هل سبق سلفت شخص ومارده أو أعسر ولم يرد دينك

[ودي أكون]

بسم الله الرحمن الرحيم

حديث يغيب عن كثير من الناس

قال رسول الله صلى الله عليه و سلّم ( من أنظر معسراً فله بكلّ يوم مثله صدقة قبل أن يحلّ الدين فإذا حلّ الدين فأنظره فله بكل يوم مثلاه صدقة ) صححه الألباني رحمه الله

المصدر / صحيح الجامع - الصفحة أو الرقم : 6108

====================

http://www.************/watch?v=ghqRf0S8MdQ

====================

فحتى لو ماطل في السداد أو أعسر ولم يرد دينك لاتعتقد أنك خسرت بل ستجد أنك انت الكسبان واليك بعض الفوائد :

1- أخذت أجر التفريج عن مسلم وقد قال نبينا صلى الله عليه وسلم من فرج عن مسلم كربة من كرب الدنيا فرج الله عنه كربة من كرب يوم القيامة

2- تاخذ عن كل يوم صدقة بنفس المبلغ

3 - أذا أمهلته يكون لك عن كل يوم مثلي المبلغ صدقة ( يعني ضعف المبلغ ) وكلما أمهلته يتضاعف الأجر

4 - يظلك الله في ظله يوم لاظل الا ظله فقد قال نبينا صلى الله عليه وسلم من أنظر معسرا أو وضع له ، أظله الله يوم القيامة تحت ظل عرشه ، يوم لا ظل إلا ظله

وعن ‏أبا هريرة ‏‏رضي الله عنه عن النبي ‏صلى الله عليه وسلم ‏‏قال ‏كان تاجر يداين الناس فإذا رأى معسرا قال لفتيانه تجاوزوا عنه لعل الله أن يتجاوز عنا فتجاوز الله عنه

وقال ايضا صلى الله عليه وسلم من سره أن ينجيه الله من كرب يوم القيامة فلينفس عن معسر ، أو يضع عنه - وهذان الحديثان صححهما الألباني رحمه الله

5 - يرجع لك المبلغ ولا خسرت شي فلوسك ورجعت لك لكن كسبت كل هالحسنات فمن يفرط في هذه الأجور

6- هل تعلم ان الصحابة والتابعين كان بعضهم يضع مبلغ من المال على جنب ويخصصه فقط لأقراض أخوانه لكي يأخذ أجر كل يوم صدقة فهم يعرفون عظم الأجر

ياليت ننشر الموضوع أخوتي في المنتديات والأيميلات فقد يخفى على البعض هذه الأحاديث وهذه الأجور العظام

[روح الاطلس]

طيب مثلا اذا انا سلفت شخص وظنيت انه بياخذ السلف ويرجعه مثل ماوعد لكن الشخص لم يفي بوعده و المال الان يعتبر دين في رقبته
ومن ناحيتي لا احتاج للمبلغ لكن اخشى ان لا يعيد المال ويأخذ ذنب بسبب ذلك
فما الحل؟؟

ان سامحته من داخلي وتنازلت عن مالي هل سيعفيه ذلك من الذنب؟!

[MAZEN37]

طيب مثلا اذا انا سلفت شخص وظنيت انه بياخذ السلف ويرجعه مثل ماوعد لكن الشخص لم يفي بوعده و المال الان يعتبر دين في رقبته
ومن ناحيتي لا احتاج للمبلغ لكن اخشى ان لا يعيد المال ويأخذ ذنب بسبب ذلك
فما الحل؟؟

ان سامحته من داخلي وتنازلت عن مالي هل سيعفيه ذلك من الذنب؟!
يا سلااام وايد مثلك !! خايف على ذنبه !!
شرايك تسلفني وعقب تسامحني ؟
بالنسبه للموضوع فتح الله عليك يا صاحب الموضوع لكن والله تبقى غصه بالقلب
تدري ليش لانك يوم سلفته هدفك تساعده وتفرج كربه وعقب طناش وجحود ونكران
الموضوع مب فلوس
الموضوع في ناس طبعها تاخذ وما تعطي تحصل عنده بس هو اكاال نكاار

[همر]

يووووووه ماتعدش...

في ناس تتسلف وتنسى انها تسلفت سنين وبنين..

ودام الحسابه بتحسب.. الحمدلله على كل حال..

[أبوفهد666]

http://center.jeddahbikers.com/uploads/images/jb13716507481.jpg (http://goo.gl/X7MMB)

[روح الاطلس]

مازن اذا محتاج اي بسلفك

وليش مو مصدق اني اخاف على غيري يشيل الذنب؟!!!

انا جذي واذا مب مصدق براحتك يبه


ماعندي مانع حد ياكل فلوسي حلال زلال ومن عندي مسامحه الكل لكن هل بيكون آثم الشخص حتى ان سامحته!!


بالنسبه للناس اللي تتسلف وتنسى استغرب بروده ضمائرهم
انا ماحب اخذ ولا عمري طلبت سلف لاني اعرف نفسي مابنام الليل افكر في السلفه مره وحده خذت قرض من عملي بدون فوايد والقسط ميسر لكن ماعشت براحه لين رجعته كامل وماعاد كررتها لا قرض من البنوك ولا سلف من الناس

[طبيب قطري]

عندي سؤال اذا كان كلا الزوجين يشتغلون وواحد منهم طلب سلفه من الاخر يعني الزوج طلب سلفه من زوجته او العكس ، ومارجع المبلغ ، هل الطرف الاخر له الحق في الطلب برد السلف مع الاخذ بالاعتبار بحساسيه مثل هذي المواضيع والخوف من المعايره والمشاكل؟

[MAZEN37]

عندي سؤال اذا كان كلا الزوجين يشتغلون وواحد منهم طلب سلفه من الاخر يعني الزوج طلب سلفه من زوجته او العكس ، ومارجع المبلغ ، هل الطرف الاخر له الحق في الطلب برد السلف مع الاخذ بالاعتبار بحساسيه مثل هذي المواضيع والخوف من المعايره والمشاكل؟

حسب مقدار الاحترام والتقدير والحب
انا اومن بانه الزوجين ذمتهم الماديه واحده ولازم اي زوج او زوجه يبنون بيتهم على هذا الوضع

[صدى الرعد]

أي نعم والرد كان كان ياخي ماعندي من وين اجيب لك ..قويه الصراحه انصفق وجهي ماقدرت ارد عليه الا بكلمة عليك بالعافيه مابي منك شي وياكثرهم هالاشكال ثرا صارت موضه

[ام ناصر1]

تعلمت احط لمت للسلف فإذا راحت علي ...ما اتحرقص ...وهاي فيه راحة ...

[ابوعلي]

على قولة اخونا همر يوووووه ماتعدش

ولكن الله يتقبل منا ويرزقنا اجر نيتنا

والي يحز بنفوسنا ان هالناس الي نسلفهم نشوفهم بخير ونعمه عقب وخذوها عادة ولا يفكرون برد الدين وخوفنا عليهم ان يتحاسبون على هالشي اذا شخص ما سامحهم على الدين

[بصمة قطرية]

أستغرب من اللي يقدر ينام الليل و العالم تطالبه ...!!!!
إذا الشهيد رب العالمين يسامحه في كل شي إلا الدين ..
في ناس بصراحة ما يهمهم و لا يفتكرون ..!!!
ذكرتوني بوحدة من كم سنه خذت بضاعة من صديقتي
و لا دفعت لين اليوم ..
إضطريت أدبر المبلغ و أدفعه لصديقتي
بدون لا تدري طبعاً ..
و ذيك و لا في إذنها ماي ..!!!
في هالحالة الواحد شيسوي ..!!

يا كثرهم اللي ما عندهم لا ذمة و لا ضمير ...

[نتفـه]

اي :) .. وايد .. ويجحدون بعد سبحان الله :)

[alsoq]

من سلف شخص يحط في باله خيار انها لا ترجع وانت بينك وبين نفسك اعف عنه اذا جات خير وبركه واذا ما جات صدقه لك وفعلت خير

قد تدركك المنيه قبله ويتم معلق بسببك

يعني انت حاول انه يردها

[برشلوني قطر]

من سلف شخص يحط في باله خيار انها لا ترجع وانت بينك وبين نفسك اعف عنه اذا جات خير وبركه واذا ما جات صدقه لك وفعلت خير

قد تدركك المنيه قبله ويتم معلق بسببك

يعني انت حاول انه يردها


يعطيها الورثه اذا خذ الله امانته

بس ف نقطه ذكرتها وانا اطبقها. قد ماقدر اذا

بسلف حد احط ف بالي ماترجع لاااكن مب كل الناس

تسلف ومب محتاجه المبلغ

ودي اكون موفقه ف اختيار الموضوع واحنا

ع ابواب رمضان. جزاج الله خير

[حسن]

يقولون السلف تلف

الصراحه في وقتنا العياره والواته كثيره يجيك يبي سلف ويتمسكن وعقب ماتشوف غبرته
ولا يوفي بوعده ويامكثرهم حسبي الله ونعم الوكيل
انت ياللي تشوفني الى متى عاد ياوجه استح خيل على نفسك شهرين صارت سنتين

اوصيكم لحد يسلف حد لو يموت جدامك
الا اذا اخوك ملزوم به

[00soma00]

يقولون السلف تلف

الصراحه في وقتنا العياره والواته كثيره يجيك يبي سلف ويتمسكن وعقب ماتشوف غبرته
ولا يوفي بوعده ويامكثرهم حسبي الله ونعم الوكيل
انت ياللي تشوفني الى متى عاد ياوجه استح خيل على نفسك شهرين صارت سنتين

اوصيكم لحد يسلف حد لو يموت جدامك
الا اذا اخوك ملزوم به
والله انا سلفت وحدة قالت لى شهرين بالضبط

والان الفلوس لها 7 سنوات او اكثر

والمبلغ كان كبير وانا متاكدة ان عندها فلوس وتقدر تسد دينها لكن هى مش فى بالها

ودائما تقول مافى عندها فلوس وهى كذااااااااااااابة

والله مابسامحها فيهم ليوم الدين


سؤال برىء هل فى هذه الحالة ايضا اخد اجر على هذى المدة او لاء بما انى ماسمحتها فى الفلوس بل كل ماأتذكرها اقول الله ينتقم منها النصابة

[نور الحور]

:weeping:

الواحد يتعلم دروس في الحياة ويكسب أجر :weeping:

[مسمس12]

مرة وحدة بس

[نوار قطر]

اي سلفت ناس قراب مني وماردوهم يفدووون اثرهم وهالبيزات ماتسوى تراب ريلهم ممم بس ماجربت اسلف حد غريب اقصد من معارفي ..

[أم نواري1]

الله يهديهم
موجودين فعلا
طيب واللي يسلف وينسى إنه سلّف أحيان = )

[عندليب قطر]

الله يجزى صاحب الموضوع خير

[مستوى الدعم]

يا أختي الأحاديث وردت في التيسير على المعسرين الذين لا يقدرون على السداد..

لكن.. لننظر للموضوع من زاوية مختلفة..

هناك أشخاص يظنون أنهم معسرون (متوهق يبي يصيف للترفيه وما عنده سيولة أو وحدة دش في خاطرها طقم مجوهرات فان كليف).. ويزعجون من حولهم وهم يتوسلون ويشتكون من الضيق والرغبة في الاستدانة لتلبية الحاجة.. ويعدون بالسداد مع نزول المكافأة السنوية Bonus أو بدءاً من الشهر القادم..
وعندما نضيق على أنفسنا ونسلفهم ونحن نظن أن أموالنا سترد لنا في وقت قريب.. نجد أن مسلسلات المماطلة مستمرة.. وهم يتقلبون في النعمة..
عندها هل نعتبر مطالبتنا بأموالنا نوعاً من التيسير على المعسر.. أم نوعاً من الضعف؟ ألم يقل رسول الله صلى الله عليه وسلم: المؤمن القوي خير وأحب إلى الله من المؤمن الضعيف..

أليس من الأولى أن يكون هذا المبلغ الذي أقرضته للمماطلين.. أن يوضع في شيء ينفع آخرتي أو على أقل تقدير ينفعني في الدنيا .. بدلاً من أحرم منه على الجهتين؟

لقد حصل لي هذا الموقف مع إنسانة كفلتها سابقاً في البنك.. ولأكثر من مرة حدث أنها كانت تسحب راتبها كله .. فيخصم قسط قرضها من حسابي أنا.. وكلمتها أكثر من مرة.. فاختلقت لي قصة أنها أخذت القرض لتعطيه لامرأة فقيرة زوجها مسجون.. ووعدتني أن تسدد منذ أكثر من عشر سنوات ولم تفعل.. وأراها تجدد سياراتها ( آخر مرة انفينيتي) وتشتري من حقائب الماركات وتسافر لأوروبا.. وعندما تراني.. تبادرني بالقول أنها تتذكر جيداً أنها مدينة لي ولكنها لا تملك ما تسدد به المبلغ..

[imation]

,





فيه مره واحد راح عند شخص يبغي يتسلف منه فلوس ويوم كلمه قاله ابشر بسعدك,

بس قبل ما يعطيه للفلوس قام وباس يده ,

قاله الشخص المتسلف شلون انته تعطيني فلوس وتبوس يدي ,

رد عليه راعي الفلوس وقال انا الحين ابوس يدك لاني اذا بغيت افلوسي بابوس ريلك والله العالم اذا بترجعهم ولا لا.



,

[نور الحور]

,





فيه مره واحد راح عند شخص يبغي يتسلف منه فلوس ويوم كلمه قاله ابشر بسعدك,

بس قبل ما يعطيه للفلوس قام وباس يده ,

قاله الشخص المتسلف شلون انته تعطيني فلوس وتبوس يدي ,

رد عليه راعي الفلوس وقال انا الحين ابوس يدك لاني اذا بغيت افلوسي بابوس ريلك والله العالم اذا بترجعهم ولا لا.



,



:secret::(:eek5:

[ضوى]

سلفت واحد متعسر بس ان شاء الله بنية الصدقة ، كل مايجيبها لي يردها اقوله يا بو فلان اذا هذي الفلوس متعسر فيها انت مابيها الحين خلك باقل من راحتك ومسكين ياخذها ويجيني الشهر اللي عقبه ، حسيت اشكثر بقهر الرجال ، والله قمت اتجنبه اذا شفته جاي صوبي اطلع من مكتبي واتحجج باي شي حتى لا يفتح الموضوع معاي مابي اجرحه واقوله خلاص مابيهم اخاف تحز بنفسه مب عارفة شاسوي ، انا اعرف انه متعسر والله العالم اشلون يدبر لي هالفلوس كل مرة ، الله يفك عوق كل مسلم
مرة سلفت واحد مبلغ كبير وايد بدون ورقة ولا اثبات لانه زميل زوجي وكان متعسر وعلى اساس بيردها خلال شهرين الموضوع صار له سنة وشوي ولا افكر اسال زوجي مابيه ينحرج مني ولا ابيه ينحرج من زميله ، العوض على الله ومحللته منه دنيا واخرة

[كتكوت الوحش]

المشكلة ما يشوفون روحهم يوم يتسلفون ويطلبون منك عقب تعال رجعهم أو اطلب منه يحسسك انك أطر منه ٍ ويوم يأخذون الفلوس مافي أسهل منها وتعال خله يرجع أوقات يقعد سنين حتى لو المبلغ بسيط من اليوم ورايح ما أسلف حد

[ضوى]

وازيد على تعليقي لو نفس الشخص اللي سلفته ومارد فلوسي وطلب مني مرة ثانية وانا اعرف بحاجته لهالفلوس راح اسلفه اذا عندي المبلغ ومب بحاجته الملحة ، الله العالم بظروف الناس وحاجتهم

[نوار قطر]

ذكرتني ضوى بشخص واايد على قد حاله ويطلب سلف مني واعطيه واقول له ذول حق اليهال عشان يعرف ان هالمبلغ مب سلف ...

[حسن]

الناس الاول توفي بالدين اما الحين تشوفه راكب احسن موتر
ولا يستعد حق السفر لا اوروبا زين ودين الناس اللي عليك

ولا كنه على باله للاسف اارباع الرجال كثر

[ودي أكون]

[color="red"]ودي اكون موفقه ف اختيار الموضوع واحنا

ع ابواب رمضان. جزاج الله خير

جزاك ربي بالمثل أخوي برشلوني

[ودي أكون]

الله يجزى صاحب الموضوع خير

جزاك ربي بالمثل اخوي عندليب

[عايش فرحان]

تعلمت احط لمت للسلف فإذا راحت علي ...ما اتحرقص ...وهاي فيه راحة ...

:nice: سيم سيم

[ودي أكون]

بالنسبه للردود ..

اللي يقول أسامح واللي يقول ماسامح ..؟!

اللي يسامح جزاه الله ألف خير ..
واللي مايسامــح .. أحب أقوله أعرف ان اي شيء عند الله مايضيع .. فأنت اذا سامحته إن شاءالله تاخذ أجرين .. أجر انك فرجت على أخوك بغض النظر اذا كان صدق محتاج او نصب عليك فحسابه على رب العباد .. والاجر الثاني اجر المسامحه ..

بصراحه انا دوم متخوفه من الدين .. مع اني ما اتدين من احد ولله الحمد .. لكني متخوفه من شيء بسيط ..
بمعنى مثلاً كل منا مرات يطلع مكان او حتى فالبيت يطلب من الدكان او المعصره ويصادف ماعنده خردة او المبلغ يزيد بريال وريالين .. وانقول مثلاً لاخونا او اختنا ادفعي خمس والا عشر وبعطيج ..
المبلغ كم .. خمس والا عشر والا ريال وريالين ..
احنا مرات ننسى هالمبلغ .. وغيرك يمكن ماذكرك فيه .. مع انك تقول لفلان ادفع وبعطيك بالنسبة لي .. اعتبرها سلف تعتبر سلف ..؟!

فبالتالي اعتقد من وجهة نظري اغلبنا يتسلف وينسى لان بنظرنا المبلغ مايستاهل .. لكن برايي اعتقد يكون دين والا شرايكم .؟!

الحمدالله انا احاسب نفسي على لريال .. ومسامحه اي شخص سلفته ومارده لي لان مابيه يتعذب فالقبر .. لاني اخاف اكون متسلفه من احد حتى لو ريال ويكون هو متذكر وانا ناسيه ..!! واتعذب مثل ما غيري يتعذب .. عشان جي احاول اسامح اللي سلفتهم وماقدروا يردونها لي واحلل اللي ردها وماخذته منه .. عشان اللي خذت منهم ريال والا ريالين وانا ناسيتهم انهم يسامحوني لين تذكروا هالمبلغ وماذكروني ..والله المستعان
ومرات اتصدق بنية ان كان علي دين يروح اجر هالصدقه للشخص اللي خذت منه لو نص ريال عشان ماتعذب فقبري ..

لكن اللي متسلف مني بقصد النصب يعني متسلف وهو عارف ان ناصب علي او عارف ان ماراح يرده مو لان مايقدر .. لان مايبي ..

فهاذيلا ربي ياخذ حقي منهم والله المستعان

تسلمون على المرور ..

[دااانة قطر]

على قولة اخونا همر يوووووه ماتعدش

ولكن الله يتقبل منا ويرزقنا اجر نيتنا

والي يحز بنفوسنا ان هالناس الي نسلفهم نشوفهم بخير ونعمه عقب وخذوها عادة ولا يفكرون برد الدين وخوفنا عليهم ان يتحاسبون على هالشي اذا شخص ما سامحهم على الدين



للاسف هالنمونه واايد تتسلف وبعدها تشوفهم يساافرون ويروحون ويجون وجداامك يذكرون ايش خذوا ووين رااحوا


ذمتهم وسيعه

[دااانة قطر]

بالنسبه للردود ..

اللي يقول أسامح واللي يقول ماسامح ..؟!

اللي يسامح جزاه الله ألف خير ..
واللي مايسامــح .. أحب أقوله أعرف ان اي شيء عند الله مايضيع .. فأنت اذا سامحته إن شاءالله تاخذ أجرين .. أجر انك فرجت على أخوك بغض النظر اذا كان صدق محتاج او نصب عليك فحسابه على رب العباد .. والاجر الثاني اجر المسامحه ..

بصراحه انا دوم متخوفه من الدين .. مع اني ما اتدين من احد ولله الحمد .. لكني متخوفه من شيء بسيط ..
بمعنى مثلاً كل منا مرات يطلع مكان او حتى فالبيت يطلب من الدكان او المعصره ويصادف ماعنده خردة او المبلغ يزيد بريال وريالين .. وانقول مثلاً لاخونا او اختنا ادفعي خمس والا عشر وبعطيج ..
المبلغ كم .. خمس والا عشر والا ريال وريالين ..
احنا مرات ننسى هالمبلغ .. وغيرك يمكن ماذكرك فيه .. مع انك تقول لفلان ادفع وبعطيك بالنسبة لي .. اعتبرها سلف تعتبر سلف ..؟!

فبالتالي اعتقد من وجهة نظري اغلبنا يتسلف وينسى لان بنظرنا المبلغ مايستاهل .. لكن برايي اعتقد يكون دين والا شرايكم .؟!

الحمدالله انا احاسب نفسي على لريال .. ومسامحه اي شخص سلفته ومارده لي لان مابيه يتعذب فالقبر .. لاني اخاف اكون متسلفه من احد حتى لو ريال ويكون هو متذكر وانا ناسيه ..!! واتعذب مثل ما غيري يتعذب .. عشان جي احاول اسامح اللي سلفتهم وماقدروا يردونها لي واحلل اللي ردها وماخذته منه .. عشان اللي خذت منهم ريال والا ريالين وانا ناسيتهم انهم يسامحوني لين تذكروا هالمبلغ وماذكروني ..والله المستعان
ومرات اتصدق بنية ان كان علي دين يروح اجر هالصدقه للشخص اللي خذت منه لو نص ريال عشان ماتعذب فقبري ..

لكن اللي متسلف مني بقصد النصب يعني متسلف وهو عارف ان ناصب علي او عارف ان ماراح يرده مو لان مايقدر .. لان مايبي ..

فهاذيلا ربي ياخذ حقي منهم والله المستعان

تسلمون على المرور ..

:nice::nice::nice:

[بو سالم]

انا عن نفسي اللي يطلب سلف اقول له عقب ما اعطيه انها له وما ابي منه شي واقول له ااااااالف شكر

ويستغرب غشيم ما يدري ان ربنا يعوضني اضعاااااااااااااف

[راعي ال VXR]

قال تعالى :"من ذا الذي يقرض الله قرضا حسنا فيضاعفه له أضعافا كثيرة, والله يقبض ويبسط وإليه ترجعون*"

ساعة تسمع "يقرض الله" فذلك أمر عظيم, لأنك عندما تقرض إنسانا فكأنك تقرض الله, ولكن المسألة لا تكون واضحة, لماذا؟ لأن ذلك الإنسان سيستفيد استفادة مباشرة, لكن عندما تنفق في سبيل الله فليس هناك إنسان بعينه تعطيه, وإنما أنت تعطي المعنى العام في قضية التدين, وتعاملك فيها يكون مع الله. كأنك تقرض الله حين تنفق مالك لتعد نفسك للحرب..

والحق سبحانه وتعالى يريد أن ينبهنا بكلمة القرض على أنه يطلب منا عملية ليست سهلة على النفس البشرية, وهو سبحانه يعلم بما طبع عليه النفوس.

منقول

[al-obaidly]

الناس مهب سوا