارب المريرة من وجهة نظرهم اللي مروا بها فغيروا طريقة تربية الابناء واعفوهم من كثير من الواجبات الكفيلة بتعليمهم الكثير من الخبرات حتى صار الولد اكثر نعومة والبنت اكثر قساوة

اتذكر يوم كنت في امريكا ايام الدراسة كانت معانا امريكية ابوها غني جدا ويعيش في ابوظبي،، اقول لها ليش ماعشتي في بوظبي ودرستي في احدى الجامعات الامريكية في المنطقة،، تقول ابوي اصر اني ارجع امريكا واعيش في الدورم ( مجمع الطلاب) التابع للجامعة عشان اتعلم واصير مثل باقي المجتمع الامريكي واتعلم من الحياة مثل باقي الامريكان

والله المستعان*

[كحيلآن]

زين والي ما يعرف يكتب ..؟ هههههههههههههههه

أخوي حمد قهوه مب قهوى و أغلب مب أقلب ..

بالنسبة لـ موضوعك .. إذا تبي بس شلون يمسك الدله هذي هين موضوعها سهل وبسرعه راح يتعلمون .. ولكن فيه اشياء أخرى .. مثل شلون يرحب ويهلي بالضيوف .. يا زينها لا جت من بزر .. يرحب بالضيوف حتى ابوه راح يستانس ... وآداب التقليط .. يعني ينزل القدوع آول ويخلي الضيف يقدع لا شافه خلص جآه بالدله يقهويه ... آمور كثيرة لازم يتعلمها الشاب ..

[العقل المدمر]

لازم تتعلمين لاجوكم ظيوف لاقدر الله مناسسسبه تبين امج تقوم تصصببب عيببب ..
تعلمي واكبري فعيونها وفعيون الناسسس ..
لاتخلين هالمسكينه الي تعبانه من طباخ ومن تنظيف المكان وتحاتي الف شغله وشغله وتخلينها تقوم تصب قهوه .. تعلمي والله مو عيب ولا فيها اي شي .. والله يعطيج العافيه ..


اصلا انا اسلم وعقب ماتشوف الا غبرتي
ماعتقد بقدر اكسر هالحاجز في يوم :(
للحين امي مافكرت تعلمني :(

[تغلبية]

^ انتي اكسري الحاجز اختي

ولاتنطرين امج تعلمج

شوفي الناس شيسوون او حتى الوالدة وقلديها والمجلس خالي ..

وحطي في نفسج انج تكسرين هالخوف وانج قادرة

وانج بنت سنعة وراعية عدال وواجب

بكرا بتزوجين وبيصير عندج بيت مستقل ..

حلو يتزين ويتبارك بجية الناس عليه وانتي اتحفينهم .. ويطلعون منج شاكرين ومستانسين


.. اعرف ناس مثلج

بس هم يعرفون يقدعون .. لكن مايفزون للضيف ويباشرونه

[جاسم الدوحة]

في موضوع القهوة بالذات
ما أتقبـل الفنجال من يد الخادم أو الخادمة
في أي مجلس كان .. سواء
مجلس رجال أو في زياراتي للأهل مثـــًلا
.. وأتعـذر بأي شي ولا أشربها
(ماحب القهوة ، أو تسوّيلي حارج .. إلخ)
المهم .. ما أشربها خير شر
لأني أحس ما فيها تكريم للضيف ..
القهوة بالذات يجب أن تقدم
بكل آدابها وسنعها .

[لاجل QT]

هي جات على صب القهوة:(

اخلاق وتصرفات عيالنا اختربت صارت تفشل وعار علينا

جابلو عيالكم من الصغر ربوهم على دين الله وسنته ربوهم على عاداتنا الاصلية

ليش الاباء مطيورين على الدنيا ..

همهم نفسهم وناستهم وبس ..هذي مسؤلية كبيرة في عنقك بتحاسبون عليها لانها بنيان واساس امة ومجتمع ..ان ربتوهم صح صلح المجتمع وان تركتو تربيتهم فسدت اخلاق المجتمع

الاخلاق في اندثار:(

[تحداني]

في موضوع القهوة بالذات
ما أتقبـل الفنجال من يد الخادم أو الخادمة
في أي مجلس كان .. سواء
مجلس رجال أو في زياراتي للأهل مثـــًلا
.. وأتعـذر بأي شي ولا أشربها
(ماحب القهوة ، أو تسوّيلي حارج .. إلخ)
المهم .. ما أشربها خير شر
لأني أحس ما فيها تكريم للضيف ..
القهوة بالذات يجب أن تقدم
بكل آدابها وسنعها .




جملك الله برضاه

[ام السعف]

جملك الله برضاه

شفتي اشلون كلامه في اصول تفديم القهوة ؟

مب احنا ندخل على ناس قاعدين في مكانهم
ويخلون لخدم يقهووننا وما يعرفون اشلون يمسكون الدلال :(

[العلم]

اسمحولي .. بس فعلا احسكم تتكلمون عن شيء ما اتخيله وعن مجتمع غير مجتمعي .



بالأول كانوا يقولون أهل قطر قلب واحد وعاداتهم وحده ومتقاربه .. والحين تبين لي أشياء تؤكد إن قطر صار فيها أكثر من مجتمع ..



تحياتي ياحمد

[Southampton]

موضوع رائع ....بس مثل ما فيه رياييل ما يعرفون يقولون قهوه هههههههههههههه يقولون قهوى ..نفس الشي ...عالعموم هذي غلطة الابو اللي ما عود ولده عالمجالس ..

[ام السعف]

اسمحولي .. بس فعلا احسكم تتكلمون عن شيء ما اتخيله وعن مجتمع غير مجتمعي .



بالأول كانوا يقولون أهل قطر قلب واحد وعاداتهم وحده ومتقاربه .. والحين تبين لي أشياء تؤكد إن قطر صار فيها أكثر من مجتمع ..



تحياتي ياحمد

حمد فص ملح وذاب

اختفى مرة وحدة في ظروف غامضة
:(

[لاجل QT]

حمد فص ملح وذاب

اختفى مرة وحدة في ظروف غامضة
:(

وووي.. خلوه اشوي ياخذ نقاهة خنت حيلي اوليدي موضوع ورا موضوع:rolleyes2:

تسندرنا راسنا عورنا:p

[ام السعف]

وووي.. خلوه اشوي ياخذ نقاهة خنت حيلي اوليدي موضوع ورا موضوع:rolleyes2:

تسندرنا راسنا عورنا:p

ماهو هذا اللي مغوغش قلبي عليه

شلي مانعه من انه ينزل موضوع يديد ؟

في الأمر سر خطير ؟ :telephone:

[لاجل QT]

ماهو هذا اللي مغوغش قلبي عليه

شلي مانعه من انه ينزل موضوع يديد ؟

في الأمر سر خطير ؟ :telephone:


انا باقولج شالسر:omen2:

راح يسوي لنا خلطة سرية للقهوة:D

القهوة ياحمد:nice:

[عندليب قطر]

اصلاً لو في احتكاك بين الآباء والأبناء نفس قبل جان ما شفنا وايد من البلاوي اللي قاعدين نشوفها الحين << طبعاً مب الكل إلا من رحم ربي

[7llo]

تصدق ملابسي اكثرها امي الي تختارلي اياها صج اني اشتري بس مب وايد وحتى لو رحت ابي اشتري اودي معاي امي وقبل ماشتري اخذ رايها حلو ولا لا لانها عودتنا على هل الشي من واحنا صغار مع انه شحط عمري 25 سنه هههههههههههه

[ام السعف]

يا عالم حمد اختفى
:telephone: