عمولة المعرض هل هي نصب و احتيال في بعض الحالات ؟؟؟!!!

[تمون]

السلام عليكم ورحمة الله وبركاته؟

اسعد الله اوقاتكم بكل خير

يا اخوان انا لاحظت شي غريب في هالمعارض و ما ادري هل هذا الشي يجوز او يدخل فالحلال و الحرام

مثلا جيت اشتري سياره سعرها 30 الف عمولة المعرض مثلا 1000 ريال والسياره اصلا لصاحب المعرض هل يجوز لصاحب المعرض انه ياخذ عموله ؟؟؟!! شي غريب الصراحه
اذا السياره مش سيارته اوكي ياخذ عموله لكن السياره لصاحب المعرض ويقولك لازم اخذ عموله هل هذا الشي نصب و احتيال ولا الوضع عادي

[Aaziz]

السلام عليكم


وكيف تعرف ان السياره لصاحب المعرض ؟

اذا لصاحب المعرض فا بالمنطق ما ياخذ عموله .. لان العموله تكون مقابل انه شخص يجي يبي يبيع سياره و المعرض يعرضها لك و يتفاوض مع الطرفين .
هذا بالمنطق اما بالقوانين الله اعلم.

[تمون]

السلام عليكم


وكيف تعرف ان السياره لصاحب المعرض ؟

اذا لصاحب المعرض فا بالمنطق ما ياخذ عموله .. لان العموله تكون مقابل انه شخص يجي يبي يبيع سياره و المعرض يعرضها لك و يتفاوض مع الطرفين .
هذا بالمنطق اما بالقوانين الله اعلم.

اليوم صارت لي الله يسلمك
رحت اشتري سياره وانا اعرف صاحب المعرض كأسم وليس معرفة شخصيه
المهم و الاهم السياره تامين شامل ومن خلال التامين تبين لي ان السياره لصاحب المعرض نفسه فاستغربت اشلون يقولي عمولة المعرض وهو صاحب المعرض و السياره
والادهى من عمولة المعرض الي المفروض ماياخذها قال ادفع بعد 500 ريال تخليص وتسجيل و مادري كم بعد عشان ينزل الرقم المميز الي على السياره واختلفت وياه على هالمواضيع خليت السياره وطلعت وبين البايع و المشتري يفتح الله

[ابن الرومي]

اذا انت وافقت على الشراء ودفع العمولة
ما لك حجة انت موافق والبيع موافقة او عدم موافقة على الشراء

وبعض الاحيان يتناصف العمولة بين البائع والمشتري من يدفع حق المعرض
او احد الطرفين يدفع العمولة
واذا ما عجبك لا تشتري وشوف غيره

[Aaziz]

اليوم صارت لي الله يسلمك
رحت اشتري سياره وانا اعرف صاحب المعرض كأسم وليس معرفة شخصيه
المهم و الاهم السياره تامين شامل ومن خلال التامين تبين لي ان السياره لصاحب المعرض نفسه فاستغربت اشلون يقولي عمولة المعرض وهو صاحب المعرض و السياره
والادهى من عمولة المعرض الي المفروض ماياخذها قال ادفع بعد 500 ريال تخليص وتسجيل و مادري كم بعد عشان ينزل الرقم المميز الي على السياره واختلفت وياه على هالمواضيع خليت السياره وطلعت وبين البايع و المشتري يفتح الله

احسن تصرف سويته .. احييك و اتمنى انه يكون صاحب المعرض على علم بانك تركت السياره لهذا السبب الملتوي .

الله يوفقك بسياره احسن منها و يهدي صاحب المعرض

[تمون]

اذا انت وافقت على الشراء ودفع العمولة
ما لك حجة انت موافق والبيع موافقة او عدم موافقة على الشراء

وبعض الاحيان يتناصف العمولة بين البائع والمشتري من يدفع حق المعرض
او احد الطرفين يدفع العمولة
واذا ما عجبك لا تشتري وشوف غيره

المشكله راعي المعرض يوم كنت اكاسر في سعر السياره يقولي بكلم راعيها و بكلم راعيها وكان يتصل بس مادري في من و يقوله بيع الريال شراي و من هالكلام كانه فعلا يكلم راعي السياره وهو فالاصل صاحب السياره هذا مب نصب و احتيال ؟!

[Aaziz]

تقصد الموظف الي شغال في المعرض ،، لان صاحب المعرض ماتعرفه

[تمون]

تقصد الموظف الي شغال في المعرض ،، لان صاحب المعرض ماتعرفه

لا والله الا مباشرة مع راعي المعرض يعني ماكلمت موظفينه كلمته هو شخصيا

[Aaziz]

لا والله الا مباشرة مع راعي المعرض يعني ماكلمت موظفينه كلمته هو شخصيا

ياخوي اسمحلي تراني جوعان و ما اجمع .

يعني انت كلمت صاحب المعرض تلفون بصفته صاحب المعرض و تطلب منه يكلم صاحب السياره ينزل بالسعر ؟ و في النهايه طلع كله تمثيل و السياره له ؟

اذا من الي كان يقول ترى الرجال صامل و شراي ؟

المفروض الموضوع يكون فيه ثلاث اشخاص .. انت
و صاحب المعرض الي يكاسر صاحب السياره
و صاحب السياره

صح

[تمون]

انا دخلت المعرض و صاحب المعرض الي هو صاحب السياره موجود
رحت له مباشرة قلت له بكم السياره الفلانيه قالي والله و اصلة المبلغ الفلاني بتفرق السومه بيبيعك راعيها ( الي هو نفسه شخصيا بس بالفيت ان راعيها شخص ثاني )
قلت له انت كلم راعيها اني بشتريها بالمبلغ الفلاني
قام هو اتصل لشخص وهمي على اساس ان الشخص هذا صاحب السياره و لما شفت تامين السياره و الملكيه تبين لي ان الي جدامي هو نفسه صاحب السياره
طبعا هو مايعرف اني اعرف اسمه و واجهته قلت له اشلون تقولي كلمت راعيها و راعيها هو انت ؟؟! تبلعم وقالي وانت وش دراك ان انا راعيها ؟؟!
قلت مب مشكله هو راعيها بس بخلص وياه تفاجات قالي عموله و تكاليف نقل الملكيه و تكاليف تنزيل الرقم انا ما ادري اذا فيه تكاليف اصلا لتنزيل الرقم ولا يبي ينصب بعد قلت له خلاص خل السياره عندك و طلعت
حسيت السالفه فيها نصب و احتيال

[Aaziz]

اهااا

اقول زين انك تركت الموتر ،، بصراحه تصرفه تصرف قبيح

[تمون]

اهااا

اقول زين انك تركت الموتر ،، بصراحه تصرفه تصرف قبيح

الخوف ان كل المعارض يسوون كذا هذي مصيبه

[فقط قطر]

الله. المستعان...والله اني اعرف واحد من اهل المعارض ما يحلف الا براس ولده...وياليته صاج...الا كذب وجمبزة...لين الله توفى ولده الله يرحمة .
الله يصلح حالهم وحالنا ان شاءالله..مافي احسن من الصدق والله..

[ابوالكلام]

لحد يشتري من عندهم خل سياراتهم لهم الله يخلي النت

[كنترول]

هذا سوق بتعيين الزين والشين واانا اشوف كل تصرفاته ممكن تمشيها لكن ينزل رقم مميز على حسابك
هذا اسمه عبط

[@north_star@]

للاسف انه كثير من المعارض حتى يعرضون السيارة مثلا راعيها يطلب 50 الف فهم يطلبون 60 مثلا وفوق هذا ياخذون العمولة ..واحسن شي سويته انك خليتله السيارة ومشيت لانه اذا هو راعي السيارة ليش ياخذ عمولة وبعدين تنزيل الارقام المميزة المفروض عليه لانه هو الي بينزل الارقام فالمفروض ينزلهم ويحطلك ارقام غير

[المحافظ]

البيع له شروط ، و اي غش هو حرام ، وماله حق ياخذ عمولة حتى لو انت وافقت ، لانك وافقت تدفع العمولة للمعرض بشرط صاحب السيارة شخص ثاني ، اما لما يكون هو صاحب السيارة فهذا ما يجوز ولا له حق انه ياخذ عمولة إلا في حالة وحدة بس انه تم الاتفاق على هالشي ، يعني قالك انه السيارة له و انه بعد بياخذ عمولة وانت وافقت.

للأسف احيانا تطلب في سيارتك 50 صافي و يبيعونها ب 60 وياخذون العمولة + الربح لهم وهذا لايجوز بس للأسف يصير ..

[المبرمج]

وعليكم السلام ورحمة الله وبركاتة ..

الحذر ثم الحذر من عالم السيارات المستعملة .. عصابة الله وكيلك تحصلهم في سوق بدل .
اخوي اصحاب المعارض الا من رحم ربي يجيك صادق .. ولا اغلبهم لف ودوران . في النهاية هو يفكر أنه يربح ماعليه من الشاري ان شاء الله يتوهق بالموتر .
ولعلمك البعض منهم يتلاعب بالعداد ويعرض الموتر على اساس انه ماشي قليل !!
لكن ماله حق يغش راعي المعرض .. يقول لك السعر واصل كذا وتحصل ولا حد سام الموتر

زين أنك تركت الموتر .. نص سيارات المعارض لك عليها .

الله يوفقك ..

[khaldoon]

انا لا اثق بالمعارض و ما اشتري مستعمل ولو فكرة فراح اشتري من الوكالات لانهم يهمهم سمعتهم من تجربة سابقة مع والدي رحمة الله عليه

[المحافظ]

بعضهم ويمكن اكثرهم يعتبر هالشي شطارة ، وهايشوف ان هالتصرف هو حرام و غش ، إلا من رحم ربك ..

واحيانا يستغلون طيبة المشتري و يقصون عليه ، فمثلا سيارة مصبوغة صبغ كامل يروحون الفحص معاه و يقولون فحص بدون صبغ و تطلع السيارة اوكيه و يشتريها الزبون .. ويعتبر هالشي شطارة ..