منع الموظفين من استخدام الجوال اثناء العمل

[الخيالة]

شرايكم انتوا في هالقرار؟؟
ان يمنعون الموظفين يستخدمون الجوال في فترة العمل

صحيح ان في ناس يستخدمون الجوال وايد ومايشتغلون وبيخربون علي الكل بس ان يمنعون مره وحده يا تري صح هالقرار ولي لا حتي ممنوع ان يودون الجوال معاهم الدوام او اذا ودوا السكيورتي بيشيك عند الباب وبيبلغ الادارة

انا عن نفسي أشوف ان صعب خصوصا ننطر مكالمه من اهالينا لاسمح الله يصير شي وفي النفس الوقت غلط اللي يستخدمون الجوال وايد اثناء العمل بس حق السوالف والأخبار في الفيس بوك وأمور عاديه


انتوا شرايكم؟

[(بوطلال)]

الراي يبقى الوضع على ماهو عليه .

[بن غيث]

وليش يمنعون
ليش ما يعالجون الخلل نفسه

انا شخصيا اكره فرض العقاب
وأفضل معرفة الاسباب ثم تغير بيئة العمل
والعوامل التي سببت في تكوين المشكلة

[الخيالة]

وليش يمنعون
ليش ما يعالجون الخلل نفسه

انا شخصيا اكره فرض العقاب
وأفضل معرفة الاسباب ثم تغير بيئة العمل
والعوامل التي سببت في تكوين المشكلة

السبب ان يقولون الموظفين ما يشتغلون وهذيله اللي جايين من بره يشتغلون في الدوحه وكل شخص عنده سامسونج بلاكبيري واكثر الأوقات يلعبون ويسوون شات واللي عايشين في الدوحه مع أهاليهم ومحتاجين الجوال عشان لاسمح الله صار شي يكلمون أهاليهم الام الاب خوات إخوان .... بس خربوا عليهم نزلوا قرار حق الكل

[روح الاطلس]

عملكم عسكري

الله يعينج

[ام ناصر1]

هاي الوضع احنا نعاني منه بعد ... بس الله اعلم من الصح من الغلط ...ومثل ماقالت ملكة في ناس تخرب على ناس ...بمسكتهم للجوال طول الوقت

[الخيالة]

اصلا في قانون يمنع استخدام الجوال اثناء العمل ولي بس علي حسب مزاج المدير؟؟؟ المدرا عادي والموظفين لا ومثل ما قلت ناس يخربون علي باقي الناس بس المشكله في حال مثلا حد من الأهل يتصل ومحتاجين شي ضروري لين يوصلون لي الخبر يمكن يكون عقب فوات الاوان

[همر]

عسى ماشر ... داشين صالة افراح ؟!!

شلون نهذر في المنتدى عيل ؟!! :shy:

طيب يمنعون التلفونات بس يخلون الايباد :shy:





اعتقد قرار مثل هذا لازم وضروري وحتما وقطعا يطبق

على موظفين الكاونترات الخدميه.. مب اروح اقدم طلب

الاقي الشيخ ولا الشيخه ماسكين البيبي وطايحين له

شات.. اكيد مايشيك على ايميل الشغل :shy:.. لان

الكمبيوتر بكبره قدامه :anger1: !!!

[alfaisaly]

قرار سلبي انا موظف علاقات عامه واعلام ومصروف لي علاوة بدل جوال وجميع شغل يعتمد عالجوال شلون راح يمنعونه مايصير لانه انا شغلي تنظيم الفعاليات والانشطه المختلفه سواء المؤتمرات وورش العمل والندوات الاقليميه فا لازم اكون على تواصل مع الشركات المعنيه لمثل هذه المحافل والفنادق لحجز القاعات والغرف للوفود القادمه من الخارج اشوف انه قرار سلبي وصعب يتم تنفيذه

[لبيبة]

قرار تعسفي، ممكن يشوفون لهم طرق ثانية منها لفت نظر او مكافأة للملتزم منهم او حتى اعلامهم بان هذا سيدخل ضمن تقييمهم للتقرير السنوي. بس مب منع مرة وحدة، الموظفين مب مسؤولين عن الوظيفة بس وعندهم اهل، وكذلك هم مب اطفال.

[ضوى]

اللي مايرده ذوقه واخلاقه مابيرده قانون ، ماشوف منه جدوى

[بوخالد911]

يستخدمه بشكل معتدل عقلاني

ولا يؤخر مصالح المراجعين

والله الموفق

[مسمس12]

خير الامور الوسط

استخدام للضرورة

[khalid525]

اذا موفرين لكم تلفونات ارضية اشوفه قرار سليم وياليت يطبقونه في كل مكان

[إكليل الزهور]

الجوال مهم جداً ، و مب عشان تقصير البعض يتعاقب الكل!

و الموظف اللي مايبي يأدي شغله بأمانة ماراح يأديه بأمانة فمافي فايدة من هالإجراء. و الجوال قد يكون سبب أو وسيلة للإهمال و التسيب لكن مب السبب الأول و الوحيد..فإذا منعوا الجوال بيستخدمون التلفون الأرضي و بيشغلونه ، أو بيتجمعون في مكتب واحد وبيهذرون، وبالتالي بيعطلون مصالح الناس..


فلابد ان رؤساء الأقسام و المدراء يتخذون الإجراءات اللازمة و يتدرجون فيها مع الموظف المقصر مثلاً بإنذار شفوي ، أو كتابي ... إلخ

لكن منع الجوال ما راح يكون بفايدة...

شكراً ع الموضوع

[&بوشهد&]

مافي امل

[شيخ الديرة]

فكرة جيدة، لا تجد من يصد ولا يرد في استعلامات المؤسسات والوزارات لأنهم مبتسمين عالبيبي ومكشرين عالناس

[نجدي قطري]

ذاك اليوم رحت البريد ومريت على الكاونتر علشان آخذ رسالة من اللي لازم الواحد يوقع على استلامها.
وأشوف اثنين من أهل قطر مندعسين داخل، وهات يا شات في الجوال. يبا غير بدل، ما رضوا يجونوا إلا عقب طلوع روح. ويوم يجيني الشيخ دوّر على رسالتي شوي، وعقت ما تعييز يقول لي تعال بكرة الصبح.
آنا طبعًا متأكّد من إنّه يبيني أرجع حق الهندي المسيكين اللي يشتغل بذمة وضمير الصبح.
ويوم أجي ثاني يوم الصبح وأثبت على الهندي من وين طلّع الرسالة أشوفه طلعها من مكان ما يبعد عن الأخ مال أمس إلاّ شبر ولا شبرين.
الحين بالله عليكم تسوى أراجع البريد يومين ورا بعض علشان رسالة طلعت مب مهمة والسبب الشيخ يبي يلعب آنغري بردز ولا يدردش على الجوّال.

مع وبكل قوة، لأن استعمال الجوّال بهالشكل صورة غير حضاريّة.
وعقبال ما يمنعونه على الطلاّب عندنا في الجامعة.

[عضو مشاكس]

صعب المنع مرات تنتظر اتصالات من الاهل او من حد ضروري
وشرايكم نمنع الكلام بين الموظفين بعد؟

[حسن]

عسى ماشر ... داشين صالة افراح ؟!!

شلون نهذر في المنتدى عيل ؟!! :shy:

طيب يمنعون التلفونات بس يخلون الايباد :shy:





اعتقد قرار مثل هذا لازم وضروري وحتما وقطعا يطبق

على موظفين الكاونترات الخدميه.. مب اروح اقدم طلب

الاقي الشيخ ولا الشيخه ماسكين البيبي وطايحين له

شات.. اكيد مايشيك على ايميل الشغل :shy:.. لان

الكمبيوتر بكبره قدامه :anger1: !!!





انا اويد كلامك ياهمر

وانا مع الراي اي موظف يتعامل مع الجمهور اتمني يمنع الجوال منه في فتره العمل الصراحه مرت ايام تشوف الموظف مع هل البلاك بيري شي سخيف جدا والعمل له احترامه
فانا مؤيد لمنع التلفونات من الا ستخدام وخصوصا السواقين والمفروض تفرض عليهم مخالفات مثل قطع الاشاره لاني اشوف خطورته متماثله تماما

انا مؤيد

[فريسيا]

لا بيكون ظلم شلون نتطمن على اعيالنا ممكن يمنعون سوى الاستخدام بس نهائيا صعبه عندنا اطفال نتابعهم غير الخدام والمدارس لو تعب ياهل شلون يتصلون في اهله ولا حتى في البيت حد لاسمح الله تعب ويحتاج تسعفه

[الخيالة]

يقولون اي حد يبي يطمن علينا ولي أهلنا اذا بغوا شي يتصلون كول سنتر يخبرون الموظف او الموظفه عاد يتكلمون انجليزي او عربي وأهمه بيخبرونا بس بعد أشوفها مب اوك هالطريقه اصلا ممنوع يودون معاهم نهائيا مب يحطون في ألشنطه ولي ع الصامت

[نيساني]

ياريت والله،

بس هالقرار راح يثير حفيظة اصحاب البرودكاستات!!!!!


وشكراًًً