تصميم كبت ..

[مشتاقة للجنة]

السلام عليكم ورحمة الله وبركاته ..

صباح / مساء الخير للجميع ..

ياليت تفيدوني بأفضل محل يفصل لي كبت نفس اللي بالصورة وتكون الجودة ممتازة ابي نفس التصميم وطريقة الكرسي اللي تحته أدرج وعندي ف الغرفة نفس تصميم الدريشة وأكون شاكرة لكم ..

http://static.hawaacdn.com/PE/2008/12/17/02/df_28_0-1.jpg

[عندليب قطر]

اتوقع في ايكيا

[غالية80]

المتحدة شغل بروفيشنال

[مشتاقة للجنة]

اتوقع في ايكيا

لأ مالقيته .. وانا ابي افصله ماابي جاهز ..

[مشتاقة للجنة]

المتحدة شغل بروفيشنال

وين مكانه بالضبط وكم اسعارهم ؟

[ولد المنصور]

المتحده للتجهيزات ,, شغلهم محترم جدااا ولو انه اشوي غالي بس يستاهل انا جربتهم في الابواب ..
مكانهم ,, طريق سلوى بعد محطه بترول التيسير قبل انصار ستي بشوي ..

[dream~qa]

الميرة للخزاين

[NO_LIMITs]

خزانه على طريق سلوى قبل مطعم ناندوز,, عجبني شغلهم بس مانفذت الشغل لانه كان غالي..

اذا بس نفس الصوره اتوقع السعر مايطوف ال 10000 بدون ابواب ,, انا سويت تصميم غرفه كامله حرف u مع تسريحه وابواب سحاب طلع السعر 35000

[عاشق العديد]

راسلي شركه برع قطر تصنع لج من افضل الجوده وارخص بس مايندرا عن الشحـن ..

والله يوفقـج

[بو الجوري]

أغلب محلات المطابخ والخزانات تسويه لج

أنا تعاملت مع إكسلوسف اللي على طريق سلوى

[مشتاقة للجنة]

الله يعطيكم العافيه ماتقصرون ..

[Almossafer]

منجرة المانع بالصناعيه
انا شفت يعملون خزائن
واحنا عملنا الابواب من عندهم
ماعليهم كلام

[ولد شرق]

رافكو
شغل ممتاز واسعار معقوله

[السويدي 88]

منجرة المفتاح شغلهم بروفيشنال
بس غالي وايد

[بومحمد المطاوعه]

ايكيا تقدرين تفصلين


انا مفصل بس انطر يجيبون الخشب

[معماري قطري]

أي منجره ممكن تسوي هذي التقسيمات

بس لاحظي ان فكرة هذي عبارة عن غرفة كاملة بباب وبكبتات مفتوحة بدون أبواب، مما يسهل الوصول لأي قطعه .. عرضت في موضوع أنواع منها وفيه طريقة يخلون عارضة التعليق مركبة قريب من حافة الخشب بحيث يكون تحريك الثياب أسهل للوصول لأي قطعة.

عند المتحدة اكسسوارات للكبتات وممكن تستخدم لنوعية الكبتات ذي.