تحذير ،،، تحذير ،،، تحذير

[ابوعلي]

السلام عليكم ورحمة الله وبركاته

الحذر من رسالة يتداولها الجميع هذه الأيام ، على أجهزة ومواقع التواصل ، فيها أرقام قطرية تبدأ ب 66 و 33

محتواها:

" اي عائله محتاجه اغراض رمضان من مآكل ومشرب الرجاء الاتصال
على .......... "

▪ إتصلت على أصحابها فأجابني أحدهم بالآتي ، والله على ما أقول شهيد:

"ياخوي السالفه ومافيها ان ربعي مسويين الموضوع علي عشان يورطوني في هالسالفه

( كلنا نتمنى ان نفعل خير بس امكانيتي ما تسمح لي ) يعني مقلب" ؟؟؟!!!!!

▪ لذا وجب الحذر منها ومن أمثالها وعدم نشرها ، وعدم الوقوع في الفخ ، والحرص على أعراض المسلمين ، ولا يخفى على الجميع أنه قد تكون بعضها مصيده للنساء ، وغايتها إنتهاك الأعراض، والعياذ بالله ،،،

فالحذر ،، الحذر ....

-- آمل من كل من نشر تلك الرسالة أن ينشر رسالة التحذير هذه ،، والله يكتب أجر الجميع.

اللهم إحفظ الإسلام والمسلمين ، وإستر علينا وعلى جميع المسلمين ،،، اللهم آمين


هذي رسالة تحذير من ولد عمي بعد اتصاله باحد الاشخاص الي باعث رسالة اغراض رمضان

[غزلان]

جزاك الله خير

والحذر من كل شي فيه ريبه لازم يتوفر عند الكل لاتقولون الدنيا بخير ولا توسوسون لأنه من خاف سلم

[ROSE]

فعلا وصلتني الرساله عن طريق البلاك بيري وطنشتها لاني ما اثق باي خبر او معلومه تجيني من خلاله

[داااايم السيف]

طنش تعش تنتعش ،، هذا شعاري من زمان لمثل هذه الرسائل ،، وازيدك من الشعر بيت اخوي بوعلي الاتصالات الي دوم تجيني من الخارج (ارقام غريبة) طخة بورنة ماتصل عليهم ولا ارد عليهم خير شر
الله يهديهم ،،
بالنسبة للاخوان المحبين للنشر اتمنى عدم نشر مثل هذه الرسائل الا بعد التأكد من مصدرها

[مشتاقة لقطر]

بالفعل هالرسايل تنتشر كل سنة بنفس الوقت

[..er..]

طيب وش الفآيده من ( المقلب ) على قولتهم .. :)

الله يهديهم

[لاجل QT]

ازعاج للاخرين

عيب عليهم

[ام السعف]

ازعاج للاخرين

عيب عليهم

قلة أدب ان صح التعبير

[أبو بكر سالم]

ذكرتني بسالفه واحد من الربع حاط رقمي وحاط كورلا للبيع يمكن هنود الدوحه كلهم دقوا علي حتي الي في الهند اجازه دق لعبتهم الكورلا والله تسندرت لدرجه قمت اقول لهم خلاص بعت السياره هههههه

[لاجل QT]

قلة أدب ان صح التعبير

نعم من قلة الادب والذوق اللعب بعقول ومشاعر الناس

اي والله مقلب في رفيجنا..قمة السخافة

كل شي صار عند البعض لعب واستهزاء..دليل شخصيتهم السطحية

اقول دام هالكثر متفرقين روحو جاهدو في سوريا ..يمكن تنالون شرف الشهادة..امبدال لعب الحريم هذا

[راشد محمد]

ذكرتني بسالفه واحد من الربع حاط رقمي وحاط كورلا للبيع يمكن هنود الدوحه كلهم دقوا علي حتي الي في الهند اجازه دق لعبتهم الكورلا والله تسندرت لدرجه قمت اقول لهم :nice::secret:

:nice::nice:

[كازانوفا]

حتى هاي الامور ما عتقوها من سفاهتهم وتفاهتهم من النشر

[طرف محايد]

ذكرتني بسالفه واحد من الربع حاط رقمي وحاط كورلا للبيع يمكن هنود الدوحه كلهم دقوا علي حتي الي في الهند اجازه دق لعبتهم الكورلا والله تسندرت لدرجه قمت اقول لهم خلاص بعت السياره هههههه



هههههههههههه


والمشكلة يا بو بكر انك مب فاضي لهم



وراك استديو وتسجيل والحان




ههههههههه

[fhd4]

اللوم مب للي سوى المقلب ... اللوم على اللي يرسل هالرسايل بدون ما يتأكد ...

[راعي ال VXR]

لاحول ولا قوة الا بالله
يقعون في ضرر اخاهم ونسو بان دعوة المظلوم مستجابه

[راعي ال VXR]

ونسو ايضا بان امرأة كانت تصلي وتزكي والرسول صلى الله عليه وسلم قال عنها انها في النار
السبب كانت تؤذي جيرانها بلسانها

[كازانوفا]

ونسو ايضا بان امرأة كانت تصلي وتزكي والرسول صلى الله عليه وسلم قال عنها انها في النار
السبب كانت تؤذي جيرانها بلسانها

هذا وان دل دل على الجهل بالدين واخذه للتسليه في الطرقات والمجالس عافانا الله واياكم

[تحداني]

انا عمري ما اتصلت على اي رقم يجيني
ولا فكرت للحظه ان هذا صادق او كاذب او خياط او دوبي او اي شي
دام انه رقم مجهول فنقصرها من الاخر

وابواب التبرعات كثيره
واولها الاماكن المعروفه
فما انصح نركض ورى مسج



الله يجزيك كل خير يارب

اخوي بوعلي طولتوا وايد :(
اخبار الوالده واسمح لي اخذت من هالموضوع مكان
متى الرده ؟؟

[Qatar Angel]

الله يجزاك خير على التنبيه،،

وفعلا قبل فترة جاني مسج عن أرملة قطرية محتاجة
وحالتها صعبه ومن هالكلام،، يوم اتصلت رد علي واحد
سمع صوتي وقام يضحك ،، مبين حد مخسس فيه

[MAZEN37]

قلة أدب ان صح التعبير
هي قلة الادب
بدون صح التعبير

[Jassim.mohad]

الله يجزاك خير

[سمو الروح]

جزاك الله خيرا

[ابوعلي]

انا عمري ما اتصلت على اي رقم يجيني
ولا فكرت للحظه ان هذا صادق او كاذب او خياط او دوبي او اي شي
دام انه رقم مجهول فنقصرها من الاخر

وابواب التبرعات كثيره
واولها الاماكن المعروفه
فما انصح نركض ورى مسج



الله يجزيك كل خير يارب

اخوي بوعلي طولتوا وايد :(
اخبار الوالده واسمح لي اخذت من هالموضوع مكان
متى الرده ؟؟

مسموحة اختي ومدام لصحة الوالدة بنعيش الدهر كله الاهم تتشافى والحمدلله هي بتحسن ومع العلاج الطبيعي ومددوا لنا لين تاريخ 31-8

واذا شفنا ان امورها طيبه بنرجع قبل هالتاريخ

وتسلمين على السؤال يالأصيلة :)

[أم علي 2010]

صارت لي مرة على أساس أن يجيب خدم

وطلع ربعه ناشرين الرقم

[لبيبة]

حركة بايخة جدا