&& العيارة واللواته أمام المسؤولين في العمل &&

[خليفـة]

مساكم الله بالخير جميع

العيارة واللواته باختصار .. هو ان تبذل قصارى
جهدك أمام مسؤولك في العمل حتى يقول عنك :
فلان نشيط .. فلان مخلص لعمله .. فلان يشتغل
وبمجرد ان يغادر ذلك المسؤول مكانك .. يعود العيار
واللوتي لطبيعته من إهمال وتقصير وتقاعس في العمل .

وهناك معنى آخر للعيارة واللواته في العمل :
ان تُجامل وتُمجد وتُعظم من شخصية مسؤولك في
العمل .. وتقول له كلام هو بعيد كل البُعد عن الحقيقة
فقط من أجل ان تكسب ود ورضى ذلك المسؤول .

بناءً على ما تقدم .. العيارة واللواته أمام المسؤولين
في العمل .. هو أن يكون الانسان منافق وكذاب
وكل ذلك لأجل ارضاء مسؤوله حتى لو كان على
حساب كرامة وشخصية ذلك العيار اللوتي .

الأخوة والأخوات
هل مر عليكم عيار/ة او لوتي/ة في مقر عملكم !
وبصراحة .. ما هي نظرتك له !

خليفــة

[روح الاطلس]

نظرتي له ذكي بخبث :)

[خليفـة]

نظرتي له ذكي بخبث :)

غبي وله كرامته بين الناس
ولا ذكي بخبث وفاقد احترام الناس له

كل الشكر للمرور روح الأطلس
:)

[Qatar Angel]

شخصياً اشتغلت 5 سنوات ،، ومن خلال هالفترة

صادفت أنواع خطيرة من الموظفين، وصنفتهم على

حسب نفاقهم الى تماسيح وثعالب وحرباء،، وكل هالنفاق

كان من اجل كسب علاقة ورضى المدير دون اجتهاد في العمل،،

[الوليد1]

في كل مكان موجودين أخوي خليفة العيارين مع تحفظي على الكلمة الثانية

وللأسف إلي مب عيار يضيع حقه

كثير من الأحيان إشوف أشياء ممكن أحصل عليها
لكن في شيء من داخل يمنعني وبقوة أني استوي مثلهم
وأقول ... الله الغني

[خليفـة]

شخصياً اشتغلت 5 سنوات ،، ومن خلال هالفترة

صادفت أنواع خطيرة من الموظفين، وصنفتهم على

حسب نفاقهم الى تماسيح وثعالب وحرباء،، وكل هالنفاق

كان من اجل كسب علاقة ورضى المدير دون اجتهاد في العمل،،
تصانيف معبرة وواقعية
ويبقى وصف "منافق"
هو الوصف الأقرب للحقيقة
شكرا للمشاركة الطيبة


في كل مكان موجودين أخوي خليفة العيارين مع تحفظي على الكلمة الثانية

وللأسف إلي مب عيار يضيع حقه

كثير من الأحيان إشوف أشياء ممكن أحصل عليها
لكن في شيء من داخل يمنعني وبقوة أني استوي مثلهم
وأقول ... الله الغني

الله الغني بالفعل اخوي
لانك انسان غني بأخلاقك
وصاحب شخصية محترمة
هناك ما يمنعك ان تكون مثلهم
كثر الله امثالك

[MAZEN37]

اصلا طبيعة اغلب العرب النفاق والعياره والجمبازيه والنفاق
بدمهم لانه مافي كرامه وناس همها الماده والدنيا
خلها على ربك

[عضوو]

اصلا طبيعة اغلب العرب النفاق والعياره والجمبازيه والنفاق
بدمهم لانه مافي كرامه وناس همها الماده والدنيا
خلها على ربك

هذي النوعيه اللي اذا أستلم منصب فنش المواطنين وشغل الأجانب

لأنه عنصري ضد العرب والمشكله عايش في أرض العرب !

[دانة الطواش]

آووه ياكثرهم عندنا في مجتمع المدرسة عيارة ولواته ونفاق ماصار ولا ستوه وكله من اجل التقييم // قبل التقييم بأسابيع تلاقي الهدايا والريوق والكلام العسل بس حق التقييم وبعده ينتهي كل شي - اليوم بشوف عيني وحدة جابية ورد وفل لحجرة المديرة/ الحمدلله الله لا يجعلنا من هالانواع من البشر .
ورأيي فيهم انهم اصحاب مصالح وماردهم بينكشفون على حقيقتهم .

[حسن]

مساء الخير ياخليفه
يسلم عليك بومسفر طير راس الهامور
العياره واللواته موجوده وبكثره للاسف عندي واحد عيار يعود لي جاني
يطي اللي في المجلس طي

افضل اكون جندي مجهول ولا عيار ولوتي

تحباتي

[بوخالد911]

البعض يحبووووووووون http://wallpaper.free-photograph.net/sumb/yun_11400.jpg
وهالشي بدمهم صارررر

!!!!!!!!!!!

[خليفـة]

اصلا طبيعة اغلب العرب النفاق والعياره والجمبازيه والنفاق
بدمهم لانه مافي كرامه وناس همها الماده والدنيا
خلها على ربك
كلامك سليم اخوي مازن
لا كرامة لهم وكل همهم المادة والدنيا
شكرا لمرورك


هذي النوعيه اللي اذا أستلم منصب فنش المواطنين وشغل الأجانب

لأنه عنصري ضد العرب والمشكله عايش في أرض العرب !
شكرا للمشاركة اخوي عضو


آووه ياكثرهم عندنا في مجتمع المدرسة عيارة ولواته ونفاق ماصار ولا ستوه وكله من اجل التقييم // قبل التقييم بأسابيع تلاقي الهدايا والريوق والكلام العسل بس حق التقييم وبعده ينتهي كل شي - اليوم بشوف عيني وحدة جابية ورد وفل لحجرة المديرة/ الحمدلله الله لا يجعلنا من هالانواع من البشر .
ورأيي فيهم انهم اصحاب مصالح وماردهم بينكشفون على حقيقتهم .
بالفعل اختي دانه
الي ذكرتيه يصير قبل فترة التقييم
والعيارة تزيد في هالموسم
الله يصلح الحال
شاكر لج المرور الطيب


مساء الخير ياخليفه
يسلم عليك بومسفر طير راس الهامور
العياره واللواته موجوده وبكثره للاسف عندي واحد عيار يعود لي جاني
يطي اللي في المجلس طي

افضل اكون جندي مجهول ولا عيار ولوتي

تحباتي
بوعلي
تذكر كلام بوعبدالله !
لما قال واحد تحول من موظف بسيط .. الى مستشار
بسبب عيارته في العمل !
اتمنى لك كل التوفيق
هههههههه


البعض يحبووووووووون http://wallpaper.free-photograph.net/sumb/yun_11400.jpg
وهالشي بدمهم صارررر

!!!!!!!!!!!

مسيو بوخالد
بالفعل
التطبيل من انواع العيارة
ولكنها عيارة مزعجه
خخخخ

[وحش قطر]

شر لابد منه

مثل

الخدم

[تغلبية]

اسميهم " حيّالـــة "

عندنا ثنتين الله يستر عليهم .. يبينون للمدير انهم جواري عنده ..

ان شاءالله وحاضر وستاندباي على طول الوقت وعنده وجه .. وبرا مكتبه وجه ثاني

وللأسف هم من البطانة اللي حواليه .. وشغلهم بس سدة عين .. اي كلام

اما يكون شغل في الصميم لا .. موب عندهم

ومع ذلك ماخذين اللي يبونه كله

[بوخالد911]

اسميهم " حيّالـــة "

عندنا ثنتين الله يستر عليهم .. يبينون للمدير انهم جواري عنده ..

ان شاءالله وحاضر وستاندباي على طول الوقت وعنده وجه .. وبرا مكتبه وجه ثاني

وللأسف هم من البطانة اللي حواليه .. وشغلهم بس سدة عين .. اي كلام

اما يكون شغل في الصميم لا .. موب عندهم

ومع ذلك ماخذين اللي يبونه كله

ودورررررررررات

واستئذنااااااااااااااااات

وترقييييييييييييييييييات

ووووووووووووووو كمل من عندك!

:secret::secret::secret:

[مراد2015]

خليفة موضوعك خطير

خلها على الله قسم با الله انواع التمسح والتبسم

نفاق اداري

نفاق فني

نفاق سياحي

نفاق

كل انواع النفاق لازم تطبقها خاصة اذا المسؤؤل يحب كلمة اشهد انك كفووو
او مافية مثلك يقدر يسوي كذا
وانت اسد وذيب وجدك فلان وخالك فلان يعني

خليييييييييييييييييييييييييييييييييييييييييييييييي يييييييييييييييييها على اللة

[تغلبية]

ودورررررررررات

واستئذنااااااااااااااااات

وترقييييييييييييييييييات

ووووووووووووووو كمل من عندك!

:secret::secret::secret:

لا هذول محموعة ثانية .. مجموعة المستهترين .. وبعد ماخذين اللي يبونه

ومنها ممتاز في تقييم السنة :)

[khalid525]

عدم وجود نظام واضح للتقييم هو سبب وجود هالعياريين ، ودايما بعض المدراء يتعمد يخلي التقييم مطاطي عشان يدهن سيرهم

[مسمس12]

ياكثرهم
طبعا لازم هدايا وريوق ومواجيب مالها اول هههههههههههههههه عشان يمشي الشغل عدل

[خليفـة]

شر لابد منه

مثل

الخدم
الله يكافينا شرهم


اسميهم " حيّالـــة "

عندنا ثنتين الله يستر عليهم .. يبينون للمدير انهم جواري عنده ..

ان شاءالله وحاضر وستاندباي على طول الوقت وعنده وجه .. وبرا مكتبه وجه ثاني

وللأسف هم من البطانة اللي حواليه .. وشغلهم بس سدة عين .. اي كلام

اما يكون شغل في الصميم لا .. موب عندهم

ومع ذلك ماخذين اللي يبونه كله
صدقتي
ماخذين حقهم وزيادة
والعيارة هي المصدر
هههه
شكرا للمرور


خليفة موضوعك خطير

خلها على الله قسم با الله انواع التمسح والتبسم

نفاق اداري

نفاق فني

نفاق سياحي

نفاق

كل انواع النفاق لازم تطبقها خاصة اذا المسؤؤل يحب كلمة اشهد انك كفووو
او مافية مثلك يقدر يسوي كذا
وانت اسد وذيب وجدك فلان وخالك فلان يعني

خليييييييييييييييييييييييييييييييييييييييييييييييي يييييييييييييييييها على اللة
صدقت
خلها على الله
العيارة انواع مافيه شك
هههههه


عدم وجود نظام واضح للتقييم هو سبب وجود هالعياريين ، ودايما بعض المدراء يتعمد يخلي التقييم مطاطي عشان يدهن سيرهم
احسنت
اضف لذلك اخوي
ان كل مدير او مسؤول يحب ان يكون من حوله
مجموعة من العيارين
اللوتيه
والاسباب عديدة
اهمها :
انهم ما يناقشونه في قرارته
ويبينون له انه دائما وابدا هو الصح
الله المستعان


ياكثرهم
طبعا لازم هدايا وريوق ومواجيب مالها اول هههههههههههههههه عشان يمشي الشغل عدل

ههههههه
دهان سير
لابد منه
العيارة بالنسبة لهم ادمان

[Al-Kuwari]

شخصياً اصنف نفسي اني موظف مجتهد ومثابر واحب التنافس بيني وبين الموظفين الاخرين , فيه شي في داخلي يدفعني دائماً لأن اكون الأفضل في وظيفتي , لكن للأسف لأفتقاري لمهارة " الذكاء الأجتماعي " كما يحلو للبعض ان يسميها , فقدت الكثير من الفرص ومن الحقوق اللي اشوف نفسي كنت احق فيها ,, لكن النفس تأبى العيارة واللواته

ولكن الحمدلله صبرت وفالنهاية نلت اللي ابيه بأجتهادي وتعبي و وقوف بعض المدراء اللي مقياس التقييم عندهم بعملك فقط لا بعلاقتك ولسانك الحلو معاهم

الحمدلله على كل حال , وبخصوص نظرتي للأشخاص هذول فهم ناس كسالى يريدون كل شيء من دون تقديم اي شيء !

يعطيك العافية عالموضوع الطيب يابو دعيج

[h2004]

صدقوني بانه سرعان ماينكشف حتى ولو حقق مكاسب وقتية فهي مؤقته وليس كل المسؤولين بسطاء فهناك اذكياء ودهات يكشف تلك النوعية وسرعان ماتتحول مكاسبه الى خسائر وخيمة ويفقد المصداقية مع الجميع وتصبح بيئته جحيم ويستقيل ويرمى رمي .. والله المستعان وهكذا تتداول الايام

[خليفـة]

معاي واحد في الدوام
عيار من الطراز الأول
والله انه من زود عيارته ونفاقه
ماباقي الا يقشر اللقمة ويحطها بحلج مسؤوله
والجميع ينظر له بنظرة كلها استحقار
وهو في داخله يعلم ان الجميع مستحقره
ولكن .. العيارة اصبحت في دمه


عيار اخر مر علي .. وقلتها في وجهه : انت عيار
قال لي يا خليفـة .. العيارة انواع بارك الله فيك
فهناك العيارة الحميدة
وهناك العيارة المتوسطة
وهناك العيارة الخبيثة

ولما طلبت منه يفسرهم لي .. كان تفسيرة كالتالي :

العيارة الحميدة : وهي العيارة الي صاحبها يضر بها نفسه ولا يضر الآخرين .
العيارة المتوسطة : وهي العيارة الي يضر صاحبها نفسه وقد يضر بها الآخرين
العيارة الخبيثة : وهي الأشد خطراً .. وهي ان يضر صاحبها نفسه .. ومسؤوله .. وكل من حوله في سبيل
الوصول لرضى الشخص المراد ارضائه .
هههههههه
فلسفة عجيبة

فقلت له :
الانواع الثلاثة ماهي الا مرض نفسي سرطاني
اسأل الله لك منه العافية

[خليفـة]

شخصياً اصنف نفسي اني موظف مجتهد ومثابر واحب التنافس بيني وبين الموظفين الاخرين , فيه شي في داخلي يدفعني دائماً لأن اكون الأفضل في وظيفتي , لكن للأسف لأفتقاري لمهارة " الذكاء الأجتماعي " كما يحلو للبعض ان يسميها , فقدت الكثير من الفرص ومن الحقوق اللي اشوف نفسي كنت احق فيها ,, لكن النفس تأبى العيارة واللواته

ولكن الحمدلله صبرت وفالنهاية نلت اللي ابيه بأجتهادي وتعبي و وقوف بعض المدراء اللي مقياس التقييم عندهم بعملك فقط لا بعلاقتك ولسانك الحلو معاهم

الحمدلله على كل حال , وبخصوص نظرتي للأشخاص هذول فهم ناس كسالى يريدون كل شيء من دون تقديم اي شيء !

يعطيك العافية عالموضوع الطيب يابو دعيج
الله يعافيك يالكواري
اتمنى لك كل التوفيق في عملك ان شاء الله
شاكر لك المداخلة الراقية


صدقوني بانه سرعان ماينكشف حتى ولو حقق مكاسب وقتية فهي مؤقته وليس كل المسؤولين بسطاء فهناك اذكياء ودهات يكشف تلك النوعية وسرعان ماتتحول مكاسبه الى خسائر وخيمة ويفقد المصداقية مع الجميع وتصبح بيئته جحيم ويستقيل ويرمى رمي .. والله المستعان وهكذا تتداول الايام

صدقت يالغالي
العيارة نوع من انواع المكر
ويمكرون ويمكر الله * والله خير المكرين

شكرا للمرور

[النهار]

هههههههههههههه
ولي كاسر عين مديره كل يوم فطور شكل
ولي يتذكر عيد ميلاد المدير كل سنه ويسوي له حفله
واذا نجح ولده في الصف الاول يدز له ايميل ويحط سي سي لباقي الموظفين
واذا اخترتبت السياره او عنده مشكله صيانه يدق صدره ويجيب العمال ويأخذ سيارته للتصليح
هذول تحت اي بند نسميهم

[نور الحور]

هههههههه ضحكني العنوان خليفة ..

أنا بصراحة كنت استبعد وجودهم .. وحتى لما أشوف قدامي موقف أبرره وألقى له ألف تفسير .. وكنت أحسب الناس كلهم عندهم مروءة وكرامة وعزة نفس .. واكتشفت مع الوقت إني كنت على فطرتي وإني قليلة التجارب في الحياة !

شفت أشكال وألوان من العيارة واللي اعتبرها في بعض الأحيان مجاملة مبالغ فيها شوي،وأحياناً تصل إلى (المكر) و (الكيد) ، وشفت بعض أنواع العيارة اللي فيها قلة مروءة وانعدام الكرامة و عزة النفس !
بالنسبة لي أفتقد الذكاء الاجتماعي .. واللي اعتبره مطلوب من غير ما يتطور هالذكاء لعيارة و(لواته) ..
حلو الواحد يقدر الناس ويجاملهم وياخذهم بطيب لسانه وأخلاقه طول الوقت، ويعرف يتصرف بدبلوماسية ، ويثبت نفسه بعمله وأسلوبه في التعامل ، وما يكون تصادمي أو قاسي بحجة إنه صريح وواضح ..
الوسط في كل شي مطلوب .. أقدر أعبر عن نفسي وكل احتياجاتي بس لازم أعرف كيف ومتى ومن غير ما أسيء أو أتملق الآخرين.. وهذي المهارة اللي أحاول أطورها في ذاتي ..:victory:

شكراً خليفة على الموضوع الحلو

[أم نواري1]

يا إلهي
كم أريد فرم كل لوتي ولوتيه
وفرم المدير اللي تقوله وتوضح له تقصير البعض ولا يحرك ساكن
لأن عاجبه وضع اللواته

[faisalqatar]

ياكثرهم ياخوي خليفة و بعدد لك كم صورة مرت علي

الصورة الاولى:
وصلت درجة اللواته والعيارة عند بعض الموظفين (الذكور) انهم يتكلمون مع المديرة
عن الموضة و المكياج و الفساتين عشان يرضونها و تستانس عليهم

الصورة الثانية:
اذا المدير موجود اتحصل الموظف (مشمر) و مسوي ترمبة سندباد و ويهه في شاشة الكمبيوتر .. اللي يشوفه يقول مسكين من كثر الشغل مب قادر يتنفس .. اخرتها قاعد يلعب (سوليتير)

صور كثيرة للواته والعيارة مرت علي في فترة عملي القصيرة اللي ما عدت السنتين

الله المستعان

[عندليب قطر]

الله يعطي كل واحد على نيته
واللي نفس هذا ما يعيش براحه ولا بهناة بال
لأنه أهم من يجب ان ترضيه هو الله ؛ فلا تجعله أهون الناظرين إليك

[لاجل QT]

ههههههههههههههههههههه

هذي موهبة


ترا مو اي حد عندة هالموهبة العظيمة:nice:



ياربي :shy:

اخيرا اقتنعت ان الدنيا من غير لواتا مايمشي شغلك او هدفك

بس للاسف انا من الناس الجهلة جدا في اللواتا..:( حاولت ولكن مدري ماعرف مدري كبريائي يمنعني ماعرف اكذب:shy:

اذا حد يعرف شخص لوتى جدا جدا يخبرني ابية مندوب لي:nice:

وباعطية في الشهر اللى يبيه:shy:

[faisalqatar]

ههههههههههههههههههههه

هذي موهبة


ترا مو اي حد عندة هالموهبة العظيمة:nice:



ياربي :shy:

اخيرا اقتنعت ان الدنيا من غير لواتا مايمشي شغلك او هدفك

بس للاسف انا من الناس الجهلة جدا في اللواتا..:( حاولت ولكن مدري ماعرف مدري كبريائي يمنعني ماعرف اكذب:shy:

اذا حد يعرف شخص لوتى جدا جدا يخبرني ابية مندوب لي:nice:

وباعطية في الشهر اللى يبيه:shy:

ياكثرهم حولنا في كل جهة عمل .. شوفي اللي يسوونه و تعلمي
انا لو ابي اتعلم اللواته بصير دكتور فيها لان حولي الكثير منهم هههههه

[لاجل QT]

ياكثرهم حولنا في كل جهة عمل .. شوفي اللي يسوونه و تعلمي
انا لو ابي اتعلم اللواته بصير دكتور فيها لان حولي الكثير منهم هههههه

زين ليش مايسون لنا دورات:nice:

صدقنى هذي ماتكتسبها هذي موهبة ..ليست عند اي حد شوف عيوني..ناس تمشي امورها بطريقة سريعة باللواتا:eek5:

وانا قاعدة مبطله حلجي:omg:

علموني ابي انا بعد:(

حاولت اقلد :shy: افشل ماانفع :weeping:

يبا عط الخباز خبزة لو اكل نصة:)

مشكلتي صراحتى ..وانا احاول اقلد العيارة ماوعى الا قلت الصج لاشعوريا:(

[هارودز]

كثييييييييييير منهم يجاملون

[faisalqatar]

زين ليش مايسون لنا دورات:nice:

صدقنى هذي ماتكتسبها هذي موهبة ..ليست عند اي حد شوف عيوني..ناس تمشي امورها بطريقة سريعة باللواتا:eek5:

وانا قاعدة مبطله حلجي:omg:

علموني ابي انا بعد:(

حاولت اقلد :shy: افشل ماانفع :weeping:

يبا عط الخباز خبزة لو اكل نصة:)

مشكلتي صراحتى ..وانا احاول اقلد العيارة ماوعى الا قلت الصج لاشعوريا:(

ههههههههههههه
قصي على عمرج مثل ما انا اقص على عمري
و رددي ماعليه انا راح اثبت نفسي بنفسي و بمجهودي

اخرتها راعي اللواته يصير مديري و مديرج ههههه

[عاشق العديد]

بقولكم تجربتي الشخصيه ..

انا في بداية عملي كنت اسمع الاذاعه وكنت اسمع شخص يتكلم يقول الاخلاص فالعمل الاخلاص فالعمل ..
فا حطيت هالكلمه في قاموسسي .. وقمت اخلص في عملي لوجه الله مش لمديري ولا لغيره ..
لكن ماكنت اسوي شي حق مديري ولا عشان يتكلم عني بالعكس .. ولا كنت مهتـم له ..

وعن هالاشكال مرو علي .. من ورا المدير سوالف فالتلفون وعقار .. وعقب يقولون انه منـك ويملونك بتقارير وفالنهايه التقيم زفـت ..

وعادي العمل لله .. فقـط سبحانه ولا نرتجى من احد شـي .. نظرتي عنه اخوي خليفه .. انسـان مستتهر ومنافـق .. وراح يصير له مثل مايسوي حق مديره ..

لكن اخوي خليـفه لو جاك المدير بكبره لوتـي هاي شبتسويله ..
اشكرك على الطـرح ومواضيعـك دايما في محلـها اشكرك ..

[خليفـة]

هههههههههههههه
ولي كاسر عين مديره كل يوم فطور شكل
ولي يتذكر عيد ميلاد المدير كل سنه ويسوي له حفله
واذا نجح ولده في الصف الاول يدز له ايميل ويحط سي سي لباقي الموظفين
واذا اخترتبت السياره او عنده مشكله صيانه يدق صدره ويجيب العمال ويأخذ سيارته للتصليح
هذول تحت اي بند نسميهم
هذيلا نسميهم : جمبازيه.
هههههه
فصيلة من العيارين يالغالي
شكرا للمرور


هههههههه ضحكني العنوان خليفة ..

أنا بصراحة كنت استبعد وجودهم .. وحتى لما أشوف قدامي موقف أبرره وألقى له ألف تفسير .. وكنت أحسب الناس كلهم عندهم مروءة وكرامة وعزة نفس .. واكتشفت مع الوقت إني كنت على فطرتي وإني قليلة التجارب في الحياة !

شفت أشكال وألوان من العيارة واللي اعتبرها في بعض الأحيان مجاملة مبالغ فيها شوي،وأحياناً تصل إلى (المكر) و (الكيد) ، وشفت بعض أنواع العيارة اللي فيها قلة مروءة وانعدام الكرامة و عزة النفس !
بالنسبة لي أفتقد الذكاء الاجتماعي .. واللي اعتبره مطلوب من غير ما يتطور هالذكاء لعيارة و(لواته) ..
حلو الواحد يقدر الناس ويجاملهم وياخذهم بطيب لسانه وأخلاقه طول الوقت، ويعرف يتصرف بدبلوماسية ، ويثبت نفسه بعمله وأسلوبه في التعامل ، وما يكون تصادمي أو قاسي بحجة إنه صريح وواضح ..
الوسط في كل شي مطلوب .. أقدر أعبر عن نفسي وكل احتياجاتي بس لازم أعرف كيف ومتى ومن غير ما أسيء أو أتملق الآخرين.. وهذي المهارة اللي أحاول أطورها في ذاتي ..:victory:

شكراً خليفة على الموضوع الحلو
مشاركة جميلة إختي نور الحور
أشكرج عليها
ؤما تسعين له شي جميل ومشروع
يعطيج العافية واشكرج على مشاركتج الجميلة


يا إلهي
كم أريد فرم كل لوتي ولوتيه
وفرم المدير اللي تقوله وتوضح له تقصير البعض ولا يحرك ساكن
لأن عاجبه وضع اللواته
ههههههه
أبادلك نفس المشاعر يالغالي
شكرا لمرورك


ياكثرهم ياخوي خليفة و بعدد لك كم صورة مرت علي

الصورة الاولى:
وصلت درجة اللواته والعيارة عند بعض الموظفين (الذكور) انهم يتكلمون مع المديرة
عن الموضة و المكياج و الفساتين عشان يرضونها و تستانس عليهم

الصورة الثانية:
اذا المدير موجود اتحصل الموظف (مشمر) و مسوي ترمبة سندباد و ويهه في شاشة الكمبيوتر .. اللي يشوفه يقول مسكين من كثر الشغل مب قادر يتنفس .. اخرتها قاعد يلعب (سوليتير)

صور كثيرة للواته والعيارة مرت علي في فترة عملي القصيرة اللي ما عدت السنتين

الله المستعان
صور حقيقة وكثير منا يشاهدها في حياته اليومية
اللہ يصلح حال كل عيار
شكرا لك


الله يعطي كل واحد على نيته
واللي نفس هذا ما يعيش براحه ولا بهناة بال
لأنه أهم من يجب ان ترضيه هو الله ؛ فلا تجعله أهون الناظرين إليك

صدقت
رضى اللہ سبحانه كاافي
شكرا لمشاركتك المعبرة

[ضوى]

اتوقع في منهم وايد ، بس الصراحة ماصادفتهم بشغلي الحمد لله ، وان شاء الله عمري ماصادفهم لانه يبين علي ، اتذكر مرة واحد تم يمدح بمديرتي جدامي ويحاول يصبغها جدامي على اساس اوصل لها الكلام ويمشي شغله المخالف ، قلت له مب محتاجة تعرفني بمناقب مديرتي اعرفها اكثر منك ، انخرس ولا كلمة عقبها

[خليفـة]

ههههههههههههههههههههه

هذي موهبة


ترا مو اي حد عندة هالموهبة العظيمة:nice:



ياربي :shy:

اخيرا اقتنعت ان الدنيا من غير لواتا مايمشي شغلك او هدفك

بس للاسف انا من الناس الجهلة جدا في اللواتا..:( حاولت ولكن مدري ماعرف مدري كبريائي يمنعني ماعرف اكذب:shy:

اذا حد يعرف شخص لوتى جدا جدا يخبرني ابية مندوب لي:nice:

وباعطية في الشهر اللى يبيه:shy:
للتذكير فقط
الموضوع يتحدث عن العيارة ؤاللواته في العمل
كان يقول الموظف في مديرة ما ليس فيه
أو إن يعمل الموظف بصورة مختلفة لإرضاء مسؤولة
أما شغلي وحياتي الخاصة خارج العمل
ومع كل فئات الناس تكون. تحت مسمى :
إن لم تكن ذئبا أكلتك الكلاب
:)
أتمنئ تكون وصلت الفكرة بشكل أوضح
شكرا للمرور


كثييييييييييير منهم يجاملون
المجاملة أنواع
حميدة ، ومتوسطة ، وخبيثة
نفس تصنيف العيارة يعني ههههه
شكرا لك


بقولكم تجربتي الشخصيه ..

انا في بداية عملي كنت اسمع الاذاعه وكنت اسمع شخص يتكلم يقول الاخلاص فالعمل الاخلاص فالعمل ..
فا حطيت هالكلمه في قاموسسي .. وقمت اخلص في عملي لوجه الله مش لمديري ولا لغيره ..
لكن ماكنت اسوي شي حق مديري ولا عشان يتكلم عني بالعكس .. ولا كنت مهتـم له ..

وعن هالاشكال مرو علي .. من ورا المدير سوالف فالتلفون وعقار .. وعقب يقولون انه منـك ويملونك بتقارير وفالنهايه التقيم زفـت ..

وعادي العمل لله .. فقـط سبحانه ولا نرتجى من احد شـي .. نظرتي عنه اخوي خليفه .. انسـان مستتهر ومنافـق .. وراح يصير له مثل مايسوي حق مديره ..

لكن اخوي خليـفه لو جاك المدير بكبره لوتـي هاي شبتسويله ..
اشكرك على الطـرح ومواضيعـك دايما في محلـها اشكرك ..
حياك اللہ أخوي
شاكر لك المشاركة الطيبة
فيما يخص تساؤلك الأخير
ستكون الطامة أكبر من جهة
وستكون اللعبة مكشوفة بنفس الوقت
طامة لأن الصراحة ستكون معدومة بين الجميع
ومكشوفة لأن مافيه عيار يقص على عيار
هههههه
قواك اللہ يالغالي

[خليفـة]

اتوقع في منهم وايد ، بس الصراحة ماصادفتهم بشغلي الحمد لله ، وان شاء الله عمري ماصادفهم لانه يبين علي ، اتذكر مرة واحد تم يمدح بمديرتي جدامي ويحاول يصبغها جدامي على اساس اوصل لها الكلام ويمشي شغله المخالف ، قلت له مب محتاجة تعرفني بمناقب مديرتي اعرفها اكثر منك ، انخرس ولا كلمة عقبها

أحسنتي إختي
وزين سويتي فيه
هالنوعية من البشر أساسا مالهم صاحب
شكرا لمرورج

[حسن]

اللي يمسحون الجوخ كثر يابودعيج
وفي اللي يبيع مبداء علشان ساعه

:secret:

[نوار قطر]

اسمع واايد عن هالنوعيه من الناس ,,, بس الحمدلله عمري ماصادفتهم في شغلي ,,وان شالله مااشوفهم

[حسن]

اسمع واايد عن هالنوعيه من الناس ,,, بس الحمدلله عمري ماصادفتهم في شغلي ,,وان شالله مااشوفهم

يمكن نظرك ضعيف فاماتشوفين هم لانهم متلونين

لازم تلبسين نضاره بحر تكبر الاشياء اللي حوليك وبتشوفينهم بوضوح

[نوار قطر]

يمكن نظرك ضعيف فاماتشوفين هم لانهم متلونين

لازم تلبسين نضاره بحر تكبر الاشياء اللي حوليك وبتشوفينهم بوضوح

والله صاج انا المفروض البس نظاره :shy: مممم والله يا حسن يمكن مثل ماقلت انا ماانتبه لهم ومااشوفهم ,,ويتلونون من تحت لي تحت .. الله يبعدنا عنهم

[خليفـة]

اللي يمسحون الجوخ كثر يابودعيج
وفي اللي يبيع مبداء علشان ساعه

:secret:
عشان ساعة !
ساعة عاد !
ههههه
لا حول ؤلا قوة إلا بالله
ذكرتني بواحد باع ضميرة بقبقب
هههههههه


اسمع واايد عن هالنوعيه من الناس ,,, بس الحمدلله عمري ماصادفتهم في شغلي ,,وان شالله مااشوفهم

الحمدلله إختي نوار
ؤالله يبعدهم عنج ويبعدج عنهم
شكرا للمشاركة

[نوار قطر]

اجمعين ياارب تسلم ياخليفه

[همر]

ياكثرهم ياخوي خليفة و بعدد لك كم صورة مرت علي

الصورة الاولى:
وصلت درجة اللواته والعيارة عند بعض الموظفين (الذكور) انهم يتكلمون مع المديرة
عن الموضة و المكياج و الفساتين عشان يرضونها و تستانس عليهم

الصورة الثانية:
اذا المدير موجود اتحصل الموظف (مشمر) و مسوي ترمبة سندباد و ويهه في شاشة الكمبيوتر .. اللي يشوفه يقول مسكين من كثر الشغل مب قادر يتنفس .. اخرتها قاعد يلعب (سوليتير)

صور كثيرة للواته والعيارة مرت علي في فترة عملي القصيرة اللي ما عدت السنتين

الله المستعان



بووووو لي الحين في ناس تلعب سوليتير ؟!!!

الحين رازين الايباد ورى المونيتر ويلعبون Fun Run :secret:

لي صرت مدير ان شاء الله باطلب سكورات الشباب في اللعبه

واللي سكوره فوق 5000 بافنشه ... دليل انه كان يلعب وقت الدوام :anger1:






يمكن نظرك ضعيف فاماتشوفين هم لانهم متلونين

لازم تلبسين نضاره بحر تكبر الاشياء اللي حوليك وبتشوفينهم بوضوح


في ناس يبيلهم نظارة سينما 3 دي عشان تشوفهم بوضوح :telephone:

[خليفـة]

بووووو لي الحين في ناس تلعب سوليتير ؟!!!

الحين رازين الايباد ورى المونيتر ويلعبون fun run :secret:

لي صرت مدير ان شاء الله باطلب سكورات الشباب في اللعبه

واللي سكوره فوق 5000 بافنشه ... دليل انه كان يلعب وقت الدوام :anger1:






في ناس يبيلهم نظارة سينما 3 دي عشان تشوفهم بوضوح :telephone:


هههههههه
فيه ناس النظر عندهم. بالفطرة

[بريق الماسه]

0

مديرتي

انا ماعرف اجلس بمكتبي قبل لا اصبح عليها بمكتبها واشوف طلباتها من اتصالات وتحضير لاجتماع ان وجد مع ان مو شغلي

ومافيه مانع اجاملها بكلمتين اذا كان مزاجها مش ولا بد ....هي في الاخر انسانه والموظفات المستفزات كثر

ومستحيل امشي اخر الدوام وهي معصبه او عندها بالشغل مشكله .....اظل معاها انشالله للمغرب ...المهم تطلع راضيه

المجامله بالعمل مطلوبه حتى تمشي الأمور بنجاح .

[خليفـة]

0

مديرتي

انا ماعرف اجلس بمكتبي قبل لا اصبح عليها بمكتبها واشوف طلباتها من اتصالات وتحضير لاجتماع ان وجد مع ان مو شغلي

ومافيه مانع اجاملها بكلمتين اذا كان مزاجها مش ولا بد ....هي في الاخر انسانه والموظفات المستفزات كثر

ومستحيل امشي اخر الدوام وهي معصبه او عندها بالشغل مشكله .....اظل معاها انشالله للمغرب ...المهم تطلع راضيه

المجامله بالعمل مطلوبه حتى تمشي الأمور بنجاح .

المجاملة البريئة إلي تطلع من طيب الخاطر
وبدون أي هدف أو مصلحة مسموحة
ودليل على ذوق صاحبها أو صاحبتها
المقصد إختي بريق من الموضوع التملحس ودهن السير
للوصول لأهداف شخصية باقصر الطرق
شكرا للمشاركة الجميلة

[لاجل QT]

ههههههههههههه
قصي على عمرج مثل ما انا اقص على عمري
و رددي ماعليه انا راح اثبت نفسي بنفسي و بمجهودي

اخرتها راعي اللواته يصير مديري و مديرج ههههه

:weeping:

ليش الناس مايمشون سيدة بما يرضي الله:weeping:

كم انتى متعبة ايتها اللواتا:eek5:

لها ناسها:)

[خليفـة]

احلى موقف يضحكني كل ما اتذكره
هو الي حدث في حفلة تكريم احد الموظفين وكنت حاظرها
اثناء الحفل .. قام احد المسؤولين لالقاء كلمة للموجودين
واثناء كلامة .. قال طرفة اقل ما يمكن وصفها بالبايخة
وبالتالي محد ضحك ولا اعطاه انتباه او اهتمام
باستثناء العيار العود .. الي ضحك بصوت عالي
حتى يسمع ذلك المسؤول ويعرفه ان دمه خفيف

الجميل في هذا الموقف
ان العيار الي كان يضحك انتبه بشكل متأخر ان محد
يضحك غيره .. وان الكل كان ينظر له باستحقار واستغراب
اعتقد في تلك اللحظة .. تولد شعور لهذا العيار
انه تمنى ان تجيه زنوبه مقاس 62 على وجهه
ولا ان يكشف عيارته ونفاقه امام الجميع وبتلك الصورة

المواقف كثيرة
:nice:

[همر]

اعرف مدير كان يقرب نعال مديره العود (تكرمون) بيده ويحطها تحت ريوله وهم طالعين من المجلس !!!

:looking::looking::looking:

[خليفـة]

هههههههه
هذا تعدى حدود العيارة واللواته والجمبزة
ودخل مرحلة الدجل
:nice:

[دروب]

هذا ذليل نفس الله يهديه
واللي ساعد على وجود هالاشكال ،، المسؤوووووول نفسه
ما أحب أتولى منصب ولا أقررررب من أي مسؤول

[خليفـة]

هذا ذليل نفس الله يهديه
واللي ساعد على وجود هالاشكال ،، المسؤوووووول نفسه
ما أحب أتولى منصب ولا أقررررب من أي مسؤول

كلامك سليم اخوي
واي شخص عنده عزة نفس
تلقاه يرفض التقرب باذلال نفسه
عند اي مسؤول
شكرا لمرورك يالغالي

[لاجل QT]

اعرف مدير كان يقرب نعال مديره العود (تكرمون) بيده ويحطها تحت ريوله وهم طالعين من المجلس !!!

:looking::looking::looking:


يفشل الله يفشلة جدام الأوادم جذي عاد. أمة متنيسية في صورماتي
منظف جواتي :rolleyes2:

[كيلو حديد]

يا كثرهم

ما عندهم كرامه ولا لهم قيمة في نظري

[روح الاطلس]

اللواته والعياره انجح طريق للترقيات والمناصب

لا تقولون جهد ولا شطاره


المجتهد بس في حاله محد يفتكر فيه

اما ابو لسان يكون حبيب القلب


المهم الي يعرف شلون طريقة الواحد يكون ابو لسان ياليت يعلمني


راضية لو بنص لسان

يه تعبنا من بذل الجهد نجرب شي ثاني

[أم علي 2010]

ههههههههههههههه

اكيد موجودة هالاشكال في كل مكان

في المنافق اللي يضبط نفسه مع المدير .. واهني تصير التجاوزات ..

وبس والله

الحالة اللي مرت علي .. بيكمل الماستر بعثه من الدوام و بعدها يمسك هيد بخبرة بسيطة




..

[خليفـة]

يا كثرهم

ما عندهم كرامه ولا لهم قيمة في نظري
أشاركك نفس وجهة النظر يالغالي
شكرا لمرورك


اللواته والعياره انجح طريق للترقيات والمناصب

لا تقولون جهد ولا شطاره


المجتهد بس في حاله محد يفتكر فيه

اما ابو لسان يكون حبيب القلب


المهم الي يعرف شلون طريقة الواحد يكون ابو لسان ياليت يعلمني


راضية لو بنص لسان

يه تعبنا من بذل الجهد نجرب شي ثاني
تعوذي من بليس
وأتركي عنج العيارة
هههههه


ههههههههههههههه

اكيد موجودة هالاشكال في كل مكان

في المنافق اللي يضبط نفسه مع المدير .. واهني تصير التجاوزات ..

وبس والله

الحالة اللي مرت علي .. بيكمل الماستر بعثه من الدوام و بعدها يمسك هيد بخبرة بسيطة




..

حتى لو وصل لإعلى الدرجات والمناصب
بيترك كل شي وراه
ولين مروا عياله
قالوا الناس : هذولي عيال العيار العود
هههههه
اللہ لاا يبلينا
شكراا للمشاركة إختي

[meme-93]

خلها على ربك

ع الاقل احسن من بعض بنات الجامعه الي يتفصخون ويتميعون عشان كم درجه من الدكاتره
مادري ايش نسميهم ؟ عياره ولا لواته

[همر]

ههههههههههههههه

اكيد موجودة هالاشكال في كل مكان

في المنافق اللي يضبط نفسه مع المدير .. واهني تصير التجاوزات ..

وبس والله

الحالة اللي مرت علي .. بيكمل الماستر بعثه من الدوام و بعدها يمسك هيد بخبرة بسيطة




..



الحاله اللي تتكلمين عنها لتقطير الهيد !!

والجوب ديسكربشن مال الهيد لازم يكون ماستر ديجري..

فاذا القطري بيمسك مكانه من حقه يروح يدرس ماجستير..

ولا مستانسين على شلة "المعلمين" اللي ماسكين هيدز

ولا جا القطري يغيرهم قلتوا ليش !!!!!!!!

[أم علي 2010]

الحاله اللي تتكلمين عنها لتقطير الهيد !!

والجوب ديسكربشن مال الهيد لازم يكون ماستر ديجري..

فاذا القطري بيمسك مكانه من حقه يروح يدرس ماجستير..

ولا مستانسين على شلة "المعلمين" اللي ماسكين هيدز

ولا جا القطري يغيرهم قلتوا ليش !!!!!!!!



حلوة ..

والله يوفقها هالحاله .. بس ماظن كل الهيدز .. لان في مدرا ماعندهم ماستر :shy:

مثل ماقلت قطري ويستاهل :nice:

[ام ناصر1]

أنا بالعكس اعطي بالويه ...لذا علاقاتي بالمسؤولين ..صعبة وبصراحة ما يبلعوني ...ومهمشيني
فخل الناس على اساليب اللوتاه ابرك ...للبعض

[أسد الجزيرة]

يا ريتني اعرف اللواته

[نوار قطر]

في ناس يبيلهم نظارة سينما 3 دي عشان تشوفهم بوضوح :telephone:



نعمه من رب العالمين اني مااعرف هالاشكال ولا انتبهه لهم :discuss:[/SIZE][/COLOR]

[لاجل QT]

خلها على ربك

ع الاقل احسن من بعض بنات الجامعه الي يتفصخون ويتميعون عشان كم درجه من الدكاتره
مادري ايش نسميهم ؟ عياره ولا لواته

هذي يسمونها قلة ادب وتربية

[الخيالة]

للأسف شكثر هم عندنا ويأخذون اللي يبونه سواء ترقية زيادة في الراتب إجازات مرتاحين بس لأنهم منافقين ....... واحنا حتي لو نشتغل مافي فايده محد مهتم والعكس يجون يقولون ما نشتغل مامننا فايده لان ماننقل الاخبار ومب منافقين

[خليفـة]

خلها على ربك

ع الاقل احسن من بعض بنات الجامعه الي يتفصخون ويتميعون عشان كم درجه من الدكاتره
مادري ايش نسميهم ؟ عياره ولا لواته

هذي طال عمرج ما تعتبر عيارة ولا لواته
هذي تعتبر دعارة وقلة أدب
الله يصلح حال الجميع
شكرا للمشاركة


أنا بالعكس اعطي بالويه ...لذا علاقاتي بالمسؤولين ..صعبة وبصراحة ما يبلعوني ...ومهمشيني
فخل الناس على اساليب اللوتاه ابرك ...للبعض

الاكيد ان فكرتهم عنج انج انسانه صريحة
وما تنافقين وتجاملين مثل الغير
وهذا الاهم مهما كانت طريقة معاملتهم لج
شكرا للمرور ام ناصر


يا ريتني اعرف اللواته
برسل لك رقم عيار يعطي دورات
ههههه
تامر امر


للأسف شكثر هم عندنا ويأخذون اللي يبونه سواء ترقية زيادة في الراتب إجازات مرتاحين بس لأنهم منافقين ....... واحنا حتي لو نشتغل مافي فايده محد مهتم والعكس يجون يقولون ما نشتغل مامننا فايده لان ماننقل الاخبار ومب منافقين

ان ضاع حقج عند العباد
فحقج ما يضيع عند رب العباد
هذا هو المهم
شكرا للمرور ملكة الزهور

[بوخالد911]

قالي رفيجي
1 من المطبليين لو مسؤوله عطس
قام المطبل وعطاه فاين فوررررررررررررررررررررررررررررا

:omg::eek5::secret:

[خليفـة]

قالي رفيجي
1 من المطبليين لو مسؤوله عطس
قام المطبل وعطاه فاين فوررررررررررررررررررررررررررررا

:omg::eek5::secret:




يا ريال .. هذا زين الي عطاه فاين بس
غيره من العيارين المطبلين
اذا مسؤوله عطس
قال له : صح السانك
ههههههههه

[لاجل QT]

قالي رفيجي
1 من المطبليين لو مسؤوله عطس
قام المطبل وعطاه فاين فوررررررررررررررررررررررررررررا

:omg::eek5::secret:




هههههههههههههه

ياربي خاطري اشوفهم على الطبيعة

وبالذات اللى يمسك النعال حق مسؤولة:nice:

اعتقد المشهد ينفع مسلسل كوميدي:shy:

[همر]

يا ريال .. هذا زين الي عطاه فاين بس
غيره من العيارين المطبلين
اذا مسؤوله عطس
قال له : صح السانك
ههههههههه


واذا ما لقى فاين فتح ايدينه الثنتين عشان مديره يعطس فيهم :looking::looking::looking:

[Ashom Qatar]

كم اكرهه العيارة من الموظفين عندي بشركتي
والعمال على بالهم اني بلين بهالاساليب

[خليفـة]

كم اكرهه العيارة من الموظفين عندي بشركتي
والعمال على بالهم اني بلين بهالاساليب

كفوا عليك يالغالي
عليك بهم
ولا تخليهم يلعبون عليك بعيارتهم

موفق ان شاء الله بشركتك

[بوخالد911]

هههههههههههههه

ياربي خاطري اشوفهم على الطبيعة

وبالذات اللى يمسك النعال حق مسؤولة:nice:

اعتقد المشهد ينفع مسلسل كوميدي:shy:



واذا ما لقى فاين فتح ايدينه الثنتين عشان مديره يعطس فيهم :looking::looking::looking:



وغيررررر اللي يشيلون الشنط

والبشت

ووووووووووو !!!

:secret::secret::secret:

[لاجل QT]

وغيررررر اللي يشيلون الشنط

والبشت

ووووووووووو !!!

:secret::secret::secret:

شوقتوني ابي اشووف ههههههههههه:nice:

[تاسيتوس]

مافي قاعدة عامة للعيارة في العمل , الى اشوفه انا عيارة ممكن غيري يشوفه مجاملة او ود اجتماعي.

[خليفـة]

مافي قاعدة عامة للعيارة في العمل , الى اشوفه انا عيارة ممكن غيري يشوفه مجاملة او ود اجتماعي.

العيارة الزايدة تنعرف أخوي
والمجاملة البريئة تنعرف
المهم إن يكون تصرف الشخص مع مسؤوله
في عمله تصرف بريء
وبمجرد إن يكون تصرفه بقصد التقرب
والتودد من مسؤوله يكون الشخص هنا
قد دخل في فن اللواته والعيارة
شكرا للمشاركة

[حسن]

اي والله العياره الزايده يا بودعيج

اعرف واحد يعطي التحيه حق الضابط ولو هو مب ضابطه
ولا يعطي التحيه حق الاقدم منه

هذه يسموهنا عياره عسكريه


:)

[خليفـة]

اي والله العياره الزايده يا بودعيج

اعرف واحد يعطي التحيه حق الضابط ولو هو مب ضابطه
ولا يعطي التحيه حق الاقدم منه

هذه يسموهنا عياره عسكريه


:)

بالعكس يا بوعلي
هذي بالنسبة لي اعتبرها قمة الذوق
تعرف ليش !
لان على كلامك يعطي التحية لغير ضابطه
وبالتالي مب مسؤوله
يعني ما يرتجي من وراه اي مصلحه او فايدة
هههههههه
دايما انت عكس الناس يابوعلي
:nice:

[شبح الصمت]

يعطيك العافيه اخوي خليفة .

انزين في ناس لعبتها اللوته ونشوفها
انزين والصنف الاخر الي مسكين مضروب على رآسه مجبور انه يسوي الشغل ويضحك لاجل لقمة العيش هل هذا نسميه لوتي عنده عزت نفس ولكن بعض البشر المسؤولين الي ما يخافون الله يحبون يتلذذون في مذلة موظفينهم ..

هذولي اش نقدر نقول عنهم ..

[خليفـة]

يعطيك العافيه اخوي خليفة .

انزين في ناس لعبتها اللوته ونشوفها
انزين والصنف الاخر الي مسكين مضروب على رآسه مجبور انه يسوي الشغل ويضحك لاجل لقمة العيش هل هذا نسميه لوتي عنده عزت نفس ولكن بعض البشر المسؤولين الي ما يخافون الله يحبون يتلذذون في مذلة موظفينهم ..

هذولي اش نقدر نقول عنهم ..

مرحبا أخوي شبح
بالنسبة للمثال إلي ذكرته
يقدر يؤدي واجبه وعمله وهو صاين كرامته
لو كان عنده الإيمان الجازم
إن الرزق بيد اللہ
وان النافع ؤالضار هو اللہ
بتلقاه يؤدي إلي عليه من دون زيادة أو نقصان

اللہ يوفق الجميع لما يحبه ويرضاه