($( استغلال القطريين من قبل المطاعم والميره )$)

[حبر وقرطاس]

السلام عليكم ورحمه الله وبر كاته ..

اخواتي واخواني اعضاء وقراء منتدى الاسهم ..لاحظت في الفتره الاخيره
وجود ممارسات لبعض المطاعم والميره تحت بند خدمه الزبون وهي ممارسات مغلفه
بحسن النيه واستغلال تسامح وتفهم المواطن والمواطنه القطريين تحديدا
اعطيكم امثله :

تذهب /تذهبين للميره لشراء المستلزمات المنزليه بمبلغ وقدره ..عندما نأتي للدفع تجد موظفه الكاونتر وهم في الاغلب الجنسيه الفلبينيه تسألك : سيدي / سيدتي باقي لك ربع ريال تحب تاخذه والا اضيفه في صندوق التبرعات !!!!!!!!!!!!
بمبادره فرديه منها وبأسلوب مهذب ولبق وكانها تريد ان توفر عليك عناء التبرع بنفسك!!
المشكله هالنوعيه من الناس لا تفهم معنى التبرع عند المسلمين بأن الاجر ومضمون البركه بأن يتبرع الشخص بنفسه لا ان يكون هناك وسيط بالبياخه هذه . مع العلم هي بامكانها اخراج الربع من درج الكاونتر واعطائك ومع العلم ايضا ان صندوق التبرعات عاده جنب الكاونترات !!!!!!!!!!

الحاله الثانيه :

الاحتيال والاستغلال للزباين القطريين .. توقف عند مطعم من هالمطاعم الي مشهوره بورق العنب والمشاوي وسندويشات الكفته وتطلب طلب واضح ومحدد على سبيل المثال :
اثنين سندويش كفته صاروخ وصحن ورق عنب ب15 ريال وصحن مقبلات ب25 ريال

ياخذون منك الطلب وتظل اقف لحد مايجهز بعد مايجهز الطلب يجيك ويعطيك الطلب وياخذ منك مثلا 80 ريال
تحرك توصل البيت تفتح الوجبات تلقى سندويشه زياده قد لا تهتم بالاتصال بالمطعم في اغلب الحالات وبتقول يالله زياده الخير خيرين مب مشكله . وبعض الناس يتصلون تلقى الي يرد عالاتصالات يقول لك معليش لا مؤاخذه بالغلط الظاهر مافهم عليك الي خذ الطلب واسمح لنا ومن هالكلام .
يكونون دفعوك زياده على شي انت اساسا ما طلبته
بالعربي يربحون نفسهم غصبا عن خشمك وقليل جدا الي يرجعون الاكل الزايد ويسترجعون فلوسهم ..

اساليب وطرق ملتويه للتحايل .
من صارت معاه لتعم الفائده ولنشر الوعي

[همر]

عادي عادي .. مابيفقرنا الربع... خلهم يبوقون فسافس

لا تسمن ولا تغني من جوع وتحسب عليهم

واستقبل جبال حسنات يوم القيامه ان شاء الله..

[حبر وقرطاس]

عادي عادي .. مابيفقرنا الربع... خلهم يبوقون فسافس

لا تسمن ولا تغني من جوع وتحسب عليهم

واستقبل جبال حسنات يوم القيامه ان شاء الله..




معناته الله يسلمك مشت عليك لعبتهم دامك مستهين بالربع او بدفع مبلغ بسيط زياده فوق ماطلبت . بس ابشرك الربع مني ومنك ومن غيرنا وغيرنا وغيرنا عندهم اخر الشهر تسوى كم الف على حساب طيبتك والاستخفاف فيك وفيني وفي كل القطريين لان فلوسنا زياده في نظرهم

تراهم مب اغبيا عشان ياخذون منك عشره ريال تبرعات والا يحطون مبلغ مبالغ فيه عشان لفت النظر
هذولي في بلادهم عندهم اساليب مبتكره لسرقات يجون يوردونها للمجتمعات الخليجيه بكل سهوله والسبب ان مجتمعاتنا بطرانه في نظرهم ومكتفين قوت يومنا عكس واقعهم

فهل ترضى تكون انسان يستغله الاخرون ؟ احنا نتكلم من حيث المبدا

[تاجر كشخة]

صادق أخوي يحترفون مهنة النصب علينا بس أحنا الغلطانيين ليش لان نسكت عن حقنا المشكلة الاخ همر يحسب السالفة انها سالفة ربع وانص ريال أو عشرة الريال المشكلة لما تطلع قدامهم مغفل ويضحكون عليك من ورى ظهرك على بالهم الي سووه شطاره منهم

[وحيد-الشوق]

في اوروبا حتى السنت يردونه لك مع انه ماله قيمه تذكر بالنسبة لنا احنا السياح

اشكال البوق والنصب عندنا

مره وانا في مطعم قرطبة في المنتزه كنا انا ورفيجي كذا مره نطلب دجاج مسحب كامل لأنه يتعذر يقولي مانسوي نصف مسحب لأنه الدجاجه تجي كاملة !!
المهم سعر المسحب كان 30 اذا ماني غلطان اخر مره جاب لنا الطلب مرتب وعلى صحنين قلنا له زين الي سويته المهم استغربت لما دفعت وقريت الفاتوره كاتب 1 مسحب على صحنين !! وزايد 10 ريال او 5 ريال

وأيضا مطعم صب واي الحرامي سياسه الاكسترا عنده لين تجي تطلب وتختار السندويتش وياويلك اذا كنت غشيم كل شوي بو فلبن اكسترا سير اكسترا شيييز والله يبطون جبدي بس انا عرفت لهم عدل :)

بعض الناس تنظر للقطريين خصوصا انهم اصحاب رواتب عالية حسبالهم قاعدين على بنك ولا فلوسنا في الشارع

[همر]

معناته الله يسلمك مشت عليك لعبتهم دامك مستهين بالربع او بدفع مبلغ بسيط زياده فوق ماطلبت . بس ابشرك الربع مني ومنك ومن غيرنا وغيرنا وغيرنا عندهم اخر الشهر تسوى كم الف على حساب طيبتك والاستخفاف فيك وفيني وفي كل القطريين لان فلوسنا زياده في نظرهم

تراهم مب اغبيا عشان ياخذون منك عشره ريال تبرعات والا يحطون مبلغ مبالغ فيه عشان لفت النظر
هذولي في بلادهم عندهم اساليب مبتكره لسرقات يجون يوردونها للمجتمعات الخليجيه بكل سهوله والسبب ان مجتمعاتنا بطرانه في نظرهم ومكتفين قوت يومنا عكس واقعهم

فهل ترضى تكون انسان يستغله الاخرون ؟ احنا نتكلم من حيث المبدا


انا احتسب الاجر طال عمرك .. وجعلها زقوم في بطونهم..

صدقني مايتهنون فيها... ولا راح تغير النفوس الدنيه..

فليش اعور راسي ... انا معاك من ناحية المبدأ..

بس احياناً تقيس الامور... هل تسوى السالفه؟!!

اذا انت حساس بزياده من ناحية هالامور خلك حريص

قالوا لك تبي تتبرع .. بكل برود اقولهم لا :)

طلبات المطعم لو يلفونها بخياش مخيشه مثل مايسوون

مطاعم الوجبات السريعه افتحها وانا في السياره واتأكد

من الطلب وكفى الله المؤمنين شر القتال ...

[تاجر كشخة]

في اوروبا حتى السنت يردونه لك مع انه ماله قيمه تذكر بالنسبة لنا احنا السياح

اشكال البوق والنصب عندنا

مره وانا في مطعم قرطبة في المنتزه كنا انا ورفيجي كذا مره نطلب دجاج مسحب كامل لأنه يتعذر يقولي مانسوي نصف مسحب لأنه الدجاجه تجي كاملة !!
المهم سعر المسحب كان 30 اذا ماني غلطان اخر مره جاب لنا الطلب مرتب وعلى صحنين قلنا له زين الي سويته المهم استغربت لما دفعت وقريت الفاتوره كاتب 1 مسحب على صحنين !! وزايد 10 ريال او 5 ريال

وأيضا مطعم صب واي الحرامي سياسه الاكسترا عنده لين تجي تطلب وتختار السندويتش وياويلك اذا كنت غشيم كل شوي بو فلبن اكسترا سير اكسترا شيييز والله يبطون جبدي بس انا عرفت لهم عدل :)

بعض الناس تنظر للقطريين خصوصا انهم اصحاب رواتب عالية حسبالهم قاعدين على بنك ولا فلوسنا في الشارع

متعلمين النصب علينا

[لبيبة]

اتبرع بها بنفسي ولا اخليها لهم.

[alsoq]

لا تعب نفسك قل اللهم انه صدقه

[حبر وقرطاس]

طيب بما ان احنا عرفنا ان الشغله فيها نصب

واستغلال


ماهو الاجراء ضد هذه الممارسات؟؟؟؟؟؟؟؟؟؟؟؟

[بوخالد911]

اي
بطلوا عيووونكم زين ما زين
والله يحفظنا من النهبة

[مبتدئه]

سالفة الربع ريال بعد دايم تصير معاي هذه الحركه وخاصة بكارفور واحتر منها لكن استحي اتكلم لكن حسيتهم مصخوووها

[بوNasser]

في كل مكان النصب علينا والله المستعان

مرة صبيت في السيارة بترول تقريبا 63 ريال، (لا مب قحي بس السيارة كان فيها اقل من النص بشوي) المهم ما لكم بالطويلة، عطت الحبيب مية ريال ورجع لي الباقي، كل مرة احط الباقي في البوك بدون حساب بس هالمرة دار لي شور احسب الباقي والا ناقص عشر، لا ومن الزود العامل يطالعني وفي يده عشر ريالات، قلت له باقي عشر ريالات، قال سوري باباه، وعطاني العشر.

واحد مثل هذا شلون تتعامل معاه؟؟؟؟

انا خليته ورحت.....

[بوخالد911]

في كل مكان النصب علينا والله المستعان

مرة صبيت في السيارة بترول تقريبا 63 ريال، (لا مب قحي بس السيارة كان فيها اقل من النص بشوي) المهم ما لكم بالطويلة، عطت الحبيب مية ريال ورجع لي الباقي، كل مرة احط الباقي في البوك بدون حساب بس هالمرة دار لي شور احسب الباقي والا ناقص عشر، لا ومن الزود العامل يطالعني وفي يده عشر ريالات، قلت له باقي عشر ريالات، قال سوري باباه، وعطاني العشر.

واحد مثل هذا شلون تتعامل معاه؟؟؟؟

انا خليته ورحت.....



المفروض تبلغ الفورمان مالهم

لا تتساهلوووووووون كللللللللللللللش:anger1::anger1::anger1::anger1:

مرررة عفست عامل بنغالي
رجع لي المبلغ ناقص

ورحت للمكتب بجنب المحطة واشتكيت عليه

:nice::nice::nice:

[همر]

المفروض تبلغ الفورمان مالهم

لا تتساهلوووووووون كللللللللللللللش:anger1::anger1::anger1::anger1:

مرررة عفست عامل بنغالي
رجع لي المبلغ ناقص

ورحت للمكتب بجنب المحطة واشتكيت عليه

:nice::nice::nice:

قطع الاعناق ولا قطع الارزاق يا بوخالد :weeping:

[ام ناصر1]

اما الحالة ..الاولى ربع ونصف ريال ...اعتبرها في ثواب والديك ......لانه اصلا احنا مانستخدمها
باقي السوالف لا ماينسكت عنها حتى مايتمادون ...

[إكليل الزهور]

و عليكم السلام

من شفت بند التبرع في فواتير الميرة رحت ابحث و قريت ان قطر الخيرية متعاقدة مع الميرة ان الربع الزيادة ينضاف في بند التبرعات. بقتبس سطور من الخبر:

"وقعت قطر الخيرية اتفاقية تعاون وشراكة مع شركة الميرة للمواد الاستهلاكية تتيح لعملاء الشركة في جميع فروعها التبرع بفائض الحساب المكون من الدراهم والزائد على الريالات لصالح مشاريع قطر الخيرية..."
"ويتم إبلاغ العميل من خلال (الكاشير) بأنه يمكنه أن يخصص الدراهم المتبقية من حساب الفاتورة لصالح المشاريع الخيرية، على أن يعطى العميل كامل الحرية في الموافقة أو عدم الموافقة على التبرع..."

الخبر منشور في جريدة العرب بتاريخ 30 - 4 - 2012 - الرابط: http://www.alarab.qa/mobile/details.php?issueId=1600&artid=186946

وطبعاً انا ضد هالشي و أستغرب ان غالباً الميرة ماعندها دراهم عشان ترجعها للزبون! و لا بعد الكاشيرة تسألني: عندج ربع؟ عندج نص؟ يعني دام انهم يطلبون دراهم فالأولى ان يكون عندهم دراهم يردونها للزبون، مب فجأة يطلع ماعندهم!!!! وين "يعطى كامل الحرية" وهم يحطون الزبون في هالموقف؟

انا شخصياً ما أرضى حد يجبرني ع التبرع..


و مرة الخدامة ردت الفاتورة و فيها ربع للتبرعات، يوم اسألها طلع ماعندها فكرة! مستحيل الكاشير سألها اذا بتتبرع بالربع! وحتى اذا سأل الحين الفلوس فلوسي شلون خدامة والا سايق ينسألون اذا بيتبرعون بها؟ :anger1:

واذا صار و راحت هالدراهم تبرعات بدون لا أدري، شتعتبر؟؟؟؟

الجمعيات أول كان فيها نصوص بالهبل، الحين مافيها.. ليش؟ وين تروح الدراهم؟

وبعدين صناديق التبرعات موجودة فالجمعية نفسها من غير الموظفين اللي عندهم كوبونات ! و الصناديق في كل مكان مراكز صحية و جمعيات و مجمعات. ردوا الدراهم للزباين و هم بيتبرعون بأنفسهم، مب تجبرونهم على هالشي لأن مافي دراهم...

و بالنسبة للمطاعم وايد يستهبلون حتى مطاعم الفاست فود.. بصراحة ماحب يستغفلوني و ياخذون خردة من حسابي (يسرقوني يعني) و الا يغيرون الطلب بكيفهم( سواء بهدف السرقة والا نتيجة إهمال)..

اذا كل مرة بنمشيها متى بيستعدلون؟ و اذا سكتنا معناته نشجعهم ع الخطأ وتكراره وجذي ماراح نخلص..


شكراً ع الموضوع المهم

[التيما]

الدراهم اللي لي ان شاء الله لو انطر ساعة وهم يدورون مب طالعة إلا فيها لين تعلموا من يشوفوني يعرفون شبيجيهم .. او بالبطاقة وأفك راسي .. والمطاعم احاسبهم عالريال .. مب بخل بس زمن البوق والمقصة راح ..

[&بوشهد&]

طيب بما ان احنا عرفنا ان الشغله فيها نصب

واستغلال


ماهو الاجراء ضد هذه الممارسات؟؟؟؟؟؟؟؟؟؟؟؟

اخذ حقك بنفسك
يعني تطلب من المطعم اعرف وش طلبت وكم سعره وفي الحال حاسبه
اما بخصوص النص او الربع اما يعطيك اياه او خذ مكانه علك وفك نفسك عشان ماتحس انه سرقك