كافوك باعني سيراميك بدل بورسلان...الحذر منهم

[khaldoon]

رحت محل كافود و طلبت من البياع بورسلان قشره مب بورسلان كامل ...البياع وراني بلاطه راكبة بالحيط و قالي. هذه بورسلان قشره و فعلا شريت

قالي لما تبي نجيبلك البلاط اتصل قبل خمس ايام
اتصلت قبل خمس ايام مثل الاتفاق قالي ما في سيارات و اخرني كمان يومين و انا ما اقدر اتاخر علشان لازم اسلم البيت القديم...

بسبب هالحركة هذه اضطريت اجيب البلاط بفلوسي و استاجرت سيارة لاحضار البلاط و رفعه للشقه.....البلاط احضره لي اللي بيركبه

اكتشفت يوم شفته انه مب بورسلان وانه سيراميك

اتصلت بالمحل و كلمت الموظف و صار يستهبل و بوقاحة و انه ناسي

كلمت مديره وقلتله الموضوع و انه لو ما عنده بورسلان بالسعر اللي ابيه لا يستهبل ويعطيني سيراميك و طلبت تعويض للحركه فقالي يا تيجي و تغير البلاط و نحاول نعوضك يعني مب اكيد يا المره القادمة

قلت له لو تبي تعوضني عوضني من الحين و الا اكيد ما في مرة قادمة و الا سواه موظفكم هو غش صريح و ما عندي وصف الطف منه

اعترفوا بغطلتهم بس ما فادوني بس

الحذر الحذر منهم

[مضارب دوسري]

من فتره حذرت من ان كل بضاعتهم سيئه جدا ماعدا الاطقم الانجليزيه طبعا والخلاطات

[khaldoon]

من فتره حذرت من ان كل بضاعتهم سيئه جدا ماعدا الاطقم الانجليزيه طبعا والخلاطات

للاسف ماشفت تحذيرك ...هذا اسمه نصب واحتيال وحلفت الا افضحهم و انشر السالفة للمدير و هذا اللي اسويه الحين
بارك الله فيك يااخوي

[مضارب دوسري]

الله يعوضك خير
المشكله خلاص كافود صار منبع للغش
من عقب ماصار يجيب نوعيات رديئه عشان يبيعها هنا بسعر رخيص والناس تجيه على اساس سيرته السابقه
وهو صاير فالحضيض ماعدا اطقم الانجليزيه والخلاطات
تصدق حتى الايدل ستاندر يقولك تبي مصري وسعره رخيص ولا اوروبي احسن شوي ولا انجليزي ممتاز :)

[مضارب دوسري]

فيه بورسلان صيني ينباع في نابينا حجمه ثلاثين في ثلاثين سعره 20ريال
اشتريته للمطبخ الخارجي
هو حلو بس المشكله حجمه
وفيه بورسلان ثمانين في ثمانين عند ارام سعره بعد الخصم يوصل 60ريال

وفيه عنده نوعيه روعه ب 96 ريال زيرو جوينت اشتريتها للبيت

[khaldoon]

الله يعوضك خير
المشكله خلاص كافود صار منبع للغش
من عقب ماصار يجيب نوعيات رديئه عشان يبيعها هنا بسعر رخيص والناس تجيه على اساس سيرته السابقه
وهو صاير فالحضيض ماعدا اطقم الانجليزيه والخلاطات
تصدق حتى الايدل ستاندر يقولك تبي مصري وسعره رخيص ولا اوروبي احسن شوي ولا انجليزي ممتاز :)

والله انك صادق....فعلا لانه محل قديم جدا فيظن انه يقدر يغش الناس و ماشي بسمعته القديمة

[khaldoon]

فيه بورسلان صيني ينباع في نابينا حجمه ثلاثين في ثلاثين سعره 20ريال
اشتريته للمطبخ الخارجي
هو حلو بس المشكله حجمه
وفيه بورسلان ثمانين في ثمانين عند ارام سعره بعد الخصم يوصل 60ريال

وفيه عنده نوعيه روعه ب 96 ريال زيرو جوينت اشتريتها للبيت

نابينا حصلت عنده بورسلان فل بدي يعني مب قشره بسعر ٣٥ ريال بس عيبه انه البلاطة صغيره ٣٠*٣٠
بالتوفيق ان شااالله

[Dream Team]

والله اسمحولي ياجماعه فأنا أخالفكم الراي

أرخص الأسعار ألاقيهم عنده .. طبعا لين أقارن نفس الأغراض ونفس النوعيه والصناعه

والمدير اللي موجود تحت في المعرض مايقصر .. رجال فيه خير ومعروف عنه انه مايقصر مع القريب والغريب

المعرض عنده الغالي وعنده الرخيص .. ولك حرية الاختيار

[khaldoon]

والله اسمحولي ياجماعه فأنا أخالفكم الراي

أرخص الأسعار ألاقيهم عنده .. طبعا لين أقارن نفس الأغراض ونفس النوعيه والصناعه

والمدير اللي موجود تحت في المعرض مايقصر .. رجال فيه خير ومعروف عنه انه مايقصر مع القريب والغريب

المعرض عنده الغالي وعنده الرخيص .. ولك حرية الاختيار

اخي انت تظن انك بتحصل على افضل البضاعة و بتقارنها بالمحلات الثانية بس اسمح لي اقولك انك غلطان لانك ما تعرف تقرر ان كان فعلا سيراميك و الا بورسلان

و بعدين المدير اللي تحت و اللي تتكلم عنه و يجلس جنب باب المحل .....ما فادني بشي و هو اللي شكيت له الموضوع و لو كان صادق و ما يبيني ازعل كان عوضني بدل انه يقولي المره الجاية بنعوضك.... ليش المرة الجاية ليش مش هذه المره ....و انا قلت له لو ما عوضتني هالمرة فأكيد ما في مرة جاية و هو اذن من طين و اذن من عجين او مثل ما تقولونها عمك اصمغ

الرخيص ينباع على انه بورسلان و هالكلام غير صحيح

[مضارب دوسري]

والله اسمحولي ياجماعه فأنا أخالفكم الراي

أرخص الأسعار ألاقيهم عنده .. طبعا لين أقارن نفس الأغراض ونفس النوعيه والصناعه

والمدير اللي موجود تحت في المعرض مايقصر .. رجال فيه خير ومعروف عنه انه مايقصر مع القريب والغريب

المعرض عنده الغالي وعنده الرخيص .. ولك حرية الاختيار

لا اسمحلي اخوي
في البورسلان والسيراميك فهو سيء جدا
تقدر تقارنه ب انصار سيتي
وانصار سيتي من وجهة نظري فالبورسلان والسيراميك افضل منه


اذا تبي كواليتي جيد جدا للارضيات عندك الضحى وسيراميك الخليج ونابينا وارام والعاصمه
هذولي الكواليتي جيد جدا والسعر منافس
اما النوعيات الممتازه
عند المتحده والعمودي واسعارهم نار

[بنكبيري]

نفس المشكله صارت لنا شرينا شي وصل شي تعبان مايتنظف حتى

[الزعفراني]

ليش ما اشتكيت عند حماية المستهلك ..

اهم شيء الفاتورة عندك وموضح فيها نوع البضاعة

[khaldoon]

لا اسمحلي اخوي
في البورسلان والسيراميك فهو سيء جدا
تقدر تقارنه ب انصار سيتي
وانصار سيتي من وجهة نظري فالبورسلان والسيراميك افضل منه


اذا تبي كواليتي جيد جدا للارضيات عندك الضحى وسيراميك الخليج ونابينا وارام والعاصمه
هذولي الكواليتي جيد جدا والسعر منافس
اما النوعيات الممتازه
عند المتحده والعمودي واسعارهم نار

بارك الله فيك يا الغالي على التوضيح الوافي

[khaldoon]

نفس المشكله صارت لنا شرينا شي وصل شي تعبان مايتنظف حتى

الله يكون في عونكم.....انبليتوا فيه

[khaldoon]

ليش ما اشتكيت عند حماية المستهلك ..

اهم شيء الفاتورة عندك وموضح فيها نوع البضاعة

والله يا الغالي الفاتورة مب مكتوب عليها ان كان سيراميك و الا بورسلان و حماية المستهلك ما راح تسويلي شي ...مكتوب رقم الموديل بس مثل اللي شفته على البلاطه بالمحل .....يوم وصلت المواد على البيت لقيت الكراتين مكتوب عليها سيراميك الخزف السعودي.....انا مب زعلان على النوع بالعكس النوع جيد و زين بس انا زعلان على الغش في تسويق السيراميك على انه بورسلان و قلت بنفسي والله الا افضحهم بالمنتدى وانا نبهتهم اني راح افضحهم بس عمك اصمخ

[باراكودا]

(طلبت من البياع بورسلان قشره مب بورسلان كامل )

ليش طلبت نوع قشرة ايش الميزة فيه يأخ خلدون .

[معماري قطري]

ملاحظاتي عنهم انهم يشتغلون بالبركة والزين مديرهم طيب ومتدين وما يقصر لو الواحد وصله .. بس بضاعتهم وتحزين البضاعة .. أوقات قطع ناقصة وقصة الروحة للمحزن كم مره هذي قصة ثانية.

كأسعار متوسطة أشوف المحل عنده بضائع كثير زينه بس يبي لهم يهتمون بالتسهيل على العميل والتخليص من المخزن بسرعة وتكون البضاعة كاملة مب قطع ناقصة بعدين يكتشفها الواحد.

[معماري قطري]

صباح الخير مهندس خلدون

تذكرتك أمس في الطيارة وانا متجه من الدوحة لعمان .. كان بالصدفة جنبي مهندس فلسطيني وطلع اسمه خلدون .. قلت عيل خلاص رفيجنا اللي ما صدناه في قطر صدناه في الطياره .. بس طلع مهندس كيميائي وله 6 شهور في قطر في شركة صناعة قراوت وحلول للخرسانة وكيماويات.

[ضوى]

بصراحة باقول تجربتي معاهم

اخذت من عندهم مغاسل اللي تجي بادراج وارفف ومرايات يعني فخمة ، لاحظت عقب شهر بروز انتفاخ اثر تشربه الماي ، طبعا في البداية سالت المندوب وقالي لا مايتأثر بالماي ، المهم صورت المغسلة ورحت لمديرهم ممدوح وماقصر لكن اكتشفت المشكلة في المغسلة ولازم اختار نوع ثاني لانه الخشب مب مضروب بالمادة العازلة اللي تجي بلمعة فورمايكا اعتقد جذي اسمها ، المهم انهم بيغيرونها لي بمغسلة ثانية من اختياري وبيرجعون لي المبلغ الزيادة الصراحة تعامل راقي وذوق واخلاق شكرا لهم

[معماري قطري]

بصراحة باقول تجربتي معاهم

اخذت من عندهم مغاسل اللي تجي بادراج وارفف ومرايات يعني فخمة ، لاحظت عقب شهر بروز انتفاخ اثر تشربه الماي ، طبعا في البداية سالت المندوب وقالي لا مايتأثر بالماي ، المهم صورت المغسلة ورحت لمديرهم ممدوح وماقصر لكن اكتشفت المشكلة في المغسلة ولازم اختار نوع ثاني لانه الخشب مب مضروب بالمادة العازلة اللي تجي بلمعة فورمايكا اعتقد جذي اسمها ، المهم انهم بيغيرونها لي بمغسلة ثانية من اختياري وبيرجعون لي المبلغ الزيادة الصراحة تعامل راقي وذوق واخلاق شكرا لهم

بس يبقى الشيء المهم اللي هو انبعتي بضاعة فيها عيب .. وركبتيها وبين العيب ودخلتي في متاهة بسبب رداءَة بضاعتهم وهذا شيء مب هين.

عن تجربة مع مختلف الشركات واجهت تقريباً نفس المشكلة مع شبيب وعلي العطية .. مع اني شريت منهم كمية كبيرة وكان المفروض يجهزونها وحتى تلطفاً يشحنونها للموقع لكن طلبوا أجيب سيارة، وما قصر المقاول هو عانى معاهم ونقل لي المعاناه .. على العكس المتحدة للتجهيزات وتدمر ما يقصرون في شيء حتى ولو البضاعة شيء بسيط.